كليات البنات .. وعقدة قاعه!

[HArb200]

ههههههههههههه شر البلية مايضحك

تتسع لـ 3 آلاف طالبة حرم خادم الحرمين تتبرع بـ 9 ملايين ريال لاستكمال بناء القاعة الكبرى بكليات البنات في الرياض

الرياض: الوطن تبرعت حرم خادم الحرمين الشريفين الأميرة الـجوهرة البراهيم بتسعة ملايين ريال لاستكمال بناء قاعة حرم خادم الحرمين الشريفين بمجمع الكليات البنات في الرياض والتي تتسع لثلاثة آلاف طالبة. وقال وكيل كليات البنات الدكتور عبدالله الحصين إن هذا التبرع يعد استمرارا لدعم الأميرة الجوهرة لكليات البنات بشكل عام والذي كان آخره الدعم الذي تلقته كليات البنات في كل من مكة المكرمة وجدة والقصيم والرياض. وأوضح الحصين أن تبرع الأميرة الجوهرة بالمبلغ يعد استكمالاً لمبلغ 15 مليون ريال تبرعت به سموها من قبل عند البدء في مشروع قاعة الأميرة الجوهرة بالمجمع الأكاديمي لكليات البنات على الدائري الشرقي بالرياض.

الحين الحرم مدري القاعه خخخخ .. اقسم بالله خبر تحفه

.

.

القاعه مسمينها باسم حرم خادم الحرمين .. طيب ليش تتبرع ؟؟ .. احد يتبرع في شي ملكه .. او على الاقل باسمه .. وهل يعتبر تبرع هذا !! هذي حاجة

.

وثانياً .. المجمع هذا من سنة الف وخمس .. وهم يبنون فيه .. ومااشوف الا السور خخخخ .. ماشوف مباني داخل هالمجمع !!ماادري تجيهم الدراهم .. ويحفرون قبور لها ولا وش السالفة !!

.

وثالثاً .. الحين هذا اكيد نازله فيه ميزانيه .. خاصه .. يعني مستحيل مجمع زي كذا كله تبرعات .. وطراره ..

.

.

ليش الحاجة للتبرع ؟ .. يعني لازم نفهم انه تكّرم من سعادة سمو الحرم الملكي الاميره صاحبة العظمة الدكتوره الجوهره ؟ ..

.

ولايوم بنوا .. و شافوا ان الدراهم ماتكفي .. استجدوا من سمو الكريمة الاميره

.

بالمناسبة .. الحوش مدري القاعه ذي .. تكلفتها كبيره بشكل غير طبيعي .. اجل 15 مليون!! .. وش بيبنون ؟ .. قصر ملكي ؟ .. المشكله تلقاها قاعات محاضرات لسيدات الاعمال والطغمة الراقيه .. يعني الشعب ايضا ماله في الطيب نصيب !!

.

عموما القاعه ذي بتقعد شكل .. اكيد .. عشان تصير معلم حضاري

.

على فكره تدرون ان التبرع هذا اكبر من تبرع خادم الحرمين .. يوم سووا حملة تبرعات للعراق .. لانه تبرع بخمسه ملايين .. قوية صراحة ..

.

عموما الموضوع تراه مهوب سياسي .. بس قريته بالجريدة .. وقعدت اضحك ساعتين .. ومازلت .. على دلاخة المحررين .. يعني على الأقل صيغوا الخبر بشكل .. ينهضم ..

.

جرايدنا اعطيها .. خمس نجوم .. في التفاهه .. والدلاخة .. للاسف مهوب بس المحررين(البعض او الغالبيه) .. لا وصلوا حتى لرؤساء التحرير .. واكبر دليل (استجداء) السديري .. من سادته ان يغفروا له زلته .. بالموضوع اللي حصل من كم اسبوع .. والكل شاهده .. حتى بالطبعه الدوليه !! وقبله طرطشلي(خاشقجي) .. يوم طرطش العالم بسعابيله,,

.

الجرايد السعودية .. والوطن بشكل خاص .. احسن مافيها الكريكاتيرات .. ومن يوم طلع الغامدي .. وانا مقاطع

.

.

عموما .. انحلت عقدة قاعه .. وباقي قاعات و حفريات .. وشعب باكمله,,

.

سلام ...

[Angel whisper]

الله يخلي زايد وسلطان ودختور اوهان -_-

[HArb200]

انتم تعيشون بنعمة .. بغض النظر عن بعض الحركات اللي مالها داعي من بعض المسؤولين عندكم ,,

----
توضيح.. السديري اقصده بشخصه .. ,,

[MoaeD]

9 ملايين تكفي انهم يرممون الكلية ويوسعونها وشلون عاد 15 ملوين


اما كلمة تبرع تعودنا عليها خلاص


اجل المدارس اللي بناها الراجحي ولا كتب حتى لوحه عليها تدل انها منه .. وبالأخير تطلع من انجازات وزارة المعارف ..


من جد مهزله

[tidusxxx]

ان ما كنت واهم....فهم بنوا جامعتنا بكبرها بمبلغ قريب من ذا

[D0WN~T0WN]

يارجال هماها حكومة رشيدة كل فلوسها تبرعات ومنة على المواطنين

حتى الظاهر ميزانية الدولة بيعتبرونها زكاة

--------------------

سؤال خارج الموضوع
ياخي كم عمرك؟

[HArb200]

مؤيد ,,
ياخي المناقصات اللي يرسونها على الشركات .. تصل لمبالغ خياليه .. والمشكله ليتك تشوف شي يستاهل .. ولا يرجع شي على الشعب .. لا كله للطغمة الراقيه ..

تايدوس ,,
بالله ؟ .. شي عجيب ..

داون تاون ,,
فعلا جبتها .. حكومة رشيدة .. خخخ


بالنسبة للسؤالك .. بما انه خارج الموضوع مااقدر اجاوب ,,

[Lucky guy]

مصدقين على الله أنتم -____- لا تنسوا أن الحكومة لها جيوب ..

[HArb200]

لاتنسوا ان الحكومة لها جيوب
----------------------------

حكمة قوية .. يارعاك الله ..

فعلا .. الجيوب مشكلة ..

عاد جيوب حكومة .. من يلحق عليها .. تلقاها اخاديد مهيب جيوب !!

[silverpaco_101]

سبحان الله قلب الحقائق مشكله

[نيو ايرفين]

الحين سموها من وين لها 9 ملايين!!! لاتكون سيدة أعمال أو مالكة شركة مايكروسوفت!!

والمصيبة الأكبر أن المملكة عليها دون خارجية!! وما شاء الله عليها كل يوم تتبرع‍‍

[عماد 18]

الفساد الاداري له دور موب كل شي الحكومة ..

[Dr.Lucifer]

عادي يا رجال وسع صدرك

[HArb200]

سيلفر باكو ,,
نعم صحيح .. لكني مافهمت قصدك !!

نيو ايرفين ,,
من وين يعني ؟؟ .. على قولتك .. مافيه شركات ولا يحزنون ..
اكيد من بيت مال المسلمين ,,

عماد ,,
بالله وش دخل القساد الاداري .. يعني تبي تقوللي انها مهيب هي اللي سلمت شيك التبرع ؟ .. واحد ساحبه من رصيدها .. بدون ماتدري!!
ياخي مشكلة اللي يقرا نص الموضوع ولا يكمله

لوسيفير ,,
واحد قايللك ان صدري ضايق الحين ..
لا ياخي بس مجرد .. نقطة نظام ..

[silverpaco_101]

مافهمت قصدك

زى ما قلت انت فيه احد يتبرع بشي ملكه!!!

يعني الدعوه كلها هى الظهور بمظهر الخير قدام الناس


و هذا بحد ذاته قلب للحقائق