طالبكم طلبة ياشباب .. عطوني رأيكم لو تكرمتوا

**أسيرالذاهبة** · 31-12-2001, 11:42 AM

هلا والله بالشباب وفي الحقيقة هذي اول مشاركة لي بهالمنتدى الرائع وودي اسألكم سؤال او طلب لرأيكم ...وياليت تعطوني رأيكم

...................................................
انا والله محتار بين مجموعة سيارات ووالله ودي تعطوني رأيكم لأني بحاجة اليه واتمنى من كل من يقرأ هالموضوع انه يرد علي ولو برأيه ..

ياشباب انا ابطلع سيارة قريبا انشاء الله .. ومحتار بين مجموعة سيارات وهي ..

كابرس ss
- لومينا ss
- باسات (4 سرندل + انوار زينون)
- اودي a4
- مكسيما فل كامل
................................................................................
واتمنى تعطوني رأيكم .. في السيارة اللي اخترتوها .. وليش اخترتوها ؟؟

وشكرا لكم ..

**Ranma Saotome** · 31-12-2001, 12:46 PM

تبي نصيحتي
السيارات اللي انت حاطهم ماتقدر تقارنهم مع بعض ألا اللومينا والكابرس
أولا احذف الاودي لأنها تعبانه
واحذف الماكسيما
والباسات 4 سلندر لا تفكر فيها، أنا عندي باسات 6 سلندر وررهييبه لكن انطر الثمانيه سلندر ترى مافوقها فوق
عندك الكابرس SS واللومينا SS وهني اللومينا هي الكينج
لكن صدقني ترى الباسات W8 سلندر قوتها 280 حصان وأوبشن تمسح بهالسيارات الارض وشكل ولا أحلى
وعلى فكره اللي أعرفه أنها راح تنزل عندنا في قطر شهر فبراير
وأخيرا ترى الراي رايك وانا بغيت أساعد

**تركي** · 31-12-2001, 01:25 PM

كابريس ..وبس.

**Os Os** · 31-12-2001, 01:49 PM

اكيييد كابريس ss

ما في مقارنة

**Ranma Saotome** · 31-12-2001, 02:26 PM

الظاهر أن الشباب ماجربوا الباسات
إذا تقدر تنطر لين الثمانيه سلندر صدقني محّد بعدين يتحدّاك ألا اللي متعبث في سيارته
وانت ذيك الساعه تهبث فيها على كيفك
وبعد عندي لك سؤال: شنو المواصفات اللي تبيها في السياره؟
شوف...عندي صور للباسات ثمانيه سلندر

**Ranma Saotome** · 31-12-2001, 02:28 PM

من الخلف

**Ranma Saotome** · 31-12-2001, 02:30 PM

شوف الكراسي كيف حلوه

**Ranma Saotome** · 31-12-2001, 02:31 PM

جير من ست غيارات

**Ranma Saotome** · 31-12-2001, 02:35 PM

سوري
هاذي صورة الجير

**Ranma Saotome** · 31-12-2001, 02:37 PM

على قولت المثل
اللي مايعرف الصقر...يشويه
شوف أخوي
هاذا موقع في تقرير عن الباسات من 4 صفحات
http://www.vwvortex.com/news/06_01/06_21/index.shtml

**NiGhT KiNg** · 31-12-2001, 04:04 PM

مرحبا بيك يا اسير الذاهبة في المنتدى و انشالله يعجبك و انا انصحك باللومينا او الكابريس ss لأنهم اللي يدوموا

**Ranma Saotome** · 31-12-2001, 04:19 PM

قال يدوموا قال
ترى كل السيارات تدوم
وغير الالماني مافي
الله يسلمك هو يعتمد شنو المواصفات اللي تبيها في السياره
إذا تبيها حق الاستعراض أو حق السرعه ولا المسابق
في ناس عندهم فولكس واجن من 7 و 8 سنين وللحين حالتها ممتازه
لكن في ناس مب مال سيارات

**NiGhT KiNg** · 31-12-2001, 04:40 PM

الالماني ما يدوم زي الياباني و الامريكي

و احب اقلك مثال عند ابوي هوندا اكورد 86 شراها اول ما نزلت و للحين و هي عنده يعني صار لها 15 سنة و عنده بيوك 92 للحين عنده

**تركي** · 31-12-2001, 05:00 PM

شوف ياأخي العزيز قبل كل شيء ودي أوضح لك مزايا كل نوع من أنواع كابريس.

نبدأ بكابريسss.

رياضية الى أبعد حد..

تضم كابريس اس اس محركا فريدا في ادائه يعطيه قوة جبارة مقدارها 325 حصان بالاضافه الى نظام تعليق رياضي خاص وعجلات من الالمنيوم عيار 17بوصة مميزة, كي تشعر فعلا أن سيارتك فعلا أصبحت منك,وتماما مثل كابريس LTZ فهي تتحلى بمظهر أنيق وجذاب من الداخل والخارج.ولكن بطابع رياضي يميزها
بفضل مقصورة رياضية وفخمة في آن واحد, والشبك الامامي والشرائح زينة مطلية بلون السيارة أما فيما يتعلق في عوامل السلامة فيكفي أن تذكر اسم كابريس حتى يتبادر الى ذهنك المفهوم الحقيقي للسلامة القصوى للركاب,مع كل هذا فلا عجب في أن تكون كابريس اس اس اختيار الرياضيين.

**تركي** · 31-12-2001, 05:13 PM

ثانيا: كابريسLTZ.

نظرة واحدة الى كابريس LTZ تكفي بأن لا تنساها أبدا, فعجلاتها المصنوعه من الامنيوم وشبكها المزين بالكروم وواجتها الامامية تعطيها هذا الطابع االمتميز. لاتقل مقصورة كابريس الداخلية فخامه عن مضهرها الخارجي بفضل تصميمها الانيق ومزاياها العصرية بما فيها جهاز سي دي قياسي ونوافذ كهربائية ونظام تكييف مزدوج,أما محركها من طراز V8من الجيل الثالث سعة5.7 لتر وبقوة 295 حصان فينتظر منك أن تمنحه الفرصه ليعمل مع ناقل الحركة الاتوماتيكي ب4سرعات بتحكم الكتروني على ادهاشك بإداء مابعده ايداء.

الموضوع: طالبكم طلبة ياشباب .. عطوني رأيكم لو تكرمتوا

أدوات الموضوع

طالبكم طلبة ياشباب .. عطوني رأيكم لو تكرمتوا

ماعليك منهم.

مزايا كابريس.

تابع..

ضوابط المشاركة