{ .. حينما تتحدث الصور .. فتُخْرَسُ الكلمات .. "صور برية" ..}

[ثريول]

أحيانا كثيرة تعجز الكلمات عن الوصف .. فلا توصل جمال الموصوف .. ولكن .. من المستحيل أن تعجز الصور .. لأنها هي الموصوف بدقة ..

السلام عليكم ورحمة الله وبركاته ..

لقد ذهبت إلى السعودية وبالأحرى لبر السعودية وبالدقة الصمان والمناطق المجاورة لها قبل إسبوعين .. والسنة هذي الربيع جا عجيب عندنا في قطر وفي السعودية كذلك .. وطبعا الربيع عندنا في الخليج مايجي بقوة إلا كل كم سنة ..
ومثل هذي المناسبات يُحَّرم علي وعلى غيري ممن يقتنون الكاميرات ترك الربيع في حالة ... لازم أننا ّ(نجمد) الواقع في صور تبقى ويذهب الواقع ...
والصور عن طريق كاميرا ديجتال ماركة سوني سايبر شوت 2.8 ميغا بيكسل .

أولاً ..
http://www.moveed.net/hosted/1yuxmru5wy4xt2e6w662xsg1y344zy87.jpg
طرثوث .. نبات بري له ألوان حلوة ومختلفة من نبات إلى الآخر ..:)

ثانياً ..
http://www.moveed.net/hosted/thkutdy5l47a99a0csocndc7jh2flsj5.jpg
مجموعة من الخرفان يرعون فوق الحزم ... " وكأننا في نيوزلندا:)"

ثالثاً ..
http://www.moveed.net/hosted/sr4psznqofz50vn56k0fm7efttmhomrm.jpg
منظر لوادي الطوقي ... يلاحظ من الصورة عددا من الخرفان يرعون في الأعلى من الوادي ..

رابعاً ..
http://www.moveed.net/hosted/qf98i8tm3lvf322r6vq21sm8kav867il.jpg
منظر لروضة من الرياض الجميلة " يازين الجلسة فيها في العصرية ... شبة ضو وشاهي وقهوة :) "

خامساً ..
http://www.moveed.net/hosted/kn6el3g1cddad33rshdkxmlfvwf8aha1.jpg
منظر رائع للشمس في العصر ... ياله من يوم رائع ..

سادساً ..
http://www.moveed.net/hosted/bobx15xx3chav802uinouovjvpmqf49g.jpg
ناس معسكرين في الروضة ... الصورة مقطوعة من صورة أكبر ..

سابعاً ..
http://www.moveed.net/hosted/m83tbk3y8btcr2oit6he2hfao0o3w5v9.jpg
صورة من أروع ماصورته عدستي .. صورة للنار عن طريق التصوير الليلي .. وتطاير الشرار الكثير بسبب المروحة كون لوحة فنية ليس لها مثيل ..

ثامناً ..
http://www.moveed.net/hosted/pe21h832wovnyktqhq6pg88a23pxrwx8.jpg
صورة للشروق من وراء معسكرنا .. :)

تاسعاً ..
http://www.moveed.net/hosted/sn2jj5dzsnyy919zpbadsk7fo47pcgxu.jpg
مجموعة من المطايا .. الركاب .. البعارين ... الأبل ... الجمال .. ياكلون من اللي ماكانوا يتوقعون وجوده ..

عاشراً ..
http://www.moveed.net/hosted/cy5hgm674j9wdfgf6gg765xn8khfk7fm.jpg
صورة لمكان يشبه هولندا ... تلال رائعة وأرض خضراء يزيد جمالها الفقع ..:)( المكان هو التنهاة شمال الرياض ب200 كيلو)

الصورة رقم 11 ..والأخيرة ..
http://www.moveed.net/hosted/9965zdxyiydg83uu725tppzc003kyj7d.jpg
في ذمتكم ... هذي صورة لمكان في الجزيرة العربية ... تقول قاعد في هولندا ..( المكان هو الصرار جنوب النعيرية )




في النهاية..
1-أتمنى من الكل أن ينتظر إلى أن تخرج جميع الصور .. لأن كل وحد أحسن من الثانية ..
2-عندي الكثير من الصور لكنها شخصية ..
3-الرحلة كانت قبل أسبوعين .. ورحت نفس الأماكن الأربعاء اللي طاف .. وبعض الأماكن صارت بيضاء من الورد .. :)

لكم جزيل الشكر على المرور .. ونصيحة أستمتعوا بالربيع قبل لايخلص الموسم ....

تحيـــــــــــــــــــــــــــــاتي
ثـــــريـــــــول ,,
:)

[Doel]

:bigeyes: :bigeyes: :bigeyes:

متأكد هذي السعوديه؟؟ الصورة الأخيره مستحيل تكون من هناك

ماشالله تصوير راائع و مناظر أروع.. أعجبتني الصوره الأولي وايد... عندك نسخه أكبر؟؟


Doel

[ثريول]

:bigeyes: :bigeyes: :bigeyes:

متأكد هذي السعوديه؟؟ الصورة الأخيره مستحيل تكون من هناك

ماشالله تصوير راائع و مناظر أروع.. أعجبتني الصوره الأولي وايد... عندك نسخه أكبر؟؟


Doel

هلا دويل ..
أيه نعم ... لو شفت المنظر هذا الأسبوع وشو بتقول ؟!!
ياخي ربيع السنة عجيييب .. ومايتكرر ..
بارسل لط الصورة الأولى مكبرة عبر الخاص .. لأني لوحطيتها هنا بتاخذ وقت لين ماتنحمل ..
أشكرك أخوي على الرد .. اليتيم :31: ..

[DeadLy_]

ما شاء الله ثريول و الله طلعت مصور محترف :jester: بصراحة كل صورك رائعة و خصوصاً منظر الشمس في هذه الصورة :bigeyes:
http://www.moveed.net/hosted/kn6el3g1cddad33rshdkxmlfvwf8aha1.jpg
و ماعليك أمر ممكن نوع كاميرتك ؟ :06:

[ثريول]

ما شاء الله ثريول و الله طلعت مصور محترف :jester: بصراحة كل صورك رائعة و خصوصاً منظر الشمس في هذه الصورة :bigeyes:
و ماعليك أمر ممكن نوع كاميرتك ؟ :06:


هلاا سوني كيد ...
تبغي الصج ... مب آنا المحترف .. المناظر تخلي الكل محترفين ... :05:
وعن الكيمرا .. فهي سوني سايبر شوت 2.8
ميغا بيكسل ...
بس هي كانت من أروع الكميرات ... الحين نزلت كيمرات أحسن بمية مرة ..


وإذا عندك سيولة ومرتاح أنصحك بهذي ... وإذا مافيه ... لاتعور قلبك وأنت تقرى عن إمكانياتها ..!! (http://shopping.yahoo.com/p_sony-cyber-shot-dsc-f828_digital-cameras_1991331100;_ylt=AtlMnJNPB48nLZ9JxRMwjKnnSHAD?cf=fullspec&clink=dmss//ctx=sc:cdigicamera,c:cdigicamera,mid:6,pid:1991331100,pdid:6,pos:7)

تحــــــــياتٌ

[Elloras]

ثريول المجرم ..

يعني جالس طول الفترة هذي من رجعت فيها للبر وحارمنا من هذي الصور ؟

ماشاء الله لا اله الا الله .. صراحه مناظر اسطورية وتصوير رائع ...

وانا ينقااال طالع للبر وشايف الربيع كم ورده وكم زرعه ومستانس فيهم ... ما توقعت فيه كذا بديرتنا !!!

المهم زيدنا زيدنا ولا تحرمنا .

[Y a z e e d]

مشكور
صراحة تصويرك حررركة !...
وبصككم ببعض صوري قريبا ...

[Framed Love]

One of the best shots , i have seen .. Well done Man

K.S.A is beautiful but i didn't imagine it as beautiful as the scenes , you caputured ..

Very lovely

[ash2001]

تسلم يا ثريول .. والصراحه انت مصور بااارع ماشاء الله عليك .. والصورة اللي عجبتني هي الاخيره ^_~

[ثريول]

هههه ..

ايلوراس
ألا مجرم ونص ... والجريمة اللي أكبر من هذي أني ماصورت في آخر رحلة ... :31:
ومن بغى الربيع الزين .. لازم يتعنى له ..
تحياااااااااااتي ..

انجل نايت ..
في الإنتظااااااااار .. لاتطول هاه .. لاتطول ..

Framed Love
أشكرك على ماقلت .. وهذا من ذوقك الله يسلمك ..
وترى الزين في الخليج مايجي إلا كل خمس سنين تقريباً .. ولا الحر والرمل تارس المكان أكثر الوقت .. :31:
بس الزين كله في جبل بورصة اللي في تركيا .. وخاصة في هالوقت من السنة <<:cray:

وعلى قوولة القايل : العوض .... ولا الحريمة .. والجود في الموجود ..

آش ..
شكراً لك أخوي .. الحين البر في بعض المناطق كله مثل آخر صورة ..:)

[Framed Love]

Framed Love
أشكرك على ماقلت .. وهذا من ذوقك الله يسلمك ..
وترى الزين في الخليج مايجي إلا كل خمس سنين تقريباً .. ولا الحر والرمل تارس المكان أكثر الوقت .. :31:
بس الزين كله في جبل بورصة اللي في تركيا .. وخاصة في هالوقت من السنة <<:cray:

وعلى قوولة القايل : العوض .... ولا الحريمة .. والجود في الموجود ..


Hey man , you should be grateful , here in the UK , the weather are horrible , you can't go anywhere , even football matches can't be played ...:31:

I miss the hot weather ... :( :( . but i am going back after 4 weeks , so do you think that i will catch these sceanes or shall i say .. Rahat Allina :tongue2:

[ثريول]

Hey man , you should be grateful , here in the UK , the weather are horrible , you can't go anywhere , even football matches can't be played ...

I miss the hot weather ... . but i am going back after 4 weeks , so do you think that i will catch these sceanes or shall i say .. Rahat Allina

من وين في أنجلترا :)
وبعدين ترى البرد أبرك من الحر .. البرد تقدر تلبس له وتدفي نفسك ..
لكن الحر ماتقدر تبرد على روحك غير أنك تنسدح تحت المكيف وتطول عليه حدّه ...:31:
ماتحس بالحر وتعبه ألا فيه ... يعني كلامنا بيتغير عن الحر بعد كم شهر ..
بعض الأحيان أفكر في الحياة قبل 100 سنة ... هل كانوا يتحملون هالحر بدون أي وسيلة تبريد ؟!!

وعن التصوير ..
لا ... بتقول راحت علينا ... وطاااار في الهاوا شاشي .. وإنت ماتتراشي .. :tongue2:

[DeadLy_]

هلاا سوني كيد ...
تبغي الصج ... مب آنا المحترف .. المناظر تخلي الكل محترفين ... :05:
وعن الكيمرا .. فهي سوني سايبر شوت 2.8
ميغا بيكسل ...
بس هي كانت من أروع الكميرات ... الحين نزلت كيمرات أحسن بمية مرة ..


وإذا عندك سيولة ومرتاح أنصحك بهذي ... وإذا مافيه ... لاتعور قلبك وأنت تقرى عن إمكانياتها ..!! (http://shopping.yahoo.com/p_sony-cyber-shot-dsc-f828_digital-cameras_1991331100;_ylt=AtlMnJNPB48nLZ9JxRMwjKnnSHAD?cf=fullspec&clink=dmss//ctx=sc:cdigicamera,c:cdigicamera,mid:6,pid:1991331100,pdid:6,pos:7)

تحــــــــياتٌ



عندي امكانيات بس ماحب اشتري من النت .. :31:
و شفت الوصلة الصراحة الكاميرا رائعة 8 Megapixels :bigeyes:
و الايزو 100, 800, 400, 200 :jester:
وسعرها مايتعدى ال1000 دولار لكن المشكلة اني لو رحت الوكالة على الاقل بلقاها ب5000 ريال + :vereymad:
كما ذكرت ماحب اشتري من النت :tongue2:
لكن حاليا أفكر بكاميرا سوني Sony DSC-F707
http://www.dpreview.com/reviews/sonydscf707/
و مشكور على الرد أخوي ثريول و الصراحة تصويرك كان ممتاز مع كاميرا بقوة 2.8 MP :31:

[D0WN~T0WN]

يؤ

كل ذا عندنا

ماحلى الصور الا اللي صورها

ماشالله ابداع على طريقة الكبار

خصوصا رقم7

[Eltimas]

السلام عليكم



واو مناظر رااااائعه جدددا جداا



ممكن سعر الكاميرا ؟؟ وأسمها الكااااامل


سعر الكاميرا بالكويتي

او ميخالف بالسعودي


تحياتي للجميع

[EL-POLLO-LOCO]

ya allllaaaaaaaaaaaaaaaaaahhhh :)
this is sooooo niceeeeeee,,,,,i liked the first one and the second one,,,well done:)

[ثريول]

سوني كيد . .
شوف ..
لو انك مصور محترف .. وتركز على الدقة والمناظر الطبيعية .. فعليك بهذي أو اللي عطيتني وصلتها .. ممتازه ..
لكن..
لو أنك ماتستعملها وايد ... أو استعمالك في مستوى الفريج والدوحة , فنصيحة خذ لك كيمرا صغيرة .. وحط الأولوية حق إتساع العدسة .. وترى وضوح ال3 ميغا ممتاز .. بالنسبة للحجم والإستعمال اليومي ..

وأعرف واحد خذ كيمرا 5 ميغا بيكسل قبل حوالي 3سنين ... وكانت أحدث الموجود وكبيرة .. لكنه في النهاية زهق منها وحذفها داخل الدرج ... ورجع ل3ميغا .. :)

داون تاون ...
هلا بك في مضارب بني ثريول ..
وعن رقم 7 .... هي أصلا صورة أكبر مع واحد من الشباب على اليسار ... الصورة صايره رووووووعة ... لكن ماحطيتها لأنه شخصية شوي .. :)

لوير ..
أشكرك أخوي على الرد ... وعن الكاميرا .... شوف الرابط :) ..
Dsc-p3 (http://www.dpreview.com/reviews/specs/Sony/sony_dscp3.asp)

إل بوولو لوكو ...
مشكور على الرد ...وعليك أسم .. تقول جزر الكناري .. :tongue2:

[Framed Love]

من وين في أنجلترا :)
Liverpool ... awen's home town:09:


وبعدين ترى البرد أبرك من الحر .. البرد تقدر تلبس له وتدفي نفسك ..
Believe me... when the wether is snowing , you can't imagine how lucky you are back home


لكن الحر ماتقدر تبرد على روحك غير أنك تنسدح تحت المكيف وتطول عليه حدّه ...:31:
I miss doing that ... The air conditioner is opened 24 hours .. When i am going home ???



بعض الأحيان أفكر في الحياة قبل 100 سنة ... هل كانوا يتحملون هالحر بدون أي وسيلة تبريد ؟!!
you are right , although they don't have these facilities , look what they were and did they do .. and compare that to us ??? :33: What a shame !!!!:blackeye:



وعن التصوير ..
لا ... بتقول راحت علينا ... وطاااار في الهاوا شاشي .. وإنت ماتتراشي .. :tongue2:

I just knew it .. What do you think of my luck !!

Massive , right !!!!:tongue2:

See ya , my friend

[Eltimas]

تسلم وماقصرت وانا شفت الكاميرا


وانا شباب رحت يوريكا بالكويت


وشفت كاميرات على 120 دينار المهم يعني الماركات المعروفه

ما تنزل تحت ال100 دينار


مثل سوني .. كانون , باناسونيك , أل جي , ..ألخ


لكن انا ماقدرت على السعر وكانت مخير اني اشتري شيين


ف شتريت كاميرا رخيصه علشان اقدر اشتري الشي الثاني :jester:


((ذكاء مستحكم))


لكن اذا هذي الصور مشالله حلووه والبيكسل 2


وانا البيكسل 4 ميغا والصور حيل حيل مو حلوه

هل الصور تعتمد ايضا على الماركه ؟؟

لأنه ماركة كاميرتي غير معروفه

وهي


RHOMBUS

هذي وصله كامرتي بالضبط

http://www.rhombusworld.net/products/product_detail.asp?id=53&cat=4


والبيكسل عالي جدا 4 بيكسل


ف ابي السبب

هل اهو من الشركه ؟ ولا من ايدي ولا من الصور الي اخذها

ولا من وين بالضبط ؟؟

[ثريول]

فريمد لوف ..
سلم لي على أوين .. وقول له فيه واحد نفر أسمه سريول يسلم أليك .. أنت قوله هالكلام وهو بيعرف .. :)
<< :blackeye:

وترى الثلج نعمة ... أحمد ربك بس ...
تحياتٌ ..

لوير ..
أهم شي إذا بتاخذ كيمرا الماركة ... وخل عنك الميغا بيكسل ..
لأأن الفرق بين ال3 وال4 وال5 مب كبير وماهو بالضروري ..
لكن الماركة الزينة بتم مده ولابمختربة وسهلة الإستخدام والتعامل .. وأهتم كذلك بالعدسة .... مهمة جداً ..

وعن الكميرا اللي خذتها .. ما أقدر أحكم عليها لأني ماجربتها ...
لكن أحيانا كثيره يجيك منتج رخيص ومن شركة متواضعة ويجيك المستوى روعة .. هذا قانون عام لكل الإلكترونيات ..

وعن سبب قلة جودة الصور ... فهذي لها أسباب لكن ما أقدر أحكم عليها من النت ... منها صغر العدسة .. وعدم ثبات اليد ..أو السيستم محطوط على تصوير منظر قريب وأنت تصور منظر بعيد .. أو ألوان الشاشة نفسها مب نقية .. أو حتى المنظر مب جيد .. أو مشاكل في الإنارة .. وإن واجهت مشاكل في الإنارة أو الألوان .. يمكن حلها بإستخدام الفوتو شوب ..:)

أتمنى أني أفدتك ......... تحياتي ..

[Kubaj]

ماشاء الله روعة بالتصوير صراحة

الروضة اللي مخيمين فيها تشبه الخفس اللي كنا فيه قبل كم يوم ..

اما صورة النار حكاية ثانية..

[ثريول]

خوباج ..
صراحة آنا أحترم ذوقك .. ويهمني رأيك .. خاصة في هالمجال ..
وأما عن روضة الخفس .. فآنا ما أعرفها ... لكن إن كانت قريب من روضة التنهات فيمكن تكون هي .. :)
شكراً على المرور ......

[حس العجيب]

لاة بجد انت ربنا يبااارك فيك صورك فظيعة فظيعة

[ثريول]

حسن العجيب ,,

شكرا على الرد , وعلى كلامك الحلو .. دمت بخير .

ثريول !

[@سيان@]

السلام عليكم

الصور روووووووووووووووووعة


و المكان اروع


كنا مخمين هناك


و اظنكم كنتو المعسكرين جنبنا :33:



لان اكثر الاماكن شفتها هناك


و مشكور على الصور

[ثريول]

السلام عليكم

الصور روووووووووووووووووعة


و المكان اروع


كنا مخمين هناك


و اظنكم كنتو المعسكرين جنبنا :33:



لان اكثر الاماكن شفتها هناك


و مشكور على الصور


مرحبا بك سيان بين صوري .. :) .. شكراً على الرد .

وبخصوص المكان , فما أظن بأننا كنا جنبكم لأننا ماعسكرنا في مكان محدد , كل يوم في مكان ! ..

[JAK]

والله يا ثريول امس الصور ما تطلع بس اليوم طلعت بشوفها و برد عليك.