مشاهدة النسخة كاملة : عام ماهو نوع التلفزيون اللي تستخدمه للـPS3؟
Uncharted81
16-02-2008, 10:35 PM
السلام عليكم..
الكل عارف الحين شغلة التلفزيونات الـPlasma و LCD و جاينا بالطريج LOD بالمستقبل القريب انشاءالله. ومثل ما عرفت انه في ألعاب ما تنلعب على الـPS3 إلا اذا كان التلفزيون HD Ready عالأقل لتعرض على 720p.
السؤال وأرجو من الجميع المشاركة: شنو نوع التفلزيون اللي تستخدمة في اللعب على PS3؟ مع ذكر أي ملاحظات تفيدنا مثل الماركة، والمقاس، و الوضوح.. إلخ :)
بالنسبة لي:
Panasonic Plasma 50 inch
HD Ready - support 1080p
Contrast Ratio 1:10000
واللي لاحظته انه كل ما تكبر البلازما تكون الصورة احسن للألعاب على عكس الـ42 اللي كان عندي قبل. والبلازما صورتها احسن حق الألعاب اللي فيها سرعة مقارنة بالـLCD. أما الـLCD افضل من حيث الصور ودرجات الألوان.
نشوف ردودكم..
MAXI2
16-02-2008, 10:56 PM
انا استخدم برافيا سوني klv lcd 42 بوصه بس الالوان الي فيه مو عاجبتني خاصتا لعبة pes 2008 احس ارضية الملعب وايد خضره وفيها زوم
q8pro
16-02-2008, 10:57 PM
السلام عليكم
تلفزيوني سوني برافيا اكس 40 بوصه
طبعا LCD
وابقولك شغله ترى افضل مقاس لوضوح هو 40 بوصه
هذا حق LCD
بخصوص البلازما ماعندي خبره
فوق المستحيل
16-02-2008, 10:58 PM
استخدم سامسونج M81
مقاس 46
Full HD
Contrast Ratio : 15000
روعه للاخر
Uncharted81
16-02-2008, 11:06 PM
أنا قريت معلومة إنه كل ما تكبر شاشة الـPlasma احسن، على عكس الـLCD فالأصغر تكون أحسن :)
فوق المستحيل
16-02-2008, 11:21 PM
صحيح الال سي دي لما تكون اصغر تكون احسن
بدليل ان شاشات البلازما تتفوق علي الال سي دي بالحجم الكبير
لكن مااعتقد بالالعاب..لان البلازما في الغالب للافلام
وسبب هبوط اسعار البلازما
انها تقنيه قديمه + مشكله حرق الشاشه او مايسمى بــBurn
موفقين
البيكهام هام
16-02-2008, 11:46 PM
الحين عندي تلفزيونين ورسيفرين<<عشان اذا مبارتين بنفس الوقت وكلهم يبطلون القنوات عن طريق الدي اس ال وتعرفون اندية اوروبا عالابواب هذا غير مباريات الدوري الانجليزي اللي بنفس الوقت يعني لازم نمتع انفسنا:biggthumpالتلفزيونين واحد عادي 34بوصه والثاني سامسونج اتش دي32بوصه معلقه بالطوفه بس ان شاء الله ناوي اشتري سوني برافيا اكس 50بوصه بعد سنتين ان شاء الله قبل كاس العالم لازم نستمتع بكاس العالم بتلفزيون كبير:biggthumpوال32 بحطه بمكان التلفزيون العادي والعادي بعطيه احد اخواني هذا اذا ماخرب من اهنيه لهذاك الوقت:p
انا اذكر سوني برافيا اكس 50بوصه قبل 6شهور كان سعره 2000دينار بس الحين ماتدرون جم صار؟
همسه:ناوي على رسيفر اتش دي اللي اسمه هايفون قريبا:AR15firing:
هلا با الشباب .. ^_^
شباب حبيت أسئلكم لو سمحتم .. لو بغيت أن شاء الله أشتري بلاي ستيشن 3 .. عندي تلفزيون ( بانا سونيك ) .. 29 بوصة وشاريه في سنة 2006 .. هل يكفي للبلاي ستيشن 3 عشان يبين قوته ؟_؟ ..
ولو كان ما يكفي .. أيش التلفزيون الي يكون مناسب ويكون سعره أقل من 1500 :ponder: ..
لأني عز الله دجيت ما أدري أيش أبا أشتري XD .. أو تلفزيوني يكفي بس ؟
.
.
