طالبكم طلبة ياشباب .. عطوني رأيكم لو تكرمتوا

[أسيرالذاهبة]

هلا والله بالشباب وفي الحقيقة هذي اول مشاركة لي بهالمنتدى الرائع وودي اسألكم سؤال او طلب لرأيكم ...وياليت تعطوني رأيكم

...................................................
انا والله محتار بين مجموعة سيارات ووالله ودي تعطوني رأيكم لأني بحاجة اليه واتمنى من كل من يقرأ هالموضوع انه يرد علي ولو برأيه ..

ياشباب انا ابطلع سيارة قريبا انشاء الله .. ومحتار بين مجموعة سيارات وهي ..

كابرس ss
- لومينا ss
- باسات (4 سرندل + انوار زينون)
- اودي a4
- مكسيما فل كامل
................................................................................
واتمنى تعطوني رأيكم .. في السيارة اللي اخترتوها .. وليش اخترتوها ؟؟


وشكرا لكم ..

[Ranma Saotome]

تبي نصيحتي
السيارات اللي انت حاطهم ماتقدر تقارنهم مع بعض ألا اللومينا والكابرس
أولا احذف الاودي لأنها تعبانه
واحذف الماكسيما
والباسات 4 سلندر لا تفكر فيها، أنا عندي باسات 6 سلندر وررهييبه لكن انطر الثمانيه سلندر ترى مافوقها فوق
عندك الكابرس SS واللومينا SS وهني اللومينا هي الكينج
لكن صدقني ترى الباسات W8 سلندر قوتها 280 حصان وأوبشن تمسح بهالسيارات الارض وشكل ولا أحلى
وعلى فكره اللي أعرفه أنها راح تنزل عندنا في قطر شهر فبراير
وأخيرا ترى الراي رايك وانا بغيت أساعد

[تركي]

كابريس ..وبس.

[Os Os]

اكيييد كابريس ss

ما في مقارنة

[Ranma Saotome]

الظاهر أن الشباب ماجربوا الباسات
إذا تقدر تنطر لين الثمانيه سلندر صدقني محّد بعدين يتحدّاك ألا اللي متعبث في سيارته
وانت ذيك الساعه تهبث فيها على كيفك
وبعد عندي لك سؤال: شنو المواصفات اللي تبيها في السياره؟
شوف...عندي صور للباسات ثمانيه سلندر

[Ranma Saotome]

من الخلف

[Ranma Saotome]

شوف الكراسي كيف حلوه

[Ranma Saotome]

جير من ست غيارات

[Ranma Saotome]

سوري
هاذي صورة الجير

[Ranma Saotome]

على قولت المثل
اللي مايعرف الصقر...يشويه
شوف أخوي
هاذا موقع في تقرير عن الباسات من 4 صفحات
http://www.vwvortex.com/news/06_01/06_21/index.shtml

[NiGhT KiNg]

مرحبا بيك يا اسير الذاهبة في المنتدى و انشالله يعجبك و انا انصحك باللومينا او الكابريس ss لأنهم اللي يدوموا

[Ranma Saotome]

قال يدوموا قال
ترى كل السيارات تدوم
وغير الالماني مافي
الله يسلمك هو يعتمد شنو المواصفات اللي تبيها في السياره
إذا تبيها حق الاستعراض أو حق السرعه ولا المسابق
في ناس عندهم فولكس واجن من 7 و 8 سنين وللحين حالتها ممتازه
لكن في ناس مب مال سيارات

[NiGhT KiNg]

الالماني ما يدوم زي الياباني و الامريكي :D :D :D و احب اقلك مثال عند ابوي هوندا اكورد 86 شراها اول ما نزلت و للحين و هي عنده يعني صار لها 15 سنة و عنده بيوك 92 للحين عنده

[تركي]

شوف ياأخي العزيز قبل كل شيء ودي أوضح لك مزايا كل نوع من أنواع كابريس.

نبدأ بكابريسss.

رياضية الى أبعد حد..

تضم كابريس اس اس محركا فريدا في ادائه يعطيه قوة جبارة مقدارها 325 حصان بالاضافه الى نظام تعليق رياضي خاص وعجلات من الالمنيوم عيار 17بوصة مميزة, كي تشعر فعلا أن سيارتك فعلا أصبحت منك,وتماما مثل كابريس LTZ فهي تتحلى بمظهر أنيق وجذاب من الداخل والخارج.ولكن بطابع رياضي يميزها
بفضل مقصورة رياضية وفخمة في آن واحد, والشبك الامامي والشرائح زينة مطلية بلون السيارة أما فيما يتعلق في عوامل السلامة فيكفي أن تذكر اسم كابريس حتى يتبادر الى ذهنك المفهوم الحقيقي للسلامة القصوى للركاب,مع كل هذا فلا عجب في أن تكون كابريس اس اس اختيار الرياضيين.

[تركي]

ثانيا: كابريسLTZ.

نظرة واحدة الى كابريس LTZ تكفي بأن لا تنساها أبدا, فعجلاتها المصنوعه من الامنيوم وشبكها المزين بالكروم وواجتها الامامية تعطيها هذا الطابع االمتميز. لاتقل مقصورة كابريس الداخلية فخامه عن مضهرها الخارجي بفضل تصميمها الانيق ومزاياها العصرية بما فيها جهاز سي دي قياسي ونوافذ كهربائية ونظام تكييف مزدوج,أما محركها من طراز V8من الجيل الثالث سعة5.7 لتر وبقوة 295 حصان فينتظر منك أن تمنحه الفرصه ليعمل مع ناقل الحركة الاتوماتيكي ب4سرعات بتحكم الكتروني على ادهاشك بإداء مابعده ايداء.

[تركي]

ثالثا: كابريسLS.

حضور يفرض نفسه,داخل رحابة وقوة اسطوريه,انها كابريسLS جوهر تجربة كابريس عندما تجلس خلف مقودها ستشعر دون شك بقوة ال295حصان التي لا تضاهى ستكشف الاداء المتميز لمحركها الجديد من طراز V8 الجيل الثالث سعة 5.7لتر . ويعزز قوة كابريس على الطريق ناقل الحركة الاتوكاتيكي ب4 سرعات وتحكم الكتروني يعمل مع نظام تعليق يتكيف مع طبيعة الطريق على منحك قيلدة سلسة ورحلة هادئة,أما نظام التحكم بالمناخ ومعايير السلامه المصممه على قدر عالي من التكنولوجيا المتطورة ليتلائم مع الحياه في الشرق الاوسط ,فهي مايجعل اختيارك كابريس الاسهل والانسب.

[Power_by_HKS]

انا بقولك رايي بعد
اذا عندك قرووش زايده ومن نوع تحب تغير سياره كل فتره خذ لك الباسات بس اذا انت تبي سياره لك على طول يعني ماتتعب معاها انا اقولك خذ لك كابرس ولا لومينا انا ما اقولك لانهم يعيشون معاك كل السيارات الحين تعيش معاك طويل
بس لانه بعدين في القطع الغيار ماراح تكلفك كثير لو صار لك شي لا سمح الله او خراب داخل السياره ما يتعبك بتصليحه
واذا انت تبي سياره ولا تفرق معاك بالسعر
خذ لك bmw
ولو تاخذ ام فايف بعد
BMW/M5
يعني كلها 300000
تكون عندك سياره فخمه وبمستوى الكورفت وهي بعد سياره عائليه اربع ابواب
واحسن سياره سبورت عالميا تعتبر
ولك القرار
////////////////////////////////////////////////////
شكلك بتاخذ ايكو اخر شي :D

[تركي]

رابعاً: كابريس رويال.

اليك كابريس رويال أقوى وأفخم أنواع الكابريس بقوة جبارة تصل الى345 حصان بمحركV8سعة 5.7لتر .
أنيقه بخطوطها الكلاسيكيه التي تضع مفهوما استثنائيا للفخامة وما هيبتها الخارجية الا انعكاس لمقصورتها الفخمة من مقاعدها الجلدية المثيرة الى حيز الجلوس الخلفي الرحب تنفرد كابريس رويال بتصميمها المتفوق لتمنحك رحلات سلوكية مهيبة.


(( وتبقى اسطورة كابريـــــــــــــس مستمرة))

المصدر: موقع جنرال موتور .

[أسيرالذاهبة]

شكرا لكم ياشباب ووالله ماقصرتوا بس احب اقول لكم ان حدودي في الفلوس هي حوالي 100 الف ريال سعودي .. واشكر الاخوان اللي نصحوا ني بالبي ام او غيرها ...

الى الأخ :Ranma Saotome

شكرا لك اخوي وماقصرت والله على جهدك بس الباسات اللي 8 سرندل راح يكون اكييد سعرها غالي وانا حدي حدود 100 الف ريال سعودي علشان كذا صعبة اشتريها ...

بس ياشباب محد عطانا رأيه بالمكسيما .. تراها والله موتر ..

ولكم 1000 شكر

[Ranma Saotome]

السياره اللي تبيها في حدود 100,000
حلاص، اخذ لك وحده من الSS
وعلى فكره سعر الباسات ال8 سلندر راح تكون حوالي 130,000 تقريبا

[ددسن ابو جلنط]

اقولك يا اخوي خذلك ونيت 2002 تايوتا اذا بغيت برا تصلح للبر واذا بغيت خط ادعس للفرشه وما احد زيك والباقي من الفلوس خذلك ماكسيما
موديل يكون جديد وراح تدعيلي


اخوكم ابو جلنط راعي الددسن

[MAX 2002]

تبغى نصيحتي بدون لا تفكر خذلك كابرس SS

قوة وشكل وسعر مناسب وتعيش معاك وسيارة صراحة مريحة ورهيبببببة مرررررررة ....

يعني نصيحتي لك كابرسSS

وبعدها لا تفكر الا في اللومينا SS

وبعدها ماكسيما فل كامل

وبعدها ولا شي ..... ;)

[أسيرالذاهبة]

اشكر جميع الاخوان على ردودهم وارجو من باقي الاعضاء اعطائي رأيهم

[مهبل الدوريات]

سلااااام


اولاً الألماني افضل شي



لاتقوووووووووولولي




هذا شي معروف اي سيارة المانية هي الافضل بين الكل





هي عيبها شي واحد قطع الغيار وسعرها والباقي حلوووو



اذا معك 100000 ريال



خذلك لومينا لأنها افضل شي بسعر هذا



وعندي تحفظ عليها


يقولون انها تتقلب اذا لفتبك


ماادري هذا عيبها الي اعرفه وزد على ذلك صيانتها



تخرب عليك هذا الكلام من الشباب انا ماسقتها ولاجربتها


ولاكن الي اعرفه قلتلك


وصدقني مثل الماني ماراح تلقى افضل تقنية




وشكراً
:D

[Hassan104]

[SIZE=3][FONT=Monotype Koufi][COLOR=crimson]هاااااااااااااااااااااااااااي

ياشبااااااااب.....

الكل وله رايه/////

بس احنا اول شي لازم نعرف اش تبي يااخونا..أسير//
يعني تبي سيارة حق سرعة؟؟؟؟
سيارة حق كشخة؟؟؟؟؟
حق فخامة؟؟؟؟
حق شكل جذاب؟؟؟
مميزة؟؟؟

انت ايش تفضل؟؟؟؟؟؟

كل السيارات الي قلتها على العين والراس وتستاهل انه الواحد يقتبيها ":":أفكر:

وكل سيارة ولها خدمتها وقطع غيارها وسعرهااااااا\\

وأنا انصحك انك تجرب الالماني تراه حلووو مرة
مثل الاودي ِ4 أو أوبل أوميجا ترى سعرها يتراوح في الثمانين والتسعين (فل أوبشن)

وفي النهاية الامر راجع لك

[بحـــ الشوق ـــور]

نصيحة لا تأخذ أمريكي أبدا لانه كلها يومين والجربوكس يتعطل عليك ويخرب وروح صلحه والله تتعبك خذلك ألماني أحسن شي

خذلك بولو ولا جولف والله انها ممتازة

[الغالي]

انا اقوووووول كابرس او اودي والباقي ما اقارنها بالكابرس

[ThE_SmArT]

صراحة قريت ردود الإخوان وتبين لي شيء واحد!!! :o:o
إنا ننظر للشكل والطيران بغض النظر عن المضمون ... كيف؟ أقولك كيف!!! تبي الصراحة لو تبي تشتري سيارة تقعد عندك 6شهور في الوكالة6شهور أنصحك خذ لك كابرس أو لومينا ... يعني السيارتين هذولا دماااااااااااااااااااااااااااااااار شامل<===أسلحة نووية... يعني لا تقربها ... أما بالنسبة للغاااااااااااااالية المكسيما فشهادتي فيها مجروحة"بسم الله عليها وش جايها" ... يعني ما أدري وش أقول لك سيارة ولا كل "البنات" عفوا قصدي السيارات ... وصراحة الباسات ما عليها يمدحونها وإن كانك ناوي تخربها عليك بالفياقرا وإلا البي أم دبليو ...

واسلم لأخيك ميل جبسون