ابي اشتري الX BOX

[ابوزاهد]

السلام عليكم
نبي نشري الاكس بوكس 360 ودون اي مقدمات
بس نبي نعرف بعض الامور وما عليكم امر
1- كم سعره ؟
2- افضل نسخة صادرة من الجهاز ؟ اذا كالن له عدة نسخ .
3- اي نظام اختار يعني PAL ولا NTSC ؟
4- الحين سمعت انه في اكس بوكس 360 معدل ليشتغل عليه الكوبي طيب بكم الجهاز المعدل وبكم الجهاز الغير معدل وما هي نصحيتكم في هذا الموضوع ؟
اخاف المعدل يكون في مشاكل واعطال .
5- اللعب عن طريق خدمة اللايف مجانا بمعنى انه اذا عندي اللعبة اصلي مثلا " كول اوف ديوتي 3" اقدر اسوي اكاونت مجانا والعب ولا لازم ادف فلوس الى جانب امتلاكي النسخة الاصلي مثل "WOW"
6- كم اسعار العابه ؟
7- ابي رايكم وبكل صراحة وبدون تحيز هل نظام التحكم في الاكس بوكس جيد ومرن مثل البلاي ستيشن ام انه اصعب ؟
8- لووتتكرمون تدلوني على مكان اشتري منه الاكس بوكس 360 من المدينة المنورة وتنصحوني بقائمة من 10 العاب اجيبهم معاه تضمن لعبة كرة قدم ولعبة مصارعة والباقي من ذوقكم الرفيع

وما قصرتووووووووووووووو

[ابوزاهد]

اقول يا شبابب ولا ننسى بعد نبي لعبة سيارات قوية مرة

[ابوزاهد]

اقول يا اخوان معقولة ولا رد ؟؟؟

بعد اكثر من 10 ساعات ولا رد ؟؟؟؟!!!

والله اني شايف موضوع تقريبا نفس موضوعي في منتدى البلاي ستيشن يبي يشري ps 3

وكان عنده كم سؤال يارجاال ما امدى الرجال يسال الا لقى سيل ردود وش السالفه يالربع

افزعولنا

[Gentleman]

وعليكم السلام ورحمة الله وبركاته ..

ينقل الموضوع لقسم الإستفسارات ..

وشكرا ..

[ابوزاهد]

اقول لاحول ولا قوة الا بالله
ولا واحد يبي يجاوب

ايش السالفة
حتى المراقب اكتفى بنقل المشاركة وبسسسسسسسسسس
يعني وين اسال اروح اسال في قسم البلاي ستيشن ؟؟؟؟!!!!!!!!

والله اشهد انهم هناك ما يقصرون ويفزعون

تكفون يا شباب نبي الاجابات على وجه السرعة وبعدين ما تستاهل للي عنده الجهاز من سنة واكثر يعني اكيد بيعرف كل البيانات اللي طلبتها

وما اظن انكم في قسم الاكس بوكس بخلاااااااااااااااااااااااااااااااااااااااء
وما قصرتو

[ابـ الدحمي ـو]

حال المنتدى زففففففففت .. في سرعة الردود ولا اعلم ماهو السبب ؟؟
وانا مثلك ابي اعرف اجابات للاسئلة الي انت سئلتها لاني ناوي اشتري جهاز مثلك ،،

واحب اضيف .. ( ما هي الاشياء المطلوبة للدخول الى شبكة live ) ؟؟

[XvashX]

إستفساراتك باللون الأسود وجوابي بهذا اللون :D

السلام عليكم
وعليكم السلام ورحمة الله وبركاته

نبي نشري الاكس بوكس 360 ودون اي مقدمات
بس نبي نعرف بعض الامور وما عليكم امر
أبشر من عيوني يالطيب ;)

1- كم سعره ؟
سعره بـ 1800 ريال سعودي طبعاً هذا في الرياض
------------------------------

2- افضل نسخة صادرة من الجهاز ؟ اذا كالن له عدة نسخ .

بالنسبة للإصدارات مافي أي إصدار أقوى من الثاني بس إذا بتاخذ الجهاز أهم شيء يكون عليه ضمان شهر من المحل لأن المشاكل إلي في الإصدارات تطلع في أول إسبوعين وإذا عدا شهر والجهاز تمام إن شاء الله ما راح يخرب عليك :biggthump
------------------------------

3- اي نظام اختار يعني PAL ولا NTSC ؟

على حسب علمي لايوجد PAL ، إلي موجود NTSC ياباني و NTSC إمريكي ومثل ما قلت لك كلهم مثل بعض أهم شيء الضمان لمدة شهر وذلك تحسباً لأي خرابات :p
------------------------------

4- الحين سمعت انه في اكس بوكس 360 معدل ليشتغل عليه الكوبي طيب بكم الجهاز المعدل وبكم الجهاز الغير معدل وما هي نصحيتكم في هذا الموضوع ؟

بالنسبة للجهاز المعدل فأعتقد سعره بـ 1800 ريال أيضاً والسعر مثل الجهاز إلي إلي ما يشغل كوبي والسبب إن إلي يشغل الكوبي ليست قطعة تتركب بالجهاز بل سوفت وير ينزله في الجهاز ويشغل كوبي
------------------------------

اخاف المعدل يكون في مشاكل واعطال .
أبد ياخوي الأعطال سببها الجهاز نفسة يعني من المصنع إذا جاك معطوب راح يخرب سواءً معدل ولا مو معدل
------------------------------

5- اللعب عن طريق خدمة اللايف مجانا بمعنى انه اذا عندي اللعبة اصلي مثلا " كول اوف ديوتي 3" اقدر اسوي اكاونت مجانا والعب ولا لازم ادف فلوس الى جانب امتلاكي النسخة الاصلي مثل "WOW"

لازم تشترك إشتراك ذهبي علشان تقدر تلعب أما الإشتراك العادي (المجاني) للأبديت وغيره من الأشياءوفي ماركت تقدر تشتري منه أشياء إضافيه بالنقاط إلي تشتريها بس مو ضرورية
------------------------------

6- كم اسعار العابه ؟

الأصليه من 200 إلى 260 ريال على حسب اللعبة أما الكوبي سعرها من 35 إلى 40 ريال طبعاً هذه الأسعار في الرياض ;)
------------------------------

7- ابي رايكم وبكل صراحة وبدون تحيز هل نظام التحكم في الاكس بوكس جيد ومرن مثل البلاي ستيشن ام انه اصعب ؟

شوف يبو الشباب أنا بل جيتس ما يعطيني نسبة من المبيعات :D وبالنسبة لرأيي جهاز الإكس بوكس360 الآن مناسب أكثر من البلاي ستيشن والأسباب كثيرة وأهمها ما نزلت ألعاب تستاهل شراء البلاي ستيشن علشان كذا إذا عندك نيه لشراء الإكس بوكس توكل على الله وإن شاء الله ما تندم
------------------------------

8- لووتتكرمون تدلوني على مكان اشتري منه الاكس بوكس 360 من المدينة المنورة وتنصحوني بقائمة من 10 العاب اجيبهم معاه تضمن لعبة كرة قدم ولعبة مصارعة والباقي من ذوقكم الرفيع

يؤيؤيؤيؤ ألحين بعد التعب دريت إنك من المدينه المنورة :bigeyes: وأنا كنت أتمنى إنك تكون من الرياض علشان أفيدك أكثر وللأسف ما عندي خبر عن المحلات عندكم بس حاب أقولك إذا المحل ما بيعطيك ضمان لا تشتري الجهاز منه حتى لو قالك بـ 1000 ريال لأنه راح يخرب عليك في 7 أيام وبتندم وبالنسبة للألعاب اممممم:33: ..
بالنسبة للعبة كرة القدم فأنصحك بـ W.E. - Pro Evolution Soccer 2007 (http://www.gamespot.com/xbox360/sports/winningeleven10/index.html)
والمصارعة ما لعبت شيء منها بس هذه اللعبة ماخذه نسبه حلوه WWE SmackDown! vs. RAW 2007 (http://www.gamespot.com/xbox360/action/smackdownvsraw2007/index.html)
وبالنسبة للي على ذوقي فأنصحك بهذه الألعاب :
Gears of War (http://www.gamespot.com/xbox360/action/gearsofwar/index.html?sid=6161188)
Ghost Recon Advanced Warfighter 2 (http://www.gamespot.com/xbox360/action/graw2/index.html)
Virtua Tennis 3 (http://www.gamespot.com/xbox360/sports/virtuatennis3/index.html?sid=6167755)
Lost Planet (http://www.gamespot.com/xbox360/action/lostplanet/index.html)
Fuzion Frenzy 2 (http://www.gamespot.com/xbox360/puzzle/fuzionfrenzy2/index.html) طبعاً هذه اللعبة مثل ماريو بارتي يعني حلاوتها لما يعبوها 4 لاعبين :biggthump

وإن شاء الله أكون أفدتك والسموحة على التأخير في الرد توني شفت موضوعك.. العتب على الوقت :)
وإذا عندك أي إستفسار أنا موجود.. وسلامتك ;)

وما قصرتووووووووووووووو
إن شاء الله ما أكون قصرت :p
......................................................................


حال المنتدى زففففففففت .. في سرعة الردود ولا اعلم ماهو السبب ؟؟
وانا مثلك ابي اعرف اجابات للاسئلة الي انت سئلتها لاني ناوي اشتري جهاز مثلك ،،

واحب اضيف .. ( ما هي الاشياء المطلوبة للدخول الى شبكة live ) ؟؟

الدعوة ما يبيلها شيء مجرد إعدادات وتدخل اللايف وأكيد راح تلقى موضوع خاص بهذا الشيء وإذا لقيته راح أعطيك رابط الموضوع وآسف لأني نسيت الإعدادات بس لي عودة للموضوع إن شاء الله

[ابـ الدحمي ـو]

مشكور يا قلبي ..... على ردك ،
فيه سؤال اخير ... اغلب الاشرطة الموجودة بالرياض يابانية او امريكية ؟
لانه ودي اشتري ياباني معدل علشان الكوبي بس خوفي تكون الاشرطة اليابانية قليلة + ان اللغة تكون يابانية !! وودي اشتري امريكي بس وين اقدر اسويلة سوفت وير ؟؟

ومشكوووووووور مرة اخرى

[Gentleman]

حال المنتدى زففففففففت .. في سرعة الردود ولا اعلم ماهو السبب ؟؟


لا تحكم على سرعة الرد .. لكن احكم على الرد نفسه .. على الاقل هناك رد .. انتظر شوي بس وبتييك الإجابة ..

وشكرا ..

[محـ ss uae ـمد]

واحب اضيف .. ( ما هي الاشياء المطلوبة للدخول الى شبكة live ) ؟؟


فهرس منتدى ال xbox (http://www.montada.com/showthread.php?t=514343)

[XvashX]

مشكور يا قلبي ..... على ردك ،
العفو حبيبي ما سوينا غير الواجب ;) ..




فيه سؤال اخير ... اغلب الاشرطة الموجودة بالرياض يابانية او امريكية ؟

لانه ودي اشتري ياباني معدل علشان الكوبي بس خوفي تكون الاشرطة اليابانية قليلة + ان اللغة تكون يابانية !! وودي اشتري امريكي بس وين اقدر اسويلة سوفت وير ؟؟


ومشكوووووووور مرة اخرى




وبالنسبة لسؤالك إذا بتاخذ معدل أنصحك بالياباني لأنه يشغل كل الألعاب الكوبي أما الأمريكي فتوجد



ألعاب ما يشغلها بس مثل ما قلت لكم أهم شيء الضمان والله قلبي يتقطع لما ألقى واحد ماخذ الجهاز
وتوه ما كمل عنده شهر إلا وهو خربان والله شيء يقهر علشان كذا الضمان لمدة شهر أهم شيء.
وإذا تبي نصيحتي إبعد عن محل جيم ماستر ترى في أكثر من شخص أخذه من عندهم وخرب عليه بعد
إسبوع وقالو له مشكلتك وياريت على كذا وقفت الدعوة بالعكس قالو له بنشتريه منك بـ 500 ريال
وهو ماخذه من عندهم قبل سبع أيام 1900 ريال وياريت تقول بياخذوه وبيصلحوه كنت بقول مو مشكله
بس هم يرجعوه للموزع ويقولون له جهازك خربان يعني عصفورين بحجر والله ما ودي أخرب عليهم
بس إذا هم مو حريصين على سمعتهم أنا ماراح أكون حريص عليها بالعربي مشكلتهم إذا أخلاقهم كذا
والله المستعان .
ترى محلات الرياض كثيرة ولا تشتري قبل ما تلف وتدور وأهم شيء معاملة المحل للزبون ما تتغير
قبل الشراء وبعد الشراء يعني قبل تلقاه يضحك وبعد الشراء إذا صارت في مشكله يعاملك كأنك طرار عنده :yuck:

[amer_klm]

السلام عليكم
انا اشتريت xbox 360 -- ntsc-j معدل الياباني
لاكن جربت عدة العاب ولم تعمل الا لعبة واحده فقط وعلى ما اظن انه معدل ببرنامج سوفت وير وليس اي سي قطعة
هل هناك طريقة لتشغيل الالعاب
الافادة ارجوكم وشكرا