دليلك للاحتراف فيwe5 ادخل و مش راح تندم
حبيت اتكلم في موضوعي عن التكتيكات و الاستراتجيات الموجودة في الوينج الفين 5 و باتكلم عن التكتيكات اللي انا اعرفها و اللي مجربها و اذا كان اي واحد من الشباب معاة استراتجيات او تيكتيكات خاصة الرجاء يحطها عشان كلنا نستفيد اتكلم اليوم عن تغيير المواقع و اللي يكمن انك تتحكم فيها تقوللي كيف انا اجاوبكم
تدخل الخطة تختار الخيار اللي قبل الاخير في هذا الخيار تقدر تتحكم في عدة استراتيجات(انا عارف انكم عارفينها بس حطتها للتوضيح) تطللعلك قايمة اختر الخيار السابع اللي هو لتغيير المواقع اثناء اللعب وحط جنبها اي زرار (اكس او دايرة او مثلث او مربع) فايدة الزرار هنا انك في الوقت اللي تبغى فية تستعمل الاستراتجية تضغط R2 و الزرار اللي اخترتة و تتنفذلك اثناء اللعب بعد ما تخلص الشغلة ادخل في المباراة
الفايدة من استراتجية تغيير المواقع:
اول ما تنفذها يحصل تغيير للمواقع يعني ان راسين الحربى يتبادلوا في مواقعهم كل واحد ياخذ موقع الثاني و اذا كنت تلعب باثنين وسط متقدم يتبادلون في المواقع ايضا مما يسبب ارباك في خط دفاع الخصم
و قت تنفيذ استراتجية تبديل الواقع:
يفضل ان تنفذ في الهجمات المرتدة عندما تجد الكرة معاك و مهاجمينك مراقبين من قبل الدفاع تنفذها و تلاقي كل مهاجم سحب معاة مدافع العبها للي موقعة احسن او لاي لاعب مندفع من الوسط(براحتك) على حسب ظروف الهجمة:0)
الخطط المفضلة لاستعمال هذة الاستراتجية:
3-5-2 او 3-4-3
المشاكل الي تحلها هذة الاسترتجية:
يمكن المشكلة اللي حلتها لي هذة الاستراتجية هي لما تلعب بثلاث مهاجمين اعطيكم مثال هولندا تلعب بكلافيرت و اوفر مارس و زندن لما تحاول ترفع لكلافيرت عن طريق احد الاجنحة تلاقي الرفعة ماتوصل لكلافيرت توصل للمهاجم اللي بعدة(زندن او اوفر مارس) و الاثين ماشاء اللة عليهم خطيرين بالراس(يكمن تعتبرهم بلا رؤؤس) عشان تحل هذي المشكلة نفذ استراتجية تبديل المواقع لما تبدا تفتح مع واحد من الاجنحة اللي بيحصل هو ان الجناح الاخر بيغير موقعة مع المهاجم و في الوقت اللي توصل فية للمكان المناسب عشان ترفع الكرة بيكون حصل تغيير المواقع و بيتلاقها المهاجم بدل الجناح و حطهاااا جوووووووول
اذا عجبكم الموضوع راح اواصلة مع استراتيجيات اخرى (مصيدة التسلل , الهجوم المركزي, تقدم المدافعين للهجوم) و اذا مع اي واحد منكم استراتجية يحب يعرضها للمنتدى يتفضل و نحن جميعا بانكون شكرين لة
و شكرا
في النهاية ابني تامر هو اللي قال مش انا
