المساعد الشخصي الرقمي

مشاهدة النسخة كاملة : قصتي و الصباح الاسود المعتم في الثانويه عامه ..


bosson
09-09-2006, 09:27 PM
السلام عليكم ورحمه الله وبركاته




أهلا شباب .. شخباركم ؟ .. عساكم ع القوووه ؟



المهم .. أنا هذي أول قصه أكتبها فلا تتوقعون شيء يعجبكم .. بس اللي دش حلفت عليه يقراها :D


في صباح من الصباحات المغبرة .. صحيت من نومي و برطمي داعم الجدار من القهر


هذا أول يوم ثانويه عامه .. أبي أبوي أبي أمي أبي زوجي <<< استغفر الله بس :o


ما أبي أروووووح و الله ومتكدر .. يا ضيقه الخلق ذاك اليوم .. يتصل فيني فني (بشد النون)


هذا دريولنا يعني السواق .. واحد ياكل براتا و يوصلني المدرسه و يخش أسراري عن الوالد.


ايوا ليش مستغربين يوصلني المدرسه :31:

المهم

أسمه ( فني) .. اسم الرجال لا تطنزون ترا ما أرضا .. بينا عيش و براتا :D


<<<<>>>>


أنا : ألو فني شندك عالصبح


فني : يلا سرطان مكينه مال سياره يحترق ألهين >> يتفاول علي بالسرطان الله يخس بليسه :09:


أنا : زين زين بس ألبس فروختي <<< " طربوش الكندوره نسميه فروخه " تعلموا إماراتي ;)


<<<<>>>>


تك .. أبند التلفون << حشى تلفزيون هذا تك مره وحده :p


أخذ لي تنهيده قويه .. ولا اعصار كاترينا ودي يطلع من حلقي .. سالاس "قطوتي المنتفه" نايمة ولا


عندها خبر .. و أنا حاقد عليها ودي أرفسها تحس فيني شوي خخخ :28:


أسولف وياكم تراني ولد عطوف ما أسويها :08:


و أطالع لابتوبي بحزن و قلق شديدين .. و أنا أودع لحظاتي مع الشبكه العنكبوتية


و أتذكر كلام الوالد يطن في إذني طنينا مطنطنا " خلاص تب تقعد عالنت جمعه و سبت ولا اسحب


لابتوبكشد حيلك يا ولدي ثانويه عامه "


المهم .. انزل تحت عالسلم .. و من الثقل و الله كني لابس جزمه ارمسترونق مالت الفضاء



لا و كني لابس جنز أمينيم .. هذا اللي تقول خيمه لووول :D


أسلم على الوالدين بحزن .. أمسك بطني و أصرخ "أييييييييييييي"


<<<<>>>>


الوالده : علينا يا سلطان .. إلعبها يوم ثاني .. يلاع :approve:


<<< المشكله هي فاهمتني لول


الوالد : ينزل نظارته و يناظرني بنص عين .. هااااااااع شد حيلك من أول يوم يا ولدي


أنا : إن شاء الله أبوي


الوالد : يلا تعال كل شاي و اشرب لك صمونه...ماشيء قرون فلكس إنت كبرت


أنا : لا ما لي خاطر .. تسلم أبوي أنا مستعجل .. بعدين أنا من متى أكل كورن فلكس يا أبوي ;)


<<<>>>


أطلع بره الحوش و أشوفلك فني قاعد يمسح السيارة مستانس الأخ و يكلمني :


فني : يلا سرطان دوخول سياره ... أنا يبي يجيب فلفل حق غدا


أنا أقول في خاطري : طبعا مستعجل عالفلفل ولا لو هو كزبره ولا بقدونس ما يطريه :أفكر:


فني : شنو قصدك سروطان .. هذا ماما يقول جيب فلفل مش حق أنا :12:


أنا : بل هذا كيف سمعني :ugh: .. لا لا سلامتك حبيبي ما قصدت شيء :09:


جيت أبا أدخل السيارة و اسمع صوت عالي .. شو هذا ؟؟


فخاطري أتكلم .. لا يكون صفاره إنذار السكيورتي حق زياره بو زايد ؟؟ .. لا لا مش هو


أجل أكيد هذا المتوهق مرزوق "راعي الغاز" جاي من يصبح علينا هو التنكر ماله :driver:


يقاطعني فني : لا لا سروطان هذا حمد بتشا مال بابا حمد .. بتشا مال بابا بابا مال حمد ....الخ


" بل هذا كيف يسمعني أنا متأكد اني ما نطقت :196: !! "


المهم .. طليت على بيت بو حمد << ملقوف الأخ


<<<>>>


أنا : خير يا بو حمد شعنده حمد يصارخ ؟؟ :happysad:


بو حمد : ذابحنا هالولد مش راضي يروح الروضه !!


