::.. عـــادلــــيــــا ت ..:: [الأرشيف]

مشاهدة النسخة كاملة : ::.. عـــادلــــيــــا ت ..::

mad_dog

11-09-2004, 03:40 AM

السلام عليكم جميعا :biggthump

طبعا انا كل ما اكتب موضوع ما احط في ابتسامات فققرت اكتب الموضوع هذا مع الابتسامات

المهم ندخل بالموضوع طوالي ولا اطول عليكم :icon6:

طبعا الكل يستغرب الحين ويقول شسالفة الموضوع هذا اسمه ( عادليات ) المهم بنهاية الموضوع افسر لكم :itsme:

ما علينا وانا داخل الجمعيه ( السوبر ماركت ) رايح اشتري شوية اغراض ( اكيد يعني اللي يروح الجمعيه شنو يشتري) :31:

المهم من معالم جمعيتنا اول ما تجي عند البوابه تبي تاخذ لك سله ما تحصل ! :bigeyes: تنتظر ساعه على ما يجمعونلك

سله محترمه المهم وانا ناطر ويجيبلي الهندي سله وشوي ماشي ولا يطق في تاير السله بنجر !! :mad22:

افر السله يمين تروح شمال افرها شمال تروح يمين :33: اهاااااا عرفت للسله المهم ما علينا

شريت اغراضي وخلصت وعينت من الله غير الحين وصلنا للكاشير ادور الكاشير موموجود ! اطالع يمين يسار يمين يسار

الكاشير مو موجود !!! :Eyecrazy:

المهم قعدت ادوره في الجمعيه ( ولا اخفيكم سرا الساعه كانت 12 بالليل ومافي الا كاشير واحد !

شوي رحت قسم الحلويات ولا ما اشوف الكاشير يركض ورا ثلاث يهال ماخذين الحلويات ومنحاشين :laugh2:

وشوفو شكله جيته وقلتله الله يخليك حاسبني وبعدين كمل لعب مع اليهال !

المهم ما علينا جكجك بالمكينه يطق الحساب ولا الحساب 14.500 عطيته 15 دينار وقلتله خل الباقي لك :33:

يعني كريم ! المهم قالي تعال تعال اخذ ال 500 فلس اللي ضلت لك :27:

انا استغربت العاده ما يسويها !! وانا كنت ميقن انه لاعب علي بالحساب لانه المفروض الحساب ما يعدي ال 10

دنانير يعني حط 4.500 في جيبه المهم ما علينا عطاني ال 500 فلس ( نص دينار )

اغراضي طبعا وايد خذيت السله بطلعها السياره ولا يجيني الهندي طاااااير يبي يوصل السله للسياره :uicon10:

قلت خير وبركه المهم لمن وصلها السياره فتحت له الدبه وقع بالسياره ناطره يصكرها عشان احرك

سمعت صوت الدبه تصكرته دقيت السياره سلف بحرك ولا ما اشوف يطق دريشة السياره علي !!

قلتله ها اخينا شنو تبي ؟! قال ابي ال 500 فلس اللي ردلك اياها الكاشير !! :jester:

وهذي سالفتي مع الجمعيه وانا حاس انها حركه مسويها مع الكاشير من البدايه لانه انا من اول استغربت شلون ردلي ال 500 فلس ههههههههههه

المهم تبون تعرفون شسالفة عنوان الموضوع الحين صح ؟ سالفته وانتو بكرامه في كاتب اسمه فؤاد الهاشم

منزل مذكراته باسم هاشميات !! فانا قلت افتح موضوع اسميه عادليات ( اسمي عادل )

الحين بالله عليكم شرايكم بجمعيتنا ؟؟ :dontknow:

والسلام خير ختام :ciao:

ODIN

11-09-2004, 04:06 AM

غريبه من البدايه انت شاك بالحساب ولا حاولت تتأكد !! غلط كذا ترى ال 5 دنانير مو قيمة علك ومصاص عشان تتغاضى عنها ...

الا اذا كنت بطرة فلوس هذا شي ثاني الشكوى لله :31:

انا صراحه بالمواقف ذي .. دقيق جدا حتى لو على ريال او ريالين .. طالما اني حسيت ان الي يبيع يحاول يخدعني او يستغبيني اقلب الدنيا عليه حتى لو على ريال .. هي ما جت على قيمة المبلغ الي راح يسرقه مني اكثر من اني اتنرفز لما يحاول يتلاعب معاي على أي مبلغ كان !!!

mod

11-09-2004, 04:06 AM

يا حليلك :08:

طيب ابي أفهم وش مطلعك نص الليل ... الصباح رباح <--- الموضوع وين وانا وين :tongue2:

والله جمعية لا تحسد عليها ... طالما معاملتهم كذا .. وعرباتهم كذا :12:

طيب ابي افهم ... انت بترد لهم مستقبلا ً :33:

لو مكانك ما اروح لهم مرة ثانية ... حتى لو كان السبب ان الجمعية تحت البيت :o

وعلى العموم مشكووووووور على الموضووووووع :)

Trapped Inside

11-09-2004, 04:11 AM

هلا ماد ^_^ ..

ان كنت انت متغاضى عن الخمس الدنانير .. طيب ليش ما عطيت الهندي الـ500 فلس .. ^^ ..تاخذ اجره وانت ما عندك مانع ^^ ..

عاشت الاسامي عادل ^^ ..

مشكور ..

mad_dog

11-09-2004, 04:22 AM

لا طبعا يا شباب عطيته ال 500 فلس من قالكم ما عطيته

ODIN : والله للاسف >_< ادري انه السرقه سرقه حتى لو كانت اي مبلغ بس هذي جمعيتنا ماكو غيرها لا وكذا مره ينصب علي وادخل معاه بهوشه مالها اول ولا لها تالي !! والمصيبه انه اول ما تطلع الفاتوره يقطها بمكان بين المكينه والطاوله حقته يعني ما اقدر ادخل اشتكي من غير فاتوره :mad: وفعلا ترا هو يسويها بكل اللي يجون >_<

لكن الشكوه لغير الله مذله :17:

mod : والله درجة الحراره واصله عندنا 48.2 !! تتوقع اروح له بوقت ثاني >_< وطبعا راح اردله بس في اكثر من كاشير
اما هذا الكاشير الوحيد اللي جنسيته مختلفه ما ابي اقول الجنسيه بس هو اكبر نصااااااااااااااب ><

سعـــ2002ـــودي : لا افا عليك عطيته اياهم :) وهو المفروض اللي اعطيه لانه وصلا السله مشكور اما الكاشير ما يستاهل :mad:

والعفو شباب

KLD

11-09-2004, 06:00 AM

والله انك فاضي رايح للجمعية الساعة 12

الا الجمعية هذي وين علشان ما اطبها :p

سمعت صوت الدبه تصكرته دقيت السياره سلف بحرك ولا ما اشوف يطق دريشة السياره علي !!

الهنود لازم ياذون منك فلوس حتى لو ما سووا شي

اما هذا الكاشير الوحيد اللي جنسيته مختلفه ما ابي اقول الجنسيه بس هو اكبر نصااااااااااااااب ><
اذا مو مصري ولا هندي ولا افغاني اكيد ب؟؟؟؟

mad_dog

11-09-2004, 06:25 AM

الا الجمعية هذي وين علشان ما اطبها

جمعية هديه لا بارك الله فيهم >_<

الهنود لازم ياذون منك فلوس حتى لو ما سووا شي

اي والله وانت الصاج

اذا مو مصري ولا هندي ولا افغاني اكيد ب؟؟؟؟

لا هو الخيار الاول مع احترامي للكل ><

شكرا على الرد

Pr.Game

11-09-2004, 08:54 PM

بدي اعرف شي واحد ليش تسمون البقالة جمعية :p احس اسم جميعة اسم لهئية او مؤسسة مو سوبر ماركت وغيره :D

على كل حال الظاهر انو هذي يسموها " لبشة الليل " :08: وكمان وش مطلعك الجميعة بالليل :33:
وبعدين الظاهر جيبك مليااان جداً حتى تترك 5 دنانير ياخي تصدق علينا وسوي لنا بيها عشوة :tongue2:

المووووهم نشوتكم على خير ورانا مدرسة :o سلام :31: .

Neo Cid

12-09-2004, 04:45 AM

افااا طلعت مقصة يا عادل .. :tongue2:

DE NILSON

12-09-2004, 06:28 AM

طيب وش هي الجمعية ؟.؟؟؟ هيا البقالة؟

mad_dog

12-09-2004, 06:39 AM

الحـسام المهند
بدي اعرف شي واحد ليش تسمون البقالة جمعية احس اسم جميعة اسم لهئية او مؤسسة مو سوبر ماركت وغيره

على كل حال الظاهر انو هذي يسموها " لبشة الليل " وكمان وش مطلعك الجميعة بالليل
وبعدين الظاهر جيبك مليااان جداً حتى تترك 5 دنانير ياخي تصدق علينا وسوي لنا بيها عشوة

المووووهم نشوتكم على خير ورانا مدرسة سلام .
بالأمس 06:25

البقاله احنا نسميها بقاله عادي .... اما السوبر ماركت نسميه جمعيه لسبب واحد انه باسم الجمعيه يكتبون

hadya society او شي من هذا القبيل وترجمة society مجتمع لكن الشباب مترجمينها على الجمعيات

جمعية هديه التعاونيه ...... اوصلت المعلومه :06:

Neo Cid افااا طلعت مقصة يا عادل .

شفت شلون :17:

DE NILSON طيب وش هي الجمعية ؟.؟؟؟ هيا البقالة؟

انت مشكلتك مشكله ما تقرا الموضوع ترد على العمياني :p

لو قريته كان لقيت باول الموضوع كاتب

ما علينا وانا داخل الجمعيه ( السوبر ماركت )

وشكرا على الردود والتشريف :08:

KJF

12-09-2004, 10:37 AM

وش يعني جمعية؟؟؟ <--- امزح قريت الردود :08:
الله يعينكم انتم الكويتيين..
عندكم الهنود بكل مكان!
اتطلع بجيبتك تلاقي هندي مادد يده :p
افتح الCD-Rom تطلع لك يد هندي.. :09:
ارفع الفراش تلاقي هندي نايم ومادد يده :o
روح للحمام -اعزكم الله- علشان تلبي نداء الطبيعة يطلع لك هندي من الجوف المظلم :(
افتح كيس الكورنفليكس تلاقي قسيمة تبرع بفلوس لواحد اسمه مشاكير الموزمبيقي :boggled:
اما بالنسبة للجمعية فانا شفت اسوئ.. :o
ما ابي اطول عليك.. اشوفك على الماسنجر :D

سلام

mad_dog

12-09-2004, 12:09 PM

KLD

12-09-2004, 12:17 PM

ههههههههههه اي والله وانت الصاج والحين برفقلك فيديو كلب مصوره يوم الجمعه ( يوم اجازة الهنود )

انا اسميه الجمعه المرعب :09: شوف الهنود شلون متحشدين !!!!!!!!!!!!
كل هذول هنود

استحلوا خيطان :p

الشرطة مستانسة احسن مكان للتفتيش حاطين دورية بعد :p

والله زحمة

mad_dog

12-09-2004, 12:21 PM

كل هذول هنود

استحلوا خيطان :p

الشرطة مستانسة احسن مكان للتفتيش حاطين دورية بعد :p

والله زحمة

انا خايف انهم يسون انقلاب وياخذون الحكم ! :09:

Lena

14-09-2004, 03:25 PM

هلا حياك عادل^^

اكره الناس الي تقص عالناس@_@ نفسي احطهم في مفرمه اللحم<==دمويه@_@

بالنسبه لي في هالموقف عيني قويه عليهم:12: اقعد اقز الاشياء واحد واحد واشوف سعرها واحسب المجموع براسي واقعد اتاكد من كل شي قبل لا اعطيه الفلوس..الناس ما تنأمن هاليومين sigh =.=

عشان كذا امي تحب تخليني اروح اتقضى بالسوبر ماركت اهتم بشده واقتصاديه ههههها:laughing:

بس صراحه تجين احيانا حالات عكسيه تماما واصير مفهية :31: وهنا ممكن اصير قابله للقص علي - -

لا تصير طيب ورهم العين الحمرا:cool:

وبصراحه وناسه شكل الي يلاحق البزران احس توم اند جيري هههههههه

وشكرا عالموضوع^^

QataR NighTMarE

14-09-2004, 04:37 PM

لوووول
انا اصلاً لمن اروح الجمعيه او سوبر ماركت حتى
كل ما احط شئ اشوف سعره واحسب حساب تقريبي براسي
عشان ما اروح احاسب واتفاجأ بأن السعر اكثر من الفلوس اللي معاي حالياً احس الموقف محرج كثيير الصراحه :p
وللأسف عادل طلعت مقصه وينقص عليك بسهوله :tongue2:

mad_dog

14-09-2004, 09:05 PM

Lena:

اكره الناس الي تقص عالناس@_@ نفسي احطهم في مفرمه اللحم<==دمويه

شعور متبادل :09:

شكرا على المرور

ولد البوكواره:

وللأسف عادل طلعت مقصه وينقص عليك بسهوله

لاتعتقد اني ما ادري لاكن اطوف بمزاجي ;)

KJF

16-09-2004, 09:51 PM

بالله عليك ذول كلهم الي بالفلم هنود؟ :D
خخخخخخخخخ رائع مشكور على الفلم :tongue2:

mad_dog

16-09-2004, 11:22 PM

خخخخخخخخخخخ هذول شئ من لاشئ !!!!!!

MoaeD

19-09-2004, 02:59 PM

يا سلام .. 5 دنناير وجاحده .. يا سلام ..

mad_dog

19-09-2004, 03:38 PM

والله هو اللي جحدني مو انا >_<

MoaeD

19-09-2004, 07:39 PM

والله هو اللي جحدني مو انا >_<
كان بإمكانك تطلب فاتوره او ترجع مشترياتك وتاخذ فلوسك .. 5 دنانير موب شين سهل ينسكت عنه ..

اذا انت مخليها صدق فهذي يبيلها اعادة نظر :bigeyes: ...

Pepsi Kun

19-09-2004, 08:11 PM

خخخخخخخخخخ ..

50 ريال ! ..

خخخخخخخخخخخ كاااش اجل :biggrin: ..

السعودية = 98 % هنود وواحد في المية انواع الجنسسياات وواحد في المية سعوديين خخخخخخ ..

امممممممممممممم انا من زود الربشة مررة كنت مستعجل :08: :08: نزلت بقالة بعد ماكنت نايم في السيارة عطيت واحد 100 ريال :bigeyes: بدل ريال :bigeyes: والمشكلة كنت موقف في محطه بين طريق الرياض والشرقية .. ورحت السيارة ورحنا للريااض:08: ووصلنا البيت شوي واشوف كم معي احصل ريال واحد :31: ..

انقهههههرت قههههههههر:bigeyes: ..

تحياتي تويكسيووون :biggrin: ..

mad_dog

19-09-2004, 08:57 PM

كان بإمكانك تطلب فاتوره او ترجع مشترياتك وتاخذ فلوسك .. 5 دنانير موب شين سهل ينسكت عنه ..

اذا انت مخليها صدق فهذي يبيلها اعادة نظر ...

زينها جت على ال 5 دنانير والله مستعد يطلب اكثر >_< لاعب بحسبة الجمعيه وصار يحط تسعيره على كيفه ......

لكن بلا حسيب وبلا رقيب :mad: ووصلت فيه انه اول ما تطلع الفاتوره يقطها في مكان بين الكرسي والمكينه عشان

ما تقدر تطلعها ....... ما اقول الا الله كريم والله لو امسك عليه فاتوره يصير في خبر كان

امممممممممممممم انا من زود الربشة مررة كنت مستعجل نزلت بقالة بعد ماكنت نايم في السيارة عطيت واحد 100 ريال بدل ريال والمشكلة كنت موقف في محطه بين طريق الرياض والشرقية .. ورحت السيارة ورحنا للريااض ووصلنا البيت شوي واشوف كم معي احصل ريال واحد ..

انقهههههرت قههههههههر ..

تحياتي تويكسيووون

يالله الله يعوضك عنها ب 1000 ريال ...... :biggthump

تسلمون على الرد والتشرييييييف

جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .