يحق لي بعد ما كملت سنة ان اعطي رايي في المونتدى ؟

[Angel whisper]

مسا الخير ..

اخبار الحلوين ؟

عساكم بخير وعافية ..

امممم من اكثر من اسبوع بشوي .. كملت سنة في هالمنتدى ..

سنة عامرة بالاحداث

فيعني ..

قلت بكتب الاشيا اللي شفتها وحسيت فيها من اول ما دخلت المونتدى ..

وممكن اكون استفزازية او صريحة شوي .. فاتمنى انكم تتقبلون اللي بقوله ..

31 / 10 .. اول يوم لي في المنتدى .. اشتركت عشان منتدى فاينال

فانتاسي وبس .. لاني كنت توني خاتمة فاينال 7 وابغي حد يشاركني

حبها وشفت هالمنتدى بالصدفة .. وعلى طووووووول اشتركت فيه ..

وما كنت اطلع من فاينال فانتاسي الا في احوال ناااادرة ..

كنت بالصدفة اكتب رد في اي منتدى ثاني ..

ومرة دخلت ولقيت اعلان كاتبنه واحد اول مرة اشوف اسمه .. يسمونه عماد 18 :6 ..

دخلت اشوف شو السالفة ..

واشوف الاخ يتفلسف ويقول ان للتواقيع حجم محدد واللي بيخالف بيتوقف !!

طبعا انا ما كنت ادري شو السالفة وما كنت ادري انه مراقب ..

فقلت هذا ويا وجهه على كيفه يحط قوانين

وعموما انا ما اهتميت لانه اصلا ما كان عندي توقيع :6 ..

وبعدين فهمت شو القصة وليش حطو القانون ..

فقلت يحليله عماد ظلمته

وبعدها .. دخلنا بشهر رمضان ..

وطبعا الاحداث كانت ساخنة فيه اذا تذكرون ..

واذكر ان الشي الوحيد اللي كنت اقوله وانا اقرا الردود والمواضيع اللي يكتبونها اودين وعماد وكم واحد ..

بارك الله فيهم .. رجال ..

واذكر ان المنتدى كان يعاني من نوم المراقبين .. يعني نادر ما تحصل اكثر من مراقبين موجودين .. اذا ما كان واحد بس ..

لكن الحين تعدل الوضع والحمد لله ..

خخخخخخخخخخ

ولا اذكر ان اعضاء واااااااااااايد قامو ينشرون صورهم ..

طبعا انا وروزي طايحين نتطنز عليهم في المدرسة ونحش فيهم

وما انسى ميستي ودررها الخالدة التي لا تنسى :6

وبعدها لاحظت ان في شي صغيرون فوق المنتدى العام مكتوب عليه - منتدى الصرقعة -

فجربت ودخلته ..وعجبني وفي نفس الوقت ضعت فيه ..

مثلا لما اقرا قصة لدجو .. بالقوة افهم منها كم جملة .. كانت لهجته بالنسبة لي غريييييييييييييييييييييييبة ..

وموضوع توحفة عن حرب على بني تميم وعلى الدوق عماد مادري شو سالفتهم بالضبط ..

بس اذكر اني ضحكت على هالموضوعين الين ما شبعت :6

ولا اللغز الاكبر بالنسبة لي صار لما كتب بو شوشة موضوع عن شوشته المضطهدة من اخته الصغيرة ..

طلعتلي 600 الف علامة استفهام على راسي ..

الحين شو معنى شوشة :!

وبعد معاناة عرفت ان معناها كشة

وبديت اشارك شوي في الصرقعة .. وبعدها قامت مظاهرات تصير فيه وتطالب بان يخلونه مشترك ويا منتدى النكت ..

ونقله المشرف ودمجه ويا النكت .. كان شي فظيع بصراحة ..

وبعدين رجع وخلاه بروحه ..

وبدو الاعضاء يتركونه شوي شوي ..

وينملي بالمواضيع المنقولة شوي شوي ..

وبدات تطلع ثورات تطالب بالرجوع للمنتدى العام شوي شوي ..

وها نحن هنااا

والمنتدى برايي صار من احلى ما يكون ..

والله يخليه لنا حلو دووووووووووووم

والحلو دايما حلو ":" .. <<< علقت :6

هاه .. شو تعليقكم على خرابيطي ؟
ترى توني مذاكرة رياضيات فمادري شو السالفة وشو كتبت :!

سلاااااااااااام ..

[THE GAME HUNT3R]

أشوى أنك مالحقتي على ايامي في منتدى المنظمات الي كان بالفعل منتدى صرقعه

عافاااانا الله منه

[Angel whisper]

الرسالة الأصلية كتبت بواسطة THE GAME HUNT3R
أشوى أنك مالحقتي على ايامي في منتدى المنظمات الي كان بالفعل منتدى صرقعه

عافاااانا الله منه

هالمنظمات انا بس اسمع فيها لكني ما شفتها ..

وايدين خبروني عن سوالفهم فيها

شكلها كانت وناسة :6

[ash6]

مبروك على مرور سنه و موضوعك كان جميل جداً ويصف المشاعر التي في قلبك



;-)

[THE GAME HUNT3R]

الرسالة الأصلية كتبت بواسطة Angel whisper


هالمنظمات انا بس اسمع فيها لكني ما شفتها ..

وايدين خبروني عن سوالفهم فيها

شكلها كانت وناسة :6

من ناحيه وناسه فهي وناسه

تلقى كل منظمة تسوي خطة عشان تخلي المشرف يطرد أعضاء المنظمة الثانيه

هذا غير الهبل الي وسط المواضييع موب منتدى الصرقعة كل مواضيعهم قص ولصق :0) :0)

[Gio]

بالمبارك .. يالله وان العشاء .... اقصد السحور

[RPG_master]

مبروك عليك مرور سنه:6

تصدقين موضوعي ناسيه:#


بس كرهت الصرقعه ومواضيعه ما ابي اذكر شي:6

[سيلفي2065]

شو هالزين يخزي العين



نجي لرأيي... أنا طبعا اختلف كليا عن وجهه نظر اختي اينجل

في الحقيقه..أنا ارى ان الكشف عن طبيعه وحقائق الواقعات الاجتماعيه ومايتصل بها من نشأتها وتاريخها..ودراسه تطور الحقائق الاجتماعيه ينهي الى بيان اختلاف هذه الحقائق باختلاف الازمنه والامكنه والشعوب..بالاضافه الى ذلك..ينبغي دراسه تأثر الحقائق الاجتماعيه ببعضها والوقوف على مبلغ التفاعل الذي يحدث بينها وماينجم من اثار في حياه الافراد بصفه خاصه وحياه المنتدى بصفه عامه..


هذي وجهه نظري التي استخلصتها من خلال الفتره الزمنيه التي تعدت سنتان في هذا المنتدى والتي ارى انها تختلف اختلاف كلي مع وجهه نظر اينجل...

ولكن اختلاف الرأي لايفسد للود قضيه...

شكرا لاستماعكم <--------ماودكم تسطرونها كف؟

[Angel whisper]

ash6 :
الله يبارك فيك ..

THE GAME HUNT3R :
هههههههههههههههههههاااي
والله سالفة :6
اخر شي اعضاء المنظمتين بينطردون

D E A D :
الله يبارك فيك
لاحق حتى ما صارت الساعة 11 :6

[Angel whisper]

RPG_master :
خخخخخخخخخخخخخ
الله يبارك في حياتك ..
الا بعدها شوشتك موضطهدة ??

سيلفي2065 :
:واو: :! :واو: :! :واو:

نعم نعم .. اختلاف الراي لا يفسد للود قضية :!

والعفو :!

الا بصفع عمري الحين :6

[RPG_master]

الرسالة الأصلية كتبت بواسطة سيلفي2065
شكرا لاستماعكم <--------ماودكم تسطرونها كف؟

بس كف..؟!

[ez2dj]

آه ه هـ ..أنا توني راجع من تقوية الفيزياء ومتنح :!

صراحة قصتج مثل قصتي داخل على منتدى فاينل فانتسي بعدين حصل عندي إنفتاح في الحركة التعسفية القومية ((الحيودية))<==هذي للفيزياء :6


اووه مبروك على السنة الكاملة ولو أنها مرت عليها حوالي شهر :6

[memy]

اول شي مبرووك على السنه

و حلو تعليقك على المنتدى

في الحقيقه..أنا ارى ان الكشف عن طبيعه وحقائق الواقعات الاجتماعيه ومايتصل بها من نشأتها وتاريخها..ودراسه تطور الحقائق الاجتماعيه ينهي الى بيان اختلاف هذه الحقائق باختلاف الازمنه والامكنه والشعوب..بالاضافه الى ذلك..ينبغي دراسه تأثر الحقائق الاجتماعيه ببعضها والوقوف على مبلغ التفاعل الذي يحدث بينها وماينجم من اثار في حياه الافراد بصفه خاصه وحياه المنتدى بصفه عامه..

سيلفي شكلك توك مخلصه علم الاجتماع

[rushin_911]

مبروك على مرور سنة على تسجيلكي و عقبال 1000 سنة بإذن الله

[عماد 18]

الرسالة الأصلية كتبت بواسطة Angel whisper

ومرة دخلت ولقيت اعلان كاتبنه واحد اول مرة اشوف اسمه .. يسمونه عماد 18 :6 ..

دخلت اشوف شو السالفة ..

واشوف الاخ يتفلسف ويقول ان للتواقيع حجم محدد واللي بيخالف بيتوقف !!

طبعا انا ما كنت ادري شو السالفة وما كنت ادري انه مراقب ..

فقلت هذا ويا وجهه على كيفه يحط قوانين

هذه النظرة الطبيعية لاي واحد يجي للمنتدى و الا يسمع فيني من بعيد لبعيد ..
و لو قلتي غير كذا كان قلت انك كذابة :6 ..