سيناريو مباراة الهند!!!!

[DELPIERO]

خسر منتخب الامارات الوطني مباراته امام المنتخب اليمني1-2 بعدما كان متقدما عليه في الشوط الاول ؟؟ شو اللي حصل ؟؟ انا اقول افضل يلعبون بدل المنتخب نادي من الانديه كالوحده او الوصل او العين او الشباب الخ.... فهي بكثير افضل!!!

[a.m.k]

صح كلامك
والله المنتخب صار مسخره

[al_itti7ady]

انا اقول العين الاماراتي احسن نادي ممكن يلعب بدال هذا المنتخب الفاشل.

[mr.nice guy]

معلش يا DELPIERO وهاردلك يا a.m.k

بس انا الي كسر خاطري هو علي سعيد الكعبي الي علق على المبارة مسكين راح
صوته من كثر مايعلق والله يروح يعلق بالدوري الايطالي مثل قبل ابركله


واكرر هاردلك لكل الجماهير الاماراتيه ... وشدراكم يمكن يفوزون المباراة الجايه
ويتاهلون ؟؟؟؟

[DELPIERO]

والمشكله الكبيره مب هذي, اتحاد الكره لا زال بكامل قناعته بهذا المدرب التعبان؟؟؟؟؟؟!!!!

[DELPIERO]

بس بغيت اقولك يا اخ ((al_itti7ady)) ان نادي العين ما عاد ذاك النادي اللي شفتوه في بطوله الانديه الخليجيه , فبعد حصوله على البطوله تدهورت حالة النادي واصبح في وضع لا يحسد عليه في ترتيب الدوري المحلي فنتمنى ان يعود مستوى نادي العين (مع اني ليس بعيناوي) وان يرضي طموحات جماهيره الكبيره.

[HaKaN]

اول شي هاردلك للجميع على خسارة المنتخب !!

لكن شو نسوي هذا حال الكرة ... و اللاعبين الصراحة كانوا يلعبون بدون أي روح وطنية !!

المهم إن شاء الله التعويض في القطارة

و بالنسبة للعين .. ( فأنا تراني عيناوي متعصب ) ههههههههه لا تخافون .. صح اني متعصب لكني متفهم و طيب

صحيح ان نادي العين تدهور بعد افلوز باللقب الخليجي لكنه عاد و نظم صفوفه و احتل المركز الرابع في الدوري المحلي بعد ان كان تاسعاً !!!!!

و أيضاً الحين بتبدأ تصفيات الدور الثاني من بطولة كأس رئيس الدولة ( حفظه الله ) .. و إن شاء الله بالتوفيق لجميع الفرق ( خاصة العين )

-------------
و تحياتي

[SAM@GOOL]

((الدوري الاماراتي)) سيئ وهذا ينعكس على مستوى المنتخب
وسلامي........

[DELPIERO]

صحيح يااخي ان الدوري سيء ولكنه لا يصل الى ما وصل اليه المنتخب؟؟‍‍‍‍‍‍‍‍‍ ويوجد في دورينا عدد بسيط من الانديه هي التي (محتكره ) البطولات ...اما البقيه ((خلها مستوره))

[SAM@GOOL]

((را ح يطير فيها راس المدرب )) واذكرك .........
لان العرب جميعا يضعون المدرب شماعه لفشلهم
وسلامي..........

[DELPIERO]

اكيد راح نحتج على المدرب وكل العرب يفعلونها (مثل ما تفضلت) بس تحصل مع غير العرب مثل الايطاليين مع منتخبهم في الامم الاوروبيه....احتجوا على المدرب لادخاله (اينزاجي) بدلا من (دل بييرو) او العكس وحصلت مع كثير من المنتخبات....ولكن حجتنا اقوى, كيف يدخل المدرب لاعب مهاجم ويسدد برجله اليمنى كظهير ايسر, او كيف يشرك لاعب في قلب الدفاع (وهو احتياطي) في الهجوم؟؟؟ هذا المدرب عاكس الدنيا؟؟ وتسلم....

[Uncharted]

تعالو ابى اعرف انتو من قبايل ولا.......................
خسارة منتخبنا الوطني مب معناته نتشمت فيه لانه يمثل الدولة.
ويمكن مابشره ومابنقد على اللي من برى.
لكن ماظني انه فيه واحد تحت راية الامارات بيهين منتخبه.
اذا كان اللعيبة (الاعبين) ماقدموا المستوى المطلوب مب معناته ان فريقنا فاشل .
والعيب مب من المدرب العيب في اللعيبة انفسهم .
واحب اوضح نقطة مهمة في عالم الرياضة ..
الاحتراف مب تلعب يوم توصل العشرين .
الاحتراف من الصغر . كيف نحبب الرياضة في نفوس الصغار وندربهم لين يعرفون شو معنى الرياضة.
أنا مب عيناوي وبس أنا امثل الامارات كلها امثل الخليج والعرب .
وسقوط منتخبنا .. يحتاج الى دعم وتشجيع مب اهانه وتحطيم..
شباب انا لوما معزتي لكم ماقلت لكم هذا الكلام.. وطبيعي كل منتخب يمر بظروف ..
يعني منتخب الامارات كيف كان 96؟؟؟؟؟
وويش سوى في دورة الخليج اللي في أبوظبي؟؟؟
وكيف كان 90 ؟؟؟

وهذا ينطبق على كل منتخب.
عمان كيف كان والحين كيف غدى؟؟
منتخب الكويت انهزم امام عمان؟؟
السعودية امام اليابان؟؟

ليش ننكر الواقع؟؟
هذه مب اهانة ولاتجريح لاي دولة . ولكن نقول هدوا هدوا ..
صدقوني المنتخب بدون عدنان وزهير وبخيت وخميس ومحسن بيقل مستواه ولكن الشباب فيهم الخير والبركة.
وبالنسبة لدوري الامارات مثل ماقال sam@cool انه سيء لما حصل العين على بطولة دول مجلس التعاون. ولما أحترف فيه لعيبة من دول مجلس التعاون والدول العربية والافريقية ولو الدوري سيى لما اخذ الكاس اكثر من نادي.
السيء اللي بس الكاس محدد بين فريقين ((( في الغالب))) مثل الاتحاد والهلال .
أو الزمالك ولاهلي لدرجة ان الناس صاروا اعداء؟؟؟؟
وكل دولة تحوي النادي القوي والضعيف ..
وياليت اللي عنده وطنية مايسب منتخبه.
وتسلموووووون يالربع..
والسموحــــــــــــــــــــة من الجميع.

[SAM@GOOL]

لا تغفلوا دور الاداره ((في سقوط الفريق))
وسلامي.......

[مجنون الكالتشيو]

مبروك لكل إماراتي (( مدربكم ألتعبان أُقيل )) والبديل صقر أو ألصقر حاجه زي كذا وأتمنى تفوزون في مباراتكم الجايه وتتأهلون . . . .

[CASH2000]

ما اقو إلا فين أيامك يا بخيت سعد و الطلياني ?: ?: ?: