قنوات جديدة رائعه

[ODIN]

السلام عليكم

في هذه الفترة بالذات .. حسيت ان التلفزيون صاير يفتح النفس اكثر من اول ..

والسبب ان القنوات الطيبه والمفيده بدأت بالتكاثر ..

الحين لما نفتح التلفزيون ما صرنا مجبروين نشوف فيديو كليب خليع والا اغنيه فاسده .. ولا نجبر نشوف فلم سيئ او مسلسل تافه وفارغ ..

بتكلم الحين عن قناتين في الحقيقه هم في قمة الروعه والتسلية والفائده ..

أول وحده هي جزيرة الاطفال

بصراحه القناة هذه لو نصفها راح نصفها بأنها غيرت مفهوم اهتمامات الطفل واساليب جذبه وتربيته ..


معها .. ما تكون اهتمامات الطفل محصورة بين الكارتون وبس !

فيها اشياء متنوعه كثير .. منها البرامج الوثائقيه

بصراحه اختيارهم لمواضيع البرامج موفق في اغلب الاحيان .. ومادة الفلم الوثائقي معقوله جدا ومناسبه لكل الاعمار ..

ليست بالدسمة ولا الطفولية ..

وفيه ايضا المسابقات جدا رائعه ومناسبة للاطفال خصوصا المعلومات الي فيها ..

وايضا اكثر شي عجبني فيها والي يعتبر نقله نوعيه لاهتمامات الطفل العربي

الي هي البرامج الحوارية ..

وهذا الي كان ينقصنا .. برنامج يستضيف اطفال ويجعلهم يشاركون بالحوار ويبدون رأيهم بكل جرأة وصراحه ..

والافضل من كذا الموضوعات الي يطرحونها مناسبه جدا لتطوير عقلية الطفل .. ما تحصره بين كرسي الدراسه وحل الواجبات بس !!

وبصراحه اطفالنا خصوصا بالخليج يحتاجون الشي هذا .. لانهم يعانون بنقص فظيع منه !


قارنوا اطفالنا مع اطفال الدول العربية المجاورة .. بصراحه فرق كبير بالجرأة والتحدث والاعتماد على النفس ..

وشوفهم اذا طلعوا بالتلفزيون ..اذا قابله مذيع يقعد الولد يتميلح بس يقلب بعيونه ويستحي .. بعكس لو ولد من دولة عربية ثانيه تشوفه يتكلم بطلاقه ولا عليه من احد !

----------------

القناة الثانية الي بتكلم عنها هي قناة النجاح

قناة رائعه جدا .. تابعه لقنوات سمارت واي .. ومازالت في طور التجربه

أول قناة متخصصه بالاناشيد الاسلاميه .. فيها فيديوكليبات لمعظم الاناشيد الي صدر لها كليبات ..

وجميل جدا انك تربي اخوانك الصغار على هذه الاناشيد .. لان الاطفال بفطرتهم يحبون النشيد ..

واعتقد انه توجيه سليم جدا للطفل انه يحفظ ويتعلق الاناشيد صاحبه الكلمة الطيبه .. احسن من ما يفرحون اهله اذا عرف يغني آه نص ونص !


القناة ما زالت في طور التجربه وان شالله انها تنجح وتستمر لانها بديل رائع جدا لمساوئ روتانا وميلودي ..

من السلبيات الي فيها ...

انهم خالطين اناشيد الاطفال مع الكبار .. يعني تشوف نشيده لسامي يوسف والا ابراهيم السعيد .. وفجأة الي بعدها نشيدة يا اطفال اشربوا الحليب .. اعتقد لو يرتبون الاناشيد افضل بكثير ..

ومب بس من ناحية اناشيد الاطفال والكبار .. حتى الموسيقى والايقاعات والبدون

مثلا بالبدايه فترة الاناشيد بموسيقى .. بعدين اناشيد بالايقاعات .. وبعدين اناشيد بدون دفوف ..


وفيه مشكله لكن المشكله هذه ليسوا مسؤولين عنها .. وهي ان كليبات الاناشيد توها في بدايتها .. وما كثرت للحين .. فايضطرون انهم يعيدون الكليبات كثير نظرا لقلتها .. ان شالله مع الوقت تكثر وتنتشر هذي الاناشيد وتملي القنوات اكثر واكثر ..

---------------


ابد هذا الي في خاطري صراحه وحبيت بموضوعي هذا اني ادلكم على هذي القنوات الجميلة وبنفس الوقت يكون الموضوع هذا كتاب تسجيل اعجاب بالقنوات هذه ..

والمعذره على العجله في كتابة الموضوع .. حبيت انه يكون مثل السوالف اكثر من انه موضوع تعريفي متكامل .

