المساعد الشخصي الرقمي

مشاهدة النسخة كاملة : الطبخة العنيفة .... للشيف والشيفة ^__^ ..حلو الكاكاو سهل التحضير


الجمس الحمر
01-01-2007, 02:43 PM
بسم الله الرحمن الرحيم



اشلونكم



هذه طبخة لذيذة ... لا تكثر منها علشان لا تنتفخ :blackeye:


اولا


تجيب صحن او طبق من زجاج .. وتصف فيه بسكوت .. من أي نوع تحبه - لا يكون مالح


ثم تحضر كوب حليب و تصب الحليب فوق البسكوت .... والهدف ليكون البسكوت لينا .. يعني انت اعلم بالمقدار اللي تحتاجه



المهم



تخلي صحن الزجاج على جنب الحين



وتروح للبقالة


تشتري ..... دريم ويب ( كرتون لونه ازرق وعليه جللي لونه احمر فوق مدري شنهو شيئ لونه ابيض المهم هذا هو )


2- كريم كاراميل ( عدد 2 كرتون صغير ... ما يبيله تعريف )


3- مسحوق كاكاو ...... تعرف نسكويك الارنب اللي يشرب حليب كاكاو ... هذا ينفع ممتاز


4-سكر

5- علبة قيمر عدد 2


و بس



ترجع للبيت ... وانتبه للشارع



تجيب طبق عميق للتحضير ... مع خلاط ( ليس الخلاط الذي تخلط فيه عصير مع ثلج - نقصد الخلاط اللي تمسكه بيدك وتخلط به )


المهم


تحط علبتين من الدريم ويب ( الكرتونة فيها 8 علب صغار تقريبا ) في طبق التحضير


وتحط فوقه علبتين كريم كاراميل


وتحط فوقهم .... كوب حليب 250 مل وعلى حسب


وبعدين تضع فوقهم 5 ملاعق سكر


وتضع فوقها 10 ملاعق مسحوق كاكاو
وتحط القيمر 2 علبة .. فوقهم

تخلط بالخلاط ...لين تزهق يدك


تخلط وتخلط وتخلط ...لين يصبح الخليط متماسكا ويصبح غليظا ما يتحرك بسرعة


المهم بعد الخلط العنيف هذا


تضع الخليط فوق البسكوت ( اللي سويناه قبل لا تروح البقالة )


وتساويه وتعدله وتضبطه


وتقدر تحط قطع شوكولاته فوق الخلطة وتزينها بمسحوق ( فليك :biggthump )


تغطي الطبق بنايلون وتضعه في الثلاجة لمدة 10 سعات على الاقل


وبعدين طلعه واكل ولا تكثر :)



وشكرا
D.D.S
02-01-2007, 01:10 AM
شهيتني والله ..,

تسلم ع الوصفه .., من الشيف جموس ..,

شكرا لك

وبالتوفيق .,

==
sweet Mio
02-01-2007, 08:08 AM
حلوووووو والله بصراحه شهيتني حجي الجمس لووول
شسالفه الكويتيين صار طباخين وشغل عدل
انا مجربتها هذي برمضان وصراحه طعمها حلوووووووووووووووو
وابشرك مكثرة منها وايد هههههههه
مشكور اخوي ^^"
الجمس الحمر
03-01-2007, 06:06 AM
حياااااكم الله

واللي بيكثر منها ..هو الخسران :)
LooreenA
03-01-2007, 03:10 PM
السلام عليكم^^
كيف الحال الجمس، وين الجمس الأزرق عنك :09:
لول، يوم وصفات الشوكولاته اليوم او ايش O.o
شكرا على الوصفة الرهيبة، لكن ان ما انتبهت على الشارع راح ينشف البسكوت، لذلك، حضروا كل شيء مرة وحدة خخخ^^"
ثانكس، وهذه صورة لك ايضا لول

http://www.sweettoothcakesandpastries.com/pictures/home/HOME-PG--Chocolate-Mousse-C.jpg

اسعدني اشوف وصفاتكم الخاصة لهذا اليوم^^
ان شاء الله دائما كح
يلا نشوفكم بخير ^.~