هل احتاج أن اتناول أكل صحي حتى أقلل الدهون او أزيد العضل ..

[ابو دانا الحربي]

اعتذر عن عدم ترتيب الموضوع ولكن الموضوع كان راح يكون عن طريقة انشاء الجداول الغذائيه بالتفصيل .. ولكن لضيق الوقت ولطول الموضوع راح اختصره هنا على شكل نقاط .. واللي جاد بالاستفاده راح يكمل ويفهم الخطوط العريضه ..

قبل ماأبدأ .. كلنا نقول أنه اهم شيء باللعبه هو الاكل والنظام الغذائي .. ولكن للاسف غالبيتنا لايهتم فيه بشكل فعلي وجاد .. فتجده ينتهي يومه ولايعرف كم كالوري وفات وكارب وبروتين ولو بشكل تقريبي تناول .. وفي الاخير يقول ماشفت نتائج من هاللعبه على الرغم من دفعه مئات الريالات في المكملات

أول نصيحه تنقال لك لما تبي تخسس او إذا تبي تزيد عضل هي بإن تقلل الدهون وتبتعد عن الغازيات ولاتأكل من الفاست فود .. ولكن هل هذي النصيحه صحيحه ؟؟


النصيحه السابقه صحيحه اذا كان هدفك هو الصحه العامه .. ولكن غير صحيحه اذا كان هدفك هو التخسيس او زيادة العضل ..

جميع الاكل اللي امامك .. سواء كان فاست فود ودونات ... او كان صدور دجاج وشوفان ... كلهم تتكون من 3 أشياء تأثر على وزنك وعضلاتك واللي هي فات وكارب وبروتين ..

الصوديوم دائما يتم تجاهله في مسألة تقليل الوزن او زيادته .. حاول دائما يكون الصوديوم (وليس الملح لان الملح ليس كله صوديوم) .. بين 1500 و 2000 mg وقت التخسيس واذا رفعته الى 2500 mg وقت زيادة الوزن لامشكله .. الحفاظ على نسبة الصوديوم ثابته هدفها عدم تغير الوزن بشكل مفاجئ واللي ممكن يغش الواحد .. علشان كذا الواحد اذا بدأ يسوي ريجيم اول الايام ينقص وزنه بشكل كبير .. او بالعكس لما يبدأ يزيد وزنه اول الايام يزيد وزنه بشكل سريع .. دائما يكون السبب هو الصوديوم سواء بفقدان السوائل او باكتسابه ..


نرجع للموضوع .. الواحد يقدر ياكل فاست فود ودونات يوميا ويقلل وزنه .. وفي المقابل يقدر ياكل خضار وفواكه وصدور دجاج ويزيد وزنه .. في الاخير المهم كم كالوري اكلت يوميا .. علشان كذا الرجاء الاهتمام بالكالوري المفترض يكون هدفك الاساسي اذا كنت تبي نقص وزنك ...

أضافه .. مافيه اكله معينه راح تسبب تراكم الدهون في جسمك .. ولافي اكله معينه راح تقلل الدهون من جسمك .. يعني الخبز الابيض والرز الابيض والدهون المشبعه والحلويات والغازيات ليست المسؤوله عن زيادة الوزن اذا كانت سعراتك الحراريه في الاخير اقل من اللي جالس تحرقه ..

بخصوص الكارب السريع الاحتراق والكارب البطئ الاحتراق (طبعا فيه جدول مشهور يوضح نسبه كل كارب وسرعة احتراقه في الجسم ) .. هالجدول تم وضعه ليس بهدف تخسيس الوزن ولكن لمرضى السكر وللحفاظ على الصحه العامه .. حتى يتم الابتعاد عنه حتى لايتم رفع نسبة الانسولين في الدم بشكل سريع ..

سرعة رفع نسبة الانسولين في الدم ليس لها تأثير في تقليل او زيادة الوزن ..

