أنا احسن أب ...!!

[العمدا]

السلام عليكم

لي فتره ما كتبت موضوع ..

المهم مسكت معي الا اكتب لكم الى صار معي وانا راجع من الرياض على جده في العيد ..

--

كنت راجع قبل اهلي بيوم .. السياره كانت بورشه فكنت ابى اخذها همن اطلعلهم اليوم الى عقبه .. المهم وانا في المطار قصيت البوردنج كارد ولميت قشي الــ hand bag بتاعتي :#

وركبت الطياره وبالصدفه كان المحل الى جمبي فيه حرمتين وما كان فيه مجال يتحركن .. طبعاً انا ساح وجهي والمضيفه انحاشت ما عرفت وش اسوى التفت يمنه ويسره الا ولقيت هالرجال الحبوب قاعد ويا مرته وولده الصغير فشرحتله الوضع وكلم مرته وراحت قعدت في محلي وقعدت انا في محلها ..

هو حبوب وطيب وبصراحه كان ولده مضايقنى كل شوى ينفخ علي من ثمه .. ما كان لي وجه اقوله يوخر ذا الولد الدعله عني .. المهم اقلعت الطياره .. والحمد لله الولد تعب من النفخ .. بعد ما ملا وجهي سعابيل وقرف ..

الشاهد انا من طبعي اللقافه فاذا شفت اثنين يتكلمون احب اسمع وش يقولون فالبزر ذا كان يكلم ابوه .. فمن يوم ما الولد بدأ يكلم ابوه ابوه طوا الجريده وقام يسمعله ..

الولد بدأ يتكلم تعرفون عاد هذر وسوالف البزارين .. والاب قاعد يسمع للولد ..

بدأ النصب يشتغل في الولد مدري يقول انا مره طرت مع اخوياي ومدرى وشو ومن هالفقشات الى يحبها قلبك ..

الاب طوال هالسواليف ما لف راسه او قاطع ولده او قله اسكت عنى او فكنا او اى شي ..

انا حسبتها هى مستحيل تقل عن ثلث ساعه اكثر وبالراحه بعد ..

حقيقه الاب ذا عجبني يعني معطي ولده كامل الحريه في السواليف ومقدر انه بزر .. ولازم هالبهارات في سواليفه ..

فهل فيه احد منا يتوقع انه ممكن يكون مثله ؟؟

انا شخصيا ما اقدر ..

يعنى اخوي لو قعد يسولف معي 5 دقايق احس بغم ... مدرى هل لانى منيب أب .. بس ما اعتقد ان هالشي ممكن يتغير لو صرت أب ..

مدري وش دخل هالموضوع هنا .. بس مسكت معي اكتبه

تشاااو ..

[yugo the wolf]

ونعم الرجل

[memy]

صراحه لو كنت محل الابو كان كملت قراءة الجريده :6

يعني ينفع اصير ابو زين ":"


مشكور على الموضوع

[RPG_master]

شكراا على الموضوع المونتاز


صراحه يعجبني الي كذا يعني يربي الولد احسن تربيه ويخلي عنده ثقه بنفسه اني ينصب دايم:6

اقصد يسولف ويصير اجتماعي يمكن..


بالنسبه لي دايم احاول اسوي كذا مع اخوي الصغير مثلاً..


لكن in second thought..

it`s too late:"


ما اعتقد اني اقدر اسويها معه لانه تعدى مرحله اني اربيه على هالشي:6


بس نحاول..

وان شاء الله ان صار لي عيال بعاملهم تسذا علشان لا يطلعون معقدين ولا خوافين ولا شي من هازا القبيل..

[SkaveN]

شوووكرن عومدا

و نعم الابو":"

بس الولد كم عمره؟?:

[Angel whisper]

انا ما تحلالي السوالف والطلعات وكل شي ..

الا ويا اخوي الصغير

[Classic Evil]

أنت متأكد إن الأبو صاحي ؟

[aoks]

فعلا يعني من النادر تجد آباء زي كذا!!!!!!

ما شاء الله تبارك الله

[Undine]

لو اني مكان الابو كان قلت للولد

اسكت لا تصدع براسي <<<تعقد الولد:6

بس ودي اسولف معه

على حسب المزاج

أنت متأكد إن الأبو صاحي ؟

ههههههههههههههههه



ياليت كل الاباء تسذا

[Spike]

الرسالة الأصلية كتبت بواسطة evilneverdie
أنت متأكد إن الأبو صاحي ؟

خخخخخخخ...
صدق ياخي امكنه من النوع الى ينام وعيونة مفتحة...:6

[alamal13]

الرسالة الأصلية كتبت بواسطة Spike


خخخخخخخ...
صدق ياخي امكنه من النوع الى ينام وعيونة مفتحة...:6

ليش سمكة؟؟؟؟


اصلا ما تحلا السوالف الا مع اليهال (البزران) انا لو ما اكلم ولد اختي 3 او 4 مرات في اليوم واسمع قصصه الحلوه ما ارتاح....وازيدك من الشعر بيت يخلي الالعاب مالته تكلمني على التلفون بعد:-)

سوووووووووو كيوووووووت.

والله هالابو عجيب;-)

[Classic Evil]

عااااد نسمع لليهال مب مشكلة ..
أما في الطيارة والواحد يكون مدوخ مافي أمل ..

أذكر لما سافرنا و تحركنا شوي قال اخوي الصغير : كأنه الجناح منكسر ..

على طول سكتناه .. هذا من أولها يقول جي?:

هذا إما انه مب صاحي أو مثل ما قال سبايك يرقد وعيونه مفتوحه او نص مفتوحة مب مشكلة ..

Undine :
هذا الأبو فيه وشّـه ..
فإذا بغيتي قولي ياليت كل الأمهات مثل هذا الأبو :6

[snow river]

هههههههههه مشكور عالموضوع الحلو



شكل ابوه منسجم مع خبر ولا مع شي فالجريده ولاتلقاه يسوي نفسه ابو عاقل قدامكم بس :6


ياحليل البزران والله ان سواليفهم توسع الصدر الحين انا جالسه اكتب واختي الصغيره جالسه جمبي مزعجتني تقول ماني متزوجه لو ايش خخخخخخخخخخخخ

[HArb200]

شف على حسب .. اذا كان الفقش علني .. وخيالي (وهذا قليل في البزران) .. مهيب مشكله خله يخرط لين يقول الله حق ..

أما اذا كان الفقش علني .. ومهوب خيالي (وهذا كثير في البزران الله يهديهم) .. فسد حلقه بشماغك .. لين يتخدر ويرقد ..


عموما .. أصلا ماهناك نية !! .. لامن فكرنا وقررنا .. حينها أبحاول أطبق هالأساسيات في تربية البزريات .

[Mahdee87]

عادي

أنا أكثر شي احب اسمع من اخواني الصغار

لأنه مواضيعهم تضحك

اقعد اسمع واستهبل عليهم خخخخخخخ


ابوي يحب يسمع للصغار كثير:6