المشاركة الأصلية كتبت بواسطة ابوزاهد
السلام عليكم
وعليكم السلام ورحمة الله وبركاته
نبي نشري الاكس بوكس 360 ودون اي مقدمات
بس نبي نعرف بعض الامور وما عليكم امر
أبشر من عيوني يالطيب 
1- كم سعره ؟
سعره بـ 1800 ريال سعودي طبعاً هذا في الرياض
------------------------------
2- افضل نسخة صادرة من الجهاز ؟ اذا كالن له عدة نسخ .
بالنسبة للإصدارات مافي أي إصدار أقوى من الثاني بس إذا بتاخذ الجهاز أهم شيء يكون عليه ضمان شهر من المحل لأن المشاكل إلي في الإصدارات تطلع في أول إسبوعين وإذا عدا شهر والجهاز تمام إن شاء الله ما راح يخرب عليك 
------------------------------
3- اي نظام اختار يعني PAL ولا NTSC ؟
على حسب علمي لايوجد PAL ، إلي موجود NTSC ياباني و NTSC إمريكي ومثل ما قلت لك كلهم مثل بعض أهم شيء الضمان لمدة شهر وذلك تحسباً لأي خرابات 
------------------------------
4- الحين سمعت انه في اكس بوكس 360 معدل ليشتغل عليه الكوبي طيب بكم الجهاز المعدل وبكم الجهاز الغير معدل وما هي نصحيتكم في هذا الموضوع ؟
بالنسبة للجهاز المعدل فأعتقد سعره بـ 1800 ريال أيضاً والسعر مثل الجهاز إلي إلي ما يشغل كوبي والسبب إن إلي يشغل الكوبي ليست قطعة تتركب بالجهاز بل سوفت وير ينزله في الجهاز ويشغل كوبي
------------------------------
اخاف المعدل يكون في مشاكل واعطال .
أبد ياخوي الأعطال سببها الجهاز نفسة يعني من المصنع إذا جاك معطوب راح يخرب سواءً معدل ولا مو معدل
------------------------------
5- اللعب عن طريق خدمة اللايف مجانا بمعنى انه اذا عندي اللعبة اصلي مثلا " كول اوف ديوتي 3" اقدر اسوي اكاونت مجانا والعب ولا لازم ادف فلوس الى جانب امتلاكي النسخة الاصلي مثل "WOW"
لازم تشترك إشتراك ذهبي علشان تقدر تلعب أما الإشتراك العادي (المجاني) للأبديت وغيره من الأشياءوفي ماركت تقدر تشتري منه أشياء إضافيه بالنقاط إلي تشتريها بس مو ضرورية
------------------------------
6- كم اسعار العابه ؟
الأصليه من 200 إلى 260 ريال على حسب اللعبة أما الكوبي سعرها من 35 إلى 40 ريال طبعاً هذه الأسعار في الرياض
------------------------------
7- ابي رايكم وبكل صراحة وبدون تحيز هل نظام التحكم في الاكس بوكس جيد ومرن مثل البلاي ستيشن ام انه اصعب ؟
شوف يبو الشباب أنا بل جيتس ما يعطيني نسبة من المبيعات 
وبالنسبة لرأيي جهاز الإكس بوكس360 الآن مناسب أكثر من البلاي ستيشن والأسباب كثيرة وأهمها ما نزلت ألعاب تستاهل شراء البلاي ستيشن علشان كذا إذا عندك نيه لشراء الإكس بوكس توكل على الله وإن شاء الله ما تندم
------------------------------
8- لووتتكرمون تدلوني على مكان اشتري منه الاكس بوكس 360 من المدينة المنورة وتنصحوني بقائمة من 10 العاب اجيبهم معاه تضمن لعبة كرة قدم ولعبة مصارعة والباقي من ذوقكم الرفيع
يؤيؤيؤيؤ ألحين بعد التعب دريت إنك من المدينه المنورة 
وأنا كنت أتمنى إنك تكون من الرياض علشان أفيدك أكثر وللأسف ما عندي خبر عن المحلات عندكم بس حاب أقولك إذا المحل ما بيعطيك ضمان لا تشتري الجهاز منه حتى لو قالك بـ 1000 ريال لأنه راح يخرب عليك في 7 أيام وبتندم وبالنسبة للألعاب اممممم
..
بالنسبة للعبة كرة القدم فأنصحك بـ W.E. - Pro Evolution Soccer 2007
والمصارعة ما لعبت شيء منها بس هذه اللعبة ماخذه نسبه حلوه WWE SmackDown! vs. RAW 2007
وبالنسبة للي على ذوقي فأنصحك بهذه الألعاب :
Gears of War
Ghost Recon Advanced Warfighter 2
Virtua Tennis 3
Lost Planet
Fuzion Frenzy 2 طبعاً هذه اللعبة مثل ماريو بارتي يعني حلاوتها لما يعبوها 4 لاعبين
وإن شاء الله أكون أفدتك والسموحة على التأخير في الرد توني شفت موضوعك.. العتب على الوقت 
وإذا عندك أي إستفسار أنا موجود.. وسلامتك
وما قصرتووووووووووووووو
إن شاء الله ما أكون قصرت 
snake
