وداعا المنتدى . إغلاق المنتدى في خلال شهر مارس القادم .

[S.W.A.T._911]

الله عليكم ياخي كان علمتوني
عاد توني ماخذ قرض قبل شهرين فسفسته كله
لو شاري هالمنتدى اصرف
يلا ان شاء الله ربي يرزقنا باحد الاشخاص ذوي القلوب الرحيمة ويتكفل فينا << حشى مشردين خخخ


قريت الردود على السريع ما عرفت الا كذا واحد بس
اهل الترفيهي معد بقى منهم احد، سمعت انهم هجوا لمنتدى ثاني خخخ
بس مهما كان
المنتدى هذا له مكانه عزيزه في قلوبنا
ويحزنني اننا نودعه

يلا حبيت اودعكم بس
كانت رحلة سعيدة

ولآهل الترفيهي
آديوس آميقوس .. مذا فكا

[ملك الرعب 2020]

اليوم 10 مارس وماتسكر

[Jia]

يمكن خدعة او استحى من نفسه او ممكن اليوم هو الاخير

[demon king]

قالوا 10 مارس
ماحددوا الساعة باقي ثلاث ساعات على نهاية 10 مارس
ننتظر ونشوف

[Jia]

اعتقد اذا قالوا عشرة مارس يعني اول ما ندخل اليوم راح يسكروه

[ahd2001]

*****************************************************

لا بس من جد. حيوحشني كريس.

يمدحو Kickstarter نقط كلنا ندفع قيمة تحويل بيانات السيرفر.

[Karazhan]

السلام عليكم

معاكم اخوكم الكبير كزران , عضو بسيط كافي خيري شري بس الناس تتحرش فيني

انا يمكن مو معروف عندكم لأني ادخل مخفي و اسكت مااتكلم و اطالع الناس شنو تكتب

ليش يغلق المنتدى ؟ وين قاعدين يغلق ؟ انا ابي حقوقي انا ابي اوسمتي اللي استحقها في كل مكان شاركت فيه

شنو يعني لأني فقير تطنشوني ؟ عشان كل شوي اقول اني فقير قلتوا هذا ماعنده ظهر لا تخسر عليه اوسمه ؟

لو اني مسجل بأسم بنت ومشارك في قسم المجانين كان صرت لواء ركن من كثر الاوسمه

انتوا شنو ماكو قلب ؟ وين تروحون من الله

انا صحيح اني مع اغلاق المنتدى بسبب كثره المجانين اللي يجب القاء القبض عليهم سريعا لأنهم يشكلون خطر على اهاليهم وعلى المجتمع و يجب الحجر عليهم وتسليمهم للشرطه

وانصح اللي لم يلقى القبض عليه و الله ستر عليه ان يراجع طبيب نفسي يتعالج بأسرع وقت

لكن قبل اغلاق المنتدى ابي كل حقوقي المسلوبه

واتمنى من داركتب ان يصك كل المشرفين توقيف بسبب ما قاموا به من توقيفي في السنين الماضيه

انا الوحيد بالعالم اللي طلبوا الاعضاء ان احصل على وسام التوقيف بسبب كثره التوقيفات اللي اكلتها منك يا مجرمين

انا حرقت نفسي بهذا المنتدى والنهايه اكلت توقيفات من كل المشرفين بأستثناء كريس اللي هددني مره بالتوقيف و داركتب اللي للأمانه ما صكني توقيف

اما باقي المشرفين كلهم عطوني توقيف قهر وانا مظلوم وخصوصا مشرفين قسم ووركرافت المجرمين بأستثناء يوشي

كلهم عطوني توقيف الواحد تلو الاخر وكان المحرض لهم المجرم الكبير السفاح الدموي واللي اطالب كل شخص يعرفه شخصيا ان يبلغ عنه الشرطه وهو بوحا و اعضاء عصابته على رأسهم بريداتور

خلوني افضفض واقول اللي في قلبي

المجرم بوحا اللي حرمني من الاعضاء بسبب طعنه فيني و تحريضه للمشرفين ولأن المشرفين من نفس منطقته ويخافون منه صاروا ما يردون طلب له

كل ما قالهم عطوا كرزان توقيف على طول يوقفوني

كان اسمي outland والى اليوم موقوف بسبب اجرام بوحا والمشرفين معاه

لو اشوفهم اشرب من دمهم , لأني مسكين حطوا الحره فيني ماعندي ظهر

اتمنى توقيف المشرفين جميعا و اغلاق المنتدى تماما ولا كتابه او قراءه حتى و انصح الاعضاء بمراجعه طبيب نفساني يكشف على حالتهم ويوصف لهم العلاج المناسب

لأن وضعهم خطير جدا

ولكن مثل ماقلت ابي حقوقي المسلوبه , ابي اوسمه في كل قسم شاركت فيه واحترقت وانا انور الناس

مو عشان فقير ومسكين تطنشون طلبي , ابي حقي

يااخي حقي كيفي ابيه

واشكر بهذه المناسبه كل التلاميذ المخلصين لي و لملك اللعبه ولد بطنها اللي عروقه بالماي

و كل المدخنين بالعالم واعداء المرأه لهم تحيه خاصه مني ومن رفيجي ولد بطنها

لي رجعه لما اتذكر الظلم اللي وقع عليه و ارتب كلامي و اشرح واقول كل اللي بخاطري ولكن ماقلته قبل لأن لو قلت راح يوقفوني المجرمين اعداء البشريه والصوت الحر

انا الحين اكتب على عجاله وكلامي مخربط لكن ابي اجمع نفسي واركز ثم اكتب وافضح كل المشرفين المجرمين و عملائهم من الاعضاء وعلى رأسهم المجرم الكبير بوحا ومساعده بريداتور

وابي الاداره تشيل التوقيف من outland والمجرم اللي معطيني التوقيف بطلب من بوحا كاتب السبب تربيه شوارع

والادراه تطنش ليش لأن مراقب اما انا سلتوح عادي اتوقف يجي غيري 1000

لكن اثبت التاريخ اني بقيت في المنتدى احرق نفسي 24 ساعه وكل الخونه والمجرمين تركوا المنتدى بعد ما ظلموا كثير من الاعضاء

كل واحد من المجرمين يقول والله ماعندي وقت ادش المنتدى

اللي يسمعه يقول يشبك من كافي في القمر وكل يوم يحجز مكوك فضاء يروح يشبك هناك ويرجع

مو كأنه الكمبيوتر ببيتهم

يااخي قول ماابي ادش المنتدى و فك نفسك , يعني تبي تقطع وتبي مايشيلون منك الرقابه , شنو هالجشع هذا

عموما الكلام كثير والكلام ذو شجون
اقص ايدي اذا واحد من المجانين يفهمها

ابي حقوقي ولن اتنازل عنها ابدا

لي رجعه يا مجانين يا مجرمين يا ظلمه

[Jia]

^
ياخي انت ما تتعب من كثر الكلام ؟ كل مساهماتك طول و عرض ؟ وينه دارك يرفع الضغط
كل ما يدخل تحس قلبك بيوقف و دخلو كل الاعضاء و يطلع بكل بساطة كأنه يضحك على الناس
اعطونا الاخبار و الجديد

[dante sephiroth]

لو اني مسجل بأسم بنت ومشارك في قسم المجانين كان صرت لواء ركن من كثر الاوسمه

شايف العنصرية هههههه لو كنت مسجل باسم بنت كانو عطوك وسام التوقيف

[dro]

كارازان ترا انت من زمان مسوي زحمة حتى اكثر المراقبين صبر و ادب و تعامل و حلم شفتهم بحياتي صارت لك مشاكل معاهم يعني هم الخطأ و انت سبحان الله الصح ! .. اقسم با الله لو بيدي القرار كان معطيك باند نهائي من زمان لذا اهني كل المراقبين الي صبرو عليك و على اهتمامك الزايد المريض المقيت في الأوسمة كأنها راح تجيب لك مقابل مادي او سمعة عشان تزعج اهلنا بهم .. عندك 8 اوسمة يا ظالم و محتقرهم ! .. الي يكلمك ولد مو بنت و أنا اعتبر ثاني اكثر عضو حصل على اوسمة و هذا يثبت ان " البنات فقط هم الي يحصلو على اوسمة " هراء و انك مجرد شخص فاضي يرمي كلام و يمشي او هدفه يطقطق علينا .. كنت اتمنى على اخر ايام المنتدى عقلك يكبر لكن للأسف راح تظل كما انت إلى الأبد على ما يبدو و يا حسافة كل اوقات المراقبين الي ضيعوها عليك

إذا فيه احد انظلم في المنتدى فهو انا مو انت و مع ذلك شوفني ساكت لأن خلاص صار ماضي ما عاد يهمني

عموما ما اقدر اقول الا الله يهديك و يكبر عقلك

.
.
.

داركتيب اون لاين ... الله يستر ... اتمنى يظل المنتدى كذا يوم على الأقل....

[Jia]

والله ما قدرت اقرأ مساهمته كلها

دارك طلع >> *تتنفس*

[demon king]

كنت اتمنى على اخر ايام المنتدى عقلك يكبر لكن للأسف راح تظل كما انت إلى الأبد على ما يبدو و يا حسافة كل اوقات المراقبين الي ضيعوها عليك

دام المنتدى بيقفل
اسوي اخر زحمة

[dante sephiroth]

يالله ديمون شد حيلك بقا مشاركة واحدة و توصل لل1500 مشاركة و تربح المليون
هلا اكملت مشاركة كرزان ( قراتها على دفعات ههههه )
انت عم تنكت ولا تحكي جد
اذكر لما كريس حذرك من ايقاف عضويتك ..... كان لازم يوقف عضويتك فورا بدون تحذير بس هو قلبه طيب و احترمك
انا ما تكلمت معك كتير لكن اذكر من فترة قصيرة دخلت انت الى موضوع بقسم الرسم و قلت بكل بساطة : ارجو حذف الموضوع لان الرسم حرام ......
بشرفك يا رجل عم تحكي جد ؟ كان لازم اعطيك مخالفة لانك تستاهلها ..... لكن احترمتك و قمت بحذف مشاركتك و ذهبت الى ملفك الشخصي و اعتذرت منك على حذف المشاركة
فياريت اذا المنتدى استمر و بدك تشارك ... احترم الاعضاء متل ما هنن بيحترموك ما حدى احسن من حدى ... كمان فكر فيها مظبوط يا رجل .... معقول الكل على خطا و انت الصح

[The Last Game]

هل انتهى كلّ شيء؟ وداعا

[demon king]

المشاركة 1500



_______________________________________________________________________

الرجال يستعبط وانتم اخذتم الموضوع جد
عاد ان كان يستعبط فتلك مصيبة وان كان لا يستعبط فالمصيبة اعظم XD

هل انتهى كلّ شيء؟ وداعا

الوقت بدل الضايع والحكم على وشك يصفر
ولو ان احد جواسيسي اكد لي انه ممكن المنتدى يستمر حتى واحد ابريل
على اساس انه ياجي خبر تم التراجع عن الاغلاق
ويكون كذبة ابريل و يوم 2 ابريل يتقفل

اتحداك ترد علي وتقولي ليش قلت هذا الكلام (انت يالاست جيم اللي اتحداه عارف نفسه )