المساعد الشخصي الرقمي

مشاهدة النسخة كاملة : يحق لي بعد ما كملت سنة ان اعطي رايي في المونتدى ؟


Angel whisper
13-11-2002, 06:24 AM
مسا الخير ..

اخبار الحلوين :) ؟

عساكم بخير وعافية ..

امممم من اكثر من اسبوع بشوي .. كملت سنة في هالمنتدى ..

سنة عامرة بالاحداث :أفكر:

فيعني ..

قلت بكتب الاشيا اللي شفتها وحسيت فيها من اول ما دخلت المونتدى ..

وممكن اكون استفزازية او صريحة شوي .. فاتمنى انكم تتقبلون اللي بقوله ..

31 / 10 .. اول يوم لي في المنتدى .. اشتركت عشان منتدى فاينال

فانتاسي وبس .. لاني كنت توني خاتمة فاينال 7 وابغي حد يشاركني

حبها وشفت هالمنتدى بالصدفة .. وعلى طووووووول اشتركت فيه ..

وما كنت اطلع من فاينال فانتاسي الا في احوال ناااادرة ..

كنت بالصدفة اكتب رد في اي منتدى ثاني ..

ومرة دخلت ولقيت اعلان كاتبنه واحد اول مرة اشوف اسمه .. يسمونه عماد 18 :6 ..

دخلت اشوف شو السالفة ..

واشوف الاخ يتفلسف ويقول ان للتواقيع حجم محدد واللي بيخالف بيتوقف !!

طبعا انا ما كنت ادري شو السالفة وما كنت ادري انه مراقب ..

فقلت هذا ويا وجهه على كيفه يحط قوانين :o

وعموما انا ما اهتميت لانه اصلا ما كان عندي توقيع :6 ..

وبعدين فهمت شو القصة وليش حطو القانون ..

فقلت يحليله عماد ظلمته :D

وبعدها .. دخلنا بشهر رمضان ..

وطبعا الاحداث كانت ساخنة فيه اذا تذكرون ..

واذكر ان الشي الوحيد اللي كنت اقوله وانا اقرا الردود والمواضيع اللي يكتبونها اودين وعماد وكم واحد ..

بارك الله فيهم .. رجال :) ..

واذكر ان المنتدى كان يعاني من نوم المراقبين .. يعني نادر ما تحصل اكثر من مراقبين موجودين .. اذا ما كان واحد بس ..

لكن الحين تعدل الوضع والحمد لله ..

خخخخخخخخخخ

ولا اذكر ان اعضاء واااااااااااايد قامو ينشرون صورهم ..

طبعا انا وروزي طايحين نتطنز عليهم في المدرسة ونحش فيهم :p

وما انسى ميستي ودررها الخالدة التي لا تنسى :6

وبعدها لاحظت ان في شي صغيرون فوق المنتدى العام مكتوب عليه - منتدى الصرقعة -

فجربت ودخلته ..وعجبني وفي نفس الوقت ضعت فيه ..

مثلا لما اقرا قصة لدجو .. بالقوة افهم منها كم جملة .. كانت لهجته بالنسبة لي غريييييييييييييييييييييييبة ..

وموضوع توحفة عن حرب على بني تميم وعلى الدوق عماد مادري شو سالفتهم بالضبط ..

بس اذكر اني ضحكت على هالموضوعين الين ما شبعت :6

ولا اللغز الاكبر بالنسبة لي صار لما كتب بو شوشة موضوع عن شوشته المضطهدة من اخته الصغيرة ..

طلعتلي 600 الف علامة استفهام على راسي ..

الحين شو معنى شوشة :!

وبعد معاناة عرفت ان معناها كشة :p

وبديت اشارك شوي في الصرقعة .. وبعدها قامت مظاهرات تصير فيه وتطالب بان يخلونه مشترك ويا منتدى النكت ..

ونقله المشرف ودمجه ويا النكت .. كان شي فظيع بصراحة :أفكر: ..

وبعدين رجع وخلاه بروحه ..

وبدو الاعضاء يتركونه شوي شوي ..

وينملي بالمواضيع المنقولة شوي شوي ..

وبدات تطلع ثورات تطالب بالرجوع للمنتدى العام شوي شوي ..

وها نحن هنااا :p

والمنتدى برايي صار من احلى ما يكون ..

والله يخليه لنا حلو دووووووووووووم

والحلو دايما حلو ":" .. <<< علقت :6

هاه .. شو تعليقكم على خرابيطي ؟
ترى توني مذاكرة رياضيات فمادري شو السالفة وشو كتبت :!

سلاااااااااااام :) ..
THE GAME HUNT3R
13-11-2002, 06:35 AM
أشوى أنك مالحقتي على ايامي في منتدى المنظمات الي كان بالفعل منتدى صرقعه

عافاااانا الله منه :D :D :D :D :D
Angel whisper
13-11-2002, 06:37 AM
الرسالة الأصلية كتبت بواسطة THE GAME HUNT3R
أشوى أنك مالحقتي على ايامي في منتدى المنظمات الي كان بالفعل منتدى صرقعه

عافاااانا الله منه :D :D :D :D :D

هالمنظمات انا بس اسمع فيها لكني ما شفتها ..

وايدين خبروني عن سوالفهم فيها

شكلها كانت وناسة :6
ash6
13-11-2002, 06:40 AM
مبروك على مرور سنه و موضوعك كان جميل جداً ويصف المشاعر التي في قلبك



;-)
THE GAME HUNT3R
13-11-2002, 06:43 AM
الرسالة الأصلية كتبت بواسطة Angel whisper


هالمنظمات انا بس اسمع فيها لكني ما شفتها ..

وايدين خبروني عن سوالفهم فيها

شكلها كانت وناسة :6

من ناحيه وناسه فهي وناسه

تلقى كل منظمة تسوي خطة عشان تخلي المشرف يطرد أعضاء المنظمة الثانيه

هذا غير الهبل الي وسط المواضييع موب منتدى الصرقعة كل مواضيعهم قص ولصق :0) :0)
Gio
13-11-2002, 06:45 AM
بالمبارك .. يالله وان العشاء .... اقصد السحور :p
RPG_master
13-11-2002, 06:53 AM
مبروك عليك مرور سنه:6

تصدقين موضوعي ناسيه:#


بس كرهت الصرقعه ومواضيعه ما ابي اذكر شي:6
سيلفي2065
13-11-2002, 06:56 AM
شو هالزين يخزي العين :D



نجي لرأيي...:o أنا طبعا اختلف كليا عن وجهه نظر اختي اينجل :o

في الحقيقه..أنا ارى ان الكشف عن طبيعه وحقائق الواقعات الاجتماعيه ومايتصل بها من نشأتها وتاريخها..ودراسه تطور الحقائق الاجتماعيه ينهي الى بيان اختلاف هذه الحقائق باختلاف الازمنه والامكنه والشعوب..بالاضافه الى ذلك..ينبغي دراسه تأثر الحقائق الاجتماعيه ببعضها والوقوف على مبلغ التفاعل الذي يحدث بينها وماينجم من اثار في حياه الافراد بصفه خاصه وحياه المنتدى بصفه عامه..http://help.microsoft.com/!data/ar_sa/data/messengerv46_msn.its51/$content$/bowwow.gif http://help.microsoft.com/!data/ar_sa/data/messengerv46_msn.its51/$content$/bowwow.gif http://help.microsoft.com/!data/ar_sa/data/messengerv46_msn.its51/$content$/bowwow.gif


هذي وجهه نظري التي استخلصتها من خلال الفتره الزمنيه التي تعدت سنتان في هذا المنتدى والتي ارى انها تختلف اختلاف كلي مع وجهه نظر اينجل...

ولكن اختلاف الرأي لايفسد للود قضيه...

شكرا لاستماعكم <--------ماودكم تسطرونها كف؟http://help.microsoft.com/!data/ar_sa/data/messengerv46_msn.its51/$content$/bowwow.gif
Angel whisper
13-11-2002, 06:58 AM
ash6 :
الله يبارك فيك :) ..

THE GAME HUNT3R :
هههههههههههههههههههاااي
والله سالفة :6
اخر شي اعضاء المنظمتين بينطردون :p

D E A D :
الله يبارك فيك
لاحق حتى ما صارت الساعة 11 :6
Angel whisper
13-11-2002, 07:03 AM
RPG_master :
خخخخخخخخخخخخخ
الله يبارك في حياتك ..
الا بعدها شوشتك موضطهدة :p ??

سيلفي2065 :
:واو: :! :واو: :! :واو:

نعم نعم .. اختلاف الراي لا يفسد للود قضية :!

والعفو :!

الا بصفع عمري الحين :6
RPG_master
13-11-2002, 07:06 AM
الرسالة الأصلية كتبت بواسطة سيلفي2065
شكرا لاستماعكم <--------ماودكم تسطرونها كف؟http://help.microsoft.com/!data/ar_sa/data/messengerv46_msn.its51/$content$/bowwow.gif

بس كفhttp://help.microsoft.com/!data/en_us/data/messengerv47_xp.its51/$content$/bowwow.gif..؟!
ez2dj
13-11-2002, 08:06 AM
آه ه هـ ..أنا توني راجع من تقوية الفيزياء ومتنح :!

صراحة قصتج مثل قصتي داخل على منتدى فاينل فانتسي بعدين حصل عندي إنفتاح في الحركة التعسفية القومية ((الحيودية))<==هذي للفيزياء :6


اووه مبروك على السنة الكاملة ولو أنها مرت عليها حوالي شهر :6
memy
13-11-2002, 09:22 AM
اول شي مبرووك على السنه :D

و حلو تعليقك على المنتدى :D


في الحقيقه..أنا ارى ان الكشف عن طبيعه وحقائق الواقعات الاجتماعيه ومايتصل بها من نشأتها وتاريخها..ودراسه تطور الحقائق الاجتماعيه ينهي الى بيان اختلاف هذه الحقائق باختلاف الازمنه والامكنه والشعوب..بالاضافه الى ذلك..ينبغي دراسه تأثر الحقائق الاجتماعيه ببعضها والوقوف على مبلغ التفاعل الذي يحدث بينها وماينجم من اثار في حياه الافراد بصفه خاصه وحياه المنتدى بصفه عامه.. http://help.microsoft.com/!data/ar_sa/data/messengerv46_msn.its51/$content$/bowwow.gif http://help.microsoft.com/!data/ar_sa/data/messengerv46_msn.its51/$content$/bowwow.gif http://help.microsoft.com/!data/ar_sa/data/messengerv46_msn.its51/$content$/bowwow.gif

سيلفي شكلك توك مخلصه علم الاجتماع http://help.microsoft.com/!data/ar_sa/data/messengerv46_msn.its51/$content$/bowwow.gif
rushin_911
13-11-2002, 09:50 AM
مبروك على مرور سنة على تسجيلكي و عقبال 1000 سنة بإذن الله :)
عماد 18
13-11-2002, 10:03 AM
الرسالة الأصلية كتبت بواسطة Angel whisper

ومرة دخلت ولقيت اعلان كاتبنه واحد اول مرة اشوف اسمه .. يسمونه عماد 18 :6 ..

دخلت اشوف شو السالفة ..

واشوف الاخ يتفلسف ويقول ان للتواقيع حجم محدد واللي بيخالف بيتوقف !!

طبعا انا ما كنت ادري شو السالفة وما كنت ادري انه مراقب ..

فقلت هذا ويا وجهه على كيفه يحط قوانين :o

هذه النظرة الطبيعية لاي واحد يجي للمنتدى و الا يسمع فيني من بعيد لبعيد ..
و لو قلتي غير كذا كان قلت انك كذابة :6 ..
Mahdee87
13-11-2002, 02:08 PM
انا كمان دخلت المنتدى علشان فاينال فانتسي":"


بس كانت كل المواضيع عن فاينل فانتسي 10 وانا ما عندي بي اس 2:غضب:


بس بعدين عرفت شو هي المنتديات:cool:


ومنتدى المنظمات كل يوم واحد يجي يقول منظمة جديدة وانا على طول اقله انا بشترك مع اني ولا داري شو هو هذا المنتدى خخخخخخخخخخخ


:p :p


والف مبروك على مرور سنه:)
Justine
13-11-2002, 05:38 PM
مبروك السنة ...... عقبال الدختوراه المنتديية العليا :p


يلا كلها شهرين و نكمل سنة :)
العمدا
13-11-2002, 05:50 PM
ايه يحقلك :6 !


عاد انا يوم سجلت ما حمسنى غير الرياضى ":"

اول ايامه كان روعه ..

وهلحين بدا ياخذ مجرى الصرقعه .. ولو انه موب منتدى ترفيهى .. ما علينا :)

الزبده انا ما عرفت الروس الكبيره فى المنتدى الا بالصدف :#

وعاد كنت احسب ان الراس الكبيره كبيره مره مره هو شويشان .. تقولون ليه ؟؟

ابقولكم لانى كل ما ادخل النت القاه معشش بها ?: ماشالله :!

بس مع الايام اكتشفت حقيقته المره ..


انه





دجاجتن صقعا :6
ash6
13-11-2002, 07:23 PM
الله يبارك فيك يا Angel whisper :cool:
Chad
14-11-2002, 01:19 AM
ألف مبروك على مرور سنه ليكي في المنتدى:D

أقل شي لمن سجلتي كنتي تعرفي وش يعني منتدى مو زيي أنا:6


مثلا لما اقرا قصة لدجو .. بالقوة افهم منها كم جملة .. كانت لهجته بالنسبة لي غريييييييييييييييييييييييبة ..

وموضوع توحفة عن حرب على بني تميم وعلى الدوق عماد مادري شو سالفتهم بالضبط ..

بس اذكر اني ضحكت على هالموضوعين الين ما شبعت

ولا اللغز الاكبر بالنسبة لي صار لما كتب بو شوشة موضوع عن شوشته المضطهدة من اخته الصغيرة ..

طلعتلي 600 الف علامة استفهام على راسي ..

الحين شو معنى شوشة

وبعد معاناة عرفت ان معناها كشة
نفس هالكلام حرفيا صارلي لدرجه إني كرهت الدخول لمنتدى الصرقعه من ورا المواضيع اللي ما أفهم منها ولا كلمه :6
RPG_master
14-11-2002, 01:36 AM
الرسالة الأصلية كتبت بواسطة العمدا
وعاد كنت احسب ان الراس الكبيره كبيره مره مره هو شويشان .. تقولون ليه ؟؟

ابقولكم لانى كل ما ادخل النت القاه معشش بها ?: ماشالله :!

بس مع الايام اكتشفت حقيقته المره ..


انه
دجاجتن صقعا :6

ياخي مشكله لا عطيت الشباب اليافع وجه وصاروا يمونون ينسون افضالك عليهم:cool:

دجاجه اجل:"

اوريك يالقطو:"
silverpaco_101
14-11-2002, 02:03 AM
و الله انا تقريبا بديت اشارك مشاركات فعليه مع بدايه قانون التوقيع و ذا الطقه و لا مسجل من ايام المنظمات بس كنت جاحد:6
MoaeD
14-11-2002, 04:30 AM
طلعتك كانت ايام محاربة الشيعة :p


واللي بعده كان اختفائي عشان ثالث ثانوي :"


فيه اشياء كثيره فاتتني بالمنتدى منها الأعضاء الجدد :o


في الأخير اكتشفت ان الأعضاء القداما نصهم جاحدين :":


وفي الأخير لازم نتعايش مع العصر اللي حنا فيه :p


ومشكوره على الموضوع وتقعدين معنا سنوات مديده انشاء الله :)
HArb200
14-11-2002, 12:05 PM
مبروووووك وعقبا لي
Anime-Girl
14-11-2002, 12:13 PM
انا بعد مثل اختي العزيزه اينجل صار لي سنه من سجلت...
احنا كنا تقريبا في نفس فترة التسجيل بس اينجل قبلي بمده بسيطه
وصراحه انا احلى شئ خذيته من المنتدى تكوين صداقات رائعه مع كثير بنات..وصارو صاحباتي وخواتي في نفس الوقت..اينجل اول وحده تعرفت عليها هي ورينوا الله يذكرها بالخير..:)
كانت ذيك الايام من اسعد ايام حياتي واحمد الله اني دخلت هذا المنتدى
وتعرفت عليهم..ايضا ما انكر انه فيه اخوان بعد ونعم..محترمين واخلاقهم عاليه امثال :عماد 18 -اربيجي ماستر-خوباج-اريسن ..والله في كثير السموحه لو نسيت ..في كل منتدى نلقى شوي..وكل مره ينضاف شخص جديد ويتبين لي انه هالمنتدى من جد عامر بالناس الطيبين ..:)
في الفتره الاخيره تعرفت على اكثر على اودين ..من جد ونعم الاخ
مايقصر ابد ..دائم اساله باي شئ يصعب علي والقى عنده اللي ابيه
ونفس الكلام لعماد 18 ..من جد مريحين الكل ..الله يجزاهم الف خير..:)
معليش قلبت موضوع اينجل سوالف لي..بس ابارك لك اختي من كل قلبي
وانا فرحانه لانه تعرفت عليك وصار لنا سنه الان من تعارفنا :)
ان شاء الله 100 سنه ^^
وانا مشتاقه لك مره من زمان عنك..ياليت اشوفك قريب على الماسنجر..
Pepsi Kun
14-11-2002, 12:32 PM
انا ماكملت قرن عشان تكملين سنة :6
Lena
14-11-2002, 12:48 PM
حلو موضوعك انجل حركه ووالله:)

ولا اذكر ان اعضاء واااااااااااايد قامو ينشرون صورهم ..
هههههههههههه:p يا خساره فاتني الحش..



ولا اللغز الاكبر بالنسبة لي صار لما كتب بو شوشة موضوع عن شوشته المضطهدة من اخته الصغيرة ..

طلعتلي 600 الف علامة استفهام على راسي ..

الحين شو معنى شوشة :!

هيهيهيهي:p سيم هير بس لختي فلير علمتني:6

ولا كنت اوهقه اسميه عربجي ماستر:6


ومرة دخلت ولقيت اعلان كاتبنه واحد اول مرة اشوف اسمه .. يسمونه عماد 18 ..
:D مسكين عمادوه

حتى انا حقدت عليه:6 اول دا دخلت طان حاط موضوع بمنتدى فاينل فانتسي بمنع اي مضوع يتعلق بالصور?: انقهرت

حسيت انه عجوز مدري ليه:6 <<بياكلني الحين:":


هاه .. شو تعليقكم على خرابيطي ؟

ما يجي من الحو الا الحلو:)
احمـ 9000 ـد
14-11-2002, 06:51 PM
اييييه ايام المنظمات وبلاوي

واكثر منظمتين سوو مشاكل

(منظمه هتلر) و(ومنظمه القرش==>الي سوو منتدى بروحهم)

اتذكر مره تطنزت على روكسان=>هذي عضوه في منظمه القرش

والا شبابهم جاوني ويبون يحطون بس وين هم وانا وين

قسما بالله سويتهم مسخره==>كل واحد صار يتطنز عليهم

ايااااام

:D

كان اسمي احمد 9000 مو احمـ 9000 ـد
Gio
14-11-2002, 09:37 PM
الرسالة الأصلية كتبت بواسطة احمـ 9000 ـد
اييييه ايام المنظمات وبلاوي

واكثر منظمتين سوو مشاكل

(منظمه هتلر) و(ومنظمه القرش==>الي سوو منتدى بروحهم)

اتذكر مره تطنزت على روكسان=>هذي عضوه في منظمه القرش

والا شبابهم جاوني ويبون يحطون بس وين هم وانا وين

قسما بالله سويتهم مسخره==>كل واحد صار يتطنز عليهم

ايااااام

:D

كان اسمي احمد 9000 مو احمـ 9000 ـد

يا شديد انت ":"
smoke
14-11-2002, 10:13 PM
سلاااااااااااااااااااام ......(صاحي من النوم و على طول على المنتدى)
مو حالكم ؟.....( شفت العماني اللي يشرب ديو شو يصير فيه!!!)



كل عام و أنتي بخير و عقبال 45 سنة ( واقعي :أفكر: )
أنا سجلت في المنتدى في فترة قانون التواقيع و منتدى الصرقعة ..... عضو قديم صح لكن قليل المشاركة ...... للأسف ما لحقت على فترة المنظمات .... ياليت أي أحد من الأعضاء القدامى يكتب موضوع يحكيلنا شو صار بالضبط ..............


أول ما دخلت المنتدى كانت نظرتي لعماد 18 بنفس الطريقة ( شوفوا الصدف :واو: )

و سلامتكم..............
Undine
15-11-2002, 12:11 AM
مبروووك انجل :-) على مرور سنه:6


هيهيهيهي سيم هير بس لختي فلير علمتني
حتى انتي؟:! معقوله ما كنتوا تعرفون وش معنى شوشه؟
هههههههههههه:6

ومرة دخلت ولقيت اعلان كاتبنه واحد اول مرة اشوف اسمه .. يسمونه عماد 18 ..
ههههههه وانا بعد (كنت) حاقده شوي كثير لا وسط :6 <<<بين قوسين للتوضيح:6

حتى انا حقدت عليه اول دا دخلت طان حاط موضوع بمنتدى فاينل فانتسي بمنع اي مضوع يتعلق بالصور انقهرت
حسيت انه عجوز مدري ليه <<بياكلني الحين

ههههههههه:6

وعاد كنت احسب ان الراس الكبيره كبيره مره مره هو شويشان .. تقولون ليه ؟؟
ابقولكم لانى كل ما ادخل النت القاه معشش بها ماشالله
بس مع الايام اكتشفت حقيقته المره ..
انه
دجاجتن صقعا
ههههههههههههههه صقعا اجل؟ ههههههه:D
Angel whisper
15-11-2002, 12:43 AM
ez2dj :
v2 / v1 = sin i / sin r
":" ..
ايه انته .. بعده ما مر عليها شهر :!
اقول .. سير ذاكر احسنلك :p
والله يبارك فيك ..

memy :
الله يبارك فيج :) ..

rushin_911 :
الله يبارك فيك :) ..

عماد 18 :
خخخخخخخخ
انا ما عرفتك الا من عقب هالقانون ..
من غير المواضيع اللي يحطونها الاعضاء ويتشكون فيها من ظلمك :p
وبعدين من احداث رمضان الساخنة :p
وعقب من حدث عيد الفطر .. تذكره زين انت .. الله لا يعيده :o

BOY_THING :
الله يبارك فيكون وعؤبالكون ":" ..

Mahdee87 :
يحليله مونتدى فاينال كل الاعضاء مشتركين عشانه :6
والله يبارك فيك :) ..

BAHAMUT ZERO :
لا ما ابغي استوي دختورة :!
والله يبارك فيك :) ..

العمدا :
خخخخخخخخخ
وهذا انت مراقب عليه الحين :) ..
وبعدين خل يقلب ترفيهي شوي عشان تغيرون جو ..
عقب بتزهقون وبيرجع مونتدى رياضي 100% :6
ههههههههههههههههههههههههههههههههههههههههااااي
دجاجة صقعا :p
والله اني ضحكت الين ما بطني عورني والسبة هالكلمتين :p

A.J :
الله يبارك فيك :)
وييييييييين اعرف يا حسرة ..
ما كنت اعرف حتى كيف يحطون الصور :p
ههههههههههههههههاااي
زين يعني في حد غيري كان يضيع في الصرقعة :p

يتــــــــــــــــــــــــــــــــــــبع ..
Angel whisper
15-11-2002, 01:03 AM
ODIN :
الله يبارك في حياتك :) ..

silverpaco_101 :
يؤ كلنا بدينا بهالفترة :6

B.B.Q :
عليك نووووووووور طلعت بهاذيك الايام
ويلا .. البركة في كل الاعضاء القدام والجداد :)
والعفو :)

HArb200 :
الله يبارك فيك ..
يالتعبان مب انت من فترة مكمل سنة :6 ؟؟

anime-girl :
شوفو منو هني نورتي الموضوع :D
الله يبارك في حياتج اختي ..
والله انا اشتاقيتلج اكثر ..
من زمان ما كلمتج :(
وحتى لما ادخل الماسنجر ما احصلج..
الظاهر انه مالي غير اتصل فيج :) ..

abu naif :
:6 ..

Lena :

حلو موضوعك انجل حركه ووالله
يسلمو ^-^


هيهيهيهي سيم هير بس لختي فلير علمتني

ولا كنت اوهقه اسميه عربجي ماستر
كيه كيه كيه .. لغز المنتدى الكبير .. ما معنى شوشة :6 ؟؟


هههههههههههه يا خساره فاتني الحش..
اييييييه والله فاتج
يا ريتج كنتي مسجلة قبل ..
كنتي شفتي بلاااااااوي
خخخخ
اذكر لما عماد حط صورته .. كان اعظم حدث في تاريخ المنتدى :p


مسكين عمادوه

حتى انا حقدت عليه اول دا دخلت طان حاط موضوع بمنتدى فاينل فانتسي بمنع اي مضوع يتعلق بالصور انقهرت

حسيت انه عجوز مدري ليه <<بياكلني الحين
هيييه انتي لا تعلقين على قوانين ماي مونتدى ":" .. <<< اللي بيسمعها بيقول انها هي اللي حطت القانون
بس هو القانون انحط في محله ..
لانه في واحد قذر كان يحط صور ××× في المنتدى ..


ما يجي من الحو الا الحلو
احم .. لينا انا استحي
احبج :":

احمـ 9000 ـد :
بقول للقروش انك تحش فيهم :6

smoke :
وانت بالف خير ..
خخخخخخخخخ
مسكين عماد :6

Undine :
الله يبارك في حياتج :) ..
واييه انا مب سعودية ولهالسبب ما عرفت شو معناها :6
واقول مرة ثانية ..
مسكين عماد :p

وثانكس على ردودكم :) ..
العمدا
15-11-2002, 01:54 AM
الرسالة الأصلية كتبت بواسطة RPG_master
ياخي مشكله لا عطيت الشباب اليافع وجه وصاروا يمونون ينسون افضالك عليهم:cool:

دجاجه اجل:"

اوريك يالقطو:"

خخخخخ اجل شباب يافع :p

وبعدين وش الافضال :أفكر:

<<-- بدا شغل الجحد من قلب :6
HArb200
15-11-2002, 09:28 AM
لا قصدي سنه ثانيه :cool:
<<مطفوووق
Yamato
15-11-2002, 02:17 PM
عقبال ثلاث سنوات اختي << وقتها انا بكون مكمل ست سنوات :6

":"
Gio
15-11-2002, 11:59 PM
ايّووووووووه :p

انا اول ما دخلت ما اكنت افهم بالمونتدى شي :D

و لا بعد كنت بس بمونتدى الونج إلفن و سماك داون بسس

بس جا ليوم الأسود الي خلاني اعرف المونتدى العام " الي هو ذا "

من اول يوم شاركت فيه تهاوشت و انطردت هههههههههههههههههههههه

و سجلت مره ثانيه :D لين ما رجعوني ... قعدت لين ما حطوا قانون التوقيع

بس انا ما رضيت به وحطيت توقيع اكبر من اللازم و وقفوني هههههههههه :6