{ .. حينما تتحدث الصور .. فتُخْرَسُ الكلمات .. "صور برية" ..}

[ثريول]

أحيانا كثيرة تعجز الكلمات عن الوصف .. فلا توصل جمال الموصوف .. ولكن .. من المستحيل أن تعجز الصور .. لأنها هي الموصوف بدقة ..

السلام عليكم ورحمة الله وبركاته ..

لقد ذهبت إلى السعودية وبالأحرى لبر السعودية وبالدقة الصمان والمناطق المجاورة لها قبل إسبوعين .. والسنة هذي الربيع جا عجيب عندنا في قطر وفي السعودية كذلك .. وطبعا الربيع عندنا في الخليج مايجي بقوة إلا كل كم سنة ..
ومثل هذي المناسبات يُحَّرم علي وعلى غيري ممن يقتنون الكاميرات ترك الربيع في حالة ... لازم أننا ّ(نجمد) الواقع في صور تبقى ويذهب الواقع ...
والصور عن طريق كاميرا ديجتال ماركة سوني سايبر شوت 2.8 ميغا بيكسل .

أولاً ..

طرثوث .. نبات بري له ألوان حلوة ومختلفة من نبات إلى الآخر ..

ثانياً ..

مجموعة من الخرفان يرعون فوق الحزم ... " وكأننا في نيوزلندا"

ثالثاً ..

منظر لوادي الطوقي ... يلاحظ من الصورة عددا من الخرفان يرعون في الأعلى من الوادي ..

رابعاً ..

منظر لروضة من الرياض الجميلة " يازين الجلسة فيها في العصرية ... شبة ضو وشاهي وقهوة "

خامساً ..

منظر رائع للشمس في العصر ... ياله من يوم رائع ..

سادساً ..

ناس معسكرين في الروضة ... الصورة مقطوعة من صورة أكبر ..

سابعاً ..

صورة من أروع ماصورته عدستي .. صورة للنار عن طريق التصوير الليلي .. وتطاير الشرار الكثير بسبب المروحة كون لوحة فنية ليس لها مثيل ..

ثامناً ..

صورة للشروق من وراء معسكرنا ..

تاسعاً ..

مجموعة من المطايا .. الركاب .. البعارين ... الأبل ... الجمال .. ياكلون من اللي ماكانوا يتوقعون وجوده ..

عاشراً ..

صورة لمكان يشبه هولندا ... تلال رائعة وأرض خضراء يزيد جمالها الفقع ..( المكان هو التنهاة شمال الرياض ب200 كيلو)

الصورة رقم 11 ..والأخيرة ..

في ذمتكم ... هذي صورة لمكان في الجزيرة العربية ... تقول قاعد في هولندا ..( المكان هو الصرار جنوب النعيرية )




في النهاية..
1-أتمنى من الكل أن ينتظر إلى أن تخرج جميع الصور .. لأن كل وحد أحسن من الثانية ..
2-عندي الكثير من الصور لكنها شخصية ..
3-الرحلة كانت قبل أسبوعين .. ورحت نفس الأماكن الأربعاء اللي طاف .. وبعض الأماكن صارت بيضاء من الورد ..

لكم جزيل الشكر على المرور .. ونصيحة أستمتعوا بالربيع قبل لايخلص الموسم ....

تحيـــــــــــــــــــــــــــــاتي
ثـــــريـــــــول ,,

[Doel]

متأكد هذي السعوديه؟؟ الصورة الأخيره مستحيل تكون من هناك

ماشالله تصوير راائع و مناظر أروع.. أعجبتني الصوره الأولي وايد... عندك نسخه أكبر؟؟


Doel

[ثريول]

متأكد هذي السعوديه؟؟ الصورة الأخيره مستحيل تكون من هناك

ماشالله تصوير راائع و مناظر أروع.. أعجبتني الصوره الأولي وايد... عندك نسخه أكبر؟؟


Doel

هلا دويل ..
أيه نعم ... لو شفت المنظر هذا الأسبوع وشو بتقول ؟!!
ياخي ربيع السنة عجيييب .. ومايتكرر ..
بارسل لط الصورة الأولى مكبرة عبر الخاص .. لأني لوحطيتها هنا بتاخذ وقت لين ماتنحمل ..
أشكرك أخوي على الرد .. اليتيم ..

[DeadLy_]

ما شاء الله ثريول و الله طلعت مصور محترف بصراحة كل صورك رائعة و خصوصاً منظر الشمس في هذه الصورة

و ماعليك أمر ممكن نوع كاميرتك ؟

[ثريول]

ما شاء الله ثريول و الله طلعت مصور محترف بصراحة كل صورك رائعة و خصوصاً منظر الشمس في هذه الصورة
و ماعليك أمر ممكن نوع كاميرتك ؟

هلاا سوني كيد ...
تبغي الصج ... مب آنا المحترف .. المناظر تخلي الكل محترفين ...
وعن الكيمرا .. فهي سوني سايبر شوت 2.8
ميغا بيكسل ...
بس هي كانت من أروع الكميرات ... الحين نزلت كيمرات أحسن بمية مرة ..


وإذا عندك سيولة ومرتاح أنصحك بهذي ... وإذا مافيه ... لاتعور قلبك وأنت تقرى عن إمكانياتها ..!!

تحــــــــياتٌ

[Elloras]

ثريول المجرم ..

يعني جالس طول الفترة هذي من رجعت فيها للبر وحارمنا من هذي الصور ؟

ماشاء الله لا اله الا الله .. صراحه مناظر اسطورية وتصوير رائع ...

وانا ينقااال طالع للبر وشايف الربيع كم ورده وكم زرعه ومستانس فيهم ... ما توقعت فيه كذا بديرتنا !!!

المهم زيدنا زيدنا ولا تحرمنا .

[Y a z e e d]

مشكور
صراحة تصويرك حررركة !...
وبصككم ببعض صوري قريبا ...

[Framed Love]

One of the best shots , i have seen .. Well done Man

K.S.A is beautiful but i didn't imagine it as beautiful as the scenes , you caputured ..

Very lovely

[ash2001]

تسلم يا ثريول .. والصراحه انت مصور بااارع ماشاء الله عليك .. والصورة اللي عجبتني هي الاخيره ^_~

[ثريول]

هههه ..

ايلوراس
ألا مجرم ونص ... والجريمة اللي أكبر من هذي أني ماصورت في آخر رحلة ...
ومن بغى الربيع الزين .. لازم يتعنى له ..
تحياااااااااااتي ..

انجل نايت ..
في الإنتظااااااااار .. لاتطول هاه .. لاتطول ..

Framed Love
أشكرك على ماقلت .. وهذا من ذوقك الله يسلمك ..
وترى الزين في الخليج مايجي إلا كل خمس سنين تقريباً .. ولا الحر والرمل تارس المكان أكثر الوقت ..
بس الزين كله في جبل بورصة اللي في تركيا .. وخاصة في هالوقت من السنة <<

وعلى قوولة القايل : العوض .... ولا الحريمة .. والجود في الموجود ..

آش ..
شكراً لك أخوي .. الحين البر في بعض المناطق كله مثل آخر صورة ..

[Framed Love]

Framed Love
أشكرك على ماقلت .. وهذا من ذوقك الله يسلمك ..
وترى الزين في الخليج مايجي إلا كل خمس سنين تقريباً .. ولا الحر والرمل تارس المكان أكثر الوقت ..
بس الزين كله في جبل بورصة اللي في تركيا .. وخاصة في هالوقت من السنة <<

وعلى قوولة القايل : العوض .... ولا الحريمة .. والجود في الموجود ..

Hey man , you should be grateful , here in the UK , the weather are horrible , you can't go anywhere , even football matches can't be played ...

I miss the hot weather ... . but i am going back after 4 weeks , so do you think that i will catch these sceanes or shall i say .. Rahat Allina

[ثريول]

Hey man , you should be grateful , here in the UK , the weather are horrible , you can't go anywhere , even football matches can't be played ...

I miss the hot weather ... . but i am going back after 4 weeks , so do you think that i will catch these sceanes or shall i say .. Rahat Allina

من وين في أنجلترا
وبعدين ترى البرد أبرك من الحر .. البرد تقدر تلبس له وتدفي نفسك ..
لكن الحر ماتقدر تبرد على روحك غير أنك تنسدح تحت المكيف وتطول عليه حدّه ...
ماتحس بالحر وتعبه ألا فيه ... يعني كلامنا بيتغير عن الحر بعد كم شهر ..
بعض الأحيان أفكر في الحياة قبل 100 سنة ... هل كانوا يتحملون هالحر بدون أي وسيلة تبريد ؟!!

وعن التصوير ..
لا ... بتقول راحت علينا ... وطاااار في الهاوا شاشي .. وإنت ماتتراشي ..

[DeadLy_]

هلاا سوني كيد ...
تبغي الصج ... مب آنا المحترف .. المناظر تخلي الكل محترفين ...
وعن الكيمرا .. فهي سوني سايبر شوت 2.8
ميغا بيكسل ...
بس هي كانت من أروع الكميرات ... الحين نزلت كيمرات أحسن بمية مرة ..


وإذا عندك سيولة ومرتاح أنصحك بهذي ... وإذا مافيه ... لاتعور قلبك وأنت تقرى عن إمكانياتها ..!!

تحــــــــياتٌ

عندي امكانيات بس ماحب اشتري من النت ..
و شفت الوصلة الصراحة الكاميرا رائعة 8 Megapixels
و الايزو 100, 800, 400, 200
وسعرها مايتعدى ال1000 دولار لكن المشكلة اني لو رحت الوكالة على الاقل بلقاها ب5000 ريال + :vereymad:
كما ذكرت ماحب اشتري من النت
لكن حاليا أفكر بكاميرا سوني Sony DSC-F707
http://www.dpreview.com/reviews/sonydscf707/
و مشكور على الرد أخوي ثريول و الصراحة تصويرك كان ممتاز مع كاميرا بقوة 2.8 MP

[D0WN~T0WN]

يؤ

كل ذا عندنا

ماحلى الصور الا اللي صورها

ماشالله ابداع على طريقة الكبار

خصوصا رقم7

[Eltimas]

السلام عليكم

واو مناظر رااااائعه جدددا جداا

ممكن سعر الكاميرا ؟؟ وأسمها الكااااامل

سعر الكاميرا بالكويتي

او ميخالف بالسعودي

تحياتي للجميع