تسجيل الدخول

مشاهدة النسخة كاملة : للبيع يا شباب


ganon
13-09-2001, 02:15 PM
السلام عليكم
كيف الحال؟
و الله اشتقت لكم يا شباب جدا مره.
نرجع للموضوع...
ايه صح .:عندي كم لعبه للادفانس ابغى ابيعها...صراحه هي مهيب كم لعبه هي لعبتين بس...عسى اللي حدني ما يحدكم:":
طفرت و انا احتاج الفلوس هذي الايام ضروري.و الكافئات ما طلعت و حتى لو طلعت ما حتكفي(ابغى اهل الحجاز يفهمون بعد)
لذا اتمنى من الايدي البيضاء....لحظه شوي انا ببيع ما اشحذ! اللي يبي يشتري يشتري و الا يضف وجهه(ما فيه اسلوب بائع ناجح).
ايوه صح ما قلت الالعاب:
اللعبه الاولى هي ماريو كارت النسخه اليابانيه بكرتونها و كل اوراقها...
اللعبه حلوه و فيها افكار جديده كثير.
اما الثانيه(و هي اللي هبلت ببوشي) هي اريديون ثري دي...طيارات مستقبليه حلوه مثل ستار فوكس لكن الحق انها مهي احلى منها ...اللي عجبني فيها هو المؤثرات روعه و بعض المراحل اللي تكون خلفياتها عباره عن عرض فيديو جيد يشتغل بالوقت اللي انت تلعب به...و بعض الراحل المسيقى فيها حلوه و احيانا تمتلىء الشاشه اشياء متحركه...
اللعبه الاولى(ماريو كارت)ببيعها ب 130 و كذلك الثانيه.و عندي بعد لعبه زيلدا اوركل اوف ايجز اصليه اشتريتها اول ما طلعت لكن ما استفدت مره منها ببيعها ب 80 ...و هي بكرتونها.
و طبعا ما اقدر ابيع للي برى الرياض للاسف...
و الاسعار قابله للتفاوض. للجادين فقط ،اللي يبون يستهبلون يمتنعون.
و شكرا
اخوكم سعد
ykm
13-09-2001, 02:49 PM
الحمدلله على السلامه يا جانون ":" ..

يا أخي وينك ..

وبعدين شفت ردك علي بموضوع الاخ ننتندو ..

أشوفك ماخليت اللقافه ..

عشان كذا جيت اتلقف عليك ":" ..

بلاش نصب على هالعالم يالنصاب ..

وبعدين كان ودي أشتري الالعاب منك لكن للأسف ماني بالرياض ..

طبعا ماهو حبا بالالعاب تدري ليش ..

لان ودي أشوف خشتك ( رقعت وجهك ) ..

وبعد ما أشبع من شوفة وجهك اتوطى في بطنك وأخذ منك الالعاب مجانا ..

هههههههههه ..

تحياتي لك ":" ..

والحمدلله على السلامه ياالحبيب ":" ..
ykm
13-09-2001, 05:52 PM
للرفع .. ":"
ganon
14-09-2001, 01:50 AM
هلا و الله بالجاحد ...:غضب:
الحين ارسلك رساله خاصه و لا احد داري عن غيري و من زين الطبايع ما ترد؟
المهم يا قطو:p
الحين راد انت و كشرتك و قاعد تخربط و تمطرس و انا قايل للجادين فقط و المهبل مثل يمتنعون؟ما تستحي؟بعدين لو فيك شده و على بالك رديد كان ترد على كلامي الاول(حجرت لك هه هه هه)
المهم من جاب طاريك انت؟ ايه صح هذا منتدى(عشان ما ترد علي بها الكلمه اللي فقدت معناها و صارت موضه)
بعدين شولن تشبع من شوفة وجهي؟هاه؟قالوا لك مفطح؟ و الا وش قصدك؟الا انا ما ودي اشوف وجهك لاني بشبع على طول تدري ليش؟لان وجهك نواشف!هه هه هه
بعدين من يتوطى ببطن من؟هاه يالقطو؟اسمع انا ما راح اتوطى ببطنك انا بخلي انسبكتر يتوطى ببطنك لان مقاس رجله 71 !!! صدقني ان ما غديت خبزة تميس ما اكون سعد...
طبعا لانك ملقوف تتحرق عشان تعرف ليش انا اقول لك قطو! السالفه اني يوم قريت ردك(و بوشي معي )قلت لبوشي :تدري ايش اتخيل ykm ?اتخيله قطو!و الله ما اكذب لكن هل انت قطو فعلا؟طيب اذا كنت قطو انت قطو سيامي و الا فارسي؟ بكل الاحوال انا عندي حساسيه من القطاوه فما كنت ببيع عليك!عموما انت وين ساكن؟
اخوكم سعد و مره ثانيه للجادين.(يعني اطلع منها يا ykm :p ) مع السلامه
يلله عاد روح...يلله... باي...مياو.(على قولتكم):p
ykm
14-09-2001, 11:51 AM
ههههههه ..

الظاهر فيه أحد ضربك على راسك في هالغيبه ..

ياحليلك ياسعد ..

أقول شيك على الخاص ..

قطو ..

هههههههههه ..
ganon
14-09-2001, 02:15 PM
انشاء الله:)
اقول محد وده يشتري؟
للرفع
speed_2222
13-10-2001, 08:26 PM
بسم الله الرحمن الرحيم
السلام عليكم
أولاً أنا متاسف لني زعلتك في موضوعك السابق بس في واحد ماقصر رد علي كانه يعرفك أكثر مني المهم إني حبيت أن اداعبك ما حبيت ازعلك وقول لك يا سعد تراك طولت الغيبات علينا وأنا دورت رقمك ما لقيته تراني أبغاك ضروري جداً جداً لني أبغاك في موضوع خاص أرجو منك أن تبعث لي رساله على الماسنجر تخبرني عن رقمك لكي أراك في أقرب فرصه لاتنس خلاص تفك ألف تفك................................................................................................




بــــــــاي ياسعد ال........................................iii:p?:
king_boy
13-10-2001, 09:32 PM
للأسف انا مو من الرياض
ganon
13-10-2001, 11:07 PM
يب يا سبيد ليش ما ترسل على الخاص؟

انت تعرفني؟

و كأنك مطيح الميانه؟انا ما اعرفك صراحه لكن شوف....انا راح اضيفك على المسنجر و نشوف .

الاخ كينق بوي:)
معليش حبيبي خيرها بغيرها:)
لكن انت وين ساكن؟مجرد سؤال يعني