قهوة WoW .. :P

[Yoshi]

داركـ تيب على كرسي الإعتراف لازم نطلع الشيب في راسه

هجووووووووووم

http://www.hdrmut.net/vb/imgcache/2/37038alsh3er.jpg

http://www.montada.com/showthread.php?t=767464&page=2

[Karazhan]

هلا والله السمي كيف الحال طيب ان شاءالله

دارك ياولد مايغشمر , خوفك تسأله سؤال يضيق خلقه تروح فيها

مثلا متى اخر مره تصطرت , عاد اهو شكله ثقيل وماعنده هالسوالف , يصطرك بالمنتدى ثم توقيف نهائي

تعال فكك عاد

انا انصكيت توقيف من مراقب عام و مازال التوقيف من 7 سنوات , لو يجيك التوقيف من المدير كم قرن يصير

فكني من شرك ترى انا بعد على طريف وبسرعه ينقص علي

فكني

[Dudette]

هههههه

هي انا بعد رحت اشوف الاساله بس لاحظت ان المراقبين الي يسالون

الصراحه مافينا نساله ويضيق خلقة علينا ويعطينا بان من اسمه شنه يقولون ابو قلب اسود

ههههه الصراحه انا خوافه ومافيني الا اذا يسويلي بوست يوشي يمكن اروح واعطيه كم سؤال

وإلا شو رايك عمي شنبو

[Karazhan]

انا مالي شغل لاتقطونها براسي

توني كتبت كلام بالاداره و عصب وزعل زين ماطردني , حتى اني ماكتبت بعد او رديت لا ازيد الطين بله

انا مالي شغل , انتوا اداريين وتعرفون بعض وتعرفون اللي احنا مانعرفه , تتذابحون تنقلبون على بعض احنا مالنا شغل , اتركوا الشعب لحاله

دوديت الاداره مشكله , ان طحتي عليهم تعورتي و ان طاحوا عليج عوروج , فأنا اقول افتكي من شرهم و مثل مايقول المثل ابعد عن الشر و غنيلو

احنا ناس دراويش مالنا شغل بأصحاب القرار و الاداريين والسياسيين

اليوم بغيت انصك توقيف , قبل جم يوم مصكوك توقيف , باجر راح انصك او اتهدد بالخاص بتوقيف وراح ازعل شلون انا اتهدد واروح اطلب من الاداره يصكوني توقيف ويدخل كم واحد مطفي الليت ويقول انت صاحب المشاكل و يتكلم عني واهو مايعرف شنو الطبخه او الموضوع شنو

ليش لأن من كثر التوقيفات اللي اكلتها صرت مشبوه عندهم , اي مصيبه او مشكله تصير بالمنتدى على طول انا الغلطان بنظرهم , حتى لو اني صاحب الحق , بس السمعه تفرق , انا سمعتي سيئه وبالبلاك لست و الباقي عادي , ف على طول يقولون كرزان المجرم اللي يسبب مشاكل

يعني الحين لو تدقين على يوشي تقوليله تعال في مشكله بالقسم , اهو شنو راح يقول ؟

راح يقول اكيد ولد بطنها صاحب المشكله , ويدخل القسم حتى يمكن مو مغسل و يدور اسمي و يصكني توقيف ويرجع ينام

الناس تقول شسالفه ليش ولد بطنها موقوف ؟ مسكين ماله شغل

ولما يقعد من النوم يوشي ويدخل يشوف ان اللي مسوين المشاكل البسطويسي و بوحا , وانا اللي اكلتها

يروح يشيل عني التوقيف و يصك بوحا والبسطويسي توقيف

ليش ؟

لأن ماكو بالبلد الا هالولد , على طول ان سمعوا مشكله قالوا هذا اكيد ولد بطنها

وانا مسكين , ليش لأن ماعندي ظهر بالمنتدى ولا عندي احد يوقف معاي , قالوا نحط حرتنا فيه , كويتي وماكو كويتيين ومحد راح يفزعله , نخليه فار تجارب , اي مراقب جديد وده يجرب التوقيف يبحث عني

و عشان جذي , افتكي من الامور هذي , لا تحتكين مع احد الاداريين عشان ما يجي يوم تقولين كلمه مني مناك تزعله ويحطج براسه و الله يعينج , لا ترقيات ولا مشاركات , لدرجه ان تكتبين مشاركه يمسحها ويقعد يمسح كل مشاركاتج لما تزهقين وتقولين بضرب عن الكلام

افتكي منهم لا تخلين العين عليج و بعدين تشوفين نفسج بالبلاك لست , نفسي , كل شي براسي

الله كريم

[Dudette]

اعطيك حل



اكتب الجنس : أنثى

وشوف راح تاخذ توقيف او لا :)

[Karazhan]

والله اهي خطه حلوه , منها ماكو توقيف و منها اخذ كروت رصيد ومنها معارف و واسطات

لكن انا معروف هني , يعني ادخل باجر مكتوب انثى منو راح يصدق , لازم اسجل من جديد بأسم بنت

مثلا الفتاه المرحه , كلير , هذي كلير مالت رزدنت ايفل , الكل يعرفها وراح اشبع كروت تلفون ويمكن اتمادى واقولهم ابي تلفونات ويدزولي بالدي اتش ال ايفونات

بس في مشكله

انا مااقدر امسك نفسي , يعني لو ادش بأسم بنت و اتكلم كأني بنت يمكن واحد يطفرني و انا اذا عصبت او طفرت انقلب شرير , الشرير اللي في داخلي يطلع , وبالحاله هذي راح يصيدوني

والله مدري , اخاف من الفضيحه , يحطون بنر عالقسم فيه اسمي والاسم اللي مسويه بنت ويقولون اثنينهم شخص واحد , اخذ كروت من الناس و كم جهاز ايفون و ايباد و عشم نص شباب المنتدى بالزواج وبالنهايه اكتشفنا انه كرزان

وسمعتي بتروح فيها لأن في ناس هني يتابعوني بدون حتى تسجيل بالمنتدى , نفس البسطويسي و نخيلان وغيرهم الكثير

بالله البسطويسي دخل و شاف حاطين اعلان انهم طاحوا علي شنو راح يقول ؟ الزعيم طلع نصاب , مندوب الملك طلع يطر كروت , بعد انا تلفوني تعبئه يعني 100% راكبتني السالفه

لا لا مااقدر , شوفي شي ثاني غير اسوي روحي بنت

[Dudette]

هممممممممممم

والله ما اعرف شو اقولك

ما في غير تتريا لي ما الله يهديهم ويحبونك ويرقونك لمشرف او مراقب وهني بتنفرج

يعني تزيد 10سنين من عمرك وتصير با55 وعقبها انت بتكون شيخ المنتدى

[Karazhan]

السلام عليكم ورحمه الله وبركاته

مساكم الله بالخير جميعا

انا توني اقعد من النوم , اعتفس نومي مره ثانيه والصراحه انا اللي عافسه عشان الدوام , دوامي المجرم من الساعه 6 الصبح و لو اصير مثل الجامعيين اللي ينامون قبل الدوام كان الحين انا مفصول , ليش ؟

لأن انا نومي ثقيل وحياتي سهر , من عمري 10 سنين وانا اسهر , ولازم الساعه تعدي 12 ليلا عشان انام , امنيتي اصير نفس الجامعيين اللي ينامون قبل 12 لكن ماقدرت

وعشان جذي لابد لي من السهر لأن مثل ماانتوا عارفين الدوام 6 الصبح

كانت حياتي حلوه لما كان دوامي عصر يوم بالشهر , اصدموني من يوم بشهر و عصر الى صباحي 6 الصبح

--

الجزء الثاني

--

الرفيقه دوديت تقول تتريا يعني تنطر يا رفاق , اخوانا بالامارات يقولون تتريا او تترياني يعني تنطرني , كانت الجزيره العربيه قبل 1000 سنه بدون الامارات , بعدين صار زلزال كبير وضخم اظن اسمه تشرنوبل

المهم الزلزال هذا فصل دول و دخل دول على بعض , حتى انت عزيزي المشاهد لو تسأل نفسك تقول ليش الامارات اسمها الامارات ؟ يعني ليش اسمها مجموعه من الامارات اتحدوا ؟

الجواب بسيط , مثل ماقلت حصل زلزال عظيم واللي بسببه انقرضوا الدينصورات , كانت عمان مكان الامارات الحين و تحتها زنجبار , ماتشوفون يغنون عن زنجبار , تقولون شكو يغنون زنجبار وماكو دوله عندنا بالخليج اسمها زنجبار

هذي كانت تابعه لسلطنه عمان بعدين لما صار الزلزال انفصلت و راحت وين ؟ راحت افريقيا , الامارات كانت كل اماره بروحها , يعني ابوظبي جنب اليابان و دبي جنب امريكا و راس الخيمه جنب الصين , اهتزت الارض بفعل الزلزال و قعدوا يتحركون لين اجتمعوا وصاروا دوله وحده بعدين تحركوا وعمان نزلت تحت شوي

والامارات صارت مكانهم , جزر الامارات اللي محتلتهم ايران ابو موسى و طنب الكبرى والصغرى نفس الطريقه اهتزوا و مشوا لكن ما اتحدوا مع الامارات , اظن ابو موسى حسب الروايات تقول ان كانت جنب جزر سليمان قريبه من نيوزيلندا

تعرفون وين نيوزيلندا ؟ انتوا حدك تعرفون الخفجي اما انا اعرفها , المهم ان الحين مشاكل يبون يصيرون مع الامارات , توهقوا بنص البحر لا هم اللي راحوا والزقوا بايران ولا اللي الزقوا بالامارات

عشان جذي تسمعون كلمات غريبه , مثل اتريا , ميهود , كندوره , مو بندوره كندوره غير يعني دشداشه او ثوب , اي اي ثوبهم اللي بدون غوله و يدلدل منه خيط عشان تزنقه بسرعه ان بط جبدك

وبعد شنو بعد شنو , ماروم , يعني مريض يمكن , بعد شنو بعد شنو , داسكي , لا داسكي مال كرندايزر

المهم كلمات غريبه عشان حضارات مختلفه

--

البحرين مدري ان كانت مهاجره ايضا , لكن اللي اعرفه ان البحرين يوم دخلوا درع الجزيره بالمعدات اغطست مترين جان يطلعون منها بسرعه , كان طول البحرين 30 كيلو والحين صارت 20 كيلو , 10 كيلو غرق بالبحر بسبب مدرعات درع الجزيره , الحين يطالبون بتعويض الاهالي او تضيف الامم المتحده المناطق الغرقانه الى السياحه العالميه نفس مدينه البندقيه في ايطاليا اللي دخلها درع اوربا ايام الحرب العالميه و اغرقت

نفس السالفه تطبقت بالبحرين

--

انا مابي اصير مراقب , انا اذا قررت اصير مراقب ابي اصير مراقب عام الظواهر السلبيه بس

وانا ترى مو لهدرجه كبير , مو بعد 10 سنين اصير 55 سنه , بعد 10 سنين اصير 44 سنه بس

شاب بعدي و بكامل نشاطي

وانا لو اصير شيخ المنتدى هم اظل مندوب بسيط للملك , الملك اللي افنى عز شباب للرفاق

امثالج رفيقه دوديت و الرفيق فلان , مابي اذكر اسماءهم , فلان وكلن يحط بدل فلان اسمه , بشرط يكون من التلاميذ المخلصين والجنود المجهولين والشبيحه المواليين

--

طولت بالكلام وانا توني قاعد , تخزين وقت النوم طلعته الحين , المهم انا امتحاني الساعه 4 العصر , اي انا الحين بتاسع , قاعد ادرس وان شاء الله بصير مهندس كمبيوتر

اروح مصر ادرسها , قول والله تدرسها ؟

عرفتي شلون , ادعولي ياشباب


--

والسلام عليكم ورحمه الله وبركاته

تقبلوا تحياتي وقبلاتي و تحيات الملك وقبلاته الحاره

اخوكم

Karazhan

[Dudette]

على وين

شو بتهاجر انت خلص الثنوية بعدين هاجر لمصر أم الدنيا

يا سلام على مصر

المهم ما علينا

تعال بقولك منو هذا الملك الي مأذينا فيه شو يلعب وشنو لاعبه وهل صار من الجي ام مال واو والا بعده كلمنا عنه

[Karazhan]

انتي من صجج ماتعرفين الملك ؟

لو لا الملك انا ماكنت هني اصلا , انا مندوب الملك في منتدى المنتدى قسم ووركرافت

وانا مندوب الملك في منتدى اخر للحوارات , بس مابي اذكر المنتدى عشان ما اسوي دعايه

كل الناس تعرف رفيجي ولد بطنها اللي عروقه بالماي , شلون انتي ماتعرفينه ؟

رفيجي ملك اللعبه اول شخص يستعينون فيه ووركرافت عشان يكتشفون الاخطاء في اللعبه

رفيجي ملك اللعبه اول نينجا باللعبه

رفيجي ملك اللعبه اللي افنى عمره في خدمه اللاعبيين العرب , وانا بعد افنيت عمري لخدمتهم لأني اكتب و اتكلم و ابحث واسأل عشان اوصل المعلومه الصحيحه للاعب العربي

انتي لو تسألين اي شخص بالمنتدى تقوليله تعرف عايض , قصدي تسألين اي شخص بالمنتدى تقوليله تعرف ولد بطنها اللي عروقه بالماي ؟ شرط راح يقول شلون مااعرفه , اشهر من نار على علم

هذا اسد ازيروث , ملك اوتلاند , حامي الديار مبيد الاشرار

دام ظله وظل شخصياته ال13

ولد بطنها الاصلي مو انا

ولد بطنها اللي فتح بوابه aq وكان الاول بالعالم مو بالعرب بس اللي يحصل لقب scarab lord واللي انقطع من اللعبه

ولد بطنها كان يملك لقب جراند مارشل بالالاينس و هاي وور لورد بالهورد

انتي من صجج تتكلمين ؟ من صجج ماتعرفين الملك

الملك اهو اللي قالي عن اللعبه و لعبت معاه وكانت احلى ايام عمري , لفل 60 كان فاشل وصعب وماكو شي , لدرجه ان الهيرث ستون ماكانت موجوده . يعني تطقينها مشي من المكان اللي انتي فيه لغايه المدينه الرئيسيه

بدأت اللعبه الحقيقيه في لفل 70 , كان ايام عز اللعبه . لا اشيفمنت ولا جير ابك الواحد يحتاج عشان يروح كل مكان , الحين لازم اشيفمنت ولازم جير محترم وبالاخير مع اطفال مبزره ادش الرايد . ماتشوفين الكباريه اتركوا اللعبه ليش ؟

مابي اتكلم عن العالم بتكلم عن اللي بالمنتدى , ماتشوفينهم اتركوا اللعبه او يلعبون عالخفيف , لأن الناس الفاهمه اطلوا من اللعبه وبقى الجهال بس , وانا حولت امريكي عشان افتك منهم ولو اني ماالعب ومشغل بوت لكن تقزيره عشان اسهر دايم

رفيجي ملك اللعبه اول شخص يذبح بوسات لفل 60 و 70

قدس سره

كان مخلص لأتباعه , ماعنده يمه ارحميني , كان صاحب جيلد وكل الموجودين اما المناديب او الاتباع المخلصين

لكن تركها للعيال الصغار الحين و وزع المهام علينا نروح المنتديات نساعد المحتاجين , وشوفه عينج , انا طلعت من نصيبكم

صحيح اني تعرضت لأبشع انواع التعذيب و الظلم , لكن بقيت صامد عشان التلاميذ المخلصين

صمدت سنين طويله عشانكم . حتى اللي تسببوا بتوقيفاتي الكثيره و اللي حرضوا المشرفين على توقيفي اتركوا المنتدى وبقيت انا موجود

يامه

يامه انطردت بسببك يافلان , وكانوا يقدمونك على الكل هني , بالنهايه تركتهم

وانا المسكين اللي انطردت و توقفت ظلما وعدوانا صبرت واستمريت بالمنتدى . صحيح اني زعلت كثير و تنرفزت كثير لكن ماكان في احد يحس ويوقف معاي


لكن كنت اقول كل مره مصيرهم راح يعرفون

والحين اعرفوا و تغير الوضع

ما اقول الكل كان ضدي , كانوا في ناس معاي لكن كانوا يستحون يتكلمون ويحسون اني قادر على الدفاع عن نفسي



على فكره انا مسجل ب3 مواقع زواج , من سنتين او 3 سنوات ومازال الطلب قائم

ماكو نصيب

يعني اتوقف هني اروح اقزرها هناك

عندي منتديات اشارك فيها كثيره , بيني وبينج منتديات قويه و فيها ملايين الاتباع والتلاميذ

انا مو مندوب فقط باللعبه , ملك اللعبه اهو نفسه ملك المناقشات المذهبيه , وانا مندوبه هناك و عندي اتباع يقدر عددهم بالمئات

كلهم يحبوني و من سجلت عندهم ولا مره توقفت , مع اني اقول كلام قوي بس ماوقفوني

هني يبون الزله علي , لدرجه ان كل مشاركه اكتبها وحتى هذي راح يشيكون عليها المراقبين كلهم

اي نعم , كل مشاركه اكتبها يدخلون المراقبين ويشوفون شنو كاتب , يبون اي شي علي

واذا هم شجعان ومايخافون يضغطون الشكر تحت عشان نشوف كم واحد و منو اللي يراقبني , عشان الناس تعرف اني مراقب من المباحث

يخافون يمكن ولا يبون الفضيحه



عالعموم انا بروح الحين اودي اخوي يستلم سيارته من الوكاله و ارجع

يمكن ادخل ويمكن ماادخل لحد ينطرني , خصوصا المباحث

[Karazhan]

قلتلج يخافون

[Karazhan]

ثقيله يا طينه الحلوين

حتى السلام ما تردونه

[Dudette]

صباح الخير

بس للحين ما قلتلي منو هذا الملك

خبرتنا عن خبرته وبدايته بس ما قلت منو اهوا

يعني واحد يلعب معانا وهو بالسيرفر الامريكي او الاوربي

وشو سالفته بالسرداب يعني اهله طاردينه من البيت بسبت اللعبه وقاعد بالسرداب

وووووو وايد اساله

يعني اهوا مب واحد من الجي ام مال واركرافت بس لاعب حاله من حالنا ؟

وانت ليش مندوب عنه وهو ليش ما يكتب بنفسه او على ايده نقش الحنا ما يبي يكتب

عن كلامك شكله واحد خقاق (متكبر)

صح كلامي او انا غلطانه

هي صج ترا انا تحت مشاركتك ما لقيت شكر بس في (تقرير بمشاركة سيئه)

شكلهم لاعبينها صح عليك :silly:

[Karazhan]

وانتي تبين تكتبين وتشكرين نفسج بعد

يلا انا اعجبت بمشاركتج , احنا نشوف اما انتي لا , بس تشوفين اعجاب عن الاعضاء الثانيين


موضوع رفيجي طويل و شائك , لازم اقعد قعده عشان اكتب عنه . الحين مااقدر لأن الوقت ضيق عندي





ان خلصت اشغالي بكتب عنه و بدق عليه بعد اقوله ممكن احط صورتك يشوفونك الناس , ادري ماراح يرضى لكن بسأل واشوف

[Dudette]

انزين هذا اعجاب مو شكر ترا في فرق

المهم كلمة يمكن يطلع من السرداب الي حاكر عمره فيه

وكلمنا عنه ويالله ما بطول بروح السوق :wink2:

[Karazhan]

انتي تروحين السوق وانا بروح امتحان الحين

والله مادري شنو امتحاني اليوم ولا امتحان امس ولا اللي قبله , اروح عالبركه وانصدم هناك بالامتحان , لكن التلاميذ مايقصرون يعطوني الاجابات

لما ارجع اشوف

برب

[Karazhan]

انا خلصت امتحاني

للأمانه دخلت الصف اخر طالب . وهذي عاده المصبه انهم يدخلون الصف اخر ناس ويقعدون اخر شي

كتبت اسمي عالورقه وكان امتحانه حاسوب

بس معقد شوي , افتح مقطع فيلم و اخذ صوره مادري حق شنو , وحاطيلي كمبيوتر جدامي اطبق عليه الامتحان

انا قعدت اقزرها بالتويتر لين قال المدرس سلموا الاوراق , كتبت اسمي عالورقه وسلمتها وقلت للمدرس "انا المندوب اذا سامع فيني"

ضحك وقال شلون مااعرفك سيدنا

طلعت مشهور وانا مادري

المهم سلمت ورقتي و جيتكم على طول اشوف احوالكم و اتطمن عليكم


المهم وعشان مانخوض في مواضيع كثيره غير اللي ذكرتيها واللي حبيتي تستفسرين عنها

"اين الملك الان"

سؤالك جميل والاجمل من ذلك طرحج و سردج للموضوع

اول شي احب اهني روح الاخلاص والمحبه فيج , وحرصج على متابعه اخبار الملك و الاطمئنان على احواله

اولا يا اخت دوديت زمن الغيبه انتهى بالنسبه للملك , قبل لما كان الوضع متأزم مع الاداره , مو الاداره تحديدا مراقبين القسم , قبل يوشي , كان الملك مختبئ في سرداب احد المنازل في منطقه مشرف

كان فاتح دوانيه في بيتهم و كانت الدوانيه بالسرداب و كنا احنا المندوبين نحضر له كل يوم ناخذ التوجيهات منه و من ثم كل مندوب يرجع لبيته او جهازه الكمبيوتر و ينشر اخر الاخبار او الاقوال اللي سماحته قالها

اذكر من الاقوال المأثوره للملك والمشهوره اللي قالها للتلاميذ

التدخين سر المرجله

اذا رأيت كرة قدم في الشارع ف زد السرعه , لأن احتمال كبير يخرج طفل من احد المنازل لألتقاطها و بالحاله هذي تصطدم به ولا تترك اثر خلفك , لا من الولد ولا الكرة

وايضا , يازين يا ملفت الانظار يا مجمع الناس بالحاره


ملاحظه : كل الاقوال سالفه الذكر توقفت بسببها

المهم انه يوجهنا ويقولنا شنو نكتب و كيف نتعامل مع الناس

وانا كنت مندوب ووركرافت في منتدى المنتدى , ماادري اذا لحقتي علي ايام نكي ولد بطنها , غيرته لأن الملك عرف اني استخدم هذا الاسم فعنفني و طردني من السرداب مال مشرف لولا تدخل بعض الاصدقاء والتوسط , وقالي لازم تغيره وتختار اسم جديد , لأن ولد بطنها اهو الملك

انا مجرد مندوب لا يحق لي استخدام اسماء الملك والقابه

بعد عشره عمر مع التوقيفات و كنت اخذ توقيف بمعدل اسبوع , يعني اسبوع تشوفيني واسبوع ماتشوفيني بالمنتدى

انا انسان مخلص وفي للمنتدى لكن الاداره ماتدري او تدري بس مو حاسه , على كثر التوقيفات اللي اكلتها مازلت موجود :) مع ان غيري ينهون علاقتهم بالمنتدى اذا صار واخذوا توقيف فيه

نفس بوحا اخذ توقيف مره وحده بحياته و اعتزل المنتدى , اخر اخباره سمعت انه سجل في منتدى طيور الجنه

انا مخلص للمنتدى هذا ولأن الملك ولدبطنها الاصلي طلب مني اني اقعد هني اجابل الناس المهتمه في لعبه ووركرافت وقالي لا تترك المنتدى مهما توقفت فيه او سمعت كلام يجرحك من اعداء الثوره اعداء الملك

انا قعدت هني مجابل قسم ووركرافت , مع ان لي خبره في امور اخرى كثيره , انا صحيح انسان احمل شهاده فني لكني انسان احب الاطلاع والقراءه و حب المعرفه , لي نشاطات في مواقع اخرى اشد من منتدى المنتدى

يعني تقولين فهد راعي مشاكل بالمنتدى وكل اسبوع توقيف , ترى المنتدى انا خوش ولد فيه , في مواقع من يعرفون او تطلع اشاعه ان اللي خلف العضويه الفلانيه اهو فهد يتوقف على طول

منتديات ومواقع اخرى وصل فيهم الامر انهم يكفروني ويستبيحون دمي , زنديق , كافر , هالكلمتين سمعتهم لين شبعت

لكن بالمنتدى هذا اشوف نفسي خوش ولد , مع ان اغلب التوقيفات انا فيهم مظلوم والله , 90% من التوقيفات ظلما وعدوانا

مابي اقول الاسباب او منو عطاني التوقيف تدرين ليش ؟ لأن كل مراقب صكني توقيف انا ادري , قسما بالله ادري انه ضميره ما ارتاح بعد توقيفي , ولا ابي اذكر اسماءهم لأنهم حاليا صاروا اصدقائي , ما اعتذروا ولا انا طلبت منهم الاعتذار , لأني مابي اذكرهم لأنهم يحاولون يفعلون امور

يحسسوني انهم يبون ينسون موضوع التوقيف و يبوني انسى انهم وقفوني , فيحاولون انهم يراسلوني بالخاص او بملفي الشخصي , مابي ازيد بالموضوع

كتبت واجد او شوي ؟

اكمل او زهقتي ؟

شوفي انا ماعندي شغل الحين , بكتب وانتي نظمي وقتج , يعني الصبح روحي الدوام , لما ترجعين تغدي واقرأي جزء بعدين روحي الدوانيه او اذا عندج ملكه بسرداب روحي لها ولما ترجعين اقرأي جزء ثاني و بعدين نامي و كل يوم جذي


المهم


بعد التوقيفات امرني الملك اني اتغير , واحاول كسب الناس الى جانبي

تدرين يا دوديت و اقولها بكل ثقه , اقدر اني اكسب كل الاداره بصفي , من المدير الى اخر مراقب , و استخدم علاقاتي معاهم بتصفيه حسابات مع اعداء الثوره

اقدر اقنع اي شخص امامي واخليه بصفي , عندي هذي القدره ولكن استعملتها مره وحده فقط في المنتدى هذا و فيها كسبت كل اعضاء ووركرافت و فوقهم اعضاء اخرين ومراقبين كانوا يدخلون للمشاهده فقط

كان كل يوم هني هوشه بيني وبين واحد او اثنين , وكان القسم مشهور وانا ماادري

كان القسم مشهور بالمنتدى كله وكانوا اعضاء ومراقبين يدخلون يشوفون المشاركات والتعليقات اللي تصير بيننا

بيني وبينج كان كوميدي على شويه جديه على فكاهي , وكنت استانس لما يصير جذي , وانا ماادري كان في اعضاء كثيرين يشوفون ويتابعون مشاركاتي

يعني شوفه عينج , لو تصارخين بالمنتدى الحين تقولين تعرفون ولد بطنها شرط كلهم يقولون نعرفه

كسبت شهره :)

هذا كان اسلوبي بالتحول , اقلب كل شي فكاهي لأن وقتها كان القسم مليغ , كان كل شي جدي ويتكلمون بجديه ما كأنها لعبه

بعدين اتفقوا الشباب على توقيفي وقالوا نجتمع ونسوي شكوى ضد اوتلاند و نوقفه

طبعا كانوا هؤلاء الاشخاص اصدقاء المراقبين , ساكنين في حاره وحده وطبعا ما راح يردهم خايبين على حسابي

لما فاحت ريحتهم و اصرارهم على توقيفي وقتها عرفت ان هناك ملايين يتابعوني

اذكر في مراقب من قسم ماادري اي قسم , حتى اسمه مااذكره بس اعتقد اكيودي اللي الحين موجود . كتبت مشاركه وحده هني وقال فيها . انا مو لاعب ووركرافت ولا عمري دخل القسم لكن من شفت في قسم الاداره شكاوي كثيره على اوتلاند قررت اشوف منو هذا الشخص

وبعد مشاهدتي له لم استطع التوقف عن متابعته . وكل يوم ادخل قسم ووركرافت مخصوص عشان اشوف مشاركات اوتلاند وشنو كاتب

والله مااذكر بالضبط منو هالمراقب لكن لما شاف شكاوي علي تابعني يبي يشوف شنو اكتب وشنو اقول , و الظاهر انه حبني وقعد يتابعني و طلب بأخر كلامه ان مايوقفوني

انا صرت مثل اللي يحرك عيونه يمين يسار مايدري من وين تجي الطقه

المهم بعد توقيفي مازعلت , ولا تكلمت او علقت , لكن اللي زعلني و حز بخاطري اهو كلام المراقب اللي وقفني , وانا من هذا المنطلق اطالب الاداره انهم يحذفون التعليق اللي مكتوب في سبب التوقيف لأن كاتب تربيه شوارع

انا اول مره اشوف مراقب يحقد على اعضاء . خصوصا ان الموضوع ما يمسه بشي , عندك شكاوي من اعضاء ضد عضو دقق و اعمل بحث صغير , ان شفت ان العضو مخطأ عطه توقيف , بس

اما ان يجي مراقب من اقصاه و قبل يدقق ويبحث عن الحقيقه يعطي العضو توقيف ويكتب تربيه شوارع كأن الموضوع كان يخصه و حتى لو يخصه مايكتب تربيه شوارع , احنا ناس متربين احسن من تربيتك انت واهلك فوقك

انا ماعرفت منو هالمراقب و اللي اعرفه انه يخاف يقول منو اهو عشان يدري انه جبان مايقدر يواجهه الرجال , وادري بعد ان هذا من النوع اللي يخاف من ظله ولا يطلع من بيتهم لكن خلف الشاشه يسوي روحه رجال , هذا النقص في الرجوله عنده قاعد يعوضه خلف الشاشه

ولو انه مو مراقب و كان عضو عادي جان شفتوه مثل الجربوع بالقسم

ماعلينا لكن اطلب من الاداره انهم يرفعون الحظر عن اوتلاند ويشيلون الكلام السيئ اللي كاتبه هذا المراقب السيئ الجبان و يشوفون منو , وان ماقدروا يحاسبونه يعطوني اسمه ويطلعون منها

المهم

تركت المنتدى فتره نقاهه , احنا رجال ما نرمي السلاح وانما ناخذ استراحه محاربين ومن ثم نعود

رجعت بمباركه السيد , في اسلوب جديد و طولت بالي جدا هذه المره , لأن قبل كان يسبوني و ويغلطون علي ولما اغلط عليه يتم توقيفي و هم لأ

اشتكيت وقلت ياجماعه شوفوا منو اللي يبدأ بالسب و المشاكل , لكن عمك اصمخ , المراقب رفيجهم و مايضرهم شي , يغلطون علي حلال لكن ارد عليهم حرام

بعدين طولت بالي و جاريتهم , و استخدمت اسلوب الملك اسلوب الكسب المقدس , اسلوب الكسب المقدس انك تكسب اكبر قدر من الناس عشان باليوم الاسود تشوف ناس معاك يوقفون

كسبت عدد لا بأس فيه , فوق هذا كسبت ناس مجهولين , مااعرفهم

واقولها لله ولكم وللتاريخ , مااعرفهم وانما مجموعه اعتقد انهم اعضاء معانا لكن سجلوا بأسماء اخرى للدفاع عني

كان يترأسهم واللي اعتبره المجاهد البطل البسطويسي

بدايه الامر قالوا الناس هني ان البسطويسي اهو ولد بطنها , كان اسمي ولد بطنها بعد توقيف اوتلاند مدى الحياه

وللأسف المراقب يبيها من الله و مع ضغط الاعداء تم توقيفي مع البسطويسي , جائوا اعضاء وعملوا موضوع وتكلموا فيه عني وقالوا الرجل قعد يحلف ويقول ان البسطويسي مو اهو و ان البسطويسي شخص ثاني , لكن المراقب والاعداء كانوا يبونها من الله يوقفوني

ماادري شنو السر اللي يخليهم يتلذذون بتوقيفي , والله ماادري

المهم ان بعد التوقيف وعمل موضوع خاص فيني , عملوا موضوع ثاني فيه استفتاء او تصويت . وكاتبين بالتصويت هل تؤيد توقيف ولد بطنها ؟ والاجابه كانت نعم , لأ

انصدموا ان التصويت كان كاسح لصالحي وان الجموع كلها صوتوا ب لأ

بعد الاحراج راح المراقب وحذف الموضوع و امر بعدم فتح مواضيع مثل هذي . ولما رجعت استقبلوني الجموع كلهم و من يومها هرب المراقب لأن عرفت ان لا طاقه له امامي وامام الجموع اللي انصدم فيها

راح المراقب و حطوا مراقب غيره وانا من الناس اللي صوت ضد المراقب هذا , لأن وقتها كان تصويت على المراقب , اهو لما شافني صوت ضده حقد علي و حطني براسه

وقفني بعد ماقصر و صار ضدي الى ان طالبت الاداره بحذفه من الرقابه و استجابوا لطلبي و احذفوه

الى ان جاء يوشي , انا صوت معاه , مادري لو مصوت ضده يحطني براسه بعد او لأ :)

المهم تعدل الوضع وانقلبت الموازين , اللي معاي صاروا الاغلبيه بعد ان كسبتهم لصفي , بعد ان كان اغلبهم ضدي فيما مضى ولكن حكموا عقولهم وشافوا اني ماغلطت على احد و دايم الناس تغلط علي ولما ارد عليهم يتم توقيفي

قلت للمراقب قبل انا مااعترض على التوقيف , والتوقيف والله ما يسوى شعره من شعر الناس اللي معاي بالمنتدى لكن اتمنى منك ان تكون منصف و تشوف بدايه الموضوع و منو اللي بدأ بالمشاكل انا او غيري

عمك اصمخ

قلت ياجماعه يا اعضاء قسم ووركرافت لما تشوفون مشكله بأي موضوع لا تشوفون كلامي وتتركون كلام الناس , شوفوا بدايه الامر ومنو اللي سبب المشكله , لاحظوا ان لما ادخل اي موضوع كان و اكتب رد , يجي واحد من اعداء الثوره ويترك الموضوع و يعلق على مشاركتي

يااخي هذي مشاركتي و وجهه نظري بالموضوع , عندك وجهه نظر اكتبها ماعندك لا تعلق , لكن كل موضوع اشارك فيه يجون الناس ويتركون الموضوع ويعلقون على مشاركاتي انا بس , ومن يبدأ اول واحد يعلق تشوف باقي العصابه يتحادرون من كل جهه للتعليق على مشاركتي

ويشعللونها لغايه ما تكبر السالفه و بعدين يروحون للمراقب يطالبون بتوقيفي , اكلم المراقب اقوله يااخي الناس ماتعلق على الموضوع الناس تعلق على مشاركتي , ويغلطون علي ولما ارد عليهم اتوقف انا و هم لأ , يااخي يا انك توقفنا كلنا او مالك شغل

ويتم توقيفي انا بروحي للأسف

هذا اللي حصل سابقا , وبعدين لما كسبت الناس و بعضهم كان ضدي ولكن شاف ان مو من الانصاف انهم يوقفوني بدون سبب او بدون تدقيق بالموضوع وان الناس تبي الزله علي عشان يوقفوني , راحوا هالناس وصاروا معاي

والحمدلله , شوفه عينج الحين

صج اتوقف بعض المرات هالايام هذي ظلما ويجون ناس مطفين الليتات ويكتبون كلام ويهربون من المواجهه , لكن عادي

وساعات اقول انا فيني انفصام شخصيه , ان شفتوا كلامي غير و سيئ ترى هذا الشرير و اذا شفتوا كلامي طبيعي هذا انا الطيب , لكن محد يغشمر هني , شرير طيب موقفيني موقفيني


الملك اللي صنع شخصيتي , والملك اللي علمني كل هذا

اهو اللي دخلني لعبه ووركرافت واهو اللي ضبطني بالرايدات , كان صاحب جيلد وكان مشهور عند شباب الكويت و كان يدخل اي كويتي او عربي للجيلد , كان الجيلد متروس ناس نشطاء متحمسين للعبه

كان وقتها الرايد يحتاج 40 لاعب , كنا مانحتاج نتكلم بالقنوات نطالب بلاعبين , كنا كثيرين جدا بالجيلد و جيلدات اخرى نعرفهم ويعرفونه , كان في تبادل لاعبين و خبرات

اول مره فتح ملتون كور رحنا و ذبحنا راجناروس بعدها بفتره افتحوا بلاد ونق وراح الملك واحنا معاه نذبح البوسات داخل . وهني صار رفيجي ملك اللعبه اول نينجا بالعالم لما سرق كل اغراض البوس الاخير نسيت اسمه

وبعدين افتحوا الرايدات الحشو مثل اللي فيهم الترول نسيت اسمه شنو اي زول جرب و رحنا ذبحناهم و رحنا ناكس وافتحوا aq وراح الملك وفتح البوابه وكان اول شخص يفتحها و اخذ المونت واللقب

بعدين قالوا في لفل جديد 70 و اماكن جديده

بعد لفل 70 كنا مستانسين فيه وكان افضل من لفل 60 بكثير , بعدين قاموا يتركون اللعبه شوي شوي , من ربعي الخاصين اخر شخص ترك اللعبه فلان , تركها لما اعلنوا بليزرد عن لفل 80 بشهرين يمكن , حتى انا قلتله يافلان ليش تترك اللعبه وباقي شهرين ينزل جزء جديد

عالاقل شوف شنو الجديد وبعدين اترك اللعبه , قالي مستحيل , انا قررت اترك اللعبه خلاص

المهم اني اخذت شخصيته , تخيلي اكاونته من لفل 60 ماعنده الا ميج , عنده شخصيات لفل شويه لكن ال70 بس ميج , كان مخلص للكلاس هذا و بصراحه كان رفيجي هذا من افضل لاعبين الميج اللي شفتهم , كان فنان ولا يوقف امامه احد

كان دايم ياخذ اخر جير تنزله بليزرد بالارينا , وكان يدخل مع اي لاعب عادي و يوصل مواصيل بالفريق مايحلم فيها اللي معاه , لدرجه انه صار مشهور والناس تراسله "ممكن تضبطنها بالارينا"

كان ياخذ اي شخص لعبه معقول ويلعب معاه , اذا كان فنان اللاعب الثاني يقعد رفيجي معاي يوصلون اعلى مستوى . كان عنده الجير كامل مال الارينا ايام لفل 70 حتى القطع الفرديه كانت بروحها و السلاح والاكتاف كانوا يحتاجون ريت معين , كان يحمل لقب من ايام لفل 60 بالبي في بي اللي اهو جراند مارشال وهذا كان للالاينس

الهورد كان هاي وور لورد

المهم لما اخذت شخصيته كانوا الناس يتعجبون مني ويطالعوني , مايدرون اني فاشل بالميج على بالهم انا اللي موصله جذي

هذا اخر لاعب من ربعي الخاصيين , يعني افتتاح لفل 80 كنت بروحي بالجيلد :(

في ناس اعرفهم يمكن 3 اشخاص من دوانيه ثانيه يلعبون اللعبه , بس ماكنت احتك معاهم , اعرفهم ويعرفوني لكن داخل اللعبه كل واحد يلعب بروح

انا من لفل 80 صرت بروحي باللعبه , دخل شخص اللعبه بس هذا مو من القدامى اول دخول له كان لفل 70 , صرت العب معاه , يناديني نخلص كويستات , نروح قروبات مع بعض حق دنجن , اذا احتجت او احتاج اهو فلوس نعطي بعض

قليل جدا نروح رايدات مع بعض الا مره رحنا حق ايس كراون اللي فيها ارثس و وصلنا لغايه ارثس بس تفركش الرايد لأن راندوم , ماكنا مع جيلد

المهم الملك طلع يلعب بس عالبوت , مشغل بوت و يلعب يجمع جولد طحنا عليه



---


انا بروح اتعشى , بوقف كتابه , اذا اعجبتكم المشاركه اتمنى تضغطون شكر عليها

عشان اتحمس واكمل قصه حياتي

اي كلكم عطوني شكر مو بس دوديت

[Karazhan]

فوق بقصه حياتي كاتب ان بعد لفل 70 او قبل لفل 80 كل ربعي اتركوا اللعبه وصرت بروحي فيها من اواخر لفل 70 الى لفل 90


الحين لما شفت الوضع هني طلعت حتى بالمنتدى . كنتوا شكثركم بالمنتدى والحين صرت بروحي الا دوديت تدخل ساعات . نفس رفيجي يدخل بالاسبوع مره ويقعد ساعه ويطلع

مندوب الملك ولد بطنها اللي عروقه بالماي دايم بالنهايه يظل بروحه

اتمنى من الاداره يعطوني لقب "عضو قدير" قبل اطلع من المنتدى واشوف مكان ثاني

[Dudette]

ترا رقدت مرتين وانا اقرا ياخي شان حطيت صور ترا انا ما احب اقرا الى اذا فيه صور مع القصه

المهم ترا انا طلبت انك تتكلم عن الملك وانت ما شاء الله عليك 1% عن الملك و9999% عن نفسك

لاحظت انك مغرور ووايد تتكلم عن نفسك وفيك نقص وتحس انك مظلوم يا عمي الا هي لعبه ومصيرنا بنتركها يوم من الايام بمشاغل الدنيا مثل ما كان قبل متروس ناس وشوف الحين مافي غيري انا وانت وكم مشاهد فقط

المهم ما علينا شخبارك وشو اخبار اللعبه

رحت مكان الدايلي الجديد وبن في بوس مالاك

كنت اتمنى يسوون مكان مثل تول باراد الصراحه احلى مكان عندي ويكون ضرابه بين الاينس والهورد

بس خساره

انت قولي شو اخر رايداتك واخبار اللعبه و ما ابي اسمع عن البوت

[Karazhan]

انا الحين عندي بالادن لفل 90

لما كنت الفل قبل اوصل 90 , تقريبا 89 شفت واحد يتمشى مختفي و شكله اول مره يمر علي , المهم تابعته لغايه ماوصل صوب شخص راكب مونت و قدامه مونت يطير وقاعدين يطالعون بعض

شوي جان اشوف ناس رايحيله ويبون يذبحونه وكلهم لفلات 90

جان اتذكر يوم قلتي في بوسات او رير يقطون مونتات , قلت هذا اكيد واحد منهم


حاليا الله يسلمج قاعد افتر في الدنجنات القديمه ملات لفل 70 وتحت , اللي في BC عشان اخذ الجير اللي يقطونه للبالادن واللي يشبه تاير 2

انتي شوفي تاير 2 مال البالادن اللي الهيد كأنه برقع والاكتاف كأن فيهم خناجر

حاليا اخذت الهيد و البنطلون والجست والدسوس وباقي الاكتاف , رحت امس وماقطعم لي ثاني بوس في هيل فاير رامبارت , اللي يكون يشبه فويد ووكر , لازم هيروك عشان يقط الاكتاف , لو نورمال كان فرمت عليه لما يزهق مني ويقطهم , عاد انا نسمي طويل بالسوالف هذي

لدرجه ان المونت اللي اسمه anzu عرفتيه , قعدت افرم عليه 6 شهور يمكن , ايام كان حظي نحس , لكن الحين صار زين شوي الحظ , لكن انزو هذا فرمت عليه فتره طويله جدا بدون كلل او ملل , وكنت ناوي اقعد افرم عليه 5 سنوات


هذا اللي حاصل الحين

طبعا لما اروح للشولدر ومايطيح لازم ثاني يوم اجرب حظي , بالفتره هذي اشغل البوت يجيبلي جير الpvp وامس شفت ان الجير صار ابك من بعد ماكان ازرق , قلت زين اشوه يعني من اخذه اروح اي رايد ابيه , مو نفس قبل ازرق ولازم كم قطعه ابك عشان ارفع الايتم لفل عشان يفتح معاي الرايد

انا عايش هالبركه , وين ما اروح اروح , لا حسيب ولا رقيب , مثل ما احنا بروحنا بالقسم هم بروحنا باللعبه

اللعبه مو ذات اهميه عندي , يعني مو نفس قبل اعطل اشغالي عشان العب , الحين مستعد اخليها واروح , لكن عشان قلت بشوف الLFR خلني اجربها واشوف

لاحظت ان الدنجنات صاروا سهلين , هذا لاحظته من زمان لكن الحين بعد الدنجنات شفت الرايدات سهلين

قبل ايام لفل 85 اذا تذكرين , كان الدنجن الهيروك يشق شق , التانك بالغصب يتحمل 3 موبات عليه , واذا عمل غلطه راح فيها , ومع البوسات بعد ان غلط راح فيها القروب

وكل بوس له تكتيك خاص فوق انه صعب اهو نفسه

لكن قبل اول رايد دخلته في لفل 90 قبل يصكوني باند , شفت التانك يدفش الموبات , يعني التانك يركض و يدخل بين 5 او 6 موبات و لا يهمه شي , حتى اني قلت جم تانك معانا ؟ مااشوف الا بالادن و بنت , مااشوف واحد ثاني يساعدها , كل اهي تروح تدخل بين مجموعه و كأنها داخله رايد لفل 80 او 70

شكله الوضع صار سهل , او ان بليزرد مسهله الLFR

بس عيبهم الشرعي ان الجير مايطيح , دخلت قبل يمكن 30 مره , ماطاحلي ولا شي , عندي 15 شخصيه و كلهم دخلت فيهم اقل تقدير 30 مره , مايطيحلي الا قطعه برتقاليه يبي اجمع منهم ولد ديث ونق 10 مادري 15

مو نفس قبل يصير لوت وكل القروب يشوفونه و اللي مو نفس كلاسه مايقدر يختار

الحين ناشفه ماكو شي يطيح , اهو من حظي او هم يبالغون بالdrop

ليش يعني عشان كويتي مسكين , مو مصدقين يشوفون كويتي فقير وعلى بالهم كل كويتي معاشه 5 الاف دينار

صبي الدوانيه سألنا مره , قلنا له كم تتوقع معاش فلان ؟ قال 3 الاف

قلنا و فلان ؟ قال 4 الاف

قلت وانا ؟ قال 5 الاف

اهو من الهند , و الاسيويين بشكل عام يعتقدون ان اهل الخليج اقل واحد والفقير فيهم معاشه 3 الاف دينار , يعني احسبوها بكل دوله , يعني بالسعودي ال3 الاف دينار يمكن مليون ونص ريال , عدل ؟
والامارات نفس الشي

هم يشوفون جذي , ماكو مطلوب , ولا اكو فقير , الفقير فيهم عنده مليونين و معاشه 3 الاف

بالضبط نفس السعوديين , السعودي يقول انا فقير , وانا شخصيا اتوقع ان افقر سعودي عنده 20 مليون ريال

انا اول مره بحياتي اشوف لمبرغيني وكانت السنه تقريبا 1992 شفتها بأرقام سعوديه

وغير الفراري والمايباخ والبنتلي والرولس رويس اللي يسمونها الشباب روزريز , فقاره حتى اسمها مايعرفون يقولونه

المهم كل هالسيارات ارقام سعوديه , غير كل الشعب يشتغل في ارامكو , وبالاخير يقولون احنا مساكين

ماادري متى الواحد فيهم يعترف ويقول صح الفقير فينا عنده ملايين


نرجع لمحور حديثنا

انا بعد ان اخذ الشولدر بروح حق MC وبذبح البوسين هناك اللي يعطوني مفاتيح السيف الاسطوري وبخلص كوستاته لغايه ما اخذ السيف واحطه بالبنك

يمكن على يوم يقولون راح نفتح تغيير شكل الاسلحه و تقدر تغير شكل سلاحك الى اي سلاح اسطوري



هذا والله اعلى واعلم

والسلام عليكم ورحمه الله وبركاته

[Dudette]

انزين انت روح مكان الدايلي الجديد وراح تجمع فلوس وبهالفلوس يوم تروح رايد فايندر تستعملهم يزيد من فرصتك انك تحصل ايتم

وفي هالمكان بعد يوم تذبح الموبات يكون لك فرصه يطيحلك مفتاح ايبيك وتروح بروحك دانجزن وانت وشطارتك كم صندوق بتفتح هناك وتحصل الفلوس الي تسوي فيها نيد حق الرايدات

وهالمفتاح فرصته اكبر يطيحلك لما تذبح راير في هالمنطقه، والمفتاح تحصله بالاسبوع مره ولو ما استعملت المفتاح بتحصل مفتاح ثاني الاسبوع الياي والمفاتيح تتجمع

واظن تقدر تجمع بس 20 حبه من هالفلوس وعقبها ما تقدر تاخذ اكثر فلازم تجمع وتستعملهم في الرايدات

وعن الرايد فايندر تراه وايد اسهل من الرايدات وان شاء الله تحصلك قروب وتروح وبتشوف :)

ولا تنسى تذبح الرايرات الي في الشارع مثل شاه وجالون وفي المنطقة الجديده مالاك حلو الاسم صح :) ترا اسمه مب ملاك بس انا اسميه ملاك لاني ما حفظته بس انت يوم بتروح بتقرا في الترايد يقولونلك انه موجود وبيسوون جروب ترا مب لازم تكون في جروب معاهم المهم تضرب وخلاص بتحصل نصيبك من اللوت

[Karazhan]

انا ملفت انتباهي وانا افتح LFG مكتوب تحت التوكن اني اختار علاقه مع احد . ولما ضغطت عليها فتحلي العلاقات كأني ضغت U

بس مافهمته , هل اختار العلاقه لما ادخل دنجن تكون حق اي فاكشن بدل اني البس تبارد لهم نفس قبل

والمفاتيح اللي تقولين عنهم من منو تطيح بالضبط , من الرير او الموبات بالرايد , والحين الرايد LFR نفس قبل بالغصب يطيح شي او عدلوها وصار الchance اعلى





مو كأني صرت بو طقه وانتي صرتي المندوبه ؟



نرجع لمحور حديثنا

المفاتيح , انا هوايتي باللعبه البحث عن الرير او الكنوز , مثل ماتقولين صائد الطرائد او الجوائز

انا لما شفت الرير جدامي وقفت اطالعه وبعدين تجمعوا عندي ناس و عملوا قروب وبدأوا يضربونه , انا وقفت اطالع وبعدين شاركت بالهوشه شوي وقلت ياعمي حرك ماراح تستفيد شي ومشيت

يعني لو اني مكمل اضربه لين مات اقدر اسوي لووت وانا مو معاهم بالقروب ؟

حسب اللي اعرفه ان اذا كنت مو بالقروب مااقدر اسوي لووت او اني اضربه اول واحد وبعدين هم يذبحونه ويصير حقي

والله مادري يا روريت , الظاهر اني كبرت وماعاد اصلح اصير مندوب , يعني لو يدري الملك اني قاعد اسأل احتمال كبير يفنقشني من الوظيفه ويشوف غيري شاب نشيط يبحث و يعرف

استروا علي ياجماعه , كلكم عندكم خوات و تحبون الستر , اعتبروني اختكم الصغيره ولا تفضحوني استروا علي

[azshara]

هل اختار العلاقه لما ادخل دنجن تكون حق اي فاكشن بدل اني البس تبارد لهم نفس قبل

ايه، تقريباً هذي بدل التابارد .. بس مايعطونك باليوم إلا 1000 نقطة مع الفاكشن اللي أخترتها
600 من دنجن هيروريك ... و400 من سيناريو ..


وهذا المفتاح اللي تقصده دوديت Key to the Palace of Lei Shen (http://www.wowhead.com/item=94222) ..
يطيح لك من أي رير موجود بـ Isle of Thunder .. وطبعاً ماتحتاج تكون ب قروب عشان
اللوت .. يكفي بس تضربه وراح يجيك
المهم بعد ماتاخذ المفتاح تسلمه لـ Taoshi الموجوده بالكهف وهي بتدخلك سيناريو لحالك.
عندك بس 5دقايق عشان تفتح الصناديق ..
راح يطيح لك كثيررر من Elder Charm of Good Fortune ..
هذي عاد تستخدمها لما تذبح قاليون او الشاه .. وبرضو بـ في ريدات هارت اوف فير و موقو'شان فولتس
بتزيد فرصتك مع اللوت ويتتقير بسرعه ! :biggthump





دوديت
شرايك بس نسوي انقلاب ..
نحطك مكان الملك وانا المندوبة ... :)

[Karazhan]

الكبر شين

هههههه

اليوم لبست جير الابك مال البي في بي و قلت خلني اروح اشوف الرايدات , دخل اول 3 و ماطاح شي , بغيت ابجي

طبعا من قبل وانا ادخل وماطاح شي , الحظ نحس من زمان

بس انا عندي سؤال

كاتبه بتوقيعج في فمي ماء

يعني شنو في فمي ماء ؟

[Dudette]

هلا والله شخبارج وين مختفية من بعد الضرابه مع فلان (بدون ذكر اسماء ) اختفيتي مره

المهم الصراحه تسلمين على الي كتبتيه وان شاء الله الطمطمة بو شنب يفهم

ويالله نسوي انقلاب بس لا انا ما ابي اكون الملكه بعدين يحطوني في السرداب وبتعقد لا لا شو رايج نخليج انتي بالسرداب ونتوجج ملكه :)

شفتي الزمن بنات يكتبون ويعلمون هذا الي ماكانوا يتوقعونه غير من الاجانب بس طلعنا احسن منهم

الحين قاعده اتعلم على البي في بي وان شاء الله احصل راتينج عدل الصراحه انا ابي جلادييتر :biggthump وبجيبه ورايدات الصراحه ما اروحه لاني قاعده العب بلاعب ولد خالتي عنده جلاديتور بس يوم كان لفل 85 والحين لفلته ولبسته بي في بي والحين ببدا البس لاعبي دوديت وبنروح جروب :) الصراحه وناسه .

وانتي شو اخر اخبارج مع اللعبه وخبرينا عن مغامراتج ترا الحين المنتدى كله مشاهدين بس والمشرف بالسنه يطلع مره يكتب رد ويختفي
(هي صح شنو يعني في فمي ماء) :33:

وما يبط جبدي غير الي يعلق ليش القسم فيه خمول

انزين يا معود اكتب ناقش رد علينا سولف

ترا هاي قهوه حتى لو تكتب قصه حياتك مثل بعض الناس عادي

انزين اكتب اسمك وعمرك وهواياتك ونوع موترك .....الخ ترا عادي محد بيقولك شي بس نحس في ناس داخله وتكتب

ما تبي تكتبون انزين حطووا صور لاعبينكم او راكب ماونت عجيب او عندك راير او اي شي

المهم كتبت وايد والحين اخلي الصفحه لكم :) اترياكم

اكتبوووا انزين :12:

[Karazhan]

هلا والله دوديت

وانتي ما تطلعين الا بوقت الدوامات , بالعطل وينج مختفيه

انا اسمي فهد عمري بالثلاثينات هواياتي السفر "وقت يكون عندي فلوس" و تصفح الانترنت , الشراء من امزون و ايباي , طبعا المقناص لكن الدوام من صار صبح عفسني ولا قمت اقدر اروح الا بالعطل , شراء التلفونات الى ان تكدسوا عندي 4 تلفونات و ودي اشتري بعد لكن العين بصيره واليد قصيره

احب الحداق , احب الطبخ , احب القرقه بالمنتديات , مع اني ما اتكلم بره النت , شري بس بالنت , احب التسوق

على طاري التسوق امس قعدوني من النوم عشان اروح الجمعيه اشتري اغراض , رحت وانا عيوني مغمضه ومالي نفس , المهم بعد ماشريت و رحت الكاشير وانا ادز عربانتين و حاسبت قلت خلني اروح اشتري كلينكس , لما رحت ورجعت كان في طابور ناس وانا خطرتهم كلهم , على بالهم اني جديد مو صاحب العربانتين

المهم وقفت عند الكاشير عشان ادفع وطالعت اللي عندي يبي يحاسب , اهو على باله اني مخطر الدور , قالي تفضل حاسب , قلت لا انا خالص هذول عرباناتي بس بدفع , المهم شفته وله يطلع عادل الماص , قلت الاستاذ عادل عدل ؟ قال اي واهو منحرج

سلمت عليه و قلتله بصور معاك قال اوكي

شوفي اشكالنا بس

357061


اثنينا اشكالنا غلط , وكان الوقت متأخر يمكن الساعه 12 مادري 1 بالليل وماكنا متوقعين ان جمهورنا الوفي العريق من الصحرا الى الصحرا راح ياخذ لنا صور

عاد نرجع لمحور حديثنا , الهوايات

كل ماذكر بالاعلى و ايضا في , في هوايات مااقدر اقولها , امارسها كل يوم و احب امارسها كل يوم بس ماراح اقولها شنو عشان ما اسبب لنفسي مشاكل

وبعد شنو

موتري معروف الدب الاسود , تاهو

انتي شنو موترج ؟ بوووووورش او لمبرغيني

هذي سيايير الاماراتيين , كل الشعب عند فراري او لمبرغيني والحين طاحوا بال بوقاتي

ياحظكم


المهم نرجع لمحور حديثنا مره ثانيه

هواياتي كل اللي قلتهم و يعني في امور ماامارسهم كل يوم لأنهم يحتاجون رأس مال طيب شوي وانا فقير , اظن كل المنتدى بكل اعضاءه عرفوا اني فقير

وفي هوايات بعد احب امارسهم بس نسيتهم

لما اتذكرهم راح اكتبهم , الحين بخليكم عشان بفكر فيهم راحوا من بالي

[Dudette]

عمي شنبو انا قلت التعريف الشخصي حق الساكتين الي بس يشاهدون مب انت شنك ما صدقت حد فتح الموضوع

[Dudette]

منو الي بالصوره الاقرع انت تصدق فيك شبه من صورة الشنب والله انا اتحرا صوره من النت ما توقعت انت يوم مب محلق ومن الي يمك لابس كندوره هذا الملك؟؟

[Karazhan]

انا لابس كندوره

كندوره مو دشداشه ؟ اي انا ابو الدشداشه , شلون اقرع ؟ الاقرع اللي يمي ابو بلوزه او اللي تسمونها انتوا عيال التجار t-shit هذا عادل الماص

مغني مشهور ماتعرفينه ؟

هني واهو لابس بندوره و غتره وعقال

357063

اللي يغني باتذكروني

عاد اهو بدأ بالامارات او له طريق بالامارات شلون ماتعرفينه ؟

او انتي من فنانين الجيل هذا , غيضه و مادري منو

حتى يمكن ماتعرفين ميحد حمد

[Karazhan]

انا بالصوره اعترف اني كنت مضبط الشنب وبالصوره بدايه يطول

قص علي واحد من الشباب قالي لو تضبط الشنب وتسويه كوول مادري ستايل المهم يعني كشخه , انا انخدعت و طاوعته و رحت سويت الشنب و حددته وقلبي يعتصر الالم , مايطاوعني قلبي اتحرش فيه

لكن توبه اسويها

راحت ايام قبل اللي كنت اتلحف فيه اذا نمت وماعندي كمبل

http://www.montada.com/attachment.php?attachmentid=350587&d=1331971943

[Dudette]

ههههههههههههه يا معود شنو هذا لو اخوي بتبرا منه انت مال أي قرن شكلك من القرن الحجري ههههههه وصج ما عرفته يمكن لو سمعت صوته بعرفه بس شكله لا ما اعرفه لا حول لله الحين لابتوبي ما يصير ادق انتر وينزل ما دري شو بلاه وما اقدر اغير اللون ، الصراحه ما اعرف ليش وايد يمدحون هاللابتوب الين وير معنه عادي بس لون المفاتيح الي يتغير وسعره غالي وثقيل ، وكالمعتاد المندوبه اختفت

[Karazhan]

نفس اخوي شاري كيبورد يقولي اسمه اوتوماتيكال او شي جذي , شكله مثل كيبوردات الكمبيوترات القديمه اللي لما تضغطين الحرف تسمعين صوت , مو ناعم يعني

ابتلش فيه يقول بدلياتي كثرت و شوي معقد

بس زين احسن لأن اللون الوردي بط عيوني . خلج جذي افضل من الكيبورد الثاني او القديم اللي تغيرين اللون

بس اللون ماله شغل الكيبورد , فوق الخيارات تختارين بالفاره . الكيبورد شكو بالسالفه

والله لو عطيتيني فلوس الكيبورد الغالي جان احسن , عالاقل تمسحين دمعه مسكين , من الصبح لي الحين ما اكلت شي بسبب القحط

[Dudette]

ههههههههههههه يا معود شنو هذا لو اخوي بتبرا منه انت مال أي قرن شكلك من القرن الحجري ههههههه وصج ما عرفته يمكن لو سمعت صوته بعرفه بس شكله لا ما اعرفه لا حول لله الحين لابتوبي ما يصير ادق انتر وينزل ما دري شو بلاه وما اقدر اغير اللون ، الصراحه ما اعرف ليش وايد يمدحون هاللابتوب الين وير معنه عادي بس لون المفاتيح الي يتغير وسعره غالي وثقيل ، وكالمعتاد المندوبه اختفت

[Dudette]

مب كيبورد انا اقولك لابتوب

[Dudette]

:bigeyes: انت مندوب الملك او شحات الملك ؟ :33:

[Dudette]

اسكت عني في كويست من الصبح مب عارفه كيف اخلصه برب

[Sergelion]

وما يبط جبدي غير الي يعلق ليش القسم فيه خمول

انزين يا معود اكتب ناقش رد علينا سولف

ترا هاي قهوه حتى لو تكتب قصه حياتك مثل بعض الناس عادي

انزين اكتب اسمك وعمرك وهواياتك ونوع موترك .....الخ ترا عادي محد بيقولك شي بس نحس في ناس داخله وتكتب

ما تبي تكتبون انزين حطووا صور لاعبينكم او راكب ماونت عجيب او عندك راير او اي شي

المهم كتبت وايد والحين اخلي الصفحه لكم :) اترياكم

اكتبوووا انزين :12:



السلام عليكم يا معشر لاعبين واو العرب اللي يقدر عددهم بـ 2 لا عير... أنا متابع نقاشات كارازان ودوديت من فترة قلت يمكن واحد منهم بيذكر اسم الريلم ماله أو الجيلد على الأقل عشان أروح عندكم، لكن الظاهر محد ذكر شي P:

أنا لاعب جديد نسبياً إلى واو، بدايتي الفعلية كانت شهر 6 العام اللي طاف، والغير فعلية كانت قبل ما تنزل اكسبانشن كاتكليزم بشهرين يعني 2010، يومها لعبت واو بهنتر ولفلته لين ما صار قوي ولفل 5 ومليت، قلت لنفسي "أنا كنت عارف أني ما بحب هذي اللعبة اللي ولد خالتي دوم يحشرني فيها".

سنين مرت (سنتين تحديداً)، وقلت خلني أجربها مرة ثانية، طالعت في المنتديات شو الكلاسات وشو "أقوى" كلاس وهالخرابيط، ففررت أني أروّل يعني Roll بالدن، لعبت فيه ولفلته ومليت بعد اللفل الخامس مادري السادس، وطلعت من اللعبة وأنا ميت حتى تشوفه على شكل سكني يوم تريد تدخل على اللعبة.

مرت فترة، وقلت مرة ثالثة خلني أجرب واو، لكن هالمرة بكلاس ثاني، الكلاس اللي أنا حالياً ألعب فيه، اللي شاركت معه أيامي، رفيق دربي كان وارلوك هيومن. عندي كمن صورة خذيتها وأنا في بداية مغامراتي في واو، وياليتني خذيت أكثر :( صح أني مب من لاعبين واو القدماء واللي لعبوا اللعبة في البيتا لكن أحس بالنوستالجيا كل مرة أشوف فيها الصور أو أتذكر يمكن أحلى زون عندي The Thousand Needles

357068
هذي يمكن أفضل صورة عندي بخليها عندي ألين ما أشيب وأقول حق أحفادي اللي بيلعبون واو شوفوا يدكم في عزة شبابه يوم ما سوى شخصيته


357069
هههههه هذي يمكن أكثر كويست تشين كوميدي مر علي، أذكر اللي عطاني الكويست وكيف يتحرى عمره البطل الي بينقذ الأميرة من التنانين واللي في الحقيقة هم مجرد ديناصورات، يعني أريد أكحلها عميتها شو فرقت P:


هذي كل اللي الصور الي خذيتها وأنا كنت ألفل وارلوكي لكن تباً قررت أني ما أعيد الغلطة وآخذ صورة بعد كل صغيرة وكبير...

مرت 10 شهور على أول يوم سويت فيها شخصيتي وها أنذا حالياً راكب أندر ماونت قدرت أحصله، وياكثر الحقد اللي انفر في ويهي بسبته، لكن يستاهل يستاهل


357070
الموانت اللي يطيح من شاه الغضب D: لين ألحين مش مصدق أنه طاح لي.

وهذا تقريباً كل شي يتعلق بحياتي في لعبة واو حتى الآن... الي يبا يسوي رايد يخبرني ناقصني HoF, ToES, and ToT بس :ee2:

والسموحة

[Karazhan]

انا ان خلصت شغل الملك بالمنتديات وصار ماعندي شي اسويه اشوف الوضع اذا يسمح اشحت

انا امشي على المثل اللي يقول اللي يستحي ما يعيش و الكلمه اللي تستحي منها بدها

شسم الكويست يمكن مار علي او ادق عالملك بيجر واحطله رمز 777 يرد علي بسرعه

[Karazhan]

احنا مو 2 لا ههههههههه

احنا ملايين من الصحرا الى الصحرا لكن الشباب مشاهدين فقط , انت الله هداك وتكلمت , عقبال الباقيين يتكلمون

انا ياطويل العمر العب بالامريكي , سيرفر دارك ايرون او ايرون دارك , اهو في دارك و في ايرون

يعني بعيد عنك , انت اتوقع اوربي مع دوديت

[Sergelion]

صح أنا في سيرفر اوروبي والوضع ممل حالياً، مكتوب نوع السيرفر New players قلت يمكن عشان هذا مافي بقز يسوون ريدات اللهم الشاه وغاليون يعني الوورلد بوس فقط.

والجيلد اللي أنا فيه بصراحة محتار شو شغلته، تلفيل آلتس ولا سووه عشان يكون بنك للجي ام مادري الصراحة لا ريدات ولا دنجنز يمكن كم سيناريو سويته مع الجيلد ماستر القديم وواحد وهذي هي، حتى الجيلد الماستر القديم خذ من البنك 14 ألف وقال "أنا مشغول. بروح. عسلامة" بإنجليزية مكسرة توحي بأنه هولندي أو ما شابه.

