السلام عليكم ورحمة الله وبركاته
علشان أكون صريح وياكم أصدقائي الأعزاء، أنا ترددت كتير كتير مره مره قبل ما أكتب لكم موضوعي هذا، ولكني بديت أحس أن الموضوع راح يستفحل فحسيت أني محتاج Your backup
Note:ترا الموضوع عباره عن سالفه طويله، بس علشان نرضي جميع الأفواه الجائعه،....لحظه خلوني أبحث في مصارين جعبتي....OK في صوره في نهاية الموضوع...
-----------------
السالفه شوي تضحك، وما أدري أشلون بقولها لكم، لكن اللي ما يبي يعور راسه يقدر يتوكل على راحته، واللي يبي يبسط، ترا الموضوع (تصويت فري) يعني مش محتاجين أعانة أياديكم البيضاء.
الله يسلمكم، مثل ما يقول عيظه المنهالي (اللي يبانا عيت الفس تباه)، والموضوع اليوم عن شخص ما أدري هل أسميه صديق أو زميل أو عدو سابق...المهم أني متوهق شوي معاه.
الله يسلمكم للمره الثانيه
كان في زميل دراسه، والله توهقت شسميه، هو مب زميل هو مجرد شخص تقدرون تسمونه class mate ، شائت الأقدار انه ينقط (يعني ينعق، يقع)معاي في نفس الصف في فترة الأبتدائيه، وأيضاً الثانويه، المهم أن علاقتي فيه كانت ولا شي، يعني ما كان صديق، بالعكس أنا كنت أشوفه more like an enemy،....لا والله حرام هو ما كان عدو لكنه كان أنسان حسود.
تعرفون نوعية الطلاب اللي يكرفون ويحكون ويدفرون ويدرسون وايد، وإذا أنت جبت درجة وحده أعلى منهم يموتون قهر (that's exactly him)، وهو اللي كان يذبحه انه يشوفني أنا وربعي ما ندرس وايد بس على كل دراسته نجيب نفس درجاته أو أحسن منه بشوي، لا واللي يذبحه اني كنت اجيب درجة وااايد أعلى منه في الأنجليزي، كان دايما يشك في نفسه ويحس أن الناس اللي حواليه يبون يكونون أحسن منه، ويا حبه للمصلحه، يعني ممكن يصير اعز صديق لك بس لأن عندك أسألة للمراجعه. المهم أنا ما كنت أكرهه أو اعزه، هو كان مجرد شخص درس معاي كم وسنه وبعدين باي باي لا أكثر.
المهم أنهينا الثانويه، أنا يبت 97.8% وهو على دراسته ودفارته ياب 81%، المهم أن الدولة عطتنا بعثة لأمريكا (مع بعض وفي نفس التخصص)، بس أنا ما حبيت التخصص وقعدت في بلادي ودرست هندسه، وهو راح درس التخصص اللي عطوه أياه.
خلال فترة الجامعة كنت اسمع اخباره من واحد من ربعي اللي يعرف واحد من ربعه (معادلة كيميا صارت)،المهم أنه كان يقول لي ان الريال سافر ونسى ربعه (اللي من المفروض انهم ربعه المقربين منه) وقام ما يكلمهم حتى لو رجع في الأجازات.
وبعد ما تخرجنا من الجامعه وأنا صرت مهندس قد الدنيا، وهو رجع من بعثته، بديت أسمع كلام من ربعي أن الأخ قاعد يسأل عني، لا والغريب أن السالفه ياتني من شخصين مختلفين من الشباب، كل واحد منهم قال لي : ترا شفت فلان وتراه تخرج وعلى طول قعد يسأل عنك وإذا تخرجت ووين أشتغلت و و و.
أنا تبون الصراحة أستغربت في البداية، بس بعدين قلت ياولد، هذا هو دايما مب مقتنع باللي يسويه ولازم يشوف الغير أيش عندهم.بس علشان يحسد.
نوصل للموضوع....الله يسلمكم أنا من كم شهر صادفت هالريال، وما تصدقون أشلون أستقبلني وتحفاني، ويسلم علي .....
هو ياني من بعيد وسوا هالشكل
وأنا
وبدا السلام...
هو: أمممممحعلى خدي اليمين وأمممممح
أنا:الله يستر منك شتبي
هو: هلا سميجل كيف حالك، والله دايماً أسأل عنك الشباب، اشلون الدنيا معاك، ها أشتغلت؟؟؟
أنا:
هو:ها شقلت؟؟؟
أنا:هااااه، لا ولا شي الحمد لله تخرجت وأشتغلت.
هو:أيه سمعت انك أشتغلت في المكان الفلاني، وفي القسم الفلاني، ومديرك فلان بن فلان.
أنا:ويع....مب توك تسأل وين أشتغل!!!
هو:هاه شقلت؟؟؟
أنا:لا ولا شي، كنت أكح.
هو:يا ريال وينكم ما تسألون عنا ولا شي، حتى ارقام تليفوناتكم ما نعرفها، والله اني أعزك يا ريال.
أنا:من متى ياريال... ياريال بعد هذا حال الدنيا، مشاغل والله <<<<لاحظو شلون يتهرب من اعطاء الرقم...
المهم ما أبي أطول عليكم، زبدة الكلام....أنا صرت أصادف هالريال وايد، في كل مكان (عرس، مجمع تجاري، كورنيش) يطب علي زي القدر المستعجل.
وفي كل مره يكلمي وشكله يكسر الخاطر،، ويحاول أنه يتقرب مني لكني أنا أنهي السوالف بسرعه، وحتى في ردودي أحاول اني اكون بارد، وكل ردودي قصيره مثل أمتحان أجب بنعم أو لا، والغريب انه يتكلم عني كأني صديق دراسته مع أنا كنا ولا شي،...
أحياناً أسرح وهو يكلمني ويطلع سميجل الأحمر على كتفي الأيسرويقول: يعني حظرتك تبي تقص على منو؟؟؟أحنا ما كنا ربع ولا هم يحزنون، الحين ياي تقول صديقي سميجل.
وبعدها يطلع سميجل الأبيض على كتفي الأيمن وأقول: حرام، يمكن الريال تغير ويمكن يكون أحسن، ليش ما أعطيه فرصة ثانيه؟؟؟
وعلى فكره ترا الوضع أستفحل، والريال قدر انه يحرجني وياخذ رقمي (بعذر انه بيعزمني على عرس أخوه)، وشكله بيتصل فيني قريب ويبي يطلع معاي...
المهم أبي رايكم في السالفه...بس بكون ديكتاتوري، لأني ما أبي نصيحة اني أحاول اعطيه فرصه...لأني مب قادر أتخيل نفسي معاه...Yes the devilish part of me won this time
يعني أبي أقتراحات منكم بكيفية التصريف في هذا الموقف لأن بصراحة نفذت مني كل الأعذار.
واللي عنده تجربه سابقه وممكن يفيدنا بكون له من الشاكرين.
and here is where the subject ends.....
------------------------
أمووووووت على هالصورة
هذي صورة بنت أخوي، تحاول تبتسم عقب ما أنشدخت على ويهها وتشوهت عيونها
ولكم مني جزيل الشكر والأعتذار على الأطاله.
المشاركة الأصلية كتبت بواسطة القــعـقـاع
" عن اقتناع ذاتي, ولو أن الناس كلهم يبطون أذني أني حرام أدرس هنيه ولا أحد يفهم الوضع ويفهم اللي أبيه واللي أفكر فيه 
. 
