موقف محرج مر معك في الجامعة

[محمد راشد]

بسم الله الرحمن الرحيم
كل واحد يا شباب بعد اذنكم يحكيلنا موقف محرج صار معاه في الجامعه
-------------
انا
دخلت القاعة وطبعا عندنا الدراسه مختلطه شباب وبنات
وكانت المره الاولى لي التي دخلت فيها قاعه ملئيه بالشباب والشاباب معا
وعندما اعطانا الدكتور درسا
قال لي اقرء بصوت عالا الدرس الفلاني
كنت اشعر انني اسخف من على الوجود
واحمر وجهي
ولم ادري ما اصنع
قلت في نفسي اذا قراة الان واخطاة سيضحك ويسخر مني الجميع
وبداة بالقراءه الضعيفه لان الموقف لم اكن استطيع تحمله
افففففففففففففففففففففففففففففففففففففففففففففففف
كان موقف لا احسد عليه
لكن الحمد لله انه لم يسخر احد مني
اخوكم محمد راشد

[راعي الكورفيت]

أنا إلى الآن لم أدخل ولكن منكم نستفيد

[نــونــو]

طيب جات سليمه يامحمد راشد


انا عندي مواقف منها


كنت جاي الجامعه الصباح متخر ولا لقيت موقف وطبعااا وقفت في موقف لدكاتره

ولما خلص الدوام ( بعد ساعتين بس )

لقيت الدكتور بتاع المحاضره الى انا فيها واقف يسئل عن السياره حقتي

ويقول سيااارت مين هذي ؟؟؟؟؟؟؟

طبعاا انا من الاحراج استنيته يروح بعدين انا اخذت سيارتي
طبعاااا الدكتور عرفني بعدين

وسئلني ليييييييييش سويت كذااااا

[محمد راشد]

ليش

[ahlam]

بسم الله الرحمن الرحيم

أولا السلام عليكم
ثانيا أحنا في الجامعة نتعرض لمواقف كثيرة وما تنسى خاصة إذا كانت مضحكة
ما أذكر إلا موقف عندما كنا نمشي أنا وزميلتي وكنا نتكلم عن دكتور معين : ان شرحه
ما زين ومن هالسوالف . لين اكتشفنا بعد ما بعدنا بمسافة أن الدكتور نفسه كان ماشيء ورانا
ما تتخيلوا كيف كان منظرنا في ذلك الوقت وحرمنا نتكلم عن الدكاترة قبل ما نتلفت حوالينا

وحياكم الله

[john_silver]

حلوه هالمواقف ...

بالنسبه لي ...سارتلي من كم يوم ...
كنت غايب من حصه الاحصاء ..واليوم الي كنت غايب فيه المدرس ..اعطى الطلاب واجب ...واليوم الثاني جيت الصف لكن على نهايه الحصه ..والطلاب راحوا ..وجاوا طلاب الاحصاء رقم 2..المستوى الاعلى .. وانا كنت داخل معاهم ..وقلت حق المدرس عطني الواجب لاني كنت غايب امس ...وعطاني واجب المستوى الثاني وانا ما ادري ..وعلمني كيف احله قدام الطلاب ..وقالي استخدم الطريقه الي علمتكم ايها من قبل في الصف ..وانا قلتله ..ايوه هذا سهل ..وانا مب فاهم اي شئ من الي يقوله ..يحسبني من طلاب المستوى الثاني ... اخذت الواجب ..ويوم كنت عند الباب ابي اطلع ...لحقني المدرس عند الباب ..وقالي بتروح الحين ...قلتله نعم ..انا اخذت الواجب وبروح احله ...قالي انت مش في الصف هذا ..ّّّ!!!!
قلتله لا ..انا من المستورى الاول ..قالي اسف ..اعطيتك الواجب مال هذا الصف .. وقالوا الطلاب .. هذه يعرف يحل اي شئ ..خطير ...
وانا وجهي انصفق ...وقلت حق المدرس ...لا لا ..انا اخذت الماده من قبل ..ما ادري عنه ...شكل المدرس كره العرب من ذاك اليوم ...

