موضوع مهم جدا خاصه لمنتدى الجالري

[الرايق 2000]

شباب المنتدى الجالري منتدى جدا جدا خاص

اول شئ لانه منتدى لعرض الأعمال و الرسومات

شباب طريق الرد على جالري

اوكي احنا شئ من اثنين

1 واحد يجامل و ما يبين ولا خطأ

2 واحد يبين الأخطاء كلها و لا يمدح شئ


طبعا انا بعد ما حصل لصديق في المنتدى هذا بحيث انه قالي انه كره الرسم بسبب الجالري
فكرت اني اكتب هذا الموضوع

تعالوا بكل بساطه نناقش النظريتين

الحاله الأولى:
انه يمدح و يجامل هذي نحتاجها في البدايه لو واحد جديد على المنتدى لكن واحد قديم و تعرفه ما تقعد تجاملي فيه بزياده ليش علشان الراجل ينتبه لأغلاطه و إلا ما راح يسعرف اغلاطه في الرسمه و كذا يصير ما في فايده انه يعرض اعماله لانه ما راح يتطور رسمه

الحاله الثانيه :
يدخل لك واحد و يقولك بكلام جاف اغلاطك و يكرهك في ام رسمتك إلى ان تنفجر و ييأسك في الرسم



دحين يجيني واحد يقولي طيب يا الرايق كذا انت سديتها لا خليتنا طيبين ولا مباشرين

يا اخي / اختي خليكم متوازنين في الرد

1 لاحظ إذا الغلط احد كتبه مره قبلك قوله كلام فلان صحيح
2 و لا تبين له كل الأغلاط في الرسمه الواحده لا بين له غلط في هذي الرسمه و الرسمه اللي بعدها بين له غلط من نوعيه ثانيه كأن كل رسمه تعتبر درس لانه اكيد راح يتطور من بعد كل رسمه يرسمها
مثلا : الرسمه هذي فيها غلطين مثل اليد مثنيه زياده و البطن منفوخه الراس فيها غلط كبير كبير
ما تروح تقول له الراس و اليد و البطن لا لا ما ينفع كذا لا قوله عندك الراس هذي المره غلط فيه اكذا و كا الرسمه الي بعدها يظبط الراس قوله الراس دحين ظبطت بس ما تلاحظ ان البطن منفوخ و اليد شوي معوجوه و اشرح له كيف يتخيل الرسمه

3 يا اخي إذا لقيت الناس دققت على غلط واحد يعني 3 ردود شديده خلي ردك لطيف يعني قوله و الله اليد مثنيه لكن الصوره كمجمل فيه اتطور لرسمك و مبينه نوع فنك و جمالك


و شباب نصيحه لكم ردود اخوكم شاهين و ردود اخوكم تايدوس 2007 (وقت يبين الغلط ) و ردود اختكم لوجين و غيرهم لكن و الله اسف ما شفتهم او ناسيهم لا احد يزعل هذولا الردود الصح لا يجامل ولا يكره



+ نصيحه لكم

في الرسمه قول اللي يمدح الرسام و الي يزعله

لكن الأسلوب مهم جدا



شباب انا اسف يمكن تدخلت في شئ ما لي دخل فيه لكن و الله اني شفت زميل مقهور و قرب يكره الرسم بسبب هذي الأسباب

و في النهايه هذي مجرد نصيحه مني لكم

و اسف لو اني غلطت مع احد و شديت عليه

[Tidus_2007]

اييييييي و الله من جد كلامه جاي صح ... و من جد هالمشكله ملاحظها انا ... للاسف طبعا ...

يجيك واحد كلامه حلو بس حلو مره واضح انه يجامل ... وواحد كلش كلامه جد و ما يعجبه شي ... و المشكله هو ما يعرف يرسم مرات ... على الاقل يقدر الجهد و يقدر التعب الي الرسام سواه و الي هو ما كان قادر عليه ((اقصد الناقد)) ...

و في ناس بمجرد انك تشوف اخر رد من قبل هالعضو تفرح ... من دون ما تشوف رده ... تدري انه فاااااهم ... يقولك الحلو و المو حلو بالرسمه باسلوب يفتح النفس ... و يوسع الصدر ... يخليك تروح بنفس الوقت ترسم بعد ...

و هذا الي اتمناه ...

بس عموما الناس و الاعضاء مو اسلوب واحد بس المشكله لو كان الاغلبيه اسلوبهم مو كلش ... ?:

و بالعكس موضوعك يطرح مشكله مهما فعلا و لازم تشوف الردود :)

[الرايق 2000]

الرسالة الأصلية كتبت بواسطة Tidus_2007
اييييييي و الله من جد كلامه جاي صح ... و من جد هالمشكله ملاحظها انا ... للاسف طبعا ...

يجيك واحد كلامه حلو بس حلو مره واضح انه يجامل ... وواحد كلش كلامه جد و ما يعجبه شي ... و المشكله هو ما يعرف يرسم مرات ... على الاقل يقدر الجهد و يقدر التعب الي الرسام سواه و الي هو ما كان قادر عليه ((اقصد الناقد)) ...

و في ناس بمجرد انك تشوف اخر رد من قبل هالعضو تفرح ... من دون ما تشوف رده ... تدري انه فاااااهم ... يقولك الحلو و المو حلو بالرسمه باسلوب يفتح النفس ... و يوسع الصدر ... يخليك تروح بنفس الوقت ترسم بعد ...

و هذا الي اتمناه ...

بس عموما الناس و الاعضاء مو اسلوب واحد بس المشكله لو كان الاغلبيه اسلوبهم مو كلش ... ?:

و بالعكس موضوعك يطرح مشكله مهما فعلا و لازم تشوف الردود :)

مشكور تايدوس

[لوجــــــين]

سلالالالالالالالالالالالالالالالالالالالالالالالالالالالام رايق

اشلونك بعد

مشكور على موضوعك الصريح اللي لازم كل مشارك يكون على علم فيه لأنه لازم يلتزم بأسلوب رده و يكون في أداب بالمشاركه مثل ما يكون مؤدب و اهو يتكلم بالشارع

الأسلوبه بالكلام بيعكس نظره المشاركين لصاحب المشاركه الكل بيقرالة

ممكن شدة اسلوبة بالنقد بتكره الناس فيه و ياخذون عنه فكرة مو زينه عنه

بس الحمدالله ما شفت وايد من اللي ينقدون بطريقة سيئة

و على فكرة رايق :) مشكور لأنك كتبت اسمي
بس انا أفتكر مرات يصير نقدي دقيق بطريقة انا أتحسف عليها مرات أحس نفسي أحبط الرسام بس طبع فيني انشالله راح أغيرة


صح انت قلت صاحبك بيكره الرسم

وينه

عطني ياه خلا أشوف سالفته ليش كره الرسم و منو اللي كرهاه بالرسم:غضب: :غضب: :غضب:

أعرف شعور اللي ينحبط من شي اهو يكون تاعب عليه

بس صاحبك إذا كان قاعد يقرى كلامي فخل يتذكر انه حظه حلو انه أحد وجهاله نقد حتى لو كان سيء بس انه رسمه اثار اهتمام الكل و هذا دافع له على شان يحسن أكثر من فنه

شذي بيقلب الأيه من أساءه إلا تحدي للأسائة على شان يعطي أفضل ما عنده;)

بروووووووووووح أدور على صاحبك وينه:"

[الرايق 2000]

مشكوره لوجين لكن انا ما قلت كره الرسم

الولد لسه يرسم

لكن يقول ما صار له خلق يرسم

+ احنا هنا ما نناقش الولد و سالفته هنا ننقاشه قضيه النقد الحاد بزياده و قضيه المجامله الزايده بدون اظهار اخطاء

يعني انسوا ان في ولد ( انا جبته بس علشان ابين لكم و هو موجود ) لكن الي راح يتكلم عليه راح اطلب من المراقب يحذف رده او يعدله

احنا هنا نناقش قضيه مو شخص

[mai_arumashi]

انا بس حبيت انوه
ان حجم الرسمة يؤثر فى الناقد

كبيرة وايد>>>تحترق اعصابة و ينسي الكلام الى كان بيقوله
متوسطة>>> ممكن يقول كلمتين حلوات
تشوفها دون ما تنزل وايد تحت>>> الرد بيكون معلقه من الوناسه


Mai

[الرايق 2000]

الرسالة الأصلية كتبت بواسطة mai_arumashi
انا بس حبيت انوه
ان حجم الرسمة يؤثر فى الناقد

كبيرة وايد>>>تحترق اعصابة و ينسي الكلام الى كان بيقوله
متوسطة>>> ممكن يقول كلمتين حلوات
تشوفها دون ما تنزل وايد تحت>>> الرد بيكون معلقه من الوناسه


Mai

لا و الله انا اول ما دخلت المنتدى كنت احط رسمات بمقاسها الطبيعي بمقاس الكراس و شاهين جزاه الله خير كان يقولي صغرها و اعطاني المقاس الصح

و روايه اكثر من 200 مليون مره كانت الصوره إذا كبيره يصغرها و يحطها او محطوطه bmp ينزلها و يحولها و يحطها


حتى لو الصوره جدا سخيفه او جدا جميله


ايف ماي لكن السر في شخصيه اللي يرد و نفسه طيبه ولا شينه

[mai_arumashi]

كانت على العموم ملاحظة اضافية ، يعني زيادة على الكلام الى قلتوه
و أكيد الشخصية لها اثر كبير

[Ranma Saotome]

كلام حلو وماعليه غبار..

عندي كلمه انا بعد..
تدري اخوي الرايق تحصل احيانا لي انا شخصيا ويمكن غيري بعد مادري مرات ان من اول ماشوف رسمه انبهر بجمالها او جمال نقطه معينه فيها وانسى بافي الرسمه او مادقق فيها.. فأكتب الرد على طول و مرات ابالغ في الرد لأن الرسمه من اول نظرتين صج بهرتني واخذت عقلي..
لكن بعدين اشوف الاعضاء كتبوا العيوب وعلقوا عليها وكل شي..
اهم شي الواحد يتريث قد مايقدر في الرد.. شوراه!! محد لاحقه بعصا صح;)

ومشكور على الموضوع.. ناقشناه اكثر من مره ومازال يحتاج التذكير به من فتره وفتره..:)

[الرايق 2000]

الرسالة الأصلية كتبت بواسطة Ranma Saotome
كلام حلو وماعليه غبار..

عندي كلمه انا بعد..
تدري اخوي الرايق تحصل احيانا لي انا شخصيا ويمكن غيري بعد مادري مرات ان من اول ماشوف رسمه انبهر بجمالها او جمال نقطه معينه فيها وانسى بافي الرسمه او مادقق فيها.. فأكتب الرد على طول و مرات ابالغ في الرد لأن الرسمه من اول نظرتين صج بهرتني واخذت عقلي..
لكن بعدين اشوف الاعضاء كتبوا العيوب وعلقوا عليها وكل شي..
اهم شي الواحد يتريث قد مايقدر في الرد.. شوراه!! محد لاحقه بعصا صح;)

ومشكور على الموضوع.. ناقشناه اكثر من مره ومازال يحتاج التذكير به من فتره وفتره..:)

مشكور رانما

[هـداف]

أنا معاك في كل كلمه قلتها يالرايق وانا الصراحه من إلي يمدحون وايد لكن من الحين انشالله بسوي مثل ماقلت..... ولاتزعل:0) :0) :0)

[Rewayah]

الرسالة الأصلية كتبت بواسطة الرايق 2000
احنا هنا ننقاشه قضيه النقد الحاد بزياده و قضيه المجامله الزايده بدون اظهار اخطاء
بس أعتقد يا أخي الكريم الرايق, وهذا قد يكون إعتقاد راجح, إن المجاملة الزايدة والإفراط فيها أحسن من النقد الحاد والمبالغ فيه!!!
رغم أنه إثنينهم سلبين, وهذا شيء معروف!
إلا إنه "المجاملة" محبَّذه أكثر من "النقد". :)
وضرر المجاملة الزايدة أقل نسبياً من النقد الحاد!
يعني أنا أشوف إنه الواحد إذا بيرد على رسمة لعضو, فليجعل المديح بنسبة 60 - 70% والتنويه بنسبة 30 - 40%
يعني مقابل كل غلطة في الرسمة, لازم يطلع ثلاث أشياء عجبته!
لأنه الإعجاب يوَّلد الصداقة.
وأنا أرى أنه من الخطأ أن تتساوى النِّسب في هذه القضية. :)

مثلاً, هذا مثال يوضح وجهة نظري:
لو كان لدينا قطعة خشبية مستطيلة, ووضعناها على جسم يثبِّتها بحيث نقدر أن نميلها إلى اليمن أو اليسار, ثم وضعنا عليها كرة صغيرة في وسطها.
وكتبنا على الطرف الأيمن من الخشبة "مجاملة أو مديج" والطرف الأيسر "نقد أو تنويه".
فإذا ميلنا القطعة الخشبية لأي من الجهتين أكثر من اللازم فإنها حتماً ستسقط...
وإذا تركناها متساوية في الوسط فإنها لن تتغير أو تتطور!
وإذا ميلناها قليلاً للمجاملة, والمعروف أن الإنسان "يحب" المجاملة, فإنها ستضل تدريجياً تتطور لأنها معنا ولم تبتعد! لأنها تريد مصادقتنا!
لكن لو ميلناها قليلاً للنقد, فستضل تبتعد وتبتعد عنا لأن الإنسان بطبعه لا يحب النقد...
على الأقل حتى لو ميلناها كل الميل للمجاملة, فإنها حتماً ستسقط, ولكننا سنكون موجودين حينها للإلتقاطها ووضعها في مكانها لتعاود الكرَّة مرة أخرى والتمرين.
لكن لو ميلناها كل الميل للنقد, فحتماً ستبتعد بسرعة وتسقط بعيداً عنا ولا نعلم إن كان هناك من سيلتقطها وينتشلها ليحاول مساعدتها على العودة وإرشادها!

طبعاً قد يتضايق البعض من قراءة المديح والمجاملة الموجهة إلى عضو آخر وهو يظن أن رسمته لا تستاهل أو تستحق كل ذلك!
فهنا دعوني أطرح سؤالاً...
من الذي "يعلم" أكثر من الذي "لا يعلم"؟
الرسام المتمرس في الرسم أم الذي لا يرسم أو يعامل الرسم كهواية ثاناوية؟
طبعاً الرسام أكثر من غير الرسام! والرسام المتمرس أكثر من الغير متمرس!
فإذا مثلاً جاء الأخ شاهين وقال لفلان المبتدئ رسمك جميل كذا وكذا, ثم جاء آخر معلوماته في الرسم ليست لتلك الدرجة, فيعترض على الأستاذ شاهين... لماذا مدح فلان؟ رسمته لا تستحق كل هذا المديح!
هنا أنا أقول وما أدراكم؟
واضح للعيان وبشكل مطلق أن رسمت فلان ليست لتلك الدرجة جميلة أو مظبوطة! فعلاً!
لكن الأغرب, لماذا هذا الأستاذ المبدع يمدح تلك الرسمة؟
هل هو "المعذرة", غبي أو معتوه؟
وهو الرسام الكبير الفاهم !
هنا أقول وما أدراكم بماذا يفكر؟
قد يمدح شاهين لسبب يجهله المبتدؤون أو له نظرة خاصة لأنه "يعلم" وأنتم "لا تعلمون" وذلك بسبب فارق الخبرة! :)
لذلك لا نستغرب عندما نرى كبار الفنانين العالميين يمدحون ويشجعون الأطفال والهواة والمبتدئيين!
وقد يكونون صارمين مع تلاميذهم النجيبين ذوي الأسلوب المتميز والمتفوق!!
لماذا ذلك؟
لأنه لديهم نظرة معينة! :)

هذا اللي حبيت أقوله لكم وسامحوني لو طولت عليكم أو أتعبتكم معاي. :)

موضوع جميل يالرايق ومسلي ومفيد جداً! ;-)

[RSSAM]

انا ا ايد كلام الرايق وكلام روايه :)

روايه ترى ماطولت لآ:D

انا شفت هالنوع الي يمدح وما يطلع العيوب وهذا الشي لمن اشوفه اعصب وايد :D

احب الرأي الصريح ويكون متساوي النقد

يعني اقول رايه في الاشياء الحلوه ويطلع العيوب الي ماعجبته او يحب ينصح شي حلو

ولكم المايك :D

[shaheen]

هههههههههههه عاجبني مثال القطعة الخشبية يا رواية

انا اللي لاحظته ان هناك فئة من الاعضاء يمدحون الرسمة الجميلة بشكل زائد عن الحد وينسون عيوب الرسمة فقط لان صاحب الرسمة من كبار رسامي المنتدى.... هذا ما أواجهه في رسوماتي انا وما أراه في غيري من قدماء رسامي المنتدى...
كذلك هناك تمييز بين رسومات الرسامين والرسامات...
بصراحة انا ارى هذه الفئة التي تمدح بوضوح...

طريقتي في الانتقاد:
- المدح 50%
- اظهار الاخطاء 30%
- النصيحة10%
- طرق التطوير10%

على فكرة انا اشوف انا اشوف ان احنا نزيد من تشجيع ومدح المبتدئين... عشان يزيدون في مشاركاتهم ويطورون من نفسهم:)

[Space Cowboy]

خير الأمور الوسط


الأعتدال احبائي ...الأعتدال




حياكم :) ;)

[wildkitty]

الرسالة الأصلية كتبت بواسطة shaheen
هههههههههههه عاجبني مثال القطعة الخشبية يا رواية

انا اللي لاحظته ان هناك فئة من الاعضاء يمدحون الرسمة الجميلة بشكل زائد عن الحد وينسون عيوب الرسمة فقط لان صاحب الرسمة من كبار رسامي المنتدى.... هذا ما أواجهه في رسوماتي انا وما أراه في غيري من قدماء رسامي المنتدى...
كذلك هناك تمييز بين رسومات الرسامين والرسامات...
بصراحة انا ارى هذه الفئة التي تمدح بوضوح...

طريقتي في الانتقاد:
- المدح 50%
- اظهار الاخطاء 30%
- النصيحة10%
- طرق التطوير10%

على فكرة انا اشوف انا اشوف ان احنا نزيد من تشجيع ومدح المبتدئين... عشان يزيدون في مشاركاتهم ويطورون من نفسهم:)


انا مع شاهين انا احس انه رسمه سار مقبول من نصايح شاهين وتشجيعه لي انا بالبدايه حته الفوتوشوب عمري ما استخدمته بس من تشجيعه جربت والحين انا تقريبا ملونه 10 رسمات بالفوتوشوب و كل مره من مدح او ذم اتعلم شي يدي

[الرايق 2000]

اخوي روايه تعجبني ردودك لانك تتكلم بعقل

و شاهين كلامك صح


لازم المجامله لهدف التشجيع


لكن السالفه مو اني انا يوم اشوف واحد يجاملوه اقول الرسمه ما تستاهل لكن


السالفه كذا

إذا انا مثلا عرضت رسمه في الجالري مثلا الجالري حقي موجود عندك

مثلا دخل لك سين من الأعضاء دخل و مدح و مدح و مدح

الحمد لله انا فيني ميزه (قالي عنها واحد من الشباب ) قالي اني اقدر اطلع اغلاطي فيجيني هذا يجامل و يجامل

لنفرض اني انا من النوع الي ما يقدر يطلع اغلاطه راح اطلع في نفسي السما و انا ما اسوى جزره

هذا مثال علشان كذا انا اكره يوم احد يجاملني التشجيع على عيني لكن انا اعرف ان فلان (انا مثلا ) يحب الرسم و ماشاء الله عزيمته ما راح تنكسر

ما اروح اقووله انت فيك و يخطيك و الرسمه زفت و كذا و كذا و اكسر فيه

ولا اروح ادلعه

بكل سهوله بالنسبه لي كل الي محتاجه منك نقاط

اغلاطي احد يصحح و بس

يعني مثلا روايه انا جدا سعدت بردك في الجالري حقي حق التماثله و الطائره و بعدها انتبهت لسالفه عدم التوازن لاني ناقل الرسمه نقل

و شاهين عجبني رده في جالري بالنسبه للمنظور و اعطاني درس الله يجزاه خير

و تايدوس 2007 جزاه الله 2007 خير كل رسمه اعطيه هي يقولي كذا و كذا و كذا

و بعدها كل واحد فيهم حط جمله تشجيعيه


يصير نرجع لكلام روايه لازم نكنون في الوسط بين المجامله و النقد و عند النقد ما نطلع كل الأغلاط ولا نركز كلنا على نفس الغلط ليييش

لانها مو الرسمه الأخيره له راح يكون في 2 و 3 و 4 بعدها و اكيد الغلط راح يتكرر (الأغلاط اللي ما نبهوت العضو عنها ) فأعتبر انك تطلع فيي كل رسمه تقريبا غلط او 2

و بعد عدد من الرسمات راح تلاقي نفسك غطيت كل الأغلاط اللي في بالك و راح تطلع اغلاط جديده


هذا هو بالبساطه و اسف لو تعبيري ما ينفهم لاني تحمست شوي

:":