ذا جيت اواي .. اسخف اشرطة عام 2002 ..!!

**mlm** · 08-01-2003, 02:07 PM

في الحقيقه انصدمت في شريط ذا جيت اواي .. فقبل اشتريه سمعت عنه كلام كثير وانه شريط روعه وراح يغطي على فايس سيتي ودرايفر وغيرها من الاشرطه المعروفه والمرغوبه في مثل هالنوع من الاشرطه ..

ولكن وللاسف بعد مالعبت بالشريط ووصلت حاليا للمرحله 23 يعني ماباقي الا مرحله وحده فقط على نهاية الشريط اقدر اقول عن الشريط انه سخيف واعطي اكثر مما يستحق ومن ابرز عيوبه ..

الشاشه عند اللعب بالسياره مافيها خريطه تبين لك وين تروح واستبدلت باشاره السياره الغير دقيقه والمراحل لها وقت لكن للاسف غير موضح على الشاشه يعني تمشي على عماها الين يقولون لك عدالمرحله الوقت انتهى !! وغير كذا التحكم بالسياره سيء والشوارع ضيقه والحوادث غير دقيقه لانك احيانا تصدم او تحك في السياره اللي قدامك لكنك تعدي وكن شي ماصار والعكس صحيح احيانا تمر جمب سياره بدون ماتصدمها لكن ماتدري الا وسيارتك منعدمه ووجه السياره داخل !!

وبالنسبه للعب بالرجال بدون سياره فعيوبه اكثر .. فالشاشه مابين فيها كم الرصاص اللي معاك ولا قوتك الباقيه لك والتصويب بالبنادق مهوب دقيق يعني على المزاج مرات تصوب على اللي قدامك وما تصيبه واحيانا تصوب على واحد مابين في الصوره وماتدري الا وهو ميت !! وغير كذا التحكم صعب يعني اكثر من مره تلاقي نفسك محجور في ربعه وبطلعة الروح تطلع منها لانه مايوجه وجهه بسهوله .. ومن سخافتهم حاطين مرحله تحتاج دقه وهي مرحلة الليزر والشريط مافيه اي دقه في التحكم يعني الواحد يتشقلب يمين ومايدري الا الاخ متشقلب يسار والغاز مشتغل !!؟

والقصه على سخافتها يضطر الواحد يلعبها مرتين مره بهامند اللي انخطف ولده ومره بكارتر الشرطي يعني كل شخصيه 12 مرحله ..

وقبل هذا وذاك وعلى قولتهم ( زود على هم الليالي زغاغيل

) الشريط فيه مشاهد مخله بالادب وكلام سوقي شوارعي بذيء وكل جمله لازم يجي فيها كلمه منحطه ..

لذلك اقول هذا الشريط سخيف وصراحه مدري وشلون صبرت عليه الين وصلت الى المرحله 23 ( يمكن ابغى اشوف وش اخرتها ) .. عموما اللي حبيت اقوله نصيحه للي يبغى يشتريها ( مع اني ما ضنيت بقى احد ماشراها خصوصا بعد الدعايه القويه لها ) خل عنك وجع الراس ودور لك لعبه ثانيه اصرف والا العب ويننج الفن يكون افضل

.. واحب اقول للي شراها عليه العوض ومنه العوض والله يصبرك على سخافتها ووسع صدرك ولا تضيق خلقك ترى كل الناس مثلك رفعت ضغطهم هاللعبه البايخه .

تحياتي للجميع . ..

**AHD316** · 08-01-2003, 03:12 PM

كلامك اخوي صحيح ... و انا شريت اللعبة و تحسف الصراحة ... لعبة سخيفة جدا جدا جدا ... مشكور

**المعدن** · 08-01-2003, 05:47 PM

تشكر على هذا الكلام الجميل والمختصر انا من كم يوم ما اعرف اخرج

من اول مرحله من خربطتها اول مره اشوف شخص عنده مسدس عادي

وخمسين شخص ضده و يحملون رشاشات ليه يحسب نفسه طرزان

**mlm** · 09-01-2003, 03:28 AM

اخوي AHD316 .. مشكور ياغالي على مشاركتك ..

اخوي المعدن .. نصيحتي لك مافيه داعي تكمل الشريط ,, ريح بالك ودورلك شريط ثاني .. تحياتي لك .

**Classic Evil** · 09-01-2003, 08:08 AM

يعني برايك ما أشتريها ؟

**ReLive MGS** · 09-01-2003, 10:01 AM

بالعكس انا اشوف اللعبة من افضل واجمل العاب البلايستيشن 2

وانتو حكمتوا على اللعبة بالبياخة لانكم قارنتوها بـ جي تي اي ودرايفر

وفي الحقيقة اللعبة لها طابعها الخاص

يعني لعبة طريقتها غير طريقة جي تي اي ودرايفر

وثاني شي انه قيادة السيارات في اللعبة ((مثل ما تقول سيء))
لكنه لا يحكم على اللعبة على انها جيدة او سيئة لانه شيء فرعي فيها

ويعتبر عيب بسيط وقد غطت عليه محاسن اللعبة الاخرى .

وقولك انه لايوجد عداد للرصاص ولا للطاقة فهذا من ((واقعية)) اللعبة .

(((بعضكم يلعب اللعبة على انها لعبة فيها حرية ولعب ووناسة ... لا اللعبة هذي لعبة مهمات وليست لعبة للتسلية و((فش الخلق مثل جي تي اي)) )))

واعود واقول ان اللعبة من اجمل واروع العاب البلاي2

وانا بنفسي ارشحها كخامس افضل لعبة حتى الان للبلاي2 .

واعطيها تقدير عام يصل الى 95 %

**تايجر** · 09-01-2003, 06:32 PM

يخي هذي اللعبة لاتقارنه بأشرطه زي جي تي ايه او درايفر

لانها تختلف نهائيا وانى الصراحة عجبتني مره لاني ما أحب السيارات
يعني ما ألعب جي تي ايه او درايفر وانا عارف انها كويسه بس لاني ما احب السيارات
بس عجبتني مره ذا جيت اواي لانه تختالف جدا عنهم احسني العب شريط مغامرات مو سيارات
ونصيحتي الي يحب السيارات فقط يبعد عن اللعبه

**Squall 9** · 09-01-2003, 07:26 PM

هههههههههههههههههههههههههه

أنا مح رد عليكم ":"

**DeadLy_** · 09-01-2003, 07:42 PM

توك تدري :":
قبل ما تصدر عبالنا شيء و لكن بعد صدورها و ترجبتنا لها عرفنا الوجه الآخر .. :"

**محب الأجهزة** · 09-01-2003, 10:37 PM

بالنسبة للعب بالرجال .. وأنه مافي عداد للرصاص .. فهذا يبين واقعية اللعبة يعني أنت في الحقيقة ماتعرف متى ينتهي سلاحك ... إلا إذا فكيته وأنت مو رايق تفك السلاح كل طلقتين عشان تعرف كم بقى من الطلقات !!
وبالنسبة للشوارع فهذي شوارع لندن ضيقة وصغيرة .. وإذا بغيت شوارع كبيرة اشتر gta vice city وخلاص ...

**TheMoonLight** · 10-01-2003, 12:02 AM

الصراحه لعبه ولا اغبى

شفتو كيف البطل يتحرك مثل المعوقين؟

يا لطيف

والله اني مستخسر ال25 ريال اللي دفعتها

**bounty** · 10-01-2003, 12:04 AM

انا ما يقهرني باللعبه الا شيء واحد ..

الا و هو البروووووووود ..

**سلمان** · 10-01-2003, 01:16 AM

بصراحة حنا سمعنا عنها كثير ومدح ودعايات وحوسة وانها تبي تصير اطلق لعبة ....

وانصدمت بسراحة يوم لعبتها .... سخيفة من أولها لآخرها ....

**Angel of Dreams** · 10-01-2003, 02:13 AM

بعد الي سمعته عن اللعبة شكلي ماراح أقرب صوبها أبد

د

مع تحياتي & أنـجـيـلـو

**ReLive MGS** · 10-01-2003, 02:58 AM

الرسالة الأصلية كتبت بواسطة Angel of Dreams
بعد الي سمعته عن اللعبة شكلي ماراح أقرب صوبها أبد د

مع تحياتي & أنـجـيـلـو

اخوي بالعكس اللعبة روووعة

بس اذا انك راح تاخذ اللعبة على انها لعبة سيارات ... فابتعد عنها افضل

او اذا كنت بتاخذها على انها لعبة اكشن ... فما في احسن منها ((رووعة))

بس الشباب الله يخليهم قالوا عن اللعبة انها بايخة لانهم قارنوها بالعاب سيارات

ومن زود قهرهم انتقدوا اشياء ما فيها شي .

مثل ما يقول الاخ ((كانه معوق اذا جا يمشي)) بالعكس مشيته طبيعية 100%.

الموضوع: ذا جيت اواي .. اسخف اشرطة عام 2002 ..!!

أدوات الموضوع

ذا جيت اواي .. اسخف اشرطة عام 2002 ..!!

على خلافكم جميعــا

(It's Me (Angelo

ضوابط المشاركة