للصعود على سلم النجاح
للصعود على سلم النجاح يجب المرور على عدة محطات غير مرغوب فيها ..مثلاً :
1- البحث عن عمل براتب شهري او اسبوعي للمصاريف .
ممكن تكون غير راغب في هذا العمل او الراتب قليل زي حالتي كده ده اذا لقيت الشُغل ده اصلاً .
2- الراتب القليل يعني مصاريف اقل .
بمعنة انك مش ناوي و لا هتقدر تحوش ..هتحوش من مصروف يومي ؟ طب و موصلاتك و مصاريفك زي الأكل و اللبس ..او اي خروجة ترفه عن نفسك ..او حتى الإهتمام بمظهرك العام كممارسة رياضة او اي شئ مماثل .
3- الإهتمامات الشبابية ...انساها .
بمعنى اني لو مُهتم بالجيم و مش عاوز ابقى زي زمايلي الرفيعين ..يبقى مالكش شُغل ..لانك مش هتفصل شُغل على مقاسك ..هو ده اللي موجود لو كان عجبك .
4- الإهتمام بالإنترنت ..ولا تكلم و تشوف إرتباطاتك العاطفية .
العمل على الإنترنت كأنك بتصنع مشروع مستقبلي ممكن تُقف عليه في المستقبل ..علشان المم ..الأكل و المستقبل ..انما الإرتباط دلوقتي ..مُجرد مشاغل ..اكيد مش هنعطيه اولاوية قصوى عن النت اللي ممكن متلاقيش وقت تستخدمه او تشتغل عليه اصلاً .
المُهم في الأخر ..انك تشتغل علشان المظهر العام ادوام الناس ..و كأنك عاطل و مالكش لزمة ..و اكيد في يوم من الأيام هتحس بالخنقة من قلة الفلوس او من قلة الشُغل ..رغم انك ممكن تكون حاسس بالعكس لما تكون بتستخدم الإنترنت ..بس بلاش نضحك على بعض ..اكيد مش هنستخدم النت 24 ساعة .التقسيم الجديد هيكون 12 ساعة شُغل (تعسُفي طبعاً و مفيش حد يشتغل 12 ساعة إلا لو شُغلتين و بمرتبين وبالتالي مدخول شهري عالي) و ده مش معايا انا طبعاً ...و 4 ساعات على الأقل إنترنت ...و ساعتين جيم و خلافه و 6 ساعات نوم فقط . و لو مش عجبك اخبط دماغك في الحيط .ربنا يكون في عونا يا جماعة في المُجتمع ابن المرة ده