شكراً ونراكم قريباً،

[Karazhan]

باعكم عشان14 الف بس

هني الشباب كلهم اوربي , انا لأني مندوب الملك لازم اكون بروحي و رحت امريكي , الوضع عادي لكن تجي ساعات لاق رهيب

الاوربي زين باللاق مااذكر حاشني لاق الا لما يطلع deathwing من مخبأه و يقطع الكيبل البحري , اما غيره الوضع ميه ميه

انت بسيرفر فاضي ترى , انا كنت اروح سيرفرات فاضيه بشخصيه و الفلها وبعدين اقزر وقتي على الrare مثل المونتات , ولما اجمع شي طيب منهم انقل الشخصيه لسيرفري الرسمي وابيعهم , اعلى بيعه بعتها كانت المونت مثل حصان البحر , بعته تقريبا على حد ال80 الف جولد بأيام عزه

فأنت لازم تروح سيرفر متروس اللي مكتوب عليه full بالحاله هذي تشوف كل شي مفتوح عندك , الباتل جراند و الرايدات , يعني من تضغط البحث تحصل قروبات بسرعه

ثاني شي لو كنت تاجر راح تمشي بضاعتك بسرعه , ان كنت يعني صاحب بوت و تبي تجمع ذهب , لما تكون mining او herb او اثنينهم مع بعض راح تحط بالمزاد والعالم تشتري بسعر حلو

فأنا اقترح عليك اول شي انك تحط اللعبه بمكانها الصحيح , يعني لعبه تبقى لعبه و تضييع وقت , قزر بسيرفر قوي عالاقل لما تبي تضيع وقتك تروح اي رايد او تعلب باتل جراند تجمع للجير ومن بعد الجير حتى لو ماعندك جير pve تقدر من خلال جير الpvp تروح رايدات و منهم تجمع جير

والدعوه مضيعه وقت

موفق اخي الكريم

[Sergelion]

ألحين ليش كل ما أفتح رابط يوديني لمكان ثاني غير مكان الرابط الأصلي؟ نسخت رابط في واحد من المواضيع وطلعلي http://30e90e1e.linkbucks.com/ (http://111)في بداية الرابط.. :31:

[azshara]

هلااا دوديت .. لك وحشه
انا مااختفيت والله .. المنتدى كان محجوب بالسعودية لفتره طويله
ومادريت إنه رجع إلا من قريب .. إلا صدق ليه كانو حاجبينه!؟ :33:




أجل ماشاءالله بتجيبين القلادييتر .. كأني بديت أغار :28:
هو الصدق الـ pvp أمتع من الـ pve .. يعني فيه ونااسه وأكشن ..
بس ماينفع إلا إذا بتلعبين ب قروب تعرفينهم ويكون وراك هيلر :biggthump
أنا من زمان نفسي العب بي في بي وياما تحمست وتقيّرت بس ياحسرة
مااحد معي .. ادخل لي كم باتل واتصفق وبعدها ابطلٌ .! :31:





هاليومين أعيش حالة زهق عجيبة بالقيم ...
الأشياء اللي كنت أتمناها وأفرمها جبتها .. لفلت 5 من التاتي للفل 90 وقيرّت أغلبها
قاعدة أدور ع شيء جديد أسويه .. ودي الفل كلاس جديد ومحتاره
بديت اليوم ب " مونك " ... بس حسيته ممل وشكلي ماراح اكمله .
ودي العب قوبلن شامان .. أحسه وناااسه ..

المهم اللي بخاطره يلفل كلاس جديد يرفع يده .. ممكن نلعب ×-realm :)










كارازان ...
الحين مندوب الملك وماتعرف هالمثل " في فمي ماء " .. :33:
طيب شوف وش لقيت لما قوقلتها ../
http://www.youtube.com/watch?v=NFoTWI3YI9A






Sergelion
وعليكم السلام .. ماشاءالله حظك حلووو مع ماونت الشاه
بالسيرفر عندنا ماشفت الا اثنين ..
انا ودي ب ماونت " قاليون " .. او " اوندستا " .. :)
بالنسبة للروابط عندي نفس المشكله ... لازم تسوي كوبي وبيست للرابط .

[Karazhan]

هذي دعايه

ان رحت للصفحه هذي شوف فوق يمين علامه برتقاليه مكتوب skip this ad اضغطها وتروح للموقع اللي تبيه

[Karazhan]

ايي يعني في كلام عندي كثير بس ماراح اقول الحين

انا ماشفت هالحلقه , اول شي فكرت وفكرت وفكرت وقلت يعني شنو في فمي ماء ؟

يعني المعروف عندنا ان فم الانسان صحيح فيه ماء لكن له اسم ثاني وللي اهو سعابيل

بعدين استبعدت هالفكره وقلت ماكو الا السمكه , السمكه الوحيده اللي في فمها ماء طول الوقت . يعني شنو قصدها ؟ يعني سمكه اهي او قصدها حوريه البحر

الحين عرفت

نفس رفيجي اللي عروقه بالماي , اهو ماله عروق مثل الزرع و بالماء او الماي لكن نطلقها على اللي عنده معارف وواسطات و يعرف كل شي , نقول عروقه بالماي مو نفسي عروقي بالرمل

-

احتمال نسرق التوقيع و نضيفه لقب للملك

ولد بطنها اللي عروقه و فمه في ماء

ولد بطنها اللي عروقه بالماي و فمه في ماي

نشوف صيغه حلوه بعدين

[Sergelion]

باعكم عشان14 الف بس

هني الشباب كلهم اوربي , انا لأني مندوب الملك لازم اكون بروحي و رحت امريكي , الوضع عادي لكن تجي ساعات لاق رهيب

الاوربي زين باللاق مااذكر حاشني لاق الا لما يطلع deathwing من مخبأه و يقطع الكيبل البحري , اما غيره الوضع ميه ميه

انت بسيرفر فاضي ترى , انا كنت اروح سيرفرات فاضيه بشخصيه و الفلها وبعدين اقزر وقتي على الrare مثل المونتات , ولما اجمع شي طيب منهم انقل الشخصيه لسيرفري الرسمي وابيعهم , اعلى بيعه بعتها كانت المونت مثل حصان البحر , بعته تقريبا على حد ال80 الف جولد بأيام عزه

فأنت لازم تروح سيرفر متروس اللي مكتوب عليه full بالحاله هذي تشوف كل شي مفتوح عندك , الباتل جراند و الرايدات , يعني من تضغط البحث تحصل قروبات بسرعه

ثاني شي لو كنت تاجر راح تمشي بضاعتك بسرعه , ان كنت يعني صاحب بوت و تبي تجمع ذهب , لما تكون mining او herb او اثنينهم مع بعض راح تحط بالمزاد والعالم تشتري بسعر حلو

فأنا اقترح عليك اول شي انك تحط اللعبه بمكانها الصحيح , يعني لعبه تبقى لعبه و تضييع وقت , قزر بسيرفر قوي عالاقل لما تبي تضيع وقتك تروح اي رايد او تعلب باتل جراند تجمع للجير ومن بعد الجير حتى لو ماعندك جير pve تقدر من خلال جير الpvp تروح رايدات و منهم تجمع جير

والدعوه مضيعه وقت

موفق اخي الكريم



آسف كارازان ما انتبهت لردك والله بسبة نظام الرد السريع المزعج..

أما ديثوينج كل سنة يقطع الكيبل البحري هذا :laugh2: من شهر ونص البينج عندي 300+ ومرة وصل فوق العشر آلاف كلمت مندوب عملاء ووكلاء الاتصالات قالي في مشكلة مع الكيبل ورح تنحل في ثلاث أيام، بعد ثلاث أيام ما انحلت المشكلة رديت أتصل عليهم كلمني واحد غيره، قلت يابو الشباب ترا البينج عندي عالي، يقولي "ايه البينك ده؟" أقول بيييييييييييينج اننننج لاتينسي، "أنا مش فاهم ايه اللاتينسي ده". فانتهى بي الأمر إلى أن المشكلة من اللعبة نفسها ومافي أي مشاكل مع مزود الخدمة..

بعد فترة عصبت ورحت أخاطر بجهازي وضغطت على واحد من الإعلانات اللي على قولتهم تنزل البينج في ألعاب الأونلاين وفي عندهم ترايل، جربته وبالفعل نزل البينج عندي إلى 140 تقريباً وقلت يا سلام خلني أشتريه، اشتريته ولعبت كم لعبة أونلاين من الفرحة يا سلام كل شي سريع وسلس ومافي لاق تحقق حلمي أخيراً، بعد يومين وصلني مسج من بليزارد بكبرها، "تم إغلاق حسابك لأنك مشتبه به في إخلال التوازن الإقتصادي باللعبةـ وبناءً عليه باند مدى الحياة". قلت يمكن هذا سبام، ولكن طلعت السالفة صدق الأكاونت مسكر :( فتحت تيكت شوي وبصيح وآخر شي قلت أنا أستعمل برنامج ينزل البنج عندي. بعد كمن ساعة رد علي واحد وقال هذي آخر مرة يا شاطر اذا شفناك تستعمل مثل برامج البروكسي هذي بنسكر حسابك. وطبعاً مسحت البرنامج اللعين من جهازي وألغيت اشتراكي معهم ورجعت عشر سنين إلى الوراء، إلى اللاق...

بالنسبة للتجارة كل 12 يوم أسوي لي شنطة 28 سلوت وأبيعها بـ3k أو أسوي انتشانتس وأبيع الواحد فيهم بـ1kصح عملية بطيئة بس شنسوي وأعلى رقم يبته 32k قولد.

[Karazhan]

الشركات مايعرفون شي بالامور هذي , مايعرفون الا طفي الراوتر 5 دقايق بعدين شغله

اما لاق و لاتنسي اغلبهم مايعرفون الا اذا كان يلعب العاب اونلاين نفس اللي بالشركه اللي انا مشترك فيها , الموظفين كلهم يلعبون ووركرافت والحين راحوا جيلد وور 2

لكن اذا كان اشتراكك على خط البيت دي اس ال او فايبر 2 ميجا ماراح تشوف اللاق , انت يمكن من شركه اتصالات مشترك

واذا اشتراكك دي اس ال فالخلل من شركتك , وترى قبل اسبوع او اكثر شوي كان لاق علينا كلنا بسبب خلل بالكيبل , ما تعدل الا امس

اذا انت على طول لاق و مشترك عالبيت فالخلل من الشركه , بدلها شوف غيرها

اشتراكي 8 ميجا فايبر و عطوني 1 ميجا هديه صار 9 الحين , و الشركه اللي انا فيها تعد من افضل الشركات للألعاب


http://www.speedtest.net/result/2676014353.png (http://www.speedtest.net)

[Karazhan]

الحين انا بنام توني راد من الدوام ولازم اقعد العصر عشان المدرسه

انا تلميذ مجتهد و رجاءا لا تخربوني وتخلوني اسهر

باي

[Dudette]

صباح الخير جميعا وتشرفنا
Sergelion في القهوه عندنا

انا في السيرفر الاوربي وفي سيرفر Stormscale وعندي لاعبين في سيرفرات ثانية بعد وكلهم 90 بس بدون قير عدل لاني من الملل بس الفل :) والحين قاعده افرم قير pvp حق الميج دوديت

فتره كنت العب في لاعب ولد خالتي uwilldie بعد ميج وهو جلادييتر والصراحه عجبني والحين انا بقير اللاعب وبدخل فيه pvp واتوقع الي كانو معاي يعرفون اني نووووووووووووووب في ال pvp بس الحين قاعده اتعلم ومعاي ربعي من سنين بعدهم معاي

وانا يوم اللعبه فيها لاق ما احب ادخلها واتنرفز عليها فاخليها لي ما الاق يخف

وانا الصراحه ما استعمل كمبيوتر انا كله لابتوب وعندي لابتوب ماك استعملته سنه ونص والحين شريت لابتوب ثاني Alienware حلو شكله بس كبير وثقيل وعليه ويندوز 8 فانا ضايعه معاه

يالله الي عقبنا يتكلم حتى لو يحط حرف بس نحس انه القسم بدا يتفاعل

[Dudette]

اقول Azshara اذا تبين تضحكين وانا العب تعالي معانا وشوفي ابداعاتي وشرداتي هههههههههه معاي هيلر حقي بروحي وبتشوفيني اول وحده شارده ولا يدورون علي بعد :silly:

[Dudette]

عمي شنبو الصراحه توني اشوف الطبخ يا سلام يوعتني لو مره ثانية بتسوي طرشلي شوي :)

[Predator101]

الحين انا بنام توني راد من الدوام ولازم اقعد العصر عشان المدرسه

انا تلميذ مجتهد و رجاءا لا تخربوني وتخلوني اسهر

باي



:blackeye: مدرسة :blackeye:
مدري ليش أحس اني شايب الحين
ومزعجنا بالملك حقك و تلقاه بالأخير معاك بالفصل, لا و آخر كرسي و نايم 24 ساعة هههههههه

[Dudette]

:blackeye: مدرسة :blackeye:
مدري ليش أحس اني شايب الحين
ومزعجنا بالملك حقك و تلقاه بالأخير معاك بالفصل, لا و آخر كرسي و نايم 24 ساعة هههههههه كانواا ساكتين ويوم تكلمووو عطووك قنبله يا عمي شنبوووو

[Dudette]

حياك بنادول معانا وزارتنا البركه اشلونك عساك بخير وطيب وشو اللعبه معاك وشو اخر اعمالك في اللعبه :)

[Sergelion]

الشركات مايعرفون شي بالامور هذي , مايعرفون الا طفي الراوتر 5 دقايق بعدين شغله





ذكرتني بهاللاين من مسلسل The IT Crowd واللي يلخص كل شي قالوه لي

Have you tried turning it off and on again?



صباح الخير جميعا وتشرفنا
Sergelion في القهوه عندنا

انا في السيرفر الاوربي وفي سيرفر Stormscale وعندي لاعبين في سيرفرات ثانية بعد وكلهم 90 بس بدون قير عدل لاني من الملل بس الفل :) والحين قاعده افرم قير pvp حق الميج دوديت

فتره كنت العب في لاعب ولد خالتي uwilldie بعد ميج وهو جلادييتر والصراحه عجبني والحين انا بقير اللاعب وبدخل فيه pvp واتوقع الي كانو معاي يعرفون اني نووووووووووووووب في ال pvp بس الحين قاعده اتعلم ومعاي ربعي من سنين بعدهم معاي

وانا يوم اللعبه فيها لاق ما احب ادخلها واتنرفز عليها فاخليها لي ما الاق يخف

وانا الصراحه ما استعمل كمبيوتر انا كله لابتوب وعندي لابتوب ماك استعملته سنه ونص والحين شريت لابتوب ثاني
Alienware حلو شكله بس كبير وثقيل وعليه ويندوز 8 فانا ضايعه معاه

يالله الي عقبنا يتكلم حتى لو يحط حرف بس نحس انه القسم بدا يتفاعل


بصراحة أنا بعيد جداً عن البي في بي، حدي راندوم باتل جراوند وبس. في واحد من الكويستات طلب مني أفوز في مباراتين، قلت رحنا فيها لا قيرز عدل اللهم حزام ايبيك والباقي كل أزرق. لكن الله سهلها وانحطيت في جروب جيد وفزنا. المشكلة عندي أن كل باتل جرواند أدخله احتمال 95% نخسر. P:

السيرفر اللي ألعب فيه هو Magtheridon وماعندي غير شخصية وحده لفل 90 والبقية 60 وتحت وعندي روج/ق لفل 88 لكن التلفيل جداً ممل ومتعايز أوصله 90، يمكن من شهرين وهو على نفس اللفل شبعت كويستات

[Karazhan]

حياك بنادول معانا وزارتنا البركه اشلونك عساك بخير وطيب وشو اللعبه معاك وشو اخر اعمالك في اللعبه :)


هذا مو اسمه بندول الله يهداج , اسمه بريداتور

هذا شكله

357073

شخصيه من فيلم بريداتور بطولة ارنولد في فتره الثمانينات , اول مانزل الفيلم شفته بالعراق كنت , اعتقد والله اعلم ان بوحا ما ولد حزتها

هذول ابطال الفيلم

357074


و قام بدور شخصيه بريداتور الفنان كيفن بيتر هال , توفى سنه 1992 بمرض الايدز

هذي صورته بيتر هال اللي قام بدور بريداتور اول مره

357075


وهني قاعدين يلبسونه الجير

357076


357077

357080

357078

357079


بالنهايه اتمنى انكم استمتعتوا بالتقرير

قبل اخلص من بيتر بقولكم ان هم الشخصيه هذي قام بدورها في احد الافلام الاخرى


357081



------------------------------

كل هذا وتقولين بندول بعد

في طائره امريكيه بدون طيار ايضا اسمها بريداتور

357082


357083

357084

وهني يوم مرت فوق السرداب تراقب مادري شنو و صورها الملك واهي رايحه

357085



عاد انتي شوفي بريداتور اللي معانا شنو قصده , هل قصده الشخصيه اللي فوق او الطائره
-----------------------


اللي مايعرف الصقر يشويه

يكون في علمج هذا اللي جدامج و ماتعرفين شنو اسمه , اهو في الواقع مساعد بوحا , اهو اليد اليمنى لبوحا

بس انتي الظاهر نسيتي

[Karazhan]

:blackeye: مدرسة :blackeye:
مدري ليش أحس اني شايب الحين
ومزعجنا بالملك حقك و تلقاه بالأخير معاك بالفصل, لا و آخر كرسي و نايم 24 ساعة هههههههه


احنا صحيح نقعد اخر شي لأن الواحد فينا اطول من عيال الصف , اذا قعدنا اول شي اللي ورانا مايشوفون

انا الحين صرت زين و قعدت ادرس و تركت حياه المصبنه اللي مامنها فايده

مصبنه يعني عربجه بالسعودي , يعني بطلجي بالمصري . يعني رد نك بالامريكي

خلاص صرنا زينين و الجاهليه تركناها , لكن مازلنا نسمع محمد السليم

[Predator101]

ياخي ابداع أنت .. تقرير عني مرة وحدة, أنا ما أقدر عليك هههههههه :biggthump
ههههههه بس عجبتني اليد اليمنى لبوحا .. عايش جو العصابات
بتحسسني انك عربجي؟ و أكبر من عيال صفك؟ طيب يالعربجي :silly:

[Karazhan]

مو انا البسطويسي يقول انك اليد اليمنى حق بوحا و اليد اليسرى نسيت منو قالي , اظن واحد بأسمه في ميج

وانا مو عربجي او مصبنجي الحين خلاص تبت توبه نصوح و تركت كل شي , انا الحين موظف محترم بالنهار والعصر تلميذ مجتهد , الحين انا في تاسع ههههههه

بعد ما اخلصها ان شاء الله اجيكم الرياض اسجل بمدرسه هناك لل3 سنوات المتبقيه , هذا اذا ضبطوني الشباب هني

بس بصراحه انا خايف , لأني اكثر واحد يحط صوره بالانترنت و يمكن مطلعين صوري وطابعينهم بطابعه و تنطرون اليوم اللي تشوفوني فيه عالحقيقه عشان تخطفوني و تبردون حرتكم

لكن ان حصل هذا الشي اقولكم من الحين خلونا نتفاهم , ان شفتوني مثلا بالرياض قبل تخطفوني و تاخذوني جهه غير معلومه تذكروا التفاهم قبل مده اليد

وترى انا انسان رقيق الحين والدليل اني صرت بعد ما اخذ دش احط كريم على وجهي عشان الشمس

التفاهم ثم التفاهم ثم التفاهم

وان شفتوني ترى انا عازمكم على مضبي او مندي حسب اللي تحبون تاكلونه كيفكم

انت و ميج و الزعيم القائد الرمز بوحا

[Dudette]

ههههههههههه شوبلاك عمي شنبو خايف

خلاص الحين نحن في زمن فيه صلح ومحد شايل في خاطره شي والي اتذكره اخر ضرابه كانت بين بوحا و Azshara وخلاص الحين مافي بينا اي شي وقلوب صافية

وكلنا ربع ونساعد بعض لو نبي اي شي ولو اي حد عنده سؤال نساعده ولو انا عندي سؤال تساعدوني وهذا الحياه ماشية

وسامحوني لو غلطت على حد ترا هاي دنيا وما نعرف متى بنطلع فسامحوني وانا مسامحه اي حد غلط علي

شكلي قلبت الموضوع نكد

المهم شخباركم ووين المندوبه مختفية شكلها تلفل المونك :)

وسوري بريداتور لاني كتبت اسمك غلط والله انا قريته بندول مب منى من الليزك الي مسويته :silly:

[Karazhan]

بوحا هذا دايم مشاكل , دايم يتهاوش مع الناس

اهو يتهاوش و انا ابصك توقيف بداله

----------------------------------

وانتوا بس تساعدون بالاسأله , ماتساعدون بشي ثاني خارج اللعبه ؟

مثلا واحد محتاج مني مناك عنده قرض يبي يسدده




انتوا حتى الشرطه عندكم على لمبرغيني و فراري

[Dudette]

الله اكبر عن الحسد

[Karazhan]

مو حسد بس حسوا فيني

فراري و لمبرغيني

شفيه الموستنغ ؟ بسعر فراري تاخذون 7 الى 9 موستنغات

في شعوب مو لاقيه تاكل , حسوا فيهم شوي حسسوهم انكم معاهم و تحسون فيهم

انا اولهم

[Karazhan]

شالمنتدى اللي 95% من اعضاءه يدخلون مخفي

انا اولهم

وين قاعدين ؟ اطلعوا بينوا للناس مو حجي ترى

[Dudette]

انا اتوقع ان لاعبينهم Rouge عشان شي كلهم مخفيين

انا اتوقع المندوبه حاجبين الموقع عليها مره ثانية شكلي بدور على بروكسي واعطيها اياه عشان تقدر تدخل المنتدى

وبوشنب عن الحسد وثاني شي محد قالك تاقض قرض وانت ما تقدر عليه ويقولك المثل مد ريولك على قد الحافك بس انت لا تبي تطلع فوق وخذيت قرض اكثر من مقدرتك فتستاهل ومحد ضربك على ايدك وقالك خذ

الحين لازم تتاقلم على قدك وعن الشحاته ترا بخليهم يغيرون اسمكن من كرزان الى شحات

[Karazhan]

انا وين كنت توني ؟

قاعد اطالع الديث نايت قاعد يلفل و داش موقع بيع اكاونتات بشوف اذا في شي رخيص و مضبوط اخليه للبوت

وانا افتر هناك طالعت الساعه شفتها 7 و 40 دقيقه

قلت بس

الحين دوديت راحت الدوام و من هناك اشبكت بالمنتدى , والحين اكيد كاتبه شي

دخلت المنتدى وله شنو شفت ؟

شفتج كاتبه هاهاهاهاهاها

يعني شوفوني نكته

المهم

خلاص مابي اطر , بتأقلم مع وضعي , بس انا يوم اخذت قرض مو عشان العب فيه واشتري خرابيط . اخذته عشان اتزوج و ليتني ماتزوجت و عشان نبني بيتنا . بيتنا صار زغير علينا و انا مع اخواني و الباقيين تقريبا 6 عوائل .. قلنا نهدم البيت اللي اهو بيتنا واللي يتكون من دورين و بنائه نظام قديم

