CoD4 ممنوعة بالكويت!

[Uncharted81]

السلام عليكم..
في أحد منكم سمع إنه لعبة Call of Duty 4 ممنوعة بالكويت؟ و الوزارة منعت أي محل يبيع ألعاب وهذا اللي شفته اليوم بالرحاب أكثر من 75% من المحلات ما عندهم إلا أجهزة ولا عندهم تصريح استيراد الألعاب ويمكن هذا يكون السبب في ارتفاع الأسعار بسبب شراءهم للألعاب من السوق بالكويت بدل من استيرادهم من برة. بصراحة كان منظر عجيب انا شفت 4 محلات بس اللي يبيعون الألعاب حاليا وفي محلات تسكرت بسبب مخالفتها على قوانين الوزارة وبيعهم لعبة Call of Duty 4.
هذا اللي عندي والله أعلم

[xuae_3]

مب بس الكويت ممنوع فيها بيع هذه اللعبة

حتى السعودية و الإمارات ممنوعة

و اعتقد كل الخليج ممنوع فيه اللعبة

[tobaid]

اليوم رايح جيم سبوت لاقيه هناك

[Black.3ye]

اول ما كانت ممنوعه بلكويت بس بفيرجن ميغاستور بس الحين مادري علعموم زين يسوون فيهم اصحاب محلات الرحاب والله بطاين شبزي بأسعارهم يا رب كل المحلات تتسكر

[delpiero89]

هههههههههههههههههههاي كملت

اتوقع هالحركه اول الفرج ...و اخيرا راح نشتري بالسعر الي العالم تشتري فيه .

شكرا على الخبر

[SFS]

مجمع الرحاب أنواع النصب فيه !!

وحتى وزراة الاعلام عليها قرارات غبية !!

المشكلة لما نشوف ألعاب دموية وعنيفة مثل GTA نباع بمجمع الرحاب لأي طفل

+

وزارة الإعلام على بالها ان الفيديوجيمز مخصص للأطفال .. ما يدرون ان العالم تطورت !!

[eob717]

وزارة الإعلام على بالها ان الفيديوجيمز مخصص للأطفال .. ما يدرون ان العالم تطورت !!

اذاَ أهلاً بك في الكويت

--------------
ياجماعه انتم خلوا كول اوف ديوتي 4..هانت الشريط واشتريناه خل يمنعونه عادي لول
بس المشكلة وين؟ المشكلة بقراند ثيفت اليديد..ياترى هل ستسمح فيه الجمارك...املنا على امازون

[ختخخم]

ياشيخ اذا تبي تشتريها اشتريها من امازون انترنت وريح نفسك

[kram7]

هذا شيء طبيعي لأن اللعبة فيها إستهزاء بالإسلام والمجاهدين والله أعلم

[Michael Scofield]

شباب الحين الكل الالعاب ممنوعه

لازم رخصه امس رحت الرحاب وقالولي لازم رخصه شي غريب

[End War]

مشكووووووووووور على الخبر

[DirtDad]

انا لحقت شريتها اول مانزلت بعد يومين منعوها بس بعد 3 اشهر جابوها مرة ثانية ما ادري شسالفة

[Wolfenstien]

يا حبيب يا Landm اعرف تفرق بين ياللي بدمر أو بدافع عن وطنه
الدفاع عن الوطن يعني يقاتل العدو اما المدمر هوي ياللي بهاجم البريء

[xpresscell]

يا حبيب يا Landm اعرف تفرق بين ياللي بدمر أو بدافع عن وطنه
الدفاع عن الوطن يعني يقاتل العدو اما المدمر هوي ياللي بهاجم البريء

اؤيدك 100% اخوي Wolfenstien و صح السانك ...... و ارجوا من الاعضاء المحترمين عدم وضع اي اعلان او توقيع يثير الفتنه.......... ترانا مو ناقصين العدو يضحك علينا ...... و دمتم سالمين

[rare games]

احسن يستاهلون بس ترا الموضوع ما تغير انا دشيت محل مو عارض ولا لعبه وسالته عندك العاب ببساطه قالي اي لعبه تبي وعطاني اياه وشريته الالعاب موجوده بس مو معروضه وانشالله عقب هالقانون تهتم وزراه الاعلام شوي وتكون هناك رقابه وسعر معقوول انا اشوف من 18 الى 20 معقول بس الزياده مرفوضه