ماهو نوع التلفزيون اللي تستخدمه للـPS3؟

[Uncharted81]

السلام عليكم..
الكل عارف الحين شغلة التلفزيونات الـPlasma و LCD و جاينا بالطريج LOD بالمستقبل القريب انشاءالله. ومثل ما عرفت انه في ألعاب ما تنلعب على الـPS3 إلا اذا كان التلفزيون HD Ready عالأقل لتعرض على 720p.
السؤال وأرجو من الجميع المشاركة: شنو نوع التفلزيون اللي تستخدمة في اللعب على PS3؟ مع ذكر أي ملاحظات تفيدنا مثل الماركة، والمقاس، و الوضوح.. إلخ

بالنسبة لي:
Panasonic Plasma 50 inch
HD Ready - support 1080p
Contrast Ratio 1:10000

واللي لاحظته انه كل ما تكبر البلازما تكون الصورة احسن للألعاب على عكس الـ42 اللي كان عندي قبل. والبلازما صورتها احسن حق الألعاب اللي فيها سرعة مقارنة بالـLCD. أما الـLCD افضل من حيث الصور ودرجات الألوان.

نشوف ردودكم..

[MAXI2]

انا استخدم برافيا سوني klv lcd 42 بوصه بس الالوان الي فيه مو عاجبتني خاصتا لعبة pes 2008 احس ارضية الملعب وايد خضره وفيها زوم

[q8pro]

السلام عليكم

تلفزيوني سوني برافيا اكس 40 بوصه
طبعا LCD
وابقولك شغله ترى افضل مقاس لوضوح هو 40 بوصه
هذا حق LCD
بخصوص البلازما ماعندي خبره

[فوق المستحيل]

استخدم سامسونج M81

مقاس 46

Full HD

Contrast Ratio : 15000

روعه للاخر

[Uncharted81]

أنا قريت معلومة إنه كل ما تكبر شاشة الـPlasma احسن، على عكس الـLCD فالأصغر تكون أحسن

[فوق المستحيل]

صحيح الال سي دي لما تكون اصغر تكون احسن

بدليل ان شاشات البلازما تتفوق علي الال سي دي بالحجم الكبير

لكن مااعتقد بالالعاب..لان البلازما في الغالب للافلام

وسبب هبوط اسعار البلازما

انها تقنيه قديمه + مشكله حرق الشاشه او مايسمى بــBurn

موفقين

[البيكهام هام]

الحين عندي تلفزيونين ورسيفرين<<عشان اذا مبارتين بنفس الوقت وكلهم يبطلون القنوات عن طريق الدي اس ال وتعرفون اندية اوروبا عالابواب هذا غير مباريات الدوري الانجليزي اللي بنفس الوقت يعني لازم نمتع انفسناالتلفزيونين واحد عادي 34بوصه والثاني سامسونج اتش دي32بوصه معلقه بالطوفه بس ان شاء الله ناوي اشتري سوني برافيا اكس 50بوصه بعد سنتين ان شاء الله قبل كاس العالم لازم نستمتع بكاس العالم بتلفزيون كبيروال32 بحطه بمكان التلفزيون العادي والعادي بعطيه احد اخواني هذا اذا ماخرب من اهنيه لهذاك الوقت

انا اذكر سوني برافيا اكس 50بوصه قبل 6شهور كان سعره 2000دينار بس الحين ماتدرون جم صار؟

همسه:ناوي على رسيفر اتش دي اللي اسمه هايفون قريبا

[dro]

هلا با الشباب .. ^_^

شباب حبيت أسئلكم لو سمحتم .. لو بغيت أن شاء الله أشتري بلاي ستيشن 3 .. عندي تلفزيون ( بانا سونيك ) .. 29 بوصة وشاريه في سنة 2006 .. هل يكفي للبلاي ستيشن 3 عشان يبين قوته ؟_؟ ..


ولو كان ما يكفي .. أيش التلفزيون الي يكون مناسب ويكون سعره أقل من 1500 ..

لأني عز الله دجيت ما أدري أيش أبا أشتري XD .. أو تلفزيوني يكفي بس ؟

.
.

.. وشــكـــرا ..

[joker_zambrotta]

panasonic vieira 1080P 42 inch
1:10000 contrast
بس التلفزيون مايستقبل 1080p الا مع hdmi وانا مركب component

[dro]

والله توي أقرأ ردودكم .. بعد ما قريتها طلعت ما أعرف شي XD .. !!!

تلفزيوني مقارنة فيكم يعتبر (( بايخ )) -_____- .. تكفون أنصحوني بتلفزيون ~_~ ........

[البيكهام هام]

والله توي أقرأ ردودكم .. بعد ما قريتها طلعت ما أعرف شي XD .. !!!

تلفزيوني مقارنة فيكم يعتبر (( بايخ )) -_____- .. تكفون أنصحوني بتلفزيون ~_~ ........

نصيحه اذا انت ماتبي تدفع فلوس واجد اخذ سامسونج 32 بوصه ال سي دي تلقاه 200 او 190دينار واذا تبي 40 بوصه وفوق خلك بين السوني والسامسونج وثالثهم يجي باناسونيك

[dro]

شكرا لك أخوي البيكهام هام .. ^_+ .. كان عندي أحساس أنك أنت الي راح ترد علي و سبحان الله صدق أحساسي ^______+ !

بس سامسونج شاشته مسطح ؟ .. وهل الصوت يطلع فيه قوي مره ياصل لدرجة الأزعاج !؟ لأني با أحطه بغرفتي مو با المجلس XD !

وأيش معنى ال سي دي في السامسونج >_> ؟

.
.

أما الـــ 40 بوصه ..

( أغسل يدك << يعني مستحيل XD !! )

.
.

وشكرااااااااااااااااا لك ^_+ ..

[solid619]

انا استعمل سوني برافيا S LCD32 وما ني عارف كم الكونتراست ويدعم 1080P

[البيكهام هام]

شكرا لك أخوي البيكهام هام .. ^_+ .. كان عندي أحساس أنك أنت الي راح ترد علي و سبحان الله صدق أحساسي ^______+ !

بس سامسونج شاشته مسطح ؟ .. وهل الصوت يطلع فيه قوي مره ياصل لدرجة الأزعاج !؟ لأني با أحطه بغرفتي مو با المجلس XD !

وأيش معنى ال سي دي في السامسونج >_> ؟

.
.

أما الـــ 40 بوصه ..

( أغسل يدك << يعني مستحيل XD !! )

.
.

وشكرااااااااااااااااا لك ^_+ ..

حاضرين للطيبين

ايه شاشته مسطحه وبالنسبه للصوت والله اذا طولت اكيد بيطلع قوي قبل لااشتري المسرح المنزلي كنت اخلي الصوت برقم 10 او11 واذا طولت اكثر من جذيه بيكون عالي الصوت وبالنسبه للال سي دي فيه ال سي دي وفيه بلازما بس الافضل ال سي دي كل الناس تقول جذيه

[dro]

حاضرين للطيبين

الله يسلمك .. ^__^

ايه شاشته مسطحه

حلو !

وبالنسبه للصوت والله اذا طولت اكيد بيطلع قوي قبل لااشتري المسرح المنزلي كنت اخلي الصوت برقم 10 او11 واذا طولت اكثر من جذيه بيكون عالي الصوت

الله يعين .. أجل -_____-

وبالنسبه للال سي دي فيه ال سي دي وفيه بلازما بس الافضل ال سي دي كل الناس تقول جذيه

شكراا على المعلومـــــــــــة !

~ وشكرا لك ^_+ .. وآسف على أزعاجك معاي ~_~ ~