::.. عـــادلــــيــــا ت ..::

[mad_dog]

السلام عليكم جميعا

طبعا انا كل ما اكتب موضوع ما احط في ابتسامات فققرت اكتب الموضوع هذا مع الابتسامات

المهم ندخل بالموضوع طوالي ولا اطول عليكم :icon6:

طبعا الكل يستغرب الحين ويقول شسالفة الموضوع هذا اسمه ( عادليات ) المهم بنهاية الموضوع افسر لكم

ما علينا وانا داخل الجمعيه ( السوبر ماركت ) رايح اشتري شوية اغراض ( اكيد يعني اللي يروح الجمعيه شنو يشتري)

المهم من معالم جمعيتنا اول ما تجي عند البوابه تبي تاخذ لك سله ما تحصل ! تنتظر ساعه على ما يجمعونلك

سله محترمه المهم وانا ناطر ويجيبلي الهندي سله وشوي ماشي ولا يطق في تاير السله بنجر !! :mad22:

افر السله يمين تروح شمال افرها شمال تروح يمين اهاااااا عرفت للسله المهم ما علينا

شريت اغراضي وخلصت وعينت من الله غير الحين وصلنا للكاشير ادور الكاشير موموجود ! اطالع يمين يسار يمين يسار

الكاشير مو موجود !!!

المهم قعدت ادوره في الجمعيه ( ولا اخفيكم سرا الساعه كانت 12 بالليل ومافي الا كاشير واحد !

شوي رحت قسم الحلويات ولا ما اشوف الكاشير يركض ورا ثلاث يهال ماخذين الحلويات ومنحاشين

وشوفو شكله جيته وقلتله الله يخليك حاسبني وبعدين كمل لعب مع اليهال !

المهم ما علينا جكجك بالمكينه يطق الحساب ولا الحساب 14.500 عطيته 15 دينار وقلتله خل الباقي لك

يعني كريم ! المهم قالي تعال تعال اخذ ال 500 فلس اللي ضلت لك

انا استغربت العاده ما يسويها !! وانا كنت ميقن انه لاعب علي بالحساب لانه المفروض الحساب ما يعدي ال 10

دنانير يعني حط 4.500 في جيبه المهم ما علينا عطاني ال 500 فلس ( نص دينار )

اغراضي طبعا وايد خذيت السله بطلعها السياره ولا يجيني الهندي طاااااير يبي يوصل السله للسياره :uicon10:

قلت خير وبركه المهم لمن وصلها السياره فتحت له الدبه وقع بالسياره ناطره يصكرها عشان احرك

سمعت صوت الدبه تصكرته دقيت السياره سلف بحرك ولا ما اشوف يطق دريشة السياره علي !!

قلتله ها اخينا شنو تبي ؟! قال ابي ال 500 فلس اللي ردلك اياها الكاشير !!

وهذي سالفتي مع الجمعيه وانا حاس انها حركه مسويها مع الكاشير من البدايه لانه انا من اول استغربت شلون ردلي ال 500 فلس ههههههههههه

المهم تبون تعرفون شسالفة عنوان الموضوع الحين صح ؟ سالفته وانتو بكرامه في كاتب اسمه فؤاد الهاشم

منزل مذكراته باسم هاشميات !! فانا قلت افتح موضوع اسميه عادليات ( اسمي عادل )

الحين بالله عليكم شرايكم بجمعيتنا ؟؟

والسلام خير ختام

[ODIN]

غريبه من البدايه انت شاك بالحساب ولا حاولت تتأكد !! غلط كذا ترى ال 5 دنانير مو قيمة علك ومصاص عشان تتغاضى عنها ...


الا اذا كنت بطرة فلوس هذا شي ثاني الشكوى لله


انا صراحه بالمواقف ذي .. دقيق جدا حتى لو على ريال او ريالين .. طالما اني حسيت ان الي يبيع يحاول يخدعني او يستغبيني اقلب الدنيا عليه حتى لو على ريال .. هي ما جت على قيمة المبلغ الي راح يسرقه مني اكثر من اني اتنرفز لما يحاول يتلاعب معاي على أي مبلغ كان !!!

[mod]

يا حليلك

طيب ابي أفهم وش مطلعك نص الليل ... الصباح رباح <--- الموضوع وين وانا وين

والله جمعية لا تحسد عليها ... طالما معاملتهم كذا .. وعرباتهم كذا

طيب ابي افهم ... انت بترد لهم مستقبلا ً

لو مكانك ما اروح لهم مرة ثانية ... حتى لو كان السبب ان الجمعية تحت البيت

وعلى العموم مشكووووووور على الموضووووووع

[Trapped Inside]

هلا ماد ^_^ ..


ان كنت انت متغاضى عن الخمس الدنانير .. طيب ليش ما عطيت الهندي الـ500 فلس .. ^^ ..تاخذ اجره وانت ما عندك مانع ^^ ..

عاشت الاسامي عادل ^^ ..

مشكور ..

[mad_dog]

لا طبعا يا شباب عطيته ال 500 فلس من قالكم ما عطيته

ODIN : والله للاسف >_< ادري انه السرقه سرقه حتى لو كانت اي مبلغ بس هذي جمعيتنا ماكو غيرها لا وكذا مره ينصب علي وادخل معاه بهوشه مالها اول ولا لها تالي !! والمصيبه انه اول ما تطلع الفاتوره يقطها بمكان بين المكينه والطاوله حقته يعني ما اقدر ادخل اشتكي من غير فاتوره وفعلا ترا هو يسويها بكل اللي يجون >_<

لكن الشكوه لغير الله مذله

mod : والله درجة الحراره واصله عندنا 48.2 !! تتوقع اروح له بوقت ثاني >_< وطبعا راح اردله بس في اكثر من كاشير
اما هذا الكاشير الوحيد اللي جنسيته مختلفه ما ابي اقول الجنسيه بس هو اكبر نصااااااااااااااب ><

سعـــ2002ـــودي : لا افا عليك عطيته اياهم وهو المفروض اللي اعطيه لانه وصلا السله مشكور اما الكاشير ما يستاهل

والعفو شباب

[KLD]

والله انك فاضي رايح للجمعية الساعة 12

الا الجمعية هذي وين علشان ما اطبها

سمعت صوت الدبه تصكرته دقيت السياره سلف بحرك ولا ما اشوف يطق دريشة السياره علي !!

الهنود لازم ياذون منك فلوس حتى لو ما سووا شي

اما هذا الكاشير الوحيد اللي جنسيته مختلفه ما ابي اقول الجنسيه بس هو اكبر نصااااااااااااااب ><

اذا مو مصري ولا هندي ولا افغاني اكيد ب؟؟؟؟

[mad_dog]

الا الجمعية هذي وين علشان ما اطبها

جمعية هديه لا بارك الله فيهم >_<

الهنود لازم ياذون منك فلوس حتى لو ما سووا شي

اي والله وانت الصاج

اذا مو مصري ولا هندي ولا افغاني اكيد ب؟؟؟؟

لا هو الخيار الاول مع احترامي للكل ><

شكرا على الرد

[Pr.Game]

بدي اعرف شي واحد ليش تسمون البقالة جمعية احس اسم جميعة اسم لهئية او مؤسسة مو سوبر ماركت وغيره

على كل حال الظاهر انو هذي يسموها " لبشة الليل " وكمان وش مطلعك الجميعة بالليل
وبعدين الظاهر جيبك مليااان جداً حتى تترك 5 دنانير ياخي تصدق علينا وسوي لنا بيها عشوة

المووووهم نشوتكم على خير ورانا مدرسة سلام .

[Neo Cid]

افااا طلعت مقصة يا عادل ..

[DE NILSON]

طيب وش هي الجمعية ؟.؟؟؟ هيا البقالة؟

[mad_dog]

الحـسام المهند
بدي اعرف شي واحد ليش تسمون البقالة جمعية احس اسم جميعة اسم لهئية او مؤسسة مو سوبر ماركت وغيره

على كل حال الظاهر انو هذي يسموها " لبشة الليل " وكمان وش مطلعك الجميعة بالليل
وبعدين الظاهر جيبك مليااان جداً حتى تترك 5 دنانير ياخي تصدق علينا وسوي لنا بيها عشوة

المووووهم نشوتكم على خير ورانا مدرسة سلام .
بالأمس 06:25

البقاله احنا نسميها بقاله عادي .... اما السوبر ماركت نسميه جمعيه لسبب واحد انه باسم الجمعيه يكتبون

hadya society او شي من هذا القبيل وترجمة society مجتمع لكن الشباب مترجمينها على الجمعيات

جمعية هديه التعاونيه ...... اوصلت المعلومه

Neo Cid افااا طلعت مقصة يا عادل .

شفت شلون

DE NILSON طيب وش هي الجمعية ؟.؟؟؟ هيا البقالة؟

انت مشكلتك مشكله ما تقرا الموضوع ترد على العمياني

لو قريته كان لقيت باول الموضوع كاتب

ما علينا وانا داخل الجمعيه ( السوبر ماركت )

وشكرا على الردود والتشريف

[KJF]

وش يعني جمعية؟؟؟ <--- امزح قريت الردود
الله يعينكم انتم الكويتيين..
عندكم الهنود بكل مكان!
اتطلع بجيبتك تلاقي هندي مادد يده
افتح الCD-Rom تطلع لك يد هندي..
ارفع الفراش تلاقي هندي نايم ومادد يده
روح للحمام -اعزكم الله- علشان تلبي نداء الطبيعة يطلع لك هندي من الجوف المظلم
افتح كيس الكورنفليكس تلاقي قسيمة تبرع بفلوس لواحد اسمه مشاكير الموزمبيقي
اما بالنسبة للجمعية فانا شفت اسوئ..
ما ابي اطول عليك.. اشوفك على الماسنجر

سلام

[mad_dog]

وش يعني جمعية؟؟؟ <--- امزح قريت الردود
الله يعينكم انتم الكويتيين..
عندكم الهنود بكل مكان!
اتطلع بجيبتك تلاقي هندي مادد يده
افتح الCD-Rom تطلع لك يد هندي..
ارفع الفراش تلاقي هندي نايم ومادد يده
روح للحمام -اعزكم الله- علشان تلبي نداء الطبيعة يطلع لك هندي من الجوف المظلم
افتح كيس الكورنفليكس تلاقي قسيمة تبرع بفلوس لواحد اسمه مشاكير الموزمبيقي
اما بالنسبة للجمعية فانا شفت اسوئ..
ما ابي اطول عليك.. اشوفك على الماسنجر

سلام

ههههههههههه اي والله وانت الصاج والحين برفقلك فيديو كلب مصوره يوم الجمعه ( يوم اجازة الهنود )

انا اسميه الجمعه المرعب شوف الهنود شلون متحشدين !!!!!!!!!!!!

[KLD]

ههههههههههه اي والله وانت الصاج والحين برفقلك فيديو كلب مصوره يوم الجمعه ( يوم اجازة الهنود )

انا اسميه الجمعه المرعب شوف الهنود شلون متحشدين !!!!!!!!!!!!

كل هذول هنود

استحلوا خيطان

الشرطة مستانسة احسن مكان للتفتيش حاطين دورية بعد

والله زحمة

[mad_dog]

كل هذول هنود

استحلوا خيطان

الشرطة مستانسة احسن مكان للتفتيش حاطين دورية بعد

والله زحمة

انا خايف انهم يسون انقلاب وياخذون الحكم !