المساعد الشخصي الرقمي

مشاهدة النسخة كاملة : أنا احسن أب ...!!


العمدا
30-01-2003, 03:03 AM
السلام عليكم :cool:

لي فتره ما كتبت موضوع ..

المهم مسكت معي الا اكتب لكم الى صار معي وانا راجع من الرياض على جده في العيد ..

--

كنت راجع قبل اهلي بيوم .. السياره كانت بورشه فكنت ابى اخذها همن اطلعلهم اليوم الى عقبه .. المهم وانا في المطار قصيت البوردنج كارد ولميت قشي الــ hand bag بتاعتي :#

وركبت الطياره وبالصدفه كان المحل الى جمبي فيه حرمتين وما كان فيه مجال يتحركن .. طبعاً انا ساح وجهي والمضيفه انحاشت ما عرفت وش اسوى التفت يمنه ويسره الا ولقيت هالرجال الحبوب قاعد ويا مرته وولده الصغير فشرحتله الوضع وكلم مرته وراحت قعدت في محلي وقعدت انا في محلها ..

هو حبوب وطيب وبصراحه كان ولده مضايقنى كل شوى ينفخ علي من ثمه .. ما كان لي وجه اقوله يوخر ذا الولد الدعله عني .. المهم اقلعت الطياره .. والحمد لله الولد تعب من النفخ .. بعد ما ملا وجهي سعابيل وقرف ..

الشاهد انا من طبعي اللقافه فاذا شفت اثنين يتكلمون احب اسمع وش يقولون فالبزر ذا كان يكلم ابوه .. فمن يوم ما الولد بدأ يكلم ابوه ابوه طوا الجريده وقام يسمعله ..

الولد بدأ يتكلم تعرفون عاد هذر وسوالف البزارين .. والاب قاعد يسمع للولد ..

بدأ النصب يشتغل في الولد مدري يقول انا مره طرت مع اخوياي ومدرى وشو ومن هالفقشات الى يحبها قلبك ..

الاب طوال هالسواليف ما لف راسه او قاطع ولده او قله اسكت عنى او فكنا او اى شي ..

انا حسبتها هى مستحيل تقل عن ثلث ساعه اكثر وبالراحه بعد ..

حقيقه الاب ذا عجبني يعني معطي ولده كامل الحريه في السواليف ومقدر انه بزر .. ولازم هالبهارات في سواليفه ..

فهل فيه احد منا يتوقع انه ممكن يكون مثله ؟؟

انا شخصيا ما اقدر ..

يعنى اخوي لو قعد يسولف معي 5 دقايق احس بغم ... مدرى هل لانى منيب أب .. بس ما اعتقد ان هالشي ممكن يتغير لو صرت أب ..

مدري وش دخل هالموضوع هنا .. بس مسكت معي اكتبه :)

تشاااو ..
yugo the wolf
30-01-2003, 03:11 AM
ونعم الرجل :D
memy
30-01-2003, 04:05 AM
صراحه لو كنت محل الابو كان كملت قراءة الجريده :6

يعني ينفع اصير ابو زين ":"


مشكور على الموضوع :p
RPG_master
30-01-2003, 04:37 AM
شكراا على الموضوع المونتاز


صراحه يعجبني الي كذا يعني يربي الولد احسن تربيه ويخلي عنده ثقه بنفسه اني ينصب دايم:6

اقصد يسولف ويصير اجتماعي يمكن..


بالنسبه لي دايم احاول اسوي كذا مع اخوي الصغير مثلاً..


لكن in second thought..

it`s too late:"


ما اعتقد اني اقدر اسويها معه لانه تعدى مرحله اني اربيه على هالشي:6


بس نحاول..

وان شاء الله ان صار لي عيال بعاملهم تسذا علشان لا يطلعون معقدين ولا خوافين ولا شي من هازا القبيل..
SkaveN
30-01-2003, 04:48 AM
شوووكرن عومدا

و نعم الابو":"

بس الولد كم عمره؟?:
Angel whisper
30-01-2003, 05:24 AM
انا ما تحلالي السوالف والطلعات وكل شي ..

الا ويا اخوي الصغير (&)
Classic Evil
30-01-2003, 05:51 AM
أنت متأكد إن الأبو صاحي ؟
aoks
30-01-2003, 06:04 AM
فعلا يعني من النادر تجد آباء زي كذا!!!!!!

ما شاء الله تبارك الله
Undine
30-01-2003, 06:10 AM
لو اني مكان الابو كان قلت للولد

اسكت لا تصدع براسي <<<تعقد الولد:6

بس ودي اسولف معه

على حسب المزاج http://webpost.net/un/Undine/dog.gif


أنت متأكد إن الأبو صاحي ؟

ههههههههههههههههه



ياليت كل الاباء تسذا:o
Spike
30-01-2003, 06:17 AM
الرسالة الأصلية كتبت بواسطة evilneverdie
أنت متأكد إن الأبو صاحي ؟

خخخخخخخ...:D
صدق ياخي امكنه من النوع الى ينام وعيونة مفتحة...:6
alamal13
30-01-2003, 08:26 AM
الرسالة الأصلية كتبت بواسطة Spike


خخخخخخخ...:D
صدق ياخي امكنه من النوع الى ينام وعيونة مفتحة...:6

ليش سمكة؟؟؟؟


اصلا ما تحلا السوالف الا مع اليهال (البزران) انا لو ما اكلم ولد اختي 3 او 4 مرات في اليوم واسمع قصصه الحلوه ما ارتاح....وازيدك من الشعر بيت يخلي الالعاب مالته تكلمني على التلفون بعد:-)

سوووووووووو كيوووووووت.

والله هالابو عجيب;-)
Classic Evil
30-01-2003, 09:10 AM
عااااد نسمع لليهال مب مشكلة ..
أما في الطيارة والواحد يكون مدوخ مافي أمل ..

أذكر لما سافرنا و تحركنا شوي قال اخوي الصغير : كأنه الجناح منكسر ..

على طول سكتناه .. هذا من أولها يقول جي?:

هذا إما انه مب صاحي أو مثل ما قال سبايك يرقد وعيونه مفتوحه او نص مفتوحة مب مشكلة ..

Undine :
هذا الأبو فيه وشّـه :o ..
فإذا بغيتي قولي ياليت كل الأمهات مثل هذا الأبو :6
snow river
30-01-2003, 09:46 AM
هههههههههه مشكور عالموضوع الحلو :D :D :D



شكل ابوه منسجم مع خبر ولا مع شي فالجريده ولاتلقاه يسوي نفسه ابو عاقل قدامكم بس :6


ياحليل البزران والله ان سواليفهم توسع الصدر الحين انا جالسه اكتب واختي الصغيره جالسه جمبي مزعجتني تقول ماني متزوجه لو ايش خخخخخخخخخخخخ :D
HArb200
30-01-2003, 10:10 AM
شف على حسب .. اذا كان الفقش علني .. وخيالي (وهذا قليل في البزران) .. مهيب مشكله خله يخرط لين يقول الله حق ..

أما اذا كان الفقش علني .. ومهوب خيالي (وهذا كثير في البزران الله يهديهم) .. فسد حلقه بشماغك .. لين يتخدر ويرقد ..


عموما .. أصلا ماهناك نية !! .. لامن فكرنا وقررنا .. حينها أبحاول أطبق هالأساسيات في تربية البزريات .
Mahdee87
30-01-2003, 11:48 AM
عادي

أنا أكثر شي احب اسمع من اخواني الصغار

لأنه مواضيعهم تضحك

اقعد اسمع واستهبل عليهم خخخخخخخ


ابوي يحب يسمع للصغار كثير:6



:cool: :cool:
MoaeD
30-01-2003, 02:10 PM
انا بأتكلم عن نفسي بصراحه !


انا ما فيه بيوم فكرت على مر اخواني واحد واحد !!


(بما اني اكبر واحد)


اني اسمع لواحد منهم !


انا اصلا غالبا في البيت احب العزله والهدوء !



الرسالة الأصلية كتبت بواسطة Mahdee87


ابوي يحب يسمع للصغار كثير:6



:cool: :cool:


ليه ابوك يسمعلك دايم :p
العمدا
30-01-2003, 09:30 PM
صباح الخير :cool:

يوقو : ايه صح ;)

ميمي : خخخخخ ايه واضح :6

ربج ماستر : صراحه انا احيان احاول اسولف مع اخوي بنفس الطريقه لكن ما انكر ان جسمى هو الى يكون معه اما عقلي :#
وبعدين من ناحيه انه ما يطلع معقد وخواف هذى مهمه .. كثير من العيال يطلعون عندهم صعوبه في النطق او يسمونها ( تأتأه في الكلام ) هذى سببها هالشي .. ان الاهل ما يعطونهم فرصه يسولفون ?:

بريك قيم (:p) : كبر اخوي تعرفه :6 ؟ لا يعنى امكن 6 سنوات او 5 تقريباً ..

عنجل : السوالف ممكن اما الطلعات صعبه شوى :":

ايفل : ايه صح ;)

لوسي : انا اعرف الصغار مره ما يسولفون :6
<<-- نشبه :cool:
بس بصراحه انا انقرفت من سواليفه شلون ابوه ?:

اوكس : صدقت يا اخي

انديني : هي فعلاً تتوقف على المزاج .. بس تخيلى انتي قاعده تقرين جريده وفي طياراه ازعاج وضغط وخرابيط ويطلع ذا الاخ الصغير والاب يترك كل شي :0)

الامل : هع انا لو ما اكلمه 3 او 4 مرات ارتاح خخخخخ :6

ايفل : بالعكس هذا رايه او هو الى شافه بعدين ما تعرف قانون انكسار الضوء امكن هو السبب :6
يا اخى هو شاف الجناح مكسور وش ذنبه :"
<<-- الاخ من مكافحه ظلم المبزره :cool:





تعبت اكمل بعدين :#
{gaia_girl}
30-01-2003, 11:30 PM
هدي من أفضل الأشياء اللي تحسس الولد بأهميته و تعطيه ثقة بالنفس لما يشوف الكبار يسمعوله :) حتعطيه ثقة و لما يكبر ان شاء الله يصير انسان متحدث.. :)

بس زي ما قلتوا ساعات الواحد ممكن يكون not in the mood ، راجعة من الجامعة دوبي مثلا -_-() بس برضو الواحد يعطي المجال قد ما يقدر ، بيصير لك مكانة عند الطفل برضو :D

و ترا مليان آباء زي كدة و الحمد لله (من اللي انا شايفاه على الأقل)
Lucky guy
30-01-2003, 11:35 PM
الطفل لازم يطق حنك :6 .. من الصغر
~MâLâK~
31-01-2003, 12:31 AM
الرسالة الأصلية كتبت بواسطة العمدا

انا شخصيا ما اقدر ..

يعنى اخوي لو قعد يسولف معي 5 دقايق احس بغم ...



صدقت يااخي :":



بس بعض الأحيان اختي الصغيره واخوي يجلسون يسولفون وانا اسوي اسمعهم بس انا مااسمع شي :6


وإذا خلصو سالفتهم اقول اها وبس:6


ابي افتك من ازعاجهم إلا يسمعوني سوالفهم :o


عشان كذا اعطيهم على قد عقلهم ":" ..










ياللهslaaaaaaaaaaaaaaaaaaaaaam
*مدلـل*
31-01-2003, 05:33 AM
ياخي قله بس بابا فين ويسكت :6
MetalGear
31-01-2003, 08:32 AM
انا ابوي مايسمع لي أنا ..:6

لالا امزح..

ترى حتى ابوي من ذا النوع بس لو زودها..

بيعطي له بأقرب شي جنبه..:D
ابتسامــــــه
31-01-2003, 11:12 AM
شي طيب ان لاب يستمع لسوالف اعياله بذات الاصغار ..



*أكيد لما كنتو صغار كنت تبون حد يسمعكم *


:)
Mahdee87
31-01-2003, 11:33 AM
الرسالة الأصلية كتبت بواسطة MoaeD


ليه ابوك يسمعلك دايم :p


:غضب: شو يعني أنا صغير :غضب:


أنا اذا شفت ابوي ساعتين باليوم بتكون معجزة

من الساعة ستة الصبح للساعة 2 الظهر بالمدرسة بشوفه نص ساعة على الغدا بعدين بيطلع في العصر وبيرجع في الليل انا بقعد لحالي في الغرفة وما شوف حد :6 :6

<==== قلبها قصة حياته:"
TIFA Lockheart
31-01-2003, 07:02 PM
يا حليله
انا الحين الكبار بالقوه طايقتهم و هم سواليفهم سنعه
اجل شلون ببزر و يخرط بعد:غضب:
بس شكله الابو ذا حاط اعصابه في الفريزر ولا مسوي نفسه يسمع وهو في عالم اخر:0)
Justine
31-01-2003, 07:47 PM
مشالله ابو متفاهم ... اتوقع لولده يصير خطيب ممتاز في المستقبل ...

انتوا ما شفتوا كيف يعاملوا الصغار في أمريكا ( نشوفهم في المسلسلات )

يعني معطينهم حرية الرأي و التعبير ... حتى لو كان عمره 5 سنوات ... من وقتها يحاولوا يبنوا شخصيته و ينضجوها .... زي ما عمل الوالد فيني ...

الله يحفظه داما اتناقش معاه في كل ... يسمع مني كل شي ...

لا و احيانا أدخله في مشاكلي مع اصدقائي و مع النت .... و احيانا أسمعه الاغاني اللي احوبها او افرجه على افلام شفتها قبل ... يعني والدي صديقي المقرب ^^

سمعته مرة على اغنية Cleanin out my closet حقت الفنان المهذب و الراقي ايمينيم ... يقولي : الدقة رهيبة ... و الكلمات ... لا تقول معاناها لاخوانك الصغار ... و مشي ^^

بس أهم شي الصلاة ... مرة ما يخليني اهمل فيها .... يعني اعمل اي شي تبيه ما دام صليت ( دام مو في معصية ربك )

مشكور خيو على موضوعك ^^
العمدا
31-01-2003, 08:29 PM
سنو : خخخخخ انا فينى مشكله غريبه اذا عجبني احد احس انه مستحيل يغلط ?: صحيح مبدأ غبي بس هذا مبدأي في الحياه :6
وبعدين وش الاسباب الى تمنع اختك :cool: ؟

هارب : خخخخخخخخ اما قاعده يا شيخ :p
والا البزريات للوزن :6

مهدي : موب كلهم يضحكون :":

موعيد : لا عاد موب للدرجه ذي ?:
بس احيان لها فايده انك تقفل على نفسك

خوباج : اكيد :cool: بس انا اقصد ما عمره احد في الطياراه يكون مروق ?:
وانا تكلمت عن الفكره بشكل عام :#

قايا قيرل : طبعاً تعتمد على الوقت بس ترا فيه ناس ممكن يغيروا مزاجهم لاجل هالبزر

لكي قاي : خخخخخخخخخخ :p



نكمل لاحقا :#
snow river
31-01-2003, 11:48 PM
وبعدين وش الاسباب الى تمنع اختك ؟


ههههههههههههههه اختي هبلا ياحليلها :D :D كل يوم تفتح لنا هالسيره مدري ليه تقول لي قالي اطبخيلي بقوله كل تراب خخخخخخخخخخ:D :D

بزر ومصيرها تعرف ان الزواج شر لابد منه :6