المساعد الشخصي الرقمي

مشاهدة النسخة كاملة : سيناريو مباراة الهند!!!!


DELPIERO
11-05-2001, 05:15 PM
خسر منتخب الامارات الوطني مباراته امام المنتخب اليمني1-2 بعدما كان متقدما عليه في الشوط الاول ؟؟ شو اللي حصل ؟؟ انا اقول افضل يلعبون بدل المنتخب نادي من الانديه كالوحده او الوصل او العين او الشباب الخ.... فهي بكثير افضل!!!
a.m.k
11-05-2001, 05:36 PM
صح كلامك
والله المنتخب صار مسخره
al_itti7ady
11-05-2001, 05:45 PM
انا اقول العين الاماراتي احسن نادي ممكن يلعب بدال هذا المنتخب الفاشل.
mr.nice guy
11-05-2001, 06:26 PM
معلش يا DELPIERO وهاردلك يا a.m.k

بس انا الي كسر خاطري هو علي سعيد الكعبي الي علق على المبارة مسكين راح
صوته من كثر مايعلق والله يروح يعلق بالدوري الايطالي مثل قبل ابركله


واكرر هاردلك لكل الجماهير الاماراتيه ... وشدراكم يمكن يفوزون المباراة الجايه
ويتاهلون ؟؟؟؟
DELPIERO
11-05-2001, 06:37 PM
والمشكله الكبيره مب هذي, اتحاد الكره لا زال بكامل قناعته بهذا المدرب التعبان؟؟؟؟؟؟!!!!
DELPIERO
11-05-2001, 07:48 PM
بس بغيت اقولك يا اخ ((al_itti7ady)) ان نادي العين ما عاد ذاك النادي اللي شفتوه في بطوله الانديه الخليجيه , فبعد حصوله على البطوله تدهورت حالة النادي واصبح في وضع لا يحسد عليه في ترتيب الدوري المحلي فنتمنى ان يعود مستوى نادي العين (مع اني ليس بعيناوي) وان يرضي طموحات جماهيره الكبيره.
HaKaN
11-05-2001, 07:58 PM
اول شي هاردلك للجميع على خسارة المنتخب !!

لكن شو نسوي هذا حال الكرة ... و اللاعبين الصراحة كانوا يلعبون بدون أي روح وطنية !!

المهم إن شاء الله التعويض في القطارة :)

و بالنسبة للعين .. ( فأنا تراني عيناوي متعصب ) ههههههههه لا تخافون .. صح اني متعصب لكني متفهم و طيب ;)

صحيح ان نادي العين تدهور بعد افلوز باللقب الخليجي لكنه عاد و نظم صفوفه و احتل المركز الرابع في الدوري المحلي بعد ان كان تاسعاً !!!!! :)

و أيضاً الحين بتبدأ تصفيات الدور الثاني من بطولة كأس رئيس الدولة ( حفظه الله ) .. و إن شاء الله بالتوفيق لجميع الفرق ( خاصة العين ) ;)

-------------
و تحياتي :)
SAM@GOOL
11-05-2001, 08:00 PM
((الدوري الاماراتي)) سيئ وهذا ينعكس على مستوى المنتخب
وسلامي........
DELPIERO
11-05-2001, 08:16 PM
صحيح يااخي ان الدوري سيء ولكنه لا يصل الى ما وصل اليه المنتخب؟؟‍‍‍‍‍‍‍‍‍ ويوجد في دورينا عدد بسيط من الانديه هي التي (محتكره ) البطولات ...اما البقيه ((خلها مستوره))
SAM@GOOL
11-05-2001, 09:34 PM
((را ح يطير فيها راس المدرب )) واذكرك .........
لان العرب جميعا يضعون المدرب شماعه لفشلهم
وسلامي..........
DELPIERO
11-05-2001, 10:05 PM
اكيد راح نحتج على المدرب وكل العرب يفعلونها (مثل ما تفضلت) بس تحصل مع غير العرب مثل الايطاليين مع منتخبهم في الامم الاوروبيه....احتجوا على المدرب لادخاله (اينزاجي) بدلا من (دل بييرو) او العكس وحصلت مع كثير من المنتخبات....ولكن حجتنا اقوى, كيف يدخل المدرب لاعب مهاجم ويسدد برجله اليمنى كظهير ايسر, او كيف يشرك لاعب في قلب الدفاع (وهو احتياطي) في الهجوم؟؟؟ هذا المدرب عاكس الدنيا؟؟ وتسلم....
Uncharted
11-05-2001, 11:20 PM
تعالو ابى اعرف انتو من قبايل ولا.......................
خسارة منتخبنا الوطني مب معناته نتشمت فيه لانه يمثل الدولة.
ويمكن مابشره ومابنقد على اللي من برى.
لكن ماظني انه فيه واحد تحت راية الامارات بيهين منتخبه.
اذا كان اللعيبة (الاعبين) ماقدموا المستوى المطلوب مب معناته ان فريقنا فاشل .
والعيب مب من المدرب العيب في اللعيبة انفسهم .
واحب اوضح نقطة مهمة في عالم الرياضة ..
الاحتراف مب تلعب يوم توصل العشرين .
الاحتراف من الصغر . كيف نحبب الرياضة في نفوس الصغار وندربهم لين يعرفون شو معنى الرياضة.
أنا مب عيناوي وبس أنا امثل الامارات كلها امثل الخليج والعرب .
وسقوط منتخبنا .. يحتاج الى دعم وتشجيع مب اهانه وتحطيم..
شباب انا لوما معزتي لكم ماقلت لكم هذا الكلام.. وطبيعي كل منتخب يمر بظروف ..
يعني منتخب الامارات كيف كان 96؟؟؟؟؟
وويش سوى في دورة الخليج اللي في أبوظبي؟؟؟
وكيف كان 90 ؟؟؟

وهذا ينطبق على كل منتخب.
عمان كيف كان والحين كيف غدى؟؟
منتخب الكويت انهزم امام عمان؟؟
السعودية امام اليابان؟؟

ليش ننكر الواقع؟؟
هذه مب اهانة ولاتجريح لاي دولة . ولكن نقول هدوا هدوا ..
صدقوني المنتخب بدون عدنان وزهير وبخيت وخميس ومحسن بيقل مستواه ولكن الشباب فيهم الخير والبركة.
وبالنسبة لدوري الامارات مثل ماقال sam@cool انه سيء لما حصل العين على بطولة دول مجلس التعاون. ولما أحترف فيه لعيبة من دول مجلس التعاون والدول العربية والافريقية ولو الدوري سيى لما اخذ الكاس اكثر من نادي.
السيء اللي بس الكاس محدد بين فريقين ((( في الغالب))) مثل الاتحاد والهلال .
أو الزمالك ولاهلي لدرجة ان الناس صاروا اعداء؟؟؟؟
وكل دولة تحوي النادي القوي والضعيف ..
وياليت اللي عنده وطنية مايسب منتخبه.
وتسلموووووون يالربع..
والسموحــــــــــــــــــــة من الجميع.
SAM@GOOL
12-05-2001, 01:06 AM
لا تغفلوا دور الاداره ((في سقوط الفريق))
وسلامي.......
مجنون الكالتشيو
12-05-2001, 02:49 AM
مبروك لكل إماراتي (( مدربكم ألتعبان أُقيل )) والبديل صقر أو ألصقر حاجه زي كذا وأتمنى تفوزون في مباراتكم الجايه وتتأهلون . . . .
CASH2000
12-05-2001, 03:28 AM
ما اقو إلا فين أيامك يا بخيت سعد و الطلياني :( :( :( ?: ?: ?:
DELPIERO
12-05-2001, 10:35 AM
والله صدقت يا كاش....صدقت ....وين بخيت وين عدنان وين زهير وين خميس ...بس بشاره لكل المهتمين, المدرب عبدالله صقر ناوي يدخل بعض اللعيبه القدامى:واو:
Uncharted
14-05-2001, 12:17 PM
غريبة؟؟؟؟؟
مع اني اول واحد ذكر دور عدنان وبخيت واللعيبة القدامى الا ان بعض الناس ايدوا المراقب؟؟؟؟؟
صدق غريبة؟؟؟؟؟؟؟؟؟؟؟؟؟؟؟؟؟؟؟
بس ماعلي عادي المهم كلمة الحق تنقال
وسلام
DELPIERO
14-05-2001, 01:08 PM
انا ما قلت حقه صدقت الا عشاني انا شبابي وهو كتب اول شيء (بخيت سعد) فعجبتني:p ..... وانته ما مدحتهم بس قلت ان الحال بيبقى مثل ما هو عليه.... واسمحلنا ترى ما ضنينا انك حساس:D
Uncharted
14-05-2001, 01:18 PM
ولايهمك ياعزيزي ... حقك علي ...
بس ياخي لو تقرا بعض المواضيع وتلقى انك كاتب موضوع ويرد عليه اكثر من واحد ويوافقونه وانت بو لباس ؟؟ مادري ياخي؟؟
بس اسمحلي موب قصدي شي والله يطول عمرك وتسلم على الموضوع..
وسلام يااماراتي(ياشبابي ;)
عندكم بخيت الصاروخ اتمنى انه يرد للمنتخب قول آمين
وتسلم
DELPIERO
14-05-2001, 01:25 PM
ارجوك بسرعه قولي وين انا لابس اي حد لاني اول واحد يستحي من هذي الشغله...ومشكور على المدح:)
Uncharted
14-05-2001, 01:41 PM
لا يادلبييرو مب انت
حشاك والله
انا اقولك افرض لو انت كاتب موضوع وبعدين اللي يردون عليك معطينك بو لباس
انا ماقول انت اقولك افرض ...
وتسلم...
DELPIERO
14-05-2001, 01:53 PM
بصراحه .... مب حلوه, وهاذيل ما يستحون على ويوهم, بس بغيت اسالك ليش انت ما تنشر مواضيع لانه مبين عليك انك انسان فاهم ومحبوب في المتدى:cool:
Uncharted
14-05-2001, 02:08 PM
من طيب اصلك الله يطول عمرك..
فيه مواضيع نشرتهن في السوني والاسرار والمنتدى العام وبعض المنتديات
بس الله يسلمك ويسلم غاليك .. فيه ناس يردون باحترام وناس طفره وناس ؟؟؟؟ يعني بالله عليك شوف منتدى النينتندو وشوف الموضوع مال ماريو بارتي3 وقولي اذا انا غلطت في شي؟؟؟
ولو الناس يفهمون شراتك لترست المنتدى مواضيع..
وتسلم ..
والسمووووووووووووووووحة من الجميع..
DELPIERO
14-05-2001, 03:54 PM
الحق عليك لانك عطيته ويه وكلمته باحترام....... بس ارجوك اذا استوالك اي شيء مثل اللي استوى, ارجوك قولي لاني اموت في هذي السوالف:p
ABDULLAH2001
14-05-2001, 06:36 PM
هارد لك للامارات وانشاء الله يعوضنها بس اتوقع السبب المدرب يلجايب لغيبة ما تعرف وين المرمى والدليل المبارة الي صارت
DELPIERO
14-05-2001, 06:39 PM
اكيد هو في غيره يا عبد الله...واحييك مره ثانيه في المنتدى;)
jericho2001
14-05-2001, 07:03 PM
مو كل الاسباب المدرب لان في دور للادارة الكويت خسرت من البحرين علشان ادارة..
بعدين مافي عنصر الخبرة الحين في الامارات.
DELPIERO
14-05-2001, 08:30 PM
كلامكم صح100% بس بغيت اقولك يا اخ جيرشو....منتخب الكويت مشكلته الكبيره مب من الاداره...بس لاعب من اللاعبين لانه واحد منهم حاول يتزعم منتخبهم واصبح هو الآمر والناهي واصبح هو دوره كدور المدرب:o