يا ناس هل شركة مايكرسوفت تتعمد تخسرنا ! :: موضوع للنقاش :: [الأرشيف]

kaka10

21-05-2007, 04:41 AM

Z3TR

21-05-2007, 05:26 AM

بالنسبة لي جالس اطقطق على جهازي من 6 شهور و إلى الأن و لله الحمد ما شفت الثلاث لمبات الحمر بأم عيني

اسمع عن الشي ولا اشوفة الله ام اجعلة دوم

kaka10

21-05-2007, 06:14 AM

اشكرك عزيزي على ردك ,, لكن كل ما نسمع به هو كابوس مخيف !!
والمشكلة ان المعادلة مي داخلة مخي تستخدم الجهاز اسبوع والله شهر وبعدين يحترق المعالج !
وليش شركة عالمية مثل ميكرسوفت ساكتة عن هذا الخلل المدمر للجهاز وقاعدة تتفـــــــرج.

انا شريت PS3 و XBox360 لكي استمتع مع العملاقين ولكن بعد مشاهدتي الى مواضيع المنتديات العربية والاجنبية بخصوص كل هذه المشاكل .

لكن الان اعتقد ان الاكس بوكس طاح من عيني.

xbox empire

21-05-2007, 09:04 AM

ما نقدر نقول انها بتخسرنا

لانه لا يوجد وكيل معتمد من مايكروسوفت في الخليج عدا الامارات

وقريباً في السعودية

scaryface

21-05-2007, 09:34 AM

السلام عليكم

حبيت استفسر لماذا هذه الشركة اللعينة تتعمد ان تخسرنــــــــا ؟ يعني اكثر من 1000 شخص خليجي يعاني من مشكلة اللمبات الثلاث الحمر في جهاز الاكس بوكس 360,, ويروح ياخذ له جهاز ثاني !! في اجهزة ب اسبوع لها ويظهر فيه اللمبات الثلاث الحمر !!

يعني ويش الحل يا جماعة
* كل شهرين نشتري اكس بوكس جديدة !
* او ان نحط كندشين جنب الاكس بوكس !
* طيب شنو الطريقة المضمونة علشان ما تظهر معي اللمبات الثلاث الحمر ,, وخاصة انا خايف لان داخي محدود.
* طيب انا بشتري اكس بوكس 360 مستعملة شنو يضمن لي ان ما ظهرت فيها اللمبات الثلاث الحمر اكثر من مرة .. يعني يمكن خذها وفي نفس الاسبوع تظهر لي اللمبات الثلاث الحمر !؟

ابغي كلام مقنع يا جماعة !

ابغي اشوف تعلقيكم على الاستفسارات .

اذا جهازك ياباني معدل ما يعيش معاك

واذا على الاصلي بيعيش اطول معاك

خذلك جهاز امريكي احسلك

1
لا اخوي هذا تبذير

2
انا يوم العب دوم اشغل مكيف في الحجرة وتعرف الجهاز حساس :boggled:

3
لا تلعب فيه وايد خلك على متوسط

4
بقولك عن سالفتي

انا اشتريتها مستعملة (نوع البريميم) من عند واحد انجليزي مع ثلاث اشرطة ب 1200
والضمان ما خلص باقي 8 اشهر
المسكين مخسر 3000 على كل شي
يالس ادور على شمخة في الديسك وما حصلة والجهاز انظيف
والدريف سامسونج ينفع حق الكوبي بس انا بلعب بالاصلي

انسيت اقولك الجهاز امريكي

وشكرا

FARES360

21-05-2007, 09:56 AM

انا بعتقادي المشكلة من مستخدمين الجهاز ...:ponder: عشان جذي مايركوسوفت ساكته..
لأنه صحيح انه الي يعانون من اللمبات الحمر اعدادهم مو بقليله لكن ما توصل شي للأصحاب ألأجهزه السليمه ..
بين كل مليون يطلع 50 جهاز خربان ...:أفكر: مثلا .. عاد انت وحضك ...
انا الحمدلله جهازي مشاي تمام :) وانشالله دوم ..
عمره الحين سنه و 3 أشهر :D

shakira

21-05-2007, 11:08 AM

انا بعد عانيت جهازي كمل معاي تقريبا 10 او 11 شهر و من بعدها اخترب لاني ما اعتنيت فيه يعني لما طلعلى اللمبات الحمر قالولي انك تلعب فيه اكثر من 9 ساعات يوميا و انا كرفتها صح يعني من بيت لبيت و احيانا اخليها في السياره في عز الظهر
و اشتريت جديد و الحمد لله
اما الخيار الحالي ,,,الناس في امريكا و اوروبا ابدا مايعانون ليش ؟ لان اي جهاز عليه ضمان و مادام عليه ضمان ليش اشل همه
في الامارات الحين في ضمان على الجهاز سنه او سنتين و قابله للتمديد ,,فما فيه اي مشكله
لكن انك تروح تشتري الجهاز من عند هندي و بعدها يخترب هوه يكون المسؤل عنه مش الشركه ابدا
فما اشوف فيه داعي نحط اللوم على الشركه اذا نحنا نشتري الجهاز بشكل غير رسمي
انا جهازي الحالي اذا اخترب بشوف اذا فرع ميكروسوفت يرضي يصلحه اذا لا بروح اشتري جهاز مع ضمان و كل شي بيكون حلو انشالله

عاشق 360

21-05-2007, 11:54 AM

انا جهازي شاريه من الصين

هو خربان من الصناعه لان اول مافتحته اشتغل شوي وصادته اللمباث الحمر <<< خبركم الصينيين اجذب ناس
ط
وعلى فكره كان هو معدل

الحين اشتريت غيره وتقريبا معاي 3 ونص شهور (( استخدامي قاسسي له )) يعني ما اهتم فيه

والعب فيه مده طويله الله يستر

بس للحين ماصاده شي

solid619

21-05-2007, 01:07 PM

اغلب مشكله اللمبات الحمرا الحراره
واللي يشتري الجهاز لازم يشتري المراوح

scaryface

21-05-2007, 01:18 PM

صح ان جهاز الاكس بوكس ممتع

بس انا افضل البلاي 3 لان جودة الصناعة افضل بكثير من الاكس بوكس

وانا امتلك الجهازين

حاليا الاكس بوكس افضل من ناحية الالعاب

kaka10

21-05-2007, 01:48 PM

اشكركم جميعاً على الردود ,, طيب ايه رايكم اني توني شاري جهاز مستخدم
لعبة فيه 5 دقائق وعلق الشريط وطلعت اللمبات الثلاث الحمر .

انا حاط الجهاز في طاولة التلفزوين الرف الاول في جهاز دريم بوكس ( رسيفر )
والرف الثاني الاكس بوكس .. هل تتوقعون من المكان ؟ واذا من المكان يعني اشتري طاولة صغيرة زجاجية وتكون مكشوفة من كل الاتجاهات ؟

scaryface

21-05-2007, 02:01 PM

اشكركم جميعاً على الردود ,, طيب ايه رايكم اني توني شاري جهاز مستخدم
لعبة فيه 5 دقائق وعلق الشريط وطلعت اللمبات الثلاث الحمر .

الله يعينك

انا حاط الجهاز في طاولة التلفزوين الرف الاول في جهاز دريم بوكس ( رسيفر )

افضل ريسيفر في العالم
عندك دريم 7020 الجهاز روعة

والرف الثاني الاكس بوكس .. هل تتوقعون من المكان ؟ واذا من المكان يعني اشتري طاولة صغيرة زجاجية وتكون مكشوفة من كل الاتجاهات ؟

لا تخليه في الرف بيخترب

حطه على سطح الطاولة تاكد من ان المكان فاضي

scaryface

21-05-2007, 02:10 PM

صورة

http://xs215.xs.to/xs215/07211/DSC00045.JPG

xbox empire

21-05-2007, 04:14 PM

صح ان جهاز الاكس بوكس ممتع

بس انا افضل البلاي 3 لان جودة الصناعة افضل بكثير من الاكس بوكس

وانا امتلك الجهازين

حاليا الاكس بوكس افضل من ناحية الالعاب

شو تفسر

عندي الاكس القديم وما اخترب عني ولا مرة ( من اول مانزل لين الحين) عكس البلاي 2 ( العدسة الله ياخذها دومها طايحه بجبدي)؟؟

عاشق يوشي

22-05-2007, 12:55 AM

عندي الاكس القديم وما اخترب عني ولا مرة ( من اول مانزل لين الحين)

ذكرتني الاكس بوكس القديم كمل 5 سنين عندي ولحد الحين شغال ويشغل كوبي بعد ولايوم اخترب عندي ولاصلحته :D

اما الاكس بوكس شهرين واخترب معني كنت احافظ علية وانظفه من الغبار :blackeye:

الجناحي

22-05-2007, 02:29 AM

والله شباب خرعتونا الصراحه, كنت 40% أفكر اخذ الاكس الاسود لكن احين صار 10%

بانتظار تجربة الاسود من قبل حد من الشباب وربي يعينكم ويخلصكم من الاكس 360 ومشاكله

ابـ الدحمي ـو

22-05-2007, 09:20 AM

حتى الاسود ..... مآخذ مشاكل اخوانه البرو والكور !

يعني لا تستانس واجد !

xbox empire

22-05-2007, 09:26 AM

حتى الاسود ..... مآخذ مشاكل اخوانه البرو والكور !

يعني لا تستانس واجد !

سمعت انه

يتحمل اكثر من الابيض (الحرارة)

scaryface

22-05-2007, 07:11 PM

سمعت انه

يتحمل اكثر من الابيض (الحرارة)

ما في فرق في الحرارة الفرق الوحيد هو استهلاك اقل للكهرباء

Vent Exhaust Temperature - Similar. The highest reading we could get on either unit using a laser sighted no contact thermometer reading right at the rear vent fan is a consistent 128 degrees Fahrenheit with an ambient room temperature of 73.

الكلمة الختامية

Conclusions: The Elite is a bit quieter, uses slightly less power but does not sport the 65nm die. We have come to this conclusion for the following reasons. The power consumption is basically unchanged, the heat output is unchanged if this were the 65nm die it fails to address either of the items it was intended to improve.
الحرارة ما تغيرت

والمزيد

http://www.llamma.com/xbox360/news/inside_the_xbox_360_elite_part_3.htm

فيصل 14

22-05-2007, 07:22 PM

شوف الي موب محافظ عليه ,,راح يخرب جهازه

العب ممكن في اليوم على الاقل 6-8 ساعات
موب تخليه شغال يومين بين تحميل وبين للعب

القبطان فرفشلي

22-05-2007, 09:43 PM

صح ان جهاز الاكس بوكس ممتع

بس انا افضل البلاي 3 لان جودة الصناعة افضل بكثير من الاكس بوكس

وانا امتلك الجهازين

حاليا الاكس بوكس افضل من ناحية الالعاب

كلامك 100%

نفس الكلام :)

xbox empire

23-05-2007, 01:00 PM

كلامك 100%

نفس الكلام :)

نعم صح

وانا اعتبرها نقطة ضعف الاكس بوكس عكس الاكس القديم الذي كان يشتهر بجودة الصناعة

وهي السبب الوحيد لكل مشاكله (xbox360) وهي الرد لايت

kaka10

24-05-2007, 12:05 AM

والله راسي بينفجر من الاكس بوكـــــــس !!
كل شوي والشريط يعلق !
مع اني محافظ عليهـــــــا ..

haseo

24-05-2007, 12:34 AM

انا ما عندي 360 لكن حبيت اقول لك بعض الاسباب

1- عدم وجود وكيل رسمي

2- ما اتوقع شركة مثل مايكروسوفت تسكت على مشكلة تدمر جهازها

على العموم اسال اي احد شراه من الوكيل الرسمي وشوف حالة الجهاز معه :D

وعلى فكرة .....جهاز الاكس بوكس حساس

وفي مثال يثبت هالشي ....المهم خلاصة المقال هي :

كان واحد حاط اكس بوكس جنب البلايستيشن ، وكانوا عياله يلعبون فيه والثاني مسك يد البلايستيشن وقاعد يمثل انه يلعب ....وشغله بدون ما يدرون ....

وبعدين مع الوقت ارتفعت حرارة البلايستيشن وخربت الاكس بوكس لانهم كانوا متلاصقين

للاسف الاكس جهاز حساس ><

ramizak

24-05-2007, 03:43 AM

السلام عليكم

هانت يا جماعة الاكسبوكس الرسمي بالسعودية 8 يونيو بس ما تقولو لحد ;)

kaka10

24-05-2007, 10:11 PM

والله أعتبرها شركـــــــة فاشلة عن جد !
والله من شريتها الى الان ما لعبت غير 4 ساعات على 4 ايام يعني كل يوم ساعة ,, مرة تطلع ليي مشكلة الرد لايت ومرة دائماً ما تعلق في اللعب !

ليتني ما شريتها والله ,, ما كانه لعبة مسلية تحتفظ بها اكثر من السيارة واكثر من الكمبيوتر وكل ساعة لها مشكلة

خسرنها خلاص !

haseo

25-05-2007, 01:26 AM

^
^
^

الله يعينك وان شاء الله تشتري جهاز غيره :D

انا كنت ناوي على الاكس بوكس لكن غيرت رايي بسبب حساسيته الزايدة عن اللزوم

kaka10

29-05-2007, 09:56 AM

احتمال كبيـــــــر اشتري جهاز اكس بوكس جديد
فما هي نصائحكم لتفادي هذه المشــــــــاكل !

Super Shadow

29-05-2007, 11:47 AM

والله يا جماعة

اذا أنتو معدلين أجهزتكم و تلعبون ألعاب كوبي و اختربت الأجهزة عليكم بعدين ، فمايكروسوفت بريئة

و هي على فكرة بدت تحظر الأجهزة المعدلة

أنا جهازي شارنه من سنة تقريبا و الحمد الله ما صار له أي شي و أشتري ألعاب أصلية

الكوبي ما أقرب منه

scaryface

29-05-2007, 01:03 PM

احتمال كبيـــــــر اشتري جهاز اكس بوكس جديد
فما هي نصائحكم لتفادي هذه المشــــــــاكل !

نصيحة

اشتر اصلي فقط

وخلك بعيد عن المعدل

وكل الخرابات من NTSC/j

kaka10

29-05-2007, 01:55 PM

طيب يا اخوان مافي حل لمشكلة اللمبات الحمر والكود

0102
لان جهازي الان فيه هذا الكود .. بس اطفي الجهاز ربع ساعة ورد اشغله يعمل تمام لكن بسرعة يعلق وترجع مشكلة الثلاث لمبات الحمر !!
اذا في حل ساعدوني الله يخليكم.

انا صراحة متردد اشتري جديد بعد الي صادني والله دافع 1200 ريال على جهاز مستخدم ولا تهنيت فيه غير ساعة وحدة ولا بلعبة وحدة بعد !

Skull Town

30-05-2007, 09:13 PM

والله ليش تلوم مايكروسوفت
وانت شاري جهاز مستعمل!!!
المفروض ما تلوم الا نفسك

kaka10

31-05-2007, 05:42 AM

والله ليش تلوم مايكروسوفت
وانت شاري جهاز مستعمل!!!
المفروض ما تلوم الا نفسك

اتفق معاك عزيزي :02:
وانا غلطان لما خذيت وحدة مستعملة .. الله يلعن العجلة ( ملهوف على اللعب )

عاشق 360

31-05-2007, 08:54 AM

وانا غلطان لما خذيت وحدة مستعملة .. الله يلعن العجلة ( ملهوف على اللعب )

لي فات الفوت ماينفع الصوت

على العموم لو شريت جهاز جديد اهم شي يكون معاه ضمان + لاتركب فيه كوبي + اذا لعبت مثلا 5 ساعات خل بين كل ساعه 15 دقيقه راحه للجهاز + يفضل وضعه عاليا من الارض (( علشان مايدش فيه غبار و تحت في الارض الحراره ازيد من فوق

وجه عليه المكيف كلما امكن

لما تشوف الرد لايت ضهر سكره وخله بين ال 20 الى 30 دقيقه وافتحه وماراح يطلع لك مره ثانيه

بس اذا كان جهازك يدييد ماراح يطلع لك الريد لايت

Aero

31-05-2007, 09:17 AM

انا احب البلاي ستيشن 3 من 360 نها بلوتوث وشغل عدل

اما عن ناحية المشكلة انصحك لاتعيدها مره اخرى اسأل عن اي شئ زين وجربه بلمحل بس لا تدفع فلوسك على جهاز يخرب و اشترها اصليه مو مستخدمه راح يعطيك كفاله لو اصليه

عادت لك المشكله عطهم الكفاله يصلحونها لك

الله يكون بعونك اخوي من الريالات الي ضيعتهم

kaka10

01-06-2007, 06:35 AM

انا معي PS3 ,, لكن حالياً لا توجد به العاب قوية مثل الاكس بوكس وانا حاب يكون معي الجهازين علشان جميع الالعاب تتوفر عندي ,, لكن ماني عارف وش الي خلاني اخذ وحدة مستخدمة واكتشفت ان تاريخ تصنيع الجهاز 23 - 9 -2005 م.
وهل في طريقة اخلي جهازي متطور مثل الي تاريخ تصنيعهم شهر 6 - 2006 ؟؟ لان اذا مافي حل للجهاز بصبر شهرين وباخذ جهاز جديد
لكن ايهم افضل نسخة Core لو premium وشنو الفرق بينهم ؟

xbox empire

01-06-2007, 09:46 AM

kaka10

01-06-2007, 10:02 AM

xbox empire

01-06-2007, 10:27 AM

اشكرك اخوي على ردك الكريم

بس حبيت استفسر يعني جهاز Core و premium هم نفس الشي في النظام ( system ) ونفس الشي من ناحية المميزات بس .

اما الفرق فقط الاكسسوارات مثل : الهاردسك والسماعة وسلك الانترنت.

وكم الاسعار عندكم في دبي .. لان اهني الاسعار غالية في البحرين
وانا صراحة ماخذه علشان العب كوبي واهتمامي في الـــ live فقط حق العاب الكورة .

تنصحني في جهاز واي نوع منهم الامريكي لو الاوربي ؟

والله الجهاز اللي انصحك به هو xbox360 elite لانه( على كلام مايكروسوفت والمنتديات )
معالج فيه جميع مشكلات الابيض بالنسبة للنظام الافضل هو NTSC ( الامريكي) لتعدد الاشرطة الاصلية وتوافرها بكمية كبيرة ( اذا بتلعب اصلي )

و premium هم نفس الشي في النظام ( system ) ونفس الشي من ناحية المميزات بس

نفس الميزات الالكترونية عدا الاكسوارات الخارجية

وكم الاسعار عندكم في دبي .. لان اهني الاسعار غالية في البحرين

البريميوم مع 3 اشرطة ب2000 درهم ( محل الطلقة الذهبية )

وفي الامارات مول ب 1799 درهم

اما الكور فهو نادر الوجود وان وجد فهو قليل

kaka10

01-06-2007, 10:33 AM

xbox360 elite
كم سعره في الســــــوق !! وهل يوجد به نظام تشغيل الكوبي ,, الصراحة اني متفائل باللون الأسود !
ان سمعت ان سعره غالي ومبالغ فيه جداً

xbox empire

01-06-2007, 10:38 AM

xbox360 elite

كم سعره في الســــــوق !! وهل يوجد به نظام تشغيل الكوبي ,, الصراحة اني متفائل باللون الأسود !

ان سمعت ان سعره غالي ومبالغ فيه جداً

في الامارات ( محل الروضة ) كان ب2500 درهم اعتقد ارتفع ل 3000 درهم

وهل يوجد به نظام تشغيل الكوبي ,,

لا اعتقد مع انه قابل للخرق

ان سمعت ان سعره غالي ومبالغ فيه جداً

شوف هذا العرض من Walmart

http://www.walmart.com/catalog/product.do?product_id=5824360

Khallodi

01-06-2007, 12:51 PM

والله صراحة

أنا شريت الجهاز من العيد الفطر

و إلى الآن ما صار لي شئ به

أنا أتوقع أن الجهاز يتدخل بألعاب الكوبي

عشان كذا ألعابي كلها أنا أصلية

تحياتي لك

kaka10

05-06-2007, 04:04 PM

شريت جهاز جديد وابغي نصيحة منكم

اشتري له مرواح تبريد لو لا ؟

وهل يوجد نوع من المرواح معين ومضبوط ؟

kaka10

06-06-2007, 12:12 AM

الا يوجد رد ؟

solid619

06-06-2007, 01:37 AM

في مراوح نوع nyco هذي الي انا مستعملها و الحمد لله شغاله إلى الحين
بس انتبه في نوع يجي بازرار ابعد عنو

محـ ss uae ـمد

06-06-2007, 06:52 PM

انا احب البلاي ستيشن 3 من 360 نها بلوتوث وشغل عدل

امممممم اممممم

Devil..S

06-06-2007, 06:58 PM

اخوي اسم المراوح انتركولر وشركتها نايكوا
وترى المراوح مهمه مره ...............هذا الي انا اشوفه ومسويه
طبعا 100% راح تجيك مشاكل منها بس الامر عادي انت كل فتره فكها وردها في الجهاز
ومن المشاكل الي تجيني في مروحه من الثلاثه ماتشتغل تقول المراوح تطلع صوت قوي
فكها واضربها على خفيف او رجها وراح ترجع تمام
كمان يمكن ماتوصل كهراء نفس الكلام فكها وردها
المهم تنتبه من اهم شي وهو انو يقلون في الانترنت انو تحرك الاي سي هذا انا مادري عنه الخراب
بس انتبه
انا كلتلك الخربات الي عاديه لازم تواجهك لان صناعه المراوح سيئه ولافي غيرها
وبالتوفيق ان شاء الله اني افتك اخوي

HO2

06-06-2007, 08:11 PM

عندي الجهاز مدة طويلة و الحمد لله اهم شيء لاتحرك الجهاز وهو شغال ولا تتنقل فيه واجد لانه حساس و حاول كل فترة تنظفه من الغبار .
اذا عندك ps2 افتحه و شوف الغبار.

Super Shadow

12-06-2007, 08:28 AM

يا جماعة حد شاف ها الفيديو؟

kd6OAW8Smno

هذا الفيديو يوضح مشكلة في الاكس بوكس الايليت

احساسي يقولي أن الفيديو مفبرك ( يعني مزيف )

المفروض أنه يوم حط السيدي يصور مباشرة اتجاه التلفزيون

عشان نعرف أنه فعلا أن الجهاز نفسه يقرا السي دي الي حطه

THE_X_F.B.I

12-06-2007, 10:40 AM

شوفت هذا 1000 شخص خليجي هذولي ال1000 عندهم مشكله في الكهربه او عندهم قطعة كوبي في الجهاز او غرفتهم حار

انا من يوم ما اشتريت 360 ما جاني مشكله لانه في شيء اسمه المحافظه على الجهاز

حــمــانــي

12-06-2007, 11:43 AM

جهازي عليه ضمان سنه ..
بس مرور سنه كامله و اسبوع .. ضربت علي و ضهرو اللمبات الحمر

مع ان مكان ال 360 ابرد من الثلاجه !

rock^my^world

14-06-2007, 07:54 PM

انا اسمع اب هالمشكله بس ما شفتها اب عيني لحد الان
انا شاري الاكس بوكس و كلمني احد الاصدقاء المختصين في جهاز الاكس بوكس و نصحني ان اذاتبي جهازك يستمر في العمل لمده طويله عمل الاتي
اولا:لا تضع الجهاز على الزل
ثانيا:وضعه في منطقه مسطحه مثل طاوله من الزجاج او على الارض (الرخام) او على سطح طاوله خشب
ثالثا: تستطيعون عن طريق الدخول لموقع مايكروسوفت قسم الاكس بوكس ارسال الجهاز لهم و هم يقومون بتصليحه و اعادته اليك فقط عليك التكفل بتكلفه ارسال الجهاز وهيا تقديريا لا تكلف شيئا
مقارنه بنوع العطل
و سوف يقومون بأرساله اليك في منزلك برسم الخدمه و بدون رسوم
هذا فقط تنويه لبعض من حدثت معه المشكله
تحياتي

xbox empire

14-06-2007, 07:57 PM

هناك حل للرد لايت من مايكروسوفت على الرابط

http://www.montada.com/showthread.php?t=539431

حسين360

07-12-2007, 01:44 PM

السلام علا كلي الاخوان انا عندي تجربا مع 360 تاريخ الاصدار 2006 اشتريتو من احد المحلات المحتالا والتي لا بيهمها الزبون بس همهم الوحيد يمس دمك زي الخففيش المهم لعبت بلجهاز تقريبا شهرين فتلعتلي اللمبات الحمراء حاولت اصلاحو بذهاب الا المحلات اللعينه ملاحضا ولاهي يا اخوان صاحب المحل اكتشفت انو ميفهمش اي هاجا بس همو الوحيد الفلوس ومرت 6 اشهر والجهاز ما يزال خربان فستشرت الاخان فنادي فدلوني على طرق التخلص من المشكل ولاكن شاء القضاء والقدر ان اخترب الجهاز نهاءيا لعدم خبرتي الكافيا الحمد للله انهو اتواف نهاايا لكي استريح من مشكلو اللهما ااجرني في مصيبتي وخلف لي باحسنا منهااااااااااااا ارجو من كلي اخ يريد شراء 360 ان يتاكد من انا الجهاز مفيهش مشاكل لانا هناك اخبار تقول ان المكروسوفت قضت على المشكل في الاصدرات الاخيرى وخصوصن 360 الاسود ولاكنني شاهدتو احد الفديوات الاجنبيا يعرض فيه 360 اسود حصلتلو المشكلا وهيا كما تعلمون اللامبات الحمراء القاتلا اسالو الله العافيا لبقيت الاخوان تحيا من محب لكم ادعولي الله بلمغفر سلامي الحار لكم

Grand Marshal

08-12-2007, 03:38 AM

يايبه الاكس بوكس 360 يخوّف...

انا اخوي اخذه ولا كان يدري عن اللمبات الحمر مرت فتره تقريباً 5 اشهر

نشوف الجهاز قام يخورها يامعود شفيك عدّل بدّل ماكو... الجهاز وقف وعيا لا يشتغل...

واحنا بيتنا مافيه جهال ولا عيال...

المهم ان الجهاز ولى ,,, انا كنت ناوي اخذ اكس بوكس 360 بس ( عيبه عما عينه )

وتوجهت للتنين الياباني والحمدلله ماعليه منصاد ...

وانا ماشوف ان في فرق بالتصوير , تلعب اكس بوكس جنك تلعب بلاي ستيشن

وعيب الاكس بوكس الاون لاين بفلوس ( يامعود مايكروسوفت اغنى شركه بالعالم شالطمع اللي ماكلها من ساسها إلين راسها )

وفي ناس تهتم بالاكس بوكس ولكن مع الاسف الشديد يحصلون نفس النتيجه واذا بتشوفون النتايج روحو يوتوب واكتبو هالكلمه

Red ring of death (هذا شعار اللمبا الثلاث الحمر)

سلاام..

iNFaMY

09-12-2007, 09:34 PM

السلام عليكم ...
اي والله .. صدقت !!
والي قاهرني ان الشركه غنيييييييييييييييييييه حيييييييييل
ومع هذا خسرانه تدفع جم دولار تظبط جهازها وتصنيعها الي ماقدر اوصف ضعفه
الاكس بوكس الاول كان قوي من ناحيه التصنيع وانسى يخترب !!!

المشكله ان الشركه تسرعت وايد في طرح جهازها
يعني احسهم سووه اسرع سريع ونزلوه السوق

البلايستيشن استغل هالنقطه ...
شركه سوني راقبت الاكس بوكس في 2005
واكتشفت انه الاكس بوكس يعاني من مشاكل الحراره ..
و انقذت نفسها بالسبع مراوح

claod2002

20-12-2007, 02:06 AM

انا نفسي اشتري اكس 360 بس اللمبات الحمرا مكرهتني وشكلي بحول على سوني

devil cober

20-12-2007, 06:25 AM

ياشباب مع احترامي لأرائكم ولكن من المستحيل أن يتسبب الكوبي بمفرده بمشكلات ال3 لمبات ......أكرر مستحيل
بل كما ذكر بعض الشباب الي ردوا على الموضوع عدم النظام وقلة العناية بالجهاز +عدم وجود التبريد المناسب =سبب لوجود الريدلايت
في أمريكا أكيد بيعانوا من هذه المشكلة رغم عدم وجود الكوبي بكثرة عندهم

السلام عليكم ...

اي والله .. صدقت !!
والي قاهرني ان الشركه غنيييييييييييييييييييه حيييييييييل
ومع هذا خسرانه تدفع جم دولار تظبط جهازها وتصنيعها الي ماقدر اوصف ضعفه
الاكس بوكس الاول كان قوي من ناحيه التصنيع وانسى يخترب !!!

المشكله ان الشركه تسرعت وايد في طرح جهازها
يعني احسهم سووه اسرع سريع ونزلوه السوق

البلايستيشن استغل هالنقطه ...
شركه سوني راقبت الاكس بوكس في 2005
واكتشفت انه الاكس بوكس يعاني من مشاكل الحراره ..

و انقذت نفسها بالسبع مراوح

صحيح كلامك وممكن تكون مايكروسوفت على علم بمشكلة اللمبات لكن الطمع أغراهم للتعجيل بصدور الجهاز
لاتستغربوا الأمريكان دايما كده طماعين

Super Shadow

20-12-2007, 06:28 PM

المشكله ان الشركه تسرعت وايد في طرح جهازها
يعني احسهم سووه اسرع سريع ونزلوه السوق

لوول

الاكس بوكس الايليت نزلت

و المفروض المشاكل تنحل خلاص ، و مع ذلك لحينها فيها مشاكل

كان عندي جهاز الأبيض العادي ، اخترب بلمبات الحمر

و بعدين شريت الايليت و ما عاش وياي غير 7 أو 8 شهور تقريبا عكس السابق الي عاش أكثر من سنة

السي دي روم ماله اخترب و بعدين الماثر بورد مالته اختربت

و أخيرا شريت الاكس بوكس هيلو

devil cober

20-12-2007, 07:32 PM

^^^^^^^^^^^^^^^^^^^^
صحيح ؟؟؟؟ الله يعينك ياشادو

ganers

20-12-2007, 08:18 PM

شريت الاكس بوكس هيلو

ماأذكر انه نزل

Super Shadow

21-12-2007, 01:39 AM

^^^^^^^^^^^^^^^^^^^^
صحيح ؟؟؟؟ الله يعينك ياشادو

يعين الجميع ان شاء الله

تسلم

ماأذكر انه نزل

الجهاز صار له فترة و هو موجود بالأسواق :أفكر:

your8

22-12-2007, 02:16 AM

الاكس بوكس مع احترامي لمحبيه جهاز فاشل منذ انطلاقة

الكل يعتقد ان مادام هذه الشركة هي مايكروسوفت هي مصنعه الجهاز معناته هالشيء مضمون نجاحه وماركته وجودته مثل البرامج السوفت المشهورة والشركة نفسها ...

شركه مايكرو فشلت في الالعاب لان هالشيء ليس من اختصاصها واحترافها

بالتأكيد لاينقصهم المال وانما ينقصهم الخبره في التعامل مع الاجهزه

ودليل فشلها من اول جهاز اكس بوكس

الالعاب اوقفوا تصديرها في فترات اخيره قبل نزول جهازها الجديد

وايضا العابها قليله ..

بعكس سوني اللي ياما شركات اكبر واقوى من مايكروسوفت بالمال والقوة حاولت شراء شركه سوني ولكنها رفضت بسبب الجوده واسم السوني فقط ....

السوني لاتفكر بالمال فقط وانما تفكر في اسم السوني وجودتها ...

اتوقع الاكس بوكس مستقبلا راح تنتهي كما انتهت الاجهزه السابقة مثل السيجا والاتاري وغيرها

للعلم انا كان عندي جهاز الاكس بوكس 360 شريته ومن اول يوم خربلي شريطين مايشتغلون ومايصير اصلحهم الا لما اشتري يديد والسبب هو اني واضع الجهاز بالشكل العامودي ..
ولما اضعهم بالشكل السطحي مايحصل شيء

الشركة غبيه في وضع دعاياتها واعلاناتها في وضع الجهاز بالشكل العامودي

وحساسية الجهاز مبالغه وماكان لها داعي

المفروض اتكون الاجهزه متطورة قوية وليست ضعيفة !!

وشكرا

Super Shadow

22-12-2007, 03:13 AM

مدري

بس شكلك بتسبب مشكلة هني

II Resco II

22-12-2007, 07:20 AM

أعتقد إن مشكلة الاكس بوكس كانت في الدفعات الأولى من التصنيع فقط

بحر الورود

02-01-2008, 10:12 PM

الأكس بوكس مشروع غير كامل ففي احتمال أن مايكروسوفت اتنزل جهاز جدييد (( شبة اشاعة ))

devil cober

03-01-2008, 10:34 AM

^^^^^^^^^
ماأعتقد ينزل حاليا أتوقع بعد سنتين ثلاثة
___________________________________________
أعتقد إن مشكلة الاكس بوكس كانت في الدفعات الأولى من التصنيع فقط
___________________________________________
موجودة في الى الأن ولكن بنسبة أقل من السابق خصوصا في الايليت

mk88

03-01-2008, 10:43 AM

الدفعة الجديدة من الجهاز تم تصليح العيب المصنعي وانا فكيته وشفته من الداخل والجهاز خالي من المشاكل تماما
منذ دفعة 6\2007

Mr.Xbox

05-01-2008, 02:41 PM

مايكروسوفت فعلاً اخطأت في الدفعات الاولى من الاجهزه .. وجهازي الاول كان من هالاخطاء وخرب علي ><"

ولكن تداركت الخطأ والحين تقريباً كل الاجهزه الجديده خاليه من الرد لايتس .. وانا الحمدلله جهازي من اصدار 2006 وللحين شغال عندي .. الله لايغير عليه :D

فاللي يبي يشتري الاكس بوكس حالياً يشتري الاجهزه الجديده واللي هي الفالكون .. في موضوع بالمنتدى عن طريقه معرفه اجهزه الفالكون

الاخ temp2007 .. الكلمات هذي اتمنى ماتكتبها مره ثانيه .. ولاتدعي على احد ايضاً لأنه الدعوه يمكن ترجعلك .. هذا تحذير اول لك .. واتمنى ماتعيدها مره ثانيه