المساعد الشخصي الرقمي

مشاهدة النسخة كاملة : العيديه عيديتين


leopard_1
30-10-2005, 10:02 PM
شوفو... هاالموضوع عباره عن نشر غسيل ... يعني كل اللي عندي بقوله ولا تلوموني اذا ما فهمتو شي .. لانه طلع مني مثل طلع الماي من الكاس اذا طاح ... تنتثر في كل مكان بدون ترتيب .. هذا كله كان في قلبي وطلع وانا نشرته على الحبل عندكم(اذا بتسمحون لي ) .... اقروه قبل لا ادخله النشافه

وملاحظه قبل لا ابدا : ترا مب شرط دايم اني اكون انا الصح يمكن اكون غلطان ...لكن هذا رايي وبقوله بصدق....

-(هذي البدله ) .... هذا موقف صار صدق وانا كنت احسبه ما يصير الا في طاش ما طاش ... امي كانت قاعده وعندها اخوي ... رن التلفون ... قام اخوي ورد .. الو .. هلا ....وعليكم السلام ... هيه موجود دقيقه ادور عليه .....وراح يركض لابوي يخبره ان التلفون يبغيه .... امي سالته قبل لا يروح من اللي في التلفون .... رد اخوي :" وحده تبغي ابوي "!!! .. امي انهبلت .. واذا وحده تبا ابوك تروح تزقره<تناديه> على طول ، شف منو هي اول ... ورفعت السماعه ( طبعا ) ... هلا خير من انتي ومنو تبغين .... ردت الحرمه :" انا فلانه الفلاني وابي فلان الفلاني(ابوي)" .... قالت امي:" وشو تصيرين؟؟" ... قالت:" انا اخته" ...امي :" ما خبرنا له اخت بها لاسم " ... قالت :" انا اخته من الرضاعه ... وامي موصيتني اكلمه واخبره ابراء للذمه " !!!!! ........ طبعا امي هدت ومشى الموضوع طبيعي .. وطلع عندي عمات جديدات لكن القهر انهن كلهن كبار وعندهن عيال ...... والسؤال اللي توه ماكل له صحن عيش وملحقه بكم كاس لبن وانبطح جدامي اول ما سمعت السالفه .... الحين الواحد فينا اذا سمع خبر ان اثنين متزوجين وعندهم عيال اخوان بالرضاعه ... هل بيروح يخبرهم ؟؟ .. انا بصراحه اظن اني بنطم ولا ني مخبر احد(خراب بيوت) ....

-(هذي فانيله).... واحد قاعد في قهوه والا يمشي في سوق ... مر بجنبه واحد يعرفه ... يا فهد ياحمار الله يلعن امك وينك ما عاد شفناك .... هلا بالغبي خالد ... شو اخبارك شو علومك من زمان عنك يا الثور شو فيك ما عاد تكلم .... هلا بك والله يالق__ انت اللي ما عاد كلمت انا دوم مع العيال .... انت خ___ اصلا ولا فيك خير ما تسال عن ربعك وهذي عادتك .... الله ياخذك انت اللي مختفي وكل ما كلمناك تهربت منا ... الخ .... السؤال اللي اكل شاورما ما يعرف مصدرها وانبطح من التسمم ..... ليش الكلام الوصخ صار على طرف اللسان وصار اللعن طريقه للتعبير ؟؟؟؟؟

-(هذي طاقيه).... الحين نحنا ذا شفنا بنت مطلعه شعرها والا ما تغطت زين .. نيلس <نقعد> نستلمها انها ما تستحي وانها وانها ... انزين السؤال اللي كان يركض وصقع في باب زجاج (ماشافه) وطاح هني جدامنا ...الحين الربال اذا لبس له شورت وطلع كراعينه وبعض من فخوذه .... ما يصير مطلع عورته .. ويستاهل انه يحصل ما تحصله البنت من تهزئ؟؟؟؟؟؟؟ .....

- (هذا احم!!)..... الواحد اذا كان مسافر وشاف بنت ماتحجبت والا ما تغطت قال انها ما تستحي وما تخاف ربها وانها وانها ... واذا كان وياها واحد قال انهم ما يستحون ... واذا قلنا له يمكن زوجها قال كيف يخليها تسوي هالشي .....ها المره سؤال طب في مسبح لكن طلع فاضي مافيه ماي وانبطح على الارض ميت .... ياخي شو عليك من العالم ؟؟ اذا تبغي تتكلم وقاهرك ها الشي قول له هو والا لا تجلس تفضح خلق الله ؟؟ انا متاكد انهم يدرون انه غلط لكن يمكن يبون يوسعون صدورهم شوي ... ويمكن انهم عرسان جدد وبايعينها في اول شهر وبيعقلون بعدها (ان كان ماتو وقتها ربك هو اللي بيحاسبهم)... مثل ما الواحد يدري ان الاغاني حرام لكن يسمعها ومثل ما تدري ان الجوال يلعب بالمخ لكن نستعمله ... وكلنا عارفين اننا بننحاسب على اغلاطنا؟؟؟ .. ... ويا كثر الاغلاط اللي نسويها ونحنا عارفين انها غلط ... ياكثر اللي نسويه وما نبغي الناس تدري اننا نسويه .. ( الله يغفر لنا ويرحمنا)

-( هذا البنطلون) ...البرمودا هذا البنطلون القصير اول ما نزل الكل قال وععع وانها مب شي ومافي امل نلبسها ... انا بصراحه ما عجبني ابد لكن رحت وخذيت لي كم واحد عناد ... و النعال اليديد اول ما نزل الكل حاربها وسفل بها ... واذا قلت ليش..... يقول: مب من عاداتنا ولا تعودنا عليها ...... والحين الكل لابسها.....اوكي السؤال اللي نط من طياره ولا انفتح براشوته وطاح على قمة راسه وبقى منبطح على الارض .... ليش كل شي نحكم عليه بعاداتنا وتقاليدنا قبل عقولنا ؟؟؟ حتى اول ما يابو طاري ان الحريم يسوقن.. كل الناس قالو لا .. مب لسبب ديني ولا لسبب منطقي ... بس لانهم ما يستسيغون ان الحرمه تيلس ورا االسكان(ويمكن يكون غيره من الرجال) .... الحكم في نظري يكون بالدين وبالعقل وماهو بالتقاليد والعادات ... والحكم ما يطلع من اول نظره ... الحكم يحتاج تفكير وماهو كره تشوتها يا انها في الباب والا تطلع ضربه مرمى

-( هذي الكندوره)... انا الحين اذا كنت امشي في شارع ولقيت جدامي اثنين شباب يسولفون وهم يمشون عند بعض في سياراتهم .....انقهررر وابدا اضارب ... وفي يوم من الايام لقيت نفسي واقف وبجنبي ربيعي في وسط شارع ونسولف بنفس الحركه اللي كنت انقهر منها .... ومره كنت مار في شارع ولقيت ابوي وعمي مسوين نفس الحركه :p ... عند هذيك اللحظه تاكدت ان الانسان طبعه غريب جدا يبغي الدنيا على كيفه .... يبغي يسوي والناس ما تسوي .. الريال يبغي الحرمه ما تسوي والحرمه ما تبغي الريال يسوي ......ها المره السؤال استحى ولا انبطح بعد شوف ها المشاهد

-(هذي الكندوره الثانيه).... الحين بعض الناس اذا شاف الحرمه تغلط وسوت شي غلط انهبل وقال كيف تسوي ها الشي وانها بتفضح اهلها (لاحظو بتفضح اهلها ..مب لانه حرام .. نرجع لموضوع العادات والتقاليد) و .. و... واذا الريال سوا نفس الغلط نقول الله يهديه بس ...وهو ناسي ان الغلط من اهم اطباع الانسان وان الحرمه انسان مثل ما الريال انسان وكلهم يغلطون وانهم يعاقبون نفس العقاب اذا انمسكو ...... ولو قلنا ان الحرمه محد متزوجها وبتعفن في بيت اهلها بعد ها الغلطه .... والريال.. من اللي بيزوجه؟؟ ... من اللي بيرضى انه يعطي بنته لواحد مثل هذا؟؟ ... وبيصير مثل البنت عند اهلها وكلهم بيصيرون مشكله على المجتمع ويمكن يكونون السوسه اللي تخربه .... الغلط غلط مهما كان كبير والا صغير سواء من حرمه والا من ريال ...

- (هذي الجلابيه) .... الحريم يسوقون .... انا الى الحين عجزت اعرف كيف الناس تفكر ... ما يشوفون الشوارع مليانه .. ما كنهم يوقفون عند اشاره خمس مرات قبل لا يمشون ... ما يشوفون كل بيت كم سياره فيه ... انا ما ادري هو جائز والا حرام ... ولا ابغي افكر هم يحتاجون والا لا ....لكن اللي اعرفه و متاكد منه زين اننا مب ناقصين سيارات وليتهم يمنعون الريال من السواقه بعد ......لكن السؤال اللي قطع اشاره على ريوله وشاف اشاره المشاه خضرا ومشى لكنه انبطح على الارض قبل لا يوصل الجهه الثانيه( صلحوها ولو انها ما تستعمل..بنحتاجها في يوم)..... شو البديل عن السيارات؟؟؟؟ .... في نظري (لاحظو الثقافه) ...انهم لو يحطون اندر قراوند(القطار اللي تحت الارض) .. ويشغلون اتوبيسات مثل العالم والناس .. ويهتمون بالنقل العام احسن مليووون مره من سواقه الرياييل والحريم ؟؟؟؟؟؟
خلصت مشابك الغسيل اللي عندي .. .. والا الغسيل وايد ... ولا عنده زياده يحط من عنده ...
وهي تصير باكبر العوائل!!
ملاحظه خارج الموضوع : اخصصصصصصصص والله قمنا نترجم اللي نكتبه عشان بعض الناس يفهمون
والله اخصصصصصصصصصص يالعرب :p

حبيت احط صورة ان مصورنها يوم كنت في كندا .. وهي شلالات نياجرا
http://www.arab3.com/upload/images/Oct05/dangerleop_smjqTZ.jpg
aoks
31-10-2005, 04:33 AM
مشكور على الموضوع :D

وناسه :P
EVIL KNIGHT
31-10-2005, 11:11 AM
السلام عليكم

مشكووووووووووووووور اخوي على الموضوع وعلى صراحتك
عاد صج كلامك مافي فرق بين الحرمه والرجال كلهم بشر وكلهم يخطؤن
وكلهم بيتحاسبون عند رب العالمين نفس الحساب
leopard_1
31-10-2005, 02:49 PM
مشكور على الموضوع :D

وناسه :P

العفو

وتسلم والله على ها المجامله والسوالف وايد بس اهم شي انها اعجبتك ومالها قيمه بدون اعجابك( وش رايك اعرف احرج والا لا)
leopard_1
31-10-2005, 02:51 PM
السلام عليكم

مشكووووووووووووووور اخوي على الموضوع وعلى صراحتك
عاد صج كلامك مافي فرق بين الحرمه والرجال كلهم بشر وكلهم يخطؤن
وكلهم بيتحاسبون عند رب العالمين نفس الحساب

وعليكم السلام

تسلم والله .. وهذا من ذوقك .. لكن ما قلت لي شو احسن اغسل بتايد والا ايريال :p
Rory
31-10-2005, 05:24 PM
اووف صدق طلعت إلي في قلبك وقلبنا :biggthump
فعلا مواقف وأشياء ينقهر منها الواحد .. بس شو نقدر نسوي .. ؟ ولاشي؟ للأسف ..

والصورة العائلية حلوة .. ويقولك .. مع تايد في الغسيل مافييش مستحيل :jester:~
Angel whisper
31-10-2005, 06:42 PM
-(هذي فانيله).... واحد قاعد في قهوه والا يمشي في سوق ... مر بجنبه واحد يعرفه ... يا فهد ياحمار الله يلعن امك وينك ما عاد شفناك .... هلا بالغبي خالد ... شو اخبارك شو علومك من زمان عنك يا الثور شو فيك ما عاد تكلم .... هلا بك والله يالق__ انت اللي ما عاد كلمت انا دوم مع العيال .... انت خ___ اصلا ولا فيك خير ما تسال عن ربعك وهذي عادتك .... الله ياخذك انت اللي مختفي وكل ما كلمناك تهربت منا ... الخ .... السؤال اللي اكل شاورما ما يعرف مصدرها وانبطح من التسمم ..... ليش الكلام الوصخ صار على طرف اللسان وصار اللعن طريقه للتعبير ؟؟؟؟؟
اونهم عاد يحسون ان هاذيلا ربعهم وشي طبيعي ان يستخدمون هالكلمات وياهم .. لانه مجرد "مزح"


-(هذي طاقيه).... الحين نحنا ذا شفنا بنت مطلعه شعرها والا ما تغطت زين .. نيلس <نقعد> نستلمها انها ما تستحي وانها وانها ... انزين السؤال اللي كان يركض وصقع في باب زجاج (ماشافه) وطاح هني جدامنا ...الحين الربال اذا لبس له شورت وطلع كراعينه وبعض من فخوذه .... ما يصير مطلع عورته .. ويستاهل انه يحصل ما تحصله البنت من تهزئ؟؟؟؟؟؟؟ .....
عيب عليك تقول جيه ..
ترى الريال ما يعيبه شي :أفكر:
or so says our society~


- (هذا احم!!)..... الواحد اذا كان مسافر وشاف بنت ماتحجبت والا ما تغطت قال انها ما تستحي وما تخاف ربها وانها وانها ... واذا كان وياها واحد قال انهم ما يستحون ... واذا قلنا له يمكن زوجها قال كيف يخليها تسوي هالشي .....ها المره سؤال طب في مسبح لكن طلع فاضي مافيه ماي وانبطح على الارض ميت .... ياخي شو عليك من العالم ؟؟ اذا تبغي تتكلم وقاهرك ها الشي قول له هو والا لا تجلس تفضح خلق الله ؟؟ انا متاكد انهم يدرون انه غلط لكن يمكن يبون يوسعون صدورهم شوي ... ويمكن انهم عرسان جدد وبايعينها في اول شهر وبيعقلون بعدها (ان كان ماتو وقتها ربك هو اللي بيحاسبهم)... مثل ما الواحد يدري ان الاغاني حرام لكن يسمعها ومثل ما تدري ان الجوال يلعب بالمخ لكن نستعمله ... وكلنا عارفين اننا بننحاسب على اغلاطنا؟؟؟ .. ... ويا كثر الاغلاط اللي نسويها ونحنا عارفين انها غلط ... ياكثر اللي نسويه وما نبغي الناس تدري اننا نسويه .. ( الله يغفر لنا ويرحمنا)
مثل ما يقول المثل .. البقره ما تشوف حياها .. تشوف حيا غيرها -__-
فمحد يفتكر في عمره .. بس يطالع الناس ..
مثل اللي يقول حق الناس صلو وهو ما يصلي


-( هذا البنطلون) ...البرمودا هذا البنطلون القصير اول ما نزل الكل قال وععع وانها مب شي ومافي امل نلبسها ... انا بصراحه ما عجبني ابد لكن رحت وخذيت لي كم واحد عناد ... و النعال اليديد اول ما نزل الكل حاربها وسفل بها ... واذا قلت ليش..... يقول: مب من عاداتنا ولا تعودنا عليها ...... والحين الكل لابسها.....اوكي السؤال اللي نط من طياره ولا انفتح براشوته وطاح على قمة راسه وبقى منبطح على الارض .... ليش كل شي نحكم عليه بعاداتنا وتقاليدنا قبل عقولنا ؟؟؟ حتى اول ما يابو طاري ان الحريم يسوقن.. كل الناس قالو لا .. مب لسبب ديني ولا لسبب منطقي ... بس لانهم ما يستسيغون ان الحرمه تيلس ورا االسكان(ويمكن يكون غيره من الرجال) .... الحكم في نظري يكون بالدين وبالعقل وماهو بالتقاليد والعادات ... والحكم ما يطلع من اول نظره ... الحكم يحتاج تفكير وماهو كره تشوتها يا انها في الباب والا تطلع ضربه مرمى
بس ترى صعب الواحد يتخلى عن عاداته وتقاليده .. والمجتمعات الخليجيه بشكل عام عايشه على mindset ما تتغير .. لازم كل شي يمشي نفس ما هو وما يتغير باي طريقة من الطرق ..
احيانا هالشي يكون زين .. واحيانا لا ..