.. وشــكـــرا ..
joker_zambrotta
17-02-2008, 12:35 AM
panasonic vieira 1080P 42 inch
1:10000 contrast
بس التلفزيون مايستقبل 1080p الا مع hdmi وانا مركب component
والله توي أقرأ ردودكم .. بعد ما قريتها طلعت ما أعرف شي XD .. !!!
تلفزيوني مقارنة فيكم يعتبر (( بايخ )) -_____- .. تكفون أنصحوني بتلفزيون ~_~ ........
البيكهام هام
17-02-2008, 01:09 AM
والله توي أقرأ ردودكم .. بعد ما قريتها طلعت ما أعرف شي XD .. !!!
تلفزيوني مقارنة فيكم يعتبر (( بايخ )) -_____- .. تكفون أنصحوني بتلفزيون ~_~ ........
نصيحه اذا انت ماتبي تدفع فلوس واجد اخذ سامسونج 32 بوصه ال سي دي تلقاه 200 او 190دينار واذا تبي 40 بوصه وفوق خلك بين السوني والسامسونج وثالثهم يجي باناسونيك;)
شكرا لك أخوي البيكهام هام .. ^_+ .. كان عندي أحساس أنك أنت الي راح ترد علي و سبحان الله صدق أحساسي ^______+ !
بس سامسونج شاشته مسطح ؟ .. وهل الصوت يطلع فيه قوي مره ياصل لدرجة الأزعاج !؟ لأني با أحطه بغرفتي مو با المجلس XD !
وأيش معنى ال سي دي في السامسونج >_> ؟
.
.
أما الـــ 40 بوصه ..
( أغسل يدك << يعني مستحيل XD !! )
.
.
وشكرااااااااااااااااا لك ^_+ ..
solid619
17-02-2008, 01:34 AM
انا استعمل سوني برافيا S LCD32 وما ني عارف كم الكونتراست ويدعم 1080P
البيكهام هام
17-02-2008, 01:42 AM
شكرا لك أخوي البيكهام هام .. ^_+ .. كان عندي أحساس أنك أنت الي راح ترد علي و سبحان الله صدق أحساسي ^______+ !
بس سامسونج شاشته مسطح ؟ .. وهل الصوت يطلع فيه قوي مره ياصل لدرجة الأزعاج !؟ لأني با أحطه بغرفتي مو با المجلس XD !
وأيش معنى ال سي دي في السامسونج >_> ؟
.
.
أما الـــ 40 بوصه ..
( أغسل يدك << يعني مستحيل XD !! )
.
.
وشكرااااااااااااااااا لك ^_+ ..
حاضرين للطيبين:biggthump
ايه شاشته مسطحه وبالنسبه للصوت والله اذا طولت اكيد بيطلع قوي قبل لااشتري المسرح المنزلي كنت اخلي الصوت برقم 10 او11 واذا طولت اكثر من جذيه بيكون عالي الصوت وبالنسبه للال سي دي فيه ال سي دي وفيه بلازما بس الافضل ال سي دي كل الناس تقول جذيه;)
حاضرين للطيبين:biggthump
الله يسلمك .. ^__^
ايه شاشته مسطحه
حلو !
وبالنسبه للصوت والله اذا طولت اكيد بيطلع قوي قبل لااشتري المسرح المنزلي كنت اخلي الصوت برقم 10 او11 واذا طولت اكثر من جذيه بيكون عالي الصوت
الله يعين .. أجل -_____-
وبالنسبه للال سي دي فيه ال سي دي وفيه بلازما بس الافضل ال سي دي كل الناس تقول جذيه;)
شكراا على المعلومـــــــــــة !
~ وشكرا لك ^_+ .. وآسف على أزعاجك معاي ~_~ ~
غزاوي روش
17-02-2008, 02:09 AM
سلام عليكم ....
يا شباب أنا عندي عدت أستفسارات.........
1. هل قدر أشغل السوني 3 على "بروجكتور"هاذ الي يشبه السليما ...
2.شو هو التلفاز الجيد والرخص والمثالي لسوني 3 ........
3. لو كان التلفاز عادي 21بوصة يشغل السوني 3 و كل العابها؟
وشكر لصاحب الموضوع
dark princee
17-02-2008, 05:30 AM
:) أخوي dro
تقدر تاخذ شاشة كمبيوتر lcd 19 inch سعرها من 500 ألى 800 ريال
أو 22 inch سعرها من 1200 ألى 1700 ريال ( على حسب النوعية )
Yusuke Urameshi
17-02-2008, 05:47 AM
samsung M81 full hd lcd
contrast ratio 1500
46 inch
Soviet
17-02-2008, 06:27 AM
SAMSUNG M8 Full HD
15000:1, LCD
40 inch
سؤال لملاّك الـM8 ، انا مشغل خاصية "السوبر وايت" ، انا سمعت ان لها ضرر على الشاشة اذا ماكانت تدعم ... هل M8 يدعم او لا ؟
_____________
انا استعمل سوني برافيا S LCD32 وما ني عارف كم الكونتراست ويدعم 1080P
غريبه 32 ، وتدعم 1080p?? ... يمكن قصدك 1080i
Uncharted81
17-02-2008, 09:03 AM
شباب حبيت أسئلكم لو سمحتم .. لو بغيت أن شاء الله أشتري بلاي ستيشن 3 .. عندي تلفزيون ( بانا سونيك ) .. 29 بوصة وشاريه في سنة 2006 .. هل يكفي للبلاي ستيشن 3 عشان يبين قوته ؟_؟ ..
ولو كان ما يكفي .. أيش التلفزيون الي يكون مناسب ويكون سعره أقل من 1500 :ponder: ..
أنا لو منك أشتري لي جهاز يديد ويكون مقاسة 32 بوصة لأنك راح تحطة بغرفة عادية، أما اذا تبي تحط الجهاز بالصاله او مكان اكبر فأنا اقولك اخذ شي لا يقل عن 42 بوصة. طبعا جميع التفزيونات بكل الحالتين لازم يكون فيهم مدخل أو يفضل نه يكون له مدخلين للـ HDMI حق صورة أوضح و أي تطورات مستقبلية :)
اذا قصدك 1500 دينار كويتي تقدر اتييب لك احلا تلفزيون بهالسعر. بس على كلامك انت تبي جهاز صغير (32 بوصه) في جهاز سوني سعره تقريبا 210 دينار، و الـ42 بوصة Full HD بيكون سعره حوالي الـ 750 دينار.
Uncharted81
17-02-2008, 09:09 AM
panasonic vieira 1080P 42 inch
1:10000 contrast
بس التلفزيون مايستقبل 1080p الا مع hdmi وانا مركب component
يا أخي من صجك انت.. خلاص انسى الـ component وخلك على HDMI. سعر الكيبل ينباع في باناسونك عند اليوسفي بـ7 دنانير طولة 3 أمتار. واذا تبي شي زين اخذ من الغانم Monster سعره فوق الـ 30 دينار وتمتع. والله يا جماعة الصورة تفرق وايد :)
Uncharted81
17-02-2008, 09:17 AM
سلام عليكم ....
يا شباب أنا عندي عدت أستفسارات.........
1. هل قدر أشغل السوني 3 على "بروجكتور"هاذ الي يشبه السليما ...
2. شو هو التلفاز الجيد والرخص والمثالي لسوني 3 ........
3. لو كان التلفاز عادي 21بوصة يشغل السوني 3 و كل العابها؟
وشكر لصاحب الموضوع
تقدر تشغل الـPS3 على بروجكتر وفي أنواع منهم على حسب الوضوح أو هاي دفنشن. يعتمد على المبلغ اللي عندك والمقاس اللي تبي. بالنسبة للـLCD شوف السامسونج أو الشارب اسعارهم زينة وكواليتي عالي. مو كل الألعاب تشتغل على التلفزيون العادي. في ألعاب تحتاج وضوح 720p على الاقل.
i.karoom
17-02-2008, 11:51 AM
مرحبا
انا استخدم السوني برافيا X الجديد full HD مقاس 46 ...بصراحه ..روعه
كنت متردد ومحتار بينه وبين السمسونج الجديد ..الى شاشته نفس شاشة لاب توب ..بصراحه الوانه احلى من السوني بس عيبه انه يعكس ..نفس ل بلازمه ..شالفايد
اما ال LCD ..احلى شي فيها انها ماتعكس ..جرب انك توقف جدام التلفزيون وشوف ..اما اذا بلازما ..يعكس
HAMLET
17-02-2008, 11:55 AM
LG تلفزيون عادي جداً
لاهو بلازما ولا LCD
وأخر متعه على الأطلاق
فوق المستحيل
17-02-2008, 01:13 PM
SAMSUNG M8 Full HD
15000:1, LCD
40 inch
سؤال لملاّك الـM8 ، انا مشغل خاصية "السوبر وايت" ، انا سمعت ان لها ضرر على الشاشة اذا ماكانت تدعم ... هل M8 يدعم او لا ؟
_____________
غريبه 32 ، وتدعم 1080p?? ... يمكن قصدك 1080i
والله مادري لكن انا شخصيا مشغلها لان اتوقع انه قادر عليها
اذا اهو مو قادر عليها..منو يقدر :33:
غزاوي روش
21-02-2008, 11:18 AM
سلام عليكم ....
يا شباب أنا عندي عدت أستفسارات.........
شو معنى 1080P .....1080Iوكيف أعرف أنو التلفاز أو برجكتور ؟؟؟
هل في مقسات أخرى مثل 1080P ؟؟؟؟
هل شاشات الكمبيوتر ال LG LCD بتشغل السوني 3؟؟
وشكر لكم
ابن باهدى
21-02-2008, 02:05 PM
خخخخخخـ دخلت بينكم كنت باسوي نفسي العريف لكن طلعوا مشاء الله
سامسونج LCD
32 بوصه
روووووووعه *لحد الان*
Gentleman
21-02-2008, 03:00 PM
وعليكم السلام ورحمة الله وبركاته ..
أستخدم شاشة بلازما من ساسونج بقياس 42 بوصة .. الكونتراست 15000 يدعم حتى 1080i .. وهو ممتاز ما شاء الله وما لاحظت أي إنعكاسات على الصورة ..
وشكرا على الموضوع الجميل أخوي Uncharted81 ..
Uncharted81
21-02-2008, 03:07 PM
العفو.. شاكرلكم مروركم ومعلوماتكم الحلوة المفيدة :)
kingx11
21-02-2008, 05:44 PM
يا أخي من صجك انت.. خلاص انسى الـ component وخلك على HDMI. سعر الكيبل ينباع في باناسونك عند اليوسفي بـ7 دنانير طولة 3 أمتار. واذا تبي شي زين اخذ من الغانم Monster سعره فوق الـ 30 دينار وتمتع. والله يا جماعة الصورة تفرق وايد :)
وانت شايف الفرق بنفسك أكيد؟ انا كان عندي واير hdmi قديم وشاريه ب30 ريال وشريت بعده واير مونستر ب150 ريال والفرق يمكن 10% فقط , وايرات مونستر شكلها حلوو ودعايتها قوويه لا اكثر لاتغترون اي واير hdmi ينفع
فوق المستحيل
21-02-2008, 06:15 PM
. واذا تبي شي زين اخذ من الغانم Monster سعره فوق الـ 30 دينار وتمتع. والله يا جماعة الصورة تفرق وايد :)
والله لا فرق ولا شي..الفرق نفسي فقط..انت نفسيا تشوف فرق..مثل حالتي اول ماشريتها
والله انصحك باارخص وصله..لان ماكو فرق نهائيا..كلها دعايات
Snow Whiteness
21-02-2008, 06:24 PM
عندي سؤال
تلفزيون 30 بوصه lcd
hd ..
1080 p
كم سعره ؟
ياليت تفيدوني
DirtDad
21-02-2008, 06:32 PM
الي اعرفة تلفزيوني رصاصي plasma/
فوق المستحيل
21-02-2008, 06:35 PM
عندي سؤال
تلفزيون 30 بوصه lcd
hd ..
1080 p
كم سعره ؟
ياليت تفيدوني
حسب الي اعرفه بالوطن العربي لا يوجد تلفزيون 32 بوصه يدعم 1080p
افضل تلفزيونين بهالحجم
سوني برافيا فئه V
او سامسونج الي تباينه 8000
Snow Whiteness
21-02-2008, 06:41 PM
مشكور اخوي فوق المستحيل
طيب انا ابي تلفزيوون حلو HD
ومناسب للبلاي ستيشن
لا يزيد عن 200 دينار
فيه ولا...:p
وجزاك الله خير على تعاونك
Uncharted81
21-02-2008, 07:35 PM
والله لا فرق ولا شي..الفرق نفسي فقط..انت نفسيا تشوف فرق..مثل حالتي اول ماشريتها
والله انصحك باارخص وصله..لان ماكو فرق نهائيا..كلها دعايات
والله انا بالنسبه لي عندي وصلة HDMI شاريها من Panasonic طوله 3 متر وسعرة 7 دنانير. اخر حلاوة :)
Uncharted81
21-02-2008, 07:36 PM
مشكور اخوي فوق المستحيل
طيب انا ابي تلفزيوون حلو HD
ومناسب للبلاي ستيشن
لا يزيد عن 200 دينار
فيه ولا...:p
وجزاك الله خير على تعاونك
اكو سوني 32 بوصه يدعم 1080i بس مو عارف رقم موديله وسعره قريب من الـ200 دينار. وأكو سامسونج هم بعد زين.
غزاوي روش
21-02-2008, 07:50 PM
سلام عليكم ....
يا شباب أنا عندي عدت أستفسارات.........
شو معنى 1080P .....1080Iوكيف أعرف أنو التلفاز أو برجكتور ؟؟؟
هل في مقسات أخرى مثل 1080P ؟؟؟؟
هل شاشات الكمبيوتر ال LG LCD بتشغل السوني 3؟؟
وشكر لكميا جماعة سعدوني ؟؟؟:(:(
End War
21-02-2008, 08:03 PM
كلووووووووووو واحد
habbo
23-02-2008, 03:40 AM
انا تلفزيوني jvc 24 بوصة ولسا لم أشتري الـps3 وعندما أشتريها سأشتري تلفزيون أكبر و أحسن
(( هل يمكنني أن ألعب باالـps3 على شاشة الكمبيوتر لان عندي شاشة lcd على الكومبيوتار ))
solid619
23-02-2008, 10:12 AM
انا متأكد تلفزيوني سوني برافيا S 32 LCD ويشغل 1080 بي بالكمبوننت و ال HDMI
حتى ال LG عند الشركه مكتوب انو يدعم 1080 بي وهو 32 بوصه LCD
Ice Moon
23-02-2008, 02:03 PM
اني خجلان من تلفيزيوني مشتريه من ثلاث سنوات هو بانو سونيك فلات بس فيه كمبوننت من وره من اربط الست توصيلات اشعر اكو فرق بالصورة عن الثلاث توصيلات ماهي جودة الصورة
rare games
23-02-2008, 04:49 PM
تلفزيوني 32 بوصه سامسونج الي حده 1080 اي
ومرتاح وياه وكل شي تمام الجرافكس روعه ومخرجين himi
وما افكر اخذ فل اتش دي ابد على الاقل في هالفتره
اشوفه ممتاز وكل شي اوكي بعد ليش الاصراف+ توني ماخذه شهر 11 الي طاف
الجام العربي
24-02-2008, 08:01 PM
أنا أستخدم تلفزيون ماركة شارب موديل 96م !!
فوق المستحيل
25-02-2008, 08:38 AM
سلام عليكم ....
يا شباب أنا عندي عدت أستفسارات.........
شو معنى 1080P .....1080Iوكيف أعرف أنو التلفاز أو برجكتور ؟؟؟
هل في مقسات أخرى مثل 1080P ؟؟؟؟
هل شاشات الكمبيوتر ال LG LCD بتشغل السوني 3؟؟
وشكر لكم
هذه دقات عرض
بمعنى ان ال 1080i هي دقه عرض 1920 على 1080
اما 1080p فهي تملك نفس الدقه لكن بمزمن تحديث اسرع من ال1080 i
اما معرفه البروجكتر فهو بالشكل..ولم افهم السؤال جيدا للاسف
مقاسات ال 1080p اكثرها من 40 فما فوق
شاشات الكمبيوتر تشغلها ولكن لا تصلح لها...وانا شخصيا لا انصح بها
فوق المستحيل
25-02-2008, 08:40 AM
انا متأكد تلفزيوني سوني برافيا S 32 LCD ويشغل 1080 بي بالكمبوننت و ال HDMI
حتى ال LG عند الشركه مكتوب انو يدعم 1080 بي وهو 32 بوصه LCD
عزيزي لا يمكن بل مستحيل ان يكون هذا الكلام صحيح
بدليل ان هذه الشاشات متوفره بالسوق والكل يعرفها...
انا بكون دقيق باللفظ..هل تقصد يشغل او اهو يعرض 1080 بي
ان كنت تقصد يشغل..فهذا امر طبيعي..يقبل الدقه ويحولها 1080i
اما انه يدعمها..فهذا مستحيل
واذا مو مصدق عطني رقم الموديل واجيب لك المصدر انها مايدعم 1080p
solid619
25-02-2008, 09:33 AM
يا عزيزي فوق المستحيل
ايش الفرق بين يعرض ويشغل ؟؟
لما اشبك البلاي ستيشن 3 عن طريق ال HDMI كتب لي 1080 بي
ولما اشبك الاكس بوكس 360 عن طريق الكمبوننت واحط على 1080 بي يشتغل
فوق المستحيل
25-02-2008, 09:37 AM
والله ياخوي مااقول انك كذاب
لكن مستحيل !
ممكن حجم الجهاز ورقم الموديل ؟
Michael Scofield
27-02-2008, 08:09 PM
شباب انا عندي تلفزيون wansa
عندي شريط نضام hd
هل من طريقه لتغير نضام HD
انا ماأبي اغير التلفزيون
على بلاستيشن 3
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .