اللي يبينا عيت الفنس تبغيه...سميجل في ورطه

[smigle]

السلام عليكم ورحمة الله وبركاته

علشان أكون صريح وياكم أصدقائي الأعزاء، أنا ترددت كتير كتير مره مره قبل ما أكتب لكم موضوعي هذا، ولكني بديت أحس أن الموضوع راح يستفحل فحسيت أني محتاج Your backup


:oNote:ترا الموضوع عباره عن سالفه طويله، بس علشان نرضي جميع الأفواه الجائعه،....لحظه خلوني أبحث في مصارين جعبتي....OK في صوره في نهاية الموضوع...

-----------------

السالفه شوي تضحك، وما أدري أشلون بقولها لكم، لكن اللي ما يبي يعور راسه يقدر يتوكل على راحته، واللي يبي يبسط، ترا الموضوع (تصويت فري) يعني مش محتاجين أعانة أياديكم البيضاء.

الله يسلمكم، مثل ما يقول عيظه المنهالي (اللي يبانا عيت الفس تباه)، والموضوع اليوم عن شخص ما أدري هل أسميه صديق أو زميل أو عدو سابق...المهم أني متوهق شوي معاه.

الله يسلمكم للمره الثانيه
كان في زميل دراسه، والله توهقت شسميه، هو مب زميل هو مجرد شخص تقدرون تسمونه class mate ، شائت الأقدار انه ينقط (يعني ينعق، يقع)معاي في نفس الصف في فترة الأبتدائيه، وأيضاً الثانويه، المهم أن علاقتي فيه كانت ولا شي، يعني ما كان صديق، بالعكس أنا كنت أشوفه more like an enemy،....لا والله حرام هو ما كان عدو لكنه كان أنسان حسود.

تعرفون نوعية الطلاب اللي يكرفون ويحكون ويدفرون ويدرسون وايد، وإذا أنت جبت درجة وحده أعلى منهم يموتون قهر (that's exactly him)، وهو اللي كان يذبحه انه يشوفني أنا وربعي ما ندرس وايد بس على كل دراسته نجيب نفس درجاته أو أحسن منه بشوي، لا واللي يذبحه اني كنت اجيب درجة وااايد أعلى منه في الأنجليزي:09: ، كان دايما يشك في نفسه ويحس أن الناس اللي حواليه يبون يكونون أحسن منه، ويا حبه للمصلحه، يعني ممكن يصير اعز صديق لك بس لأن عندك أسألة للمراجعه. المهم أنا ما كنت أكرهه أو اعزه، هو كان مجرد شخص درس معاي كم وسنه وبعدين باي باي لا أكثر.


المهم أنهينا الثانويه، أنا يبت 97.8% وهو على دراسته ودفارته ياب 81%، المهم أن الدولة عطتنا بعثة لأمريكا (مع بعض وفي نفس التخصص)، بس أنا ما حبيت التخصص وقعدت في بلادي ودرست هندسه، وهو راح درس التخصص اللي عطوه أياه.

خلال فترة الجامعة كنت اسمع اخباره من واحد من ربعي اللي يعرف واحد من ربعه (معادلة كيميا صارت)،المهم أنه كان يقول لي ان الريال سافر ونسى ربعه (اللي من المفروض انهم ربعه المقربين منه) وقام ما يكلمهم حتى لو رجع في الأجازات.

وبعد ما تخرجنا من الجامعه وأنا صرت مهندس قد الدنيا، وهو رجع من بعثته، بديت أسمع كلام من ربعي أن الأخ قاعد يسأل عني :11: ، لا والغريب أن السالفه ياتني من شخصين مختلفين من الشباب، كل واحد منهم قال لي : ترا شفت فلان وتراه تخرج وعلى طول قعد يسأل عنك وإذا تخرجت ووين أشتغلت و و و.
أنا تبون الصراحة أستغربت في البداية، بس بعدين قلت ياولد، هذا هو دايما مب مقتنع باللي يسويه ولازم يشوف الغير أيش عندهم.بس علشان يحسد.

نوصل للموضوع....الله يسلمكم أنا من كم شهر صادفت هالريال، وما تصدقون أشلون أستقبلني وتحفاني، ويسلم علي .....
هو ياني من بعيد وسوا هالشكل :jap024:
وأنا :jap020:


وبدا السلام...
هو: أمممممح :jap051: على خدي اليمين وأمممممح :jap051: على خدي اليسار.

