شوفي يا اخت اراشي , انا اتوقع دارك راح يدخل ويقرأ وكل شي
مع اني ادري انه قرأ وخلص لأن عنده اكثر من عضويه يدخل فيها لكن بالنهايه شنو راح يقول ؟
اتوقع راح يقول كلمتين يقنعكم فيهم وينتهي الامر
مثلا راح يقول ان المنتدى تابع لشركه رمال وان اهو المشرف اللي وضعوه للمنتدى وان مايقدر يرفع احد ويعطي صلاحيات اوسع بسبب ان الشركه ترفض هذا الشي
لكن اذا كان اهو صاحب رمال او عنده صلاحيات ويقدر يعطي المشرفين صلاحيات اوسع بدون مشاكل فأنا اطلب ان يعطيكم صلاحيات من خلالها تديرون المنتدى من الالف الى الياء
اهو انا اعرفه انسان محترم واخلاق عاليه و صدره وسيع و هذا عرفته من خلال تواصلي معاه خلال سنين مو يوم او اسبوع
فأتنمى ان يسمع كلامي بعد هالمره ويبطل سياسه االمشرف الاوحد ويخليها لكل المشرفين العنابيين انهم يعملون بالمنتدى خصوصا وان المرشحين لهذه المناصب ناس معروفين ولهم انجازاتهم بالمنتدى
مو جايبين ناس من بره , جايبين ناس من المخلصين للمنتدى مثلج ومثل ايرس و كريس اللي انجازاتكم محد ينكرها للمنتدى واهل المنتدى
مو معقوله ان يكون المشرف العادي اللي باللون الازرق و اللون الاحمر والعنابي مثل الصلاحيات ويختلفون بس باللون , والصلاحيات فقط ان العنابي يقدر يوزع اوسمه
انا في طلب سابق لي و تم تطنيشه طبعا ان يكون مشرف القسم عنده صلاحيات توزيع الاوسمه , مو يروح يبحث عن عنابي ويقوله لو تكرمت اصرفلي كم وسام اوزعهم على الشباب
واذا كان المشرف هذا ما يمون على العنابي ويستحي منه وماكو غيره هالعنابي بالمنتدى شنو يسوي صاحب القسم
الحين ماكو الا كريس , لو ما يدخل كريس محد ياخذ اوسمه
انا الحين ماادري اذا اللون الاحمر يعطي اوسمه او لأ لكن المشكله ان هالالوان والمسميات بس فرقها انها تعطي اوسمه ؟
لذلك انا بكلم دارك الحين وبرسله رساله خاصه وبقوله يرفعكم انتي و ايرس ويعطيكم مع كريس صلاحيات اوسع من اللي عندكم و بشوف يرد علي او يطنش
اهو اخر مره طلبت منه يغير اسمي و طنشني , لكن هالمره راح اصير عظم في بلعومه , ماراح اهده الا لما اشوف الامر تحقق او نصل الى طريق مسدود و اقولكم ترى ماكو فايده و عيشوا على ماانتم عليه
بس بقوله انا متواجد بالمنتدى كل يوم ما غبت ولا يوم الا لما تكون عندي ظروف خاصه وكل يوم ادش المنتدى و اعرف منو اللي يدخل كل يوم ومنو اختفى
انا ماطلبت منصب بالمنتدى حتى اللون الذهبي هذا ماطلبته و قلت مابيه لكن عطوني بالغصب , صج اني قلت ابي اسمي باللون الاخضر وعندي صلاحيه تغيير الاسماء عشان اغير اسمي كل يوم و اغير الاسماء المخالفه للأعضاء المسجلين
لكن ادري ان مستحيل يصير
لكن عالاقل اخذ مني الكلام واسمع مشورتي لك , ضغطت زر منك وينتهي الامر
وهالطلب مو مستحيل ترى ان يخليكم عنابيين , عالاقل يعوض العنابيين اللي راحوا
ابو راشد كان عنابي و راح
فاينل فانتسي عنابي و راح
كاست عنابي وراح
عوض هالعنابيين و حط عنابيين جدد عشان يباشرون ويستمرون بالطريق , ماكو الا كريس و كل الضغط عليه , اهو بروحه ماسك قسم رزدنت ايفل و المنتدى العام و ماكو الا اهو يوزع الاوسمه يعني الرجل مضغوط من كل جهه خصوصا ان هالقسمين من الاقسام النشطه
لو يتوقف كريس عن نشاطه فيهم راح يتوقفون على طول
لازم تشد ازره وترفع معاه ناس تساعده
انا قلت كلامي والباقي عليك , فكر وشوف شنو يطلع معاك