الكالوري في جرام الكارب في الخبز الابيض = 4 كالوري هو نفسه الموجود في كالوري الكارب الخبز الاسمر والخضار والفواكه ... ايضا نفس الشئ الدهون .. الكالوري اللي في الدهون الموجوده في جرام من الفاست فود = 9 كالوري هي نفسها الكالوري الموجوده في دهون الاوميغا 3 ..

هل معنى كلامي انه يجب عليك انك تاكل فاست فود ودونات يوميا اذا كان هدفك الاساسي هو التخسيس فقط ... جوابي هو نعم .. نعم تقدر تنحف بالطريقه السابقه .. ولكن اذا هدفك التخسيس او زيادة الوزن مع الصحه العامه فكمل الموضوع معي

قبل مااكمل الموضوع .. اغلب مشاكل التخسيس وزيادة الوزن .. انه الواحد يبدأ يلخبط بين هدفه الاساسي واللي هو وزنه وبين فجأه صار يبي يحاظ على صحته بأنه يبي ياكل الاشياء المفيده فقط مما يؤدي الى الملل وعدم القدره على الاستمرار .. أيضا استغرب من شخص جالس يخسس لو تقوله كل خبز ابيض يرد عليك لا راح يزيد وزني .. ترد عليه وتفهمه بأنه لن يزيد وزنك .. فيرد عليك طيب راح يضر بصحتي .. وفي الاخير يدخل يده في جيبه ويطلع الزقاره ويولعها قدامك ..

نرجع لموضوع المفاهيم الجديده بخصوص النظام الغذائي ...

أشهر الانظمه الغذائه المتبعه حاليا هي ال if it fits your macros والل يختصر لها بـ IIFYM طبعا الماكرو المقصوده macros هي نسب الفات والكارب والدهون في اكلك بالاضافه للصوديوم والالياف .. يعني مثلا 100 غرام من صدر الدجاج الماكرو لها هو 25 غرام من البروتين 4 غرام من الدهون وواحد غرام من الكارب وفيها 25 ملي غرام من الصوديوم 0.5 غرام من الالياف ..

فكرة البرنامج بأنه لاينظر للاكل بانه يوجد اكل صحي واكل غير صحي .. ولكن ينظر لها من ناحية الماكرو فقط حتى يصل لهدفه سواء زيادة الوزن او تقليله ..

يعني تجده عندما يضع له هدف وبرنامج سواء للتخسيس او للزياده .. يضع رقم للماكرو اليومي المطلوب تناول .. يعني مثلا يحتاج يوميا الى 300 غرام من الكارب و 200 غرام من البروتين و 60 غرام من الدهون و30 غرام من الالياف وان لايزيد الصوديوم عن 2000 ملي غرام ... فتجده ياكل اي شي يوميا ولكن ماينتهي اليوم الا وهو محقق هدفه من الماكرو ..

طيب وش يختلف عن فكرة الاهتمام بالكالوري وكيف اصبح افضل للصحه بشكل عام منه ...
هو افضل للصحه العامه لانه يهتم بالنسب في الاكل علشان لايصبح اكلك معتمد كليا على الدهون على حساب البروتين مثلا او على البروتين على حساب الكارب ... الخ
أيضا افضل من ناحية اهتمامه بنسبة الصوديوم وتواجد الالياف في اكلك .. لما تاكل اكل يحتوي على الالياف علشان توصل للنسبة الماكرو المطلوبه بشكل غير مباشر راح تاكل اكل يحتوى على فايتمن ومعادن ..

معلومه اضافيه : أستغرب من شخص ينصح الاخرين من التقليل من الدهون سواء وقت الخسيس او سواء وقت التضخيم .. وخاصه للرجال وخاصه اكثر للاعبي كمال الاجسام .. جمعية القلب الامريكيه ال AHA لاتنصح الشخص العادي حتى يحافظ على صحته بتناول الدهون اقل من 20 غرام يوميا .. ولاعب الحديد يحتاج يوميا الى اكثر من هاذا الرقم بكثير حتى يحافظ على هرموناته حتى تعمل بشكل صحيح .. بعض الاشخاص للاسف يبتعد عن الدهون لدرجة تناوله اقل من 5 غرام من الدهون يوميا للاسف بسبب نصيحه شخص له بإن يقلل من الدهون ..

البرنامج الثاني للتنظيم الغذائي هو ال flexible dieting وهو البرنامج اللي اتبعه شخصيا

وهو نفس فكرة برنامج ال IIFYM ولكن بجعل نسبه من اكله صحيه (تختلف النسبه من شخص لاخر حسب قدرته).. يعني مثلا الواحد يقول راح آكل الماكرو المطلوب ولكن 70 % من الاكل راح يكون مصدره اكل صحي وال 30 % المتبقيه راح اكون حر بالاكل فيها سواء صحي او غير صحي .. يعني مثلا انا شخصيا احسب الماكرو يومياً اللي محتاجها ودائما اضع نسبة تقريبا 20 % من اكلي آكل فيها اللي اشتهيه سواء كان اكل صحي او غير صحي (يعني مثلا مااقدر افوت اكل آيسكريم شوكلت وقت العصر ) ..


أنتهى الموضوع ...


الواحد يتمنى انه يكون اكله صحي طول الوقت وطول السنه ... اذا تقدر ممتاز والله يقويك وكمل على كذا .. ولكن كثير منا ماتقدر والنفس ضعيفه وتشتهي تاكل على كيفها ... الهدف الاساسي من الموضوع انه علشان تخفف او تزيد وزنك لااحد يضحك عليك ويقولك الطريقه الوحيده لفعل ذلك هو بأنك تاكل اكل صحي .. لااااااااااااااااا تقدر تسويها بعكس ذلك .. الاكل صحي هي رغبه شخصيه تختلف من شخص لاخر حسب قدرته وعمره وصحته بشكل عام ..

بالتوفيق للجميع ..

[abohammed]

يعطيك العافية اخوي ابودانا
بس كلامك عن نظرية الأنسولين أشوف فيه شيء..
حسب علمي الهرمونات أيضاً تؤثر في اكتساب الدهن و فقدانه..
و نظرية الأنسولين اللي منها تطور تقنيات مثل Carb Cycle و دايت أكتنز و دوكان و غيرها.. نتائجها مبهرة! ولا تنظر للكالوريز إطلاقاً !
أنا أحول أجمع بين النظريتين.. نظرية الأنسولين و نظرية الكالويرز
و في شخص رياضي نسيت شو اسمه, له نظرية تقول
كُل بروتين + دهن,
أو بروتين + كارب,
لكن إياك تأكل دهن + كارب في نفس الوقت...............
و أشوف كلامه منطقي !
شو رأيك؟

[ابو دانا الحربي]

يعطيك العافية اخوي ابودانا
بس كلامك عن نظرية الأنسولين أشوف فيه شيء..
حسب علمي الهرمونات أيضاً تؤثر في اكتساب الدهن و فقدانه..
و نظرية الأنسولين اللي منها تطور تقنيات مثل Carb Cycle و دايت أكتنز و دوكان و غيرها.. نتائجها مبهرة! ولا تنظر للكالوريز إطلاقاً !
أنا أحول أجمع بين النظريتين.. نظرية الأنسولين و نظرية الكالويرز
و في شخص رياضي نسيت شو اسمه, له نظرية تقول
كُل بروتين + دهن,
أو بروتين + كارب,
لكن إياك تأكل دهن + كارب في نفس الوقت...............
و أشوف كلامه منطقي !
شو رأيك؟

نظرية الانسولين مالها دخل بالكارب سايكل ... الانسولين يخص الكارب السريع والبطيء الاحتراق .. الكارب سايكل برنامج لفقدان الدهون مع تقليل فقدان قوة الجسم والباور لان الجسم عند تقليل الكارب تبدأ تقل قوته وبالتالي تقليل كمية العضل المفقوده .. طريقته باختصار هي وضع ايام مثلا يومين او ثلاث يكون فيها الكارب قليل (قليل يعني بين 100-200 غرام من الكارب حسب وزنك) وبعدها يوم من الكارب الكثير (يعني تاكل كارب كأنك جالس تضخم في هذا اليوم مثلا فوق 350 غرام يوميا حسب وزنك) .. فماله دخل الانسولين مع نظرية الكارب سايكل ..

دايت اتكتز هي دايت هدفه الصحه بالاساس ولكن تستطيع ان تقلل وزنك بدون استخدام هذي النظريه .. ويجب أن تنظر اذا كنت تستخدمها للكالوري اذا تبي تزيد او تنقص وقتك .. مافيه اي نظام في العالم تستطيع ان تنقص وزنك اذا جالس تاكل اكثر من ماتحرق ..

اما مسألة الدهون مع الكارب .. اذا قصده لها فائده على الصحه فماادري عن هالنظريه .. ولكن اذا كان بخصوص الوزن فالمعلومه غير دقيقه للاسباب اللي ذكرتها في الموضوع ..

[StronGest]

السلام عليكم
موضوع شيق كالعادة اخوي ابو دانا
مربط الفرس الكالوري وحسابه ،،وهاذ شي كلنا نعرفه بس من عنده استعداد يحسب الكالوري كل يوم،،،صدقني شي صعب وأقرب للمستحيل ،الى اذا حياتك كلهابالمعلبات وميزان اكل وحوسه وهاذا اللي يخلي أغلبنا يسحب على الكالوري ،،،النصائح اللي تكلمت عنها تساعد عامه عشان تظبيط الجسم،،ونظريات وفلسفيات الدايت ولا عمرها راح تنتهي وكل يوم يطلعون شي جديد ويكذبون السابقه ،وفوق كل ذي علم عليم ،،أنا من خلال تجربتي زياده الكالوري من البروتين عمرها مازادتني دهون ،،عكس الكارب اللي اذا زدت الكالوري حقه تعرف وش يصير ،،اللي حاب أقوله كلامك 100% صح ،بس محد يقدر يطبقه على المدى الطويل ،،عشان كذا نحول على الاكل الصحي ونرفع نسبه البروتين،،حليب خالي الدسم صدور دجاج تونه ،،واليوم اللي تخرب فيه شويه كارديو والأمور تظبط ،،بالتوفيق يابطل

[ALI90]

موضوع جميل وانا ماشي على هالنظام صار لي حدود السنه

واستخدم برنامج my fitness pal

والوسطيه مطلوبه في كل شيء

[Boosha]

مشكور عالموضوع


لكن مثلا انا لاعب كمال اجسام ابحث عن التضخيم الصافي ( اقل نسبه دهون ممكنه )

هل يعقل ااني فقط اقوم بحساب الكالوريز ؟؟

اعتقد انه فيه فرق بين شخصين يضخمون ويتناولون نفس الكالوريز يوميا ... لكن الاول اكله كارب + دهون والثاني كارب + بروتين

راح يضخمون كلهم لكن الاول راح يضخم الكرش معاه بعكس الثاني

[beginner.]

أبو دآآنا مبدع كالعآآدة
وأنا دآآئما متآآبع لموآآضيعك القيمة
والله يعطيك ألف عآآفية ، معلومآآت حلوة وقيمة وبالفعل أنا ما أهتم بالأكل الصحي لأني ما أقدر أمسك نفسي من الفآآست فوود
ياليت بس تشفلنا طريقة نحسب فيها الكآآلوري !!

[ابو دانا الحربي]

أضافه نسيت اضعها في الموضوع .. هي عدد الوجبات ووقتها ..

ليس المهم كم وجبه تأكل او وقت الوجبه متى .. المهم انك تاكل الماكرو المطلوب منك ..
يعني ماتفرق .. تقدر تاكل 3 وجبات او 6 في اليوم .. ماتفرق من ناحية زيادة الدهون او تقليلها او بناء العضلات ...

ايضا وقت الوجبات .. ماتفرق يعني تقدر تاكل أكبر وجبه لك في الصباح الباكر او قبل النوم مباشره وماراح يكون فرق من ناحية الدهون والعضلات .. المهم اذا انتهى اليوم كم أكلت كالوري وكم حرقت ..


بالنسبه لطريقة حسب الكالوري والماكرو .. فالفكره والطريقه سهله نوعا ما .. الفكره يبيلها :

1- ورقة وقلم (أو جوالك او أي برنامج مساعد مثل my fitness pal ) ..
2- تحاول على قد ماتقدر ماتاكل شي الا تعرف كم يحتوى على كارب وفات وبروتين وصوديوم والياف ..

في البدايه راح تشوف انها صعبه وراخ تخبص في اول اسبوع .. بس بعد كذا راح تصير سهله وتقدر تستوعبها مباشره وتحسبها بدون الحاجه لاي شي ...

علشان تسهل الموضوع عليك حاول ماتكل شي الا ومكتوب عليه كم الكالوري والماكرو .. يعني مثل علب التونه والتوست والواي بروتين والشوفان والاجبان واللبن والحليب الفول السوداني ... الخ
أيضا الوجبات السهل حساب معلوماتها مثل صدور الدجاج (لانه يتوفر في السوق صدور دجاج جاهزه بحجم 100 غرام) والموز والستيك وشرائح السلمون والرز .. يعني بعد ماتطلبها بالحجم اللي تبيه (يعني مثلا 100 او 200 غرام من الوزن) تقدر تبحث في قوقل عن كم كالوري ومايكرو تحتوي بسهوله .. أو تشتري ميزان اكل وتحسب كم حجم الاكل المطلوب .. شخصيا مااستخدمته لاني مااحتجته ولكن اذا تشوف انه مناسب لك استخدمه ..

حاول الابتعاد على قد ماتقدر عن الاكل الصعب او المستحيل حسابه مثلا .. المثلوثه او الكنافه وغيرها ..

مااحد يقدر يحسب 100 % كم المايكرو اللي تناوله في اليوم .. ولكن ممكن تحسبه بنسبة 60-70 % بشكل صحيح في البدايه وتحاول تزيد النسبه بعد كذا ... يعني مثلا انا استطيع حساب المايكرو تقريبا بنسبة 90% يوميا ولكن في الويكند تقل النسبه ل 80 % ..


مثل انا فترة تضخيم راح احاول آكل كالوري تقريبا 2750 في اليوم .. تحتوى على 330 غرام من الكارب و 200 غرام من البروتين و 70 غرام من الدهون .. يكون من ضمنها 30 غرام من الالياف والصوديوم لايتجاوز ال 2500 ملي غرام في اليوم ..


اول ماقمت من النوم الوجبه كانت 2 سكوب بروتين وقطعتين من خبز البيغل .

الماكرو لها :

بروتين : 70
كارب : 150
الدهون : 5

بعد كذا الساعه تقريا 11 قبل الظهر .. تكون 2 ساندويتش فول سوداني (كل ساندوتش يحتوي على قطعتين خبز توست و 2 ملعقة فول سوداني كبيره ) :

الماكرو لها :

بروتين : 30
كارب : 90
الدهون : 32

بعد كذا وجبه الساعه 5 العصر .. تكون 200 غرام صدور الدجاج مقليه بملعقة كبيره من زيت الزيتون وأضفت عليها فلفل رومي ملون .. وقطعه واحده من البيغل :

الماكرو لها :

بروتين : 60
كارب : 75
الدهون : 17


بعد كذا وجبه بالوقت اللي يناسبني .. تحتوى على ايسكريم لندن بالاضافه لسكوب بروتين :

الماكرو لها :

بروتين : 32
كارب : 15
الدهون : 15


المجموع تقريبا 192 بروتين .. 330 كارب .. البروتين 69 ..

[ابو دانا الحربي]

السلام عليكم
موضوع شيق كالعادة اخوي ابو دانا
مربط الفرس الكالوري وحسابه ،،وهاذ شي كلنا نعرفه بس من عنده استعداد يحسب الكالوري كل يوم،،،صدقني شي صعب وأقرب للمستحيل ،الى اذا حياتك كلهابالمعلبات وميزان اكل وحوسه وهاذا اللي يخلي أغلبنا يسحب على الكالوري ،،،النصائح اللي تكلمت عنها تساعد عامه عشان تظبيط الجسم،،ونظريات وفلسفيات الدايت ولا عمرها راح تنتهي وكل يوم يطلعون شي جديد ويكذبون السابقه ،وفوق كل ذي علم عليم ،،أنا من خلال تجربتي زياده الكالوري من البروتين عمرها مازادتني دهون ،،عكس الكارب اللي اذا زدت الكالوري حقه تعرف وش يصير ،،اللي حاب أقوله كلامك 100% صح ،بس محد يقدر يطبقه على المدى الطويل ،،عشان كذا نحول على الاكل الصحي ونرفع نسبه البروتين،،حليب خالي الدسم صدور دجاج تونه ،،واليوم اللي تخرب فيه شويه كارديو والأمور تظبط ،،بالتوفيق يابطل

لا ليست مستحيله ولكن صعبه في البدايه .. ولكن الاهم إنك بدونها انت في الغالب جالس تضيع الكثير من وقتك وفلوسك في النادي ...

[ابو دانا الحربي]

مشكور عالموضوع


لكن مثلا انا لاعب كمال اجسام ابحث عن التضخيم الصافي ( اقل نسبه دهون ممكنه )

هل يعقل ااني فقط اقوم بحساب الكالوريز ؟؟

اعتقد انه فيه فرق بين شخصين يضخمون ويتناولون نفس الكالوريز يوميا ... لكن الاول اكله كارب + دهون والثاني كارب + بروتين

راح يضخمون كلهم لكن الاول راح يضخم الكرش معاه بعكس الثاني

الهدف من الموضوع انك تقدر تاصل لهدفك اللي وضعته سواء كان زيادة الوزن والعضلات او تقليل الدهون بدون الحاجه لان يكون اكلك صحي بالكامل ... وطبعا مثل ماتفضلت لاعب الحديد يهتم بالماكرو والكالوري اكثر عكس اللي يبي ينحف فقط واللي يهتم بالكالوري ..

ومره ثانيه لاعب الحديد يحتاج الى كارب + بروتين + دهون ... لاتنسى الدهون اذا تبي تحافظ على هرومناتك كلاعب حديد وحياة وصحه عامه ...

[ALI90]

ابودانا بالنسبه لـ

خبز البيغل

وين احصله ووش اسم البراند اللي عندك

[ابو دانا الحربي]

ابودانا بالنسبه لـ

خبز البيغل

وين احصله ووش اسم البراند اللي عندك

موجود في التميمي .. تلاقيه في قسم الثلاجات .. أعتقد انه مستورد وماادري وش اسمه بس هو الوحيد اللي عندهم ..

بس يالغالي تراه مافيه سر علشان تحرص تشتريه .. عندك عشرات ومئات الاغذيه اللي تقدر تضبط فيها الكالوري بدون الاعتماد على اكله معينه اذا انقطعت والا مالقيتها توهقت ..

نصيحه .. اذا رحت التميمي أو اي سوق تعود انك تجلس فيه ساعه او حتى اكثر .. تقلب في الاكل والكراتين تشوف كم كالوري فيه وكم الماكرو وهل يصلح لك وراح يساعدك في الوصول للماكرو المطلوب ..

[ALI90]

موجود في التميمي .. تلاقيه في قسم الثلاجات .. أعتقد انه مستورد وماادري وش اسمه بس هو الوحيد اللي عندهم ..

بس يالغالي تراه مافيه سر علشان تحرص تشتريه .. عندك عشرات ومئات الاغذيه اللي تقدر تضبط فيها الكالوري بدون الاعتماد على اكله معينه اذا انقطعت والا مالقيتها توهقت ..

نصيحه .. اذا رحت التميمي أو اي سوق تعود انك تجلس فيه ساعه او حتى اكثر .. تقلب في الاكل والكراتين تشوف كم كالوري فيه وكم الماكرو وهل يصلح لك وراح يساعدك في الوصول للماكرو المطلوب ..

اكيد في اشياء ككثير لكن من باب التجربه ونسبه الكارب فيه جيده

[eob717]

يعطيك العافية حجي..ما ابالغ لو قلت افضل و ابرك موضوع قريته بخصوص التغذية في كل المنتديات العربية

ليت البعض يستفيد من فهم السعرات الحرارية و تطبيقها في نظامه الغذائي, للاسف الواحد ممكن يحسب ألف حسبة فيما يخص جيبه و سفرته وما إلى ذلك..بس لمن يجي الموضوع على صحته و جسمه يقفل مخه و يبخل..ويدعي ان هالشي متخلف وغير قابل للتطبيق, بربك لو هالشي فعلا غير قابل للتطبيق..كان ماشفت فيه ابطال بالرياضه سواء بحديد وغيره...انا ما اجزم ان كل الرياضيين يتبعون نظام الكالوريز بس 70% منهم, هذا جسمك لا تبخل عليه!!! والموضوع بسيط جداً و ممتع..من خلاله تقدر تسوي full management لوزنك و لنسبة دهونك وحتى عضلاتك يارجل! ما تحتاج تشوفلك دايت وجبات وخرابيط مدربين ومنتديات.
يعني أقلها...تعرف انت بالطريق الصح او في الطريق الغلط..حسب هدفك تخسيس ولا تضخيم!

بخصوص الـmacros بذكر مثال او تجربة مريت فيها قبل اسبوعين كنت في نظام غذائي يمكن محد سمع فيه بالعرب, اسمه carb backloading
فكرته..لمن تصحى النوم إلى غاية وقت التمرين الي مفترض يكون المغرب, تمتنع عن اي كارب ما عدى الخضروات و الالياف, طول هالوقت تكون ماكل دهون و لحوم فقط لا غير...حتى المكمل الوي بروتين تمتنع عنه بسبب وجود الحمض الاميني الـleucine يحفز الأنسولين ويخرب عملية حرق الدهون..حاله حال الكارب 100%
بعد التمرين تقوم تفتح على الكارب وبالاخص الsimple carb مثل رز ابيض و خبز وبكميات كبيرة..ومافي مانع لو اكلت بيتزا او دونات وكيك...الغاية في هالفترة ترفع الأنسولين إلى اعلى حد حتى تتغذى العضلات بعد تجويعها من السكر في النهار.
المهم ما اطول عليكم بالكلام, صاحب الدايت مايعترف او مايهمه حساب الكالوريز على اساس ان جسمك بالنهار يكون حارق بالدهون وبحالة كيتونية..اكتشفت انا و غيري من طبق هالنظام قام يصير العكس..فيه زيادة بدهون الجسم! وسبب هالزيادة بكل اختصار هو اني اكلت كالوريز زيادة عن المطلوب
اذا خلاصة الحديث..لو سويت هالطريقة او سويت غيرها...في نهاية المطاف جسمك يتعامل بالكميات مايتعامل بالوقت او التايمنق للأكل..اي كمية زيادة عن هدفك توقع شي انت ماتبيه..مثل دهون بالبطن او الصدر!

اكلت كارب بالليل او بالنهار..مايهم,..لطالما معطيها حد معين باليوم "حسب هدفك"..ما من خوف باذن لله.

وترى مو من الضروري كل يوم تقعد تفتح الحاسبة وتقيس...هالشي بتسويه في اول اسبوع او اقل, بعدها انت بتفهم وتحسب تلقائي من مخك..كم جرام اكلت و كم كالوري وصلت!

وبخصوص الفاست فود او الوجبات السريعة, كل ما بعدت عنها انت بخير..يارجل كل ساندويتش من هالمطاعم يحتوي عالراحة 2000mg صوديوم! كمية مثل هاذي مفروض تتوزع تدريجي باليوم
غير الصوديوم..الدهون المهدرجة والكل عارفها وسامع في مضارها و تاثيرها حتى على الهرمونات و على حبيبنا التسترون..هالدهن ينزله لادنى شيء
في امريكا طبقوا نظام منعوا هالدهون من كل مطاعم الفاست فود..الا حنا يالخليج...كالعادة فار تجارب ولزال هالدهن موجود في مطاعمنا

يعني لو نبي نقول نظام macros لازم ننسى شي اسمه فاست فود...انا ما اعتقد ان حنا في مجاعة!! عشان لهالدرجة نروح نشتري تشيكن فيليه او دبل وابر..خلوا اكلهم العفن يخيس عندهم

[عاشق الميرنغي]

موضوع جميل جداً ..
يعطيك العافية يابو دانا.

عندي مداخلة بسيطة بخصوص وقت الأكل ، ما أتفق وياك إنه وقت الأكل غير مهم بالذات في عملية التخسيس.
إذا جيت تخسس لازم تحاول قدر الإمكان تكون وجباتك موزعة طول اليوم بحيث ما تحس بالجوع بتاتاً البتة ، لأنه إذا جسمك حس بجوع بيشغل نظام "المجاعة" يعني باختصار بيعتبر نفسه بمجاعة فراح يقتصد بحرق الأكل ، وبعدها رح تبطأ عملية الميتابولزم (عملية الأيض) وذلك رح يسبب في التقليل من حرق الدهون.
أنا هذا اللي قريته في مواقع أجنبيه ، لأني عانيت من مرحلة ثبوت الوزن اللي هي weight loss plateau وكان هذا سبب من الأسباب اللي خلت وزني يثبت بمكانه.
أما بخصوص تنظيم الوجبات وقت التضخيم فما عندي علم بصراحة هل مهم أو لا.

واللي يقول إن حسبة الكالوريز صعب وممل ، قوقل ما خلا شي ، اكتب اسم المادة الغذائية (صدور دجاج - كل أنواع الخضار - فواكه إلخ ...) ورح يطلع لك توزيع الماكروز بالتفصيل.
واجلس مع نفسك جلسة مطولة حتى لو اسبوع كامل أو حتى لو أكثر ، ورتب لك جدول غذائي زي التمرين ، يعني مثلاً سوا لك سبع جداول ، كل جدول يحتوي وجبات يوم كامل ، وتكون الوجبات تتوزع فيها الكالوريز والعناصر الغذائية الماكروز على حسب هدفك bluking أو cutting ، وكل يوم اختار لك أحد من هالجداول وامش عليه..

بهالطريقة رح تتعب في البداية وانت تجهز الجداول ، لكن تضمن الاستمرارية بشكل أكبر ، بحيث انك خليت في الوجبات الأكل اللي تحبه + الكالوريز والماكروز اللي تناسب هدفك + التنويع في الجداول + انسى موضوع التحسيب فإنت حاسبها وجاهز..

سلام عليكم ويعطيك العافية يا بطل على الموضوع المفيد