اللي الحوش مساحته لو تجمعينها تطلع اكبر من مساحه البنيان , قلنا نهدمه و نبني من جد وجديد 3 ادوار بدون حوش . يعني نوسع البيت و نستغل الحوش و نضمه مع البيت لأن الحوش راح يطلع لنا لو اضفناه مع البنيان مال البيت يمكن 8 غرف ماستر , يعني مع حمامها اعزكم الله

فأنا ومن هذا المنطلق اخذت قرض , انا مسكين ترى , لاتفكرين اني اخذ قرض واخربط و العب بالفلوس وبعدين اتحسف

انا اخذت القرض عشان اعيش كأنسان

يعني لما اطر مافيها شي لأني قاعد اطر بشرف و انسانيه

بس الحين خلاص مابي شي , الفراريات و اللمبرغينيات عليكم بالعافيه

ان شاء الله اربح الجوهره و اشتري بيت واتزوج 3 بنات في بالي واعيش باقي عمري طايح بجبدكم هني

[Dudette]

ان شاء الله تتزوج اقووووووول منو هالثلاث البنات الي تبيهم :33:

وليش يعني 3 مب 4 ترا الله حلل 4

[Karazhan]

عندي حاليا 1

باقي 3 اماكن , اذا ماعندج مانع

[Dudette]

ما نع حق شو انا شو خصني فيك :bigeyes:

[Karazhan]

لا ماكو شي خلاص

[Karazhan]

الف الف الف مبروك لشرطه لأفراد شرطه الامارات

من بعد اللمبرغيني

357111

والفراري


357112


دخلت معاهم استون مارتن

357113


اللهم لا حسد

تتخرج من الابتدائي و تدخل الكليه العسكريه وتصير شرطي تسوف احدى هذه السيارات

لو تصير ضابط شنو تسوق ؟

طبعا غير البورش والكمارو و غيرهم من السيارات السبورت

مو احنا

مازلنا عالفورد

357114

و حطوا بي ام مو عشان شي الا ان الوكيل الغانم طاحوا بجبده السيارات و عملوا مناقصه معاه عشان يمشون سياراته

حتى ثبات مافيها

357115

واللي شاقح عليها تنكر

http://alwatan.kuwait.tt/resources/media/images/2011/9/143976_o.png

واللي دبتها ما تسكر

357116


واللي سارقين توايرها

http://egykwt.com/sites/default/files/styles/article_image/public/field/image/37_122.jpg?itok=1Hzm4Uj9



357117

عدو الشعب





---

اليوم امتحاني و مارحت , شكلي بسقط

نمت الساعه 10 بعد معاناه بالفراش و لما نمت قعدت 7 المغرب

شسوي الحين ؟؟

[Karazhan]

نسيت اقولكم ترى في مسابقه اجمل بروفايل مو شرط شنو البروفايل المهم ان في مسابقه لأجمل بروفايل يعجب لجنه التحكيم

شاركوا فيها يمكن تحصلون شي


انا عرفت اني انسان شرير متى ؟

لما نزلوا مسابقه اجمل بروفايل خاص بالانمي , تصدقون محد شارك لأن مو هوايته او من المعجبين بالانمي , انا لما شفت جذي قلت هذا 100% فرصه لي اني اشارك واكسب ال10 جوائز ومحد يشاركني فيهم

لكن قبل ان يقفل الموضوع و يتكنسل بساعات فكرت فيها وقلت معقوله كل الناس مافيهم شرير ؟ معقوله كل الاعضاء طيبين و اذا شي مو من اهتمامهم مايشاركون فيه ؟

انا لو يحطون مسابقه مكياج اشارك فيها , لا و ادش بقوه بعد و اجيش الجيوش عشان افوز وبالنهايه ما اجيب الا صوتي

بس قلت فشله اشارك بروحي , الناس راح يقولون ولد بطنها انت منافق , عمرنا ماشفناك بالانمي ولا شفناك حاط صوره بالتوقيع او الرمزيه او الملف الشخصي صوره تتعلق بالانمي

انا بصراحه ايدي تحكني , ودي اشارك بس متردد , مو حلوه بروحي اللي مشارك وانا نصاب والكل يدري اني نصاب

احرجوني الشرفاء اللي مايشاركون الا باللي يهتمون فيه , اما الاشرار واعتقد اني الوحيد الشرير بالمنتدى واللي يشاركون بكل شي يعني من اهتمامهم و هم نصابين ماشفت احد مشارك

بالحاله هذي ترددت وقلت اشارك او لأ

ولما بالنهايه شهواتي الشريره غلبت الطيب فيني و قررت اشارك تم قفل الموضوع و الغاء المسابقه

قلت اشوه ما شاركت جان فضيحتي صارت بجلاجل ويمكن يكتبون تحت اسمي بدل عضو متواصل الابداع يكتبون النصاب

لكن الحين المسابقه لكل شي , المهم الملف يكون جميل و مرتب و الكتابه واضحه فيه , انا ملفي وردي و الكتابه واضحه فيه يعني راح اخذ نقاط على وضوح الوان الكتابه و الخيارات الموجوده و اسماء الزائرين كلهم واضحين ماشاء الله فوق ال15 الف زائر

لو كل واحد يعطيني 10 دنانير ماراح تضره بشي راح اطلع

لحظه احسبها بالاله الحاسبه

10 دنانير * 15 الف = 150 الف دينار كويتي

يعني اسدد قرضي و اشتري ماطور كهربا و ايباد ميني 64 جيجا wifi+4g و اشتري سياره صالون للديره اخذ كيا كوندليزا مادري قودزيلا شي جذي بس اعلى وحده و اروح اتعشى و اتغدا واتريق في مطعم فرايديز مده اسبوع و اسافر تايلند اقعد 3 شهور و اذا عارضت زوجتي اطلقها واعطيها نفقتها مقدما

وبعد شنو

عقليه محروم , شنو ماطور و ايباد , والله ياجماعه حد تفكيري جذي . انسان بسيط مابي شي

المهم اني راح اطلع مبلغ دسم من الجمهور الكريم

نرجع لمحور حديثنا

المسابقه حسب ماسمعت باقيلها شهر , يعني بيوم واحد او ساعه او نص ساعه تضبط الملف و تاخذ صوره واذا ماتعرف شلون تاخذ صوره سو نفسي . ادخل اليوتيوب واكتب شلون اخذ صوره سكرين شوت وراح يعلمونك

وبعدين حطها بالموضوع وانطر حظك

6 سنوات ناطر حظي مع البنك اني اربح الجوهره و ماكو فايده . يمكن نربح هني

[Sergelion]

الجيلد ماستر القديم، اللي خذ من البنك 14 ألف وخلانا على حافة الفقر، طلع من الجيلد وشكله مسح حسابه، لكن قبل لا يطلع قبل ثلاث ساعات أودع في البنك 86 ألف، رحت أطرشله ويسبر لكنه غير موجود، رحت أبطرشله ايميل لكن طلعلي Cannot find mail recipient (هل هذا يعني أنه مسح حسابه؟ أتمنى حد يوضحلي)

مسكين وأنا ظلمته قلت بيروح جيلد ثاني أو يكون بياع جولد أو أو أو :(

[arlund]

شايل القسم Karazhan ما يقصر يحب يساعد
أرسل تحياتي للملك و خويك اللي عروقه بالماي و الثالث اللي منخش في السرداب
ويش أخبار البوت معك :p؟

[Karazhan]

الجيلد ماستر القديم، اللي خذ من البنك 14 ألف وخلانا على حافة الفقر، طلع من الجيلد وشكله مسح حسابه، لكن قبل لا يطلع قبل ثلاث ساعات أودع في البنك 86 ألف، رحت أطرشله ويسبر لكنه غير موجود، رحت أبطرشله ايميل لكن طلعلي Cannot find mail recipient (هل هذا يعني أنه مسح حسابه؟ أتمنى حد يوضحلي)

مسكين وأنا ظلمته قلت بيروح جيلد ثاني أو يكون بياع جولد أو أو أو :(


يمكن غير السيرفر او اهو من سيرفر ثاني وبالبحث ماتحصله لأن الحين بليزرد دامجين اكثر من سيرفر مع بعض

يمكن مسح شخصيته او انصك باند ماتدري

الله اعلم

[Karazhan]

شايل القسم Karazhan ما يقصر يحب يساعد
أرسل تحياتي للملك و خويك اللي عروقه بالماي و الثالث اللي منخش في السرداب
ويش أخبار البوت معك :p؟


الله يسلمك . هذا واجبنا

وان شاء الله اوصل سلامك للملك . اهو شخص واحد بس , الملك و اللي عروقه بالماي واللي بالسرداب كلهم شخص واحد اللي اهو رفيجي مؤيد جمبري , اسمه مؤيد ابراهيم و عيارته جمبري بس لاتقوله ترى يزعل

لكن ابشرك الرجل طلع من السرداب من فتره والحين يقعد بالمزارع , صار مزارع الرجل من بعد ماكان صاحب الرايد اللي يحارب في ازيروث و اوتلاند

الحين بعد ان ابوه حصل فلوس من التثمين , عندهم بيت في منطقه عزابيه اسمها الجليب , والحكومه تبي تحول الجليب الى منطقه تجاريه , ثمنت جميع البيوت في احدى القطع من المنطقه , وابوه اللي اهو ابراهيم جمبري حظه قايم , بيته من ضمن البيوت

طبعا مو بيته , اهو بيتهم بالرميثيه , لكن بيته اللي بالجليب مؤجر على عزابيه من الجنسيه الاسيويه , بالعربي تدخل الجليب واهي اسمها الكامل جليب الشيوخ , بس اختصار الجليب , يعني تسأل اي كويتي تقوله وين الجليب يقولك وين

المهم ثمنوا بيتهم بمبلغ ماقال كم لكن قال مبلغ طيب

رفيجي مؤيد جمبري اللي اهو ملك اللعبه كانت سيارته متسوبيشي كولت اللي تجي باب واحد

بعد التثمين جيب لاندكلوزر موديل السنه , يوم شفته بجيت وقلت الله يالدنيا , والله قهر جمبري لاندكلوزر


المهم ان ابوه بعد ما ضبط عياله راح واشترى مزرعه بالوفره , ورفيجي طايح هناك كل يوم , ينام النهار ويقعد العصر . وكل يوم يدق علي يقولي تعال , بشوفك كل يوم بالمزرعه

زهقت كل مره اروحله يعطيني خيار او طماط , اذا كان موسم الباميا يعطيني واذا موسم القرع يعطيني , يعني شنو الموسم يعطين اللي زارعه لما ترجع

ناطره متى يزرع فلوس عشان يعطيني

قبل شوي داق علي يقولي تعال عندي حمام زاجل فروخ بسويهم عشا


المهم هذي السالفه كلها

عسى بس ما ازعجتك بالقصه ؟ مو ضروري تقرأ اذا مالك خلق

شعقبه

انت شلونك وشخبارك , طولت بالغيبه الله يسلمك . تركت اللعبه يعني وماقمت تهتم بالمنتدى او كنت مسافر بانكوك مثلا ونسيت الدنيا واللي فيها

[Sergelion]

يمكن غير السيرفر او اهو من سيرفر ثاني وبالبحث ماتحصله لأن الحين بليزرد دامجين اكثر من سيرفر مع بعض

يمكن مسح شخصيته او انصك باند ماتدري

الله اعلم



مادري كل الاحتمالات وارده، الله يعين

ومشكور

[Dudette]

شايل القسم Karazhan ما يقصر يحب يساعد
أرسل تحياتي للملك و خويك اللي عروقه بالماي و الثالث اللي منخش في السرداب
ويش أخبار البوت معك :p؟

وانا :cray: هاي اخرتها :12:

[Karazhan]

ويبقى الملك بالصداره
ولد بطنها اللي عروقه بالماي

ارواحنا له الفداء

[darkitp]

كازا .. عندي كم سؤال ..

قريت من قبل فترة بان احد هنا يبيع ويشتري اكاونتات أو خدمات من warcraft عن طريق Ebay ..
كيف الطريقة ؟ و هل يقبلون الشراء بالـ Paypal ? او بطاقة حساب visa /mastercard

أو هناك مواقع ثانية معتمدة لهالامور ؟

و هل لك خبرة في الـ Paypal ? محتاج مساعدة لو مجرب و لك خبرة !

[Karazhan]

مافي اكاونتات في ايباي , يمكن بالخش والدس لأن لو يصيدونهم بليزرد على طول باند نهائي

وعموم الايباي كله بالباي بال او تقريبا من تسوقي فيه شفت ان 90% من الناس يطلبون الدفع بالباي بال فقط

اما الخبره حسب شنو ؟ انا عندي باي بال واشتري منه , هذا حدي فيه

بيني وبينك

غير وجها لوجه لاتشتري اكاونت :)

كثير واخرهم اخوي شرى من موقع offgames اكاونتين و اثنينهم انضربوا عليه , هالموقع من اشهر مواقع اللعبه ومن المواقع المعتمده لكن راحت فلوسه عالفاضي لأن اللي يبيع اكاونته عنده اكثر من طريقه للنصب و استرجاع الاكاونت

فأنت او اي شخص تعرفه يبي يشتري ابعدوا عن شراء الانترنت

[darkitp]

بخصوص الباي بال .. فعندي مشكلة معاهم ..
من قبل فترة وصلني مبلغ كبير على حسابي بالباي بال , و الحين ابغي احول المبلغ لحسابي ..

المشكلة اني ما اقدر احول إلا 500 دولار فقط بكل عملية ..
و الحرامية ياخذون منك 5 دولارا و غير هذا ما تقدر تحول المبلغ بالدولار , و لازم تحوله بالدرهم ..

يعني شوف ال 500 دولار بالدرهم كم ؟
http://www.xe.com/currencyconverter/convert/?Amount=500&From=USD&To=AED
يصير = 1,836.25

و لما اطلب من باي بال التحويل , يقولون لي بان المبلغ راح يكون 1770 درهم - 20 درهم عمولة !
فتخيل بانهم ينصبون 80 - 90 درهم من كل 500 ..
و انا حسابي بالامارات هو اساسا بالدولار .. فلما بيوصلني المبلغ فراح يوصل على انه 460 دولار هذا يعني بأنه راح مني 40 - 35 دولار و هذا اقل من المفترض عليه تماما !

فانا اللي افكر فيه بدل ما احول المبلغ , اروح اشتري بطاقات amazon من نفس السعر ..
يعني اخذ 500 او 150 دولار امازون و بالتالي اقدر استغلها مثل ما ابغي بدون ما اخسر فلوسي على باي بال الحرامية ..
مثل هذا : Amazon gift card $150 (http://www.ebay.com/itm/Amazon-gift-card-150/130899767335?ssPageName=WDVW&rd=1&ih=003&category=172009&cmd=ViewItem)

بس المشكلة موب عارف او واثق من Ebay كثير ..
هل راح يقبلون بحساب الباي بال من دولة ثانية غير امريكا و حساب الشحن لمدينة بامريكا ؟ او هل اقدر اشتري البطاقات اون لاين ..
اخاف اجرب و بالتالي ينصبون علي و ما اقدر استرجع المبلغ ..

[Karazhan]

بعد عمري دارك آي تي بي انت تتكلم مره عن امازون و مره ايباي , انت تبي تشتري كروت امازون من ايباي يعني او انت سهران و صار ضرب براسك بين المواقع

شوف من ناحيه امازون ماعمري شفت انهم يطلبون باي بال , مدري اذا تمشي عندهم او لأ لكن انا شخصيا اشتري منهم بالفيزا و مااذكر اني شفت باي بال


يمكن صحيح ماعندهم وانت ملاحظ هالشي و تقولي انك تبي تشتري كروتهم من ebay لأن هالموقع يقبل الباي بال

صح جذي قصدك ؟


شوف الايباي هذا مثل المزاد , اي شخص يعرض بضاعته و الناس تشتري منه . على الله

ينصب عليك او يصير خوش ولد انت وحظك

لكن الموقع مشدد عليهم ويطلب بياناتهم والاتصال فيهم عشان يتأكد من كل شي واعتقد والله اعلم انه يطلب منهم صور جواز او بطاقه الضمان الصحي او شي جذي يعني , مو متأكد منها

انا شريت من الموقع اكثر من مره , من امريكا و ماليزيا والصين وكل شي وصلني ولله الحمد

اذا انت تبي تتأكد من البياع ثقه او لأ شوف السلعه او اي شي عارضه للبيع وشوف يمين الصفحه , راح تشوف تقييم الموقع والناس له

357168


هذا البائع مثلا ثقه 100% لأن الموقع معطيه وسام اللي تشوفه يمين التقييم ومكتوب فيه توب راتد بلس وشوف بين قوسين نجمه حمره و عندها 4833 يعني 4833 شخص مدح هذا البايع لبضاعته وارسالها والخدمه اللي يقدمها وتحت 99% من الرد على الناس وخدمتهم

يعني بالعربي هذا البياع ثقه و اشتر منه وانت مغمض

فأنت شوف اللي تشتري منه هل ثقه نفس صاحبنا هذا او لأ , انا شريت من ناس عندهم التقييم 1 يعني بائع جديد و ارسلي الطلب بدون اي مشكله

واحد تأخر علي وكان جديد وقالي الارسال بعد شهر , اهو كاتب جذي بس انا ماقريت لأني ميح انجليزي المهم اشتكيت عليه بالموقع , وعطيته تقييم سالب , تدري قعدت يترجاني ليل نهار اشيل التقييم السالب عنه ويعطيني الطلب مجانا , كسر خاطري جان اشيله منه

وفعلا بعدين قريت وشفت ابن الحلال كاتب للي يبي يشتري ترى الارسال بعد شهر , وفعلا ارسلها لي

بالايباي الكل يبي السمعه الطيبه عشان يبيع و الناس تشوف انه مضمون و الكل يمدحه , السمعه اساس النجاح بالايباي

فأنت والخلاصه يعني شوف تقييم الناس للبائع و اذا شفت انه حاصل على تقييم عالي اشتر منه وحط البريد مالك , انا عندي باي بال و اشتري منه بموقعهم وارسل للبريد بأمريكا و كل شي تمام




اتمنى ان هذا القصد من سؤالك ولا اكون ضايع

[Karazhan]

شفت الرقم اللي بين قوسين 4833 هذا

اي بياع ان شفت رقم بين قوسين اضغط على الرقم وشوف الناس اللي كاتبه , شوفهم يمدحونه او يسبونه , شوف نيجاتيف او ناتشرل او بوستيف

انت تدري عن هالامور مايحتاج يعني اقولك

ف ليش خايف ؟

بس حرام كل هذا عشان كروت امازون , الا اذا تتاجر فيهم غير

[Karazhan]

كبدايه ومن المستحسن انك تطلب شي رخيص ابو دولار او دولارين

او مثل هذي

http://www.ebay.com/itm/Double-Fire-Windproof-Refillable-Butane-Cigarette-Lighter-Gray-/130758865309?pt=LH_DefaultDomain_0&hash=item1e71d5f19d (http://www.ebay.com/itm/Double-Fire-Windproof-Refillable-Butane-Cigarette-Lighter-Gray-/130758865309?pt=LH_DefaultDomain_0&hash=item1e71d5f19d)

مو ولاعه لأن الولاعات اعتقد بعد الشركات ماتوصلهم , انت شوف اي شي رخيص و اطلبه وشوف تمشي او لأ

اذا مشت كان بها واذا ما مشت قولي لأن انا قبل ماكان يمشي حسابي الباي بال بالموقع وبعدين سويت حركه و مشى

[darkitp]

^
لأني دايما اشتري من امازون فهو الحل المناسب بدل ما اخسر 30 دولار من كل 500 دولار ( 90 درهم )
بالتالي بكون مضيع 1000 ريال على باي بال كل ما احول نسبة بسيطة من المبلغ ..

وامازون هو المكان المناسب بالنسبة لي صراحة من اول ما بديت مع الشراء بالانترنيت ..
بس مشكلتهم خقاقين .. ما يقبلون حسابات باي بال حتى الآن !

الحين افكر احول إلى Play-asia اللي حاط اعلانات لهم فوق الصفحة ..
يمكن مع الوقت نستثمر معاهم سوق خاص بالشراء من الأفلام و الألعاب و الامور الاخرى اللي يقدمها الموقع
و العوائد تروح على شكل جوائز للاعضاء ..

[Karazhan]

شفت هذا ابو الولاعه ؟ عنده 830 الف شخص يمدحه وفوق هذا الموقع معطيه وسام شكرا لك

هذا ثقه

لو انا كان حطيت ايفون وقلت ب10 دولار ياجماعه تلحق ما تلحق

وال830 الف شخص كلهم يشترون مني الايفون الوهمي ب10 دولار و عليك الحساب

ابيع لهم هوى وانحاش

لحظه بحسبها

83000 من 10 دولار = 830000 ياساتر

انا شرير اسويها لكن هذا الشخص يبي سمعه و ثقه بينه وبين الناس

وله كان بدقيقه يسدد قرضه الاهبل

لا واقولهم 10 دولار للتوصيل بعد

يعني 830000 + 830000 = 1,660,000 يدافع البلا

انا مليونير صرت

[Karazhan]

امازون زين لكن مو كل شي عنده , يعني اقلام كارتير تعبت وانا كل يوم ابحث و كنت نفسك ما اثق او متخوف من الايباي

وكانوا يطلبون باي بال وماكنت اعرفلها و لما تعلمت وحطيتها مااشتغلت مع اني شريت فيها من موقع جيلد وور اللعبه لكن في ايباي ماتشتغل و دخلت عالبروفايل و حذفتها منه و بعدين دخلتها مره ثانيه وصارت تمام

ايباي الحلو فيه ان مزاد يفتح بسعر التراب و انت وحظك تشتريه بأقل من سعره او بسعره ومرات يصعد اذا كان مو بالسوق او منقطع من التصنيع

لكن تقريبا كل شي تحصله عنده لأن ناس و تعرض بضاعتها

اما من الناحيه الثقه ومن خلال تجربتي معاهم بأكثر من بياع ومن مختلف الدول , والله ماشفت شي سيئ صراحه و كلهم ثقات , ونفس ماقلتلك تشوف التقييم عند اسمه , اما يكون تقييم من الناس او الناس والموقع نفسه يعطيه وسام

و انت اللي حاط رابطه مال الكروت انا دشيته وشفت الناس تمدحه , ان شاء الله انه ثقه , لو انك تبحث عن غيره بعد يكون افضل , اللي يكون عندهم نفس ابو الولاعه هذا 830 الف شخص

انا مندوب الملك وماعندي تلاميذ كثر ابو ولاعه

بس اطلب شي بسيط جرب الحساب اول شوفه يمشي او يوهقك ويقطك على صخر

[darkitp]

انا شريت من الموقع اكثر من مره , من امريكا و ماليزيا والصين وكل شي وصلني ولله الحمد

اذا انت تبي تتأكد من البياع ثقه او لأ شوف السلعه او اي شي عارضه للبيع وشوف يمين الصفحه , راح تشوف تقييم الموقع والناس له


لحظة بس , انت ردودك طويلة ومقسمة على كم رد و ضيعتك شوي

بخصوص باي بال عندك , عنوانه محلي " الكويت " صح ؟

طيب , لما تشتري بضاعة , انت تقول


, انا عندي باي بال و اشتري منه بموقعهم وارسل للبريد بأمريكا و كل شي تمام

- شو هي خدمتك بامريكا ؟
myus , aramex , غيره ؟

- و هل هو اساسا مقبول في ebay بانك تحط حساب paypal بعنوان مختلف عن الشحن ؟
لأني حاولت كذا مرة اشتري من مواقع ثانية مثل newegg , bestbuy و رفضوا على اساس العنوان لازم يكون موحد و ما عندهم خدمة العناوين العالمية !

