قصتي و الصباح الاسود المعتم في الثانويه عامه ..

[bosson]

السلام عليكم ورحمه الله وبركاته




أهلا شباب .. شخباركم ؟ .. عساكم ع القوووه ؟



المهم .. أنا هذي أول قصه أكتبها فلا تتوقعون شيء يعجبكم .. بس اللي دش حلفت عليه يقراها


في صباح من الصباحات المغبرة .. صحيت من نومي و برطمي داعم الجدار من القهر


هذا أول يوم ثانويه عامه .. أبي أبوي أبي أمي أبي زوجي <<< استغفر الله بس


ما أبي أروووووح و الله ومتكدر .. يا ضيقه الخلق ذاك اليوم .. يتصل فيني فني (بشد النون)


هذا دريولنا يعني السواق .. واحد ياكل براتا و يوصلني المدرسه و يخش أسراري عن الوالد.


ايوا ليش مستغربين يوصلني المدرسه

المهم

أسمه ( فني) .. اسم الرجال لا تطنزون ترا ما أرضا .. بينا عيش و براتا


<<<<>>>>


أنا : ألو فني شندك عالصبح


فني : يلا سرطان مكينه مال سياره يحترق ألهين >> يتفاول علي بالسرطان الله يخس بليسه


أنا : زين زين بس ألبس فروختي <<< " طربوش الكندوره نسميه فروخه " تعلموا إماراتي


<<<<>>>>


تك .. أبند التلفون << حشى تلفزيون هذا تك مره وحده


أخذ لي تنهيده قويه .. ولا اعصار كاترينا ودي يطلع من حلقي .. سالاس "قطوتي المنتفه" نايمة ولا


عندها خبر .. و أنا حاقد عليها ودي أرفسها تحس فيني شوي خخخ


أسولف وياكم تراني ولد عطوف ما أسويها


و أطالع لابتوبي بحزن و قلق شديدين .. و أنا أودع لحظاتي مع الشبكه العنكبوتية


و أتذكر كلام الوالد يطن في إذني طنينا مطنطنا " خلاص تب تقعد عالنت جمعه و سبت ولا اسحب


لابتوبكشد حيلك يا ولدي ثانويه عامه "


المهم .. انزل تحت عالسلم .. و من الثقل و الله كني لابس جزمه ارمسترونق مالت الفضاء



لا و كني لابس جنز أمينيم .. هذا اللي تقول خيمه لووول


أسلم على الوالدين بحزن .. أمسك بطني و أصرخ "أييييييييييييي"


<<<<>>>>


الوالده : علينا يا سلطان .. إلعبها يوم ثاني .. يلاع


<<< المشكله هي فاهمتني لول


الوالد : ينزل نظارته و يناظرني بنص عين .. هااااااااع شد حيلك من أول يوم يا ولدي


أنا : إن شاء الله أبوي


الوالد : يلا تعال كل شاي و اشرب لك صمونه...ماشيء قرون فلكس إنت كبرت


أنا : لا ما لي خاطر .. تسلم أبوي أنا مستعجل .. بعدين أنا من متى أكل كورن فلكس يا أبوي


<<<>>>


أطلع بره الحوش و أشوفلك فني قاعد يمسح السيارة مستانس الأخ و يكلمني :


فني : يلا سرطان دوخول سياره ... أنا يبي يجيب فلفل حق غدا


أنا أقول في خاطري : طبعا مستعجل عالفلفل ولا لو هو كزبره ولا بقدونس ما يطريه


فني : شنو قصدك سروطان .. هذا ماما يقول جيب فلفل مش حق أنا


أنا : بل هذا كيف سمعني .. لا لا سلامتك حبيبي ما قصدت شيء


جيت أبا أدخل السيارة و اسمع صوت عالي .. شو هذا ؟؟


فخاطري أتكلم .. لا يكون صفاره إنذار السكيورتي حق زياره بو زايد ؟؟ .. لا لا مش هو


أجل أكيد هذا المتوهق مرزوق "راعي الغاز" جاي من يصبح علينا هو التنكر ماله


يقاطعني فني : لا لا سروطان هذا حمد بتشا مال بابا حمد .. بتشا مال بابا بابا مال حمد ....الخ


" بل هذا كيف يسمعني أنا متأكد اني ما نطقت !! "


المهم .. طليت على بيت بو حمد << ملقوف الأخ


<<<>>>


أنا : خير يا بو حمد شعنده حمد يصارخ ؟؟


بو حمد : ذابحنا هالولد مش راضي يروح الروضه !!


أنا : أفاااا يا حماده و أنا أقول عنك شاطر.


تذكرت فجاه إني و أنا طالع حطيت حلاوه منتوس في مخباي "جيبي" عن لوعت الكبد


طلعتها و عطيتها حمد و انبسط مررره .. و قال لي : عندك غيرها ؟


أنا في نفسي : أه يا الزطي !!


تذكرت أن فني يقرأ الأفكار .. و ألف و أطالعه و هو يهز راسة يقول : صح سروطان هذا ولد واااجد زوطي


يا لاهووييييييي .. منو قاااااال ؟ .. إيش هالكلام يا فني ؟؟


الله يخس بليسك فشلتنا عند خلق الله


و أنا ودي أموت من الخوف .. من وين يقرأ أفكاري ذا الفني ذا ؟؟ !!


و أنا أرقع الموضوع و استدرك السالفه لا تخرب : خلاص يا حمد


أنا أجيب لك غيرها بكره .. يلا في أمان الله يا بو حمد


أههههههههههف .. بغى يورطنا ذا الفني .. و الله لقول للوالد يسفره لا توصل سالفته للأمم المتحده.


فني يناظرني بطرف خشم ... كنه سمعني وش أقول


و الله أحس نفسي في فيلم رعب ولا شيء .. لا يكون بعدني نايم ما صحيت !


صعدنا السياره أنا وفني


أقول يا فني .. يا فني


فني : نعم سرطان شنو يريد ؟


أنا : إنت شو ماكل عالريوق.


فني : أنا أكل خبز ...ليس ؟


أنا : أشوه مش ماكل براتا ولا شيء فيه ثوم ... أقول عضني ..


فني : ليس سروطان ؟


أنا : إنت عضني و بس


فني : أوكي ...


مسك فني إيدي و يعضني عضه ليون كنغ .. و أنا أيييييييييييي اخخخخخخخ اشششششش


فجأه .. طاااااااااااااااخ


أيييييي راسي


و ين أنا .. لا يكون هذا الجزء الرابع من Saw


هذي أرضيه حجرتي !!


أن تحت السرير .. يالهوي .. أنا من صدق كنت أحلم


الحمد لله أشوه كان حلم


.. يدق التلفون ..


فرشي التراب يضمني و هو غطائي

<<< راكبه النغمه على وضعيتي خخخخ


أخييييه هذا فني .. أخاف يتكرر الكابوس

أنا : ألو فني

فني : ألو سروطان .. كيف حالك ؟

أنا : والله بخير .. تمام شو في ؟

فني : يلا يلا .. مدرسااا ..

زين زين .. بس ألبس فروختي





.. طن طن طن طن


<<< متفيق يلون النقاط و الأسهم .. قال ستايل

[نجم الالعاب]

شد حيلك هالسنة وجيب نسبة بالتسعينات في الفصل الأول... هذا الفصل أهم شئ... نصيحتي لك روح مدرسة أهلية وشبك المدرسين مثل ما سويت أنا... جبت في الفصل الأول 97 %

[ReD_EyeS]

واطسون أن تعاني من أحلام اليقضة <== يسمع بأحلام اليقضة
.
.
.
.
.
.
يعني ما يكفي أنك متأكد أن اليوم مدرسة
حتى تحلم فيها بعد
.
.
.
.
.
.
على فكرة طربيشنا ( جمع طربوش ) أحنا يالسعوديين
تلبس عندنا على الراس و ليس على الكوندره
.
.
.
.
.
.
.
.
.
.
.
أما القصة فأعتقد كبداية منك أجدها متماسك نوعاً ما
من الناحية الأدبية لكن خذلتك هذه الجملة في وصف حالك
المرهق و الطفشان من المدرسة

لا و كني لابس جنز أمينيم .. هذا اللي تقول خيمه لووول

فالمفترض أن تقول:
لا و كني لابس جنز حليمة بولند .. هذا اللي ما يخلي الواحد يمط رجله نص سانتي
<=== يعني شكلك تسذا و أنت نازل من الدرج
.
.
.
.
.
.
.
معاني المفردات
يمط = يمد بمعنى مد فلان رجله في المجلس من قلة الأدب.
تسذا = كذا
سانتي = وحدة قياس المسطرة و المنقلة و المثلث بنوعيه الطويل و القصير و يطلق عليه أيضاً أسم سنتيمتر
.
.
.
.
.
.
.
.
.
.

.
.
.
.
.

[ابتسامــــــه]

طلع حلم وانا قريييت موضوعك كله عن حلافك ..

يالله يا سورطان شد حليك


قبل الثانويه بالعامه بـ كم يوم

شد حيلك شد حيلك شد حيلك << هذا بروحه ضغط نفسي

الله يوفقك يا رب ^_^

[ReD_EyeS]

طلع حلم وانا قريييت موضوعك كله عن حلافك ..

أما لهجتكم عجيبة يا الإماراتيين
طرابيشكم تلبس على الكوندره
و الأحلام
عندكم تسمى
أحلاف
.
.
.
.
.
عندنا بالسعودية الأحلاف تعني الأقسام
أي الحلف بالله
.
.
.
.
.
.
.
.

.
.
.
.
.

[Private Jeddawi]

ههههه حلم عجيب .. شد حيلك "سرطان"وسلملي على فني

[الوردة الجريحة]

السلام عليكم أخوي بوسون
حلمك وايد حلو طريف
شد حيلك والله يوفقك بمعدل حلو
بس ليش مسمي قطوتك سالاس
إسمها غريب
صورها وحط صورتها خل نشوفها حلوة ولا شينة



إشرايك في هذي القطوة

[ابتسامــــــه]

أما لهجتكم عجيبة يا الإماراتيين
طرابيشكم تلبس على الكوندره
و الأحلام
عندكم تسمى
أحلاف
.
.
.
.
.
عندنا بالسعودية الأحلاف تعني الأقسام
أي الحلف بالله
.
.
.
.
.
.
.
.

.
.
.
.

.

أخويه رد آيز هدي هدي إشوي

المهم .. أنا هذي أول قصه أكتبها فلا تتوقعون شيء يعجبكم .. بس اللي دش حلفت عليه يقراها

هو قال إلي يدخل حلف علينا نقرا موضوعه ..
فأنا قلت له قريت الموضوع عن حلافك عشان لا يصوم ثلاث أيام


إن شاء الله فهمت الحين ^_^ ؟؟

[أمير المجرة]

حلم مرعب صح
شد حيلك " بوسون " مبين إنته صحيح في الثانوية وأنا ايضاً أتمنى نكون في نفس المرحلة
حتى واحد يغش على الثاني
هههههههههههه

[ReD_EyeS]

أخويه رد آيز هدي هدي إشوي





هو قال إلي يدخل حلف علينا نقرا موضوعه ..
فأنا قلت له قريت الموضوع عن حلافك عشان لا يصوم ثلاث أيام


إن شاء الله فهمت الحين ^_^ ؟؟

أها ...
.
.
.
.
.
.
.
.
.
مع ليش صار عندي لبس لأن أحلافك جايه على وزن أحلامك
من غير الألف لأني فسرتها على أنها خطأ مطبعي

.
.
.
.
.
.
.
.

.
.
.
.
.
.

[ابتسامــــــه]

أها ...
.
.
.
.
.
.
.
.
.
مع ليش صار عندي لبس لأن أحلافك جايه على وزن أحلامك
من غير الألف لأني فسرتها على أنها خطأ مطبعي

.
.
.
.
.
.
.
.

.
.
.
.
.

.

عادي عادي معروف إن أعضاء الاستراحه مستعجلين إشوي ...

و لهجتنا مفهومه ^_^

[ReD_EyeS]

عادي عادي معروف إن أعضاء الاستراحه مستعجلين إشوي ...

و لهجتنا مفهومه ^_^

وش فيهم أعضاء منتدى الإستراحة
( واحد ما راح يخلي الليلة تعدي على خير )
.
.
.
.
.
.
.
.
على العموم أنا ما قصدت أي شيء بلهجتكم
وأهل الإمارات كلهم
على راسي من فوق و الله
شعب يفرض عليك أنك تحترمه و تقدره في كل زيارة
تزورها لهم و الله يحفظكم من كل عين حاسد و حاقد
حتى الموجودين هنا محترمين و على راسهم صاحب الموضوع
.
.
.
.
.
.
.
.

.
.
.
.
.
.

[Son_OF_Liberty]

الله يعينك على الكوابيس خخخخخخخخ
بس انتم متى تبدا الدراسه عندكم
مساكين الطلاب عندنا اليوم اشوفهم شايلين كتبهم الجديده وراجعين بيوتهم والله يكسرون الخاطر

<<<بالصبح كان يتخيل غريب وموهوب على كرسي الدراسه خخخخخخخخ

الله يوفقك وشد حيلك

تحرير
صديقي الصدوق العيون البرتقاليه ملاحظ عليك هاليومين فلسفه لغويه عسا ماشر وانا خيك

[AOD]

دايما ليله اول يوم مدرسة احلام وكمان ليله اول يوم امتحانات
بس حلووة ايام الثانوية العامة صدقني راح تشتاق لها
وفني كله فن ودارسك زين وفاهمك
الله يوفقك في هالسنة وترفع رأس والديك ياسولتان احلى من سرطاان

[Mada Mada Dane]

لا تشد حيلك فلها و ربك يحلها .. سوينا كذا ومشينا .. <-- بيخرب الولد