عام ذا جيت اواي .. اسخف اشرطة عام 2002 ..!! [الأرشيف]

mlm

08-01-2003, 02:07 PM

في الحقيقه انصدمت في شريط ذا جيت اواي .. فقبل اشتريه سمعت عنه كلام كثير وانه شريط روعه وراح يغطي على فايس سيتي ودرايفر وغيرها من الاشرطه المعروفه والمرغوبه في مثل هالنوع من الاشرطه ..

ولكن وللاسف بعد مالعبت بالشريط ووصلت حاليا للمرحله 23 يعني ماباقي الا مرحله وحده فقط على نهاية الشريط اقدر اقول عن الشريط انه سخيف واعطي اكثر مما يستحق ومن ابرز عيوبه ..

الشاشه عند اللعب بالسياره مافيها خريطه تبين لك وين تروح واستبدلت باشاره السياره الغير دقيقه والمراحل لها وقت لكن للاسف غير موضح على الشاشه يعني تمشي على عماها الين يقولون لك عدالمرحله الوقت انتهى !! وغير كذا التحكم بالسياره سيء والشوارع ضيقه والحوادث غير دقيقه لانك احيانا تصدم او تحك في السياره اللي قدامك لكنك تعدي وكن شي ماصار والعكس صحيح احيانا تمر جمب سياره بدون ماتصدمها لكن ماتدري الا وسيارتك منعدمه ووجه السياره داخل !!

وبالنسبه للعب بالرجال بدون سياره فعيوبه اكثر .. فالشاشه مابين فيها كم الرصاص اللي معاك ولا قوتك الباقيه لك والتصويب بالبنادق مهوب دقيق يعني على المزاج مرات تصوب على اللي قدامك وما تصيبه واحيانا تصوب على واحد مابين في الصوره وماتدري الا وهو ميت !! وغير كذا التحكم صعب يعني اكثر من مره تلاقي نفسك محجور في ربعه وبطلعة الروح تطلع منها لانه مايوجه وجهه بسهوله .. ومن سخافتهم حاطين مرحله تحتاج دقه وهي مرحلة الليزر والشريط مافيه اي دقه في التحكم يعني الواحد يتشقلب يمين ومايدري الا الاخ متشقلب يسار والغاز مشتغل !!؟

والقصه على سخافتها يضطر الواحد يلعبها مرتين مره بهامند اللي انخطف ولده ومره بكارتر الشرطي يعني كل شخصيه 12 مرحله ..

وقبل هذا وذاك وعلى قولتهم ( زود على هم الليالي زغاغيل :) ) الشريط فيه مشاهد مخله بالادب وكلام سوقي شوارعي بذيء وكل جمله لازم يجي فيها كلمه منحطه ..

لذلك اقول هذا الشريط سخيف وصراحه مدري وشلون صبرت عليه الين وصلت الى المرحله 23 ( يمكن ابغى اشوف وش اخرتها ) .. عموما اللي حبيت اقوله نصيحه للي يبغى يشتريها ( مع اني ما ضنيت بقى احد ماشراها خصوصا بعد الدعايه القويه لها ) خل عنك وجع الراس ودور لك لعبه ثانيه اصرف والا العب ويننج الفن يكون افضل :) .. واحب اقول للي شراها عليه العوض ومنه العوض والله يصبرك على سخافتها ووسع صدرك ولا تضيق خلقك ترى كل الناس مثلك رفعت ضغطهم هاللعبه البايخه .

تحياتي للجميع . ..

AHD316

08-01-2003, 03:12 PM

كلامك اخوي صحيح ... و انا شريت اللعبة و تحسف الصراحة ... لعبة سخيفة جدا جدا جدا ... مشكور

المعدن

08-01-2003, 05:47 PM

تشكر على هذا الكلام الجميل والمختصر انا من كم يوم ما اعرف اخرج

من اول مرحله من خربطتها اول مره اشوف شخص عنده مسدس عادي

وخمسين شخص ضده و يحملون رشاشات ليه يحسب نفسه طرزان

mlm

09-01-2003, 03:28 AM

اخوي AHD316 .. مشكور ياغالي على مشاركتك ..

اخوي المعدن .. نصيحتي لك مافيه داعي تكمل الشريط ,, ريح بالك ودورلك شريط ثاني .. تحياتي لك .

Classic Evil

09-01-2003, 08:08 AM

يعني برايك ما أشتريها ؟

ReLive MGS

09-01-2003, 10:01 AM

بالعكس انا اشوف اللعبة من افضل واجمل العاب البلايستيشن 2

وانتو حكمتوا على اللعبة بالبياخة لانكم قارنتوها بـ جي تي اي ودرايفر

وفي الحقيقة اللعبة لها طابعها الخاص

يعني لعبة طريقتها غير طريقة جي تي اي ودرايفر

وثاني شي انه قيادة السيارات في اللعبة ((مثل ما تقول سيء))
لكنه لا يحكم على اللعبة على انها جيدة او سيئة لانه شيء فرعي فيها

ويعتبر عيب بسيط وقد غطت عليه محاسن اللعبة الاخرى .

