هل فعلاً منتجات ال BCAA مضعيه للوقت وغير مفيده

[ابو دانا الحربي]

السلام عليكم ورحمة الله

قد كتبت في هذا الموضوع مكملات جيده .. مكملات سيئه .. مكملات مضيعه للوقت .. بإن ال BCAA مضيعه للوقت ولايوجد له فائده .. عارضني البعض وخاصه لمن يستخدمه بشكل كبير ومؤمن فيه .. فحبيت اكتب موضوع عنه وخاصه اني كتبت في نفس الموضوع السابق المعلومه التاليه

"

ال BCAA بالذات ممكن اتقبل فكرة استخدامه للشخص المحترف اللي مسوي جدول غذائي مضبوط بالكالوري .. ويبي يستفيد من خصائص البروتين ولكن بدون كالوري اضافي .. فيستخدم ال BCAA من اجل تلك الميزه .. ولكن شخص مسوي تخسيس ومايحسب الكالوري ماراح اشوف له داعي لاستخدام ال BCAA .."

فراح اشرح مااقصده هنا .. واذكر عيوبه ومميزاته مقارنه بالبروتين ..
ال BCAA باختصار يحتوى على اهم الاحماض المسؤوله عن بناء العضلات .. تقدر تسميه بروتين بدون كالوري ..

ماهي مميزات ال BCAA بالمقارنه بالبروتين :

1- بدون كالوري :

وهذي اهم ميزه واللي اشوف انه الواحد المحترف ممكن يستغلها بشكل ممتاز وقت التخسيس .. يعني اذا الواحد ياخذ يوميا 100 غرام من البروتين البودره فيها 400-450 كالوري .. يقدر يستبدلها بالـ BCAA وياخذ نفس الفايده تقريباً ويخسر 400-450 كالوري يومياً ..

2- سعر اقل :

تقريبا سعر ال BCAA يساوي نص سعر الواي ..

3- كميه وسكوب اقل :

علشان تاخذ نفس الاحماض الموجوده في سكوب من البروتين (25 غرام ) اذا حبيت تاخذها من ال BCAA راح تكون الكميه اقل بكثير ماتتجاوز 8-9 غرام بالكثير .. وهذا يخلي تناولها للبعض اسهل ..

4- يوجد منه حبوب (كابسول) :

وهذي ميزه للبعض .. مثلي


طيب الان ماهي عيوب ال BCAA مقارنه بالواي بروتين :

1- مافيه كالوري :

طيب كيف عيب وميزه في نفس الوقت .. يعتبر عيب وقت التضخيم لانك محتاج كالوري كبير .. فعندما يصبح مصدرك الاساسي من الاحماض بدون كالوري يصبح عليك ان تاكل اكل اكثر حتى تعوض النقص ..

2- طعم اسوء:

طعم ال BCAA سيء .. الواي فيه نكهات جميله ومختلفه عكس ال BCAA .

3- صعوبة ذوبانه مع الماء :

ال BCAA تجد صعوبه في تذويبه مع الماء .. وتجده على شكل طبقه فوق الماء لاتذوب

4- لايحتوى على الكالسيوم والفايتمن :

الواي يحتوى على كميه ممتازه من الكالسيوم والفايتمن عكس ال BCAA والذي لايحتوي على أي شيء في غالب الانواع .. وهذا عيب كبير وخاصه ان غالبية مصدرنا من الكالسيوم يكون من الواي ..


اذا فكرت تشتري ال BCAA .. انصحك تستفيد منه وقت التنشيف وخاصه عندما تكون شخص يحسب الكالوري اليومي ولو بشكل تقريبي حتى تستفيد منه استفاده كامله ويكون اضافه مهمه وتستفيد من اكبر مميزاته ..

اشتر ال BCAA اللي يحتوي على الاحماض L-Leucine L-Valine L-Isoleucine فقط .. وخاصه ان تكون النسبه الكبرى من حمض Leucine .. وابتعد عن المنتجات اللي تخلط معه اشياء ثانيه ..

اشتر كميه بسيطه وجربه لانه ممكن مايعجبك طعمه او ماترتاح مع عدم ذوبانه مع الماء ..

فكر بالكابسول (الحبوب) اللي يجي منه .. اسهل واسرع بالتناول ولكن شوف حكمه الشرعي بسبب وجود الجلاتين في كثير من المنتجات ..

لاتشتريه بسبب انه اسرع للامتصاص او انه افضل او يوجد فيه ميزه غير موجوده في البروتين غير المذكوره في الاعلى .. كذا راح تستفيد منه بشكل خاطئ


بالتوفيق للجميع

[nsd]

موضوع جميل أخوي أبو دانا يعطيك العافية

عندي إضافة بسيطة اذا سمحت لي ..

اتذكر في دراسة وضعها أخونا Mr.Puma الله يذكره بالخير اختصارها إنه ناس كانت تاخذ بروتين من مصدر نباتي واضافو لهم حمض Leucine
وناس تاخذ واي بروتين

المهم بعد مدة اعتقد 4 اسابيع نفس الزيادة في الكتلة العضلية

أنا استخدم الليوسين بمقدار 15 جرام تقريبا في اليوم مقسمة على مرتين او ثلاثة واضيفه مع الواي حتى لا أشعر بطعمه مع استخدام بعض المحليات كمحلي ستيفيا
طبعا هذا اللي أسويه حاليا في فترة التضخيم لتغطية النقص في الكالوري خاصة إني من الاجسام اللي تتقبل زيادة الدهون فالكارب لازم يكون طبيعي رز بني بطاطس وصعب توفر 300 الى 500 جرام كارب معقد يوميا خصوصا إنها تحسسك بشبع كبير

يعني إذا وفرت من 200 الى 250 جرام شي طيب بالاضافة لبعض التمر وسط التمرين وبعد التمرين والليوسين واضافة بعض الدهون لوز وزيت زيتون ان شاء الله نكون في السليم

[Mayoood.ad]

يعطيك ألف عافيه يابو دانا ،،
تفصيل جميل وطرح بسيط ووافي ،،

لكن استفساري هنا
بالنسبه للمبتدئ او العائد بعد فترة انقطاع طويله
أليس من الأفضل الجمع بين الواي بروتين وال BCAA ؟؟

لاني اذكر قريت رد للكابتن حمد ( احد مراقبين المنتدى ) على استفسار احد الأعضاء
يقول فيه ان الأحماض الأساسيه ضرورية في مرحلة البناء ،،

[ابو دانا الحربي]

موضوع جميل أخوي أبو دانا يعطيك العافية

عندي إضافة بسيطة اذا سمحت لي ..

اتذكر في دراسة وضعها أخونا Mr.Puma الله يذكره بالخير اختصارها إنه ناس كانت تاخذ بروتين من مصدر نباتي واضافو لهم حمض Leucine
وناس تاخذ واي بروتين

المهم بعد مدة اعتقد 4 اسابيع نفس الزيادة في الكتلة العضلية

أنا استخدم الليوسين بمقدار 15 جرام تقريبا في اليوم مقسمة على مرتين او ثلاثة واضيفه مع الواي حتى لا أشعر بطعمه مع استخدام بعض المحليات كمحلي ستيفيا
طبعا هذا اللي أسويه حاليا في فترة التضخيم لتغطية النقص في الكالوري خاصة إني من الاجسام اللي تتقبل زيادة الدهون فالكارب لازم يكون طبيعي رز بني بطاطس وصعب توفر 300 الى 500 جرام كارب معقد يوميا خصوصا إنها تحسسك بشبع كبير

يعني إذا وفرت من 200 الى 250 جرام شي طيب بالاضافة لبعض التمر وسط التمرين وبعد التمرين والليوسين واضافة بعض الدهون لوز وزيت زيتون ان شاء الله نكون في السليم

اعطيك معلومه يمكن تستغرب منها ... الهدف الاساسي من تناولنا للبروتين هو حصولنا على كمية كافيه من اللوسين يعني اللوسين هو اهم حمض مسؤول عن بناء العضلات ..

ولكن الكميه المطلوبه منه ليس بالكثير اللي يعتقدها البعض .. يعني غالبية الدراسات تنصح بتناوله بكمية من 3 غرام الى 8 غرام يوميا ..

1 سكوب واي من بروتين قولد ستنادر يحتوى على 2.5 غرام من اللوسين ..
100 غرام من صدر الدجاج يحتوى على تقريبا 1.25 غرام من اللوسين ..

لذلك سهل توفر احتياجك اليومي من اللوسين .. وتقدر توفره بسهوله من دون الحاجه لتناوله بشكل منفرد ..

اللوسين لايغطي النقص من الكالوري .. لانه مثل ماذكرت في الاعلى لايحتوى على اي كالوري ..
الكالوري فقط هو اللي يغطي نقصك من الكالوري

قوي قلبك وتناول حاجتك من الكالوري والكارب .. الدهون جايه جايه .. وسهل تروح ان شاء الله بعد تضخيم فتره طويله تقدر تشيلها خلال 3 أشهر .. الكارب اذا بتتناوله من اكل صحي فقط راح يكون كميه كبيره .. تناول جزء من احتياجك اليومي من الكارب من الطحين والخبز والرز الابيض اسهل .. اذا قدرت توفره من الاكل صحي ممتاز واستمر .. اذا ماقدرت امشي على الاقتراح الثاني .. الاهم هو توفر حاجتك اليوميه .. وتذكر دائما اللي يخاف من شوية دهون ماراح يطلع له عضل

يعطيك ألف عافيه يابو دانا ،،
تفصيل جميل وطرح بسيط ووافي ،،

لكن استفساري هنا
بالنسبه للمبتدئ او العائد بعد فترة انقطاع طويله
أليس من الأفضل الجمع بين الواي بروتين وال BCAA ؟؟

لاني اذكر قريت رد للكابتن حمد ( احد مراقبين المنتدى ) على استفسار احد الأعضاء
يقول فيه ان الأحماض الأساسيه ضرورية في مرحلة البناء ،،

الواي بروتين يحتوى على BCAA بكميه كافيه ..
1 سكوب من واي بروتين قولد ستنادر مثلا .. يحتوي على :
2.5 غرام من

Leucine

1.4 غرام من

Valine

1.5 غرام من

Isoleucine

ايضا الاكل الطبيعي يحتاج على كميه وافره منه ..
تقريبا 100 غرام من صدر الدجاج يحتوي على نصف الكميه اللي في الاعلى من الاحماض ..

[ابو دانا الحربي]

معلومه اضافيه ..

يقاس جودة البروتين بكمية توفر الاحماض الرئيسيه فيه ..

يعني لما نقول نوعية البروتين الموجوده في البيض هي افضل من نوعية البروتين الموجوده في الدجاج .. فالمقصود هو ان كمية الاحماض الرئيسيه في البيض اكثر من كمية الاحماض الموجوده في الدجاج ..

اكثر اكل موجود فيه كمية وافره من الاحماض الرئيسيه هو مصل الحليب .. او ما يسمى بالانجليزي Whey Protein

ملاحظه : اللي عنده طفل صغير ويستخدم حليب اطفال مثل s26



احد مكوناته هو مصل الحليب او ال Whey Protein تجدها في المكونات خلف العلبه .. وهذي معلومه لمن يعتقد ان البروتين البودره شيء خطير ولايستخدمه الا المحترفون او لمن تجاوز عمرهم رقم معين او كمن يتعامل معه كجرعات كأنه ياخذ دواء

[almusket]

الحين بعض البروتينات الباودر اصلا تيجي فيها BCAA وبكميه ممتازة

مثلا هيدرو واي بلدر من اوبتيموم يجي فيها 13.5 جرام في الاسكوب الواحد

او واي بروتين من اوبتيموم يجي فيه 5 جرام BCAA

وغيره من البروتينات اكثرها يجي فيها BCAA 5 جرام

ماتشوف انها كمية كافية وتوفر علينا شراء ال BCAA لحالها لان اذا اخذت 3 اسكوبات توصل تقريبا من 15 جرام الى 20 جرام



سؤالي الثاني كم جرام الواحد يحتاج BCAA في اليوم ؟؟ انا سمعت 20 جرام يعتبر كافي هل هو صحيح؟

[nsd]

[QUOTE=ابو دانا الحربي;7559657]اعطيك معلومه يمكن تستغرب منها ... الهدف الاساسي من تناولنا للبروتين هو حصولنا على كمية كافيه من اللوسين يعني اللوسين هو اهم حمض مسؤول عن بناء العضلات ..

ولكن الكميه المطلوبه منه ليس بالكثير اللي يعتقدها البعض .. يعني غالبية الدراسات تنصح بتناوله بكمية من 3 غرام الى 8 غرام يوميا ..

1 سكوب واي من بروتين قولد ستنادر يحتوى على 2.5 غرام من اللوسين ..
100 غرام من صدر الدجاج يحتوى على تقريبا 1.25 غرام من اللوسين ..

لذلك سهل توفر احتياجك اليومي من اللوسين .. وتقدر توفره بسهوله من دون الحاجه لتناوله بشكل منفرد ..

اللوسين لايغطي النقص من الكالوري .. لانه مثل ماذكرت في الاعلى لايحتوى على اي كالوري ..
الكالوري فقط هو اللي يغطي نقصك من الكالوري

قوي قلبك وتناول حاجتك من الكالوري والكارب .. الدهون جايه جايه .. وسهل تروح ان شاء الله بعد تضخيم فتره طويله تقدر تشيلها خلال 3 أشهر .. الكارب اذا بتتناوله من اكل صحي فقط راح يكون كميه كبيره .. تناول جزء من احتياجك اليومي من الكارب من الطحين والخبز والرز الابيض اسهل .. اذا قدرت توفره من الاكل صحي ممتاز واستمر .. اذا ماقدرت امشي على الاقتراح الثاني .. الاهم هو توفر حاجتك اليوميه .. وتذكر دائما اللي يخاف من شوية دهون ماراح يطلع له عضل

الله يجزاك خير أخوي أبو دانا .. المشكلة يا أبو دانا جسمي اندومورف ويميل تخزين الدهون في الارداف والفخذ وايضا الايض بطيء فصعب إني أدخل كارب غير صحي كنظام يومي أو بالاصح كارب عالي الجلايسيمك حتى يا راجل التمر لما اضفته وسط التمرين وبعد التمرين مع الواي بديت اوسوس
طيب بطريقتي هاذي اللي هيا 200 جرام كارب صحي مع اضافة بعض التمر مع تغطية كامل احتياجي من البروتين والدهون واضافة الليوسين ما راح استفيد زيادة عضل ؟ المشكلة الاكل الغير صحي احسه ينفخني دهون ومويات لاني جربت زمان غير زيادة الاستروجين ننتظر وجهة نظرك

اخخ الشركات يضحكو علينا الدراسات تقول من 3 الى 9 جرام و انا آخذ 15 جرام ليوسين لانهم كاتبين من 1 الى سكوب في اليوم والسكوب 5 جرام
........................

[ابو دانا الحربي]

الحين بعض البروتينات الباودر اصلا تيجي فيها BCAA وبكميه ممتازة

مثلا هيدرو واي بلدر من اوبتيموم يجي فيها 13.5 جرام في الاسكوب الواحد

او واي بروتين من اوبتيموم يجي فيه 5 جرام BCAA

وغيره من البروتينات اكثرها يجي فيها BCAA 5 جرام

ماتشوف انها كمية كافية وتوفر علينا شراء ال BCAA لحالها لان اذا اخذت 3 اسكوبات توصل تقريبا من 15 جرام الى 20 جرام



سؤالي الثاني كم جرام الواحد يحتاج BCAA في اليوم ؟؟ انا سمعت 20 جرام يعتبر كافي هل هو صحيح؟

جميع البروتينات تحتوى على ال BCAA ولكن تختلف الكميات .. وذكرتها في التفصيل في الاعلى في احد الردود ..

في الغالب لن تحتاج الى اي شيء اضافي .. اذا اخذت تقريبا 2 غرام من البروتين لكل كيلو من وزنك .. وكان نص هذي الكميه من البروتين الحيواني مثل اللحم والدجاج والحليب والواي والبيض .. الخ فراح تكون الكميه ممتازه جدا من ال BCAA ..

الدراسات تختلف من ناحية حاجة الجسم من ال BCAA .. تبدأ من 3 غرام الى 8 غرام يوميا .. وهذا سهل الحصول عليها مثل ماذكرت في الاعلى ..

[ابو دانا الحربي]

الله يجزاك خير أخوي أبو دانا .. المشكلة يا أبو دانا جسمي اندومورف ويميل تخزين الدهون في الارداف والفخذ وايضا الايض بطيء فصعب إني أدخل كارب غير صحي كنظام يومي أو بالاصح كارب عالي الجلايسيمك حتى يا راجل التمر لما اضفته وسط التمرين وبعد التمرين مع الواي بديت اوسوس
طيب بطريقتي هاذي اللي هيا 200 جرام كارب صحي مع اضافة بعض التمر مع تغطية كامل احتياجي من البروتين والدهون واضافة الليوسين ما راح استفيد زيادة عضل ؟ المشكلة الاكل الغير صحي احسه ينفخني دهون ومويات لاني جربت زمان غير زيادة الاستروجين ننتظر وجهة نظرك

اخخ الشركات يضحكو علينا الدراسات تقول من 3 الى 9 جرام و انا آخذ 15 جرام ليوسين لانهم كاتبين من 1 الى سكوب في اليوم والسكوب 5 جرام
........................

مشكلة بعض الناس اللي حساسين من الكارب .. بأنه يقوم بتخزين المياه في اجسامهم اكثر من غيرهم وليس الدهون .. الدهون اذا جسمك غير مريض والغده الدرقيه عندك تعمل بشكل صحيح وهذا الغالب .. نسبة تخزين الدهون او حرق الدهون راح تكون متساويه بينك وبين غيرك ..

في شيء اهم من كم غرام من الكارب تاكله .. وهو هل انت جالس تاكل بشكل عام اكثر من ماتحرق في اليوم .. سواء كان كارب او فات او دهون.. يعني الكالوري اللي تاخذه يوميا راح يكون من اكثر الكالوري اللي جالس تحرقه يوميا .. هنا السؤال وهنا اهم نقطه في الموضوع في مرحلة التضخيم ..

كل 2 غرام من البروتين لكل كيلو من وزنك .. كل الكارب اللي تقدر عليه وتشوف انه مناسب لك .. الباقي من الفات .. الاهم انك تاكل كالوري معين اللي راح يزودك وزن بشكل اسبوعي تقريبا نص كيلو ..
ابدأ بـ 2400-2600 كالوري في اليوم واصبر عليه اسبوعين الى ثلاث اسابيع وشوف النتائج .. اذا فيه زياده في الوزن كمل .. اذا الزياده غير مرضيه زيد 200 كالوري اضافي ..

بالنسبه للوسين . مثل ماذكرت في الاعلى لاحد الردود :

في الغالب لن تحتاج الى اي شيء اضافي من ال BCAA واللوسين .. اذا اخذت تقريبا 2 غرام من البروتين لكل كيلو من وزنك .. وكان نص هذي الكميه من البروتين الحيواني مثل اللحم والدجاج والحليب والواي والبيض .. الخ فراح تكون الكميه ممتازه جدا من ال BCAA واللوسين ..


ملاحظه : كلنا اذا بدأنا التضخيم وزدنا الكالوري اليومي راح يزيد وزننا بشكل كبير ومفاجئ بسبب زيادة المياه .. لاتخاف هذا شيء طبيعي بعدها راح تصير الزياده مستمره .. لدرجة تجيك وقت تاكل مايزيد وزنك

بالتوفيق لك ..

[nsd]

مشكلة بعض الناس اللي حساسين من الكارب .. بأنه يقوم بتخزين المياه في اجسامهم اكثر من غيرهم وليس الدهون .. الدهون اذا جسمك غير مريض والغده الدرقيه عندك تعمل بشكل صحيح وهذا الغالب .. نسبة تخزين الدهون او حرق الدهون راح تكون متساويه بينك وبين غيرك ..

في شيء اهم من كم غرام من الكارب تاكله .. وهو هل انت جالس تاكل بشكل عام اكثر من ماتحرق في اليوم .. سواء كان كارب او فات او دهون.. يعني الكالوري اللي تاخذه يوميا راح يكون من اكثر الكالوري اللي جالس تحرقه يوميا .. هنا السؤال وهنا اهم نقطه في الموضوع في مرحلة التضخيم ..

كل 2 غرام من البروتين لكل كيلو من وزنك .. كل الكارب اللي تقدر عليه وتشوف انه مناسب لك .. الباقي من الفات .. الاهم انك تاكل كالوري معين اللي راح يزودك وزن بشكل اسبوعي تقريبا نص كيلو ..
ابدأ بـ 2400-2600 كالوري في اليوم واصبر عليه اسبوعين الى ثلاث اسابيع وشوف النتائج .. اذا فيه زياده في الوزن كمل .. اذا الزياده غير مرضيه زيد 200 كالوري اضافي ..

بالنسبه للوسين . مثل ماذكرت في الاعلى لاحد الردود :

في الغالب لن تحتاج الى اي شيء اضافي من ال BCAA واللوسين .. اذا اخذت تقريبا 2 غرام من البروتين لكل كيلو من وزنك .. وكان نص هذي الكميه من البروتين الحيواني مثل اللحم والدجاج والحليب والواي والبيض .. الخ فراح تكون الكميه ممتازه جدا من ال BCAA واللوسين ..


ملاحظه : كلنا اذا بدأنا التضخيم وزدنا الكالوري اليومي راح يزيد وزننا بشكل كبير ومفاجئ بسبب زيادة المياه .. لاتخاف هذا شيء طبيعي بعدها راح تصير الزياده مستمره .. لدرجة تجيك وقت تاكل مايزيد وزنك

بالتوفيق لك ..

الله يجزاك خير واكيد حتوصل لمرحلة تتوقف الزيادة لانه مين المجنون اللي حياكل 5000 ولا 6000 سعر حراري من اكل صحي طبيعي ولعلمك ما ينفع تغطي سعراتك من الدهون الصحية محل الكارب لانه اذا تجاهلت الكارب بتخسر نسبة دهون جسمك وزيادة بسيطة في العضل

اللعبة ذي لعبة صبر والله يسهل .. شكلها هرمونات حتقلب هههههه

[wiz ahmed]

معليش أخوي ابودانا ، عارضتك ف الموضوع الاول بالنسبة لأهمية ال bcaa واللحين اعارضك من ناحية الطعم

مافيه مقارنة!!!

بالنسبة لي استخدام البروتين سكوب واحد ف الصباح مع الفطور فقط!!

ال bcaa هذا اعتبره عصيري ، طعم خورافي وعندك اكثر من اختيار تقدر تستخدمه بعكس البروتين شوكلت او ستروبيري. استخدمه اربع مرات ف اليوم اول م اصحى وقبل التمرين وبعد التمرين و ف الليل.

[la leggenda]

يعطيك العافيه ابو دانا

وهذي قائمة بتوفر الـbcaa وكمياته بالاكل
http://www.bodybuilding.com/fun/ask-...d-sources.html

اذا عندك انستقرام يابودانا وتنزل فيه دررك هذي ي ليت تعطينا الاكاونت