[ahlam]

بسم الله الرحمن الرحيم

بصراحة ذكرني موقفك بموقف حكاه لنا أحد الأساتذة
أن في امتحانات النهائي جلس طالب بالغلط في مكان لطلاب المستوى الثاني رياضيات
وهو كان في المستوى الأول .
ويوم وزعوا الأوراق أخذ يحل الطالب وطبعا ا عرف يحل وصار كل ساعة ينادي الأستاذ
ويقول :هذا كيف نحل.
وآخر شيء سلم الورقة وروح.
وللأسف الأستاذ ما مييز حتى صلح الأوراق.
بصراحة وااايد تحسفنا على الطالب لأن بسبب عدم الانتباه بعيد المساق مرة ثانية.

[ريــــــاش]

با قولكم شيء يضحك بس مب وانا في الجامعة وانا راد من الجامعة .....

ياجماعة الخير كنت مداوم ذاك اليوم في الجامعة من الساعة 7ونصف لين الساعة 2 وماحطيت في حلجي شيء وانا راد البيت سألت أخوي الهبل شنو غدانا ...قال لي لا يفوتك .... المهم ماصدقت خبر رديت البيت بسرعة ولا مريت على مطعم ولا شئ ....والمفاجاة البيت مافيه اكل لا خبز ولاجبن ولاشئ قعدت ادور في المطبخ على اي شئ بس ماكواا شيء يؤكل ...ساعة الله وكيلكم ادور لي على اكل ....وعقب مارفعت الراية البيضاء ..طلع لي اخوي بكيس ماكدونلز ..وعاد انا من اليوع اخذت الكيس وشردت فية والولد يقول لي لا لا لاتاكلها ....وانا مطنش رحت ركيض الغرفة ..وقفلت الباب ومن الفجاعه ما شفت ايش في الكيس حطيت يدي الا وشئ قارض يدي ...حاط بغبغاء في كيس مكدونلز وانا اسحب يدي وهي ابد عاجبها طعم صبعي وانا اسحب وهي تعغ 5 دقائق وانا في هذي المعاناة وامي تسال شنو فيني وانا اصارخ واخوي يضحك ويقول حق امي مافي شئ المهم اخر شيئ هي هدت صبعي من هني وانا مسكت اخوي من هني ...ودقيته دق ....طلع طويل العمر يسوي لي مقلب وحاط لي كيمرا في الغرفة ويصورني ....و خاش الأكل الي في الثلاجة كله في غرفتة .....وعاد امي ايش سوت فية لعنت خامس شكلة....ومن يومها وامي تقفل الثلاجة وتعطيني نسخه من المفتاح ..........;-)

[واكد3000]

كان عندنا دكتور هندي الجنسية .. و كنت ما أطيقه بالموت ..
فمرة قعدت أسخر عليه (بالعربي) قدام الطلاب في المحاضرة .. و هو ساكت ..
و بعد ما زودتها حبتين .. ما أشوفه إلا ينطق بالعربي و يقول "خلاص يا أخي .. لازم نقول لك أني أعرف أتكلم عربي علشان تسكت" .. هو ما قالها منيه .. حت صار وجهي :":
المشكلة أنه قالها بلهجة صحيحية و تبين أن اللي قدامك يعرف يتكلم عربي كويس ..
المهم قعدوا الطلاب يسخروا علي باقي المحاضرة

[شمس الأصيل]

بصراحة أكثر موقف محرج كان بالنسبة لي هو:

نحن عندنا في الجامعة في مادة مهارات انجليزي تحدث حيث يخرج الطالب او الطالبة امام الطلاب ليتحدث عن اي موضوع هو يريده. وعندما جاء دوري كنت محضرة موضوع عن النجوم ولكن دكتورة المادة الله يسامحها طلبت مني ان اتحدث في موضوع اخر امام الطلاب في نفس اللحظة. .......

وبصراحة انا لم اعرف ما اقول لانني قد تفاجئت واصبحت اتلعثم في الكلام واصبح وجهي:": :":

الله لا يوقع احد في مثل هذا الموقف