أنا::ds022: الله يستر منك شتبي

هو: هلا سميجل كيف حالك، والله دايماً أسأل عنك الشباب، اشلون الدنيا معاك، ها أشتغلت؟؟؟
أنا::ds022: يعني يابلفيت ما تدري عني شي....


هو:ها شقلت؟؟؟
أنا::ds015: هااااه، لا ولا شي الحمد لله تخرجت وأشتغلت.

هو:أيه سمعت انك أشتغلت في المكان الفلاني، وفي القسم الفلاني، ومديرك فلان بن فلان.
أنا::ds004: ويع....مب توك تسأل وين أشتغل!!!

هو:هاه شقلت؟؟؟
أنا: :ds008: لا ولا شي، كنت أكح.

هو:يا ريال وينكم ما تسألون عنا ولا شي، حتى ارقام تليفوناتكم ما نعرفها، والله اني أعزك يا ريال.
أنا:من متى ياريال... ياريال بعد هذا حال الدنيا، مشاغل والله <<<<:ds013: لاحظو شلون يتهرب من اعطاء الرقم...


المهم ما أبي أطول عليكم، زبدة الكلام....أنا صرت أصادف هالريال وايد، في كل مكان (عرس، مجمع تجاري، كورنيش) يطب علي زي القدر المستعجل.
وفي كل مره يكلمي وشكله يكسر الخاطر، :jap031: ، ويحاول أنه يتقرب مني لكني أنا أنهي السوالف بسرعه، وحتى في ردودي أحاول اني اكون بارد، وكل ردودي قصيره مثل أمتحان أجب بنعم أو لا، والغريب انه يتكلم عني كأني صديق دراسته مع أنا كنا ولا شي،...

أحياناً أسرح وهو يكلمني ويطلع سميجل الأحمر على كتفي الأيسر :jap043: ويقول: يعني حظرتك تبي تقص على منو؟؟؟أحنا ما كنا ربع ولا هم يحزنون، الحين ياي تقول صديقي سميجل.

وبعدها يطلع سميجل الأبيض على كتفي الأيمن وأقول: حرام، يمكن الريال تغير ويمكن يكون أحسن، ليش ما أعطيه فرصة ثانيه؟؟؟

وعلى فكره ترا الوضع أستفحل، والريال قدر انه يحرجني وياخذ رقمي (بعذر انه بيعزمني على عرس أخوه)، وشكله بيتصل فيني قريب ويبي يطلع معاي...:jap010:

المهم أبي رايكم في السالفه...بس بكون ديكتاتوري، لأني ما أبي نصيحة اني أحاول اعطيه فرصه...لأني مب قادر أتخيل نفسي معاه...Yes the devilish part of me won this time
يعني أبي أقتراحات منكم بكيفية التصريف في هذا الموقف لأن بصراحة نفذت مني كل الأعذار.

واللي عنده تجربه سابقه وممكن يفيدنا بكون له من الشاكرين.

and here is where the subject ends.....
------------------------
أمووووووت على هالصورة
هذي صورة بنت أخوي، تحاول تبتسم عقب ما أنشدخت على ويهها وتشوهت عيونها

http://i5.photobucket.com/albums/y180/qa_spirit/wanda.jpg

ولكم مني جزيل الشكر والأعتذار على الأطاله.

[القــعـقـاع]

يعني ما خليت لنا اختيارات:tongue2:

المهم..استمر في التزليب و التصريف حتى يمل هو..اما اذا كان وجهه مغسول فما لك الا انك تكلمه بصراحة لانه في النهاية راح يطلب منك شي كبير و هذا اللي خلاه يرجع يدورك :wow:






هذا اللي تبيني اقوله :ds022:


و المسكينة ما تقدر تبتسم زين من عينها :jap004:

[smigle]

يعني ما خليت لنا اختيارات:tongue2:


You can say so


لانه في النهاية راح يطلب منك شي كبير و هذا اللي خلاه يرجع يدورك :wow:


تبي الصراحة أنا اللي حسيته ان الريال رجع من سفرته وأكتشف ان ربعه نسوه (لأنه نساهم) والحين حاس بالوحده. لأن حتى المكان اللي يشتغل فيه، سمعت ان البيئه والناس وايد ما ينتعاشرون.


و المسكينة ما تقدر تبتسم زين من عينها :jap004:

I loved the :jap004: part

[ثريول]

واضح أن الريال رجع من السفر وعلاقاته الاجتماعية راحت أو ضعفت. وايد من اللي يدرسون برع يصير لهم هالوضع وخاصة اللي يقطعون حتى إذا رجعوا في الإجازات.. أعرف كذا واحد سافروا وقطعوا, والحين ما أشوفهم أبداً ولا أسأل عنهم إذا رجعوا ولا أهتم بهم من الأصل, بعد كم سنة إذا رجع من السفر وكان نظامه مع الكل مثل نظامه معاي, بيصير أكيد مثل ها الريال. الحل (6) : لاتبدأ حديث معاه , ولا تبدأ أي شيء معاه, ولا تحرص على استمرار الكلام أو العلاقة, طالما أنك ما تدانيه لأسبابك.

وبعدين, تفووووو عليك.. ما شاء الله مب بسيط, طلعت من فطاحلة الثانوية. شكلي أمشي في نفس طريقك, نسبة عالية وجامعة "قهر:)" عن اقتناع ذاتي, ولو أن الناس كلهم يبطون أذني أني حرام أدرس هنيه ولا أحد يفهم الوضع ويفهم اللي أبيه واللي أفكر فيه :33: .

[ashraf_2003]

أحياناً أسرح وهو يكلمني ويطلع سميجل الأحمر على كتفي الأيسر :jap043: ويقول: يعني حظرتك تبي تقص على منو؟؟؟أحنا ما كنا ربع ولا هم يحزنون، الحين ياي تقول صديقي سميجل.
لول ذكرتني بحالي ......طول عمري عايش على هالحال



ما بقدر احكي ولا كلمة :jap002:

[NsaN]

لو كنت مكانه..كيف كنت تبى الناس يعاملونك؟

يلبسونك؟ و لا يعطونك فرصة لانك حاس انك تغيرت و ما عدت الانسان الاولي؟

ادري انك ما تبى تسمع هالكلام و لك اسبابك..

بس ما تدري..ممكن انت ما شفت جانب معين من هالانسان..و راح تشوفه اذا صادقته..
و من يدري..ممكن فعلاً يكون تغير و يصير انسان عزيز عليك..

Otherwise..

مافي احسن من الصراحة في هالمواضيع..
تعذر منه باسلوب لبق..و بينله انك ما تقدر تصادقه..

و ربنا يعينك يابني.. :196:

[Rory]

دايما أحاول إني أتعاطف ويا الناس وأحط مكاني بمكانهم ..
بس ... بس .. مرات أقول .. pff it's my life anyways, *i* decide who's in and who's out
بس بعد يعني .. مادري .. أحس إني مستحيل أسويييها وأقول لوحده في وييها ..
أوه آسفه يعني بس ما أبغيج تكلميني ولا تعتبريني ربيعتج x.x ..
i'd live throughout my life feeling guilty as ever ..
شوف انت اسأل عنه .. شوف على شو ناوي x.x
أدري إنك خلاص ما تبغي تحاول معاه .. بس دور شي يساعدك .. يعني علشان ما تحس انك غلطت
وبعدها توكل وقوله الصراحة .. أو على الأقل ييبها بطريقة أقل وطئه .. :02:
مادري ليش أحس في ها المواقف إنك تدور لك مبرر وتقوله أحسن من إنك تقوله الصراحه :(
تبغي تحس إنه في فعلا حد ما يبغي يكون ربيعك ويقولها في ويهك؟ :afraid:
me? no .. i'd rather have them lie to me about that ^^'

[smigle]

مشكورين على نصايحكم شباب...

نبتدي بمستر سحاب...








الحل (6) : لاتبدأ حديث معاه , ولا تبدأ أي شيء معاه, ولا تحرص على استمرار الكلام أو العلاقة, طالما أنك ما تدانيه لأسبابك.




Man what an alttitude

تبي الصراحة أنا مب (مادانيه) أنا احس اني اشفق عليه أكثر، هو أنا اللي سمعته انه يوم سافر رافج له شلة شباب خليجيين ونسا الدنيا، ودخل في مود الـAmerican boy وبس. بعدها رجع وما ترقع.
ترى لو تشوفه شلون يتكلم، تحسه مريض نفسي...يا الله أنا شنو اللي باليني...:31:










وبعدين, تفووووو عليك..


Ouch.........:jap022:

لحظه لحظه...شخلني أشيك...........اوووووف آسف خطأ مطبعي ...ترا نسبتي هي 79.8، ولا أنا ويني ووين الـ90s
ممكن تسحب تفلتك لو سمحت...



لول ذكرتني بحالي ......طول عمري عايش على هالحال





لا حبيبي....لازم تغير هالشي بحالك يازلمه، لازم تكشر عن أنيابك ولا راح ياكلونك طلاب بعثة أمريكا.

آسف لازم أروح الحين...عرس رفيجي اليوم...دعواتكم لنا بالزوجة الصالحة.

[ashraf_2003]

واضح انك مستعجل عشان هيك ما فهمت قصدي:p

[Yamato]

شفت ناس من النوع اللي ما يدانيه احد حوله ويرمسون من وراه

مثل ما انت قلت انا اشفق عليه.. المشكلة لو ما كنت بروحك في هالوضع.. يعني لو كنت اثنين وانت تميت ترمس ويا ربيعك عن انه هالفلان ما يعجبك راح بتعديه بشعورك هذا ولاي شخص اخر.. (صدقني عدوى خطيرة.. انا ما صرت اداني واحد من ربعي لانه باقي الشباب ما استساغوا بعض تصرفاته)
بس ما قطعت علاقتي معاه بل تميت معاه عالاقل كاصحاب يلتقون من وقت لوقت (بالصدفة) (&)

المهم..
اذا انا شفت شخص ما ادانيه احاول ابتعد عنه وعن دربه.. او اي شخص ما ابي اشوفه..

كحل للافلات منه مثل ما تريد..
عطه في الويه.. يا انك تعطيه اياه بشكل عنيف او بشكل ودي.. وما اظني بينفع الشكل الودي..

انصحك بالعنف (&)

[Angel whisper]

تصدق .. اليوم محصلتلي حش على الاصول لاني خذت درجات كاملة في امتحانات الانقلش والجافاسكربت .. والناس "الدحيحين" زفتو ..
anyway
عن هذا ..
عامله casually
يعني لا تعطيه فرصة بانه يحس انك مشفق عليه او اي شي .. ولا بيتلزق فيك اكثر
يعني خل علاقتكم مال السلام عليكم وعليكم السلام واشحالك .. لا اكثر ولا اقل ..

مادري هذا رايي .. ما عندي خبرة بسوالف الصداقات انا ._.

[ashraf_2003]

ياموتو: عنف (&) انه عنف هذا انت مش عارف انه العنف شئ مؤذي لا سميجل لا تستعمل العنف الا اذا استعمله حد تاني غيرك وانت ياموتو اذا بسمعك عملت عنف هنا ولا هنا بدي اخلص عليك >>>>>ماله هذا:31:

[Kou Leifoh]

it's easy .. no big deal,as that guy said; just tell him I don't like the way you are ..you make me sick as hell, get outta my way and it will be the end of the story :|

[smigle]

لو كنت مكانه..كيف كنت تبى الناس يعاملونك؟



الله لا يقول أن شاء الله، فالك في الخلا.......وبعدين ترا "لو" تفتح عمل الـ:jap043:


يلبسونك؟ و لا يعطونك فرصة لانك حاس انك تغيرت و ما عدت الانسان الاولي؟



أكيد بتمنى أني أنعطي فرصة ثانيه، ....بس يا أخي عنده ربعه اللي كانوا قراب منه أو بالأحرى (اللي كانوا يستحملونه)، يرجع لهم ويطلب فرصة ثانية، أما أنا ما كان له معاي "فرصة أولى"، لأني كنت Nothing ، فليش أعطية فرصة ثانية....


مافي احسن من الصراحة في هالمواضيع..
تعذر منه باسلوب لبق..و بينله انك ما تقدر تصادقه..

و ربنا يعينك يابني.. :196:

شكلي بصارحة...بس شوي بأسلوب مهذب...الله يستر من وين باييبه...؟؟؟
والله يعين الجميع...مشكور على your support Mr. Human

[HIROSHI_11]

ماعندي خبرة بهالمواضيع

وما بزيد شئ عن اللي قالوه

واجهه وقوله الصراحة

وما اعتقد انك بتحس بتأنيب الضمير

لأنك ما سويت شئ غلط

هذا رأيي

[smigle]

بس بعد يعني .. مادري .. أحس إني مستحيل أسويييها وأقول لوحده في وييها ..
أوه آسفه يعني بس ما أبغيج تكلميني ولا تعتبريني ربيعتج x.x ..
i'd live throughout my life feeling guilty as ever ..




أنا بالضبط مثلج، وهذا اللي قاهرني، مب متخيل نفسي أقول له هالكلام، بس أحيانا أقول(هو من أصلاً علشان أعذب نفسي معاه، لا رفجه ولا عشره ولا شي).

شكلي بأكتفي بأعذار سخيفة تحسسه بالسالفه وبس.




تبغي تحس إنه في فعلا حد ما يبغي يكون ربيعك ويقولها في ويهك؟ :afraid:
me? no .. i'd rather have them lie to me about that ^^'


not if I am a total maniac

[BOOOB_2002]

it's easy .. no big deal,as that guy said; just tell him I don't like the way you are ..you make me sick as hell, get outta my way and it will be the end of the story :|

هههه الله يقطع ابليسك :p



احم احم

اخوي سميجل اذا كنت ما تداني هالشخص فقط لتصرفاته ايام الدراسة ولا يوجد سبب ثاني فالأفضل انك تعطيه فرصة

يعني احيانا ايام الدراسة الإنسان يتصرف تصرفات لمن يكبر يتذكرها بيحس نفسه فعلا كان غبي او عقله صغير ويمكن هو بعد ما رجع تغير تفكيره وتغيرت نظرته والملاحظ انه اختارك انت يمكن لك معزة عنده عشان كذه ما سأل غير عنك


اما اذا كنت ما تدانيه لأمور اضافية ومشاكل اخرى بينكم مثلا يكون بخيل حيل او ثرثار لدرجة مملة او انه لسه يمتلك صفة الحسد فزي ما قالوا البعض يمدحون التصريف يعني تتحجج باي حجة عشان لا تطلع معه وهو بعد كذا مرة بيفهمها لحاله بدون ما تقولها بوجهه وتطلع انت الغلطان ..


سلامي..على فكرة الصورة كيوت ودي افغص الخدود :blackeye:

تحرير..

بالله ممكن تترجم لي العنوان :o

[smigle]

يماتو........تخيل انسان ياك في لقائكم الياي وقال انه نوت أنترستد......واللي يعافيك قول لنا أيش شعورك علشان نعرف ما هو حجم الأمباكت والتوتال لوسس.:D





والله فكره





guess I'll bribe him right now to do so, and we'll call it "the yamato destruction deal"




. المشكلة لو ما كنت بروحك في هالوضع.. يعني لو كنت اثنين وانت تميت ترمس ويا ربيعك عن انه هالفلان ما يعجبك راح بتعديه بشعورك هذا ولاي شخص اخر.. (صدقني عدوى خطيرة.. انا ما صرت اداني واحد من ربعي لانه باقي الشباب ما استساغوا بعض تصرفاته)





we'll it already happened, one of my friends was there in one occasion his face was like:ds014: , but any way, I explained the situation



any way, I got your point,I'll "try" to keep my mouth shut next time.




عطه في الويه.. يا انك تعطيه اياه بشكل عنيف او بشكل ودي.. وما اظني بينفع الشكل الودي..



انصحك بالعنف (&)



لا واللي يعافيك، الريال شكله شايل هموم الدنيا فوق راسه...بحاول أستهبل بأعذار سخيفه، وخله هو عاد فهم أو ما فهم مب مشكلتي.




تصدق .. اليوم محصلتلي حش على الاصول لاني خذت درجات كاملة في امتحانات الانقلش والجافاسكربت .. والناس "الدحيحين" زفتو ..





أمووووووووووت في الشماته على الدحيحين.

they should know it one day, that afterall, life is more than books

with all my respect to RORY


عامله casually

يعني لا تعطيه فرصة بانه يحس انك مشفق عليه او اي شي .. ولا بيتلزق فيك اكثر





بالضبط، تصدقين أحياناً أحسه more like a drama queen هذولا الناس اللي يحبون يكونون محط أنظار الكل والشفقه هي نظرتهم المفضله.:ds002:




يعني خل علاقتكم مال السلام عليكم وعليكم السلام واشحالك .. لا اكثر ولا اقل ..





يا بنت الحلال أقولج أنا أشوف علاقتنا سلام على الماشي وبس، لكن هو اللي داخل عرظ في السالفه يبي يصيرلي فيها my buddy


مادري هذا رايي .. ما عندي خبرة بسوالف الصداقات انا ._.



أنتي بس غيري الآيلاينر وأبتسمي شوي، وشوفي رسايل الأعجاب اللي بتييج من التوم بوي يونيفيرستي جيرلز.






it's easy .. no big deal,as that guy said; just tell him I don't like the way you are ..you make me sick as hell, get outta my way and it will be the end of the story :|



you are making it sound like easy, but after all, people do have feelings you know.



هيروشي...





أنا أدري أني ماسويت شي غلط...بس، تعرفين ذاك الشي اللي أحنا مبتليين فيه اللي يسمونه "ضمير". شكلي بسويله Shift+Delete وبعدين بقدر أرتاح وأنام من غير مشاكل.

[Classic Evil]

السلام عليكم ورحمة الله وبركاته

صارت لي تقريبا نفس هالسالفة , إلا ان سالفتي في بعض الاشيا مخالفة , لأن الريال اللي اعرفه كان مقرب مني أكثر من ربيعك المذكور منك , المهم لما تخرجنا يبنا نفس النسبة تقريبا ,شوف (هذول هم الربع مب انت قطعت الريال 97 :09: ) الحبيب درس معانا في الجامعة ولكن بعدين ماعجبه الوضع , طلع سجل في المشروع - مشروع زايد- وانقطعت اخباره ...

وبعدين سمعت عنه أن تغير 180 درجة , أنه ماصار على ربعه يسأل , فمابقى حد منهم يتحمل , انا طفرت يقولون غير رقمه , حشى صار هامور وانا فقمه :09: ماصدقت إلا لأن واحد قالي انه بنفسه قابله ..وسلم عليه فكان يرد كانه واحد مايعرفه , كأن لم تكن بينهم مودة !!!!!!!!!!!!!

المهم .. من محاسن الصدف شفته يمشي مرة عند بقاله , قلت بطب الكلام اللي ياني عنه وإن توالا .. بوقف و بسلم عليه و بشوف.. هل مازلت عنده مألوف!

سلمت عليه رد السلام , وتبا الصدق طول بالكلام , وأظهر من الصداقة , ما هو فوق الطاقة , الخلاصة انه استانسنا من بعض , فلا تسمع كلام اللي في قلبه مرض , واطوِ صفحة الماضي , وخلك باللي صار راضي , وافتح صفحة يديدة , خصوصا صاحبك هذا ياي من مسافة بعيدة , إلا إذا تبين لك فعلا انه ماتغير , فهذيك الساعة انت مخير , اما ان تتركه وتسوي له (طاف) , أو تصارحه باللي عندك لكن بدون إسفاف , وإذا شفت منه هفوة , انصحه بخلوة , فالصديق الصادق , اللي يفرج المضائق ...الخ

و يا حديث صحيح عن الرسول صلى الله عليه وسلم : إنه الشيطان يسـأل رعاياه , كل واحد شو سويت انت ؟ وشو سويت انت ! واحد يقول : انا ما خليت العبد يصلي , يقوله : ما سويت شي (وايد عليك ) وغيره يقول : خليته يقترف معاصي هم يقوله (مالت عليك) وغيره يقول : انا فرقت بين اثنين , يقوله : انت انت !! ويلبسه تاج <==(يرفع رتبته و يعلق له خيط)


فلا ينزغ الشيطان بينكم , و الله يوفقكم .

[7_Dark Soul]

في ذي المواقف.....تعال اسئلني...انا و ربعي...احنا 3 اصحاب....

مشهوريييييين جدا بصداقتنا.....و الكل وده يصير واحد منا ...... ويما عانينا من ذي المشاكل (قلو ماشاء الله)

حتى صارت عندنا خبرة وسياسة في هذا المجال....

طبعا اذا كانت عندك قوة وجه...لازم تقوله وتشرح له بطريقة راح تضع حد لعلاقتكم و في نفس الوقت راح تتحس

مثل.....

طبعا احنا مقسمن الاصدقاء الى قسمين.....

اصدقاء.....و......ربع

الاصدقاء الي يكون بينك و بينهم علاقة بالحدود.....

الربع...الي يكونون مثل اخوانك......يعني الروح بالروح....

لازم تفهمه مقامه عندك...هل هو يعتبر من اصدقائك ام من ربعك.....

و تفهمه....اصارحك...افضل من من اضل طول عمري اصرفك واجرحك....و اخليك تحس اني مو مهتم فيك.....

و طبعا لازم تقوله...انا مو قصدي اقطع علاقتي معاك......لاكن ابيك تكون صديقي ...يعني علاقتي معاك بحدود......

او يمكن يكون معاك اسلوب ثاني يناسب شخصيته اكثر.....

المهم تبين له موقعه عندك....و تفهمه ان هذا احسن له علشان ما ينصدم يوم فيك....


و الله يساعدك في محنتك....

تحاتي الدارك سولية

[SFS]

صحيح ان الريال غلط بحقك وانه انسان حاقد وغيره..
وكل انسان يخطىء بحياته..ولا تنسى انها كانت مرحلة مراهقة..
وانت لازم تعطيه فرصة ومجال..
وتشوف نيته صافية والا خبيثة..
لانه يمكن اهو حس بغلطته واهو حاب يتقرب منك بس مو عارف يعتذر..
في النهاية حاول تتاكد ..
والله يهدي الجميع..
وشكرا..

[Darkness withiN]

إنني أشعر بمعاناتك عملياً ياسميقلو ساما وباشا :sad2:
الحال من بعضه...ولكني أتفق مع البقية بإعطاءه فرصه ثانيه لعله يكون شخص يستحق صداقتك

--

وضعي يتشابه في وضعك من ناحية وحده..فيه شخص يومياً ناط علي بفصلي بكل فسحه ومو مخليني آخذ راحتي سواء مع ربعي او مع نفسي..لإني بالعاده أجلس مع ربعي أو أجلس لوحدي أفكر وكذا

فهذا ينط علي..وماأقدر أحرجه..غصب لاصق فيني
كاسر بخاطري فمعطيه وجه,لكن الأرواح جنود مجنده..وماأحب أحد يفرض نفسه علي أو يقيد حريتي كذا:)

دايم مبتلش..أعطي ناس مجال وهم ماينعطون مجال..وأتوهق فيهم :blackeye:

[Electro M]

حي الله سميجلوه
من زمان عنك
و الله لكم وحشة شباب

شوف بخصوص موضوعك مع الرجال
اذا انت متأكد بنفسك انه منتهي اخلاقيا - حسب ما فهمت من سالفة سلوكه بعد ما رجع من الدراسة -
فهذا ما يستحق انك تصبر عليه اصلا
غير كذا حاول تصبر و تشوف اخرتها

يعني انا تقريبا مريت بموقف مثلك
واحد تعرفت عليه عن طريق واحد من شلتي
ثم نشب في حلقي
في البداية مشيت معاه بدون مشاكل مع اني سمعت عنه سوالف ما لها داعي
لكن لاني اتبع مقولة لا تصدق كل ما تسمع فحبيت اتأكد بنفسي
و فعلا اول ما تأكدت سحبت عليه السيفون مباشرة
و قلتها في وجهه انا ما احب اماشي امثالك
اذا تعدلت امورك و صرت رجال ما في مشكلة
لكن اذا بتستمر على هالحال فانا افضل اني اريح نفسي من سوالفك التعبانة

وفعلا بعدها لا حس و لا خبر
لان مثل هالناس اصلا عارفة قدرها

[The Fridge]

لأني مب قادر أتخيل نفسي معاه...



انصحك تطلب الطلاق :laughing:

On a more serious note

بنظري ان الصراحه واجبه في جميع المواقف، كنت بقولك اعطيلو اياها "كاش".. : إسمع يابو الشباب، بصراحه انت من زمان ما تنزلي من زور.. ضف وجهك لأديك سوبلكس ماتقوم منها يا مال الوجع..