نقاش الرسامين مطبخ أبو لبن للوجبات المتنوعه :) [الأرشيف]

Bu Laban

09-08-2003, 12:56 AM

سلام الله عليكم و رحمته و بركاته .. بناءً على طلب الأعضاء افتتحت هذا الموضوع .. طبعا كل الطبخات اللي بستعرضها هنا مسويهم بنفسي .. يعني ما جبت أي شي من كتاب أو ورقة خارجية ... بس تعلمتهم من أختي مع الوالدة الله يحفظهم انشالله .. و انشالله نفيد و نستفيد

تقريبا بحط طبخة كل أسبوع .. يمكن أقل من أسبوع أو أكثر .. على حسب الفراغ و دخولي النت .. و هذا للمعلومية

ببدأ اليوم بطبق صينية المكرونة بالجبن و الزعتر .. هذي من طبخاتي المفضلة
ملحوظة : يمكن يكون تعبيري زفت شوي فإذا عندكم استفسار اسألوا

الخضروات: 4 حبات طماطم متوسطة الحجم
2 أو 3 بصل من أي نوع و يفضل الأبيض منه و تقدرون تزيدون على حسب الرغبة
2 أو 3 فلفل أخضر و برضوا على حسب الرغبة
تقدرون تضيفون خضروات ثانية على حسب شهيتكم .. بس عندي هذول هم الأساس .. طبعا تقطع الخضروات على شكل شرائح متوسطة الحجم

اللحم: صدور دجاج مشرحة بشكل جيد و متساوي بالكمية التي ترونها تكفي

المكرونة: أي نوع مكرونة تحبونها بس أنا افضل مكرونة الديك

خلطة الجبن: عبارة عن قشطة مخفوقة مع جبن كاسات (مثل كرفت أو بوك) طبعا الخلطة لاتخلونها سميكة كثير و لا تخلونها خفيفة .. الوسطية زينة

أما البهارات فلكم حرية التصرف فيها على حسب الذوق

وطبعا تحتاجون الى فنجان ملح خشن أو الكمية المطلوبة اللي تحتاجها المكرونة أثناء السلق

يجي دور الطبخ .. المكرونة توضع في قدر لوحده و يوضع عليه ماء مغلي مجهز و يترك للسلق مع إضافة الملح .. و تجهز صينية فرن مستطيلة أو مدورة على حسب الموجود .. و يجهز أيضا الفرن بدرجة حرارة مناسبة لوضع الصينية فيها
أما الدجاج مع الخضار .. أولا نحمي قدر و نحط شوية زيت عليه .. و نحمي الزيت بس من غير ما تحرقونه .. نحط البصل الى ان يصبح ذهبيا أو قبل ما يستوي عشان ما نبيه يصير محروق .. و نحط الطماطم مع الفلفل الأخضر الى أن يذوب الطماطم .. و الحين نحط الدجاج و نضيف البهارات مع الملح حتى ينضج الدجاج و ننتظر الى أن تنضج المكرونة .. ثم نخلط خلطة الدجاج مع المكرونة نحط الخليط في الصينية المجهزة مسبقا .. و نغطي المكرونة بخطلة الجبن و القشطة تغطية متساوية و مرتبة .. و نحط فوق الخليط شوية زعتر لإعطاء طعم لذيذ .. و توضع الصينية الى ان تستوي خلطة الجبن في أعلى الصينية

انشالله تكون الطبخة بسيطة و سهلة .. بالهنا و الشفا .. و مثل ما قلت .. إذا واحد أو وحدة عنده أو عندها استفسار يسألني .. و انتظروا الطبخة القادمة

Bu Laban

09-08-2003, 01:00 AM

السلام عليكم .. عدت اليكم من جديد مع مزيد من الطبخات و المنوعات الحلوة و اللذيذة ..

ببدأ اليوم بكم نوع من السلطات اللي يحبها العقل .. و المحتوى فيها المكرونة << أموت على المكرونة

هذي أول وحدة و هي ( سلطة المكرونة بالتونة ) .. المكرونة اللي يستحسن تحطونها معه هي المكرونة اللي تشوفونها مجوفة و متوازية أضلاع و طولها متوسط بعض الشئ << ناسي اسمها

المقادير : علبة من المكرونة المذكورة .. نص كوب من مايونيز .. ملعقة شاي من مسحوق الزعتر المجفف .. كرفس المقطع مكعبات .. علبه تونة بيضاء .. جزر وطماطم مقطعه إلى مكعبات صغيرة

طيب .. نجي لطريقة التقديم .. هي سهلة و ما تاخذ وقت .. ضعي المكرونة في ماء مغلي لمدة 11 دقيقة. صفيها من الماء واتركيها حتى تبرد. في إناء كبير. افرغي محتويات علبه التونة بعد تصفيتها من الزيت. اهرسيها هرساً ناعماً. أضيفي الجزر الطازج وقطع الطماطم والكرفس ومن ثم اخلطيها جيداً مع المايونيز حتى تتمازج. ضعي المكرونة في طبق تقديم السلطة واخلطيها مع المزيج حتى تتجانس. زينيها بقليل من الزعتر المجفف
تقدم باردة .. لا تنسون هالشي

Bu Laban

09-08-2003, 01:04 AM

السلطة الثانية هي برضو سلطة مكرونة بس بطريقة ثانية .. المقادير ..
كيلو مكرونة صغيرة بشكل نص دائرة .. كوب مايونيز .. ملعقة طعام خل تفاح ... نص ملعقة شاي سكر .. نص ملعقة شاي ملح .. نص ملعقة شاي فلفل اسود .. كوب كرفس مقطع صغيرات .. 3 حبات فلفل رومي مقطع صغيرات .. طماطم للتزيين
ألحين نجي لطريقة التحضير .. اسلقي المكرونة لمدة 8 دقائق دون اضافة ملح .. بعد كذا نشفيها في الصفاية مع اضافة ماء بارد كي تبرد المكرونة .. بعد كذا نشفيها تماما .. و في وعاء كبير اخلطي المايونيز و الخل و السكر و الملح و الفلفل الاسود و اخلطيها زين .. بعدين ضيفي المكرونة و الفلفل الرومي و الكرفس و اخلطيهم عدل .. للإضافة زيني الطبق بالطماطم و بالهناء و الشفاء .. في حالة رغبة بعضكم بتقليل كمية الدهون في هذه السلطة بامكان الواحد يستخدام المايونيز قليل الدسم او الخالي من الدسم

Bu Laban

09-08-2003, 01:07 AM

انتهينا من السلطات .. نجي للطبق الرئيسي و الأخير لي في هذا اليوم .. بصراحة احترت و انا أختار الطبخة .. بس من قريب أهلي سوو تنور بيتي .. و الطريقة سهلة و حلوة .. بس أبي أنوه أن كمية الرز اللي بتحطونها على حسب الموجودين .. بس أتوقع أن غرفتين كبار تفي بالغرض .. عموما .. المقادير :
الرز على حسب العدد و المكيال .. 3 حبات بصل أبيض كبير .. 3 حبات طماطم و فلفل أخضر أحجامها متوسطة .. طبعا مع البهارات اللي تحبونها مع الرز .. الشي المهم أنكم تحطون صحن حراري وسطه سمن و مع حبات فحم عشان يعطي نكهة التنور في الرز ..
التحضير سهل جدا هو أنك تغلي ماي وتحط البصل و الطماط و الفلفل الاخضر المشرح بأحجام متوسطة الطول و تسلق مع الرز في قدر كبير .. اذا شفتوا الرز قرب يستوي .. حطوا الصحن فوق الرز ( لا تسكبون اللي فيه مع الرز ) .. الفكرة هو أن البخار بياخذ ريحة الفحم مع السمن و تتشربها خلطة الرز مع الخضار ..

و لا تؤاخذونا على النسيان .. لأني من زمان ما طبخت رز .. و نسيت بعض المقادير .. فإذا صار فيه تعديل بحطه .. و أتمنى أن حازت الطبخات على رضاكم ..

Bu Laban

09-08-2003, 01:13 AM

اليوم بعرض لكم شوربة حلوة و لذيذة .. إنها ..

شوربة الفطر ..

المقادير ..
3 ملاعق كبيرة من الففطر المفروك
بصلة مفرومة
ربع اصبع من الزبدة
3 ملاعق زيت
ملعقة دقيق
كأسين كاء ساخن
حبة ماجي و أخيرا كأسين حليب .

الطريقة ..
يحمس البصل بالزبدة و يضاف عليه اليه الفطر و يقلب جيدا .. بعد كذا يرفع من النار .. يوع الزيت في قدر على النار ثم يضاف اليه الدقيق و يخلط زين .. بعدينيضاف اليه الحليب و يحرك حتى تتماسك الخلطة شوي .. بعد كذانضيف خلطة الفطر مع البصل والماجي و الماي الحار المهيأ سابقا .. نترك الخلطة تغلي لمدة 5-6 دقايق .. و انتهت على كذا .. للراغبين في الزيادة اعصروا بغض الليمون معه

الطبخة الجاية يمكن أتأخر فيها .. فحاليا استمتعوا بالموجود حاليا

هـداف

09-08-2003, 02:38 AM

السلام عليكم:D
أهلا بالحبايب الحلوين;)
شخبارك بولبن،عساك بخير ..؟!؟

بخصوص الأكلات والطبخات هذي صدقني انا يوعان:" ومشتهي آكل كل هذا:6 ،وماشاءالله عليك،كلامك سهل جدا في الشرح ;-)

انا لازم اخبر الوالده عن الطبخات هذي:6

ارجو عرض المزيد من الطبخات اللذيذه هذي،قبل لاتذبحني الوالده فهي تحب تجربة كل شيء:p

الى اللقاء;)

memy

09-08-2003, 03:12 AM

ابي جوعانه موت http://webpost.net/me/memy/mushy.gif <<< شمت الريحه من المنتدى الثاني

تسلم على الطبخات ..

أميرة الخيال

09-08-2003, 03:32 AM

واااااااااااااااااي

وناسة

أبي أتعلم اشلون أطبخ

ثانكس أبو لبن على المساعده :D

(ذوقك حلو بالأكل );-)

Bu Laban

10-08-2003, 06:10 PM

السلام عليكم :)
شاعر .. هذي طبخة جديدة عشانك :D

ميمي .. حياج معانا .. و أرجو أنك تتابعينا على طول :)

أميرة الخيال .. العفو :) .. هذا من ذوقك :cool: ..

أنا تعمدت أنزل طبخات سهلة عشان أشجع الموجودين على الطبخ :6

و هذي طبختي الجديدة من المقبلات :)

كفتة الدجاج مع الجزر ..

المقادير ..
نص دجاجة مسلوقة ومفرومة .. بصلة مفرومة فرما ناعما (العربي مقطعني هاليومين :D ) .. جزرتين مسلوقتين و مهروستين .. 3 ملاعق كسبرة مفرومات فرم ناعم .. بيضتين .. و بهارات مشكلة مع الملح :)

الطريقة ..
يخلط كل من لحم الدجاج و البصل و الجزر و الكسبرة و يحنون في الماكينة (لازم تكون عندكم ماكينة طحن و مزج) .. بعد كذا بخلط بالبهارات و الملح و البيض و يعجن جيدا ( معلومة عن البيض : يخلط البيض مع الخليط لأنه يساعد على تماسك الخليط أثناء القلي .. من غيره بتشوفون الخليط متبعثر في المقلاة :) ) .. يشكل الخليط على شكل أصابع و تقلى بالزيت و يقدم .. بالعافية :)

shaheen

11-08-2003, 12:30 AM

السلام عليكم

اهلا ابو لبن
الرائحة هنا قوية وتسيطر علي!!>_<

كل الطبخات اللي ذكرتها تعجبني

اول مرة اعرف ان الطماطم يذوب.. لكني من اشد المعجبين بالطماطم في جميع الاكلات... عكس توتو.

يم يم يم... ابو لبن ليش ماصرت في عصابتنا... كان الشومن والمجبوس روبيان والخثاق والدجاج والجريش... مابخلص T_T

على العموم شكرا على الموضوع الرائع... الا اقول.. ماتقدر تحط لنا صور للاكلات ;-)

Sparta Ghost

11-08-2003, 05:09 AM

السلام عليكم ...أحسنت يا بو لبن أختيار هالموضوع الجذاب اللي يجذب الكل ...

أنت فنان في الأكل ...والفنان في الأكل ...:p ما أقدر أتفلسف زيادة

...عجبني ويوعتني في نفس الوقت .....السلطة مع المعكرونة ...

أتمنى أشوف لك طبخات ألذ ...وأشهى ...و.وو

الرسالة الأصلية كتبت بواسطة shaheen

اول مرة اعرف ان الطماطم يذوب.. لكني من اشد المعجبين بالطماطم في جميع الاكلات... عكس توتو.

يم يم يم... ابو لبن ليش ماصرت في عصابتنا... كان الشومن والمجبوس روبيان والخثاق والدجاج والجريش... مابخلص T_T

توتو ما تحب الطماطم ....:أفكر: :6
ذكرني الشومن ....بأنيمي كبمارو :D
ويش ده هالأكله الجديدة الخثاق....*_*

Bu Laban

11-08-2003, 11:40 AM

الا اقول.. ماتقدر تحط لنا صور للاكلات

إقتراح جيد منك أٍستاذ شاهين .. بس المشكلة أني أنا في الجامعه و مش في البيت .. و للا كان صورت لكم الأكلة اللي أنا مسويها لكل واحدة من الطبخات .. بس إذا شفت صور في النت للطبخات هذي بعرضها :) .. و شكرا على الإقتراح هذا و نتمنى وجودك معنا هنا دائما :6

كان الشومن والمجبوس روبيان والخثاق والدجاج والجريش بحاول أنزللك بعض الطبخات اللي طلبتها :6

الجني الرسام .. انت تامر أمر .. بس ما عرفت ايش الشغلات اللي تحبها .. سلطات .. مقبلات .. شوربات .. ال Main (الشغلات الضخمة :D ) .. و في حلويات برضوا :أفكر: .. انت عطنا نوع و انا أحط :cool:

بحط اليوم سلطة أتوقع أن تعجبكم .. و هي ..

سلطة الدجاج بالمايونيز ..

المقادير ..
نص دجاجة مسلوقة و مفرومة .. بصلة مفرومة .. ربع راس خس مفروم فرم ناعم .. 3 ملاعق مايونيز (للي يتبع حمية يقدر ياخذ مايونيز قليل أو منزوع الدسم :) ) .. ملعقتين بقدونس مفروم .. مع الملح والفلفل الأسود

الطريقة ..
يخلط كل من الدجاج و البصل و الخس و البقدونس .. يحل المايونيز بشوية موية (لا تكثرون ماي) و بعدين ينضاف المايونيز إلى الخليط و نحط معه ملح و فلفل و يخلط الجميع خلطا جيدا .. بالهنا و الشفا :)

هـداف

11-08-2003, 12:55 PM

الطبخة الأخيرة شهية><
تسيل اللعاب:6

وأحسن شي ان طبخاتك سهلة ،فعلا مثل ماقلت..
وشكرا على الطبخة الجديدة^_-

وانشاءالله نشوف المزيد..

يم يم يم... ابو لبن ليش ماصرت في عصابتنا... كان الشومن والمجبوس روبيان والخثاق والدجاج والجريش... مابخلص T_T

:cool: :cool:

Hard Rock

12-08-2003, 11:25 PM

!!!!

!!!!!!!!

!!!!!!!!!!!

!!!
!!!!!!!

أشم ريحة أكل على بعد أميال ( أنا و صراصيري )

Bu Laban

13-08-2003, 01:34 AM

السلام عليكم ^^

ما شالله عليك يا روك .. الحمدالله أنها أعجبت صراصيرك برضوا :أفكر: .. عاد نبيك تتابعنا :)

أهلا بيك يا هداف .. ما شالله عليك .. انت متابع ممتاز :D

اليوم بحط لكم يوم شوربة .. يمكن تكون فيها بعض التعقيد بس بالآخر هي حلوة :cool: .. و هي ..

شوربة الدجاج بالذرة ..

المقادير ..
نص دجاجة
4 ملاعق أكل ذرة
5 ملاعق نشا (جربوا نشا الذرة )
ربع كأس ماي
ملعقة أكل صلصة الصويا
3 بيضات
الجزء الحار من المقادير : نص كأس خل أبيض مع ملعقة شاي فلفل أخضر حار مفروم.
و قريت في كتاب أنك تقدر تضيف ملعقة أجي نوموتو .. بس ما جربتها .. بس للي يبي يقدر يجربها :)

الطريقة ..
ينقع الخل بالفلفل و يترك .. تغمر الدجاجة بالماي << اعجبتني كلمة تغمر :lol: .. و توضع على النار مع اضافة الملح اليها (للي يبي أجي نوموتو يحط نص ملعقة منه) .. وتترك على النار حتى تنضج الدجاجة و ترفع من النار و تقطع الى شعيرات أو قطع صغيرة على حسب الذوق .. يخلط لحم الدجاج مع الذرة و نحط الخلطة في مرقة الدجاج و يوضع على النار .. يذوب النشا في ربع كاس الماي و يضاف الى المرق .. و يضاف بعد كذا صلصة الصويا مع البيض (للي يبي أجي نوموتو يضيف الباقي منه :) ) .. تترك في النار لبعض الوقت و بعدين يرفع و يقدم في زبدية و طبعا لا تنسون الشطة :)

wildkitty

13-08-2003, 02:26 PM

اشرايك ترسم لنا الاكلات :p

او تحطلنا الخطوات بقصه من ايدك ;)

ناطرتك اوكيكو :p

Hard Rock

13-08-2003, 03:39 PM

ماشاااااء الله ^^ ريحة الدجاج و الشغلات هذي تسيطر على تفكيري :D

تسلم يا بولبن ^^
إلا أقوووووول ... طلب صغير جداً ( ماعندك شي فيه حلويات ؟؟؟ أنا أمووت على الحلويات ^^ :6 )

وتسلم مرة ثانية على الموضوع الشيّق اللي الصراحة جوّعنه ^^

سي يو ;-)

الخطاف

14-08-2003, 10:38 AM

وااااااو..

يم يم يم ... يم يم

أنا بعد بشارك بطبخة بسيطة بو لبن ^^
وأكيد بتعجبكم

وأسمها سلطة اللبن الكونية النووية الذرية المخرطية

المقادير ..
كل شي عندك وتجوفه يمك ينفع...
وهذه الأشياء مهمة...
(علب بيبسي مخفسين- ليت محروق - قطوة ميته- شوارب هندي- عين فوجين العدلة- كرة الهداف- قناع اللورد زاكس- قلم الضوئي لريكس- كاب شاهين- وعصاة طرزون- وكل الأنيمي إلي عند رانما- صرصور هارد روك- منقار ديك منتوف- العاب الغاندم إلي عند جيم)
والبن

الطريقة...
ضع كل شي عنك في خلاطة أسمنت... أتركه ليومين
وفي هذه الأثناء غسل صحن التقديم...
ولما تنتهي أسكب الخلطة من الخلاط في طبق التقديم
وبعدين أسكب عليه اللبن...
وبيكون الطبق جاهز للتقديم ^^

وبالهنا والشفا

ونزوركم في القبر بعدين :D

سي يو

Hard Rock

14-08-2003, 01:37 PM

الخطاف : حلوة طبختك ههههههههههههههه
أنا طبختهه ويوم خلّصت من طبخها شفت شوارب هندي في الطبخة لاعت جبدي!! بس الصراحة طعم القطوة الميته تجنن ^^ههههههههههههههههه

Bu Laban

14-08-2003, 02:55 PM

وايلد كيتي .. تبين تسمعين قصتي مع كل طبخة مع اللي سويته :أفكر: .. أوكي .. في الردود الجايه انشالله :)

هارد روك .. الحلويات جاية في الطريق .. لا تخاف :)

الخطاف .. بالنسبة لوجبتك اللي حطيتها كانت فله بس المشكلة أني ما قدرت آخذ الكاب حق شاهين .. ماسكة في راسه صح :D

و نشكر لكم متابعتكم للموضوع :) ..

Bu Laban

14-08-2003, 09:39 PM

السلام عليكم .. بناءا على طلب هارد .. بنزل لكم طبخة جديدة و هي ..

كيكة الشوكولاتة ..

المقادير ..
5 بيضات .. 1.5 كاس سكر بودرة .. أصبع زبدة .. كأس حليب سايل .. فانيلا .. 3 ملاعق أكل خميرة بيكينغ باودر .. 2.5 كاس دقيق مع نص كاس كاكاو

الحشوة ..
كرتون كريمة دريم ويب مع علبة فواكه مشكلة كبيرة ..

الوجه ..
10 حبات شوكولاتة جالكسي .. علبة قشطة و 3 ملاعق اكل لوز محمص و مفروم ..

الطريقة ..
يخفق البيض جيدا مع إضافة الفانيلا (إذا كانت عندكم ماكينة للخفق و العجن يكون أفضل ) يضاف الزبدة و السكر بتدرج و يخلط جيدا .. و يضاف الحليب و يخلط برضوا بشكل جيد .. بعد كذا نجيب خليط الدقيق مع الكاكاو و ينحط بتدرج و شوي شوي المسألة لا تستعجلون عليها مع الخلط الجيد لها .. في النهاية يصب الخليط في القالب المدهون و يدخل الفرن حتى ينضج (تأكدوا من أن القالب تقدرون تشيلون منه الكيكة من غير ما تعتفس ) .. في هذا الوقت تعمل كريمة دريم ويب مع الحليب السائل .. بعد ما تبرد الكيكة تقطع من المنتصف بشكل افقي و تشرب بماء الفوكه المشكلة من الجهتينو يفرش فيها الكريمة و الفواكه المصفاة من الماي .. و تغطى بالطبقة الثانية ثم يغطى الوجه بشوكولاتة جالكسي المذوبة بحمام مائي يغطى بها وجه الكيك و يترك قسم من الشوكولاتة المذابة و تخلط مع علبة القشطة و اللوز المحمص و يزين به الكيكة .. اذا كنتوا تبونها باردة دخلوها في الثلاجة شوي و بعدين قدموها :)

عاد ذاك اليوم اللي جربت فيها الكيكة هذي انعفست .. لأنها كانت أول مرة أسويها .. البيض أتذكر طاح علي و أجيب غيره و للا الفانيلا عاد جاني زكام بسبته :D .. و أول وحدة لي كانت من جد تعبانة .. بس أهلي ما قصروا و أكلوها :) .. هي مش بذيك الرداءة بس في الأحسن منها :D .. بالعافية انشالله :)

-][HaNa Sun][-

14-08-2003, 11:35 PM

موضوع حلو و جديد بولبن ...

شكلك بذلت مجهود و طبخاتك كلها حلوه ...ماقصرت يا بولبن..

مع إني بنت لكني ما احب ادخل المطبخ واايد..كسوله^ ^

على كل حال...نتريا المزيد من طبخاتك الشهيه..

Bu Laban

14-08-2003, 11:42 PM

ما شالله عليكي يا هانا .. رد سريع و حلو :) .. عاد نبيج تتابعين موضوعنا على طول انشالله :)

lord zacx

15-08-2003, 07:09 PM

مرحباhttp://members.lycos.co.uk/lordzacx/zacx/Helz.gif ^__^

كركركركركركركركركركركركرhttp://members.lycos.co.uk/lordzacx/zacx/Exz.gif

خليتني اتكركر من الضحك على موضوعك العجيب
كركركركركركركركركر كوري

شميت الكمبيوتر بس ما وصلت الريحه:" يمكن اطرشه بالفاكس ^__^

Bu Laban

16-08-2003, 11:58 AM

أوووووه .. أهلا باللورد حبيب الملايين ^^ .. في وسيلة أحس من الفاكس .. تعاللي و شم بنفسك :D ..

اليوم بعطيكم شغلة خفيفة و حلوة .. و ما خذت مني وقت :) .. و هي ..

كرات البطاطس المقلية ..

المقادير ..
كوبين بطاطس مسلوقة و مهروسة .. ملعقتين أكل من الزبدة السائحة .. نص كوب جبن مبشور كرافت .. ملعقة شاي من الملح و برضوا ملعقة شاي من الفلفل الأسود .. صفارين بيض مخفوقين .. ملعقة أكل من حليب .. نص ملعقة شاي خميرة ( بيكينج باودر ) .. كوب من الدقيق .. بيضة مخفوقة مع ملعقتين أكل من الماء .. و كوب بقسماط

الطريقة ..
تخلط البطاطا مع الجبن و الملح و الفلفل و صفار البيض و البيكينج باودر و الزبدة .. الخلطة هذي تقسم الى كور و الكور تغمس في الدقيق و كل كرة على حدة .. ثم تغمس في البيض و بعد البيض تغمس في البقسماط .. ذاك الوقت انتوا محمين زيت .. بعد البقسماط توزع الكرات في المقلاة و تقلى الى ان تنضج . بعد كذا ترص في صحن للتقديم .. بالعافية انشالله :)

ديابلوس

16-08-2003, 12:42 PM

وححححححححححححححححححححح :6

لعابي سال ثييييييييييييييييييييييب تب تب تب تب تب تب تب :6

انا بعد عندي طبخة ديابلوسية حلوة ^^

المقادير.. : بيضة... ملح... زيت ... كبريت... تاوة... جولة

اول شي اكسروا البيضة .. و بعدين خلطوها مع ذرة ملح خفيفة ... و بعدين خلطوها زين زين زين زين ...

بعدين حطوها في التاوة بعد ما تحطون شوية زيت و تولعون الجولة بالكبريت ... و بعدين قلبوا البيضة كم مرة و تداااااااااا بتلاقون بيضة مقلية على شكل ديابلوس :D

شرايكم ؟؟ :o

Bu Laban

16-08-2003, 12:48 PM

ما شالله عليك يا ديابوس .. تصدق أن أكثر الشباب اللي أعرفهم ما يعرفون يسوون اللي انت قلت عليه ( ما أمزح فيها :) ) ..

Hard Rock

16-08-2003, 02:12 PM

وااااااو .. حلوة طبختك الأخيرة يا بولبن (كرات البطاطس المقلية)
تذكّرني بآلو بشير ^^

ههههههههههههههههه حلوة طبختك يا ديابلوس . بس الصراحة صعبة
طبخته مرتين وآخر مرة احترقت في ويهي ههههههههههههههههههه

آنه عندي طريقة احترافية لإعداد كوب من شربت فيمتو ...;-)

المقادير : شربت فيمتو بحجم عائلي ، كوب كبير شوي (علشان تشبع) ، شكر ، وماي وقفشه (ملعقة).

الطريقة : صب شوي فيمتو في الكوب الكبير وزيده شوي شكر ، وبعدي
حط ماي وخلّه ينترس القلاص (الكوب) وخور الخليط شوي ، وبعدين حطه
في الثلاجة (علشان لين عطشت تروح تشربه) ... لين خلصت .. حطيت
الكوب في الثلاجة قول لي علشان آروح اسرقه .. ههههههههههههه

:6

-][HaNa Sun][-

17-08-2003, 11:25 PM

حلوه اكلت البطاطا المكوره..بولبن ^ ^

و أصعب طبخه صراحه اكلت هارد روك ..أقصد شراب الفيمتو..

بعطيكم أكله سهله ..نوع من الحلويات

دريم كاست أقصد دريم ويب مع الفواكه المشكله..

المقادير:

1 قشطه _ كيس دريم ويب_علبه مشكله للفواكه.

الطريقه:

نكسب القشطه في وعاءالدريم ويب و نخلطه زين { يفضل بالخلاط الآلي}
بعدين نضع الفواكه المشكله على دريم ويب و نخلطه بالملعقه ..و يوضع في الثلاجه لمده ساعه أو اكثر..بعد ذلك يكون جاهز للأكل ييييييييييييم

C.Falcon

23-08-2003, 10:48 PM

ممكن تعلمني كيف أسوي معصوب ؟؟؟؟
حق ابو زيد :)

sakura_is_cute

24-08-2003, 02:38 PM

وش هالطبخة يا ديابلوس حامت كبدي <<<<< خاصة ما قدرت اجيب كل المقادير من الأعضاء ما رضوا يعطوني اياها ((الطبخة الأولى ))

________________________

حلوة طبخاتك يا بولبن ان شاء اسويهم .....

Bu Laban

31-08-2003, 02:51 AM

السلام عليكم :# ..آسف على القطعه الشينة هذي .. انشالله بكرة انزلكم طبخة جديدة لأني توني راجع من مكة و ز مشغول حبتين :( .. عموما لا تنسونا :6

Neo Cid

02-09-2003, 04:08 AM

سامحنا يا بو لبن عالقطيعة ..

موضوع رائع .. مع اني ما قريته .. ولا جربته .. بس ان شاء الله يوم من الأيام لمن اكون بالبيت بروحي

كالعادة .. و ادخل المطبخ و افنتك .. وقتها بفتح الموضوع هذا و بطبع الأكلات اللي حاطها ..

الله يعيننا .. :naughty:

احم احم ..

إلا ما قلتلك عن حمستي الخطيرة .. أذكر لمن سويتها بالبر .. الشباب كانوا ياكلون أصابعهم ورى الاكل

( اسلوب بلاغي يبين مدى قوة النكهة ) .. :6

بس انت انطر علي شوي .. و اعطيكم الخلطات السرية .. و معاهم صورة .. :D

احم .. نسيت بعد .. على صبخات فول .. ( اللي يقرا يلاحظ كله أطبخ معلبات ) .. :naughty:

اوكيك أخوي .. سامحنا .. و ان شاء الله نشوفك ..

اووه تعال .. تقبل الله .. :)

وألف الحمد لله على السلامة ( أنت ياي من مكة و أنا ياي من نيويورك .. والله دنيا ) .. :naughty:

john5

03-09-2003, 01:15 AM

مشكور أبولبن على هل وصفات الرائعه منك ^^ .
و كحل طبخه أحلى من الثانيه ^.^
و طبخات ديابلوس و خطاف و هرود حلو بعد بس يبيلي أنتبه من هرود لا يشلح الطبخه مني ^^ .

sakura_is_cute

04-09-2003, 11:59 AM

وينك يا بو لبن نبي طبخات زيادة

Bu Laban

20-09-2003, 08:30 PM

مشكورين ألف شكر على الردود اللطيفة هذي :) ..

ساكورا ايز كيوت .. أبشري انشالله و هذي طبختين بعرضهم ألحين :)

جون 5 .. مشكور على الرد :)

نيو سيد .. و الله انت من زمان ما بينت و إثرك في نيو يورك :33: .. و الله الدنيا غريبة :D .. عاد لا تنسانا ..

كابتن فالكون .. أنا ما أعرف بصراحة كيف أسوي معصوب .. بس إذا عرفتها بعرضها انشالله :) ..

هانا سان .. مشكورة على الرد و على طبختك و أرجو أن تتابعينا بين الحين و الآخر :) ..

الطبخة الأولى هي ..

شوربة الدجاج بالشعيرية ..

المقادير ..
4 اكواب من مرقة الدجاج .. ربع دجاجة مطبوخة .. فطر ( بين 10 حبات ) .. نص كوب شعيرية .. و أخيرا و ليس بآخرا ملعقتين بقدونس مفروم

الطريقة ..
يوضع مرقة الدجاج ليغلى على النار و السطح الدهني اللي على المرق يزال .. تقطع الفطر الى شرائح رقيقة و برضوا الدجاج المطبوخ و ينضافون ال المرقة .. تضاف الشعيرية بعد أن يغلي المرق مع الفطر و الدجاج و يستمر الطهي لمدة 5 دقائق بعد الغليان و التتبيل الجيدين بالملح و الفلفل .. و إذا جيتوا بتقدمونه .. زينوه بالبقدونس :) .. بالعافية

Bu Laban

20-09-2003, 08:32 PM

أما الثانية فهي ..

سلطة الحمص ...

المقادير ..
علبة حمص مسلوق و يصفى و يوضع في زبدية كبيرة أو مثل ما يسمونها سلطانية
بصلة مفرومة
حبة طماطم مقطعة
عودين بصل اخضر مقطعة
4 قطع خبز افرنجي يقطع مكعبات و يغلى في ثلاث ملاعق زبدة و ملعقة زيت
ملعقتين نعناع مفروم
ليمونتين معصورتين
فصين ثوم - فلفل أسود - ملح - زيت زيتون - خس و ليمون للتجميل

الطريقة ..
نضع الحمص في زبدية و نضع عليه البصل الأخضر و الطماطم و النعناع و الليمون و ينخلط بشكل جيد .. بعد كذا نتبل السلطة بالملح و الفلفل و زيت الزيتون .. و اذا جيتوا بتقدمونه حطوا عليه الخبز و زينوه بالخس و الليمون (للإضافة :) )

Ranma Saotome

21-09-2003, 10:12 PM

هااالوووو

اخبارك بولبن؟ وينك ياخي ماتبين :09: هعهعهعهع

صراحه الطبخات كلها عجيييبه و تشهي.. اللي يبي يشبع يدخل هالموضوع..

الاكلات حلوه و كلها بسيطه يعني مافيها تعقيد..
أي واحد يقدر يسويها (سمعتوا يابنااات)

مع اني ماطبخت الا مرتين او 3.. لكن شكلي بصير محترف على يدك هعهعهع

الا تعاااال.. صار لك فتره تقول لي بذوقك من طبخي.. ماشوف شي؟؟ كخخخخ

الله يعطيك العافيه و ننتظر المزيد منك :)

Renoa Heartilly

22-09-2003, 11:22 AM

صراحه طبخات روعه ^_^ أنا طبعتهم بس ما سويت منهم شيء لسه.. أنا أحب أطبخ, بس أنه كل مره أحاول أحترق و لا تقطعني السكين و لا شيء من هذا القبيل >_< بس ما فقدت الأمل!! شوربه الشعيريه شكلها حلوه! خلني أقص على أخواني عشان يجربونها عني!! *عشان لو سممتهم ما لي دخل!* خخخخ.. أمزح ^_^ صراحه, أنت أول واح أشوفه يعرف يطبخ, أخوي ما يعرف يكسر بيضه بدون لا يتفتت قشرها في المقلاه...

Bu Laban

24-09-2003, 12:37 AM

مشكورين يا رانما و يا رينوا :) .. ردودكم حلوة و ما تقصرون :cool: ..

أجل زيلي هو اللي ما يعرف يكسر بيضة أجل ؟ .. الله يعينه :)

Miss_kimino

25-09-2003, 01:02 AM

سلااااااااااااااااااااام بو لبن ^_^

بالصراحة موضوع رائع و جديد في منتدانا على ما اعتقد يعني :biggthump

و شكلك ماشالله طباخ محترف ..بس ما تقدر تنافسني :cool:

اوبس الخطاف .. :boggled: شو هالأرف :crazy:

يعععععععععععععععععععععععععععع >_<

يحليلها فوجن هههههههههه ما باقي لها إلا هالعين العدلة .. بعد بتخطفها منها :(

هههههههههههههههههههههه بس والله ضحكني ردك ..الله يغربل بليس ههههههههههههه

BUBLE

25-09-2003, 03:51 PM

الله على الشيف بو لبن ...عاد توني متغدية :D ....بس هم شهيتني باكلاتك ... شغل عدل :33:

يا ريت اعرف اطبخ ... اخر مرة طبخت حرقت البين :09:

تسوي دورات تعليم طبخ بالمنتدى ؟؟؟ :D

تسلم ايدك

Bu Laban

29-09-2003, 11:42 PM

مس كيمينو .. أجل انتي طباخة :D .. جميل جدا .. أجل ليش ما تنزلين كم طبخة معاي هنا :biggthump .. بيكون أسلوب جيد لتبادل الخبرات :)

بابل .. هلا ببابل هلا .. عاد انتي مختفية و ما تطلعين الا نادر :12: .. فقدناج في موضوع العبط :33: .. عموما .. الحمدالله أن الموضوع أعجبج و نرجوا المتابعه معنا فيه ;)

MeMe CHaaN

30-09-2003, 11:16 AM

يمييييييييييييييييييييييييييييي يمييييييييييييييييييييي ......

أشم روايييييييييييييييييح ترددددددد الروووووووح لليوعان.... *مثلي.... لووول*

ويييييييييييييييييييييييييه.... looooook who is here... :bigeyes: .... هذا مش جنا بو لبن؟؟

وااااااااا بو لبننننننننننننننننن ...
long time noooooooooooooo seeeeeeeeeee.... شحالك؟؟؟؟؟؟ شخبارك؟؟؟؟؟
عاااااااااااااش من شافك..... من ورانا عيل يا بو لبن..... طلعت طباااااااااااااااااااااخ... ;)

*لا والله الرياييل قاموا يطبخون.. لا و ينزلون طبخات في المنتديات... و نحن لين ألحين غير بيض و
نودلز ما نعرف نسوي....والله فظيييييييييييييييييييحه.. :09: *

لا لا عليك طبخات يا الشييييييييف ... لا لا الصراحه أنا لازم أجرب أسوي وحده من الطبخات هذي
بس مالي خص لو شوهتهاااا... :tongue2:

أقوووووول.. يالله يالله أنا يعت من موضوعكم هذا برووووووووووووووح الكانتيييييييييين أزط :p

جانييييييييييييييييييييييييه...

MeMe CHaaN ... :D

Renoa Heartilly

07-10-2003, 10:36 AM

بو لبن ^_^ أحمم, قصدي شيف بو لبن ههه.. شنهي أحسن حشوه لخلية النحل, جبن أصفر و لا كيري أبيض؟ ;) و لا ما تعرف خلية النحل؟ *أخواني يعرفون أن طعمها حلو و لا يعرفون شداخلها* خخخخخ

Bu Laban

07-10-2003, 10:07 PM

السمية عندي لهالطبخة هي عش النحل :31: .. مع أني أفضل إسم خلية النحل :tongue2: ...

بالنسبة لنوع الجبن فجبن الكيري أطعم و أخف من الجبن الأصفر و هذا بالنسبة لذوقي في الأكل :cool: ...

عموما انتظروا طبختي القادمة في الرد القادم و تحياتي لكم :biggthump

Renoa Heartilly

08-10-2003, 10:59 AM

مشكووووووووور بو لبن ^_~ و أتوقع أنك تحب الكيري لأنه أخف و طعمه يشبه اللبن أكثر من الجبن الأصفر هاه؟ ههه... يللا شو بتطبخ لنا اليوم؟ ^_^

الخطاف

08-10-2003, 12:49 PM

السلام عليكم

ماشالله ... الموضوع أحلو وحلو

أبدعت بو لبن وبالتوفيق لموضوعك

وأحب أشارك أنا بعد للمرة الثانية

نبتدي بطريقة على طول
في البداية...مطلوب طقم أسنان عجوز متيبسة من الشمس... ويكون الطقم منقع بخل ليومين(إذا ماعندكم خل حطوا في بيبسي) .
نضع هذا الطقم من الأسنان وسط تونة بالموز... ونسكب عليه حمض الكبريتيك H2SO4.
ونحطه في الميكرويف (بس لتسألوني ليش) وبعدين نحطه في الفريزر ...
وبعدين نحطه في أقرب تنور خباز قريب منكم... ونرجعه بعدين للفريزر

وبيكون الطبق بارز... وللتحليه
نعصر عليه ضفدع ناوي ينتحر

وإن شالله بتتحولون لزومبي بعد تناولكم للوجبه الغنية بالفيتامين سي وعي وخي

Renoa Heartilly

09-10-2003, 11:11 AM

Bu Laban

11-10-2003, 01:33 AM

ههههههههههههههههههه .. الله يرجك يا الخطاف .. دايما تتحفنا بدخلات العرض هذي :biggthump

بس الضفدع هذا أتفق مع رينوا فيه .. من وين نجيبه :06:

عموما .. و الله أنا مستحي أمر في كل مرة و لا أكتب فيها شي .. بس بعطيكم طبخة تمشي الحال :) ..

طبختي اليوم عبارة عن .. شاورما اسكندرانية .. هذي الطبخة أخذتها من مطعم بس قدرت أسويها في البيت :)

المقادير .. شرايح صدر دجاج و شوية زيت و روب و بهارات ..

الطريقة .. (الطبخ يكون على الصاج) .. تقلون الدجاج على الصاج و تضيفون عليه البهارات .. إذا نضج حطوها في صحن و أضيفوا فوقه الروب و زينوه بعدين بأوراق بقدونس و يقدم مع المخلل :) ..

هذي طبخة بسيطة جدا و ما يبيلها شغل و أعتذر مرة أخرى :)

أميرة الخيال

11-10-2003, 03:19 AM

وووووووووووووووووووع

خطاف .. لوعت جبدي من صج

ييييييييييييع يع يع

و ضفدع بعد اكملت الطبخة المثالية :09:

مشكوووووور أبو لبن على هذي الطبخات الروعة طلعت خبرة :biggthump

و آنا صراحه أفضل خلية النحل مع جبن أبيض أحلى يم يم يوووووووعاااااااانه

زين ليش ما تحط أكلات حق رجيم مو أحسن :)

Renoa Heartilly

11-10-2003, 10:25 AM

لقيت الضفدع! لقيت الضفدع!! <_< >_> *_* لكن متأخر, أنتحر و خلص.. خخخخ....
"و الله أنا مستحي أمر في كل مرة و لا أكتب فيها شي" عادي ^_^ طلتك لحالها تكفي! يموت المنتدى لما يختفون أمثالك *بتكحلها عمتها* أقول, عندي سؤال غبي صراحه... التوفو *هذا الي ياكلونه اليابانيين* و يحطونه في أكلهم, هذي حلاوه و لا شيء مالح؟ O_o?

g. byte

12-10-2003, 11:51 AM

واوكي , موضوع لذيذ :p
بصراحة يابو لبن أنا معجب فيك , قليل أن نجد فتيات يطبخن هذه الأيام , لأن معظمهم معتمدين على " الخدامة " , لذا فأنا أنظر بنظرة احترام للشباب الذين يجيدون الطبخ ( شدخل هذا في هذا ! ) *_*

كان بودي حقا المشاركة معك لكنني نباتي , ووصفاتي قد لا تعجب أحدا لأنني مع فكرة تزهدوا في طعامكم ^^ وهذه فكرة غير شائعة
ومع ذلك استفدت من طبخاتك و طبخات الأعضاء , خصوصا طبخة الفيمتو لهارد روك , ان شاء الله بطبخها في عرسي , لكن الخوف أهل العروسة يغيرون رايهم فيني هههه

*******

أبو لبن أريد أن أسألك سؤال حساس :
ماهو شعورك وأنت تطبخ ؟ بالتفصيل اذا تفضلت ؟ ^^
سؤال أخر ( ايضا حساس ) :
ماهو شعورك وأنت تأكل ؟ بالتفصيل إذا تفضلت ؟ ^^
سؤال أخير أكثر حساسية :
أي الشعورين أقرب إلى نفسك ؟ وانت تأكل أم وأنت تطبخ ؟ مع ذكر السبب ؟ أيضا بالتفصيل اذا تفضلت ؟ ^^

.. في أمان الله

Bu Laban

12-10-2003, 07:44 PM

التوفو *هذا الي ياكلونه اليابانيين* و يحطونه في أكلهم, هذي حلاوه و لا شيء مالح؟ O_o?
و الله يا رينوا أنا ما عندي خلفية عن الموضوع لأني ما جربته .. بس ما أتوقع أنه يكون حلاوة ..

أما الضفادع فإلى الآن مالي نصيب لأنهم أول ما يشوفوني يموتون من غير إنتحار << فسروا هذي :D

ماهو شعورك وأنت تطبخ ؟ بالتفصيل اذا تفضلت ؟ ^^
شعوري شعور أي واحد عزوبي مو لاقي أحد يطبخله :D .. بس برضوا أستمتع فيها ;)

ماهو شعورك وأنت تأكل ؟ بالتفصيل إذا تفضلت ؟ ^^
هذا شعور ما يوصف بصراحة .. بس داخله فيها الإستمتاع بطبخ يدك :cool:

أي الشعورين أقرب إلى نفسك ؟ وانت تأكل أم وأنت تطبخ ؟ مع ذكر السبب ؟ أيضا بالتفصيل اذا تفضلت ؟ ^^
مممممممم .. هذي حاله صعبة لأني في كلا الحالتين مو حاس بنفسي .. تدري .. وقت الطبخ داخل جو و إذا جيت باكل برضوا أعيش جو ثاني فالسؤال هذا ما له إجابة عندي للأسف :31: ..

و مشكور جدا على مشاركتك في الموضوع يا جي بايت و يا ريت تحط لنا كم طبخة من الشغلات النباتية للفائدة :biggthump

و انتظروا مني مزيدا من الطبخات :biggthump

Bu Laban

12-10-2003, 07:50 PM

عذرا ما انتبهت لردك يا أميرة الخيال ..

بالنسبة لأطباق الريجيم .. إقتراحك هذا بيكون تحت الدراسة لأني ما أبي أنقل من مجلات أو من كتب الطبخ .. لازم أشوف الكتب هذي و أجربها و إن ضبطتها بعرضها لكم حتى لا يكون هناك غش لكم :)

تحياتي للجميع :biggthump

Bu Laban

12-10-2003, 07:54 PM

أنا ما أدري شفيني أطوف الردود .. :mad:

يمييييييييييييييييييييييييييييي يمييييييييييييييييييييي ......

أشم روايييييييييييييييييح ترددددددد الروووووووح لليوعان.... *مثلي.... لووول*

ويييييييييييييييييييييييييه.... looooook who is here... :bigeyes: .... هذا مش جنا بو لبن؟؟

وااااااااا بو لبننننننننننننننننن ...
long time noooooooooooooo seeeeeeeeeee.... شحالك؟؟؟؟؟؟ شخبارك؟؟؟؟؟
عاااااااااااااش من شافك..... من ورانا عيل يا بو لبن..... طلعت طباااااااااااااااااااااخ... ;)

*لا والله الرياييل قاموا يطبخون.. لا و ينزلون طبخات في المنتديات... و نحن لين ألحين غير بيض و
نودلز ما نعرف نسوي....والله فظيييييييييييييييييييحه.. :09: *

لا لا عليك طبخات يا الشييييييييف ... لا لا الصراحه أنا لازم أجرب أسوي وحده من الطبخات هذي
بس مالي خص لو شوهتهاااا... :tongue2:

أقوووووول.. يالله يالله أنا يعت من موضوعكم هذا برووووووووووووووح الكانتيييييييييين أزط :p

جانييييييييييييييييييييييييه...

MeMe CHaaN ... :D
أهلين و سهلين ميمي :D .. انتي اللي وينج .. قطعتينا الصيف كله :12: .. بس الحمدالله على السلامة و انشالله بتتواصلين معانا هنا :biggthump .. و بعدين شفيها الريايل إذا طبخوا :31: .. لازم الواحد يعتمد على نفسه أحيانا عشان متى ما زعلت منه المرة لازم يستخدم وسائل أخرى :D .. و تحياتي لج و للجميع :bigeyes:

Renoa Heartilly

13-10-2003, 06:38 AM

متى ما زعلت منه المرة لازم يستخدم وسائل أخرى

:biggthump خخخخخخخخ

أو يروح المطعم..

Bu Laban

13-10-2003, 07:55 PM

أنا يا رينوا حطيت هالموضوع عشان مستقبل الشباب .. لأنهم لو تعلموا بيوفرون على عمرهم و ما هم صارفين على مطاعم :D ..

فاسمعوا نصائح بو لبن :canabis:

أميرة الخيال

13-10-2003, 08:13 PM

يلاااااااا بو لبن آنا ناطره أكلاتك مالت الرجيم ^_^

على فكره في اشاعه بالمنتدى طلعتها وايلد كيتي ان اسمك تغير من أبو لبن الى لبنه صح :tongue2:

Bu Laban

13-10-2003, 08:25 PM

عاد انتوا تصدقون كل إشاعه :09: .. و انتظروا طبخات الريجيم عن قريب :biggthump

Renoa Heartilly

30-10-2003, 11:30 PM

أي رجيم يا شيخ, خراط مجلات.. أقولك, موضوعك نام و الناس طول يومها في المطبخ, شرايك تحتاج مساعده؟ ^_^ أحمم أحمم.. سمبوسه بالتفاح!!! ترالالالا!!
لا تسوون وجيهكم كذا, ترى طلع طعمها حلو مره! كل السالفه أنكم تاخذون تفاحه و تقلقلونها على نار في مقلاه و ترشون عليها شوي سكر, بعدين لما تستوي بنيه تحطون عليها ملعقه صغيره قرفه و تحركونها شوي و تحشون فيها السمبوسه. بعدين السمبوسه تقلونها في زيت غزير *غزير أشوي مو حيل خخخ* بعدين بالهناء و الشفاء *لاطشه هذي من منشوره حق لوزين خخخ*

Bu Laban

01-11-2003, 09:01 AM

مشكورة كثييييييير يا رينوا على السمبوسة :biggthump .. و الموضوع ما نسيته و هذي طبخة جديدة

شوربة كويكر ..

المقادير ..
3 ملاعق من كويكر أو أكثر على حسب الطلب .. 2 طماط و 2 بصل مقطعات متوسطات و تزيد الكمية بزيادة اعداد الأشخاص .. صلصة طماط .. و شوية لحم مفروم أو دجاج مقطع على حسب الرغبة.. شوية زيت

الطريقة ..
يحمس البصل و الطماطم مع الزيت حتى ينضجوا جيدا و يضاف اللحم أو الدجاج حسب الرغبة .. ثم يضاف الصلصة و يخلط ثم يضاف بعض الماء عليه .. بعد كذا حوالي 5 دقايق يضاف الكويكر و يحرك مباشرة حتى لا تتكون كتل متجمعه منه و يقلب حتى تتماسك .. و بالهنا و الشفا

:tongue2:

Renoa Heartilly

01-11-2003, 12:48 PM

نيام نيام! أقوللك الشوربه أحسن شيء على الجوع ^_^ مشكور على الوصفه بو لبن, و أقولك, علشان ما تتكتل الكويكر أمي تحطها في الخلاط مع شويه ماي من المرقه اللي مسوينها قبل لا نحط الشوفان, كذا ما تتكتل على بعض ^_^

و شسالفه الموقع اللي في توقيعك؟ :D قريته و طحت من الكرسي!

Bu Laban

26-11-2003, 05:10 AM

مشكور على النصيحة يا رينوا .. بالنسبة للموقع اللي حطيته في التوقيع هذي عبط إنجليزي و يتمسخرون على لغتهم فيها :D

و الحمدالله أنه عجبك :أفكر:

Renoa Heartilly

26-11-2003, 02:57 PM

لوول! من زمان عنك! وينك؟ أقول, كل عام و الكل بخير :)

Bu Laban

28-11-2003, 05:18 AM

ههههههههه .. و انتي بألف خير :tongue2:

mai_arumashi

29-11-2003, 04:19 PM

اكلات عجيبة...يم يم

و على فكره الموقع الي فى التوقيع يموت من الضحك

Taja

01-12-2003, 03:33 AM

ابي ااااااااااااااكلللللللللللللللل ميته من اليوع ..كمل بليز

Renoa Heartilly

01-12-2003, 10:05 PM

تاجا أكلي ذراع سول اللي في توقيع ماي خخخخ شكلها كنها هبر من خروف XD

Bu Laban

06-12-2003, 12:07 PM

السلام عليكم و رحمة الله .. أرى أن الموضوع انتعش شوي و أشكر رينوا كثييييييييرا على المتابعة ;)

عندي اليوم طبق أتمنى أن تعجبكم ... و للأمانة أنا ما بعد أجرب السندويتش هذا فاللي يسويه يعطيني رأيه أوكي :D

ساندويتش اللحم المفروم

المقادير:

لحم مفروم
1فلفل اخضر حار
ربع كوب زيتون اخضر
ربع كوب زيتون اسود
ربع كوب صلصة طماطم
2 ملعقة طعام زيت
ملح - فلفل
ملعقة صغيرة فلفل احمر حار
بصلة صغيرة مقطعة صغير
جبنة شيدر مبشورة او موزريلاا
فص ثوم مهروس
خبز فرنسي

الطريقة :
نسخن الزيت على النار ونحمر اللحم المفروم مع البصل و الثوم والملح والفلفل الى ان ينضج ثم نضيف الصلصة و الفلفل الحار و الفلفل الاخضر والزيتون ونخلط جيدا ثم نضعه في الساندويتش والجبنة على الوجه او نخلط الجبنة مع اللحم و ندخله الفرن قليلا الى ان تذوب الجبنة....

و تقبلوا تحياتي :biggthump

Bu Laban

06-12-2003, 12:11 PM

ماي أروماشي: الحمدالله أن الموقع أعجبكي ;) .. أنا ما حطيت هاللنك الا عشان أنشر الضحكة بينكم :)

تاجا: و هذي طبخة و عرضناها و انشالله تجربينها و تعطينا رايج :biggthump

و تقبلوا تحياتي اللبنية هق هق هق هق :p

-][HaNa Sun][-

06-12-2003, 02:14 PM

من زمان ما رديت على طبخاتك بولبن :) أكلاتك الاخيره حلوه ..المشكله أنا ما احب اللحم..يعني ما بقدر أطبق الطبخه :headache:. لكن طبخاتك كعادتها في المقدمه :fing02:

المهم...لا تتأخر علينا بطبخاتك العجيبه :biggthump و ما تقصر يا بولبن :)

Renoa Heartilly

07-12-2003, 02:15 PM

واو! بو لبن أخيراً جاب طبخه عندي مكوناتها كلها بدون استثناء! *نط نط* صايمه أنا اليوم, بس بارد عليك لما أسويها انشاء الله :)

Renoa Heartilly

20-12-2003, 02:36 PM

هاي بو لبن! آسفه جداً جداً جداً على التأخير, لكن كل ما جيت ابغي أسوي رد ألقى الموضوع نزل تحت و اختفى و أنسى لا أرد >_< عموماً أنا سويت الساندويش اللي قلتلي عليه *و زدت الفلفل أكثر من اللازم* >_< بس أيشرك أخواني بغو ياكلون ذراعي! خخخخ :09:

بعدها راحوا طايرين على البارد :vereymad: لأنه حرق بلاعيمهم :) و سويتها فيهم مقلب سويت الحشوه الحاره ذي في المكرونه و صارو كلهم أحح أوححح :vereymad: :vereymad: لول!

أنت شكلك سويتها و أكلتا لحالك و أختفيت, وينك؟ وين البقيه اللي يبغون طبخات؟

Bu Laban

21-12-2003, 12:36 AM

أهلا برينوا الغالية .. و شكرا على متابعتك الدائمة للموضوع .. بصراحة حسيت أنه في واحد متابع للموضوع :blackeye: .. بس أبشري .. و هذا طبق جديد :)

سويسرول بالدجاج

علبة قشطه+3بيضات+4حبات توست منزوعه الاطراف+جبنه كرافت وسط مبشوره+
ملعقه بكنج بودرصغيره
تخلط جميعها بالخلاط ثم ترص بصينيه تيفال مدهونه بقليل من الزيت وتدخل الفرن فقط
خمس عشر دقيقه ----15
ثم تخرج وتقلب على قطعه قصدير وبعد ذلك تدهنى عليها بجبنه سائله (كاسات)
وتكونى مجهزه خلطت الدجاج التى تفضلين
ممكن دجاج مسلوق وبه قليلا من البهار ومخلوط بمايونيز
او دجاج مسلوق به مكعبات الجزر المسلوقه ممكن وضع بدل المايونيز صلصه الباشميل
حسب ذوقك00000
توضع على طبقه الجبن السائل وتلف جيدا وتغلف بالقصدير
وتوضع بالثلاجه لمده ساعه ثم تقطع حلقات وتقدم بارده

Tonberry

21-12-2003, 06:18 PM

سلام

موضوع مفيد للناس الي نفسي

بس عاد انا راح اتم اعاند و اروح المطاعم...........توفير للوقت خصوصا ان الشغل زايد هالأيام<<<<عدال:05:

Renoa Heartilly

22-12-2003, 07:40 AM

ما فهمت, يعني أطه الجبن و الدجاج في التوست و لا التوست أفرمه مع الأشياء الثانيه؟ أخوي تونبيري الله يعينك على المطاعم :تفكير:

Renoa Heartilly

08-01-2004, 11:15 AM

للرفع .. وينك بو لبن؟

wildkitty

08-01-2004, 08:55 PM

ايي لك تسلملي
شو هيدا الشف لبني عم بيطبوخ :p

بدي كمان شو بتعرف

أميرة الخيال

10-01-2004, 12:35 AM

لبنةةةةةةةةةةةةةةةةةةةةةةة

صرت يوعانة شنو هالأكلات العجييييييييييييييييييييييبة :biggthump

Bu Laban

10-01-2004, 01:50 AM

لبنة لساتو موجود و لو :D .. مشكورين على المرور :tongue2:

هذي طبخة عشانكم :blackeye:

اليوم بقدم بونتى اكيد تعرفونها

القادير 3كاسات جوز الهند
1بيضة*********كوب سكر
كوب ماء ******* ربع كاس زيت
نصف كاس طحين******* ثلاث ملاعق حليب بودرة

الطريقة
ـــــــــــــــــــــــــــ
تخلط جميع المقاديرمع بعضها في الخلاط توضع في الصينية وتدخل الفرن وبعد ذلك يصب عليها الكريمة وتدخل الثلاجة

مقادير الكريمة
ـــــــــــــــــــــــــــــ
نصف كوب زيت ـــــــــــــــ علبة قشطة
كيس دريم ويب ـــــــــــــــــــ تلات ملاعق كاكاو
الطريقـــــــــــــــــــــه
تخلط جميع المقادير في الخلاط

تراني كتبتها باستعجال فاعذروني ..و تراها مجربة وووووووووووووووحلووووووووووووه

سلاااااااااام :D

أميرة الخيال

10-01-2004, 03:51 AM

ياي مشكور لبنة على هذي الوصفة

اممممممممممممممم شكلها لذيذه

امبية يعت :bawling:

Renoa Heartilly

10-01-2004, 10:11 AM

أو نقدر نشتريه بريالاين من البقاله! ههه.. أخيرا بو لبن طلع! *كأنك تحلب بقره, باليالله تطلع* ياللهو نشوف الباونتي حقك...

Bu Laban

16-01-2004, 02:50 AM

أو نقدر نشتريه بريالاين من البقاله! ههه.. أخيرا بو لبن طلع! *كأنك تحلب بقره, باليالله تطلع* ياللهو نشوف الباونتي حقك...

:blackeye: .. اعذروني والله اعذروني .. انا تراني مشغوووول هاليومين بالموت أشارك في المنتدى :02: .. و مشكورين على المتابعه و مشكورة على الرد انتي بعد يا أميرة الخيال :) .. و عاد انتي كله تجوعين :09:

Renoa Heartilly

16-01-2004, 09:50 AM

معليش بو لبن, واضح من الرد اللي قبل (راعي الباونتي) أنك مستعجل, تحتاج لدفعه؟ عندي طريقه كيك ملطوشه من مجله سبيس تون..

لما تسوين كيكه *أم الباكيت و لا اللي أنتي تسونها يدويا <== حلوة يدوياً* خليها نوعاً ما جافه (مو زي البسكوت, بس مو سائله زي الباوند كيك) و حطيها بالكاسات, بس لا تعبين الكاس (حقت الكب كيك) بس غطي القاع, حطي مكعب شكولاته *الواح الشوكولاته الحلوه* و بعدين غطيه بعجينه الكيك. يعني تطير قطعه الشوكولاته في وسط الكب كيك, و لا تستوي, راح تذوب الشوكولاته داخل الكب كيك و بالهناء :)
بالمناسبه, انا رحت المخازن أمس و لقيت أن سعر ألواح الشكولاته خيالي مره, عشان كذا أرخص لك لو تسترين ثلاثه أو أربعه أصابع مارس و تقطعينها مكعبات صغيره :)

يللا بو لبن, ناطرينك :)

Tonberry

16-01-2004, 01:25 PM

welcome back bu laban

dont forget to coplete ur other topic when u have the time..............What topic?!!!:02: ............:12: THE STORY U WERE WRITING

mai_arumashi

09-02-2004, 12:20 PM

والله ايام...مسكين يا بو لبن..لا والله نحنا المساكين انحرمنا من شوفتك و من اكلاتك :(

اليوم انا الي بقدم لكم الطبخه ^_^

طبخه اليوم: ((((((((((((((((((((( تارت التفاح: طريقة ماي للناس الlazy مثلها)))))))))))))))))))))))

المقادير:

-تفاح...(اكيد يعني ولا كيف بتصير تارت التفاح)..طبعا يكون احسن لو كان اصفر...لان الاحمر يعذب فى التقشير
- مربي...اي شي ..بس مو بطيخ او كرز..شي طعمه يتناسق مع التفاح
- سكر
-قرفه (اهم شي فى الوصفه بعد التفاح)
-عجينه باف باستري

الطريقة:

-نقشر التفاح و نقطعه..بس مو مكعبات

- نخلي عجينه الباف باستري لين يذوب عنها الثلج و بعدين نفردها بس لا تخلونها رفيعه وايد، و بعدين نقطع الزوائد عشان يصير شكلها مربع. و نحطها فى صينية مدهونه بزيت

- ندهن العجينه بالمربي..^_^

- نصف التفاح فى النص ...بس الاطراف لا تحطون عليها شي..لا مربي و لا تفاح...يعني العجينه مربعه و داخلها مربع اصغر من التفاح

- نرش سكر على التفاح..(على حسب ذوقكم) و نرش القرفه (يم يم)

- ندهن اطراف العجينه بالبيض..عشان يصير لونها حلو

- نحط الصينيه فى فرن 200 درجه لمده ربع ساعة..لا تنسون تشغلون الفرن قبل ما تبدون التحضير عشان يسخن...

و بس بعدين ناكلها..تكون احلى مع ايس كريم فانيلا.... و بالهنا و الشفا

:09:

Bu Laban

16-02-2004, 07:17 PM

السلام عليكم .. سووووووووووووووووري يا جماعه و لكن تحملو قطعتي كم يوم زيادة خخخخخخخ :09: .. عموما مشكورين على الردود الحلوة و مشكورة يا ماي على الطبخة الحلوة .. و الله حتى أنا مشتاق لكم بس الظروف هي اللي خلت العنز خروف خخخخخخ :D .. و أنا راجع المرة الجاية بحط لكم طبخة جديدة لأني كالعادة مستعجل و شوي و بطلع بس حبيت أطل عليكم :) ..و شكر خاص أيضا لرينوا اللي خدمتني كثيرا في الموضوع وودي أرد لها بعض الجميل لأني ما أقدر أرده كله :blackeye:

و تقبلوا تحياتي :)

Renoa Heartilly

17-02-2004, 01:43 PM

العفو أخي العزيز, ولو كلنا أخوان... (للحين قاعده أحفر في الفريزر عن البف بيستري, ماي هذي تدور الطبخات الصعبه! ) خخخ أمزح..
ناطرينك ترا! مو تستحلي الكسل!!

mai_arumashi

18-02-2004, 07:04 PM

ناطرينك ترا! مو تستحلي الكسل!!

و انا مع رينوا....لا تطول علينا... :)

*لازم نعينك الشيف الرسمي لمنتدى الرسم الحر*

Bu Laban

04-06-2004, 02:43 PM

السلام عليكم و رحمة الله .. في هذا اليوم يتم فتح المطبخ من جديد بعد أن تم إقفاله لأسباب خارجة عن الإرادة :blackeye: .. اليوم سوف أقدم لكم طبق صيني (نقلا من مجلة لأني ما أعرف أطباق صينية) ..
إليكم الطبق ..

البط المطبوخ في الفرن (طبق صيني)

المقادير:
-خمس حبات من الفطر الأسود المفلطح (Shitake).
-نصف ملعقة صغيرة من حبات الفلفل الأحمر الصيني (Sichuan).
-ملعقتا طعام من خل التفاح.
-ملعقة طعام من الماء.
-بطة بوزن كيلوين تقريبا (في المجلة كيلو و 800 جرام ما أدري ليش هالدقة هذي :09: )
-قليل من اليانسون.
-فصا ثوم مدقوقان.
-ملعقة طعام من صلصة الباربيكيو الصينية.
-ملعقة طعام من النشاء.

الطريقة:
ضعي الفطر في وعاء صغير، اغمريه بالماء المغلي، غطي الوعاء و اتركيع منقوعا لمدة عشرين دقيقة تقريبا.صفّيه.انزعي العرق ثم قطعي الباقي إلى قطع رفيعة.
البطة: قطعي البطة إلى قطع صغيرة ، إشويها حتى تتحمر و تذوب الدهون ، ضعيها فوق مناديل ورقية ، ضعي اليانسون وحبة الفلفل الأحمر في قطعة قماش ، إربطيها جيدا. ضعي البطة و قطعة القماش و الفطر و المرق و الثوم و الزنجبيل و الصلصة و الخل في صينية كبيرة عميقة القعر. غطّي الصينية و ضعيها في فرن معتدل الحرارة مدة ساعة و نصف / أو حتى تنضج البطة. ارفعيها من الصينية ، و غطيها حتى تبقى ساخنة. تخلصي من قطعة القماش ، أزيلي الدهون عن وجه المرق في الصينية ، ثم أضيفي النشاء المذاب في الماء ، أعيديها في الفرن ، اتركيها مدة ربع ساعة / أو حتى يصبح المزيج كثيفا. اسكبي المزيج فوق البطة ، قدمي بعد تزيينها بشرائح من البصل و الكزبرة.

بالهناء و الشفاء و عليكم بالعافية :tongue2:

بس أقول .. لا تاخذون البطة من عيالها لأن مشهدها يكسر الخاطر << شتبي ؟ :bigeyes:

و آخر دعوانا أن الحمدالله رب العالمين