اريد ان اشتري هديه لأخي الصغير

[باريس]

اخوي في ثاني ثانوي .. وابغى اشتري له هديه .. جهاز العاب
وانا ماعندي خبره في هذي الامور ولا اعرفها
واشوف عدد الموجودين في هذا القسم 128

اخر جهاز اخوي اشتراه هو بلاي ستشين 2
وانا ابغى له جهاز نفس الطريقه وحلو ومبهر ويعني حق كبار مو اطفال

وكذلك وشو الالعاب اللي ترشحونها لي عشان هذا الجهاز

وياليت تعلموني كم سعره
ومشكورين

[rushin_911]

XBOX 360 :D

بس غالي أظن الحين بالسعودية لو تصبرين شوي إلين ما يرخص سعره :)

أو إذا تقدرين تصبرين إلين ربيع 2006 بينزل البلاي ستايشن 3 ( أو كذا يقال ;) ) بس أكيد أول ما ينزل بيكون سعره بعد غالي بالسعودية

[IRON]

Nintendo DS

http://www.montada2.com/forumdisplay.php?f=49

[Electro M]

ما ودك تتبنين اخو جديد :09:؟


عشان ما تنط علي اينجل
بالنسبة لجهاز العاب بمثل جودة البلايستيشن 2 في XBOX المتوفر حاليا باسعار مناسبة لكن الشركة اللي صنعت هالجهاز اصدرت قبل شهر جهاز جديد و صارت تركز اهتمامها عليه
و الخيار الثاني هو اجهزة العاب محمولة مثل ننتندو DS او PSP الي هو بلايستيشن محمول عليه العاب قريبة من العاب البلايستيشن 2

[Angel whisper]

ممم تقدرين تنتظرين الين ما البلاي ستيشن 3 تنزل ..

او اشتريله واحد من الاجهزة المحمولة اذا ما كان عنده ؟..

PSP من سوني ..

or DS from Nintendo ..

[7_Dark Soul]

انصحك بالـxbox 360 بس شوي غالي.....

او تتنظرين الى ان ينزل الـPS3

اذا كان يحب الاجهزة المحمولة....

الـDS...

اذا كان يبي المتعة الكبيرة في اللعب...(شاشة بالمس...مايكرفون...العاب رائعة و ممتعة جدا....الخ)

او

الـPSP

اذا كان يبي جهاز متعدد الاستخدام...و شبابي جدا..(العاب حلوة و رسم جبار....امكانية تشغيل الافلام عليه...تنزيل اصوات على الجهاز..الخ)

[Dr_X]

ما ودك تتبنين اخو جديد :09:؟

هههههههههههههههههههههههه :D :D :D و أنا كمان ...... خذي E-Mad و احصلي على Dr_X (http://www.montada.com/member.php?u=56420) مجاناً :D

اختي العزيزة ... إذا كان يفضل جهاز منزلي ... فالجهاز الجديد المتوفر حالياً هو الاكس بوكس 360 .... من شركة مايكروسوفت... أو تنتظري جهاز جديد البلاي ستيشن3 من شركة سوني الذي سيصدر بعد عدة أشهر سواء قلت أو كثرت الذي يتميز بمعالج خارق.

أما إذا كان يفضل الأجهزة المحمولة ... فيتوفر الـ ننتندو دي اس من شركة ننتندو... يتميز بشاشتين واحدة منهم باللمس. و العاب ضريفة و مسلية.

أو الـ بي اس بي و هو البلي ستيشن المحمول من شركة سوني و يميزه أن ألعابه على أقراص صغيرة و رسوم و قوة العابه تقارب رسوم و قوة العاب البلاي ستيشن 2 و هذا شيء جبار بالنسبة لجهاز العاب محمول .... هذا غير أن العابه من صنف العاب البلي ستيشن 2 أي أنها غالباً للكبار.

نسيت أن أذكرك أن هذه الأجهزة كلها لا تتوفر لها ألعاب كوبي على عكس البلاي ستيشن 2 ... أي أن ألعابها أصلية وغالية. ما عدا الـ بي اس بي الذي يتوفر له العاب كوبي يتم تنزيها من الإنترنت ( لا بد من سرعة اتصال عالية ) و من ثم و ضعها على كرت الميموري و تشغيلها ببرنامج معين .. أي أن الطريقة متعبة و معقدة نسبياً. أما الدي اس فلا ادري إذا كان يتوفر له كوبي من الإنترنت أو لا ... أتمنى أن يفيدوكي أصحاب الدي اس في هذه النقطة.

و أخيراً يا أختي العزيزة ... إذا كانت هديتكي له ليست مفاجئة .... فالأفضل أن تخيريه ليختار ما يعجبه.:).

[باريس]

صراحه لخبطتوني .. :afraid:
اول شي ابرد على هاللي يبوني اتبناهم خخخخخخخخخخ قالو لكم بعطيه هديه بمليون ولا ميه الف ؟؟
كلها الفين او اربعه ميزانيتي عشانه

وبعدين هو اخوي الوحيد من حقي اني ادللـه :09:


اللي تقولون جهاز من مايكروسفت .. الظاهر اسمه اكس بوكس 360
. ماعلمتوني بكم قيمته ..
بعدين انا قريت بالجرايد انه فاشل و الاقبال عليه جد منخفض ..

تبون توهقوني بقرقعانه خخخخخخخ


اول مره ادري انه فيه جهاز العاب محمول :biggthump هذا شكله بجيبه لي خخخخخخخ
امزح .. بس تقولون اشرطه اصليه .. يعني كم بيوصل سعرها .. مابي بعدين اتوهق اصير انا اللي اجيب له الاشرطه :02:


ونينتدو وشو الحين ؟ مثل البلاي ستيشن ؟
طيب وش يفرق جهاز عن جهاز ؟


وبالنسبه لهذي الاجهزه من وين اجيبهم في الرياض
لاني ماعرف شييييييييي


ومشكوووورين

[باريس]

ايه على فكره ابغى الهديه مفاجاءه له
عشان ينقز ويحب راسي ويقول My big sis

{{---- امنيتها يعترفون بها انها اختهم الكبيره

[Electro M]

صراحه لخبطتوني .. :afraid:
اول شي ابرد على هاللي يبوني اتبناهم خخخخخخخخخخ قالو لكم بعطيه هديه بمليون ولا ميه الف ؟؟
كلها الفين او اربعه ميزانيتي عشانه

وبعدين هو اخوي الوحيد من حقي اني ادللـه :09:


تحسين ناس ما شافوا خير :09:

الله يخليكم لبعض

المهم بخصوص الاكس بوكس الجديد سعرها مرتفع بقوة و يتعدى ال4000 ريال على ما سمعت يعني شيليه من بالك
اما الالعاب المحمولة فمثل ما ذكروا الشباب العابها اصلية يعني ما تنزل عن 150 ريال حسب علمي
لكن اذا كان عندك اتصال سريع تقدرين تشترين جهاز PSP الي يعرض تقريبا نفس رسوم PS2 و يقدر عاد ينزل الالعاب عن طريق الانترنت
اما جهاز DS حق الننتندو فرسومه اقل جودة بشوي و العابه كلها اصلية

هالفترة ما فيه اجهزة تستاهل لذا اذا انت مستغنية مرة عن فلوسك حوليها لي و اكسبي فيني اجر احسن من انك تشترين هدية تبلشين فيها بعدين :biggthump

[][-][Mr.ZeNoN][-][]

أنصحك تشترين DS..

لانه سعره رخيص بـ650 ريال مع لعبة ((وهذا لما سألت عليه قبل كم شهر أجل كيف الحين؟؟))

وبإمكانك شراء عدة ألعاب الوحدة تقريبا بـ110 ريال..يعني فوق الجهاز أكثر من 10 ألعاب..بعكس الـPSP العبة بـ200 ريال

وصدقيني بيستمتع كثير..خاصة ألعاب المغامرات والـRPG ..والزبدة تختارين الألعاب إللي يبيها..

وخيار آخر..تشترين لابتوب أو كمبيوتر مكتبي..

والقرار بيدك..

[rushin_911]

فكرة أخرى إذا أخوك راعي موسيقى ليه ما تجيبين له أورج؟
هديّة رايقة و حلوة و سهل العزف عليها أي واحد يقدر يدقدق له كم دقّة :D

[Arnegrim]

تقدرين تشتريلة جهاز Nintendo DS
سعرة رخيص ( 500 درهم )
شي فيه وايد ألعاب جميلة مسلية و فيه شاشتين وحدة بالمس ^^

اوPSP و هو من سوني
أغلى من DS حيث ان اخر مرة شفتة كانت في جيتكس و كان سعرة 1000 درهم :)
رسومة اقوى من الدي أس و يقدر يشغل عليه أفلام و ما اقد اقول اكثر من هذا لأني ما اشتريت الجهاز إلين أحين :D

او Xbox 360 مع ان شي وايد ناس يشتكون منه و سعرة غالي ( سمعت انه 4800 درهم >< )
مع ان سعرة برع وايد رخيص :31: ( 350 $ )

[Classic Evil]

اشتري له لابتوب إذا همتج عالية :jester: ...



ولا اشتري له PSP ..


واذا ما تقدرين عليهما , جيـبـي له سيارة ريموت كنترول :D

[باريس]

:D

صدق انكم فله ..

المفروض اتوقع هذا مدامي داخله على منتدى الالعاب

وانا اكتب الموضوع .. وانا اقول عسى القى واحد بسسسس يرد علي ..
وماشاء الله عليكم ماقصرتو .. على ان بعضكم يبيله طراق خخخخخخخخخخخ
امزح
الحين يقولون هذا وحنا رادين عليها تقول طراق .. اجل لو ماردينا وش تقول لنا !!
:196:


الحين اللي فهمته منكم انكم ترشحون لي PSP
بس اللي ماعرفته وش دخل الاتصال السريع فيه .. عشان احمل العاب يعني ؟
اذا هذي هينه
بس اذا قصدكم ان الواحد مايلعب الا باتصال .. هذي خخخخخخخخ
طيب لما اروح اشتريه وش اقول " عطني بي اس بي .. حق الالعاب "




هالفترة ما فيه اجهزة تستاهل لذا اذا انت مستغنية مرة عن فلوسك حوليها لي و اكسبي فيني اجر احسن من انك تشترين هدية تبلشين فيها بعدين

هالحين يوم جيت ابشتري تقول مافيه شي يسوى :mad22:



اشتري له لابتوب إذا همتج عالية
في البيت جهاز مكتبي "دسك توب " واحد
و 2 محمول " لاب توب "
وما اشوف لعبنا بهم شي !!!


واذا ما تقدرين عليهما , جيـبـي له سيارة ريموت كنترول
بثاني ثانوي اشتري له سياره بريموت !!
تبيه يصكني بالسياره وريموته :blackeye:



XBOX 360


تشترين جهاز PSP الي يعرض تقريبا نفس رسوم PS2


أنصحك تشترين DS..


تقدرين تشتريلة جهاز Nintendo DS

الحين اعتبروني غبيه :31:
هذي اللي تقولونها كلها تشتغل على مممم ماعرف اسمائهم .. هذي اللي مثل يد البلاي ستيشن
واللي مثل قير السياره ؟؟!!

[Dr_X]

بس اللي ماعرفته وش دخل الاتصال السريع فيه .. عشان احمل العاب يعني ؟
اذا هذي هينه
بس اذا قصدكم ان الواحد مايلعب الا باتصال .. هذي خخخخخخخخ


لأن الألعاب أصليه و غاليه ... تقدرين تنزلين ألعاب كوبي من الإنترنت مجاناً ... و لأن الألعاب حجمها كبير يعني حجمها 300 ميجا و حواليها .... فإنك ما تقدرين تنزلينها من النت بإنترنت بطيء ( ديل اب ) ... لأن ذلك سيأخذ ساعات بل أيام لتنزيل لعبه واحدة ... و لذلك تحتاجين لإنترنت سريع ( دي اس ال ) لكي تستطيعين تنزيل اللعبه الواحدة في وقت قصير نسبياً 1 - 5 ساعات مثلاً .... و بالنسبة للعب يقدر الشخص يلعب بدون اتصال طبعاً و ما يحتاج اتصال إلا إذا يبغى يلعب لعب جماعي يعني مع عدة اشخاص عن طريق الإنترنت.... اتمنى إن الفكرة وصلت.. :) .. لكن تبقى المشكلة إنه لازم تشترين كرت ذاكرة حجمه كبير ( 512 ميجا مثلاً ) لكي يضع اللعبة التي نزلها من الإنترنت على الكرت ثم يضعها داخل الجهاز ( البي اس بي ) لتشغيلها... و اذا اراد تشغيل لعبه اخرى فيجب عليه أن يشيل اللعبة التي في كرت الذاكرة ثم يضع اللعبة التي يريدها في كرت الذاكرة... كما أن طريقة وضع الألعاب في كرت الذاكرة تحتاج لتنزيل برنامج من الإنترنت و توضع بطريقة خاصة لا بد من أن يتعلمها أولاً .... و ممكن يتعلم الطريقة من الأعضاء في قسم منتدى البلاي سيشن .. قسم البلاي ستيشن المحمول ( الـ بي اس بي ) .... صحيح إنها طريقة متعبة لكنها اقتصادية .. مع إنه فيه إحتمال بأن الألعاب الجديدة القادمة لن تشتغل بهذه الطريقة.



و بالنسبة للجزئية الثانية من ردك....

الـ XBOX 360 و البلاي ستيشن3 .... هي من صنف الألعاب المنزليه .... يعني مثل البلاي ستيشن2
.... يعني لها يد تحكم .... و يتم شبك الجهاز بالتلفزيون للعب.

أما PSP ال بي اس بي ( الذي هو نفسه البلاي ستيشن المحمول )
و الـ DS ( الذي هو نفسه الـ Nintendo DS ) فهما من صنف الأجهزة المحمولة يعني ما تحتاج تلفزيون إذ تحتوي على شاشة مدمجة في نفس الجهاز ... و أزارير التحكم مدمجة أيضاً في نفس الجهاز يعني ما يحتاج يد تحكم.... و يمكن التنقل في الجهاز في أي مكان و يعمل بواسطة البطارية القابلة للشحن... يعني هذه الأجهزة مثل جهاز الجيم بوي إذا تعرفيه ..... اتمنى إن ردي فادك و وضح الأمور بالنسبة لك :)


الحين اعتبروني غبيه :31:

ابداً يا أختي العزيزة .... ما نعتبرك غبيه .... ما فيه انسان يعرف كل شيء ... و فوق كل ذي علم عليم :)

[Yamato]

اقول ما في الا البي اس بي

وعلى طاري التبني..
اتبني عماد الدين كريمي وبتحصلين على دكتور اكس.. ملصق فيه ياماتو..

how is that for a deal :biggthump

[abdulaziz1]

اقتراح جديد..

جيم كيوب.. :biggthump

من ارهب الاجهزه الا شفتها..

بس حلاتو لمن يكونو الا يلعبو كثيرين !!

يعني ألعاب كثير ماتكون حلوه غير لمن 4 أشخاص يلعبوها..

وعلى طاري الدي اس والبي اس بي..

أنصح في الدي اس..

البي اس بي أغلب ألعابو موجوده على السوني..وحلاوتو انو يشغل افلام و اغاني..بس اش الفايده مدام فيه الكمبيوتر!!

ترى من زمان ماسمعت عن هذا الكمبيوتر..وماسمعت عن أخبارو..فما أقدر أتفلسف زياده..

تحياتي..

[باريس]

يا abdulaziz1
وشو الجيم كيوب ؟؟

[Silent]

انا اقترح PSP .. :)



جايم كيوب مثل البلاي ستيشن و ال xbox بس الخاص بنيتندو ..

http://www.futurebytes.ch/images/news/game_cube_large.jpg

[Mista Koo]

http://www.w6w.net/upload2/24-10-2005/w6w_200510241559048c9098c2.jpg
السلام عليكم ^.^
أهلا بك إختي
أنا أنصح صراحة بجهاز Nintendo DS
http://www.theregister.co.uk/2004/10/08/nintendo_ds_2.jpg
جهاز ألعاب محمول من شركة ننتندو ^.^ خبرة حوالي 20 سنة في الأجهزة المحمولة
ألعابها مبتكرة وليست تقليدية وتعتمد على شاشتين إحداهما قابلة للمس وميكرفون!
ومتوافر في الرياض في كل مكان: (بيت الكمبيوتر-Game Nation)
أتوقع بما أنك ما تدلين أماكن فيديو جيم بيت الكمبيوتر اللي بصحارى الدور الثاني بس احتمال يكون أغلى شوي من الأماكن الثانية
===
وألعابه الموجودة حاليا أصلية بس في شريط فاضي يتركب فيه كرت ذاكرة
والألعاب تتنزل من الانترنت لو كان عندكم DSL ولا ستاليت غيره رح تعذبكم شوي عشان تنزل
أظنها نفس ذاكرة الجوال فلو عنده جوال كل شي تمام بس يشتري الشريط من Game Nation
وكمان الـDS يدعم خاصية الـWi Fi يقدر يجي يلعب ضدي بدون أسلاك
ولو كان عندكم Wireless Internet زي اللي في ستاربكس يقدر يلعب مع ناس حول العالم
وسعره حوالي 500 ما أتوقع بيكون أكثر
===
صراحة لما شفتك تذكرت إختي الكبيرة ^^
هي اللي شرت لي الـPS2 والـDS
http://www.w6w.net/upload2/24-10-2005/w6w_20051024160103312ec7f8.jpg