المشاركة الأصلية كتبت بواسطة ابو دانا الحربي
اذا كنت تعتقد ان صاحب هذا الحساب jaberfittips في انستغرام بأنه شخص طبيعي .. فأنت شخص تحلم حلم جميل نهايته صادمه
..
في بداية لعبي للحديد كنت مهتم من هو الطبيعي ومن هي غير الطبيعي .. بعدها اصبح لايهمني الامر .. بالعكس اتابع اشخاص فتنس مشهورين واهتم باخبارهم على الرغم من معرفتي بانهم يستخدمون كميات كبيره من السترويد .. ولكن اهتمامي بهم مثل اهتمامي بالسيارات السوبر كار مثل البوقاتي والفيراري .. الخ .. اهتم فيها واحتفظ بصورهم واتابع اخبارهم وانا اعرف انه مستحيل أني اقدر اشتري وحده من هالسوبر كار
لايهمنى الامر ولكن يهمني امر المسكين اللي يعتبر مثل هالاشخاص طموح له وان الشغله يبيلها
فقط صبر حتى ياصل لمستواهم .. فتجده في الاخير يصيبه الاحباط ويترك اللعبه بعد مايكتشف ضعف وبطء النتائج ويبدأ يلوم نفسه بأن جيناته ضعيفه او ان اكله غير صحي او ان نومه غير كافي ... الخ ..
ولكن في نفس الوقت الواحد فينا يحب يشوف شخص يشجعه بالصور .. شخص تظل صورته في عقلك ويكون محفز لك .. الحل بأنك تضع صوره لك اليوم وتحفظها في مكان ما .. وتقول راح اكون افضل من هالصوره السنه القادمه ان شاء الله .. ويكون هذا هدفك .. تطوير وتحدي نفسك .. فقط نفسك وماعليك من الاخرين .. لان غالبيتهم للاسف لايعطوك المعلومه كامله
بالتوفيق للجميع