وشكرا

[احلامو ادوماتو]

انت لسا تتابع تلفزيون http://www.websmileys.com/sm/happy/025.gif

أمذح أمذح بووووكرة تزعل ألقاني مطرود وش يرجعني O.o

الموووووووووهم

صحيح ، في الأيام الأخيرة رخصت تكلفة انشاء قناة فضائية بشكل كبير ، الي بشكل جميل وفر بدائل جيدة للي يبحث عن أشياء غير "الهز يا وز" و "البرتقاااااااااااله" الي يسبب بطبيعة الحال مغص عقلي حاد ×ــــــــ×

لكن حتى الآن ما لقينا البدائل بكمية كافيه للأسف O.o

وش رايكم نقط و نسوي لنا قناه O.o عندنا مواهب : P

خصوصا مع قنوات مثل "ممنوع" الي اتوقع انه آدمي واحد بس الي يشتغل عليها O.o

بس شكلها انقطع بثها O.o

=-=-=-=-=-=--=-=--=-=-=-=-=-=-=

اخواني ما يطيقون قناة هالجزيرة للأطفال ، ما يعرفون غير mbc3 و Space Toon وش أسوي بهم T-T

[القــعـقـاع]

حتى مواهب و افكار بيصير لهم قناة خاصة فيهم ^___^

http://www.alriyadh.com/2006/02/04/article127889.html

[moon girl]

قناة الجزيرة للأطفال اعرفها
بس الثانيه لا كان ودي عندي مادامها عن الأناشيد اموووت بالأناشيد

قناة الجزيرة للأطفال مو كثير تنفتح اخواتي الصغار مايحبون الا كرتون كونان وغيره الله يخلف -_-

ماعندهم غير Space Toon او MBC3 >_<
بس ام بي سي 3 اكثر شيء

خخخخخخخ تعودوا على الكرتونات الخايسه :31:
كرتون x كرتون طفش -_-

شكرا على الموضوع ...

[! غــريــب !]

هلاووين أودين ,,

القنوات اللي قلتها .. مثل ماقال كرونو و الأخت اللي ردت بعده ,, أخواني معطينها

أشكل بقوه .. ,, ياخي المشكله أنا أشوف مافيه توازن .. بتقولي الجزيره للأطفال

تجيب كرتون وتجيب بعدها برامج حواريه أتفق معك وأقولك صح

بس أنا شفت الكرتون اللي يجيبونه .. هذاك مايصلح الا لنا قبل 15 سنه

يوم كانت حكايات عالميه اللي تغني مقدمتها أصاله شئ مايوصف

وكنا بعد العصر كلنا نتسمر عشان نشوفها مع إننا ماندري وش الطبخه حقتها :09:

بالنسبه لـ عيالنا في الخليج .. يقول الشاعر : خليجنا واحد :o

فعشان تسذا ثقافتنا تقريباً وحده وإن إختلفت اللهجه وبعض الأشياء إختلاف بسيط

في الدول المتقدمه << ناصر القصبي :p

يحاسبون عيالهم وتلقى الواحد يوم يجي له ولد كل همه كيف يربيه بطريقه

صح .. حنا أول مايجينا مولود جديد في العائله وش نسوي ؟

حي الله يكبرون راس أبوه وتعال يا أبو فلان وروح يا أبو فلان :D

وإذا مره أخربوها سووا له سابع وذبحوا إثنين من الغنم وخلاص جانا ولد جديد :D

يعني ماعندنا منهج واضح نمشي عيالنا عليه .. يعني أسلوبنا مايتعدى

نضربه أول مايكسر شئ .. ونشتري له حلاو أول مايبتسي ( يبكي )



خصوصا مع قنوات مثل "ممنوع" الي اتوقع انه آدمي واحد بس الي يشتغل عليها O.o


هههههههههه ذي وقسمن قناه خالعه كل شئ فيها كان مو معقول بس أظن توقفت اللحين

أودين ,, يعطيك العافيه على الموضوع :)

[Angel whisper]

غريبوه!
اشبلاها حكايات عالمية؟
والله القصة الوحده تسوى كونان والنمر المقنع واخوانهم كلهم!
احم >.>
والله بادره طيبه .. وصف القنوات الصراحه .. مادري .. ما توقعت انه بتطلع قنوات اطفال جذيه!
بس ترى اذا الاهل ما عودو عيالهم عليها .. والله يسوولها طاف بالقو ..
لازم الام والابو يراوون مثل هالبرامج حق اليهال ويعودونهم عليها يكون يستسيغونها ويستفيدون منها ..
ريبورت حلو اودن.. نشوف منك اكثر!

[xnnx]

انا شيد اسلامية !!!!!!
اي اسلامية الله يرحم والدينك
في اناشيد الموسيقة فيها واضحة
خصوصا اناشيد يوسف ماني عارف الاسم الثاني حقة
يستخدمون فيها البيانو والعود ممكن الكلام فيها اسلامي
والله في بعضها فيها دق يغلب على 2pak

[ODIN]

كرونو

هذي الميزة من جد ان القنوات رخصت كثير .. لكن المشكله بالطرف الثاني شوف الكم السخيف الي راح يستغلونه بالامور التجاريه

مثل قنوات سوالف والخرابيط هذي حقت التشات يسحبون فلوس ذهب من العالم المغفل الي مدري وش يفرق تشات التلفزيون عن الانترنت بالعكس الانترنت احسن واوفر واسرع وكل شي بس تخلف بالعالم سبحان الله ..

اذا عندك صغار لا تتوقع من نفسهم يحبون الشي الجديد عليهم لازم توجيه من الاكبر منهم شد حيلك عاد انت

القعقاع /

والله رهيب الخبر وحلو .. خاصه المذيع صالح هذا يعجبني مرة تحس محترم من قلب ههههه

موون جيرل /

لو عندي التردد للقناه كان عطيتك بس للاسف ماعرف كيف اطلعه في احد يعرف ؟

ومثل ما قلت لكرونو حاولي توجهين انتي اخوانك صعبه يقبلون الشي لحالهم

الغريب/

والله من جد ذكرتني بالقصص العالمية .. تحس من جد قصص راقيه وتهذب الروح خساره انقطعت عن الجيل الحالي

ونظرتك لتربية الطفل وشأنه عندنا .. صحيحه للاسف وما جبت شي من عندك الله يعين بس

انجل ويسبر /



بس ترى اذا الاهل ما عودو عيالهم عليها .. والله يسوولها طاف بالقو ..


بالضبط كلامك عين الصواب ..
والاحلى ايش .. اذا الاهل نفسهم تابعوا برامج الاطفال هذي مع اطفالهم بجلسة عائليه .. لا يشعرون الطفل بأنهم غير مهتمين للأشياء المفيده هذي لانهم هم قدوة الطفل ..


xnnx /
هي من ناحية اناشيد اسلاميه فهي ايه اسلامية .. واحنا مب بصدد بهذا الموضوع نفتح الموضوع هذا الي سئمنا من النقاش منه لذلك بعتبر الموضوع الي انت طرحته خارج نطاق موضوعنا الاصلي وبحذف اي رد مثله بعد كذا لانه راح يغير مجرى الموضوع وفائدته ..

[ODIN]

ااع كتبت رد وش طووله والمنتدى علق وراح علي -___- سامحوني برد باختصار مرة ثانيه عشان الحق على العزيمة

كرونو /

هذي الميزة ان التكلفه رخصت كثير عن اول.. بس بالطرف المقابل شوف الي يستغل الشي هذا بقنوات مثل سواليف و التشات الغبيه .. مستغلين فلوس العالم المغفل الي يدفع ويدفع حق اشياء ممكن يلاقي احسن منها بالنت وارخص بكثير .. بس تخلف وش تقول الله يستر عليهم

وبالنسبة لاخوانك هم صغار لا تتوقع من نفسهم ينجذبون لهذي الاشياء الجديده عليهم لازم انت توجههم شد حيلك بس ^^

القعقاع /

ياخي المذيع صالح هذا جدا جدا احترمه ماشالله عليه يعني 15 سنه مع البرنامج هذا ومع قناة واحده تحس ان عنده هدف ووصله مع القناة هذي الله يوفقهم ..

والخبر جدا رائع ..

موون جيرل /

صراحه ماعرف تردد القناة والا كان عطيتك .. في احد يعرف كيف اطلعه من الرسيفر ؟

وبالنسبة لاخوانك مثل ما قلت لكرونو لازم احد كبير يوجههم ..

الغريب /

يالله حسيت بحنين لما جبت سيرة قصص عالمية .. من جد كانت قصص راقيه وتهذب الروح

خساره الجيل الحالي ما لحق عليها ..

ونظرتك لتربية الطفل والاهتمام له صحيحه وواقعيه للأسف ما جبت شي من عندك ..

انجل /

بالضبط الي قلتيه صحيح جدا عين الصواب



بس ترى اذا الاهل ما عودو عيالهم عليها .. والله يسوولها طاف بالقو ..


xnnx /

من ناحية اناشيد اسلاميه فهي ايه اسلاميه .. لكن احنا بهذا الموضوع لسنا بصدد نقاش النقطه هذي الي ( سئمنا ) من النقاش فيها اعتقد اعطيناها حقها كثير .. لذلك بعتبر النقاش فيها تغيير لمسرى الموضوع الاصلي وهدفه .. معناتها راح نحذف اي رد ممكن يغير مجرى الموضوع بعد كذا ..


والف شكر لمشاركاتكم والله يجزاكم خير

[ODIN]

هههه اثره الرد انشر وكتبته مرة ثانيه على الفاضي اااه يالقهر

بس مب حاذفه احس الموقف يضحك اضحكوا معي

[Da S.O.S]

تصدق ما اعرف ولا قناة من الي قلتها -__-
اتوقع معرفتي بالقنوات متوقفه على الجزيره والعربية لانها دايما مفتوحه عندنا..P:
ما افتح التلفزيون ابد ما اعرف ليش:S
يعني لو ابي اتفرج شئ معين ما حيخرج عن نطاق فلم او مسلسل وكلها تنباع بره... غير اني ما احب اتابع شئ معين بالتلفزيون.. واصلا بيتنا ما يسمح لكP:
يعني مسوين حجر وثائقي على الجزيره والعربية والكشته حقتها..
بس يبي لي والله اشيك على القنوات الي قلتها.. لان فعلا على خبري اخر مرة فتحته.. اقدر اقولك اني لقيت قوان اغاني خايسه بنسبه 90% من القنوات الي مريت عليها قبل ما افقد اعصابي.. المشكلة حتى ما يجيبون اغاني زي الناس.. او اغاني تستهويني..
وانا ناقم على العرب في هالموضوع.. ما ابغى اطلع عن الموضوع وافتح موضوع ثاني لا تزعل علينا بعدين P:
على العموم لي رجعة ثانية ان شاء الله

[! غــريــب !]

هههه اثره الرد انشر وكتبته مرة ثانيه على الفاضي اااه يالقهر

بس مب حاذفه احس الموقف يضحك اضحكوا معي



ههههههه طول عمرك ظريف يابدر :p

[7_Dark Soul]

موضوع....كويس ^^

قناة النجاح ذي عمري ما سمعت فيها...P:

اما


أول وحده هي جزيرة الاطفال
بيني و بينك ذي القناة من وقت الى وقت اطالعها....تجيب برامج علمية رائعة....خاصة اذا جاك خواص الفيزياء و ذي الخرلبيط...

بس محاولة جذبها حق الاطفال ضعيفة...كثير من الاطفال ما يحبون ذي النوع من البرامج...

يعني اربعة و عشرين ساعة علم و علم و علم....هم المساكين منحاشين من المدرسة تطلع لهم ذي

و حتى اذا جابت كرتون..تجيب من ذي النوعية:مرحبا يا صديقي...لنذهب و نشتري المثلجات...
:حسنا و سوف نأكل الإجاص...:p

عيالنا يبون:تبا لك ايها الحيوان سوف اقضي عليك
: انقلع...لن تقضي علي ايها الكلب O.o

لحظة..جالس اقرى كلامي الي فوق....هاع...ليش انا سلبي لهدرجة...صدق احد الشيوخ دايما نترك الاجابيات و نطالع السلبيات حتى لو نقطة :jester: ..

خلني اطلع من هنا لا انصدم في روحي اكثر.....

طانكيو اودين على الموضوع

[smigle]

السلام عليكم جميعاً

كيف حالك بدر، ومشكور على الموضوع.

المهم بخصوص الجزيره للأطفال، بصراحه انا أشوف ومثل ما قلت أنت انها قناه هادفه وحلوه وأيضا مواضيعها متنوعه ومفيده

لكن

تبون الصراحه انا شفت فيها أشياء استنكرت انهم يعرضونها للأطفال، اللي شفته الله يسلمكم هو برنامج مادري شسمه كل حلقه تكون عن طفل من بلد معين ويتكلم عن حياتهم وديانتهم واسلوب معيشتهم، فكانت فيه لقطه الولد يدخل الكنيسه وييقول "ونحن ها هنا في الكنيسه كل أحد، ونشرب من الماء المقدس ومش عارف أيش"

ومره ثانيه بنت تتكلم عن زياره مادري وين رايحين والعائله متجمعه على الطاوله والحلوه تقول : ونأكل لحم الخنزير اللذيذ.

بصراحه انا هالكلام كلش أستغربت انهم يعرضونه للأطفال، أنا مش ضد ان الواحد يعرف ان الغرب ياكل لحم الخنزير او انهم يشربون من مايهم المقدس في الكنيسه، لكني اعتقد ان هالأمور يطلع عليها الواحد لما يكبر شوي يعني يكون من سن ال14 وفوق علشان في وقتها تكون عنده قاعده صلبه في دينه الأسلامي و يكون عارف ان هالشي غلط.

تذكرون احنا لما كنا صغار، وكانوا يعرضون الرسوم المتحركه مثل ليدي اوسكار وغيرها، ما كانوا يتلفظون بكلمة نبيذ او لحم الخنزير، كانوا يقولون عصير او اي شي ثاني.

الزبده، انا من رأيي ان هالأمور ما تنعرض "كأنها شي عادي" للطفل في هالمرحله، لأنه بيشوفها كأي شي عادي، لازم في البدايه نعلمه ايش هو الحلال والحرام، ولما يكبر هو بنفسه بيفرق بينهم.

ولكم جزيل الشكر.

[ODIN]

Da S.O.S
زين اجل دليتك انا على القنوات هذي

وصادق التلفزيون كله صاير محطات اغاني وليتها حلوة .. يدورون بس على كليبات الاغراء عشان زباينها

! غــريــب !هههههه انت الظريف والله يالغالي

7_Dark Soulصااادق من ناحية طرق جذبهم للاطفال .. غير جيده تقريبا .. احس انهم معتمدين على توجيه الاهل لهذه الاشياء

وصحيح سالفه الكراتين من جد ما تجذب الاطفال الحين .. ان شالله يطورون الاشياء هذي مع الوقت

smigle
ما انتبهت للنقاط الي انت ذكرتها .. صحيح المفروض ما يعرضون الاشياء هذي وخصوصا لحم الخنزير بطريقة عاديه وكأنه شي عادي وبسيط وتتقبله مع الوقت

المفروض ينتبهون اكثر لانه هدفهم هم الاطفال العرب المسلمين لابد يراعون ثقافتهم


ويعطيكم الف عافيه

[Lena]

موضوع حلو بدر..


بالنسبة لقناة الاطفال بتاعت الجزيرة انا لي نفس راي سميقل اخونا العزيز

وهالشي قلت لاهلي وفعلا لقيت سميقل مؤيد لافكاري..ماعجبتني هالنقاط فيهم رغم تميز القناة في العرض

والافكار الجديدة..وانا معجبة مرة بمسابقة "الدرب" حقتهم ونتباعها

أما قناه "النجـــــــــــــــــــــــــــــــــــــاح"

هنا اريد تصفيق حار

فعلا رائعة واحبها كثثثثثثثثير

وادمنتها كل شوي احطها عشان الاناشيد فعلا وناسةT-T صرت اعشق الاناشيد فيها روعة

هي وسمارت وي احبهم واقدر البرامج النفسية..



لكن خسااااااااااااارة

توقعتك تتكلم عن قناة "الرسالـــــــــــــــــــــــــــــــــــــــــــــــة"

يالله قد ايش كش شعري جسمي ونقزت من كاني وانا اشوف دعايتها

طبعا بث تجريبي

لكن انصحك تطلعها عندكم روعة روعة تصلح لك

ويش سالفتها؟

المدير لها "طارق السويدان" يازينه بس وياروعته

تخيل ايش هدفها؟

هدفها تعرض الدين بشكل مسالم ولين وهين للشباب

يقول هالقناة مب موجهة للمتدينين ..لانهم فاهمين وعارفين..هالقناة بتجي تعرض الدين بشكل اسلوب عصري

وخالي من الترهيب والتخويف

قد ايش نقزت من مكاني واشتهيت اروح معهم بالقناة لانه فعلا فعلا شي يقهر

يأما قنوات فساد يا أما قنوات تعرض الدين بشكل عميق

نادرا تلقى قنوات متخصصة تكون شبابية ومرحة ودينية

لا ومتعوب عليها تقول امب بي سي ولا اروع بأناقتها وستايلها مرة كشخة

صراحة روعة واستنى فعلا تبدأ البث!!!

[Justine]

صادق حتى انا صرت من مدمني التلفزيون في الايام الاخيرة..

تعجبني CNBC .. ما اقول من اني من متابعي الأسهم .. لكن على الأقل بتقدم برامج طيبة من حين لثاني ..

قنوات ثانية أتابعها هي العقارية .. و الله وناسة .. برامجها مرة ممتازة .. قبل فترة كان فيه برنامج عن أفضل 10 أبنية في العالم .. و يا لطيف ايش كان البرنامج رهيب ..برضه فيه إعلان عن برنامج اسمه House Monster و هو من طقة البرامج مثل Pimp my Ride الشهير , يعني تحسين البيوت و من جوه و بره بشكل خيالي.

قناة MBC بدأت تعرض كل جمعة برنامج اسمه اليوم السابع.. شفت له حلقة واحدة .. كانت مسلية لحد ما .. فيه برضه المستثمر اللي يظهر فيه الدون \ وليد الجفالي .. و الله شكله سخيف و خبل في نفس الوقت .. بشعره الطويل و بذلته الكحلية .. ذكركم برفعت إسماعيل :p .. و لهجته الحجازية البحتة !! أول مرة أكره لهجتي بسبة واحد يتكلم بيها!

غيرها برامج كثير صرت اشوفها وقت ما توفر الوقت ..

مشكور بدر على الموضوع..

[Justine]

على فكرة شفت قبل فترة MBC3 مسلسل اسمه الجاسوسات و بعض المسلسلات الاخرى .. لاحظت في بعض الحوارات انه البنات كانوا يتكلموا عن احد الشباب و كيف انه وسيم و تتمنى انها تخرج معاه! .. حالات ثانية ترسخ مبدأ الـبوي فريند و الجيرل فريند .. و بعدين تعرض حلقات من Full House و اللي فيه لقطات عن Bob Sagat يتودد لاحدى النساء بتشجيع من بناته ..

المفترض انها هنا تخاطب عقول لسة غضة .. فكيف ترسخ فيها مثل ذي المبادئ .. المسلسلات اذا دبلجت على الاقل وجب انهم يراعوا الشخصية الاسلامية للطفل. ما يضر التحريف خصوصا انها موجهة للاطفال.

برأيي انه سبيس توون راعت الشي ذا و لهذا انا افضلها على باقي القنوات بالنسبة للأطفال.

قناة آرتينز التابعة لشبكة إيه آر تي تعرض برضه المسلسلات إياها .. لكن بسخف واضح .. فيديو كليبات سخيفة بشكل مقيت و أغاني مبتذلة موجهة للصغار ..

[ODIN]

لينا ماشالله انتي اكثر شخص شفته متحمس لفكرة قناة النجاح شي طيب صراحه

اما قناة الرساله فالمعذره على القصور لانها ما طلعت عندنا


وبعدين انتم فيكم الخير والبركه مثل ما تفضلتي و كتبتي تقرير عنها الله يعطيك العافيه

ويكفي طارق السويدان هو المسؤول عنها .. وشكلك تحبينه كثير بكل تأكيد لانه شخص اهدافه واستراتيجياته تفرض احترامه ومحبته


Justine
ياخي صادق من جد على سالفه ام بي سي 3 .. بصراحه فيها كثير مخالفات خاصه الكرتون هذا الي ذكرته .. يعني من جد يرسخ افكار عند اطفالنا غير لائقه اطلاقا

حتى المناظر فيه .. البنات جالسين على البحر بالبكيني ونص الحلقه تعرضهم باللبس ذا ..

ابد ابد انعدمت البراءة بالكراتين الجديده هذي ..

مديرها شخص مسيحي لذلك لا تتوقع مثالية منه يراعي فيها ثقافتنا ..


ومشكورين ويعطيكم الف عافيه

[.Atlas.]

امم..قناة النجاح ..مخصصة للأناشيد ؟
كنت أعتقد ان بث الأناشيد فيها لوقت محدد في اليوم والباقي محاضرات وبرامج !__!
ماعاد اتابع التلفزيون مثل قبل ..فماعاد ادري عن القنوات أوممكن اكون فاهمة غلط @_@
بالنسبة لقناة سمارت ..قبل كنت اتابع عليها محاضرات واكثرها للثويني ..شخصية مميزة فعلا واسلوبه مشوق .الشارقة تقدم برامج دينية مميزة يقدمها محمد خالد..مع اني مااستسيغه -___-




المفروض ينتبهون اكثر لانه هدفهم هم الاطفال العرب المسلمين لابد يراعون ثقافتهم



أعتقد انها موجهة للعرب عامة مو للمسلمين ..؟_؟



انت لسا تتابع تلفزيون http://www.websmileys.com/sm/happy/025.gif

أمذح أمذح بووووكرة تزعل ألقاني مطرود وش يرجعني O.o

الموووووووووهم

صحيح ، في الأيام الأخيرة رخصت تكلفة انشاء قناة فضائية بشكل كبير ، الي بشكل جميل وفر بدائل جيدة للي يبحث عن أشياء غير "الهز يا وز" و "البرتقاااااااااااله" الي يسبب بطبيعة الحال مغص عقلي حاد ×ــــــــ×

لكن حتى الآن ما لقينا البدائل بكمية كافيه للأسف O.o

وش رايكم نقط و نسوي لنا قناه O.o عندنا مواهب : P



ههههههه كرونو يو ار ذا بست ..
وعلى فكرة تراها "بيّاع الخبل عباته " مو "ضيع الخبل عباته " :P



j/k

[Lena]

ليتل انجل:
لا مب قناه اناشيد هي حق كل شي تقريبا
لكن فيها اناشيد بشكل كبير ويونس

[gr8_man]

تعجبني سمارت كانت تجيب محاضرات للدكتور الفقي حق البرمجة العصبية شخص مبدع صراحة ...

بس الشي اللي يرفع الضغط بالقنوات الشريط الاعلاني اللي يطلع تحت وتجي عليه الرسايل ...

واذا تعرفون التردد حق قناة الرسالة عطونا اياه

[ODIN]

لتل انجل

انتي لفتي نظرتي حق مسأله انها موجهه للعرب والعرب فيهم غير مسلمين

بصراحه معاك حق .. لكن لو نلاحظ ان 90% من العرب مسلمين اذا مو اكثر .. اعتقد ان الاغلبيه لها حقها



وبالنسبة للتردد هذا هو مراقب المنتدى العام الرئيسي اعطاني الارقام ما قصر


هذا هو يا gr8_man (http://67.15.103.43/member.php?u=75240)

قناة الجزيرة للأطفال ..
القمر : Arabsat 2A.3A
التردد : 11862 MHZ
معدل الترميز : 27500Ks/s
القطبية : Vertical
نفس القناة على قمر .. Nilesat 101/102
التردد : 12283 MHZ
معدل الترميز : 27500Ks/s
القطبية : Vertical
قناة النجاح :
القمر : Nilesat 101/102
التردد : 12302 MHZ
معدل الترميز : 27500Ks/s
القطبية : Horizontal
قناة الرسالة :
القمر : Nilesat 101/102
التردد : 11765 MHZ
معدل الترميز : 27500Ks/s
القطبية : Horizontal

[عاشق X360]

انا شيد اسلامية !!!!!!
اي اسلامية الله يرحم والدينك
في اناشيد الموسيقة فيها واضحة
خصوصا اناشيد يوسف ماني عارف الاسم الثاني حقة
يستخدمون فيها البيانو والعود ممكن الكلام فيها اسلامي
والله في بعضها فيها دق يغلب على 2pak


وأنا معاك في هذي خصوصا سامي يوسف

[gr8_man]

مشكور على الرد اودن

هاذي القناة طلعت ومازالت بمرحلة البث التجريبي وبانتظار افتتاحها الرسمي

[Guy.Thing]

ما ادري ليش من زمان عن هالكلمة ..
احس لي دهر ما شفت فضائيات
فما تفرق معي .. بس Good to know

[asf4ever]

ياخي ما بغيت أرد لين ما أدور القنوات
ويوم دورتهم ما حصلتهم~__~(غير الجزيرة للأطفال)
يالله مشكوور على الترددات والله يجازيك خير
والله خاطري أسمع أناشيد ونشوف شوية برامج دينية وثقافية..

[Yamato]

قارنوا اطفالنا مع اطفال الدول العربية المجاورة .. بصراحه فرق كبير بالجرأة والتحدث والاعتماد على النفس ..

اكيد اكيد... انت متاكد يا اودين من كلامك -___-
الياهل عندنا تحس انه وعيه صاير اكبر من سنه..



انت لسا تتابع تلفزيون

اتفق معاه الصراحة لوول



نصيحة مني.. خلكم على ديسكفري تشانل :28:

[SNOoOP]

هدفها تعرض الدين بشكل مسالم ولين وهين للشباب

يقول هالقناة مب موجهة للمتدينين ..لانهم فاهمين وعارفين..هالقناة بتجي تعرض الدين بشكل اسلوب عصري

وخالي من الترهيب والتخويف


اها :33:

بتعرض الدين الاسلامي بشكل مسالم وطيب وحبوب وبستايل عصري :أفكر: !!!!!!!

يناسب ومتطلبات العصر وماما امريكا


وخالي من الترهيب والتخويف

وكأن الاسلام دين ارهاب وتخويف للأنفس البشرية

اختي المشكلة اننا طحنا بين نار الفضائيات التافهة والهابطة وبين بعض القنوات لتي تحاول تمييع الدين الاسلامي ليوافق متطلبات العصر على حد زعمهم فينتج جيل من الرخوم

[aoks]

والله صراحة لي فترة طويلة مرة منقطع عن التلفزيون

ويعني اذا جيت اشوفه تكون خياراتي محصورة بين ام بي سي 2 - 4 وقناة ون الاماراتية

هذا شي سلبي فيني للاسف لكن وش اسوي .. يعني انا لما اشوف التلفزيون يكون هدفي اني اشوف شي يونسني

لكن ما دريت عن هالقنوات بس اتوقع طالعة عندنا .... في قنوات كثيرة ما انتبهت انها كانت عندي مثل الجزيرة للاطفال الي ما دريت عنها اصلا إلا مؤخرا..

اني واي مشكور على الموضوع وان شاء الله اشيك على القنوات هذه

[Lena]

اها :33:

بتعرض الدين الاسلامي بشكل مسالم وطيب وحبوب وبستايل عصري :أفكر: !!!!!!!

يناسب ومتطلبات العصر وماما امريكا

وكأن الاسلام دين ارهاب وتخويف للأنفس البشرية

اختي المشكلة اننا طحنا بين نار الفضائيات التافهة والهابطة وبين بعض القنوات لتي تحاول تمييع الدين الاسلامي ليوافق متطلبات العصر على حد زعمهم فينتج جيل من الرخوم

ردك يؤسفني جداً..

ينم عن عدم فهم للموضوع والقصد ابد..أو تعصب شديد لرأي معين مع عدم التفكير اصلا بمحاولة فهم الاراء الثانية...واتمنى انه مب الثاني^_^

هذا الي اقدر اقوله

[SNOoOP]

ردك يؤسفني جداً..

ينم عن عدم فهم للموضوع والقصد ابد..أو تعصب شديد لرأي معين مع عدم التفكير اصلا بمحاولة فهم الاراء الثانية...واتمنى انه مب الثاني^_^

هذا الي اقدر اقوله

ماشا الله تحليل كامل وتنتيف شامل

مدري من وين طلعتي برأيك اني متعصب جدا لرأيي

انا مالزمتك انك تاخذين برأيي ولاغصبتك عليه

بتاخذين برايي حياك وان كنت تعارضيني حياك بعد

وانا والله الي تفاجأت بردك لأني حتى الأن ماخذت وعطيت معك حول الموضوع مجرد اني طرحت وجهة نظري ولاكابرت

على العموم انا انسان عادي جدا

اناظر mbc 2 & 4 واسمع اغاني وارتكب معاصي واسأل الله الهداية دائما

لكن كيف تبيني اثق بقناة صاحبها اكبر داشر

هذا بحد ذاته يفقد مصداقية القناة فهذي القناة تؤثر على الشباب من جهة ووراها 5قنوات لنفس الباقة تفسدهم من جهة ثانية

على العموم ان كنت ماتبين تناقشين فاعتذري عن النقاش معي بدون تجريح

وشكرا...

[Lena]

الله يسامحك


على كلن انا حطيت توقعين:
1- عدم فهم للموضوع والقصد ابد
2-أو تعصب شديد لرأي معين مع عدم التفكير اصلا بمحاولة فهم الاراء الثانية

وتمنيت انك مب الثاني..مدري ليه قررت بنفسك انك من الثاني:31:

يالله صايرين ابد الواحد ماياخذ ويعطي معكم

ويقولون ليه صايرة حايمة كبدي من المنتدى-____- كل ماقلت كلمة جاءالطرف الثاني وفسرها على كيفه وزعل..مب بس انت كثير غيرك المعذرة

عموما..

"الوليد بن طلال" فانت صادق هو ماضيه مش كويس..

لكن هل يمنع ذلك من الاستفادة من امواله لفعل الخير؟ هو مجرد ممول..

السويدان رد على تساؤلك هذا..

القناة قوية..تعرض الدين بشكل صح..مب مايع..والله تعالي قال بما معناه "ولو كنت فضاً غليض القول لآنفضو من حولك" فهم بدأو من هالمنطلق من اجل الوصول للشباب..

وهي من اذكى الطرق...لانك مراح توصل للشباب الي غارق في الستايلات والعصرية والخ بشكل ديني بحت ومباشر..لازم يوصولون لهم "صح"مب بمياعة.. لكن بأسلوب يناسبهم..


القناة قادمة ان شاءالله وانا واثقه بطارق السويدان وهي راح تفرض نفسها بإذن الله بدون ماقعد اشرح لها :31:



لكن غالبا هناك فئة الله يهيدهم مايرضون ولا يقتنعون بعرض الدين بالطريقة ذي لانهم تعودو على غيرها..لكن هم فعلا مش مرغمين عليها..


الله يعين:31: ... وش ذا يا ربيه

[ODIN]

سنوب خفف من حدة خطابك رجاءا

[Lena]

اناظر mbc 2 & 4 واسمع اغاني
D:...استغرب ردك الي فوق اجل..تناظر ذي القنوات ولا تبي وجود قناة دينية بشكل حلو؟؟
انا ما أناظرهم..واحس اني واثقة جدا بنفسي ومتوسطة في قرارتي ومب متطرفة..
لا إفراط ولا تفريط..
فيه قنوات التدين للمتدينين المخضرمين..فيه قنوات افلام واغاني للي ربي ان شالله يهداهم
طيب انا مش من الاثنين وين اروح؟
لقنوات مثل الرسالة والهدى وخير والنجاح:) وناسة




فهذي القناة تؤثر على الشباب من جهة ووراها 5قنوات لنفس الباقة تفسدهم من جهة ثانية
هممم غلط مرة ثانية..الشاطر الذكي يعرف يحذف القنوات المش كويسة;)
مثلا انا حاذفة mbc 2 & 4 بينما خليت mbc1 عادي

فنفس الوضع مع قناة الرسالة..العاقل يعرف يدبر روحه..لا تخاف..

[hussien-11]

بالنسبة لي و بكل أمانة ما بتابع تلفزيون أبدا إلا بالصدف و القنوات بعرفها فقط بالإسم تقريبا ( يمكن الجزيرة فقط و مش دائما هي اللي بشوفها ، أو إقرأ ) .. كل مصادر معلوماتي هي شبكة الإنترنت :)

[الخيال]

بالنسبة لي ماأتابع التلفزيون كثير اللهم بس الصباح من بعد صلاة الفجر على mbc3 & ST ( توم وجيري ^^ ) ساعه تقريباً كلها

[Electro M]

السلام عليكم جميعاً


كيف حالك بدر، ومشكور على الموضوع.

المهم بخصوص الجزيره للأطفال، بصراحه انا أشوف ومثل ما قلت أنت انها قناه هادفه وحلوه وأيضا مواضيعها متنوعه ومفيده

لكن

تبون الصراحه انا شفت فيها أشياء استنكرت انهم يعرضونها للأطفال، اللي شفته الله يسلمكم هو برنامج مادري شسمه كل حلقه تكون عن طفل من بلد معين ويتكلم عن حياتهم وديانتهم واسلوب معيشتهم، فكانت فيه لقطه الولد يدخل الكنيسه وييقول "ونحن ها هنا في الكنيسه كل أحد، ونشرب من الماء المقدس ومش عارف أيش"

ومره ثانيه بنت تتكلم عن زياره مادري وين رايحين والعائله متجمعه على الطاوله والحلوه تقول : ونأكل لحم الخنزير اللذيذ.

بصراحه انا هالكلام كلش أستغربت انهم يعرضونه للأطفال، أنا مش ضد ان الواحد يعرف ان الغرب ياكل لحم الخنزير او انهم يشربون من مايهم المقدس في الكنيسه، لكني اعتقد ان هالأمور يطلع عليها الواحد لما يكبر شوي يعني يكون من سن ال14 وفوق علشان في وقتها تكون عنده قاعده صلبه في دينه الأسلامي و يكون عارف ان هالشي غلط.

تذكرون احنا لما كنا صغار، وكانوا يعرضون الرسوم المتحركه مثل ليدي اوسكار وغيرها، ما كانوا يتلفظون بكلمة نبيذ او لحم الخنزير، كانوا يقولون عصير او اي شي ثاني.

الزبده، انا من رأيي ان هالأمور ما تنعرض "كأنها شي عادي" للطفل في هالمرحله، لأنه بيشوفها كأي شي عادي، لازم في البدايه نعلمه ايش هو الحلال والحرام، ولما يكبر هو بنفسه بيفرق بينهم.

ولكم جزيل الشكر.




سميجل معاه حق
اذكر اني شفت برنامج حوار جايبين فيه واحد عربي مسيحي و لابس كرافيته - ابتلشت يوم حاولت اكتبها :09: - اللي هي الحبل المتدلي من الرقبة في اللبس الغربي
المهم لابس واحدة كلها صلبان!؟
و يتكلمون عن الديانة المسيحية و كيف انها متسامحة و لازم يكون فيه حرية دينية في كل مكان
حذفت القناة مباشرة طبعا

[ODIN]

اعلان

يوم الاربعاء غدا ان شالله الساعه 9 حفل افتتاح قناة الرساله وراح ينشد فيه سامي يوسف وعدد من الفنانين

اتمنى مشاهدة ممتعة للجميع