-( هذي الكندوره)... انا الحين اذا كنت امشي في شارع ولقيت جدامي اثنين شباب يسولفون وهم يمشون عند بعض في سياراتهم .....انقهررر وابدا اضارب ... وفي يوم من الايام لقيت نفسي واقف وبجنبي ربيعي في وسط شارع ونسولف بنفس الحركه اللي كنت انقهر منها .... ومره كنت مار في شارع ولقيت ابوي وعمي مسوين نفس الحركه :p ... عند هذيك اللحظه تاكدت ان الانسان طبعه غريب جدا يبغي الدنيا على كيفه .... يبغي يسوي والناس ما تسوي .. الريال يبغي الحرمه ما تسوي والحرمه ما تبغي الريال يسوي ......ها المره السؤال استحى ولا انبطح بعد شوف ها المشاهد
ههههههههههه يا اني اتنرفز من اللي يسوون جيه O.o
احس الحركه غبيه .. ووايد تأذي الاوادم ..
واكيد كل واحد يبغي الدنيا تمشي على كيفه


-(هذي الكندوره الثانيه).... الحين بعض الناس اذا شاف الحرمه تغلط وسوت شي غلط انهبل وقال كيف تسوي ها الشي وانها بتفضح اهلها (لاحظو بتفضح اهلها ..مب لانه حرام .. نرجع لموضوع العادات والتقاليد) و .. و... واذا الريال سوا نفس الغلط نقول الله يهديه بس ...وهو ناسي ان الغلط من اهم اطباع الانسان وان الحرمه انسان مثل ما الريال انسان وكلهم يغلطون وانهم يعاقبون نفس العقاب اذا انمسكو ...... ولو قلنا ان الحرمه محد متزوجها وبتعفن في بيت اهلها بعد ها الغلطه .... والريال.. من اللي بيزوجه؟؟ ... من اللي بيرضى انه يعطي بنته لواحد مثل هذا؟؟ ... وبيصير مثل البنت عند اهلها وكلهم بيصيرون مشكله على المجتمع ويمكن يكونون السوسه اللي تخربه .... الغلط غلط مهما كان كبير والا صغير سواء من حرمه والا من ريال ...
QFT


- (هذي الجلابيه) .... الحريم يسوقون .... انا الى الحين عجزت اعرف كيف الناس تفكر ... ما يشوفون الشوارع مليانه .. ما كنهم يوقفون عند اشاره خمس مرات قبل لا يمشون ... ما يشوفون كل بيت كم سياره فيه ... انا ما ادري هو جائز والا حرام ... ولا ابغي افكر هم يحتاجون والا لا ....لكن اللي اعرفه و متاكد منه زين اننا مب ناقصين سيارات وليتهم يمنعون الريال من السواقه بعد ......لكن السؤال اللي قطع اشاره على ريوله وشاف اشاره المشاه خضرا ومشى لكنه انبطح على الارض قبل لا يوصل الجهه الثانيه( صلحوها ولو انها ما تستعمل..بنحتاجها في يوم)..... شو البديل عن السيارات؟؟؟؟ .... في نظري (لاحظو الثقافه) ...انهم لو يحطون اندر قراوند(القطار اللي تحت الارض) .. ويشغلون اتوبيسات مثل العالم والناس .. ويهتمون بالنقل العام احسن مليووون مره من سواقه الرياييل والحريم ؟؟؟؟؟؟
ابغي يسوولنا قطار T__________T ولا مترو .. وناااااااااسه .

مشكور على الموضوع .. روعه الصراحه :)
Classic Evil
31-10-2005, 07:01 PM
هلا والله انت دنجر وييينك من زمان وشخبارك واخبار الفيرادوس كان تحفة معانا وباقي الشلة المشلولة :) ..



هذا كله كان في قلبي وطلع وانا نشرته على الحبل عندكم(اذا بتسمحون لي ) .... اقروه قبل لا ادخله النشافه

انت تعلق الملابس ثم تحطها بالنشافة :bigeyes: ! المهم يا عزيزي شووف بالنسبة لإثنين اخوان من الرضاعة .. الصراحة هذا مب خراب بيوت الله يسامحك الله ما يرضى بهالشي و بالعدين لازم لاحظ لازم ينفصلون وماراح تخترب الدنيا والعيال بيتمون شرعين ولو ان الزواج باطل لعذر وهو الجهل زيين تخيل طلعت اللي متزوجها هالشخص اخته شقيقته وبطريقة او بأخرى تزوجوا هل نقول حرام ونسمي امر الله خراب بيووت لاااا طبعا و ربك كريم بيغفر وهو داخل تحت قول الله "إلا ما قد سلف" ..

وعلى طاري اللعن والله هذي قليلة وما قمت اشوفها الا بعض الشباب صاير يكثر لعن مثل الحريم :09: ما نقول غير الله يهديهم ...

وسالفة اللي مطلعه شعرها معاك حق 100% وهو سوء فهم و الطامة الكبرى والأدهى والأمر من ذلك يرددون كلمة مادري من وين استندوا عليها ولاحتى تلقاها بسند ضعيف او بحديث موضوع الا وهي : الريال ما يعيبه شيء !!!!!! استغفر الله !!! كيف ما يعيبه شي هذي العنصرية الحقيقية وهي المفروض نحاربها محاربة بووش لما يسمى بالإرهاب فمثلا البنية اذا سوت شي غلط يقولون لها تخربين سمعتج وهذا اللي معاج ما يعيبه شي عاادي .. كلام جهال كلهم عند الله في الاثم سواء ,, لكن شنسوي وشنقول وشوو نغرد بعد يوم الناس انقلبت مفاهيمهم وانتكست فطرهم (ماعليه ترى مرات انفعل احس اني في الكلاس اسوي برزنتيشن :) )

اما النقطة التالية ما اوافقك عليها أبدا .. ياخي هذا منكر ومأمورين ان نغير المنكر فلو شفت انت مثل هالشي ماعليك الا انك تنادي الهيئة يرفسون لك هالاشكال :09: لييش لهالدرجة ماتت الغيرة فينا ؟؟ اذا هو مايغار على زوجته انت غار عليها كونها اختك المسلمة .. ومرة انا شفت واحد تحرش في حرمة وقام ريال من الحظور وتضارب معاه !! اللي يشوف يقول هذي زوجته وبالاخير كلا راح في حال سبيله والصراحة هذا اللي كنت بسوي بالضبط ..


وللمعلومة سواقة الحرمة لسبب ديني وهو درء المفسدة مب من هوا .. وهذيل علماء يفتون باللي يشوفونه صالح .. وفايدة لك ان الحكم يكون بالدين فقط و ليس بالعقل .. وانما العقل وجد لفهم النصوص الدينية ...

و النقطة التالية الصراحة لا تعليق :196: !!!

اما النقطة الاخيرة أرجووووووك لاااا .. لا تبدي رايك جذي .. انت ضربت اخماس في اسداس لا والله في اعشار بعد .. اسكت و الله يرحم والديك :D

ومبرووك عليك الصورة انا الصراحة كنت على شفا شارع بس ما حصل لي ورحت ..شلالات فياجرا على طوول فيها ماااي ماا توقف سبحان الله .. خسااارة مارحتها ...

و اماااا العيدية عيديتين هم لا تعلييييييق :09:

وبعدين ترى في قانون يمنع نشر الغسيل في البلكونات .. اشوف مأخرًا كم واحد صار ينشر غسيله .. ياخي حافظوا على الذوق العام :wow: !!!


وسلامتكم :ciao:
Yamato
31-10-2005, 08:02 PM
you talk alot.. like i like you alot.. but talk alot.. cuz its good alot




برجع في وقت ثاني واشوف شو سالفتك.. وتعال.. تراك ذبحت الريال.. مرة يطيح من السما ومرة يطيح في حوض ومرة في نافذة.. رفقا به يا ضرغام
Anima
31-10-2005, 09:07 PM
-(هذي فانيله).... واحد قاعد في قهوه والا يمشي في سوق ... مر بجنبه واحد يعرفه ... يا فهد ياحمار الله يلعن امك وينك ما عاد شفناك .... هلا بالغبي خالد ... شو اخبارك شو علومك من زمان عنك يا الثور شو فيك ما عاد تكلم .... هلا بك والله يالق__ انت اللي ما عاد كلمت انا دوم مع العيال .... انت خ___ اصلا ولا فيك خير ما تسال عن ربعك وهذي عادتك .... الله ياخذك انت اللي مختفي وكل ما كلمناك تهربت منا ... الخ .... السؤال اللي اكل شاورما ما يعرف مصدرها وانبطح من التسمم ..... ليش الكلام الوصخ صار على طرف اللسان وصار اللعن طريقه للتعبير ؟؟؟؟؟


للاسف...شباب هالايام مايعرف قيمة اللعن

وهذا شي عظيم والله

وعلى ما اعتقد انها من علامات القيامة

الله يهدي الجميع

ومشكور على الموضوع وعلى النقاط الحلوة ال تكلمت عنها

:)
leopard_1
01-11-2005, 12:30 AM
انا بسطرك كف قبل لا ابدا الرد ... تراني مب ناقص ناس يقولون اني بنت .. تراني قسم بالله ريال .. حتى روح شوف غسيلي كله كنادير .. وبعدين اقول لك في سيارتي وحذالي ربيعي ..ولا بعد قايل لك في الموضوع اني شاري برمودا .. وتقول اني بنت ... انا ما ادري شو اسوي فيك الحين
ثانيا : انا عارف ليش انت قلت ها الشي وما الومك .. لاني تكلمت عن الحريم وايد في المواضيع ويمكن تكون مستغرب ها الشي من ريال... .. لكن الكف جايك جايك وين بتروح عني

رساله لواحد يفتري عليي ويقول اني بنت في الرسايل الخاصه
وحبيت ارد عليه هني عشان ما يعيدها
جرح غرائزي الرجوليه :p
leopard_1
01-11-2005, 02:32 AM
روري

صدقتي ما باليد حيله .. لكن اقل شي ننكره بقلوبنا وهذا اضعف الايمان :)

خليني ابارك لج .. على التصميم الرومنسي ... مادري عجبني ...واحس انج لاعبه في صورة البنت :أفكر:

انجل


اونهم عاد يحسون ان هاذيلا ربعهم وشي طبيعي ان يستخدمون هالكلمات وياهم .. لانه مجرد "مزح"

سبحان الله ...وصلت فيهم انهم يسبون اهل بعض وهم راضين .... قلنا حمار كلب ... لكن ماتوصل الميانه بينهم لهالشكل


بس ترى صعب الواحد يتخلى عن عاداته وتقاليده .. والمجتمعات الخليجيه بشكل عام عايشه على mindset ما تتغير .. لازم كل شي يمشي نفس ما هو وما يتغير باي طريقة من الطرق ..

اصلا هو في لين الحين عادات وتقاليد .. تراها اندثرت وصارت في خبر كان
واهم شي هو الدين مب العادات والتقاليد .. مثلا مثلا ...سواقة الحرمه
العادات والتقاليد تمنع هالشي وتستعيبه ... لكن في شيوخ كبار ومعروفين اصدرو فتاوي بجواز سواقة الحرمه
الحين الواحد ياخذ بالعادات والتقاليد ولا بالدين .. طبعا الدين وبدون تفكير

ابغي يسوولنا قطار T__________T ولا مترو .. وناااااااااسه .
يقولون بيسوون قطار في دبي الله يوفقهم
ونحنا المساكين اللي براس الخيمه ما عندنا الا مركز واحد نرقد فيه وناكل فيه ما بقى الا انعرس فيه هههههه :p

ومرورج هو اللي اروع ... يسلموو :)
leopard_1
01-11-2005, 02:53 AM
ايفل نفر داي


هلا والله انت دنجر وييينك من زمان وشخبارك واخبار الفيرادوس كان تحفة معانا وباقي الشلة المشلولة ..

اهلين ... انته اللي وينك قطعتنا فجاه ..لاحس ولا خبر ...اتصدق ما اعرف عنهم شي .. الله يرحم ايام اول


انت تعلق الملابس ثم تحطها بالنشافة ! المهم يا عزيزي شووف بالنسبة لإثنين اخوان من الرضاعة .. الصراحة هذا مب خراب بيوت الله يسامحك الله ما يرضى بهالشي و بالعدين لازم لاحظ لازم ينفصلون وماراح تخترب الدنيا والعيال بيتمون شرعين ولو ان الزواج باطل لعذر وهو الجهل زيين تخيل طلعت اللي متزوجها هالشخص اخته شقيقته وبطريقة او بأخرى تزوجوا هل نقول حرام ونسمي امر الله خراب بيووت لاااا طبعا و ربك كريم بيغفر وهو داخل تحت قول الله "إلا ما قد سلف" ..

اتذكر قصه واحد قالي عنها ان احدهم بعد زواج دام ما يقارب15 سنه اكتشف ان زوجته التي يحبها لدرجة الجنون و ياب منها اولاد تصير اخته من الرضاعه ... بهدوء و ايمان بالله و حكمته انفصل عنها و تمت ساكنه معه في البيت كأخت له و ام لابنائه و تزوج من اخرى و زوجته اللي صارت اخته هي اللي خطبت له

لكن مب كل الناس بحكمة هالريال
تدري شو اللي يخليني ما اخبر .. انهم عندهم عيال .. وها العيال شو بيكون مكانهم .. وبصراحه ها الريال عرف يتصرف .. والحرمه هذي تستاهل كل خير بعد ... ولو كل الناس بيتصرفون بها العقل كانت الدنيا بخير .. لكن تعال تخيل وياي لو ان اللي خبرهم انهم اخوان سكت ولا قال شي .. كانت بتمشي الحياه طبيعيه ولا الريال بيحتاج انه يتزوج وحده ثانيه ولا الحرمه تخطب له والعيال استمرت حياتهم طبيعيه بدون ها اللخبطه .. وان كان فيه شي بينقال المفروض يكو من اول قبل الزواج .. وثانك يو على الرد ..


ما النقطة التالية ما اوافقك عليها أبدا .. ياخي هذا منكر ومأمورين ان نغير المنكر فلو شفت انت مثل هالشي ماعليك الا انك تنادي الهيئة يرفسون لك هالاشكال لييش لهالدرجة ماتت الغيرة فينا ؟؟ اذا هو مايغار على زوجته انت غار عليها كونها اختك المسلمة .. ومرة انا شفت واحد تحرش في حرمة وقام ريال من الحظور وتضارب معاه !! اللي يشوف يقول هذي زوجته وبالاخير كلا راح في حال سبيله والصراحة هذا اللي كنت بسوي بالضبط ..

انا يبت الاغاني مثل على شي نسويه ونحنا عارفين انه غلط .. وبعدين انا اللي كنت ابغي اوصل له هو ان الواحد ااذا شاف شي مثل هذا(في نظري).. اولا لازم يعرف ان كل انسان معرض للخطأ .. وثانيا: اذا كان في قلبه وما هو عاجبه يروح ويقول للشخص اللي مسوي الغلط نفسه والا انه يسكت ولا يفضح خلق الله ... وثالثا : كلها اغلاط .. ... وارجع اقول مب دايم انا اللي صح يمكن اكون غلطان لكن هذا رأيي .. واتمنى اني اكون عرفت اوصل قصدي صح ...


ومبرووك عليك الصورة انا الصراحة كنت على شفا شارع بس ما حصل لي ورحت ..شلالات فياجرا على طوول فيها ماااي ماا توقف سبحان الله .. خسااارة مارحتها ...

افااا ... راح عليك نص عمرك ... ياريال شي مب طبيعي ...مثل الخيال ... هذي جنتهم في الدنيا ونحنا جنتنا في الاخره قول امين بس :)

وبعدين ترى في قانون يمنع نشر الغسيل في البلكونات .. اشوف مأخرًا كم واحد صار ينشر غسيله .. ياخي حافظوا على الذوق العام !!!
له له له !!! ... اتحريتك بتنشر غسيلك وياي ... :p

ياماتو

ادري ..انا واجد اقرقر ...لكن شنو سوي هذي الدنيا وما تسوي

برجع في وقت ثاني واشوف شو سالفتك.. وتعال.. تراك ذبحت الريال.. مرة يطيح من السما ومرة يطيح في حوض ومرة في نافذة.. رفقا به يا ضرغام
هذا عشان الاكشن بالموضوع :p

انيما

العفو وهذا من ذوقك :)
7_Dark Soul
01-11-2005, 05:22 PM
افففففففففففففف

و اخيرا فتح المنتدى :blackeye:

جنني والله.....من امس و انا احاول احط هذا الرد







الحين الواحد فينا اذا سمع خبر ان اثنين متزوجين وعندهم عيال اخوان بالرضاعه ... هل بيروح يخبرهم ؟؟ .. انا بصراحه اظن اني بنطم ولا ني مخبر احد(خراب بيوت) ....






على حسب الشخص....






ليش الكلام الوصخ صار على طرف اللسان وصار اللعن طريقه للتعبير ؟؟؟؟؟





...... ما في جواب محدد لهذا السؤال






الحين نحنا ذا شفنا بنت مطلعه شعرها والا ما تغطت زين .. نيلس <نقعد> نستلمها انها ما تستحي وانها وانها ... انزين السؤال اللي كان يركض وصقع في باب زجاج (ماشافه) وطاح هني جدامنا ...الحين الربال اذا لبس له شورت وطلع كراعينه وبعض من فخوذه .... ما يصير مطلع عورته .. ويستاهل انه يحصل ما تحصله البنت من تهزئ؟؟؟؟؟؟؟ .....






اول شي....البنت تكون عرضك.... يعني غيرتك بتونك مكثفة عليها



ثاني شي... البنت ممكن تفتنك....اما الرجال...لو تقعد من اليوم الي بكرى..لو تنط من فوق عمارة..لو تفحط الين تتقلب فيك السيارة ... عمره ما راح يفتنك.. :p



ثالث شي...لو كنت انت حرمة...كان بتقول نفس الشي عن الولد و تقلل كلامك عن الحرمة...و العكس






الواحد اذا كان مسافر وشاف بنت ماتحجبت والا ما تغطت قال انها ما تستحي وما تخاف ربها وانها وانها ... واذا كان وياها واحد قال انهم ما يستحون ... واذا قلنا له يمكن زوجها قال كيف يخليها تسوي هالشي .....ها المره سؤال طب في مسبح لكن طلع فاضي مافيه ماي وانبطح على الارض ميت .... ياخي شو عليك من العالم ؟؟ اذا تبغي تتكلم وقاهرك ها الشي قول له هو والا لا تجلس تفضح خلق الله ؟؟ انا متاكد انهم يدرون انه غلط لكن يمكن يبون يوسعون صدورهم شوي ... ويمكن انهم عرسان جدد وبايعينها في اول شهر وبيعقلون بعدها (ان كان ماتو وقتها ربك هو اللي بيحاسبهم)...





<معذرة>رائيك هذا بالنسبة لي...غلط x غلط



طبيعة الانسان عموما و المسلم خاصة...انه اذا شاف الغلط مستحيل يسكت... و بيعارضه بأي طريقة

سواء في نفسه او بروح يكلم اصحابه او بأي طريقة...



اذا كنا بنمشي على مبدأك(معذرة) كان الدنيا بتخرب



جان ما في اي احد راح ينصح الثاني او يعلمه الصح






انا متاكد انهم يدرون انه غلط لكن يمكن يبون يوسعون صدورهم شوي ويمكن انهم عرسان جدد وبايعينها في اول شهر وبيعقلون بعدها (ان كان ماتو وقتها ربك هو اللي بيحاسبهم)...





هذا اكثر جملة جذبتني في الموضوع....





يعني كونهم عرسان جدد ما يسوغ لهم انهم يعملون الغلط




مثل ما الواحد يدري ان الاغاني حرام لكن يسمعها ومثل ما تدري ان الجوال يلعب بالمخ لكن نستعمله



<معذرة>



لاكن مثالك غلط



لا تقارن ذنب بذنب ثاني.....يعني الاغاني ما تنتقارن بالتبرج و السفور



الاغاني ضررها مو مثل ضرر التبرج و السفور...



يعني التبرج و السفور راح يئثر على المجتمع كله



في الي بيطلع فيهم..و في الي يمكن تقوده الي....(طوط) في الي تقوده الي...(طوط ثاني)




ويا كثر الاغلاط اللي نسويها ونحنا عارفين انها غلط ... ياكثر اللي نسويه وما نبغي الناس تدري اننا نسويه .. ( الله يغفر لنا ويرحمنا)




يالله




البرمودا هذا البنطلون القصير اول ما نزل الكل قال وععع وانها مب شي ومافي امل نلبسها ... انا بصراحه ما عجبني ابد لكن رحت وخذيت لي كم واحد عناد ... و النعال اليديد اول ما نزل الكل حاربها وسفل بها ... واذا قلت ليش..... يقول: مب من عاداتنا ولا تعودنا عليها ...... والحين الكل لابسها.....اوكي السؤال اللي نط من طياره ولا انفتح براشوته وطاح على قمة راسه وبقى منبطح على الارض .... ليش كل شي نحكم عليه بعاداتنا وتقاليدنا قبل عقولنا ؟؟؟



البرمودا...صحيح كلامك عليه...اما النعال...صراحة عمري ما سمعت فيها :p



نرجع لكلامنا.....على العادات و التقاليد



اممممممممم...ما اعرف شلون اشرح لك.....



......انت تعتقد ان لبسها هذا الاشياء....يخلي شكلك مقبول بين الناس؟؟؟او تكون محتشم؟؟



انا عن نفسي اقول لا



حق كل مكان في لبس خاص .... يعني لو بتروح البحر البس على كيفك برمودا و سو الي تبي

اما لو بتروح المسجد....بتروح حق بيت عمتك؟؟؟...عمك....جدك...



اتوقع بتقول لا حشيمة لناس الي بتروح لهم و للمكان الي بتروحه....



اذا المجتمع ما تمسك بعاداته و تقاليده...بيكون مجتمع ماله هوية...مجتمع ماله شخصية...



بعدين لبس هاذي الاشياء تجلب وراها اشياء ثانية...يعني لو شفتك واحد لابس برمودا...حالق شعره من الطراف..و باقي شعره..كل خمس شعرات رايحة في اتجاه...لابس فانيله مزلطة(علاقي,بدون اكمام)

و ذي هالخرابيط...كنظرة اولية اتحداك اذا قلت عنه محترم...لبسك يعكس هويتك...و لو تلاحظ اكثر الي يلبسون ذي الاشياء(مع احترامي للي يلبسونهم) اخلاقهم تبن...و تلقاهم هم الي مع كل كلمة سبة

تعجبك

.... و ما اعتقد انك تبي الناس تنظر لك بذي النظرة




مب لسبب ديني ولا لسبب منطقي ... بس لانهم ما يستسيغون ان الحرمه تيلس ورا االسكان(ويمكن يكون غيره من الرجال) .... الحكم في نظري يكون بالدين وبالعقل وماهو بالتقاليد والعادات ... والحكم ما يطلع من اول نظره ... الحكم يحتاج تفكير وماهو كره تشوتها يا انها في الباب والا تطلع ضربه مرمى




و لازم تخلي مع الدين نظرة مجتمعك...حتى لو كان مباح....




انا الحين اذا كنت امشي في شارع ولقيت جدامي اثنين شباب يسولفون وهم يمشون عند بعض في سياراتهم .....انقهررر وابدا اضارب ... وفي يوم من الايام لقيت نفسي واقف وبجنبي ربيعي في وسط شارع ونسولف بنفس الحركه اللي كنت انقهر منها .... ومره كنت مار في شارع ولقيت ابوي وعمي مسوين نفس الحركه ... عند هذيك اللحظه تاكدت ان الانسان طبعه غريب جدا يبغي الدنيا على كيفه .... يبغي يسوي والناس ما تسوي .. الريال يبغي الحرمه ما تسوي والحرمه ما تبغي الريال يسوي ......ها المره السؤال استحى ولا انبطح بعد شوف ها المشاهد



مي توو.... >.>

انغث اذا شفت احد يسويها....و انا مداوم عليها



الا صحيح.....شيعني كندورة ؟؟؟ :09:




-(هذي الكندوره الثانيه).... الحين بعض الناس اذا شاف الحرمه تغلط وسوت شي غلط انهبل وقال كيف تسوي ها الشي وانها بتفضح اهلها (لاحظو بتفضح اهلها ..مب لانه حرام .. نرجع لموضوع العادات والتقاليد) و .. و... واذا الريال سوا نفس الغلط نقول الله يهديه بس ...وهو ناسي ان الغلط من اهم اطباع الانسان وان الحرمه انسان مثل ما الريال انسان وكلهم يغلطون وانهم يعاقبون نفس العقاب اذا انمسكو ...... ولو قلنا ان الحرمه محد متزوجها وبتعفن في بيت اهلها بعد ها الغلطه .... والريال.. من اللي بيزوجه؟؟ ... من اللي بيرضى انه يعطي بنته لواحد مثل هذا؟؟ ... وبيصير مثل البنت عند اهلها وكلهم بيصيرون مشكله على المجتمع ويمكن يكونون السوسه اللي تخربه .... الغلط غلط مهما كان كبير والا صغير سواء من حرمه والا من ريال ...




شوف تعليقي على(احم)






- (هذي الجلابيه) .... الحريم يسوقون .... انا الى الحين عجزت اعرف كيف الناس تفكر ... ما يشوفون الشوارع مليانه .. ما كنهم يوقفون عند اشاره خمس مرات قبل لا يمشون ... ما يشوفون كل بيت كم سياره فيه ... انا ما ادري هو جائز والا حرام ... ولا ابغي افكر هم يحتاجون والا لا ....لكن اللي اعرفه و متاكد منه زين اننا مب ناقصين سيارات وليتهم يمنعون الريال من السواقه بعد ......لكن السؤال اللي قطع اشاره على ريوله وشاف اشاره المشاه خضرا ومشى لكنه انبطح على الارض قبل لا يوصل الجهه الثانيه( صلحوها ولو انها ما تستعمل..بنحتاجها في يوم)..... شو البديل عن السيارات؟؟؟؟ .... في نظري (لاحظو الثقافه) ...انهم لو يحطون اندر قراوند(القطار اللي تحت الارض) .. ويشغلون اتوبيسات مثل العالم والناس .. ويهتمون بالنقل العام احسن مليووون مره من سواقه الرياييل والحريم ؟؟؟؟؟؟



معاك 100%



الا في شي واحد......



انهم يمنعون السواقة للرجال......لاااااااااااااااااااع و الف لاااااااااااااااع :blackeye:



سيارتي لا غنى لي عنها....هي معشوقة القلب....اشم فيها ريحة زوجتي الي ما ادري من هي..

اصلا سيارتي اغلى من زوجتي اصلا >>>>>>>معصي :D



اصلا انا بكتب عليها....قلبي على الفطرة يضل يهواج عشقتج... :09:

و مشكور على الموضوع :)