تسجيل الدخول

مشاهدة النسخة كاملة : عام CoD4 ممنوعة بالكويت!


Uncharted81
20-02-2008, 09:43 PM
السلام عليكم..
في أحد منكم سمع إنه لعبة Call of Duty 4 ممنوعة بالكويت؟ و الوزارة منعت أي محل يبيع ألعاب وهذا اللي شفته اليوم بالرحاب أكثر من 75% من المحلات ما عندهم إلا أجهزة ولا عندهم تصريح استيراد الألعاب ويمكن هذا يكون السبب في ارتفاع الأسعار بسبب شراءهم للألعاب من السوق بالكويت بدل من استيرادهم من برة. بصراحة كان منظر عجيب انا شفت 4 محلات بس اللي يبيعون الألعاب حاليا وفي محلات تسكرت بسبب مخالفتها على قوانين الوزارة وبيعهم لعبة Call of Duty 4. :AR15firing:
هذا اللي عندي والله أعلم :)
xuae_3
20-02-2008, 11:27 PM
مب بس الكويت ممنوع فيها بيع هذه اللعبة

حتى السعودية و الإمارات ممنوعة

و اعتقد كل الخليج ممنوع فيه اللعبة
tobaid
21-02-2008, 12:34 AM
اليوم رايح جيم سبوت لاقيه هناك
Black.3ye
21-02-2008, 12:54 AM
اول ما كانت ممنوعه بلكويت بس بفيرجن ميغاستور بس الحين مادري علعموم زين يسوون فيهم اصحاب محلات الرحاب والله بطاين شبزي بأسعارهم يا رب كل المحلات تتسكر
delpiero89
21-02-2008, 03:20 AM
هههههههههههههههههههاي كملت

اتوقع هالحركه اول الفرج ...و اخيرا راح نشتري بالسعر الي العالم تشتري فيه .

شكرا على الخبر
SFS
21-02-2008, 04:38 AM
مجمع الرحاب أنواع النصب فيه !!

وحتى وزراة الاعلام عليها قرارات غبية !!

المشكلة لما نشوف ألعاب دموية وعنيفة مثل GTA نباع بمجمع الرحاب لأي طفل

+

وزارة الإعلام على بالها ان الفيديوجيمز مخصص للأطفال .. ما يدرون ان العالم تطورت !!
eob717
21-02-2008, 07:25 AM
وزارة الإعلام على بالها ان الفيديوجيمز مخصص للأطفال .. ما يدرون ان العالم تطورت !!


اذاَ أهلاً بك في الكويت

--------------
ياجماعه انتم خلوا كول اوف ديوتي 4..هانت الشريط واشتريناه خل يمنعونه عادي لول
بس المشكلة وين؟ المشكلة بقراند ثيفت اليديد..ياترى هل ستسمح فيه الجمارك...املنا على امازون
ختخخم
21-02-2008, 07:55 AM
ياشيخ اذا تبي تشتريها اشتريها من امازون انترنت وريح نفسك
kram7
21-02-2008, 08:07 AM
هذا شيء طبيعي لأن اللعبة فيها إستهزاء بالإسلام والمجاهدين والله أعلم
Michael Scofield
21-02-2008, 11:27 AM
شباب الحين الكل الالعاب ممنوعه

لازم رخصه امس رحت الرحاب وقالولي لازم رخصه شي غريب
End War
21-02-2008, 01:14 PM
مشكووووووووووور على الخبر
DirtDad
21-02-2008, 06:46 PM
انا لحقت شريتها اول مانزلت بعد يومين منعوها بس بعد 3 اشهر جابوها مرة ثانية ما ادري شسالفة
Wolfenstien
21-02-2008, 09:08 PM
يا حبيب يا Landm اعرف تفرق بين ياللي بدمر أو بدافع عن وطنه
الدفاع عن الوطن يعني يقاتل العدو اما المدمر هوي ياللي بهاجم البريء
xpresscell
03-03-2008, 01:40 PM
يا حبيب يا Landm اعرف تفرق بين ياللي بدمر أو بدافع عن وطنه
الدفاع عن الوطن يعني يقاتل العدو اما المدمر هوي ياللي بهاجم البريء

اؤيدك 100% اخوي Wolfenstien و صح السانك ...... و ارجوا من الاعضاء المحترمين عدم وضع اي اعلان او توقيع يثير الفتنه.......... ترانا مو ناقصين العدو يضحك علينا ...... و دمتم سالمين
rare games
03-03-2008, 02:00 PM
احسن يستاهلون بس ترا الموضوع ما تغير انا دشيت محل مو عارض ولا لعبه وسالته عندك العاب ببساطه قالي اي لعبه تبي وعطاني اياه وشريته الالعاب موجوده بس مو معروضه وانشالله عقب هالقانون تهتم وزراه الاعلام شوي وتكون هناك رقابه وسعر معقوول انا اشوف من 18 الى 20 معقول بس الزياده مرفوضه
Mr.Mohsen
03-03-2008, 09:30 PM
ياخوك منو قالك ممنوعه ؟؟ انا توني الحين راد من الرحاب .. ينباع باكثر من 5 محلات .. 18 دينار .

الشي الجديد اللي صار بالمحلات :
ان وزاره الاعلام وضعة خطه لبيع الألعاب .. بحيث اي محل يبي يبيع لعبه معينه يسوي طلب ويدفع رسوم لكل لعبه 45 دينار .. يعني مثلا محل طوكيو يبي يبيع انشارتد يسوي طلب ويدفع 45 ... وهكذا على جميع المحلات .. يعني المحل ما يبيع لعبه الا مسويلها طلب .. واللي يخالف يتسكر محله .

والشي الثاني ان قبل فتره اللي يبيع العاب كوبي او اجهزه مقلده يتخالف ويتسكر محله فتره .. الحين اللي يبيع كوبي او اجهزه مقلده يغلق المحل وتنسحب رخصته .
barca-ps3
03-03-2008, 11:50 PM
اللعبهتنباع بكارفور _ افينيوز _ .. وبمكان الكل يشوفه بقسم الألعاب .. وما سمعنا حس حق وزارة الاعلام بهالسالفه !

اللي يصير بالرحاب مو اول مره يصير !

يشدون حيلهم فتره .. وبعدين ما يقدرون يسيطرون على التسيب !
Sparta Ghost
04-03-2008, 01:51 AM
زين عندي سؤال دام الموضوع عن الالعاب الممنوعه في دول الخليج .

لو قلنا انا من السعوديه او الكويت و طلبت اللعبه من الامازون ..
اللعبه بتوصل لي 100% حتى لو كانت ممنوعه زي god of war ??
و خبري في امازون مو عالمي بس امريكي ؟ كيف تطلبوا منه ؟
i.karoom
04-03-2008, 10:04 AM
عندنا في قطر مب ممنوعه ..

بخصوص الشخص الي ايقول انها اتكلم عن المجاهدين ..خله يلعبها ..بعدين يحكم ..يمكن شاف الديمو القديم ..بس كل شي شالوه

العبه بختصار اتكلم عن الارهاب ..
Uncharted81
04-03-2008, 10:23 AM
انا شخصيا لعبت اللعبة و أعتقد اهي من احسن الألعاب اللي نزلت اذا ما كانت الأفضل. قبل اسبوعين بالضبط اللعبة كان ممنوع بيعها و دشيت اكثر من محل (4-5 محلات مصرح لهم) عارضين الألعاب كلها ما عدا CoD4 وكان جواب المحلات انها ممنوعة. أتوقع السبب الرئيسي لمنعها هو انه فيه مهمات في السعودية و العراق (بغض النظر انه القصد اهو الأرهاب) و هم بعد شغلة الأسامي مثل Al-Asad وغيرها.
بالأخير اللعبة عبارة عن وسيلة فنية كالكتاب أو الفلم أو غيرها من الوسائل الاعلامية والناس لهم وجهات نظر مختلفة في تقبل ورفض اللعبة.
ذيبان911
05-03-2008, 01:53 PM
اذاَ أهلاً بك في الكويت




أهلاً بك في جزيرة العرب
DirtDad
05-03-2008, 07:11 PM
هذا شيء طبيعي لأن اللعبة فيها إستهزاء بالإسلام والمجاهدين والله أعلم
:biggthump