في عالمنا الصغير ( المنتدى )

[dante sephiroth]

ماتواخذني يا اخي انا خربطت ... بالرد السابق بحثت عن كل مواضيعك و انصدمت ان اول موضوع كان ب 2011 و هو عبارة عن معايدة لاعضاء قسم فاينل فانتاسي ( كان بآخر صفحة )
و هلا بعد ما شفت كلامك كترو الصفحات اول موضوع كان بنهاية 2007 و هو عن دسيديا .. بس متل ماتوقعت اول موضوع لك كان ناجح جدا
مظبوط كلامك اخي و انا ما عرفت كيف اوضح انني لست قديم او جديد ... انا وسط ( من ناحية عضو ... اما من ناحية الجيل فانا من الجديد )
على كل الاحوال .. هيك مواضيع تكررت كتير و ما كان في تغييرات كبيرة .. بس ياريت لو هالمرة يتم التغيير تماما و ان شاء الله يتحسن وضع المنتدى اشوي بعد ما كريس يوصل اوراق شكاوى الشعب الى داركتيب و يعملو الاجراءات اللازمة

[Arashi]

لأن الشي المهم اللي اغلب الناس ماتعرفه ان الهاتف النقال يحمل في الجيب ولا يحتاج الى كيبورد او شاشه او هاردسك او وصله كهرباء , كل شي موجود بقطعه صغيره طولها تقريبا كف اليد , عكس الكمبيوتر اللي يكون كبير و ثقيل والشخص مايقدر يحمله معاه وين مايروح

TRUE

عالاقل لو يتم تطوير نسخه محترمه للمنتدى عالجوالات بيتحسن الموضوع...جوفوا تروجيمنج وكذا منتدى طوروا نسخ عالجوال وامورهم طيبه (طيبه بالنسبه لهالزمن XD)

وهالكلام قلناه وعدناه من قرون لكن مافي فايده...هل تطوير نسخ الجوالات صعب؟

كل شخص صار يبغى مكان لنفسه هو الي يتحكم فيه و يجمع الناس حوله بدلا من انه يشارك " مع " الناس و إذا اشتهر ممكن يستفيد من شهرته ماليا من الأعلانات

مع الاسف...أكثر الناس صارت تطمع للشهره...أقلها تحصل مادري كم 100 لايك ومادري كم 100 تويت والاف المتابعين...تفكير غبي بالنبسه للحسابات اللي مالها هدف مفيد >_>
والاغلب ما يستفيد من الناحيه الماليه....مجرد اسم ينتشر سواءا بشكل ايجابي او سلبي....عادي يسب ويشتم ويحصل هو سب بس المهم الشهره

اهمية الاوسمة متل ما قال الاخ كارازان تماما فالاوسمة تشجع على النشاط

لاحظت في الفتره الاخيره الاوسمه ماصارت تعني شي لمعظم الاعضاء ولا حتى التقاييم فإيش الفايده من شوية صور gif في ملف العضو؟ :\
اللهم الجوايز الملايه شويييييييييي زادت النشاط فتره وحتى هاذي ماصارت تعني شي XD

الجوايز بشكل عام مب سبب اساسي لنشاط المنتدى...للمره المليون اقووووووووووول لازم يصير عدد الاقسام قليل...لكن بدل ما تقل صار عندك اختيار "المنتديات النشطه" و "المفضله" ومادري ايش...في البدايه قلت هالشي بخفف اللخبطه لكن يظل المنتدى كبير وملخبط في عيني @_@




بالنسبه لي انا موجوده من سنة 2006....لكن أحلى فتره عندي من بداية 2010...صح عدد الاعضاء شوي قل بس الناس كان دمها أخف والمشاركات بشكل عام وناس وخفيفه 3:
وبعد الحجب - اظن نهية 2011 - اخترب كل شي وكله بسبب قسم مابي اذكر اسمه لأن حصل عن غير قصد :\

[Karazhan]

وبعد الحجب - اظن نهية 2011 - اخترب كل شي وكله بسبب قسم مابي اذكر اسمه لأن حصل عن غير قصد :\

شوقتيني اعرفه وشنو حصل فيه





انا معاج ان يتم تقليل الاقسام , انا افضل ماتكون كل لعبه بقسم لوحدها , بالحاله هذي راح نفرق اللاعبين عن بعض وكل لعبه نجد اصحابها جالسين بقسمهم مايطلعون

لكن لو يصير قسم الالعاب كلهم مع بعض وكل لعبه لها موضوع مثبت والقهوه مثل قهوتنا في ووركرافت ايضا مثبته ويتكلم فيها كل قسم الالعاب راح تصير حركه والناس ماتلحق على الصفحات

بعطيكم مثال على الصفحه



شوفوا هذي الصوره فوق , هالمنتدى جمع كل الالعاب بنفس القسم وكل لعبه وضع لها موضوع ثابت والقهوه او مكان السوالف والنقاشات واحد

عكس لما تضع قسم لكل لعبه ولهم موضوع نقاشات خاص فيهم و مايطلع عليه وعلى كلامهم الا اهل القسم

طبعا بنفس المكان لكن تحت المواضيع المثبته تجي المواضيع العاديه والصوره ماتكفي اصورهم لكن المواضيع العاديه تتكلم عن امور ثانيه مثل لعبه جديده او وضع مقاطع افلام لألعاب

او استطلاعات او العاب غير مشهوره او مشهوره لكن محد بالمنتدى يلعبها مثل امل الشعوب و ترافيان او العاب الايفون clash of clan وغيرهم من الالعاب هذي

والقسم على حركه مستمره , ان ماتت لعبه تشوف القسم قائم بسبب الالعاب الاخرى.

طبعا من الصفحه الرئيسيه للمنتدى يتم حذف كل الالعاب والبنرات وتغيير الوضع من الحالي الى الجديد مثل هذا



واذا مثلا تبي تروح للقسم الخاص بالالعاب اللي في الصوره الاولى تضغط على قسم العاب RPG وتدخل على الصوره الاولى وتشوف كل لعبه مشهوره مثبته

طبعا اذا شاف المشرف او العضو ان في موضوع تابع لقسم لعبه يطلب من المشرفين تثبيته

يعني مثلا كل الالعاب ثابته و أحد الاعضاء او المشرفين شاف ان في موضوع يستحق التثبيت مثل حلول لعبه ميتل جير والاماكن السريه , اما المشرف يثبته او ان كان عضو يطلب من المشرفين تثبيته لما فيه مصلحه ونفع للناس

يعني الالعاب كلها تجتمع في قسم واحد بمواضيع متفرقه مثبته

لكن الحين اذا تبيون تقللون من الاقسام ماكو الا الدمج وكما قلت الاوسمه كل 3 شهور , مع اضافه وسام لعدد السنين مثل وسام اللي يحصل عليه العضو عن المركز الاول والثاني والثالث , اللي يكون ايقونه داخلها رقم , هذا الوسام بشكل جديد وداخله رقم السنه اللي جلسها العضو

يبدأ الوسام من السنه الثانيه وليس الاولى , يعني يجلس سنه بدون مايحصل على الوسام و السنه الثانيه يشوف عنده وسامين 1و2

لأن بعض الاعضاء يدخلون دعايه فقط وحرام يصرف لهم وسام , توقيف على طول

عمل شبيحه للمنتدى يعملون بالخفاء , عندهم صلاحيه تغيير اسماء الاعضاء و التوقيف , مهمتهم توقيف الدعايات وحذف مشاركاتهم و تغيير اسماء الاعضاء اللي تكون سئيه

وايضا يباشرون بقسم تغيير اسماء الاعضاء اللي يبي يغير اسمه منهم

وحذف الكلمات من المشاركات اللي تكون سيئه او مشاركات سيئه كلها او كلمه كتبها العضو وصارت بدليه وانقلبت الى كلمه سيئه يتم تعديلها او بالملف الشخصي للعضو

لأن لو شخص يشتم بقسم معين وهذا القسم المراقب غير موجود وطلبنا من مراقب من قسم اخر يحذف المشاركه المسيئه راح يقول اعذروني مااقدر اخاف يزعل علي مراقبكم

عموما انا ماراح اقول كل شي بالمشاركه هذي , لكن بعطيكم نبذه وانتوا كيفكم

انا طلبت من داركت تب قبل انه يقوم بتغييرات بالمنتدى و فعلا الرجل قام فيها مشكورا و كل ماتجيني فكره اقولها له ويطبقها اخرها الالقاب اللي تجي تحت اسم العضو لما يشارك اكثر وكل معدل مشاركات يحصل على لقب

الحين لو اقوله بعد عن افكاري اخاف يصطرني ويصكني توقيف , عاد اهو الوحيد اللي باقي ما صكني توقيف او ارسلي انذار توقيف

عاد انتوا روحوا قولوله عن افكاركم وشوفوا اهو يصطركم او يطبقها

اما انكم تتباكون هني وتقولون نريد كذا ونريد كذا , هذا ماراح يغير شي بالمنتدى

اذا تخافون منه روحوا وقولوله احنا جايينك من طرف كرزان اهو دازنا عليك , راح يضبطكم

[Karazhan]

توني يوم كتبت المشاركه فوق رحت اسوي قلاص شاي

وانا اغلي الشاي فكرت بمشاركتي فوق وقلت :

لو يجي اخ او اخت من الاعضاء ويقول يا كرزان , الحين انت تقول يجعل كل لعبه في موضوع مثبت , طيب الحين راح تكون اللعبه كلها في موضوع واحد عكس ماكانت زمان ان لها قسم خاص والقسم في اكثر من موضوع مثبت عن اللعبه

موضوع مثبت عن طريقه اللعب , موضوع مثبت عن الحلول , موضوع مثبت عن الشخصيات و الكلاسات , موضوع مثبت عن القصه

كل هذي المواضيع المهمه وين تروح ؟ هل نثبتها مع باقي الالعاب , اذا ثبتناها راح يثبتون ايضا باقي الالعاب مثل ووركرافت و فاينل فانتسي و ميتل جير وغيرهم وراح تكون المواضيع المثبته كثيره مايتحملها القسم اللي جمعت فيه كل الالعاب

اقول وبالله المستعان

ريلاسك و طولوا بالكم , هدأو من روعكم اخواني واخواتي

كل موضوع مثبت عن لعبه , وبداخل الموضوع كل شي عن اللعبه من قصص , حلول , عن الشخصيات والكلاسات

لكن هنا يأتي دور المراقب , مراقب اللعبه

بالصفحه الاولى للموضوع يقول المراقب ان هذا الموضوع هو للعبه ووركرافت مثلا , و من ثم يتم عمل الصفحه الاولى كفهرس

كل مراقب للعبه معينه يعلم نفس الشي , الصفحه الاولى تكون فهرس , كل مشاركه تتكلم عن قصه اللعبه او كلاس او شي مهم يأخذ المراقب رابط المشاركه ويضعها في اول صفحه و يكتب عنوان لها

مثلا يكتب قصه اللعبه ويضع الرابط , انت تضغط على الرابط وتنتقل عبر ملايين الصفحات فتجد نفسك في بدايه المشاركه للقصه

فهمتوا

موضوع سهل جدا

هنا تجد العضو والمراقب يعملون سويه

وطبعا المراقب يشاهد المشاركات يوميا والموضوع الجديد او حصري او او او يأخذ رابط المشاركه ويضعه في اول مشاركه للموضوع , يسوي يعني فهرس للكتاب

شكرا

[قزم سرقوه]

اتوقع ببساطة ان الجيل الجديد مايهتم بهالاشياء ببساطة يعني القزم الاول كان يحكي لنا انو قبل كان يعمل حلول للعبة تقارير اخبار يتابع مهرجانات طول السنة وتغطية يعني في خاطر لهالاشياء ، في حين نرى الجيل الجديد القزم الاخير يحكي انو مايعمل شي حتى لو لقى حل للعبة او شي يختم اللعبة ويروح ينام مايتعب حاله بكتابة تقرير عنها او يكتب حلول اللعبة . قبل كان القزم الاول يحصل على اوسمة او القاب او نقاط شي يحفز ويخليه فخور بحاله اما الجيل الجديد من الاقزام يقولك انا اعطيك اوسمة والقاب خليني بحالي بس ، يعني حتى عقلية الاجيال اختلفت ، مرة القزم الاول نصح القزم قبل الاخير قال له اعمل تقرير بمنتدى او اكتب خبر شي يفيد الناس وممكن تحصل وسام فرد عليه وقال هو الوسام للأكل ؟ يعني رده له ابعاد ايديولوجية لااساس لها

[Arashi]

انا معاج ان يتم تقليل الاقسام , انا افضل ماتكون كل لعبه بقسم لوحدها , بالحاله هذي راح نفرق اللاعبين عن بعض وكل لعبه نجد اصحابها جالسين بقسمهم مايطلعون

لكن لو يصير قسم الالعاب كلهم مع بعض وكل لعبه لها موضوع مثبت والقهوه مثل قهوتنا في ووركرافت ايضا مثبته ويتكلم فيها كل قسم الالعاب راح تصير حركه والناس ماتلحق على الصفحات

هذا المفروض يصير...حلاته مظهر المنتدى ببساطته...مب مثل الحوسه اللي نجوفها الحين -__-
تعرف وين المشكله؟ ان الاغلب ما يبون يتقبلون الواقع ولا يرضون بالتغيير
يبون المنتدى يظل على مظهره وقوانينه وكل شي مثل 10 سنين قبل
تعال قول لهم احذفوا قسم كأنك قومت عليهم القيامه O.o
لما طلبنا حف الاقسام الخامله ومدج الباقي وتخفيف العدد...جوف شلون...موجودين نفس ما هم على جبودنا بس توزعوا في ملفات او شي جذي...لخبطه زياده >_>
يعني مع احترامي لفئة الالعاب واقسامها...الصراحه ماله داعي لكل لعبه قسم لحاله لأن كل سلسله يادوب يصدر لها جزء يستحق النقاش كل سنتين 3 مره...لو ما نحسب الاخبار الفرعيه مثل اصدار قصص او فيغرز للعبه
لو كلهم يندمجون مع قسم العاب بكل انواعه واحد ويصيرون المراقبين تابعين لهالقسم بس بكون احسن
أساسا معظم الالعاب تصدر على كل الاجهزه منها البي سي
وبلاش قسم تحميل العاب البي سي...ماجوف احد مستفيد من هالمواضيع ولا احد مهتم
ومثل ما قلت...لو جاف المراقب ان في موضوع للعبه النشاط فيه كبير يثبته طول فترة النشاط وخلاص -_-

قسم الالعاب مجرد مثال...باقي الاقسام نفس الشي
يعني الترفيهي عيزت وانا اقول خل نحذف وندمج لكن مافي فايده >_>

بصراحه كنت بطلب استقاله لكن دام المنتدى ميت وانا ما ماقاعده اسوي شي قلت مب مهم اكتب XP
وفعلا ما قاعده اسوي شغل رقابه ولا تهمني الرقابه اصلا
ايش الفايده أتعب نفسي دام الاعضاء والمراقبين يقترحون حلول ما تتنفذ؟

فرد عليه وقال هو الوسام للأكل ؟

بالضبط X"D

[Karazhan]

الظاهر والله اعلم ان كل الصلاحيات عند داركتب

اذا كان حتى المراقبيين باللون الاحمر مايقدرون يعدلون اقسامهم

بالحاله هذي راح يتعب الاستاذ داركتب واهو يعيد المنتدى من اول وجديد

لازم يعطي صلاحيات لبعض المشرفين عشان يساعدونه

واذا طول بالغياب انا اقول تسوون عليه انقلاب , كريس اعلى رتبه الحين , يصك داركتب توقيف وينتهي الامر

لازم حل جذري يااخوان , لازم تدمج الاقسام مثل الصوره اللي حطيتها وكل لعبه لها موضوع خاص وليس قسم

وانا بصراحه ماادري شنو المطلوب بقسم الترفيهي وشنو تبون بالضبط لكن افكاركم قولوها لدراكتب واهو يسويها بدون يقول ليش و شحقه


ثاني شي عندي سؤال لكل المتابعين للموضوع واتمنى كلهم يجاوبوني

منو فيكم يشتري من الانترنت مثل موقع ebay و amazon وغيرهم , منو عنده بريد في امريكا او بريطانيا وغيرهم ؟

فيكم احد مهتم بالامور هذي ؟

[demon king]

انا ضدكم في الغاء اقسام الالعاب
كل الالعاب الكبيرة لها قسم لان لها كثير مواضيع ولو وضع هذا بتصير لخبطة كبيرة خصوصا المواضيع القديمة الكبيرة

الي انا اقترح في قسم الالعاب دمج قسم فانيل فنتاسي معا فاينل فنتاسي اونلاين
ودمج اقسام اجهزة الالعاب في قسم واحد معا

النقطة الاهم المنتدى يحتاج مراقبين ومشرفين

فيه كثير منتديات من دون مراقبين وفيه منتديات المراقبين ماعرف ماتوا تركوا المنتدى وماحد يعرف

زي قسم الالعاب المراقب حقه Tetra له قرابة السنة من اخر دخول له

صراحة يشباب المفروض المراقب اذا امضى اكثر من ثلاثة منذ اخر دخول الى المنتدى يتغير
معا احترامي لكل المراقبين لكن بعضهم ماسمعنا عنه شيء واقسامهم فارغة اقدر اروح لقسم المصارعة واكتب موضوع
عن اساسن كريد وما حد رح ينتبه

واذا قلت لواحد من اصحاب اللون العنابي او الاحمر افزع قال
مابغى ازعل مراقب القسم

صراحة هذا الكلام ماينفع في حالة غياب صاحب القسم المفروض يفزع واحد من المراقبين العامين لالقسم

وزي ماقلنا المفروض تعين مراقبين جدد ومشرفين عنابيين او حمر
لان العنابيين ماعد باقي الا كريس

والحمر اراشي واريس اما الباقين يدخلون ثلاثة ايام وغياب خمسة شهور

[Arashi]

اظن المشرف العنابي ما يقدر يوقف دارك XD
بس عنده نفس صلاحياته تقريبا واظن يقدر يعدل الاقسام @.@

ومب بس الالعاب والترفيهي....حتى الرسم مثلا محتاج يكون قسم واحد وخلاص...لين اليوم عيني تفتر وانا احوس فيه >_>
ونفس الكلام مع كل الاقسام المفرعه

منو فيكم يشتري من الانترنت مثل موقع ebay و amazon وغيرهم , منو عنده بريد في امريكا او بريطانيا وغيرهم ؟

فيكم احد مهتم بالامور هذي ؟

انا وعندي بريد في كذا دوله...ليش؟


---------------------

انا ضدكم في الغاء اقسام الالعاب
كل الالعاب الكبيرة لها قسم لان لها كثير مواضيع ولو وضع هذا بتصير لخبطة كبيرة خصوصا المواضيع القديمة الكبيرة

الالعاب الكبيره ما عادت كبيره مثل اول...وحتى لو نزل لها جزء محترم تحصل بينه وبين اللي عقبه كم سنه...فالقسم ينام لين ينزل خبر بجزء يديد ._.
وعلى فكره...90% من اعضاء قسم الالعاب تركوه بسبب عدم تنفيذ طلبهم بدمج الاقسام (ما كان السبب الاساسي التهكير عالمنتدى)
وفتحوا لهم منتدى خاص بقسم واحد للألعاب ومشى تمام وقفل بعدين...ولجؤوا لتروجيمنج وايضا الالعاب قسم واحد فقط ولين اليوم اموره طيبه

والمراقبين...الصراحه نطلب استقاله بس محد يعطينا ههههه فاللي غابوا فتره اغلبهم طلبوها بس دارك مب راضي XD
دام ماعنده مانع نقعد بدون شغل فمب مشكله عندنا ^^"
انا اشارك في كم موضوع للتسليه ولو مريت على غلط أحذف...لكن مافيني حيل احوس في منتدى معفس وادور المخالفات >_>

وتعيين مراقبين أمر مستحييييييييييييييييييييل
محد يبي يراقب اصلا...كل ما عرضناها على احد رفض...المنتدى ما يشجع
وعضويات الدعايات مليانه مب ملحقين نمسكهم بسبب ان المنتدى كبير عالفاضي
لازم نقلص عدد الاقسام قد ما نقدر...نرجع بالمنتدى للصفر نفس ما بدا اول مره بعدد محدود من الاقسام

عادي وا ظلينا بخمس أقسام او 6
بس شوي شوي تتحسن الامور ويجي كل عضو بنفسه يطلب قسم هو يشرف عليه ويوعد بالاهتمام فيه وتنشيطه
نعيد نفتح هلاقسام من يديد وتكون الامور طيبه

واخيرا كل اللي كتبته يجي تحت عنوان "حلم ابليس بالجنه" XD

[قزم سرقوه]

اقترح واشوف الحل المناسب هو ينقفل المنتدى ويبيعو الدارك تيب على الاقل يربح فيه شوية كم يجيب هو اصلا
لو باعو من جهة يربح فيه ولو عنده ديون او تقسيط لسيارة يسدده ولو حد سلف له دولارات اللي ينحطو بماكينة الشوكولاته والمشروبات تدخل القطعة النقدية يطيح لك تويكس او شوكولاته مارس
ولو حاب يتزوج ثاني او يتزوج على مراتو يلقى فلوس ربحها من المنتدى يعني في اشياء كثير يستفيد منها

[demon king]

ومب بس الالعاب والترفيهي....حتى الرسم مثلا محتاج يكون قسم واحد وخلاص...لين اليوم عيني تفتر وانا احوس فيه >_>
ونفس الكلام مع كل الاقسام المفرعه

اراشي الظاهر انك متاثرة بتروقيمنق لان المنتدى العام عندهم فيه مشاكل لان كل شيء فيه

رسم سياسة مسلسلات افلام مصارعة الخ ...

هذه مشكلة كبيرة لان في بعض احيان ادور على موضوع لمسلسل واتعب وانا ادور لانه فيه سبعين الف موضوع
لكن لما كل صنف له موضوع بتكون الاوضاع احسن

الالعاب الكبيره ما عادت كبيره مثل اول

معاك فعشان كذا انا ارى انه يفتح قسم جديد ل الالعاب الكبيرة الجديدة مثل اساسن كريد


انا بين مسجل في تروقيمنق التفاعل عندهم رهيب

لكن انا ارى انه الية الترتيب هنا افضل
لانه فيه اقسام خاصة عن بعض العاب

على عكسهم فاذا كنت اريد الموضوع الرسمي عن ffxv
باتعب وانا ادور لكن هنا ادخل قسم فاينل واجد الموضوع في الصفحة الاولى

انا اشارك في كم موضوع للتسليه ولو مريت على غلط أحذف...لكن مافيني حيل احوس في منتدى معفس وادور المخالفات >_>

ماحد طلب انك تكوني دورية شرطة
هنا ياتي دور العضو القسم يبلغ المرور في حالة غياب مراقبهم

لازم نقلص عدد الاقسام قد ما نقدر...نرجع بالمنتدى للصفر نفس ما بدا اول مره بعدد محدود من الاقسام

عادي وا ظلينا بخمس أقسام او 6

باعطيك فيما بعد قائمة عن الاقسام التي يفترض ان تدمج

[Karazhan]

خلاص انتي ترفعين للعنابي و معاج ايرس "هذا ان كنتوا تعرفون بالتعديل داخل المنتدى" ومعاكم كريس

ومن ثم تنفضون الغبار وتعيدون المنتدى مثل ماتشوفون من دمج و حذف و اضافه

ثم تسوون جرد على المراقبين اللي ما يداومون واي مراقب اخر دخول له قبل 3 شهور ينزل من الرقابه و تحطون قانون للمراقبين ان اللي ما يدخل بالاسبوع مره فخلال شهر اهو عضو عادي

يعني شهر كامل ما دق كرت ينزل من الرقابه

ثم بخصوص مواقع مثل ebay و amazon وغيرهم نعمل قسم للتجاره الالكترونيه , خاص بواقع التجاره العالميه وكيفيه الشراء منها وعمل بريد في امريكا وبريطانيا و شركات الشحن وما الى ذلك

لأني لاحظت ان كثير من الشباب بالوقت هذا صاروا كله يشترون من بره وتركوا الاسواق اللي عندهم

ويكون هذا بدل قسم "منتدى البيع والشراء"

[قزم سرقوه]

ثم بخصوص مواقع مثل ebay و amazon وغيرهم نعمل قسم للتجاره الالكترونيه , خاص بواقع التجاره العالميه وكيفيه الشراء منها

قبل مانعمل قسم لطريقة الشراء من هالمواقع ، نعمل قسم لطريقة وكيفية تجيب فلوس لتشتري من هالمواقع ، هاهم المواقع والمحلات قدامك والفلوس فين منين نجيبها . خلينا من شغلات عيال التجار

نمشي حبه حبه وخطوةخطوة دكه دكه

خلينا بالتقسيم اول وطريقة توزيع الاقسام

[Arashi]

اراشي الظاهر انك متاثرة بتروقيمنق لان المنتدى العام عندهم فيه مشاكل لان كل شيء فيه

رسم سياسة مسلسلات افلام مصارعة الخ ...

هذه مشكلة كبيرة لان في بعض احيان ادور على موضوع لمسلسل واتعب وانا ادور لانه فيه سبعين الف موضوع
لكن لما كل صنف له موضوع بتكون الاوضاع احسن

ما متأثره بشي بس هذا هو المطلوب الحين...عدد قليل من الاقسام XD
والدليل نجاح المنتديات ذات الاقسام القليله وخمول ذات الاقسام المتشعبه
تروجيمنج ومنتدى المنتدى مب المثالين الوحيدين...النت مليان أمثله

وما قلنا نحذف كل الاقسام وتصير كلها مواضيع....بس الاقسام اللي مافيها نشاط
الحين على سبيل المثال الالعاب...ميتال جير وفاينال كم موضوع لهم ينفتح كل شهر؟ وكم لعبه تنزل لهم كل سنه؟
مب كأن لكل لعبه فيهم قسم لحاله وايد؟ (ما أقلل من نشاط الاعضاء هناك ولا المراقبين لكن الوضع تغير)

أو قسم الرسم...ايش حاجتنا لقسم التحديات والدروس والملتقى والمانجا؟
كل شي ممكن يكون في فسم واحد باسم الرسم وخلاص

او الترفيهي يكفي يكن قسم الالعاب (اللي متنحسب مشاركاته) وقسم الملتقى (عشان تنحسب المشاركات للمواضيع المفيده) <<< ولو ان ودي يصيرون قسم واحد

او الادوبي اللي مليااااااااان اقسام ويكفي يكون (مثلا) قسمين واحد عام والثاني لتحميل الخامات والبرامج

والاقسام اللي لازم تختفي نهائيا لأن مافيها مشاركات غير روبوتات مزعجه مثل البيع والشراء والسفر والرياضه (تبع الكوره) والسيارات و و و و و و

أنا أتخيل المنتدى يكفي بهالشكل (أتخيل ما أفرض أوكي؟ XD)

العام
الاسلامي
الروايات
الترفيهي
الطبخ (مادري اذا ليحلين ناس تارك ولا لا!)
الأنيمي والمانجا
الألعاب
الأدوبي
الرسم


وكلهم بدون تقسيمات
يظل العدد كبير بالنسبه لمتطلبات هالزمن بس افضل من الزحمه اللي احنا فيها >_>

مره اخرى...هذي مجرد أمثله انا لا قاعده أفرض ولا أقترح شي لأن ادري مافي فايده من الكلام

ماحد طلب انك تكوني دورية شرطة
هنا ياتي دور العضو القسم يبلغ المرور في حالة غياب مراقبهم

مب انت او أي عضو يطلب هالشي...دارك هو اللي يبغي هالشي لما يعين مراقب عام ^_^
وأساسا مافي فايده من التبليغ لأن عدد المواضيع الدعائيه اكبر من عدد اعضاء المنتدى حاليا XD
والاهم ان عدد الاعضاء أقل من عدد الاقسام فوين يبلغون عن كل قسم؟

باعطيك فيما بعد قائمة عن الاقسام التي يفترض ان تدمج

لا تتعب نفسك لأن ماراح يتغير شي حتى لو وصلت قائمتك لدارك




بختصر عليك الامور في كم نقطه...انت مسجل في 2013 ويمكن متابع المنتدى من قبل الله أعلم...لكن اللي يحصل هني كالآتي:

-المنتدى كان يحتاج لأقسام أكثر بسبب كثرة الاعضاء وكثرة الميول والاهتمامات...كانوا بالآلاف...لكن الحين يادوب عندنا 10 اعضاء نشيطين لو مب أقل...ايش حاجتنا لكل هالاقسام؟ وهالـ10 ميولهم مختلفه ما يشاركون كلهم في نفس الاقسام

-المراقبين المتواجدين حاليا اما طلبوا استقاله وما عطوهم وتركوا المنتدى...او يشاركون لكن حجم المنتدى والفوضى فوق طاقتهم

-معظم الاعضاء اللي تركوا المنتدى كانوا يبون تقليل عدد الاقسام بالأخص الالعاب...فكيف نزيد عدد الاقسام وهالشي مرفوض من قبل الغالبيه؟

-دارك اما ما راح يقرا كل رد في هالموضوع او يقرا بس ما بغير شي وانا مادري ايش ظروفه فماقدر أحكم

-هالموضوع انفتح مليون مره والمنتدى حاله يسوء كل فتره

-الاعضاء الجدد (انت ودانتي وكلكم) ما مقصرين بالمواضيع والمشاركات لكن تحتاجون تتجمعون في مكان صغير عشان يكون نشاطكم ظاهر للجميع مب مدون وسط معمعة الاقسام! << خليتها بالاحمر لأنها الاهم


واساسا تقليص الاقسام هو عشان نشاطكم يظهر للناس بالأخص زوار المنتدى من الاعضاء القدامى (زوار لأنهم ما ما يشاركون)...لأني لاحظت أكثر القدامى يدخلون يمجدون بربعهم اللي تركوا المنتدى وان كان لهم تاريخ والمنتدى ممل بدونهم ومادري ايش ولا معترفين بالاعضاء الجدد...ظلم في حق الجدد صراحه لأنهم سجلوا في فتره صعبه للمنتدى...القدامى كانت لهم فرص اكثر لأن المنتدى كان بخير...انتوا تقدرون تنعشونه شرط أسماءكم تبرز مب تندفن تحت هالفوضى

اذا تبغون أقسام أكثر لازم تضحون بالأقسام الحاليه عشان تنعشون المنتدى وعقب ترجعون تفتحون الاقسام حسب حجم الطلب عليها....اما الحين فما ينفع تفتح ربع قسم زياده



عارفه كلامي محبط لكن هذا هو الواقع...اما نتقبله ونواجهه ونضحي بكم شي او نسكّر هالموضوع لأن مافي حلول ثانيه...جربنا كل شي ):

خلاص انتي ترفعين للعنابي و معاج ايرس "هذا ان كنتوا تعرفون بالتعديل داخل المنتدى" ومعاكم كريس

ومن ثم تنفضون الغبار وتعيدون المنتدى مثل ماتشوفون من دمج و حذف و اضافه

تتوقع دارك بخلينا؟ XD


فكرة البديل للبيع والشراء ممتازه...ممكن نبدا فيها كموضوع مثبت في العام مثلا ولو نجحت تتحول لقسم ^^

[Karazhan]

قبل مانعمل قسم لطريقة الشراء من هالمواقع ، نعمل قسم لطريقة وكيفية تجيب فلوس لتشتري من هالمواقع ، هاهم المواقع والمحلات قدامك والفلوس فين منين نجيبها . خلينا من شغلات عيال التجار

نمشي حبه حبه وخطوةخطوة دكه دكه

خلينا بالتقسيم اول وطريقة توزيع الاقسام

ترى بصطرك

لو في طريقه تجيب فلوس تتوقع راح اقولكم عنها ؟