وقولك انه لايوجد عداد للرصاص ولا للطاقة فهذا من ((واقعية)) اللعبة .

(((بعضكم يلعب اللعبة على انها لعبة فيها حرية ولعب ووناسة ... لا اللعبة هذي لعبة مهمات وليست لعبة للتسلية و((فش الخلق مثل جي تي اي)) )))

واعود واقول ان اللعبة من اجمل واروع العاب البلاي2

وانا بنفسي ارشحها كخامس افضل لعبة حتى الان للبلاي2 .

واعطيها تقدير عام يصل الى 95 %

تايجر

09-01-2003, 06:32 PM

يخي هذي اللعبة لاتقارنه بأشرطه زي جي تي ايه او درايفر

لانها تختلف نهائيا وانى الصراحة عجبتني مره لاني ما أحب السيارات
يعني ما ألعب جي تي ايه او درايفر وانا عارف انها كويسه بس لاني ما احب السيارات
بس عجبتني مره ذا جيت اواي لانه تختالف جدا عنهم احسني العب شريط مغامرات مو سيارات
ونصيحتي الي يحب السيارات فقط يبعد عن اللعبه

Squall 9

09-01-2003, 07:26 PM

هههههههههههههههههههههههههه

أنا مح رد عليكم ":"

DeadLy_

09-01-2003, 07:42 PM

توك تدري :":
قبل ما تصدر عبالنا شيء و لكن بعد صدورها و ترجبتنا لها عرفنا الوجه الآخر .. :"

محب الأجهزة

09-01-2003, 10:37 PM

بالنسبة للعب بالرجال .. وأنه مافي عداد للرصاص .. فهذا يبين واقعية اللعبة يعني أنت في الحقيقة ماتعرف متى ينتهي سلاحك ... إلا إذا فكيته وأنت مو رايق تفك السلاح كل طلقتين عشان تعرف كم بقى من الطلقات !!
وبالنسبة للشوارع فهذي شوارع لندن ضيقة وصغيرة .. وإذا بغيت شوارع كبيرة اشتر gta vice city وخلاص ...

TheMoonLight

10-01-2003, 12:02 AM

الصراحه لعبه ولا اغبى

شفتو كيف البطل يتحرك مثل المعوقين؟

يا لطيف

والله اني مستخسر ال25 ريال اللي دفعتها

bounty

10-01-2003, 12:04 AM

انا ما يقهرني باللعبه الا شيء واحد ..

الا و هو البروووووووود ..:أفكر:

سلمان

10-01-2003, 01:16 AM

بصراحة حنا سمعنا عنها كثير ومدح ودعايات وحوسة وانها تبي تصير اطلق لعبة ....

وانصدمت بسراحة يوم لعبتها .... سخيفة من أولها لآخرها ....

Angel of Dreams

10-01-2003, 02:13 AM

بعد الي سمعته عن اللعبة شكلي ماراح أقرب صوبها أبد :D د

مع تحياتي & أنـجـيـلـو :D

ReLive MGS

10-01-2003, 02:58 AM

الرسالة الأصلية كتبت بواسطة Angel of Dreams
بعد الي سمعته عن اللعبة شكلي ماراح أقرب صوبها أبد :D د

مع تحياتي & أنـجـيـلـو :D

اخوي بالعكس اللعبة روووعة

بس اذا انك راح تاخذ اللعبة على انها لعبة سيارات ... فابتعد عنها افضل

او اذا كنت بتاخذها على انها لعبة اكشن ... فما في احسن منها ((رووعة))

بس الشباب الله يخليهم قالوا عن اللعبة انها بايخة لانهم قارنوها بالعاب سيارات

ومن زود قهرهم انتقدوا اشياء ما فيها شي .

مثل ما يقول الاخ ((كانه معوق اذا جا يمشي)) بالعكس مشيته طبيعية 100%.

msm

11-01-2003, 01:16 AM

اللعبة حلوة بالنسبة لي.. وتستاهل الواحد يشتريها ويجربها :) ..

الي بيلعبها على انها جزء تابع لـ GTA:VC ..ماراح يلقى الي يسره ..

والي راح يلعبها على انها لعبة من ألعاب المطاردات والأكشن .. راح يلقى الي يعجبه وأكثر ;) ..

وفي النهاية الناس فيما يعشقون مذاهب :D ..

Angel of Dreams

11-01-2003, 02:22 PM

الرسالة الأصلية كتبت بواسطة winnig eleven
اخوي بالعكس اللعبة روووعة

بس اذا انك راح تاخذ اللعبة على انها لعبة سيارات ... فابتعد عنها افضل

او اذا كنت بتاخذها على انها لعبة اكشن ... فما في احسن منها ((رووعة))

أوكيك راح أشتريها بعد ما أخلص لعبة فيس سيتي :D :D

مع تحياتي & أنـجـيـلـو :D

BMA

11-01-2003, 02:59 PM

أنا شريتها ولعبت فيها شوي .... بس ما توصل لمرحلة أني أتندم على شراها. اعطيها 70%
ما تلاحظون أن البطل أو الشخصية اللي تلعب فيها شكله غبي من جد؟!؟!
لا وبالطقاق يمشي .... مسوي زحمة من جد...
أنا بصراحة راحمة من جد ... شكلة فية ربو الظعيف

mlm

11-01-2003, 08:36 PM

بسم الله الرحمن الرحيم ,,

تحياتي للجميع .. في البدايه اقول اني لاحظت من خلال الردود ان الكثير وافقني على رأيي في اللعبه .. ولكن هناك البعض كان رايهم مخالف لرأيي .. وان كانو اتفقوا معي ان اللعب من خلال السياره دون المستوى لا وسيء وسخيف بعد واللعب بالسياره يمثل 50 % تقريبا من مدة اللعب بالشريط وهذا عكس اللي يقول ان اللعب بالسياره شي فرعي في الشريط !!!! وبعدين واحد من الشباب يقول ان الشوارع ضيقه لان هذي شوارع لندن !! طيب انا عارف انها لندن وعشان كذا قلت الشوارع ضيقه .. يعني مالقوا الا يحطونها في لندن اللي شوارعها ضيقه خصوصا وان التحكم في السياره في اللعبه غبي وبدائي وغير واقعي !!

و بالنسبه للعب بالرجال فالبعض يقول اني حكمت على اللعبه لاني مااحب اشرطة المغامرات واني احب اشرطة السيارات !!؟ وهذا مهوب صحيح لاني شخصيا افضل العاب المغامرات والاكشن على السيارات و جي تي أي فايس سيتي يجمع بين السيارات والاكشن والمغامرات ودرايفر قمه في العاب السيارات .. وانا ذكرت هالشريطين عشانهم قريبين من ذا جيت اواي وخصوصا جي تي أي فايس سيتي .. وبعدين اللي يقول انهم ماحطوا عداد للرصاص عشان اللعبه تكون واقعيه !! احب اقوله كيف الحال !؟ :) وشلون فاتت هذي الحركه على افضل اشرطة المغامرات والاكشن مثل ميتل جير وتومب رايدر وريزدنت ايفل وسايلنت هيل وغيرها اللي كلهم يبينون لك كم باقي معك من الرصاص .. وبالكلام عن الواقعيه هل الواحد اذا انشق بطنه برصاصة شوزن او رشاش اذا تركى او حط كتفه على الجدار نص دقيقه يطيب ويرجع كنه حمار مافيه الا العافيه !؟ وين الواقعيه اللي تقولون عنها !؟ وبعدين انا تكلمت بعد عن عدم الدقه في التصويب وهذا عيب شرعي في اللعبه غير ان اللاعب شكله وهو يمشي يجب الهم وعلى قولة واحد من الشباب كن فيه ربوا :D وتحكمه في التوجيه برضوا سقيم لا وحاطين مرحله تبغى دقه هم ووجيهم .. طيب زينوا شريطكم اول وبعدين حطوا مراحل تحتاج لدقه .. عشان اذا حجت البقر على قرونها تغطون على ميتل جير .. :D :) :D

لكن الحق ينقال رغم هذا وذاك الا انهم احسن شي سووه وتعبوا عليه هو رسم السيارات ووجوه الشخصيات .. الحقيقه انهم متعوب عليهم وخصوصا السيارات كنها حقيقيه .. وهذا الشي الوحيد اللي ممكن الواحد يمدحه في اللعبه ..

تحياتي ,,

MAXPYNE

11-01-2003, 11:14 PM

والله كل الكلام والشتم الذي اسمعه منكم للعبة انما يحمسني لاشتريها:D

mad_dog

11-01-2003, 11:16 PM

أنا واصل عند المرحله الثالثه واللعبه سخيفه موت بس أنا إنشالله بحاول أخلصها ولو إنها ماتساعد:0)

mlm

12-01-2003, 02:13 AM

MAXPYNE.. تقول كل هذا الكلام انما يحمسك لتشتريها !! واقول لك عليك بها ثكلتك امك ولاعزاء لك ولدريهماتك التي ستذهب سدى وستكون حسرة عليك ووبال ..:D :)

mad_dog .. صدقني مافيه داعي تخلصها لان مافيه شي يخليك تتحمس تنهيها ويكفي ان مالها ختمه او نهايه سنمائيه وانما كل اللي بيصير انهم يجيبون البطل ينقز ( يقفز ) من السفينه بالحركه البطيئه وبس .. خلاص !! ومادامك في المرحله الثالثه فاقولك الله يصبرك على مرحلة الليزر والله ان تعقدك واذكر كلامي :) ..

تحياتي ..

prinse

12-01-2003, 05:33 AM

مدامك وصل المهمة 23 قلي شلون أفوز في المرحله 12

mlm

12-01-2003, 08:23 PM

الاخو prinse .. طيب قل لوسمحت .. وبعدين ماكنك تشكك والا تكذبني !؟

على العموم المرحله 12 مثلها مثل غيرها امش بالسياره الين يولع الفليشر عند الميناء وبعدين ادخل السفينه واقعد ذبح في اللي يقابلونك وانزل الدرج داخل السفينه وبعدها ادخل المستودعات اللي تحت وانتبه لاتطيح على راسك شحنه مشيوله بالكرين وابتل الين تنتهي المرحله .. خلاص فيه شي ثاني بعد !؟؟

تحياتي ..

الخوف

12-01-2003, 09:23 PM

مشكور على التوضيح الشامل اللي عن كل مساوىء اللعبه ;-)

وبصراحه انا شريتها ... ومالعبتها الا خمس دقايق ... وعلى طول

رجعتها للمحل (محل على كيف كيفك :D )

يكفيك البطىء !

mlm

13-01-2003, 12:52 AM

اخوي الخوف .. عفوان :D .. ولاشكر على واجب .. وواجبنا نبين للكل الالعاب الطيبه والالعاب الخايسه وشريطنا اللي نتكلم عنه من الالعاب الخايسه :) ..

تحياتي ..

Kasser

13-01-2003, 01:34 AM

ابيخ شيء فيها انها باااااااااااااااااااردة

مافيها تحرك سريع ومشي البطل بطيء شوي مايقدؤ يسرع اكثر
خصوصا لما تبي تسوي حركة مايسويها بسرعة بل بكل برودة وبطء (زين اذا سواها :p )

السواقة شوي سيئة
الحوادث بالعكس افضل مافي اللعبة
يعني لو صدمت راح تلاقي تاثير قوي زي الحقيقة مو جي تي ايه تسوي خمسين حادث ماتلاقي تأثيرات كبيرة مرة ?:

أما الأسلحة فاشلة التصويب صعب واكشن ممل

ثريول

13-01-2003, 02:16 AM

تصدق يا mlm أن لي سنتين ناطر اللعبه لكن ...........طلعت خرطي:غضب: :غضب: :غضب:

آرون

13-01-2003, 03:35 AM

السلام عليكم

والله من وجهت نظري اللعبة رهيبة .
وفكرتها جميلة و الرسوم و المتعة محدودة .

وتقبل تحياتي

التنين المائى

13-01-2003, 04:12 AM

تعرف ان العيوب الى ذكرتها هى ميزات اللعبة

مافى خريطة هذا الان تشترى دى فى دى كوبى روح اشترى النسخة الاصلية و بتجد مع الكتيب خريطة لندن كلها موضح فيها كل المراحل و الاماكن

عدم وجود عداد رصاص ؟؟ ممكن تقولى لو كان معك مسدس كيف بتعرف عدد طلقاته على طول هذا الى تريده سونى الواقعية الشديدة و الصعوبة البالغة فى اللعبة

لما تخلص اللعب تتطلعلك شخصية جديدة بقصة جديدة وهى شخصية الشرطى الى كان يلاحق فى البطل من الاول

وهنالك ثلاث اطوار مقفلة اتوقع طور اللعب الحر واحد منها

وشكرا

baggio10

13-01-2003, 04:19 AM

الصراحة اللعبة عجبتني مع اني ماحب غير العاب الاستراجية و الكورة.........وما اقدر اقول الا كل واحد و ذوقة..

man_70kw

13-01-2003, 04:19 AM

الحمدالله ان النسخة الي عندي كوبي مو أصلي على العموم مشكور على الملاحظة ..... علشان ما أكمل اللعبة !!!!!!

mlm

13-01-2003, 09:54 PM

كاسر الالعاب .. صدقت من ناحية واقعية السياره بعد الحادث وهذي ميزه بسيطه تغرق في بحر سلبيات هذا الشريط .

ثريول .. يالله عليه العوض ومنه العوض وان شاء الله معوض في شريط ثاني ( ياكثر ماقلت عوض :D ) .

آرون .. احترم وجهة نظرك .. وفكرة اللعبه حلوه زي ماقلت لكن اللي مهوب حلو هو تنفيذ الفكره !

التنين المائى .. تقول لو اني شاري الاصلي كان القى معاه خريطه !؟ طيب والواحد يلعب كل شوي بيوقف اللعبه ويجلس يناظر الخريطه , ليه ماخلو الخريطه في نفس اللعبه !؟ .. وبعدين السوق فيه دي في دي وبـ 20 ريال وش اللي يخليني اشتري اصلي بـ 250 ريال .. قالولك حمار والا مضيقه الفلوس علي !!؟؟

وبالنسبه لعداد الرصاص والواقعيه اللي تقول عليها .. احب اقولك وين الواقعيه في واحد يتشقق بطنه بخمسين رصاصه ويكفيه انه يحط كتفه على الجدار وتطيب جروحه !؟؟ وبعدين ليه هالواقعيه اللي تقول عنها غابت عن افضل العاب المغامرات والاكشن مثل ميتل جير وريزدنت ايفل وسايلنت هيل وتومب رايدر اللي كلهم يحطون عداد رصاص !!؟

اما القصه فالقسم الثاني منها مرتبط بالقسم الاول يعني القصه شبه معيوده مرتين .

baggio10 .. صادق كل واحد وذوقه .. ولولا اختلاف الاذواق لبارت السلع .

man_70kw .. عفوا اخوي .. وانا شخصيا والله تحسفت على الوقت اللي ضيعته على اللعبه عشان اخلصها واخرتها ارتفاع في الضغط وختمه بايخه وسخيفه .

تحياتي للجميع ..

التنين المائى

13-01-2003, 10:41 PM

الرسالة الأصلية كتبت بواسطة mlm

التنين المائى .. تقول لو اني شاري الاصلي كان القى معاه خريطه !؟ طيب والواحد يلعب كل شوي بيوقف اللعبه ويجلس يناظر الخريطه , ليه ماخلو الخريطه في نفس اللعبه !؟ .. وبعدين السوق فيه دي في دي وبـ 20 ريال وش اللي يخليني اشتري اصلي بـ 250 ريال .. قالولك حمار والا مضيقه الفلوس علي !!؟؟

وبالنسبه لعداد الرصاص والواقعيه اللي تقول عليها .. احب اقولك وين الواقعيه في واحد يتشقق بطنه بخمسين رصاصه ويكفيه انه يحط كتفه على الجدار وتطيب جروحه !؟؟ وبعدين ليه هالواقعيه اللي تقول عنها غابت عن افضل العاب المغامرات والاكشن مثل ميتل جير وريزدنت ايفل وسايلنت هيل وتومب رايدر اللي كلهم يحطون عداد رصاص !!؟

تحياتي للجميع ..

يعنى انت شايفنى اشترى الاصلى ورى بعضه?: البلاى2 لازم تشتريله كوبى علشان العابه كبيرة و بعدين الخريطة خريطة لندن كلها كيف راح يخلوهالك فى اللعبة الا لو ضغطت ستارت كل شوى وهى نفس النتيجة هذى النقطة ما تتلام عليها اللعبة الان الشركة غير مسؤولة عن الكوبى

لو تلاحظ كل العاب الاكسن الى ذكرتهم بدات مبيعاتهم تنخفض مثل متل جير سبستانس سايلنت هيل2 تومب رايدر5 تعرف ليش الان مافيهم جديد

ولاحظ العاب الاكشن المشهورة الان مثل ديفل ماى كرى كلها جديد علشان كذا عجبت الناس فلو اى شركة تريد اصدار لعبة اكشن قوية لازم يكون فيها شىء جديد و مميز

وعلى فكرة اللعبة اعجبت الاوروبيين جدا حتى انها نزلت جراند ثيفت اوتو من اول اسبوع

ولو هى اسخف لعبة ايش تسمى بليد و بروسلى و دراك انجل

وشكرا
:)

mlm

14-01-2003, 03:07 AM

اخوي التنين المائي .. انا ماشفتك تشري اصلي لكن من كلامك توقعت كذا لانك تقول اشتر الاصلي علشان تحصل الخريطه !!وبالنسبه لخريطة لندن فماهم مغصوبين يحطون لندن وبعدين الشوارع 90 % منها متشابهه وكان ممكن يصغرون الخريطه ويريحونا ويرحون بالهم وانا متأكد ان خريطتهم مهما كانت كبيره مهيب صايره اكبر من خريطة فايس سيتي اللي زود على انهم حاطين خرطة المدينه كامله حاطين على الشاشه وانت تلعب خريطه صغيره تبين لك على الاقل اقرب ملف قدامك .. وهذا اللي ماسووه في ذا الشريط التعبان ..

وبالنسبه لاشرطة الاكشن .. اعتقد ان تومب رايدر فيه ناس كثير منتظرينه خصوصا وفيه تغييرات وانا متأكد انهم بيحطون عداد رصاص واذكر كلامي لانه لايمكن يغفلون شغله مهمه مثل هذي بحجة الواقعيه !!وبالنسبه لباقي الاشرطه فمااعتقد ان الاقبال عليها قل كثير وانا متأكد لو نزل جزء جديد من اي واحد منها راح يخلص من اول يوم بس بشرط يكون جزء جديد مهوب جزء مطور .

اما باقي الاشرطه اللي قلت عليها وهي بليد و بروسلى و دراك انجل
فانا شخصيا مالعبت بها لاني قبل مااشري الشريط اتأكد هو يستاهل من يشتريه والا لا واحرص اشوف الصور اللي في الخلفيه لانها تعطي الواحد فكره قويه عن الشريط .. الا هالشريط سبحان الله خذته على الكلام اللي سمعته عنه وبدون حتى مااستفسر عنه .. والنتيجه اني اكتشفت انه احد اغبى الاشرطه اللي نزلت على البلاي ستيشن 2!

تحياتي للجميع .

التنين المائى

14-01-2003, 04:14 AM

الرسالة الأصلية كتبت بواسطة mlm

اخوي التنين المائي .. انا ماشفتك تشري اصلي لكن من كلامك توقعت كذا لانك تقول اشتر الاصلي علشان تحصل الخريطه !!وبالنسبه لخريطة لندن فماهم مغصوبين يحطون لندن وبعدين الشوارع 90 % منها متشابهه وكان ممكن يصغرون الخريطه ويريحونا ويرحون بالهم وانا متأكد ان خريطتهم مهما كانت كبيره مهيب صايره اكبر من خريطة فايس سيتي اللي زود على انهم حاطين خرطة المدينه كامله حاطين على الشاشه وانت تلعب خريطه صغيره تبين لك على الاقل اقرب ملف قدامك .. وهذا اللي ماسووه في ذا الشريط التعبان ..

وبالنسبه لاشرطة الاكشن .. اعتقد ان تومب رايدر فيه ناس كثير منتظرينه خصوصا وفيه تغييرات وانا متأكد انهم بيحطون عداد رصاص واذكر كلامي لانه لايمكن يغفلون شغله مهمه مثل هذي بحجة الواقعيه !!وبالنسبه لباقي الاشرطه فمااعتقد ان الاقبال عليها قل كثير وانا متأكد لو نزل جزء جديد من اي واحد منها راح يخلص من اول يوم بس بشرط يكون جزء جديد مهوب جزء مطور .

اما باقي الاشرطه اللي قلت عليها وهي بليد و بروسلى و دراك انجل
فانا شخصيا مالعبت بها لاني قبل مااشري الشريط اتأكد هو يستاهل من يشتريه والا لا واحرص اشوف الصور اللي في الخلفيه لانها تعطي الواحد فكره قويه عن الشريط .. الا هالشريط سبحان الله خذته على الكلام اللي سمعته عنه وبدون حتى مااستفسر عنه .. والنتيجه اني اكتشفت انه احد اغبى الاشرطه اللي نزلت على البلاي ستيشن 2!

تحياتي للجميع .

مافى لعبة اكبر من ذا جيت اواى على البلاى2 الانها واخدة لندن كلها 100% بكل المحلات و الاعلانات و كل شىء كل شىء

تومب رايدر الجديد الناس ينتظرونه الانه هو الى فيه التجديد و التحسين و التطوير

لو قارنت ذا جيت اواى بفيس سيتى بتكون مقارنة غريبة مثل ما انك تقارن فف بى متل جير الان لكل واحدة منها اسلوبها و طريقتها الخصة

و بعدين ذا جيت اواى سونى قالت عنها ما تتوقع انك تلقى كل شىء جاهزلك وما عليك الا القفز و ضرب الرصاص لازم تعانى مع اللعبة و ميزتها الصعوبة

لو سونى مو ملزومة ان تحط لندن كلها عيل ايش بتكون ميزة اللعبة ?:

على فكرة حركة ازدياد الطاقة موجودة حتى فى ماكس بين

وشكرا

mlm

14-01-2003, 10:32 PM

لو قارنت ذا جيت اواى بفيس سيتى بتكون مقارنة غريبة مثل ما انك تقارن فف بى متل جير الان لكل واحدة منها اسلوبها و طريقتها الخصة

لا غلطان اخوي .. انا اشوف ان (( الفكره )) في جيت اواي مشابهه لفايس سيتي .. لان المهمات في كلا الشريطين مطاردات ومداهمات مع الاختلاف في تنفيذ الفكره اللي تتفوق فيها وبوضوح فايس سيتي وبدون ادنى مقارنه .. وانا هنا اقصد (( فكرة )) الشريط , يعني الاطار العام للشريط هو شريط مطاردات وقتال بين افراد عصابات .

و بعدين ذا جيت اواى سونى قالت عنها ما تتوقع انك تلقى كل شىء جاهزلك وما عليك الا القفز و ضرب الرصاص لازم تعانى مع اللعبة و ميزتها الصعوبة

وهل الصعوبه انك تصوب على شخص قدامك والرصاص مايجيه !؟ وهل الصعوبه انك تتدربى ( تدحرج ) يمين وماتدري الا خويك متدربي يسار وتلاقي انك شغلت الغاز لانك لمست الليزر !؟ وهل الصعوبه انك تمشي في الشارع وانت ماتدري وين اقرب ملف لك !؟ هذي اخوي مايسمونها صعوبه وانما اسمها سخافه وغباء .. والصعوبه ممكن تكون عن طريق تقليل كميه الرصاص اللي يعطونك او ان قوتك تنقص اسرع او ان الاشخاص اللي يواجهونك يكون عددهم اكبر ..هذي هي الصعوبه .

لو سونى مو ملزومة ان تحط لندن كلها عيل ايش بتكون ميزة اللعبة

مافهمت قصدك :! !!؟

على فكرة حركة ازدياد الطاقة موجودة حتى فى ماكس بين

وهل ماكس بين احسن شريط على الـ ps2 حتى نحطه مقياس !؟ وبعدين انا مااعترضت على الحركه لانها مااعجبتني .. لكن انا اعترضت عليها لان فيه ناس يقولون ان مافيه عداد رصاص لان هذا من الواقعيه وعشان كذا قلت ان ازدياد الطاقه مهوب واقعي وانتم تكلمون عن الواقعيه !!

تحياتي للجميع .

ابو داوود

15-01-2003, 12:08 AM

ذا جت اوي من افضل الأشرطة الي لعبتها

وهي احسن لعبه نزلتها سوني

mlm

15-01-2003, 03:45 AM

حيالله ابوداوود:) .. احترم رايك اخوي لكن مما يبدوا ان ذا جيت اواي هي ثاني شريط تلعب فيه على البلاي ستيشن :D

اجل تقول احسن لعبه نزلتها سوني :) اضحك الله سنك ياابا داوود :D

تحياتي ..

ابو داوود

18-01-2003, 02:43 AM

مالك تضحك يا اعرابي كل امرء وله رأيه

((قبحك الله))and((ثكلتك امك))

MULHAM

18-01-2003, 03:16 AM

فقبل اشتريه سمعت عنه كلام كثير وانه شريط روعه وراح يغطي على فايس سيتي ودرايفر وغيرها من الاشرطه المعروفه والمرغوبه في مثل هالنوع من الاشرطه
هذا هو السبب ... اللي هو التعظيم من شأن اللعبة ... فأغلبية المواقع والتقارير اللتي قرأتها , ذكرت ان اللعبة سوف تكون قوية وربما سوف تحطم GTA , ومدحهم لها بشكل مبالغ فيه , مما زاد من حماسنا للعبة , وفي الآخر :( ... انا اعتقد لو أن كتاب التقارير لم يعظموا من شأنها لكنا وجدناها لعبة رائعة من بعد GTA :أفكر: ...

وشكراً :D

mlm

18-01-2003, 11:50 PM

ابوداوود .. الله يذكرك الشهاده , توك تذكر ترد !؟ بس الحقيقه ردك يدل انك منتب بسيط !!:D

MULHAM.. شوف عزيزي .. هذا ممكن يكون سبب .. لكن صدقني عظموا فيها والا ماعظموا .. اللعبه ممكن تكون فكرتها حلوه .. لكن الشريط سخيف لابعد درجه ..

تحياتي للجميع .

mlm

20-01-2003, 10:56 AM

للتذكير .. حتى ماحد يتوهق ويشتري هالشريط الخايس ;)

mlm

01-02-2003, 11:54 PM

برضه للتذكير ولتعم الفائده !

prinse

02-02-2003, 12:42 AM

mlm كل واحد وله رايه أنا صراحتاً أعجبتني بس مشكلتها التعقيد وصعوبة اللعب أن الحين يمكن لي في المهمه 12 شهر وإلى الحين ما خلصتها:)

التنين المائى

02-02-2003, 01:39 AM

لوووول قال الشريط سخيف قال

الشريط هو الاول على اوروبا فى المبيعات نزل حتى فيس سيتى من القمة اعطونى لعبة اخرى سوتها

mlm

02-02-2003, 02:53 AM

اخوي برنس .. صادق اخوي .. بس انا كل اللي بغيته اني ابين للناس ان هاللعبه مضيعه للوقت وانها خذت اكبر من حجمها بسبب الدعايه القويه لها والغير مطابقه للمحتوى .. وبالنسبه للمرحله اللي ماقدرت تخلصها فاقولك الله لا يلومك وانا تعذبت الين خلصته وليتني والله ماخلصته .. لان الشريط بدون ختمه حتى .. ومايستاهل الواحد يضيع وقت فيه فمابالك بانه يخلصه !! تحياتي اخوي .

الاخو التنين المائي .. ياحليلك حليلاه :D اقول ويننق الفن نزلت اوروبا والا لسع :D :D :D :p :p :D ... تحياتي حبيبي .

SNIPER GAMES

02-02-2003, 03:29 AM

صراحة أنا من الذين أعجبوا باللعبة كثيرا ....... والحق يقال أن سوني أبدعت في اللعبة .;-)

التنين المائى

02-02-2003, 04:10 AM

الرسالة الأصلية كتبت بواسطة mlm
اخوي برنس .. صادق اخوي .. بس انا كل اللي بغيته اني ابين للناس ان هاللعبه مضيعه للوقت وانها خذت اكبر من حجمها بسبب الدعايه القويه لها والغير مطابقه للمحتوى .. وبالنسبه للمرحله اللي ماقدرت تخلصها فاقولك الله لا يلومك وانا تعذبت الين خلصته وليتني والله ماخلصته .. لان الشريط بدون ختمه حتى .. ومايستاهل الواحد يضيع وقت فيه فمابالك بانه يخلصه !! تحياتي اخوي .

الاخو التنين المائي .. ياحليلك حليلاه :D اقول ويننق الفن نزلت اوروبا والا لسع :D :D :D :p :p :D ... تحياتي حبيبي .

الابين عليك تتمتع بذاكرة الافيال بس يارب ما يكون عندك عقلهم:p :p

ذا جيت اواى اعجبت اوروبا كلها

وعلى فكرة ما راح تاثر فيها انت

فى اعضاء كثيرين ومراقبين اعجبوا بى اللعبة":"

اما انت خليك فى فيس سينى احسنلك الان الالعاب الصعبة يبدو انها ما تعجبك

على مسالة الوننج كان قصدى مافى شىء اسمه وننج ينزل فى اوروبا بس بروايفولوشن سوكر لكن العقل زينة و لكل واحد طريقة خاصة بيه فى الفهم

وشكرا":"

mlm

02-02-2003, 05:03 AM

الاخ سنايبر .. الله يهنيك باللعبه , وعلى ماقالوا لولا اختلاف الاذواق لبارت السلع ! تحياتي اخوي .

الاخو التنين ..

..
اما انت خليك فى فيس سينى احسنلك الان الالعاب الصعبة يبدو انها ما تعجبك

انت تقرا بخشمك !!؟؟ انا لما قلت صعبه اقصد التحكم وعدم المنطقيه في لعبها مثل انك تصوب يمين وهو يصوب يسار وتلف بالسياره بشكل بسيط وتحصلها ترد الوجه !! وما قصدت مستوى الصعوبه ياابو الذهانه انت .. وبعدين تقول ..

ذا جيت اواى اعجبت اوروبا كلها

الاخو مسوي استفتاء على كل الاوروبيين اللي اشتروا اللعبه وقالوله انها اعجبتهم !!!؟؟ وترى الترتيب على المبيعات مهوب على الاعجاب الله يصلح قلبك :)

على مسالة الوننج كان قصدى مافى شىء اسمه وننج ينزل فى اوروبا بس بروايفولوشن سوكر لكن العقل زينة و لكل واحد طريقة خاصة بيه فى الفهم

هههههههههههههههه :D :D .. ياشين اللي يبغى يصرف ومافي راسه .. طيب مهوب انت اللي تقول في موضوعك ..

وننج اليفن متى نزل فى اوروبا و بعدين هو نزل فى امريكا بس و اسمه برواوفلوشن سوكر2

ياخي لاتكذب يحطك ربي في النار :D :D .. اقول حد الارنب :D .. سلملم يالاخو اللي ماتكذب ابد ياللي معلوماتك مهيب هينه :)

تحياتي ياجميل :)

التنين المائى

02-02-2003, 10:04 AM

الرسالة الأصلية كتبت بواسطة mlm
الاخ سنايبر .. الله يهنيك باللعبه , وعلى ماقالوا لولا اختلاف الاذواق لبارت السلع ! تحياتي اخوي .

الاخو التنين ..

..

انت تقرا بخشمك !!؟؟ انا لما قلت صعبه اقصد التحكم وعدم المنطقيه في لعبها مثل انك تصوب يمين وهو يصوب يسار وتلف بالسياره بشكل بسيط وتحصلها ترد الوجه !! وما قصدت مستوى الصعوبه ياابو الذهانه انت .. وبعدين تقول ..

الاخو مسوي استفتاء على كل الاوروبيين اللي اشتروا اللعبه وقالوله انها اعجبتهم !!!؟؟ وترى الترتيب على المبيعات مهوب على الاعجاب الله يصلح قلبك :)

هههههههههههههههه :D :D .. ياشين اللي يبغى يصرف ومافي راسه .. طيب مهوب انت اللي تقول في موضوعك ..

ياخي لاتكذب يحطك ربي في النار :D :D .. اقول حد الارنب :D .. سلملم يالاخو اللي ماتكذب ابد ياللي معلوماتك مهيب هينه :)

تحياتي ياجميل :)

انا ما اقرا فى كلامك اصلا الان ما منه فايدة الواحد يرجوها:أفكر:

فعلا ممكن يكونوا الاوروبيين شارينها لكن ماهم معجبين بيها الانهم عندهم فلوس زيادة يريدو يخسروها:p

على مسالة الوننج خلاص اسفين غلطة جل من لايسهوا نعتذر

بس ذاجيت اواى الاولى على اوروبا:cool: