هذي المرة بكتبلكم تقرير عن لعبة Thousand Arms
[IMG]www.atlus.com/ta.html[/IMG]
القصة:
تدور احداث اللعبة في عالم السيوف والالات .. وبطل اللعبة هو شاب صايع ضايع اسمه Meis Triumph وهو ولد لعائلة من صناع السيوف النبلاء .. اللي ضلو يصنعون السيوف لسبع اجيال .. في مدينة Kant اللي كانو يحكمونها ..
وفي يوم من الايام دخل جيش اسمه ال Dark Acolytes هذي المدينة واحتلوها وطردو Meis وابوه منها..
وطلع من المدينة وعقب تعب وصل لمدينة Boyzbe .. وهناك بيقابل فتاة احلامه اللي اسمها Sodina واخوها Jyabil يصنع سيوف.. وبيساعد Meis في تدريبه على انه يصير صانع سيوف محترف.. لكن اللي ما يعرفونه هو انه ال Dark Acolytes ناوين يحتلون Boyzby .. فهل بيقدرون على انهم يحتلون المدينة؟ وMeis بيتدرب وبيصير صانع سيوف محترف؟ولا بيتم على تصرفاته؟ هذا اللي بتعرفونه لما بتلعبون اللعبة
الشخصيات:
Meis Triumph:
عمره 16 سنة..من مدينة Kant ..شاب محبوب خاصة من البنات لوسامته..ومعروف بانه ما يعرف يعيش بدون ما يغازل كل يوم.. لكنه مع هذا شاب يحس بالمسؤولية في اعماله..وهو وبكل صراحة اكثر شخصية مغازلجية شفتها في اي لعبة لعبتها
Sodina Dawnfried :
عمرها 15 سنة.. من مدينة Boyzby .. بنت مخلصة ومتفائلة دائما..وتغار دايما على Meis اللي كلما غازل بنت جدامها تضربه على راسه بس هي تحبه بكل قوة
وفي غير هالشخصيتين 6 شخصيات لها قصصها الخاصة فيها ومهاراتها القتالية المختلفة..
نظام القتال:
نظام القتال بسيط جدا.. واذا اختارت attack مثلا بيعطونك وقت بعده بيصير ال attack .. وخلال هالوقت تقدر تغير الattack لاي امر ثاني.. وفي نفس الوقت اللي تهاجم فيه الشخصية الرئيسية ممكن تخلي الشخصيات اللي وياك يساعدونك بانهم يستخدمون ال magic اللي عندهم..
تطوير الاسلحة والسحر:
تطوير السحر والاسلحة يصير بطريقة ما شفتها في اي RPG ثانية .. فانت لما تبغي تطور سلاحك.. تخلي وحدة من البنات اللي في الفريق تساعدك في التطوير على حسب مقدار حبها ل Meis ومزاجها .. ومع تطوير الاسلحة يتطور السحر.. وطبعا مزاج البنت ما يعتدل الا اذا سويتو وياها ال date .. وعلى حسب اجابته لاسئلة البنت بيتعدل مزاجها وبتكون جاهزة لانها تعطيه magic جديد..
ورسومات اللعبة ممتازة .. وفي تمثيل صوتي للشخصيات الرئيسية بالاضافة لمشاهد anime كثيرة ومميزة.. والموسيقى وااايد حلوة واغنية البداية غنتها المطربة اليابانية المعروفة Ayumi Hamasaki ..
وهذي صور من اللعبة: