مشاهدة النسخة كاملة : زحمة مشاعر
Arsene Lupin
01-11-2002, 04:54 PM
ما قد صار لاحد منكم بانه حس بكل مشاعر الدنيا في لحظه وحده؟ ?:
او على الاقل في فتره قصيرة؟
امس صراحه كان يوم غير طبيعي... ما ادري اذا كانت كل مشاعر الدنيا... بس اللي اعرفه انها كانت زحمة مشاعر... ما ادري وش ابدي منها...
لا و الي زاد الطين بله اني كنت اشتغل على بحث... فجمع لي بعد كم شعور فقلطوا كلهم عندي... البطين الايسر جاه فتق، و الاذينين خارج الخدمة مؤقتا... باقي البطين الايمن عايش عليه....
صراحه حتى الحين ما ادري وش قاعد اكتب... يعني وش الهدف من هالموضوع؟؟ مدري... بس اظن اني على قولة هارب... قاعد افضفض :6 ...
بس افضفض ايش؟ المشاعر؟؟ حتى انا مدري بالظبط وش كانت!! اذكر كانوا زحمه.. و احس كنه حلم امس... اظنه تأثير المواصل...
اذكر كنت مبسوط لان الراتب نزل... و كنت متضايق لان عندي بحث و مدري ابقدر اخلصه ولا لا... و كان فيني نوم لاني مواصل... و كنت جوعان و الثلاجه فاضيه و كل المطاعم مسكره...
و كنت اترك البحث شوي و اقعد ادور في المنتدى... و شوي و يقلط مستر طفش... فحجرلي بين النت و البحث...
و فجأة و أشوف عمو "حب" يشر لي من بعيد... بغيت اروح له و اجحد الشباب اللي عندي بس جاني قبل ما اجيه...
مع هالزحمه... فكرت أألف شعور ثاني افتك به منهم... قعدت افكر في ايام ال KSA... جاني homesick ?:
كلهم يجون ما عرفت اروح لاحد...
و تجمع بعد كذا يأس... و فخر... و اشفاق... و تتنيح (اذا احد يعتبر ذا شعور) ..
و غيرها كثير...
بعد كذا قلت اكيد هذا من المواصل و الشغل على هالبحث... خل اروح اتروش اطير هالنوم و اكمل هالبحث...
و اقعد شوي تحت الدش... و ما ادري الا و انا مالي البانيو... و حاطه على الحار... قلت خل ناخذ غفوة شوي في هالجاكوزي :6 (امحق جاكوزي)
و ما دريت الا و انا نص نايم و نص قايم... خدر جسمي كله مع الموية الحاره... و فوق كل ذا نصي نايم... و جوعان... و ستين واحد مقلط في القلب... و الدماغ بغا يعلق لوحة للتقبيل معد يعرف وش يسوي...
ابي ارقد بس المخ يقول وراك بحث اعقل...
في اخر شي قررت اني اطلع و اكمل البحث... بس لاحظت شي...
ما اقدر اتحرك ?: ... ما اقدر اشيل نفسي...
منهد حيلي على الاخير... و ما في بطني شي... و نصي نايم... و زود على كذا الموية حااااارة و خدرت جسمي... لا و غايص جواها ما طلع الا راسي... فزادت الثقل...
موقف غبييييي... بس مع ذلك حسيت بالموت :":
المشكلة مفتاح الموية من الجهة الثانيه ما اقدر اسكره... (ابغرق هههههههه)
في الاخير... ما لقيت اي حل ثاني...
لازم اشيل نفسي وآقف...
اسهلكت كل الطاقة المتبقية من شلخة البيتزا اللي تعشيت عليها... و حالوت اقوم في لحظه وحده...
قمت... المخ طفا الكهرب عنده... صار يشتغل على بطاريات حاطينها في الثلاجه باقي فيها شوي طاقه...
الدنيا بدت تطفى قدامه... مسكت الروب و التفيت فيه و انحشت من الحمام و يالله اشوف الي قدامي... و اشوف الكنب من بعيد... و اركض و الدنيا قدامي خلاص ظلام معد اشوف شي...
و اجدع نفسي عليه...
قعدت كم دقيقه اخذ نفس... و افكر وش صار تو... بدت ترجع على خفيف الطاقة الكهربائيه للمخ...
رحت شربت لي كاس موية بارد يصحيني شوي...
و تظبط على خفيف الوضع... اخر شي قررت اسحب على الكلاس.. لاني ما اقدر اكمل سهر بعد كذا... خلاص شفت الموت...
كمل الباقي من البحث و ارسلته للمدرس بالايميل...
حسيت الدنيا مقلوبه فوق تحت بعد هالموقف...
ارتحت شوي بعد ما خلصت البحث و ارسلته...
قلت لازم القا صرفه لهالشباب المقلطين في القلب... ناظرت لي حلقة من ساينفلد (مسلسل كوميدي للي ما يعرفونه)... تدربيت من الضحك زي العاده ...
حسيت الوضع اريح من قبل... قلت خلاص الحين اعرف انام... و نمت و دخلت طبعا في عالم ثاني و ما قمت الا قبل اربع ساعات تقريبا.
احس اني افضل من امس... بس الى الان احس فيه مشاعر باقية من امس.
بالنسبه لمشاعر امس... ما ادري كيف اعبر عنها... بس يمكن يكون افضل اني اسرد الاحداث الي جمعت هالمشاعر... يمكن تقدر تفهم منها المشاعر ذي...
لان صراحه مدري وش بالظبط الي احس فيه... بس اعرف اني احس بشي... احساس عميق (باقي آثار من البانيو :6 )
و يمكن اكون اعرفه بس مدري كيف اعبر عنه...
... اظن هذا الي في راسي...
في احد قد مر عليه هالكم الهائل من المشاعر؟ ?:
و معليش فيه مشاعر كثير ما ذكرت اسباب حضورهم... لان بعضها يطول الكلام عنها و بعضها اسباب شخصيه...
على العموم... مدري وش الهدف من هالموضوع... بس ممكن تخلونه مكان فضفضة مشاعر
فاللي في راسه شي يكتبه... بس لا يقعد يشعر ولا يكتب خواطر علينا... هذا يعني تعرف تعبر عن مشاعرك... هالموضوع خلوه للي ما يعرف يعبر عن مشاعره...
و اذا ما تعرف كيف ما تعرف تعبر عن مشاعرك... فانت فعلا ما تعرف تعبر عن مشاعرك... <=== (تراها سليمه هالجمله:6 )
اما اذا تعرف رح لموضوع الخواطر و اكتب الي في راسك...
العمدا
01-11-2002, 06:41 PM
يا كثر ما تجينى مثل هالحاله..
تحس انك خلاص بتموت ?:
انا اخر مره حسيت بهالاحساس امكن من اسبوعين فى الويكند برضه .. كان الربوع زهق وملل وطفران :# وامى موصيتنى من اسبوع بخرجه من خرات السوق الى ترفعلى الضغط والسكر ...و فيه غير هالاشياء كثير .بس احس ماله داعى اذكرها :o
وش اسوى :!
ابى افتك ?:
والى سويته كملت يومى عادى صحيح كنت مهموم وزهقان من الدنيا المهم وجا الخميس وخرجت مع امى واخذتها بسعه صدر وعدت على خير :6
وهذانى هالحين راقد على ملايين :# <<--- ( امحق :6 )
(تراها سليمه هالجمله:6 )
ايه واضح :p
Arsene Lupin
01-11-2002, 07:24 PM
و الله صارت لي كم مره ايام السعوديه...
مثل احيانا اكون ناوي اسوي شي معين... يعني متواعد مع شباب ولا شي زي كذا... و فجأه بدون مقدمات يجيك أمر من السلطات العليا انك تروح تجيب شي... :" ... و يكون في نفس وقت مواعدتك لهم... فاحيانا ما نلتقي الا متأخرين...
يجيني ابليس في لحظتها و يثبتني و يعد الى ثلاثه... بس ارفع كتفي في اخر لحظه :6
في اخر شي اروح اجيب هالشي... و نفسي في خشمي... و دايم اذا كنت كذا لازم سبع طعش واحد في الطريق يحدك ولا يلف عليك ولا يبلاك في عمرك... عشان يرتفع ضغطك زود...
خنباج: قلنا اسباب شخصيه ياخي... ليش كذا :":
MEL C
01-11-2002, 09:53 PM
ههههههههههه الله يعينك مثل ماصار لي يوم ينكب علي الشاهي في الصبح واتسبح بمويه ثلج....قعدت اتنافظ بعد الحمام نص ساعه:6
ناظرت لي حلقة من ساينفلد
هههههههههههه ترا كريمر شقراوي:6
هههههههههههههههههه :أفكر: <مدري اضحك ولا افكر?:
تدري ...
انا بعد من ذاك النوع الي ما يعرف يعبر:D ابدا:#
عشان كوذا بعلق على كلامك<<ما تعرف غير الطنازه:":
بس افضفض ايش؟ المشاعر؟؟ حتى انا مدري بالظبط وش كانت!! اذكر كانوا زحمه
يا كثر ما تجيني هالحاله .ودايم اسميها الحاله المفهيه:":
قهر ما اعرف اصلا وش الي فيني?:
و كنت جوعان و الثلاجه فاضيه و كل المطاعم مسكره
هيهيهيهيهيه:p هذي عيني...
مع هالزحمه... فكرت أألف شعور ثاني افتك به منهم... قعدت افكر في ايام ال KSA... جاني homesick
http://www.plauder-smilies.de/square/sqsad.gif....
اسهلكت كل الطاقة المتبقية من شلخة البيتزا اللي تعشيت عليها
يعني اكلت بيتزا:واو: ليه ابي بيتزا:( <<اسكتي لا تصكينه عين مرع ثانيه:":
قلت لازم القا صرفه لهالشباب المقلطين في القلب
اي والله حتى انا يبلي القالهم صرفه.....
بس سالفه الموت والبانيو.......تخوف:": .........انا قد حسيتها بس مو في الحمام:6
على فراشي:" خدر كل جسمي وقعدت اتشهد على بالي خلاص بموت:":
الله يسرت بس
انتبه عموما لنفسك مره ثانيه وكل زين وكمل بحثك:)
ولاتكثر من البيتزا عاد:":
Arsene Lupin
01-11-2002, 10:54 PM
الرسالة الأصلية كتبت بواسطة MEL C
ههههههههههه الله يعينك مثل ماصار لي يوم ينكب علي الشاهي في الصبح واتسبح بمويه ثلج....قعدت اتنافظ بعد الحمام نص ساعه:6
هههههههههههه ترا كريمر شقراوي:6
ههههههههههه اكيد شقراوي... يكب كل شي قدامه... مثلك كاب الشاهي :6
لينا: و الله صرت اخاف منك... شكلك من جد تعطين عين ?: ... نظامي الغذائي متدهور هاليومين (و هو طول عمره متدهور :6 )
و صراحه هالبيتزا و الله بدت تطلع من خشمي... كنت افكر انه اذا كنت جوعان... اي شي بيكون زين... لا بس و الله اني اصير جوعان و لا اكل الا قطعه ثم ارجع الباقي في الثلاجه...
شكلي ابطبخ من جد ?:
هههههههه الي على الفراش صارت لواحد من الشباب في السعوديه...
نايم في استراحتهم... و كان الحاله... و نايم على الجوع و ما عنده شي يوكل :D
كل ما جا يقوم... يحس نفسه خادر و ما يقدر يشيل نفسه... يرجع ينام... و على كذا الى ما كمل 24 ساعه :p
اخر شي قعد يزحف الى ما وصل الحمام و غسل وجهه... و دق على احد من الشباب يجيب له اكل و لا بيموت ههههههههه
مشكله صراحه النوم على الجوع...
RPG_master
02-11-2002, 05:46 AM
ياخي حسيت نفسي مكانك جتني كتمه وحاله?:
المهم وراي مشاوير تعرف سواق العائله..اذا رجعت رديت عليك:6
عماد 18
02-11-2002, 06:52 AM
تدري وش حل هالحالة ؟؟
انك تتذكرني ":" ..
حط نفسك في مكاني ..
لا انترنت ..
و لا اهل ..
و الاصدقاء تحس انهم يجاملونك لانك غريب ..
و ما لك الا البلايستيشن ..
لا و ان بغيت تسوي رومانسي و تتمشى ما لك الا بحيرة الاسكان -عبارة عن حديقة حول بكرة مجاري اللي يعتبر المكان الوحيد العزوبي - ..
لانك لو بتروح للسوق يبي يجيك واحد يبي يقول عوائل ..
و ان اخذت لك بزر عشان ما يزعجونك طلعوا فيك علة مثل لازم تغطي شعرك :| !!
يعني انت بنعمة :" ..
silverpaco_101
02-11-2002, 06:57 AM
حالتك صعبه صراحه :6
أنا تجيني مرات زحمه مشاعر بس مهوب لها الدرجه:-)
MoaeD
02-11-2002, 07:40 AM
ارسين الله يعينك والله حالتك حاله وذا البحث بيسببلك صرع :p
قايلك خل نلعب بلوت بس انت ماش <---- فاضي :p
المهم حياك الله <---- خبط :p
وكل زحمه وانت بخير :6
و دايم اذا كنت كذا لازم سبع طعش واحد في الطريق يحدك ولا يلف عليك ولا يبلاك في عمرك... عشان يرتفع ضغطك زود...
من جد :p
حتى ذيك اليوم رقعت ولا رحت الا يوم اخذت حقي كله
من القهر اللي انا فيه وزياده :p
حتى كانت صدمة خير عبت جيبي الفاضي :p
وكانت حكه خرطي :6
الموهم يالله السلامه :)
عماد : احمد ربك على الصحه
لا يجيك شي يكمل عليك كل مداعي المأساة :أفكر:
على الأقل منتب بغربه زي ارسين :)
وشوكرن
RPG_master
02-11-2002, 08:14 AM
انا دايم اتننح وتجيني حالات زحمه مشاعر مثلك
بس اأجلها الين ما قبل النوم:o
اقعد افكر فيها برواقه وبدون تناحه:6
على فكره..اهم شي المشاعر الشخصية;-) :6
Arsene Lupin
02-11-2002, 09:31 AM
شوشه: وين يا عمي قبل النوم... انا كنت في حالة نص نايم... اقول لك الوضع كله كأنه حلم :6
لا و يوم جدعت راسي... نمت قبل لا المس المخده :p
و شي ثاني المخ كان خارج الخدمه مؤقتا
و صراحه البلا في المشاعر الشخصية :# :6
طربط طعش: المشكله شوشه تذكرك و فكر فيك يوم ينزنق في المطعم... و ما استفاد شي :6
و شي ثاني كلامك هذا وصف لعيشتك بشكل عام.. موب لحظه... انا تقريبا مثلك... احمد ربك على الاقل معك سياره... انا اذا جعت في الليل ما عندي الا اني اطلب بيتزا.. لا و احيانا مسكرين ?:
سيلفرباكو: عادي فضفض :6
موعيد: فيه مشاعر كانت تجاه البلوت بعد.. بس الى الآن ما عرفت احدد وشي:6
و جد و الله... احيانا القهر يمسح مخك و تسوي اي شي بس يخف عنك ?:
و الله يعين الجميع...
smoke
02-11-2002, 09:58 AM
سلااااام .....
أنا أحترم كل أنسان ما يعرف يعبر عن مشاعرة .....( يحسب عمره على التلفزيون..!)
مشاعرك هي : الوحدة الشديدة , الأشتياق للديار , الجوع ( كل بيتزا) , الغربة , الذكريات التي تخطر ببالك عن الأهل و الأصدقاء ( أدري بكّيتك) ....
وقت ما تختلط هذي المشاعر معا بعضها تكون مزيج مو مفهوم من الأحاسيس .... السبيل لكي ترتاح نفسيا هو أن تتقي الله ... حافظ على صلاتك , استمع إلى القرآن دائما ...... وإنشا الله ربنا بيحفظك من كل مكروه ...
و اذا ما تعرف كيف ما تعرف تعبر عن مشاعرك... فانت فعلا ما تعرف تعبر عن مشاعرك... <=== (تراها سليمه هالجمله )
يا سلام .... تذكرني ببيت الشعر اللي يقول :
كأننا و الماء من حولنا ................ قوم جلوس و حولهم ماء:!
وسلامتكم ...........
flarestar
02-11-2002, 10:04 AM
يؤ :(
هذا توه صاير لي يوم الخميس كل مشاعر الدنيا تجمعت بمخي و سوت زحمه و حوادث الله لايوريكم:"
اول شي لما اقعد انتظر شي طول اليوم بعدين يجي و يروح و انا ماحسيت فيه :(
بس اني استانست شوي الحمد لله:)
بعدين جت عسل و قعدت معاي شوي بعدين راحت هي بعد:(
و انقهرت قهر صرت home alone:"
قاعده بس اتصفح بها المنتدى و اعصابي محترقه على نار
و شاركت مشاركات قمه في السخافه:6
و قعدت على هالحال فوق 6 ساعات اتصفح في المنتدى و انا احترق غيضا
و لما خلاص تركت المنتدى رحت لغرفتي قلت خل اسمع شوي اغاني
و يوم شفت سريري:(
و اطيح عليه و اصيح و اصيح و مادري الا و انا بكرى الساعه 11 الظهر بغرفه امي?:
و يوم قمت حسيت قلبي يتقطع
احساس غريب اول مره احس فيه:(
حسيت اني ما اقدر اتنفس
من يالله قمت من السرير
و نزلت سلمت على امي
و اكلت بسكوت ديمه<== طايحه فيه هاليومين:6
و بث:)
Arsene Lupin
02-11-2002, 10:18 AM
سموك: زد عليها النوم :6 ... و اظن الحوب :# ...
و فيه غيرها مشاعر ايجابيه بس مع ذلك ما كنسلوا بعض... الا سووا زحمه مع بعض... مثل ان الراتب نزل ذاك اليوم... و كنت مره طفران و حتى الفواتير ما اسددها...
بس الحمد لله كل شي عدى على خير...
فلير: ?:
شكلك من جد تعشقين المنتدى...
هاللي صاير من جد غريب... تصل الى درجة الصياح؟؟؟ اكيد فيه سبب ثاني... و اعتقد و الله اعلم انه الشي الي جا وراح :أفكر:
استانستي انك دريتي ان هالشي موجود... بس بعد فترة حسيتي انك فوتي فرصة عمر... (لا اكون ازيد الطين بله :": )
و الله يعين الجميع
flarestar
02-11-2002, 10:27 AM
اما بصيح عشان المنتدى:!
هههههههههههههه
ضحكتني:6
لا اصيح عشان حاجات واجد تجمعت:o
و مافيه شيء جاء وراح للابد و لافوت فرصه عمر و لاشيء:":
انشاء الله كل شيء يتعوض:-)
اييييه واجد تصير لي هذي الحاله:o
كتمه في قلبي مو صاحيه :( ( طلعت بنت اختي جالسه على :D )
لالالا صراحه تصير معاي:D
بس احاول انساها ........ وكلها خمس دقايق و انا ناسيه:D
Arsene Lupin
02-11-2002, 10:43 AM
كتمه في قلبي مو صاحيه ( طلعت بنت اختي جالسه على )
ههههههههههههههههههههههههههههههه :D :D
هو فعلا كلها تروح بعد فتره... و انا دايم امشي على هالقاعده... مهما حسيت باحساس كريه... اعرف اني ابطلع منه قريبا انشالله...
نفس الشي صار معي امس... و هذا اليوم عدا و الحمد لله الوضع تحسن :0)
فلير: اذا كان نفس الي انا فاهمه... فوالله اني ياما حسيت بهالشي... و اكثرها مره في ايام الثانوي :": ... ما راح انساها ابد...
و الله يعينك... و انشالله بياخذ لفه ثانيه هالشي :)
الرسالة الأصلية كتبت بواسطة Arsene Lupin
لينا: و الله صرت اخاف منك... شكلك من جد تعطين عين ?: ... نظامي الغذائي متدهور هاليومين (و هو طول عمره متدهور :6 )
و صراحه هالبيتزا و الله بدت تطلع من خشمي... كنت افكر انه اذا كنت جوعان... اي شي بيكون زين... لا بس و الله اني اصير جوعان و لا اكل الا قطعه ثم ارجع الباقي في الثلاجه...
شكلي ابطبخ من جد ?:
هههههههه الي على الفراش صارت لواحد من الشباب في السعوديه...
نايم في استراحتهم... و كان الحاله... و نايم على الجوع و ما عنده شي يوكل :D
كل ما جا يقوم... يحس نفسه خادر و ما يقدر يشيل نفسه... يرجع ينام... و على كذا الى ما كمل 24 ساعه :p
اخر شي قعد يزحف الى ما وصل الحمام و غسل وجهه... و دق على احد من الشباب يجيب له اكل و لا بيموت ههههههههه
مشكله صراحه النوم على الجوع...
اجل عيني حاره وناسه:p <<<ويش الي يونس:":
لا خلاص الكت اليوم تورتلا راحت نفسي عن البيتزا<<والله الفرق يالينا بينهم كبير بس معليش لا يروح الولد?:
طيب قلنا اشتر مواعين:أفكر: واطبخ كبسه:D <<مره وحده
والله لو الرز ينرسل بايميل كان ارسلت طقيت منه بالبيت ابي افتك:(
امممممممممم
طيب الموضوع فضفضه صوح:p
اممممممم
ابي افضفض عم معانتاتي بالمذاكره:"
وعن حرفA كبير يلاحقني موصيه اني اجيبه
وعارفه اني ما راح
موحبش ترو فولز وتقاطع واتحاد طيب:": يعني عندي احساس بالفشل:o
وكل شوي اكتشف اني نايمه على الكتب<<<عشان تعرفين تتطنزينمره ثانيه على غيرك
وخاتي بس يقوموني
ويزطوني قهوه وحلا عشان اصحصح
بس برضو العيب مو فيني العيب بالماده تجيب النوم?:
وهالافكار تروح براسي وتدور
عن اشايء كثيره
عن نفسي
وعن شي جديد قاعد يصير فيني
شي ما قد حسيته غريب وملخبط وماله داعي?: وبالضبط زحمه ومعرف وش اعبر عنه
كل ما اغوص بالمذاكره يطلع ويقول لي انا هوناااا
واغوص بالتفكير بالشي ذا
وارجع واقول اصحي
وكذا حالتي:":
الله يعين بس
فضفضه على مستوى:p
Arsene Lupin
03-11-2002, 01:41 PM
الرسالة الأصلية كتبت بواسطة Lena
اجل عيني حاره وناسه:p <<<ويش الي يونس:":
لا خلاص الكت اليوم تورتلا راحت نفسي عن البيتزا<<والله الفرق يالينا بينهم كبير بس معليش لا يروح الولد?:
طيب قلنا اشتر مواعين:أفكر: واطبخ كبسه:D <<مره وحده
والله لو الرز ينرسل بايميل كان ارسلت طقيت منه بالبيت ابي افتك:(
امممممممممم
طيب الموضوع فضفضه صوح:p
اممممممم
ابي افضفض عم معانتاتي بالمذاكره:"
وعن حرفA كبير يلاحقني موصيه اني اجيبه
وعارفه اني ما راح
موحبش ترو فولز وتقاطع واتحاد طيب:": يعني عندي احساس بالفشل:o
وكل شوي اكتشف اني نايمه على الكتب<<<عشان تعرفين تتطنزينمره ثانيه على غيرك
وخاتي بس يقوموني
ويزطوني قهوه وحلا عشان اصحصح
بس برضو العيب مو فيني العيب بالماده تجيب النوم?:
وهالافكار تروح براسي وتدور
عن اشايء كثيره
عن نفسي
وعن شي جديد قاعد يصير فيني
شي ما قد حسيته غريب وملخبط وماله داعي?: وبالضبط زحمه ومعرف وش اعبر عنه
كل ما اغوص بالمذاكره يطلع ويقول لي انا هوناااا
واغوص بالتفكير بالشي ذا
وارجع واقول اصحي
وكذا حالتي:":
الله يعين بس
فضفضه على مستوى:p
المشكلة الطفرة ذابحتنا... بس الحمدلله هاليومين بدا يتعدل الوضع...
خليني اسدد الفواتير اول... ثم افكر في المواعين :6
اما هالشي الجديد خخخخخخخ :p
مدري والله وشو... يعني دايم تذاكرين لاختبارات في الثانوي... ليش هالمره بالذات... يمكن احساسك بانك في جامعه؟
و الله و مسوي دكتور نفسي.. (ميب شينه... نقلب الموضوع مرضى و دكاتره نفسيين :6 )
الا وش "موحبش" ?: ... قلت بها يمين يسار ماش.. ما في نتيجه :":
الرسالة الأصلية كتبت بواسطة Arsene Lupin
المشكلة الطفرة ذابحتنا... بس الحمدلله هاليومين بدا يتعدل الوضع...
خليني اسدد الفواتير اول... ثم افكر في المواعين :6
اما هالشي الجديد خخخخخخخ :p
مدري والله وشو... يعني دايم تذاكرين لاختبارات في الثانوي... ليش هالمره بالذات... يمكن احساسك بانك في جامعه؟
و الله و مسوي دكتور نفسي.. (ميب شينه... نقلب الموضوع مرضى و دكاتره نفسيين :6 )
الا وش "موحبش" ?: ... قلت بها يمين يسار ماش.. ما في نتيجه :":
لالالا انت دكتور نفسي فاشل:o
الشي الجديد مذاكره?:
لأ طبعا:": ماراح تشغل راسي لهاالدرجه
هو شي ثاني....
بس"موحبش":p هذي يعني اممممممممم ما احب بس بلغه لينا:p
موحبش الدراسه موحبش وموحبش وموحبش قيت ات؟؟
خلا اجل نرسلك المواعين بالايميل:6 مالين المطبخ عندنا
عماد 18
03-11-2002, 06:44 PM
و انت عندك انترنت ":" ..
و انا لا :" ..
يا رجال الدنيا ما تسوى ..
الا ليه ما تشتري لك جبن و توست ؟؟
يمدحونه و اسال ميل صي :6 ..
كأني راد في هالموضوع من قبل:": :6
المهم
هالحاله النفسيه جتني من فتره ( حوالي نصف سنه ) والحمد لله عدت على خير لأني كنت بنتحر من كثر ماني حاس بنفسي فاضي ومكتئب ...إلخ
المشكلة مفتاح الموية من الجهة الثانيه ما اقدر اسكره... (ابغرق هههههههه)
أنا أسكره برجلي:p
Arsene Lupin
03-11-2002, 10:31 PM
الرسالة الأصلية كتبت بواسطة Lena
لالالا انت دكتور نفسي فاشل:o
الشي الجديد مذاكره?:
لأ طبعا:": ماراح تشغل راسي لهاالدرجه
هو شي ثاني....
بس"موحبش":p هذي يعني اممممممممم ما احب بس بلغه لينا:p
موحبش الدراسه موحبش وموحبش وموحبش قيت ات؟؟
خلا اجل نرسلك المواعين بالايميل:6 مالين المطبخ عندنا
ههههههههههههه يا بنت بطلي صراحه :p ... فاشل مره وحده...
نبي مجامله شوي :":
امزح :6 ... بي وط يو آر
خخخخخخخخخخ بلغة المنتدى ذي.. بس لينا حايستها شوي :6
يص يص ... آي قت ات...
و اذا ما عليك كلافه.. دخلي المواعين في السكنر و على الايميل :)
عماد:
ما حاسني الا هالنت... ستين ساعه يوميا عليه... و ساحب على اهل المذاكره:": ... فيأثر سلبيا على المشاعر... (و احيانا ايجابيا :6 )
و الله التست و الجبن مهيب شينه... بس المشكله الرصيد صار يطلع لي ثلج اذا سحبت فلوس... (تحت الصفر:6 )
فكانت الأمور متأزمه... لكن انشالله الوضع في تحسن... و البيتزا انشالله بينتهي عهدها قريبا :cool:
A.J :
الانتحار الحمد لله ما قد فكرت فيه... لان عندي قناعة بفكرة.. ان بعد العسر يسر...
ما دام مرت عليك اوقات حلوه في حياتك... فلا يزال فيه احتمال انك تحس فيها مره ثانيه...
أنا أسكره برجلي
المشكله ما قدرت اطلع رجلي من الموية... كل شي خادر :6
RPG_master
04-11-2002, 12:19 AM
المشكله ما قدرت اطلع رجلي من الموية... كل شي خادر
اكيد ما حفظت انشوده عماد الي اذا قلتها يجي يساعدكhttp://help.microsoft.com/!data/en_us/data/messengerv47_xp.its51/$content$/bowwow.gif..!!
الرسالة الأصلية كتبت بواسطة عماد 18
و انت عندك انترنت ":" ..
..
الا ليه ما تشتري لك جبن و توست ؟؟
يمدحونه
لااااااااااااء:" توست جبن
وش ذا التعذيب :( ما يبس بطني غيرهم
شندويش في شندويش بالبيت ولا ما في غير الجبن بعد ذبحنا امي لاننا مانحب الكبسه وخصوصا انا ":"
تسمينا الفيران:6 <====:":
Arsene Lupin
04-11-2002, 01:53 PM
الرسالة الأصلية كتبت بواسطة RPG_master
اكيد ما حفظت انشوده عماد الي اذا قلتها يجي يساعدكhttp://help.microsoft.com/!data/en_us/data/messengerv47_xp.its51/$content$/bowwow.gif..!!
خخخخخخخخخخ وين توم وجيري ... ارن جرس يجي يفك الازمه :6
لينا:
بديت احس الجبن اهم من الماء ?:
منحاش من البيتزا الي كلها جبن... و اطيح في سندوتشات جبن :":
بس اقل شي تغيير عن البيتزا :6
ههههههههههههه اما فيران... صراحه بعض اخواني يسوون كذا... انا بعد فتره أقلمت نفسي اني احب الكبسه :6
الرسالة الأصلية كتبت بواسطة Arsene Lupin
بديت احس الجبن اهم من الماء ?:
هههههههههههههههه:p ذي تحتها مليون خط
جبن .... :": .. وععععععععععع
مدري وشلون تاكلونها ياخي .... احس ابموت اذا اكلتها :(
اقول ... يا زين سب واي ... ويا زين التونه :D
Arsene Lupin
04-11-2002, 06:26 PM
الرسالة الأصلية كتبت بواسطة alex
جبن .... :": .. وععععععععععع
مدري وشلون تاكلونها ياخي .... احس ابموت اذا اكلتها :(
اقول ... يا زين سب واي ... ويا زين التونه :D
و الله كل شي ينتسحل منه اذا زاد عن حده...
التونه صراحه الى الحين ما كرهتها... جرب سندوتش تونه مع حليب... و الله تخش جو... (و مع سنتوب ميب شينه :6 )
الانتحار الحمد لله ما قد فكرت فيه... لان عندي قناعة بفكرة.. ان بعد العسر يسر...
ما دام مرت عليك اوقات حلوه في حياتك... فلا يزال فيه احتمال انك تحس فيها مره ثانيه...
حتى أنا عندي نفس تفكيرك بس أقصد إني كنت أشعر بنفس شعور اللي يبوا ينتحروا:6
المشكله ما قدرت اطلع رجلي من الموية... كل شي خادر
يبقى جسمي أقوى منك:p
لو كانت مفتاح المويه يتقفل بواسطه ذراع أستجمع قوتك وأرمى عليه علبه صابون:D
التونه صراحه الى الحين ما كرهتها... جرب سندوتش تونه مع حليب... و الله تخش جو... (و مع سنتوب ميب شينه )
هذي فعلا حلوة :-)
مدري وشلون تاكلونها ياخي .... احس ابموت اذا اكلتها
الوالده الله يخليها ما تبغى تسويلنا عشا عشان كذا عشانا في البيت كل يوم هو سندويتش جبن:p
اكيد ما حفظت انشوده عماد الي اذا قلتها يجي يساعدك..!!
أنقذني يا حليب السعوديه:D <===هذي هي صح:6
اليكس لونك ببيتنا كان مت من زمان :6
وع ما حوب التونه:":
ما حبها الا اذا حطيت عليها الخلطه الرهيبه":" بس سر المهنه ذي:6
ارسين:": تونه+حليب وش تطلع?:
ذكرتني بايام اخوي وااااع:"
صرنا فضفضه بطنيه:p
RPG_master
05-11-2002, 01:09 AM
الرسالة الأصلية كتبت بواسطة alex
جبن .... :": .. وععععععععععع
مدري وشلون تاكلونها ياخي .... احس ابموت اذا اكلتها :(
اقول ... يا زين سب واي ... ويا زين التونه :D
سبحان الله ما يجي الا على ريحة الأكل:6
الرسالة الأصلية كتبت بواسطة RPG_master
سبحان الله ما يجي الا على ريحة الأكل:6
يا فاهمني ;) .... اموت في قمل شوشتك انا >>> كيف الحال :p
RPG_master
05-11-2002, 03:34 AM
الرسالة الأصلية كتبت بواسطة alex
يا فاهمني ;) .... اموت في قمل شوشتك انا >>> كيف الحال :p
هه:# ؟!
ياخي ما تعودت على المدح لا تفاجئني كذا:#
الرسالة الأصلية كتبت بواسطة Lena
اليكس لونك ببيتنا كان مت من زمان :6
وع ما حوب التونه:":
ما حبها الا اذا حطيت عليها الخلطه الرهيبه":" بس سر المهنه ذي:6
ارسين:": تونه+حليب وش تطلع?:
ذكرتني بايام اخوي وااااع:"
صرنا فضفضه بطنيه:p
الخلطه اللي بسويها لسندويشات التونه هي
( زيت زيتون + زيتون + هريسه ( تشبه للشطه ) + طماطم + تونه + جبنه كيري ) ولو في بيض وبطاطس وكاتشب ومايونيز ما عندي مانع:6
أما بالنسبه للتونه والحليب تراها حلوه بشرط إنو الإثنين يكونوا باردين :-)
اقول ... شوهتوا سمعة التونه انت وياه ... وشو الي جبن كيري وحليب ومدري ايش .... حرام عليكم :(
احد يجرب تونة سب واي ويذوق شي غيرها .... تهئ تهئ :(
نصيحه بس جربوا سب واي وشوفوا السندويتشات الصح ... لحد الحين انا تسببت في ادمان 7 اشخاص لها :p ... طبعا الي خلاني ادمن خنباج واخوه :أفكر:
MoaeD
05-11-2002, 07:07 AM
احسن شي
جبن سايل وجبن ناشف وجبن كيري وجبن كرافت <--- ما يقهر احد :p
من جد سندويش تونا ولادجاج فاهيتا المكسيكي يمييي :0) :6
بس اسبوع وانت مطفر:"
Arsene Lupin
06-11-2002, 12:33 AM
و الله الي تجمعوا يوم شموا هالالكل ":"
الحين قبل لا تحكمون على التونه مع الحليب... جربوها :6
خلوها سحور اليوم...
شوشان و عاليكس... مانبي حركات روميو و روميو هنا :6 ...
( زيت زيتون + زيتون + هريسه ( تشبه للشطه ) + طماطم + تونه + جبنه كيري ) ولو في بيض وبطاطس وكاتشب ومايونيز ما عندي مانع
و الله لوك توصف بيت في السويدي ?: (مضرب المثل في الضيعان :6 )
جبن سايل وجبن ناشف وجبن كيري وجبن كرافت <--- ما يقهر احد
عندنا جبن بوك... محد انقهر :6 ... بس مدري اذا فيه كرفت ولالا :": (عاشق كرفت)
Undine
06-11-2002, 12:45 AM
الحين قبل لا تحكمون على التونه مع الحليب... جربوها
عادي انا مجربه:#
ما مت:6
و الله الي تجمعوا يوم شموا هالالكل
ههههههههه:D
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .