المساعد الشخصي الرقمي

مشاهدة النسخة كاملة : كليات البنات .. وعقدة قاعه!


HArb200
19-10-2003, 05:29 PM
ههههههههههههه شر البلية مايضحك



تتسع لـ 3 آلاف طالبة حرم خادم الحرمين تتبرع بـ 9 ملايين ريال لاستكمال بناء القاعة الكبرى بكليات البنات في الرياض
الرياض: الوطن تبرعت حرم خادم الحرمين الشريفين الأميرة الـجوهرة البراهيم بتسعة ملايين ريال لاستكمال بناء قاعة حرم خادم الحرمين الشريفين بمجمع الكليات البنات في الرياض والتي تتسع لثلاثة آلاف طالبة. وقال وكيل كليات البنات الدكتور عبدالله الحصين إن هذا التبرع يعد استمرارا لدعم الأميرة الجوهرة لكليات البنات بشكل عام والذي كان آخره الدعم الذي تلقته كليات البنات في كل من مكة المكرمة وجدة والقصيم والرياض. وأوضح الحصين أن تبرع الأميرة الجوهرة بالمبلغ يعد استكمالاً لمبلغ 15 مليون ريال تبرعت به سموها من قبل عند البدء في مشروع قاعة الأميرة الجوهرة بالمجمع الأكاديمي لكليات البنات على الدائري الشرقي بالرياض.



الحين الحرم مدري القاعه خخخخ .. اقسم بالله خبر تحفه
.
.
القاعه مسمينها باسم حرم خادم الحرمين .. طيب ليش تتبرع ؟؟ .. احد يتبرع في شي ملكه .. او على الاقل باسمه .. وهل يعتبر تبرع هذا !! هذي حاجة
.
وثانياً .. المجمع هذا من سنة الف وخمس .. وهم يبنون فيه .. ومااشوف الا السور خخخخ .. ماشوف مباني داخل هالمجمع !!ماادري تجيهم الدراهم .. ويحفرون قبور لها ولا وش السالفة !!
.
وثالثاً .. الحين هذا اكيد نازله فيه ميزانيه .. خاصه .. يعني مستحيل مجمع زي كذا كله تبرعات .. وطراره :tongue2:..
.
.
ليش الحاجة للتبرع ؟ .. يعني لازم نفهم انه تكّرم من سعادة سمو الحرم الملكي الاميره صاحبة العظمة الدكتوره الجوهره ؟ ..
.
ولايوم بنوا .. و شافوا ان الدراهم ماتكفي .. استجدوا من سمو الكريمة الاميره
.
بالمناسبة .. الحوش مدري القاعه ذي .. تكلفتها كبيره بشكل غير طبيعي .. اجل 15 مليون!! .. وش بيبنون ؟ .. قصر ملكي ؟ .. المشكله تلقاها قاعات محاضرات لسيدات الاعمال والطغمة الراقيه .. يعني الشعب ايضا ماله في الطيب نصيب !!
.
عموما القاعه ذي بتقعد شكل .. اكيد .. عشان تصير معلم حضاري:biggthump
.
على فكره تدرون ان التبرع هذا اكبر من تبرع خادم الحرمين .. يوم سووا حملة تبرعات للعراق .. لانه تبرع بخمسه ملايين .. قوية صراحة ..
.
عموما الموضوع تراه مهوب سياسي .. بس قريته بالجريدة .. وقعدت اضحك ساعتين .. ومازلت .. على دلاخة المحررين .. يعني على الأقل صيغوا الخبر بشكل .. ينهضم ..
.
جرايدنا اعطيها .. خمس نجوم .. في التفاهه .. والدلاخة .. للاسف مهوب بس المحررين(البعض او الغالبيه) .. لا وصلوا حتى لرؤساء التحرير .. واكبر دليل (استجداء) السديري .. من سادته ان يغفروا له زلته .. بالموضوع اللي حصل من كم اسبوع .. والكل شاهده .. حتى بالطبعه الدوليه !! وقبله طرطشلي(خاشقجي) .. يوم طرطش العالم بسعابيله,,
.
الجرايد السعودية .. والوطن بشكل خاص .. احسن مافيها الكريكاتيرات .. ومن يوم طلع الغامدي .. وانا مقاطع ;)
.
.
عموما .. انحلت عقدة قاعه .. وباقي قاعات و حفريات .. وشعب باكمله,,
.
سلام ...
Angel whisper
19-10-2003, 05:43 PM
الله يخلي زايد وسلطان ودختور اوهان -_-
HArb200
19-10-2003, 06:57 PM
انتم تعيشون بنعمة .. بغض النظر عن بعض الحركات اللي مالها داعي من بعض المسؤولين عندكم ,,

----
توضيح.. السديري اقصده بشخصه .. :) ,,
MoaeD
19-10-2003, 07:40 PM
9 ملايين تكفي انهم يرممون الكلية ويوسعونها وشلون عاد 15 ملوين :o


اما كلمة تبرع تعودنا عليها خلاص


اجل المدارس اللي بناها الراجحي ولا كتب حتى لوحه عليها تدل انها منه .. وبالأخير تطلع من انجازات وزارة المعارف ..


من جد مهزله :bigeyes:
tidusxxx
19-10-2003, 08:12 PM
:31:
ان ما كنت واهم....فهم بنوا جامعتنا بكبرها بمبلغ قريب من ذا:31:
D0WN~T0WN
19-10-2003, 08:19 PM
يارجال هماها حكومة رشيدة كل فلوسها تبرعات ومنة على المواطنين

حتى الظاهر ميزانية الدولة بيعتبرونها زكاة

--------------------

سؤال خارج الموضوع
ياخي كم عمرك؟ :33:
HArb200
19-10-2003, 10:42 PM
مؤيد ,,
ياخي المناقصات اللي يرسونها على الشركات .. تصل لمبالغ خياليه .. والمشكله ليتك تشوف شي يستاهل .. ولا يرجع شي على الشعب .. لا كله للطغمة الراقيه ..

تايدوس ,,
بالله ؟ .. شي عجيب ..

داون تاون ,,
فعلا جبتها .. حكومة رشيدة .. خخخ


بالنسبة للسؤالك .. بما انه خارج الموضوع مااقدر اجاوب ;) ,,
Lucky guy
19-10-2003, 11:23 PM
مصدقين على الله أنتم -____- لا تنسوا أن الحكومة لها جيوب ..
HArb200
20-10-2003, 08:05 AM
لاتنسوا ان الحكومة لها جيوب
----------------------------

حكمة قوية .. يارعاك الله ..

فعلا .. الجيوب مشكلة ..

عاد جيوب حكومة .. من يلحق عليها .. تلقاها اخاديد مهيب جيوب !!
silverpaco_101
20-10-2003, 02:05 PM
سبحان الله قلب الحقائق مشكله
نيو ايرفين
20-10-2003, 02:12 PM
الحين سموها:p من وين لها 9 ملايين!!! لاتكون سيدة أعمال أو مالكة شركة مايكروسوفت!!

والمصيبة الأكبر أن المملكة عليها دون خارجية!!:bigeyes: وما شاء الله عليها كل يوم تتبرع‍‍
عماد 18
20-10-2003, 06:38 PM
الفساد الاداري له دور موب كل شي الحكومة :31: ..
Dr.Lucifer
20-10-2003, 09:02 PM
عادي يا رجال وسع صدرك :p
HArb200
21-10-2003, 06:21 AM
سيلفر باكو ,,
نعم صحيح .. لكني مافهمت قصدك !!

نيو ايرفين ,,
من وين يعني ؟؟ .. على قولتك .. مافيه شركات ولا يحزنون ..
اكيد من بيت مال المسلمين ,,

عماد ,,
بالله وش دخل القساد الاداري .. يعني تبي تقوللي انها مهيب هي اللي سلمت شيك التبرع ؟ .. واحد ساحبه من رصيدها .. بدون ماتدري!!
ياخي مشكلة اللي يقرا نص الموضوع ولا يكمله :06:

لوسيفير ,,
واحد قايللك ان صدري ضايق الحين ..
لا ياخي بس مجرد .. نقطة نظام :p ..
silverpaco_101
21-10-2003, 02:16 PM
مافهمت قصدك

زى ما قلت انت فيه احد يتبرع بشي ملكه!!!

يعني الدعوه كلها هى الظهور بمظهر الخير قدام الناس


و هذا بحد ذاته قلب للحقائق
HArb200
22-10-2003, 02:06 PM
اها .. نعم صحيح


قلب للحقائق كما تفضلت ,,
عماد 18
22-10-2003, 06:13 PM
لا طبعا ..
لكن مثلا بيقولون التصليحات المبلغ الفلاني ..
و في الواقع هي اقل من كذا و يتقاسمون هم و المتعهد الزيادة ..
D0WN~T0WN
22-10-2003, 08:24 PM
لا طبعا ..
لكن مثلا بيقولون التصليحات المبلغ الفلاني ..
و في الواقع هي اقل من كذا و يتقاسمون هم و المتعهد الزيادة ..

مممم انا معك بهاذي النقطة
واكبر مثال اصلاحات الشوارع عندك شركة بن لادن يمكن تاخذ مليار على اصلاح طريق معين وماتصرف الا 100 مليون تقريبا ولذلك تجد ان شوارعنا سيئة وتروح وطي مع المطر

لكن تظل الحكومة مسؤولة عن هذا الفساد
HArb200
22-10-2003, 10:41 PM
عماد ,,
صحيح هذي اشياء معروفه .. بس المفروض من الحاكم انه يكون واعي للشي هذا .. ولايكون هذا ذريعه له .. لكي ياخذ وياخذ حاشيته ,,

داون تاون ,,
نعم صحيح .. وحتى صفقة الحفريات اللي بالرياض .. اللي اغلبها مع شركة "النمال" .. سعرها الاجمالي .. مااعلن .. ولن يعلن .. لانه مسروق من كلا الجهتين .. وتلقاه يصك بالمليارات !!


والشعب!! ماكل تبن ,,
HArb200
25-10-2003, 03:42 PM
وينك يانيو ايرفين

شف الفضيحه ذي ,,

http://www.alwatan.com.sa/daily/2003-10-25/local/local02.htm

فقط للعقلاء يمكن ان يقارنوا مابين المبلغ الاجمالي للمشروع .. مجمع اكاديمي. .

والمبلغ الاجمالي لقاعه لاتسع الا ل3000 طالبه

!!!
نيو ايرفين
25-10-2003, 06:32 PM
هارب: البنوك اللي في سويسرا راح تنفجر من فلوسهم!! هذا شئ معروف

................................................................................

الحين قاعدين يبنون لنا كلية صحية في السليمانية المشروع من زمان!! يمكن اتخرج ولسه ما خلصوا منه

السؤال : لماذا حتى الأن لم ينتهوا منه !!؟
HArb200
26-10-2003, 02:35 PM
الجواب ,,

الله يخلي اللجان المنبثقه ,,
ورد
29-10-2003, 08:02 AM
[right]
تتسع لـ 3 آلاف طالبة حرم خادم الحرمين تتبرع بـ 9


3 الالاف طالبـة في قاعة وحـــــدة .....؟؟!! http://montada.com/images/smilies/eek.gif