أنا : أفاااا يا حماده و أنا أقول عنك شاطر.


تذكرت فجاه إني و أنا طالع حطيت حلاوه منتوس في مخباي "جيبي" عن لوعت الكبد


طلعتها و عطيتها حمد و انبسط مررره .. و قال لي : عندك غيرها ؟


أنا في نفسي : أه يا الزطي !!


تذكرت أن فني يقرأ الأفكار .. و ألف و أطالعه و هو يهز راسة يقول : صح سروطان هذا ولد واااجد زوطي :rambo:


يا لاهووييييييي :tapedshut: .. منو قاااااال ؟ .. إيش هالكلام يا فني ؟؟ :poke:


الله يخس بليسك فشلتنا عند خلق الله


و أنا ودي أموت من الخوف .. من وين يقرأ أفكاري ذا الفني ذا ؟؟ !!


و أنا أرقع الموضوع و استدرك السالفه لا تخرب : خلاص يا حمد


أنا أجيب لك غيرها بكره .. يلا في أمان الله يا بو حمد


أههههههههههف .. بغى يورطنا ذا الفني .. و الله لقول للوالد يسفره لا توصل سالفته للأمم المتحده.


فني يناظرني بطرف خشم :chinese: ... كنه سمعني وش أقول


و الله أحس نفسي في فيلم رعب ولا شيء .. لا يكون بعدني نايم ما صحيت !


صعدنا السياره أنا وفني


أقول يا فني .. يا فني


فني : نعم سرطان شنو يريد ؟


أنا : إنت شو ماكل عالريوق.


فني : أنا أكل خبز ...ليس ؟


أنا : أشوه مش ماكل براتا ولا شيء فيه ثوم ... أقول عضني ..


فني : ليس سروطان ؟


أنا : إنت عضني و بس


فني : أوكي ...


مسك فني إيدي و يعضني عضه ليون كنغ .. و أنا أيييييييييييي اخخخخخخخ اشششششش


فجأه .. طاااااااااااااااخ


أيييييي راسي


و ين أنا .. لا يكون هذا الجزء الرابع من Saw :boggled:


هذي أرضيه حجرتي !!


أن تحت السرير .. يالهوي .. أنا من صدق كنت أحلم


الحمد لله أشوه كان حلم


.. يدق التلفون ..


فرشي التراب يضمني و هو غطائي

<<< راكبه النغمه على وضعيتي خخخخ :أفكر:


أخييييه هذا فني .. أخاف يتكرر الكابوس

أنا : ألو فني

فني : ألو سروطان .. كيف حالك ؟

أنا : والله بخير .. تمام شو في ؟

فني : يلا يلا .. مدرسااا ..

زين زين .. بس ألبس فروختي



:bigeyes:

.. طن طن طن طن


<<< متفيق يلون النقاط و الأسهم :09: .. قال ستايل
نجم الالعاب
09-09-2006, 09:49 PM
شد حيلك هالسنة وجيب نسبة بالتسعينات في الفصل الأول... هذا الفصل أهم شئ... نصيحتي لك روح مدرسة أهلية وشبك المدرسين مثل ما سويت أنا... جبت في الفصل الأول 97 %
ReD_EyeS
09-09-2006, 10:26 PM
واطسون أن تعاني من أحلام اليقضة <== يسمع بأحلام اليقضة :09:
.
.
.
.
.
.
يعني ما يكفي أنك متأكد أن اليوم مدرسة
حتى تحلم فيها بعد :28:
.
.
.
.
.
.
على فكرة طربيشنا ( جمع طربوش :09: ) أحنا يالسعوديين
تلبس عندنا على الراس و ليس على الكوندره :09:
.
.
.
.
.
.
.
.
.
.
.
أما القصة فأعتقد كبداية منك أجدها متماسك نوعاً ما
من الناحية الأدبية لكن خذلتك هذه الجملة في وصف حالك
المرهق و الطفشان من المدرسة

لا و كني لابس جنز أمينيم .. هذا اللي تقول خيمه لووول
فالمفترض أن تقول:
لا و كني لابس جنز حليمة بولند .. هذا اللي ما يخلي الواحد يمط رجله نص سانتي
:sadwavey: <=== يعني شكلك تسذا و أنت نازل من الدرج :09:
.
.
.
.
.
.
.
معاني المفردات
يمط = يمد بمعنى مد فلان رجله في المجلس من قلة الأدب.
تسذا = كذا
سانتي = وحدة قياس المسطرة و المنقلة و المثلث بنوعيه الطويل و القصير و يطلق عليه أيضاً أسم سنتيمتر
.
.
.
.
.
.
.
.
.
.
:ds011:
.
.
.
.
.
ابتسامــــــه
09-09-2006, 10:35 PM
طلع حلم وانا قريييت موضوعك كله عن حلافك :p ..

يالله يا سورطان شد حليك


قبل الثانويه بالعامه بـ كم يوم

شد حيلك شد حيلك شد حيلك << هذا بروحه ضغط نفسي :أفكر:

الله يوفقك يا رب ^_^
ReD_EyeS
09-09-2006, 11:09 PM
طلع حلم وانا قريييت موضوعك كله عن حلافك :p ..

أما لهجتكم عجيبة يا الإماراتيين
طرابيشكم تلبس على الكوندره
و الأحلام
عندكم تسمى
أحلاف
.
.
.
.
.
عندنا بالسعودية الأحلاف تعني الأقسام
أي الحلف بالله
.
.
.
.
.
.
.
.
:boggled:
.
.
.
.
.
Private Jeddawi
10-09-2006, 12:27 AM
ههههه حلم عجيب .. شد حيلك "سرطان"وسلملي على فني:D
الوردة الجريحة
10-09-2006, 01:02 AM
السلام عليكم أخوي بوسون
حلمك وايد حلو طريف :)
شد حيلك والله يوفقك بمعدل حلو
بس ليش مسمي قطوتك سالاس
إسمها غريب :ponder:
صورها وحط صورتها خل نشوفها حلوة ولا شينة :09:

http://www.moq3.com/pics/up/f_07_09_06/68463ea16e.jpg (www.moq3.com)

إشرايك في هذي القطوة :01:
ابتسامــــــه
10-09-2006, 01:07 AM
أما لهجتكم عجيبة يا الإماراتيين
طرابيشكم تلبس على الكوندره
و الأحلام
عندكم تسمى
أحلاف
.
.
.
.
.
عندنا بالسعودية الأحلاف تعني الأقسام
أي الحلف بالله
.
.
.
.
.
.
.
.
:boggled:
.
.
.
.

.


أخويه رد آيز هدي هدي إشوي



المهم .. أنا هذي أول قصه أكتبها فلا تتوقعون شيء يعجبكم .. بس اللي دش حلفت عليه يقراها :D



هو قال إلي يدخل حلف علينا نقرا موضوعه ..
فأنا قلت له قريت الموضوع عن حلافك عشان لا يصوم ثلاث أيام :أفكر:


إن شاء الله فهمت الحين ^_^ ؟؟
أمير المجرة
10-09-2006, 01:08 AM
حلم مرعب صح
شد حيلك " بوسون " مبين إنته صحيح في الثانوية وأنا ايضاً أتمنى نكون في نفس المرحلة
حتى واحد يغش على الثاني
هههههههههههه
ReD_EyeS
10-09-2006, 01:15 AM
أخويه رد آيز هدي هدي إشوي





هو قال إلي يدخل حلف علينا نقرا موضوعه ..
فأنا قلت له قريت الموضوع عن حلافك عشان لا يصوم ثلاث أيام :أفكر:


إن شاء الله فهمت الحين ^_^ ؟؟
أها ... :22:
.
.
.
.
.
.
.
.
.
مع ليش صار عندي لبس لأن أحلافك جايه على وزن أحلامك
من غير الألف لأني فسرتها على أنها خطأ مطبعي
:lmao:
.
.
.
.
.
.
.
.
:ds011:
.
.
.
.
.
.
ابتسامــــــه
10-09-2006, 01:21 AM
أها ... :22:
.
.
.
.
.
.
.
.
.
مع ليش صار عندي لبس لأن أحلافك جايه على وزن أحلامك
من غير الألف لأني فسرتها على أنها خطأ مطبعي
:lmao:
.
.
.
.
.
.
.
.
:ds011:
.
.
.
.
.

.


عادي عادي معروف إن أعضاء الاستراحه مستعجلين إشوي :biggthump ...

و لهجتنا مفهومه ^_^
ReD_EyeS
10-09-2006, 01:33 AM
عادي عادي معروف إن أعضاء الاستراحه مستعجلين إشوي :biggthump ...

و لهجتنا مفهومه ^_^
وش فيهم أعضاء منتدى الإستراحة
( واحد ما راح يخلي الليلة تعدي على خير :09: )
.
.
.
.
.
.
.
.
على العموم أنا ما قصدت أي شيء بلهجتكم
وأهل الإمارات كلهم
على راسي من فوق و الله
شعب يفرض عليك أنك تحترمه و تقدره في كل زيارة
تزورها لهم و الله يحفظكم من كل عين حاسد و حاقد
حتى الموجودين هنا محترمين و على راسهم صاحب الموضوع
.
.
.
.
.
.
.
.
:ds011:
.
.
.
.
.
.
Son_OF_Liberty
10-09-2006, 03:43 AM
الله يعينك على الكوابيس خخخخخخخخ
بس انتم متى تبدا الدراسه عندكم
مساكين الطلاب عندنا اليوم اشوفهم شايلين كتبهم الجديده وراجعين بيوتهم والله يكسرون الخاطر:(

<<<بالصبح كان يتخيل غريب وموهوب على كرسي الدراسه خخخخخخخخ

الله يوفقك وشد حيلك

تحرير
صديقي الصدوق العيون البرتقاليه ملاحظ عليك هاليومين فلسفه لغويه عسا ماشر وانا خيك (&)
AOD
10-09-2006, 07:18 AM
دايما ليله اول يوم مدرسة احلام وكمان ليله اول يوم امتحانات
بس حلووة ايام الثانوية العامة صدقني راح تشتاق لها
وفني كله فن ودارسك زين وفاهمك :09:
الله يوفقك في هالسنة وترفع رأس والديك ياسولتان :D احلى من سرطاان :أفكر:
Mada Mada Dane
10-09-2006, 01:25 PM
لا تشد حيلك فلها و ربك يحلها .. سوينا كذا ومشينا .. <-- بيخرب الولد
HIROSHI_11
10-09-2006, 07:05 PM
ههههههه والله عليك حلم ..:biggthump
انا لاتجيني لا احلام ولا كوابيس عن المدرسة..:D
بالعكس الليلة قبل اول يوم دراسي انام فيها اكثر من اي يوم ثاني..:09:

ياللا شد حيلك ولا تسمع كلام مادا..:D
بالتوفيق..
bosson
10-09-2006, 09:18 PM
نجم الخليج


ماشاء الله نسبتك حلوه بس ما قلتلي عن الفصل الثاني :D << ملقوف

و لا توصي حريص أخوي ;)


Re6_Eyes




واطسون أن تعاني من أحلام اليقضة <== يسمع بأحلام اليقضة :09:




مسكين أنت .. على بالك هذا كله أحلام يقضه :09:



يعني ما يكفي أنك متأكد أن اليوم مدرسة
حتى تحلم فيها بعد :28:


هذي حال كل طالب مجتهد قلق على مستواه الإجتماعي و الصحي .. و الفني .. و المهني :dunno:

بعدين إنت لا يغرنك فيني .. تراني مسوي أحسن عنك في فلسفتك الأفلاطونيه الريد آيزيه :05:




على فكرة طربيشنا ( جمع طربوش :09: ) أحنا يالسعوديين
تلبس عندنا على الراس و ليس على الكوندره :09:


كنت أفكر الكوندره يعني "جزمه" عندكم يا معشر السعوديون :silly: طلعت كندوره يعني

كوندره .. و الله لهجتكم هي اللي ملخبطه :09:


<<<<<<< بدا يغلط .. بس لا يصدق .. ترى نسولف .. و إنت مسوي لي فيها طالب أول إبتدائي
ما تحصل شيء إلا و تستعرض عضلاتك قدام محسن و محروز :31:




أما القصة فأعتقد كبداية منك أجدها متماسك نوعاً ما
من الناحية الأدبية لكن خذلتك هذه الجملة في وصف حالك
المرهق و الطفشان من المدرسة

فالمفترض أن تقول:
لا و كني لابس جنز حليمة بولند .. هذا اللي ما يخلي الواحد يمط رجله نص سانتي
:sadwavey: <=== يعني شكلك تسذا و أنت نازل من الدرج :09:

معاني المفردات
يمط = يمد بمعنى مد فلان رجله في المجلس من قلة الأدب.
تسذا = كذا
سانتي = وحدة قياس المسطرة و المنقلة و المثلث بنوعيه الطويل و القصير و يطلق عليه أيضاً أسم سنتيمتر


علينا ذي الفلسفه يا أخي .. إنت أصلا لو شافك استاذ النحو و الله يفلعنك بالكوندره :D

و مسوي فيها فاااااااهم :hmpf:


بعدين بسك نقاشات جانبيه إنت وابتسامه ... و لاااااااااااعععع أعلم عليكم أبونا ينسفكم :phone:


Private Jeddawi




ههههه حلم عجيب .. شد حيلك "سرطان"وسلملي على فني



يبلغ سلامك .. بس شكلي حلو و أنا أقوله يسلم عليك واحد اسمه برايفيت من جده هذا كل

يوم احصله في الشيء اللي تشوفني مفترش قدامه في الصاله :D ..

حياك الله حبيبي

الورده الجريحه




بس ليش مسمي قطوتك سالاس
إسمها غريب :ponder:
صورها وحط صورتها خل نشوفها حلوة ولا شينة :09:


أنا أصلا مسمنها سالاص .. بس اكتبها سالاس احسه أسم باريسي كذا و حلو :p

<<< أقول لا حد يصرق ذا الإسم تراه من تأليفي :09:

و على الصوره .. ودي .. بس أخاف اتطيح من عيونكم تراها منتفه مافيها كشه خير شر :silly:

بس لا بغيت أخوف فيها ريد آيز أحطها لكم :D






(http://www.moq3.com/)
http://www.moq3.com/pics/up/f_07_09_06/68463ea16e.jpg (http://www.moq3.com/)


إشرايك في هذي القطوة :01:
(http://www.moq3.com/)

حلوه و كتكوته .. بس عيونها معدله بالفوتوشوب أعتقد :33: :D !!

و حياج الله أختي الورده الجريحه


هزيـــــــــــــم




حلم مرعب صح


شد حيلك " بوسون " مبين إنته صحيح في الثانوية وأنا ايضاً أتمنى نكون في نفس المرحلة
حتى واحد يغش على الثاني

هههههههههههه


لاع الغش حرام :D .. طيب أنت بعد شد حيلك و خل عنك اللعب

أسعدني وجودك و أثلق صدري .. و أنعش فكري يسلم لي أخوي هزيم ;)
bosson
10-09-2006, 09:34 PM
:28:


طلع حلم وانا قريييت موضوعك كله عن حلافك :p ..
يالله يا سورطان شد حليك




كنج تقولين ما يستاهل ذا الموضوع و لا دقيقه من وقتي :D << قويه هذي



قبل الثانويه بالعامه بـ كم يوم
شد حيلك شد حيلك شد حيلك << هذا بروحه ضغط نفسي :أفكر:

الله يوفقك يا رب ^_^


هي والله :196: U sound like my father when U say it


صن أوف لبرتي





الله يعينك على الكوابيس خخخخخخخخ
بس انتم متى تبدا الدراسه عندكم
مساكين الطلاب عندنا اليوم اشوفهم شايلين كتبهم الجديده وراجعين بيوتهم والله يكسرون الخاطر:(



نحن بدينا من اسبوع .. يوم الأحد :o .. و الله يعين الجميع

عاد تصدق إني من النوع ما يحلم " يعني مش متفيق اشتري دي في دي و أتفرج" :D

بس يوم أتوتر لازم يطلع لي بع بع :p



الله يوفقك وشد حيلك


:o Amen

AOD

أيام الثانويه حلوه حق الشليتيه اللي يلعبون .. بعدين نحن مدرستنا ولا هارفرد كله جد في جد :blackeye:



وفني كله فن ودارسك زين وفاهمك


الموضوع هذا متبادل بيننا .. ما أقولكم عيش وبراتا :09:


MADA MADA DANE

إنت لو يسمع الوالد بيصفقك :D .. نحن ما صدقنا مشينا عالصراط المستقيم

أعوذ بالله من الشيطان الرجيم :tongue1:


HIROSHI

خخخخ ... لا تحاتون أنا امشي حالي لحد الآن :ouch: .. و الباقي ع الله




يسلموا الكل على المرور و اسمحو لي تراني مشغول <<< :D
Silent
10-09-2006, 09:51 PM
وانا دوم اتحراك 21+ .. :ponder:

يالله شد حيلك نبا نشوف الـ 99.9% .. :D
secret files
10-09-2006, 10:25 PM
السلام عليكم ورحنه الله وبركاته

الله يعينك اخوي بوسان, شكلك متعقد لهادرجه من الثانويه وبعد دريولكم فني وياك :D

المهم,

شد حيلك في الثانويه العامه, ولا تحلم مره ثانيه بهالبلاوي <<<< كانه داش ضرابه :blackeye:

ونصيحه لك:

تمتع بكل يوم من الثانويه تراها احلى ايام , وبتتذكر كلامي يوم تتخرج من الجامعه انشاءالله :)


سلامي ^^
×"NIGHT STAR"×
11-09-2006, 07:22 PM
ههههههههههههههههههههههههههههههههههههه
اخر ايشي حلم..:09:
يسلمووووووووووووووو خيوووووووو:D
bosson
11-09-2006, 09:25 PM
سايلنت :o




وانا دوم اتحراك 21+ .. :ponder:


خليك محسبني 22 :D .. بعدين لهالدرجه أنا قاص عليكم .. قال عاقل ورزين قال :أفكر:




يالله شد حيلك نبا نشوف الـ 99.9% .. :D


أفا عليك بس ... ما طلبت :09:

سيركرت _ فايلز




الله يعينك اخوي بوسان, شكلك متعقد لهادرجه من الثانويه وبعد دريولكم فني وياك :D








الله يعين الجميع :) .. و فني ذا ناوي يتسفر :12: .. اليوم بغى يلف على شاحنه و يا طلعه الروح

وياه .. بايع الدنيا وبايعني معاها :blackeye:

عاد أنا واحد خواف :D .. و أقول حق السيارات "كفايا ما جرا منك كفايا "

حياك الله حبيبي الملفات السريه << اسمك مو حلو يترجم :boggled:


جده غيرل

<< اليوم مش ناوي يكتب انجليزي ذا الولد :D




ههههههههههههههههههههههههههههههههههههه

اخر ايشي حلم..:09:

يسلمووووووووووووووو خيوووووووو:D


هذي السرد الناجح ;) .. يعني لو جيت قلتلكم أنا حلمت كذا و كذا وكذا .. ما يستوي

سسبنس <<< مفكر نفسه جون لوير نيكسون النعيمي :D

ألف شكر أختي بنت جده عالمرور اللطيف والنايسي على قوله بعض البنات :boggled:



>>>><<<<


يوم تجي الإمتحانات ما بتشوفون إلا عرض اكتافنا :D .. يا أخي اتهنوا فينا

هاليومين قبل لا يبدأ الضغط ..

و السلام عليكم :02:
Mista Koo
11-09-2006, 11:32 PM
لا تشد حيلك فلها و ربك يحلها .. سوينا كذا ومشينا .. <-- بيخرب الولد
عشان كذا الدمعة بطيح xr؟؟!! <<< J/k
مشكور أخوي عالموضوع ^^ << يبي يقولك ما عجبته القصة بس أخاف تكون دكتاتوري (&)
bosson
12-09-2006, 12:21 AM
مشكور أخوي عالموضوع ^^ << يبي يقولك ما عجبته القصة بس أخاف تكون دكتاتوري (&)



لا عادي .. :o I respect U R thoughts

بالعكس .. أحب الصراحه و الطيموقراطيه .. :biggthump ..

حياك الله أخوي مشتاقوو ;)
(( فيصل ))
12-09-2006, 01:41 AM
ههههههههههههههههههه
الصراحة أخوي سورطان :09: موضوعك حلو وكتابتك حلوة
في انتظار جديدك



خـــارج الموضوع



أهل الإمارات كلهم
على راسي من فوق و الله
شعب يفرض عليك أنك تحترمه و تقدره في كل زيارة
تزورها لهم و الله يحفظكم من كل عين حاسد و حاقد
حتى الموجودين هنا محترمين و على راسهم صاحب الموضوع




والله صدقت ... يا حبي لكم يا الإماراتيين :07:
Electro M
12-09-2006, 10:35 AM
وش معنى زطي :31:؟


أحلام اليقضة
انا ما ادري انت تمزح و الا قاصدها فعلا
لكن نظرا لان الكثير ما يفرقون بين الضاد و الظاء
فللتوضيح اليقظة هي الصحيحة
ReD_EyeS
12-09-2006, 11:27 AM
وش معنى زطي :31:؟


انا ما ادري انت تمزح و الا قاصدها فعلا
لكن نظرا لان الكثير ما يفرقون بين الضاد و الظاء
فللتوضيح اليقظة هي الصحيحة
أها ... :09:
لا كنت غلطان أخوي إلكتروا M :ponder:
.
.
.

اليقظة هي الصحيحة
بالظبط أخوي ألكتروا هكذا تكتب
لكن الإستعجال و ما يسوي :)
.
.
.
.
.
.
.
.
.
.
:ds011:
.
.
.
.
الوردة الجريحة
12-09-2006, 01:58 PM
.
.

بالظبط أخوي ألكتروا هكذا تكتب
لكن الإستعجال و ما يسوي :)
.
.
.
.
.
:ds011:
.
.



وبالظبط تكتب بالضبط :أفكر:
Electro M
12-09-2006, 02:01 PM
وبالظبط تكتب بالضبط :أفكر:


اذا طاح البعير كثرت سكاكينه :biggthump

قريت الرد بس ما حبيت اعلق على نقطة بالظبط
قلت شكله قاصدها

و قلت اذا ما كان يقصدها فضربتين بالراس توجع :31:
ReD_EyeS
12-09-2006, 02:53 PM
Electro M و الوردة الجريحة
ما شاء الله عليكم
باين عليكم أن ظلوعكم باللغة أكثر من ممتاز
الله يزيدكم من نعيمه.
ولا تخافون أنا ما راح أقول أني مضلوم أو مظطهد
أو محارب في المنتدى من قبلكم
لأن عارف أن مقاصدكم طيبة ولا تحمل أي شيء
.
.
.
.
.
.
لكن لي رجاء خاص أنكم تقفلون هالموضوع عشان ما نخرب
على حبيب قلبنا سررررطان :09:
.
.
.
.
.
.
قولوا تم :biggthump
.
.
.
.
.
.
.
:ds011:
.
.
.
.
bosson
12-09-2006, 09:19 PM
فيصل

إنت الأحلى حبيبي .. و الله أنك ذوق ;)

و يسلم لي مرورك أخوي


إلكترو أم

و الله ما أعرف شو يعني زطي عندكم :31: ؟ .. يعني افهمها من سياق النص .. ولا بس فالح في الإملاء :09:

هذا وأنا كاتب نص كلامي بلهجتكم :33: .. مراعاتن للشعب الشقيق :D

و حياك الله أخوي


الورده الجريحه


ههههههه .. على فكره أنا بعد لساني عوج .. ما أعرف أفرض بين الظاد و الضاء :silly:


Red_Eyes

:boggled:

واط كان أي طو فور يو ؟ :28:


<< ورطك في الجمله هذي :D

<<<<<>>>>>

يلا أشوفكم على خير :02:
veronica007`
13-09-2006, 04:43 AM
لول
يازين أيام الثانوية
ياريتها ترجع
أحس أني ضيعتها ببقائي محترمة ولساني مهو طويل
تشااو
Electro M
13-09-2006, 10:48 AM
إلكترو أم

و الله ما أعرف شو يعني زطي عندكم :31: ؟ .. يعني افهمها من سياق النص .. ولا بس فالح في الإملاء :09:

هذا وأنا كاتب نص كلامي بلهجتكم :33: .. مراعاتن للشعب الشقيق :D

و حياك الله أخوي

هذا الحين المفروض انك كاتبه بلهجتنا؟!
اجل لو تكتبه بلهجتكم وش يصير :09:؟!

زطي فهمتها انه دلخ = غبي = ما عندك احد = لما عضو يرد على صاحب موضوع استفسار بمشكور
shjoonal3in
13-09-2006, 11:51 AM
خوش قصة والله انها فنانه يا بوسون ...:biggthump
عاد الله يعينك على الثانوية تراها حلوة ((احلى ما فيها الخبااال:D ))
وأيامها لا تنسى:)




زطي فهمتها انه دلخ = غبي = ما عندك احد = لما عضو يرد على صاحب موضوع استفسار بمشكور

لا لا وينك شطحت بعيد<<< جاكم سيبويه:D
زطي يعني بخيل...ولا اشرايك سورطان:D
يعني مثلاً كلما أروح مع ربيعتي كافتيريا أنا أعزمها لأنها زطية ما تعزمني:09: خخخخ
عاد اذا مب صح سورطان بيصحح:D خخخ

بالتوفيق أخوي بوسون
وعقبال ما نبارك لك بالنسبة والجامعه إن شاء الله^^
Electro M
13-09-2006, 12:14 PM
ام الفرق
بس ليش يقول على بزر انه زطي؟
غير مقبولة نحويا و بلاغيا
ابتسامــــــه
13-09-2006, 12:19 PM
ام الفرق
بس ليش يقول على بزر انه زطي؟
غير مقبولة نحويا و بلاغيا

إمممممم

نحن لما نتلفظ فيها على أساس إن الزطي >>> بخيل

بس لاحظت إن الوالده ما تعجبها هالكلمه :boggled: وتحرج علينا لما نقولها .. يمكن لها معنى أصلي غير البخيل :33:
Son_OF_Liberty
13-09-2006, 12:21 PM
الكتور
على العكس تماما فالانسان يوم يكون بزر يكون زطي ويوم يكون شايب يكون زطي بعد
بس بهالفترتين الانسان ماينلام عليها ينلام فقط اذا كان شباب مثل حالتنا الحين
ادري انك أزط مني ياالكتور :31:

وللتأكد اكثر اذا عندك اخو صغير وشفت معه بطاطس ليز قوله أبي يقولك قم بس قم (&)
Electro M
13-09-2006, 12:50 PM
ابتسامة
اجل اعتقادي ان معناها اكبر من بخيل طلع صحيح :31:

سول
عليك اخوان
انا لو اقول لاخوي الصغير عطني
يعطيني الكيس كله :31:
الوردة الجريحة
13-09-2006, 01:34 PM
Electro M و الوردة الجريحة

ما شاء الله عليكم
باين عليكم أن ظلوعكم باللغة أكثر من ممتاز
الله يزيدكم من نعيمه.
ولا تخافون أنا ما راح أقول أني مضلوم أو مظطهد
أو محارب في المنتدى من قبلكم
لأن عارف أن مقاصدكم طيبة ولا تحمل أي شيء
.
.
لكن لي رجاء خاص أنكم تقفلون هالموضوع عشان ما نخرب
على حبيب قلبنا سررررطان :09:
.
.
قولوا تم :biggthump
.
.
.
:ds011:
.

.


تم .. :أفكر:

أخوي سلطان

إشرايك بهذي القطوة ( لا تقول راسمينها بالفوتوشوب :boggled: )


http://members.abunawaf.com/balot/aug/103.jpg

وهذي بعد يسبحونها ومو عاجبها :D
انت قطوتك إشلون مشاكسة ولا مؤدبة :p

http://members.abunawaf.com/balot/aug/130.jpg

وهذي القطوة الأولى بس معصبة
ما تبيهم يصورونها

http://members.abunawaf.com/balot/aug/142.jpg

إذا قطوتك تأذيك وتغربلك
فهذا هو الحل :09:


http://members.abunawaf.com/balot/aug/213.jpg

:)
bosson
15-09-2006, 12:02 AM
فيرونيكا


خخخ :09: .. لا لا .. خلينا محترمين نفسنا زي أول << حلو "زي" هذي :p

حياج الله أختي فيرونيكا << ذكرتيني فاللعبه اللي عقدتني :boggled:


نيوترون أم +_X


أجل وش تبغاني أسوي ؟ :silly: .. بعدين نفس ما قالك غبن الحريه ترى " البزران " معظمهم كذا :D

الإخت شجون العين جزاها الله خيرا وو فقها و هداها وإيانا إلى الصراط المستقيم

قد أجابت عن سؤالك غير مقصره .. و لاااااا حرج في ذلك :09:

و إذا عندك اي استفسارات أخرى راجعني في المكتب ;)


شجون العين


شكلي الياهل فيكم :boggled: .. حتى شجون العين طلعت أكبر عني :28:

يالله :أفكر:

و كل واحد يدش يقولي : شد حيلك يا ولد :ponder: . . :D U all sound like my grand mah

و حياج الله أختي .. و أشكرج جزيل الشكر عالشرح للأخ إلكترون


Son of librety

خخخ .. إنت اللي جبتها :biggthump .. يا أخي أنا بس أتورط مع إلكترون بسوي لك مس كول على

طول خخخ ;)


الورده الجريحه


خخخخ .. الله يقطع سوالفج .. كلهم حلوين :D

الصوره الثانيه .. شكل القطو يغمض >_< .. يذكرني فالقطو اللي في shrek2


http://img78.photobucket.com/albums/v283/lordgreyhame/Varias/Shrek2CatBig.jpg
و الصوره الأخيره تفطس ضحك .. تكشيره القطو هذي تعجبني بجد


يسلمو الورده الجريحه عالصور و المرور ;)
ابتسامــــــه
16-09-2006, 02:13 PM
ابتسامة
اجل اعتقادي ان معناها اكبر من بخيل طلع صحيح :31:


و الله يمكن إلي يجي في بال الوالده جا في بالك :02:

إلا ما قلت لي شو جا في بالك . .. :33: ..؟ :p
الوردة الجريحة
16-09-2006, 03:41 PM
السلام عليكم :)


أدري إني زودتها شوي :أفكر:
بس عجبتني سالفة صور القطاوة
ويبت لك صور جديدة :D


قطوتين أمورتين يلعبون مع بعض :09:


http://www.moq3.com/pics/up/f_13_09_06/097b45875c.jpg (http://www.moq3.com)


وهذا القطو ما اعرف اسمه :ponder:


http://www.moq3.com/pics/up/f_13_09_06/d0e3aba427.jpg (http://www.moq3.com)


:D
bosson
16-09-2006, 04:35 PM
وهذا القطو ما اعرف اسمه :ponder:

http://www.moq3.com/pics/up/f_13_09_06/d0e3aba427.jpg (http://www.moq3.com)



:D



اسمه قارفيلد .. هذا مسونه ميداليه حق مفاتيحي :D ..

خخخ .. أقول شرايج تبطلين موضوع كامل عن صور القطاوه .. و طرشيلي الرابط :09:

<<<>>>

أقول ابتسامه .. و را ما تضيفين إلكترون عندج بالمسن يكون أحسن من تخربون موضوعي :09:

<<< اسولف .. بس إذا حد من المراقبين يودكم أنا مالي خص :tapedshut:


و السلام عليكم