[Karazhan]

صح

انا قبل حاولت اشتري من موقع الماني و انجليزي و امريكي كلهم يقولون عنوانك مو مطابق ولازم باي بال على الدوله اللي تشتري منها

لكن نفس الحساب اللي رفضوه هالمواقع اهو نفسه اللي في باي بال

و طلبت على بريد ارامكس و ماي يو اس و وورلد شب و كلهم استقبلوا وما شفت اي مشاكل , اهو دام ان ebay قبل الباي بال خلاص ترسلها لأي مكان بالعالم

البياعيين نفسهم يكتبون نرسلها لأي موقع بالعالم و ياخذون فلوس حسب المكان اللي انت فيه , لكن انا بصراحه اخاف ارسلها على عنوان بيتنا دايركت من البياع لأن خوفك ماتوصل مو من البياع ولكن وزاره المواصلات عندهم موظفين مالهم خلق يشتغلون

لذلك ارسلها لبريدي بأمريكا حتى لو البائع من الصين لأني اظمن راح توصل عن طريق DHL للبيت

[darkitp]

الله يعطيك العافية ما قصرت ..
و على فكرة .. انا يمكن احط رابط او خانة في المنتدى للبحث في موقع اي باي

فلما تبحث بواسطتها و تشتري شي راح نستفد قيمة صغيره بالدعاية للمنتدى , و راح تفيدنا المبالغ في جوائز المسابقات :)

في الوقت الحالي لو تبي تفيدنا بشيء
اطرح رابط المنتج اللي تبي تشتريه بموضوع او مشاركة هنا و ادخله بعد ساعة و اشتر منه بالضغط على الرابط .. هنا انت تفيد المنتدى بالدعاية عن المنتج و شرائه !

[Karazhan]

شوف عنوان الباي بال الكويت , مااقدر حتى اغير البلد لأني حاولت قبل اغيره واحط امريكا بسبب موقع قالي لازم باي بال امريكي و قلت خلني انصب عليهم واغير البلد لكن طلعوا صايدين الحركه و ماتقدر تغير البلد

هذا الحساب اهو نفسه اللي حاطه في ايباي , و ايباي تقدر تضيف مادري كم عنوان فيه , اعتقد 4 عناوين

انت تعرف ارامكس , يعطونك حساب او صندوق بريد ل3 دول امريكا وبريطانيا والصين والحين اضافوا الامارات

انا حسابي بالايباي حاط وورد شب و ماي يو اس و ارامكس بريطانيا عشان اذا كان البائع من بريطانيا يكون اسرع يوصلي و حاط الرابع مال الصين عشان اذا البائع من الصين هم اسرع

كلهم اللي فوق طلبت عليهم الا الصيني , وكلهم وصلولي الاغراض



يعني لا تتضايق ولا تحتار

مع مندوب الملك الكل يختار

اطلب و ماعليك من احد , واذا قالولك يا دارك تي اي بي ماتقدر تطلب او العمليه مرفوضه او مانوصل لبريدك بأمريكا

تعال هني وقول ما وصلوا وانا جدام الشباب ادق شنبي واخليه مثل هتلر و اقص شعري بالمكينه اسويه خطين بالطول والعرض واصور نفسي واحطها هني اخلي الناس تضحك علي واقولك حط صورتي بالواجهه للمنتدى عشان الكل يشوفني ويضحك علي

اذا ارفضوا طلبك

[Karazhan]

الله يعافيك

احنا بالخدمه يااخ دارك 10 سنوات نخدمه بلا كلل او ملل وان شاء الله مستمرون على هذا المنهاج

انا لو غني كان خليت كل مواقع العالم تترجاك تحط اعلانات لهم هني , بس ان شاء الله اذا بطلب شي بحط الرابط هني

بس خوفك يدخلون الناس و يحطون اسعار ويحرموني منها و انا بعد ترى تطلباتي تفشل استحي احطها هههههههه امور خاصه


المهم ان انت الحين روح جرب وشوف على ولاعه مو بال500 دولار تضربها مره وحده

جرب ولاعه او شي ب99 سنت

موفق خير و ان شاء الله تمشي امورك وتفكني من دق الشنب

[Karazhan]

السلام عليكم جميعا

انا بكتب المشاركه هذي بدون اعدل او امسح اي بدليه , بخلي كل شي نفس ما اهو , حتى لو اكتب شي بعدين افكر اغيره ماراح امسحه بخليه وبكتب وراه الكلام الجديد , يعني بالعربي كأني قاعد معاكم وجها لوجه واسولف و البدليات والكلام اللي اقوله و بعدين اشوف انه غلط وامسحه واكتب غيره ماراح

انتوا فاهمين قصدي او لأ ؟

يعني الحين لما امك تدق على ام رفيجك وتقولها ترى فلان ولدي راح يجي ولدج , ياليت لو تحرسون عليه ومايضيع و تخلين الخدامه تراقبهم و هم يلعبون عشان مايطلعون بالشارع وتدعمهم سياره او يضيعون او يجيهم الحرامي ياخذهم "الحرامي بعدين عرفت ان قصدهم عربجي" وله الحرامي شنو يبي فينا ؟

فأنت لما تقعد مع رفيجك تسولف ولما تقط بدليه شنو يصير ؟ رفيجك يضحك

انت ماتقدر تكتب الكلام في مخك و بعدين تصحح البدليات او تكتب كلام وبعدين تقول لا الكلام هذا مو مناسب خلني امسحه واكتب شي غيره

مايصير لأن انت تتكلم وبعدين تستوعب

انا ومن هذا المنطلق راح اكتب كل شي يمر على بالي و اذا طلعت بدليه ماراح امسحها واذا قلت كلام مو مناسب ماراح امسحه واكتب غيره

طبعا مني ورايح راح يكون هذا الشي , انا زهقت ترى كل شوي مصحح كلامي و ماسح كلام وكاتب مكانه كلام

انا بكتب كل شي وانتوا صححوا و عدلوا

عرفتوا شلون

وين الملايين ؟

الدم العربي وين ؟

النفط العربي وين ؟

المال العربي وين ؟

وين الملايين ؟

اغنيه بالثمانينات هذي ترى مو قاعد انادي التلاميذ

انا توني رجعت من الدوام , اي انا دوامي اوقع وارجع

قبل كان دوامي بالسالميه , كان يوم ب3 اسابيع , وبعدين صار يوم بأسبوع وبعدين يوم ب3 ايام

كل يوم جمعه يستلم واحد فينا مناوبه , ويقعد بروحه بالدوام يرد على شكاوي الناس

انا مجرم , سافرت

وصار علينا مطر غزير وصادف يوم الجمعه و انا كان دوري مناوبه , دق المدير الشيخ و شاف ماكو احد جان يعفس الدوام

كل ربعي البالغ عددهم 250 شخص اتفقوا واجمعوا ان محد عافس دوامنا الا انا , اللي اهو انا . ليش ؟

لأن كل ما اضرب عالدوام تصير كبسه من قبل المدير الشيخ , مديرنا شيخ

المهم اعتفس الدوام وصرت كل مااروح مكان يقولولي انت اللي تجيب لنا المشاكل

انا بعدين لما شفت جذي و شفت الناس تنقل من دوامنا وتروح دوام ثاني فلاتي , قلت انقل مع المصبنه بعد شنو يقعدني

رحت دوامي هذا اللي انا فيه الحين , كان يوم بسنه , بعدين يوم بشهر , بعدين يوم ب3 ايام والحين صباحي

السالفه شنو ؟ اني اروح الساعه 6 الصبح

يعني انتوا طالعوا ساعتكم اذا شفتوها 6 تخيلوني انا بالسيار ه رايح الدوام

ننطر الهندي يجي يفتح الباب مال مكتب المهندس لأن التوقيع داخل . يعني على 6 ونص او ربع , يفتح و نوقع ونوقع لأي واحد نعرفه ونرجع بيوتنا

يعني حابين يذلونا . لا احنا اللي نداوم ولا احنا اللي قاعدين في بيوتنا , عرفتوا شلون او لا

يعني لا المدير قال داوموا من 7 الى 2 الض الظهر وات ولا قال لا تشوفكم عيني وتعالوا بالشهر مره وقعوا للشهر و اذلفوا

عشان جذي تشوفوني طايح بجبدكم طول السنوات هذي , تقولون هذا ليش يسهر ماعندخ ه عنده دوام او شغل يسويخ يسويخ يوس س يسويه

اي حبيبي لا دوام ولا نيله شنو انا صقعه اداوم


بقولكم قصه حياتي باللب باللعبه لما كان لفل 70 و بقينا انا ورفيجي اللي عروقه بالماي طبعا و رفيجي الثاني

بس مو الحين بعد شوي . انا وين بروح منكم يعني , قاعد لاتخافون


على فكره انا د ترا ترى ادش مخفي ليش ؟ سألو سألتوني لش ب ليش جميل

انا جهازي الكمبيوتر شغال 24 ساعه ليش عشان اللعبه مشغل بونت بوت , و صفحه المنتدىة المنتدى موجوده و صفحات ثانيه . الناس كانت تشوفني موجود تقول هذا قليل ادب مايسحتي يستحي 24 ساعه مطيح بالانترنت ماوراه شغل ولا مشغله

انا انجرخ انجرحت وقلت ياجماعه مو انا , انا ام اكون نايم والنك متعلق بالمنتدى او طالع او حتى اروح المهيم المخيم او مزرعه والم والكن والكمبيوتر شغال وانتوا على بالكم انا مجابله

عشان دذي جذي ادش مخفي عشان محد يقول هذا مايستحي

يعني توقع بأي وقت تكتب شي اطلب اطلعلك , وساعات تشوف اسمي وتكلمني بس ماارد تقول هذا داق الثقل علينا

لا انا ماادق الثقل بس مو موجود , الحين مخفي

بس على فكره لا تدشون مخفي وعلى بالكم محد يشوفكم

اي ترى الاداره يشف يشوفون كل شي , مو حكومه , مايخفى على الحكومه شي , هذا بره النت , وداخل النت مايخفى هالاداره شي

ديروا بالكم


برب

[ahmedksawow]

السلام عليكم. ابا اعرف من فين اشتري واو في محلات غير جرير تبيع ولا لا انا من جدة بالله ساعدوني من فين اشتريها أبها سيدي أبا الخمس أجزاء :33:

[darkitp]

اليوم جربت اشتري من أول شخص في Ebay ..
خذت لي هذا Elgato 10025010 Game Capture HD (http://www.ebay.com/itm/Elgato-10025010-Game-Capture-HD-PlayStation-3-Xbox-360-Recorder-for-Mac-PC-/330918802240?pt=US_Video_Capture_TV_Tuner_Cards&hash=item4d0c4c3340) بسعر 165 دولار ( بامازون اغلى مع الضريبة 185 دولار ) ,,
ابغي اسوي فيديوهات العاب للمنتدى ان شاء الله ..
يقولي بان الشحن بيوصل بين تاريخ 8 إلى تاريخ 21 .. عاد ما ادري كيف يحسبون الارسال ..

[Karazhan]

165 سعره بس توصيله جم ؟

اهو يقولك السعر هذا وتحت يكتب التوصيل ان كان مثلا امريكا 15 دولار واذا اسيا 20 دولار وهكذا

بس لا تدمن عليه و تنفقر مثلي , حتى الفنايل قمت اشتريهم من بره

[Karazhan]

السلام عليكم. ابا اعرف من فين اشتري واو في محلات غير جرير تبيع ولا لا انا من جدة بالله ساعدوني من فين اشتريها أبها سيدي أبا الخمس أجزاء :33:






اخي الكريم

ليش انت تحاول تشتري اللعبه دسكات ؟

مع انك لو تشتريها سيديات من تنزل اللعبه عندك راح يصيرون بلا اي معنى , السيدي اهو مجرد تنزل منه اللعبه

تدفع عليه فلوس عالفاضي

لكن شوف محلات متخصصه بالالعاب , يعني معقوله جده مافيها مكان تجتمع فيه محلات العاب , لو انك من الكويت كان وصلتك ل مجمع متخصص العاب . كل المحلات العاب فيه لكن جده مااعرفها

اعرف اثنين من جده و مقطعين جده كلها واثنينهم ربع كلاش اذا سامع فيه , واحد اسمه كراي مي ريفر بس بالانجليزي و الثاني بوحا بالانجليزي

بس ما اشوفهم داخلين المنتدى , اول مايدخلون بسألهم واقولك

[Karazhan]

الارسال يقول مجاني

المهم ان الباي بال مشت عادي

يعني ما ادق شنبي و اسوي راسي مثل الكره الارضيه خط الطول والعرض

[Karazhan]

دوديت ليش ساكته ؟

يعني تحرشوا فيني ؟

[Dudette]

صباح الخير

انا اشتري من ebay بس ما استعمل باي بال والصراحه كان عندي بس كل ما اسوي معامله هو يسحب درهم ومره سحب 10 دراهم ويم اطرش رساله يقولون انه هالفلوس هم يطالبوني من معاملات جديمة وهاي مب مره وحده الصراحه كذا مره صارت معاي والحين كله استعمل بطاقتي العادية واشتري فيها والحمدلله كل شي تمام :) وعندي حساب من ارامكس ومثل ما قال بو شنب 3 اكاونتات في امريكا وبريطانيا والصين واغلى منطقة توصيل للامارات وفوقهم الشحن مال ارامكس

[Dudette]

:( مب انت الملك والفضل كله لك :12:

بسكت ليش اتكلم

لايكون لاني بنت ويستحون يكلموني :33: واعلية يحليلهم لعيبتنا :o

[Dudette]

بالمناسبه شوف هالخبر اليوم نازل بالجريده

http://www.emaratalyoum.com/local-section/other/2013-05-06-1.572145

[Karazhan]

الله واكبر

هذي بس لو ابيعها اسكر ديوني كلهم , لا ويطلعلي مبلغ محترم بعد اشتري كمبيوتر جديد مثل مالي هذا بس الاجدد


357211



واشتري ايباد ميني 128 جيجا واي فاي + فور جي و اشتري جدر ضغط 8 لتر و اشتري ماطور كهربا هوندا 2000 شمعه

جذي اكون حققت كل احلامي

[Karazhan]

يلا

اللهم لا حسد

بس ماقلتيلي , الحين اذا شخص خليجي و مثلا يعني من الكويت

تزوج اماراتيه , هل يعطونه الجنسيه الاماراتيه على طول او مايعطونه الا بعد سنين او من نفس اليوم يتنازل عن جنسيته الكويتيه وياخذ الاماراتيه ؟

يليت توضحين اذا ماتعرفين اسألي اللي عندج دام انتي بالدوام

عشان رفيجي يبي يتزوج اماراتيه و يفكر يعيش هناك

[darkitp]

^
بدل ما يعطون معاشات محترمة حق اللي يخدمون الوطن .. لا
رح اشتلي بنتلي علشان يتخشك فيها الشرطي و رصيده 0 درهم بالبنك ..

الازدحام بالشوارع 100 % و غير هذا ممنوع مطاردات الشرطة للسيارات المخالفة ..
فعلى شو ناويين على هالسيارات السريعة ؟ Grand Theft Auto ? اتوقع انهم هم اللي بيكونون سبب الحوادث المرورية في الدولة بسبب سرعتهم و طيشهم في الشوارع

[Dudette]

شو دراني بس اظن ما يعطونه وليش يبي يقط جوازه هذا ما فيه وطنية والله لو يقولونلي تبدلين جوازج والله مستحيل

:12::12::12::12::12::12::12::12::12: وليش هي ما تقط جوازها وتاخذ كويتي ؟؟؟

خل كل واحد على جوازه والعيال بيكونون على ابوهم

[Dudette]

هم يبون منظر والعالم يتكلمون عن شرطتنا

اقول بس لا تتكلمون بالسياسه

المهم ماعلينا
عندي سؤال لمشرف منتدى

الحين انا لو سويت سيرج في ebay الموجود في الموقع انتو بتعرفون انا شو شريت

واذا بتحصلون فايده ترا انا دايما اشتري منهم ولو يصير تحط لموقع امزون بعد لاني اشتري من هالموقعين اكثر شي

وشكرا

[Karazhan]

لا مو جذي السالفه دارك

عدد محدود و في اماكن معينه , في دبي اعتقد بس لأن انت عارف ان دبي تتطور و تبي تكون فيها مناطق من المستقبل , والسياح فيها بكثره و من دول العالم , عشان جذي شرطه دبي حطت السيارات هذي في اماكن معينه فيها تواجد السياح عشان يعطونهم فكره ان دبي متطوره وحتى الشرطه على سيارات فارهه


دوديت كل وحده تتزوج تتنازل عن جنسيتها عشان زوجها وعشان اهو يطالب لها بالجنسيه في بلده , بالكويت يمكن 5 سنوات و تاخذين الجنسيه ان تزوجتي كويتي , او اذا عندج عيال منه

انا لو تتزوجني اماراتيه اقط جنسيتي , ماكو وطنيه

واصير شرطي في دبي عشان اسوق بنتلي , اخر شي يقطوني على سيكل

لكن انا ابي اتزوج اماراتيه و بعرف يعطوني جنسيه او لأ , ترى انا مواطن شريف بالكويت , يعني لو اصير اماراتي ماراح اسبب مشاكل , بالعكس يستفيدون مني الكافيهات اللي عندكم حق ووركرافت , ان مندوب الملك صار اماراتي

[Karazhan]

اي يستفيدون و يبونج تشترين عن طريقهم عشان تساهمين في دعم المنتدى

انتي شنو مافيج منتدييه ؟ يعني وطنيه بس بالمنتديات

لازم تدعمين منتداج وتشترين من الرابط فوق , الرجال اول عمليه دفع فيها 165 دولار عشان بس يدعم المنتدى , هذي الوطنيه مو انتي

[Dudette]

انزين بشتري شنو هذا :28:
ولو تحط حق امزون بعد بيكون احسن

[darkitp]

بالنسبة للبحث من امازون او اي باي .. فنحن ما نشوف شو اللي ياخذونه الاعضاء .. الموقع ما يعطي هالمعلومات و هذا افضل شيء للخصوصية ..
بالنسبة لأمازون .. فانا حاط كودين في المشاركة ..
مثال :

للاوروبي
B00B59R3OG

للامريكي
B00BFO14W8


و تحطين ما بينهم كود الـ ASIN , شرط يكونون بدون تنسيق ( تضغطين على زر ازالة التنسيق , ثاني زر باللوحة )
علشان يظهر كود الصفحة اما إذا كان الكود معدل بالالوان او الحجم ما يظهر ..
ثم تطرحين المشاركة ..
او تطرحين الرابط لامازون مباشرة و بعد ساعة ترجعين له و يظهر لج بدون مشاكل
مثل ما انا مسوي بهالموضوع :
http://www.montada.com/showthread.php?t=768039

بخصوص كلامكم لزواج الاماراتيات للاجانب , فما يفقدون جوازهم إلا لو هي تنازلت بنفسها .. و الابناء يحصلون على صلاحيات خاصة بما ان الام اماراتية و هذا شيء طيب
بس المشكلة الحين فيه مجموعة عنصرية بالدولة , حاقدين على ابناء المواطنات و الموافدين و كانهم سارقين حلال ابوهم !
ما ادري شو يدخلهم بهالعيال المساكين ..
الاب الموافد ياخذ نص معاش الاماراتي من ( 18 أو 26 ألف للاماراتي ) إلى ( 9 أو 13 ألاف بس للموافد ) و الاثنين يشتغلون بنفس القطاع و بنفس الوظيفة !
و بالاضافة إلى هذا يدفع قيمة ضريبة المعيشة ( الفيزة و " بطاقة الهوية " اللي ما لها قيمة أساسا بما ان الفيزة موجودة , البطاقة الصحية , الكهرباء و الماء بقيمة كاملة , قيمة السكن او الايجار و غيرها و غيرها من الامور )
حتى منهم ما يقدر يشتري بيت وحتى ولو هو مولود بالبلاد أو ساكن 20 سنة !

الله يعين بس !

الحلو بالامارات و الحمد لله الأمان و الاستقرار ولو لا هذا , لانحاشوا كل الموافدين من الدولة ..
لولا المشكلة نسبة الفلبينيين و الهنود و البنغالية و الباكستانية و الافغانية اكثر من الاماراتيين و الوفود العرب ..

[Karazhan]

احنا بالكويت الخليجي او يعني مواطن من مجلس التعاون يدخل ويطلع على كيفه , لا فيزا ولا شي و المعامله مثل الكويتي بالضبط

الوظائف ماادري كم يستلمون رواتب لكن يستلمون شي طيب اذا مو نفس الكويتي يمكن اقل بشي بسيط , عكس لما يكون من غير مواطنيي مجلس التعاون

بس اللي اسمعه ان الامارات كبيره والمواطنين شويه , يعني على قوله الدكتور عبدالله النفيسي يقول في دبي تشوف الاماراتي بالدربيل

انا رحت الامارات و دبي تحديدا صراحه ماشفت اماراتي , حتى ان البلديه اهي تعطي مخالفات سيارات مو نفسنا الداخليه يعطون مخالفات , صكني مخالفه الله يسامحه لأني صافط غلط

وسمعت بعد من شخص هني يقول ان القضاه عندنا اغلبهم سودانيين

يمكن الشعب شوي والحكومه تستعين من الخارج , الكل مستفيد مافيها شي

لكن بخصوص الجنسيه ماتسقط من احد ان تزوج من اي مكان , الا اذا اهو تنازل عنها عشان ياخذ جنسيه البلد اللي يعيش فيها . عندنا بالكويت ممنوع ازدواجيه الجنسيه . يعني يكون كويتي وعنده جنسيه لدوله ثانيه , اذا صادوه يخيرونه بين وحده فيهم

طبعا التجار كلهم و ناس بعد مو شويه عندهم اكثر من جنسيه


نرجع لمحور حديثنا


مافهمت شي من اللي تقوله , انتوا مهندسين كمبيوتر وانا ماافهم بالامور هذي

بس بحاول اتعبث واشوف

[Karazhan]

عرفت احط خط هههههه

بدل قبل احط

---------

[Karazhan]

حاولت بس ماضبط

شوف

B000TMCYY4

[Karazhan]

مايطلع شي

يعني اضغط امازون من اللي فوق المشاركه مال الامريكي و احط رابط السلعه بينهم و بس

الكلمه اللي تقول حطها بينهم ASIN هذي شنو ؟
وين احصلها بالخيارات او اكتبها جذي بينهم , بينهم شنو , اي صح بينهم شنو ؟ انا بس شغله بحطها مو شغلتين

[darkitp]

لا تحط كل الرابط يا كازا ..

روح على سلعة في امازون .. و ابحث في معلومات السلعة بالاسفل شيء اسمه ASIN قدامه رقم او رمز.. مثل ما تشتري من السوق فيها بار كود , هذا رقم خاص بالسلعة ..
وهو اختصار لـ Amazon Standard Identification Number

تنسخه و تحطه في الكود
مثلا اللي حطيته انت رقمه B000TMCYY4

[Karazhan]

تصدق طلعت

شوفها فوق طلع البطريق بينقووووو

حطيت الرابط كامل وراسك , بس الظاهر تاخذ وقت شوي وبعدين تطلع

ترى انا غبي بالسوالف هذي يعني لازم اقول انا غبي بالكمبيوتر

بس ضبطت :)

بتعبث بعد لين تزهقون مني وتصكوني توقيف

برب

[Karazhan]

ASIN: B000VD5IAI

طحت عليه


B000VD5IAI

[Karazhan]

هههههههههههههههههههههههه

انا ملك امازون

[Karazhan]

الحين اذا بشتري شي مثلا

اسوي جذي ؟

طيب اذا سويت جذي وبعدين ؟ احط السلعه بالمنتدى وبعدين ادخل عليها مره ثانيه من المنتدى واشتريها او مجرد اني احطها و خلاص ادش امازون نفسه واشتريها عادي ؟

و احط السلعه وين ؟ قسم مخصص للشراء من النت بتسوي او بأي مكان بالمنتدى احط السلعه وادخل عليها المهم اني ادخل من خلال المنتدى


لازم تنورنا يا مدير

[Dudette]

انا معاك في كل شي الفرق يكون في علاوه مواطن مثلا الراتب الاساسي 10000 وعلاوه مواطن 10000 ويكون مجموع راتبه 20000 اما للوافد او الخليجي يكون راتب اساسي وبس ومعاشه 10000 والله هاي في الدائرة الحكومية الي انا اشتغل فيها ، بس عيال الحمره والكل يعرفهم (انجليز ) لهم مميزات غير مثلا الراتب الاساسي 10000 + كل سنتين ينزله 80 الى 150 الف بدل اثاث ولو ما يبي يغير الاثاث ينحط في جيبه وكل 4 سنوات سياره من 150-250 الف + العيال حتى لو اكثر من 3 عادي مشمولين في الدراسه وتذاكر السفر ودرجه اولى لبلاده وغير بدل مواصلات يعني بدل سالك وبنزين

وانا اشتغل في ال HR واسوي هالاشياء وانقهر لان المواطن قاصين عليه ويقولونله انت معاشك اكثر منهم بس ما يحصل هالبدلات

وغير وغير وغير الواحد ما يقول غير الحمدلله ، لك الحمد ولك الشكر

[Karazhan]

ماعليك ترى انا مخي نضيف وبسرعه افهم واستوعب

وله انا صرت ملك اللعبه من 2004 الى 2013 من فارغ ؟ مع اني مااعرف انجليزي لكن استوعب وافهم بسرعه

بس قولي

الطريقه التاليه شنو الحين

[Dudette]

تدري انا ما فهمت شكلي بو شنب بطرشلك اللنك وانت سولي اياه وانا اشتري :)

[Dudette]

انزين مشرف شو رايك انت او بو شنب تصورونه step by step عشان نفهم :ee2:

[Karazhan]

يامعوده اهم شي الصحه والعافيه والستر

بيت يأويج و تاكلين بالمتوسط وجبتين باليوم و تحطين راسج وتنامين مرتاحه البال هذا اهم شي ترى


بس خلينا من الامور هذي اللي تضيق الخلق وشوفي سالفه امازون

الحين عرفتي شنو تسوين او ماعرفتي الطريقه

[Karazhan]

تدري انا ما فهمت شكلي بو شنب بطرشلك اللنك وانت سولي اياه وانا اشتري :)

نسيتي تصبغين اللون

شوفي لما تصبغين اللون وين تروحين ؟ حرف A عدل اللي يمينه حجم الخط

تحت تشوفين خيارات بعد اللي تحطين صوره او فيديو , شوفي يسار علامه امازون مختصره a عدل , اليسار كلش مالت الامريكي واللي يمينها مالت البريطاني

انسخي الرابط مال السلعه في امازون و تعالي هني , اضغطي العلامه فوق مالت امازون الامريكي ان كنتي تستخدمين امريكي و حطي الرابط بين الكلمتين , نفس لما تحطين الكلام بين الاقواس عشان اللون

او روحي للسلعه شوفي تحت بالمواصفات راح تشوفين ASIN وعندها رقم خاص وهذا رقم السلعه , حطي الرقم بين الاقواس بدون تحطين رابط السلعه وبس

[Dudette]

هههههههه

والله ما عرفت ترا مخي تنك هاليومين مب مني من البي في بي

المهم وضح لاني ابي اشتري كفرات حق السامسونج جالاكسي تاب 2 ومب لاقية اشكال حلوه هني فبشتري من امزون

[darkitp]

ترى مو صعبة .. بس حط الرقم ما بين الكود على حسب الموقع ( اوروبي او امريكي ) ولو هذه صعبة .. حطوا الرابط هنا بدون الكود ..
و ارجعوا للموضوع بعد فترة .. يعني ساعة افضل , لأن الروابط تتحول اوتوماتيكي في المنتدى إلى سلعة إعلانية ..


مثلا اليوم فيه عرض على بروجيكتور صغير 3M Streaming Projector Powered by Roku

http://www.amazon.com/3M-Streaming-Projector-Powered-SPR1000/dp/B008X1BV2Y

لما تدخلونه .. خلاص .. صار متحول إلى سلعة دعائية ..

[Dudette]

مثلا هذا
ASIN: B00A1Y3GPG

[Karazhan]

357212


شوفي السلعه هذي , يمين تحت مكان اللي حاط الماوس فيه تشوفين ASIN ويمين الرقم , انتي اخذي الرقم بس وحطيه بين القوسين ملات امازون هني وتطلع

[Dudette]

(B00A1Y3GPG)

[darkitp]

اقول ابو شنب .. شكلك ما تعرف على زر Print Screen ?

لازم تصور من جوالك و تحطه بالنت .. وين عايش ؟

[Dudette]

B00A1Y3GPG

[Karazhan]

اي والله سهل يا اخ دارك لكن شنسوي ناس ماتعرف شي تقول توهم يشوفون كمبيوتر , مع ان من زمان واحنا نعرض و نحط سلع والوضع طبيعي


دوديت شفتي الرقم , اخذي الرقم بس و تعالي هني المنتدى , شوفي تغيير اللون وينه ؟ اول سطر بالخيارات صح

السطر الثاني اللي تحت شوفي اخر اختيار يسار شعار امازون صح , اضغطي عليه يطلعلك الكود مالهم بالمشاركه , حطي الرقم بوسط الكود وشوفي

B00A1Y3GPG



جذي يعني

[Dudette]

الحمدلله والشكر توني افهم انه موجود هني

[Karazhan]

اي عدل

الف الف الف مبروك الف مبروك

تو ما طار المعاش


الف الف الف مبروك عقبال ايباي و امازون الصين و فرنسا و عقبال علي بابا بعد

[Karazhan]

اقول ابو شنب .. شكلك ما تعرف على زر Print Screen ?

لازم تصور من جوالك و تحطه بالنت .. وين عايش ؟


استر على ماوجهت

[Karazhan]

الحمدلله والشكر توني افهم انه موجود هني



اي موجود من زمان

صارلي يمكن 10 سنين احط سلع من امازون ماتشوفين ؟


العتب عالنظر

[darkitp]

على فكرة .. الكود لازم يكون بدون تعديل خطوط .. فما يصير ضخم او عليه تعديل الوان او خطوط

يعني لازم يكون B00A1Y3GPG

مو B00A1Y3GPG أوB00A1Y3GPG أو B00A1Y3GPG

بهالطريقة ما راح يظهر الكود ..

[Dudette]

اقول طلعلي مستطيل بالطول لونه اصفر بس مافيه شي بس مكتوب امزون انزين وبعدين ؟

[Karazhan]

شوفو روتانا سينما

عن ابو شنب :)

[Dudette]

B00A1Y3GPG

[Karazhan]

B00A1Y3GPG


انتي حاطه الرقم بولد يعني عريض

فوق شوفي حرف B شيلي التضليل عنه خلي الرقم طبيعي ضعيف

[Karazhan]

وكفايه جذي ترى شكله زهق مننا وشكله بصكنا باند صباحي

و انصك معاج وانا مالي ذنب

[Dudette]

انزين الحين اشتريه من الرابط الي انت حطيته ؟

[Karazhan]

مدري والله الطريقه شلون

سألت دارك و ما رد شلون الطريقه

[darkitp]

إيه .. توكلي بالخير ..
و انا قلت لو استصعبتوا الـكود .. حطوا اللينك .. و ارجعوا له بعد فتح الموضوع مرة ثانية .. يعني لا تحطون المشاركة و تدخلونه على طوول .. ما راح يمشي ..
و راح اعطيكم خبر لو مشى الموضوع او لا بعد كم يوم .. لآن المعلومات ما تظهر إلا بعد تأكيد الشراء و الشحن إلى العنوان .

[Dudette]

انزين قاعدين نتعلم ويمكن في حد ذكي مثلي ويتعلم بعد :) ترا عادي مافيها شي

[Karazhan]

اي عادي الدنيا تجارب و كسب خبرات

يعني شقينا هني حطي سلع و حاولي تحطين لين تضبط معاج وتعرفين شلون

مو مهم تنصكين باند , كلها يومين ثلاثه وترجعين تكررين السالفه لين تضبطين الحركه

فداءا للعلم

انا الحين صرت خبره حتى شوفي

B00APBTIRU



شرايج فيني فنان


شوفي

B00439G3WS


فنان صح

[Dudette]

هههههههههههه اي انت مسكت حدك بس سؤال ثاني

الحين اي شي ابي اشتريه وين احطه ؟ لازم يكون في قسم للمشتريات وشي ثاني في اشيا خصوصية يعني بشتري لبس او اشيا ثانية مب لازم خلق الله كلها تطمش وتشوف شو بشتري.

معاي حق او انا غلطانه لو في طريقه ثانية نقدر نسويها يكون احسن ونفيد المنتدى

[Karazhan]

لا عادي حطي خلينا نشوف

شنو يعني كله مكسر و فانيله

او كندوره او ميهود او ماروم

بشوف مشترياتج شنو , نفسي مالها معنى او اشياء حلوه يمكن استفيد منها


و حطي هني بالقهوه واشتري بعد نص ساعه , بس ان شفتي احد سبقج و حط سعر او السلعه انباعت يعني احد فينا سرقها

[Dudette]

نقدر نخلي خانه في الملف الشخصي للتسوق ونشتري الي في خاطرنا ومحد يشوف

[Dudette]

يا حبك حق السرقات انت وشنبك

B003UPRL7M

[Dudette]

B003UPRL7M


B003UPRL7M

[darkitp]

عدلت مشاركتج ..

أضغطي على زر ازالة تنسيق علشان تختفي المشكلة ..


هذا شرح مسبق لاداوت التنسيق ..
http://www.montada.com/showthread.php?t=751377

و هذا زر ازالة التنسيق
http://www.montada.com/attachment.php?attachmentid=352417&d=1338559216

بعد ما تأشرين على الكلام كله او على الكود نفسه اضغطي عليه علشان يروح اللون او الخطوط او الحجم من الكود
B003UPRL7M

[Dudette]

شكرا شكرا وفكر في اقتراحي وبالتوفيق للكل

[Karazhan]

ليش لأن الواحد ساعات تصير عنده فلوس و وده يشتري شي لكن مايدري شنو

فأنتي لما تحطين شي يكون جميل بس مايخطر على بال اللي وده يشتري بس مايدري شنو

فأنتي تساعدين البشريه انهم يشوفون شنو يشترون

المهم

انتوا سهرتوني اكثر من اللزوم و انا ادري انتي قاعده بالدوام ماكو شغل و تبين تقزرينها علي عشان اضيع الوقت

واعتفس نومي الحين

ابي تعويض

[darkitp]

انا وضعت هذا الكود لعمل الاستعراضات على المنتجات .. مثل الموضوع اللي عرضته من قبل شوي للالعاب ..
اما وضع الكود بالخفية و استخدامه في الملف الشخصي فهذا ممنوع و راح يلغون الحساب , فراجاءا لا تعملون هالشيء

الفكرة هي عرض المنتجات الجديدة و معلوماتها , و بعدين لو تبين تشترين او حد ثاني كان خاطره يشتري مثلج , فيضغط على الرابط ..
مثلا كمال الاجسام , الشباب يتكلمون عن كثير منتجات , و يحطون روابط لها , يجي غيرهم يقرأ الموضوع و يهتم يشتري , فيضغط على الرابط ..
و بالتاللي نحن مستفيدين من زيارتهم و شرائهم من الروابط اللي عرضت في المنتدى ..

[Karazhan]

لازم اذا مهتم بالامر انك تسوي قسم خاص للشراء من الانترنت و بالقسم تحط اقسام فرعيه لأمازون و ايباي و اي مواقع مضمونه وثقه و بالاعلان والشراء والعرض يتم داخلها فقط عشان ما تبتلش بالناس ويكون عشوائي بالمنتدى كله

انا من زمان اقول حطوا قسم للتسوق عبر الانترنت و بالقسم الناس تتكلم عن افضل شركات التوصيل و تجاربهم و الامور هذي , ف يفضل ان يكون قسم خاص و الاعلان يتم بواجهه المنتدى , واذا تسوي نفس امازون تحط صور فلاش او مادري شسمها اللي تتغير كل 5 ثواني لمنتج اخر

بس مو منتجات عشوائيه من امازون نفسه , منتجات تكون اعلانات موجوده بالمنتدى , العاب او شغلات كمال اجسام او ملابس واكسسوارات حاطينها الاعضاء عطورات اقلام

بعد شنو ؟ صورتي الشخصيه يمكن ترفع المبيعات

بس خلاص خلوني انام متى بقعد الفجر؟

[Karazhan]

السلام عليكم ورحمه الله وبركاته

اخواني واخواتي اسعد الله اوقاتكم بكل خير

توني اقعد من النوم , ماادري ليش توني اقعد من النوم , قعده مالها اي معنى والسبب ؟ انتوا


ماشاء الله شنو قمه الاخلاق والاحترام اللي تكنونه لمندوب الملك ياجماعه , يعني من اسكت واقولكم بمشي انتوا تسكتون وماتتكلمون بعد احتراما و تبجيلا لي وللملك , الملك اللي افنى عمره لكم



برب بشوف الزباين اللي عندي دعوات شكر و رسائل خاصه كثيره

انا اقول للأداره لو يشيلون الاخفاء عن الاعضاء مده اسبوع ويقولون حصل خلل كان شافوا الاعضاء الثانيين بلاوي , كان المستخبي بان والسر انكشف

برب الحين

[Dudette]

صباح الخير

شخباركم شو مسوين، المهم مثل ما قال بو شنب انا يوم اكون في الدوام اكلمكم ويوم اكون في البيت عندي اشغال ثانيه مثل واو و لعبه The Croods الي فيها تحدي بيني وبين صاحباتي منو يخلصها اول

وواو وما ادراك شو واو الصراحه صدق الحين احس بوناسه اكثر يوم اذبحلي كم من اللينس يا سلام ويوم تكون في ال BG الاول او الثاني او الثالث بعد وناسه ولازم سكرين شوت للذكرى ههههههههههه

[Karazhan]

هلا دوديت

انا اذكرج من زمان تلعبين ووركرافت , تو الحين تطيحين بالبي في بي ؟

اذكر قبل كنتي تخافين لما تشوفين لاعب من الفاكشن الثاني جدامج . وكنت دايم احميج منهم و من الاشرار , تذكرين يوم كنا في ايس كراون

المهم , انتي تأخرتي صراحه , كان المفروض من زمان تدخلين البي في بي , لكن اهنيج


اي نعم اهنيج

لأنج يوم كل الناس زهقوا من اللعبه وطلعوا , و كلهم دخلوا كل مكان وانتهوا منه وبالاخير مايدرون شنو يسوون لين قرروا يتركون اللعبه انتي طقيتيها صح

كنتي كله دنجنات و بي في اي وهالسوالف , وقعدتي 5 سنين عالحال هذا ولما الناس طلعوا من اللعبه وانتي المفروض تطلعين لكن انتي في جزء من اللعبه ما عملتيه اللي اهو البي في بي و الحين طحتي فيه , يعني نعطيج 5 سنوات بعد جدام عشان تتركين اللعبه

اهنيج

من كل قلبي اهنيج , خليني اصفقلج لحظه

[Dudette]

الحين ما عرفت شكلك تطنز علي :12: اي ما احب اذبح حد مثل ما انا ما احب حد يذبحني ، عشان شي ما ادخل بي في بي ويوم ادخل مع القيلد بس امشي معاهم بدون ما اذبح حد

بس الحين غيرت رايي وصرت اذبحهم وانذبح والحمدلله ربعي الي العب معاهم موجودين ويلعبون وحتى الي تركوو اللعب الحين ردولها والحين يمكن لفلوو 90

[Karazhan]

وتلومينا قبل تقولين ليش انتوا مجرمين

شفتي شلون الاجرام شي جميل

والاجمل انج تروحين اماكن لفل 20 او 30 او 40 او او او الى 80 و تشوفين اللي قاعدين يلفلون و تذبحينهم

هذوله الناس اكثر الناس يتضايقون لما احد يذبحهم , نفس ماانتي لما تكونين لفل 30 و قاعده تلفلين وكافيه خيرج شرج فجأه تشوفين لفل 90 نازل عليج وذابحج , تتضايقين تقولين هذا مايستحي يشوفني لفل شويه يذبحني

هذي المتعه والاجرام

لما يسوي شخصيه لفل 1 بالفاكشن اللي انتي فيه ويكلمج يقولج ليش تذبحيني ؟ انا اللي ذبحتيني ابو لفل 40 , قوليله this is pvp server , ill kill everytime i find you enyet

وحتى لو يشتكي الجيم ماستر يقوله هذا سيرفر بي في بي مااقدر اسويلك شي


تعلمي من رفيجي ابو شنب ملك اللعبه اللي عروقه بالماي , تعلمي الاجرام

[Dudette]

خلاص بسوي قروب وبنسوي جانج خخخخخخخخخخخ تعلمت هاي بعد جانج

[Karazhan]

اييييييييييي جانج

وانا على بالي اسم وزير صيني الحين فهمت

امس الصبح نفس الحزه رحت اورقمار ابتلشت بالشنط اللي عندي كلهم 6 خانات وكل شوي متروسين , وناطر يفتح حسابي من ستارتر ادشن لأني دزيت جولد للشخصيه من اكاونت ثاني عشان اشتري شنط اكبر

المهم وانا عند المزاد اللي يم غرفه هلزكريم كلمني شخص وسبر قالي first toon ?

قلت اي هذي اول شخصيه لي , انا جديد باللعبه

وانا ماادري وينه , ضغط الحركه اللي اشوف معلومات عنه بالشات , لفله و وين قاعد بأي مدينه , المهم شفته rogue قوبلن لفل 86

المهم جربت البريد بشوف اقدر اشوف الرساله مالتي اللي فيها جولد و ماحصلتها , رحت البنك بحط الاغراض اللي بالشنط عشان اسوي مساحه واكمل تلفيل

بس قلت هذا ليش سألني ؟ يعني يبي يعطيني فلوس مثلا ؟

المهم طلعت من البنك ووقف بره كأني شفت روج دش وراي البنك

المهم كلمني وسبر قالي انا حاولت اعطيك جولد لكن شخصيتك ستارتر ادشن مااقدر اسوي trade معاك

قلت اي انا توني مشترك وقالولي بعد يوم او يومين تفتح

قال خلاص ان فتحت كلمني عشان اعطيك جولد . انا راح اخزن اسمك عندي اوكي . قلت اوكي شنو وراي

ماادري الظاهر حبني من اول نظره , مع ان شخصيتي اورك اخضر شايب و وهنتر و البت مالي خنزير , يعني ماكو اي شي يفتح النفس

المهم قالي اخليك الحين والكلام هذا وراح


يحليل الامريكان طيبين , مو بالاوربي ينشبون نشبه plz 1 gold

بالامريكي الناس توزع جولد



موضوع شيق صح

-

اليوم الصبح الساعه 6 رحت الدوام عشان اوقع

شفت ولد عم رفيجي يداوم معانا , رفيجي ماخذ اجازه وهذا ولد عمه

المهم تكلمنا و انا مااعرفه يعني لكن اهو يدري اني رفيج ولد عمه . المهم قالي تدري عن دوام الشفتات راح يرجعونه ؟

قلت والله مدري ياخوك بس سمعت ولد عمك يقول لواحد معانا بالقروب بالواستاب يسأله يقول ها حولت عصر

بس مافهمت قصده , يعني الحين يبون يرجعون دوامنا اللي قبل ؟

قال اي واذا تبي تنقل روح قسم الاشراف اللي اهو قسمنا و عندهم اوراق مطبوعه وخالصه اكتب اسمك و تلفونك ويدقون عليك اول ما يفتحون النقل وتروح

ويرجع دوامنا نفس قبل يوم بشهر

بس قلت اخاف يحطونه عصر لكن نظام جديد , نداوم كل يوم , قال مدري لكن صعبه نداوم كل يوم لأن ماكو احد الا الموظفين اللي هم احنا , اما المسؤولين والاداره كلهم مسكرين مكاتبهم ورايحين , منو اللي يبي يجابلنا يعني

-

كلمت رفيجي توني قال اي بس انا ماراح انقل , لأن الاعمال الممتازه والامور هذي راح تروح علينا نفس قبل , قبل ماكنا نستلم اي شي من الوزاره بسبب اننا عصر فلاتي , ليش يخسرون على ناس مثلنا

دام ان الصبح نوقع و نمشي ونقدر نضبط بينا يعني كل واحد فينا يداوم يوم بالاسبوع ويوقع لخمس اشخاص و اليوم الثاني يروح غيره يوقع وهكذا

وناخذ البونص والاعمال الممتازه وعلاوات وكل شي , نصير اوادم يعني

قلت والله فكره يالقايد انا معاك

عاد يوم رحت اوقع شفت عالكشوفات اللي فيها اوراق التوقيع ملزقين على كل كشف ورقه تعميم ان دوام العصر راح يرجع واللي يبي يحول يروح الاداره يحط اسمه

المهم خلصت ووقعت و تصافحت مع ولد عم رفيجي ولد بطنها اللي عروقه بالماي و مشيت البيت

طبعا مارحت البيت على طول , رحت جمعيه الرميثيه لأن المدام دزتلي مسج واستاب عالصبح سد نفسي , تقول ماكو حليب للعيال مر الجميعه جيب حليب

"دقيقه صمت"

رحت عاد جبت الحليب كأي زوج مضطهد مكسور الجناح ورجعت البيت و شفت البوت شغال على الوورير والهنتر

مسوي وورير الاينس بأكاونتي الاصلي والهنتر مسويه عشان مستقبلا اخليه للبوت 24 ساعه يجمع mining ويرسل لأكاونتي الرسمي , واكاونتي الرسمي اسوي فيه شخصيه لفل 1 واحطها يم المزاد و اشتري لها شنط mining بو 36 خانه ان حصلت يبيعون او 20 خانه من البياع

و استقبل من البوت واحط بالمزاد , ان صكو البوت او الهنتر باند مااتحسف عليه لأني ارسلت كل شي لأكاونتي الرسمي والهنتر ان راح سويت غيره

واشتري المزاد كله بالفلوس هذي اللي حصلت عليها بالغش





^^

اعجبتني سالفه الخطوط



عاد الحين الخلاصه يعني بشوف اذا يعطوني علاوات قعدت صبح واذا ماكو شي حولت عصر و وقتها اطيح بجبدكم صح

بس الصبح هم زين اوقع وارجع قبل الزحمه , لكن المشكله انا راح بر , واروح البر الفجر بعد صلاة الفجر ادق سلف واروح البر اوصل عالزراق قبل تطلع الشمس يعني

الفتره اللي طافت مارحت للحمام بسبب الدوام , الحمام يبيله واحد ينطره من الساعه 4 ونص . يعني انا متى اروح وشكثر اقعد هناك و الرجعه متى

عفسني الدوام وحرمني , لو عصر كان عالاقل اروح الفجر وارجع الساعه 8 او 9 الصبح وانام واقعد العصر اروح اوقع , مع ان التوقيع العصر مفتوح 24 ساعه , يعني مو شرط اقعد العصر مخصوص عشان اوقع قبل يروح علي

لا اروح المغرب او العشا او الفجر , الباب مفتوح على طول


كأني طولت واخذت راحتي ها

اخليكم عشان ماتزهقون مني ياجماعه , لا والله حبيبي لازم اخليكم عشان اعطي مجال لغيري مايصير انا مستلم القعده


بروح اسوي اكل بعد جعت على وجبتي اللي امس ماك رويال بدون طماط و جوانح

[Dudette]

انت شو تبي تقول بالضبط

المهم اكتب ترا ردووو الجماعه يقرووون بس تراك انت الملك على قولتهم وانت فيك الخير والبركه وانا بس اكتب خرابيط :12:

[Karazhan]

والله مدري شنو بقول

قاعد اخربط

انا ادري ان في ناس تقرأ بس ماتشارك , ماعندهم حب الكتابه نفسي

انا يوم كنت بالمدرسه كان استاذ حسن يدرسي عربي من اولى متوسط الى 4 وكان معجب فيني حيل ويقولي انت احسن شخص مر علي بالتعبير

مو التعبير يعطونج ورقه فيها 20 سطر يقولولج حاولي تكتبين تعبير فوق ال10 اسطر و ياحبذا لو توصلينهم 20 سطر , انا لما اكتب التعبير اندمج و اكمل بظهر الورقه لأن الاسطر ال20 ماتكفي

كان يقولي انت احسن تلميذ مر علي بالتعبير

طبعا بالامور الثانيه فاشل

خصوصا لما يعطوني اسأله سخيفه , نفس الحين لما اروح امتحن بالاسبوع اللي فات كان في اسأله تبط جبدي , اللي يقول علل

مثلا يكتب سؤال مثل جذي

التويوتا سياره يابانيه , علل ؟

يعني شنو يبون بالضبط , ندري انها يابانيه بعد شنو تبون زياده

هالاسأله تنرفزني

يلا اخليج عشان ما انطلق بعد مره واكتب قصه

[Karazhan]

بس بصراحه شرايج بطبخي للزبيدي

مو احلى بالصور الزبيدي او انا , يعني انا اللي محلي الطبخه او لو مو انا كانت صارت الطبخه 100% بس انا خربتها

[Dudette]

تدري اني سرت السوق ودورت على زبيدي :biggthump بس مالقيت كانو جدام وصغار

خخخخخخ كنت بقلدك وللعلم راويت امي وقلتلها هذا واحد يلعب الجيم ويطبخ شان تقولي عيل ما اشوفج تطبخين حقنا ههههههههه عاد شو يفكني الحين كل ما تشوفني تقولي ها متى بناكل من طبخج

قلتلها انا اصلا اخاف عليكم لا تتسممون من ايدي

المهم شنو اخر طبخاتك متى بتنزل شي جديد :wink2:

[Karazhan]

عسى بس ما خليتيها تشوف صوره وجهي

ترى استحي

ان شاء الله بسوي مرق شعوم , انا احب السمج و دايم يخطر في بالي واروح اشتري واسوي

انتي تحبين السمج او نفس نوعيه بنات الجيل هذا اللي ماياكلون شي الا دجاج , مايحبون اللحم ولا السمج ولا الطيور ولا الضبان , ماادري ليش عايشين , لا واغلبهم مشتركين في مطاعم خاصه شهريا يوصلولهم كل يوم 3 وجبات خاصه للرجيم

يبا نحن نعيش لنأكل

ان شاء الله بسوي مرق شعوم و عيش اصفر , احط كركم معاه يعني , تعرفين شنو كركم او ماتعرفين بعد

على فكره ترى الزبيدي الصغير احلى و الذ من الكبير , بس الناس قليل يشترونه لأن صغير ما يشبع , يبون الكبار عشان الوحده تكفي 2 اكلهم طبيعي , انا لا مايمشي الحال معاي

اذا كانت الزبيديه حجمها او طولها طول الخط هذا


-----------------------------------------

هذا الطول ادري صغير , بس الحجم هذا نسميه بسكوت , يعني نروح للبياع مال السمج نقوله عندك بسكوت ؟ اهو يعرف ان القصد الحجم هذا من الزبيدي , وزبيدي بالذات يعني مو بسكوت تطلق على كل السمج بالحجم هذا , بس عالزبيدي

امي تقولي كل مره اروح السوق اني اشوف اذا في الحجم هذا عشان تقولي اسويه مرق , ماعمري شفت امي تسويه بس تقول قبل كنا نشتريه ونسويه مرق , يمكن قبل اولد اخر مره سوتها

لكن الطبخ ترى وناسه و انصحج تتعلمين حتى لو تخترب الطبخه , خلي امج معاج و تكون مشرفه وانتي سوي , شوفي ترى نظري ماراح تتعلمين او من الكتب , لكن ان سويتي عملي راح تتعلمين وتحفظين افضل واحسن

وانا ابحث عن زوجه تعرف طبخ , مو 24 ساعه مجابله الايفون

فنصيحه تعلمي ترى راح تستانسين خصوصا انج مليونيره و بيتكم متروس خدم , يعني قوليلهم اذا تتضايقين من ريحه الثوم لا تطبع بأيدج انهم يقصصون الثوم والبصل , عشان انا عارف و مقدر حياتكم سيدات المجتمع انكم تتجمعون كل يوم وتسولفون بالتجاره والموضه وغيره ف الوحده ماتبي الريحه تطبع فيها

انتي قولي للخدم

واذا خدمكم بعد من سيدات المجتمع ومايرضون يقصصون ممكن انا اجي ماعندي مشكله بس تعطيني تذكره رايح راد الكويت و تحجزيلي فندق

اجيكم الصبح اقصص و اطلع الظهر اروح الفندق انام

شنو تبين بعد اجيب الملك يقصص معاي سلطه

مو حاله ترى ماتبون تسوون شي بحياتكم

[Dudette]

ههههههههههههههههه والله انت نكته

لا ما عليك انا احب اكل كل شي ونصيحه في مطعم في فندق جبل علي عندهم طبخع يكون اخطبوط صغير عجيب والنوع الثاني يكون حي ويتحرك تغمسه في الصلصه وتاكله والله اخواني يقولون عجيب بس انا ما احب شي حي واكله المهم انت جرب المطبوخ مع السلطه عجيب واحب الروبيان واللوبستر والمحار يعني كل شي بحري ، وخاطري اكل ضب :32: بس ما لقيت حد يسويه

وعن الطبخ ترا اعرف اطبخ بس ما احب اطبخ فهمت يعني يوم ايي في خاطري اي شي انا اروح واسويه

وانت تقول بيتنا متروس خدم لا بو شنب بس عندنا بشكارتين وكفايه ولو علي اطرش وحده من صدعة راسها

المهم متى بتسوي لوبستر :wink2: عشان اشوف اوكي الطريقه واسويها

[Karazhan]

ابي بشكارتين هذي كلمه صحيحه او بدليه ؟

بشكارتين كأن بالسياق للجمله تعني خدامتين

انا الحين ياله حفظت كندوره و ميهود و ماروم تطلعلي كلمه جديده

انا لما رحت تايلند جربت الاخطبوط الحجم الصغير بس كان بالشوربه و كنت حاط رجوله بحلقي عاض عليهم و النص طالع بره و مصور نفسي بس مادري وين راحت الصوره وله كان حطيتها تشوفينها

الضب حطي بالجدر و ماي وملح و لومي و خليه يفوح نص ساعه , بعدين غيري الماي و حطيه يفوح بعد نفس الوقت و خلاص

سبحان الله امس مصورين الربع بالدوانيه ودازيلي ياكلون ضبان مسوينهم بالغرفه مالت الشاي والقهوه طبعا هم متفننين فيه حاطين خضره معاه جزر و بطاط ومادري شنو

لوبستر ما اطولها غاليه شوي :)

عموما انا سوالف عيوش يعني عيش وسمج لحم , دجاج مااسوي لأني زهقت منه بالبيت لذلك ما اتعب نفسي واسويه , انطر الغدا وخلاص

بس ان شاء الله نروح هالعطله ونسوي مرق شعوم و بعدين صبور مشوي

تعرفين الصبور او لأ . افضل سمكه للشوي بدون منافس لكن عيبها الشرعي متروسه عظام

[Karazhan]

انتي بأي سيرفر الحين ؟

[Karazhan]

برق ورعد ومطر و هوى

تاريخ 8\5\2013

الساعه 1 ومن العشاء حسب كلام اللي كلمته توني يقول من العشاء والمطر موجود

ابشركم ياجماعه ان جزيره العرب راح تقلب خضراء مروج وانهار

الكره الارضيه انحرفت والظاهر اننا راح نرتفع فوق نصير نفس خط اوربا و اوربا ينزلون يصيرون نفس الخط اللي احنا فيه او انهم يرتفعون يصيرون على خط القطب الشمالي و تتثلج اوربا

واحنا يصير عندنا انهار و مروج خضراء تسر العين

[Karazhan]

توني دخلت رايد LFG بعد الباتش هذا وشفت شي توني اشوفه , مع اني دخلت قبل الباتش اللي توه وماشفت جذي

الظاهر توهم حاطينها

357239

نظام اللوت عادي القطعه اللي ربحتها فوق طالعه , لكن تحت تشوفون roll في اختيارين واحد اسوي روول والثاني اسوي pass

357240


هذي بروحها وانا حاط الفاره على النرد وطالعه كلمه رول , لما سويت رول تطلع اما جولد بحدود 30 جولد او تطلع ايقونه اللوت , اللي لما تذبح موب وتحط الفاره عليه تصير الفاره او السهم مثل الكيس , اهو الكيس يطلع معناته فزت بشي , انا فزت بنفس القطعه اللي طاحت من البوس

ولو تلاحظون مكتوب تحت cost الظاهر ان اللوت هذا لازم عندك الشغله هذي اللي يبون منها 1 عشان يطلعلك اللوت هذا اللي نفس ماتقولون بونص لوت

يبون هذي

http://www.wowhead.com/currency=697#icon

[Karazhan]

شكلي قديم ها

[darkitp]

ابشرك , ترى طلبي وصل لأرامكس ..
بس تفاجأت ان البائع قالي راح ترسل بتاريخ بين 8 إلى 9 ..
و هي وصلت بالامس 7 ..

أحلى شيء اني شريته بدون TAX
لو شريت الـ Elgato من امازون راح ادفع 180 دولار
لكن خذيتها بـ 165 دولار صافي ..
و الحمد الله , نظام الدعاية اشتغل معاي ... حصلت على نسبة كدعاية من بحث اي باي

شكلي فعلا راح ادمن على اي باي .. كله منك يا بوشنب !

[Karazhan]

فكني من شرك

انا قلتلك لا تطيح فيهم عشان ماتصير نفسي لكن انت ماتطيع ودك تقط فلوس بس مو عارف شلون

يعني عندك استعداد للخساره بس تبي اللي يوجهك و طحت فيني

اهو ترى يقولك بعد اسبوعين نرسله لك , عاد حسب المكان يعني اهو يقول جذي بس يطلع الشخص بأمريكا وانت بريدك بأمريكا فيوصل قبل

قبل تشتري اي شي , شوف الشبد من وين , يعني الشخص راح يرسله من وين , اذا من الصين او سنغافوره او هالدول الله يعينك , شهر يمكن عشان بس توصل امريكا و من امريكا اسبوع

فأنت بالخيارات يسار كاتبيلك تبي البحث في ايباي امريكا وكندا او مادري وين او العالم كله , انت اول شي ابحث بأمريكا وكندا عشان سرعه التوصيل واذا ماحصلت اللي تبي عندهم شوف العالم كله


نفس هالصوره , بعد ماتكتب بشريط البحث السلعه اللي تبيها انزل تحت بنص الشاشه يسار تشوف هذا

اختار امريكا اول شي دام ان بريدك امريكا , واذا ماحصلتها شوف كندا عشان ما تقعد شهر لأن اغلب البياعيين من الصين و اي شي تبحث عنه تحصله عندهم بس مشكلتهم شهر

او تحصل واحد من بريطانيا فأنت حط بالملف الشخصي مالك بريدك ببريطانيا بما انك ارامكس و حط الصين بعد بس الصين يعقدك شوي لأن بالخيارات تطلعلي كلمات صينيه ماادري شنو يبون

357241

[Dudette]

عيل انا اشتريت وكتبلي بيوصلني بعد شهر :) وهذا كله على كفر تلفون

المهم بو شنب تذكر يوم اكلمك عن المنطقة الجديده ويوم تذبح الراير الي هناك يطيحلك مفتاح وازجارا قالت عنه بعد وفي هالمغاره فيها صناديق والصناديق فيها فلوس ، عاد الفلوس هاي حق اللوت هذا

ان شاء الله الحين فهمت

[Karazhan]

اي رحت للمكان الجديد isle of thunder وقعدت امشي مع رئيس الblood elf واخلص القصص للجزيره , بعدين شغلت البوت

انا اساسا رايح هناك عشان عندي بروفايل للبوت يخليني exalted مع black prince ولد deathwing و انا مشغل البوت وقاعد يفرم عالموبات طاحلي مفتاح ابك و مفتاح ثاني عادي

الابك اخذته ورحت كهف و بعد ما سلمته دخلوني نفس الدنجن في برق يخليني بطيئ واقعد افتح صناديق و عداد تحت يحسب كم صندوق فتحت , بعدين دخلت غرفه فيها الجماعه وصناديق عندهم و اختار واحد بس

المفتاح الثاني يقولون روح سو سومون لشبح واحد من الزعماء واذبحه , هم 3 وكل واحد له مفتاح اروح مقبره و اسوي لهم سومون واذبحهم يعطوني اشيفمنت

انا حصلت مفتاح واحد بس وقالولي لازم تستعمله , يعني لا تحاول تجمع ال3 مفاتيح لأن مايصير , لازم كل مفتاح يطيحلك استعمله وبعدين ارجع ابحث عن الثاني وبعده الثالث

الحين دخلت MC ماطاح شي

دخلت gruul هم ماطاح شي

دخلت onyxia ما طاح شي

ان شاء الله الاسبوع الجاي يطيح شي

[Dudette]

اخرتها بيمسكونك انت والبوت مالك
انا استعملته بس ماعجبني

الصراحه غير يوم انت تلعب وبمجهودك تحصل كل شي

[Karazhan]

العبي بمجهودج يا ام مجهود

البوت مصنوع للأشرار وانتوا مهما تحاولون تصيرون اشرار ماتقدرون , لازم شرير من طلع من بطن امه

مثلي بالضبط ومثل الملك و باقي الشله . اتينا الى الدنيا اشراراََ

اما انتوا تتصنعون الشر بس مو راكب عليكم

واحد سيارته فراري شلون يصير شرير ؟

واحد من يقعد من النوم واهو على سريره الخادمه تدخله الريوق , شنو ريوق ؟ البريك فست و اهو عالسرير يحطون الطاوله على سريره ويتريق

واحد مصروفه باليوم وبالدولار يعني عشان الكل يفهم 500 دولار باليوم

واحد كل ملابسه ماركات و ساعته فيليب موريس

واحد قلمه كارتير اخر موديل او ماركات من اللي ماعمرنا سمعنا فيهم . انا شخصيا قلمي كارتير , بس شنو ؟ بخاطري من الثمانينات . صبرت وصابرت عشت الحرمات و بعدين توظفت و تزوجت وجبت عيال وعيالي كل واحد ماشاء الله صار بعير طولي و اطول و بعد تحويشه العمر قدرت اشتري قلم كارتير موديل 1982

يليت موديل السنه

واحد عطوراته كلهم ماركه , اللي يرشها الصبح يقعد ثاني يوم والريحه فواحه , الناس ودهم يلصقون فيه طول الوقت , احنا شنو ؟ قسمن بالله ارش عطر بالبيت واطلع للسياره . اوصل السياره بس الريحه مختفيه . شاريها من بياع عطورات هندي يقولي اصلي . اصلي بدينار ونص ؟ هم انا خبل صدقته

كل هذا و زياده شلون تبون تصيرون اشرار ؟ حتى ان الشر يستحي يقرب صوبكم

والحين منزله بوت وتقولون فاشل واحسن شي مجهودي انتوا تقولون حرف الجيم ييم عدل . مجهودي يعني ميهودي

يبا خلي البوت لنا . يجمع قولد و يلفل pvp و يشتغل بالوقت اللي ما نلعب فيه . انتوا ما تحتاجون لأن لو عجبكم اي اكاونت فيه كل الشخصيات وكلهم لابسين 100% تشترونه لو ب10 الاف دولار ماكو مشاكل

احنا مانقدر . انا الى اليوم ودي اطلب من مطعم صيني بط بكين بس مااقدر لأنها ب7 دنانير

خليني اشوف البوت وين وصل برب

[Dudette]

تدري البط الصيني مب زين لانه مخنوق او متكهرب ترا ما يذبحونه ذبح اسلامي نفس الي في تايلند مخنوقين ومعلقينهم من رقبتهم وييييع

استغفر الله كرم الله النعمة وانت بكيفك انا نصحتك سير اكل سوشي احلى يمي يمي اليوم بروح اكل سوشي

هي صح بالمناسبه كل مره ابي اسالك وانسى

كيف انزل صوره هني :o

وشي ثاني ابي برنامج يرجع الصور الي انحذفت من السامسونج :cray: نزلت كم برنامج بس ولا واحد اشتغل فلو حد من المشاهدين او انت يعرف بس لنك حق البرنامج وجزاك الله الف خير

بليز بليز بليز حد يعرف

[Karazhan]

شنو شوشي

هذا مال اليابان الله يديم النعمه

مااقول الله يديم النعمه لأني ما اكله , لا , انا آفه اكل كل شي لكن اكلهم اكل مجانين مو مال واحد يتعب عليه

بط تايلند غير مع اني اكلته المشنوق ومحمر و معلق من رقبته على قولتج و هم الدجاج اللي نفسه و العقراب والغبابيه , لكن بط بكين اللي هني غير , مذبوح عالشريعه , وحتى لو بالغربه سمي عليه واكلي

بس اذا كان الصدر مشوي و مقطع شرايح تاكلينهم بالعود او شوكه , طري و رطب

شهيتني والله لازم احوش هالشهر

تنزلين صوره هني , اول شي عشان تسهلين على نفسج , حطي ملف بالدسك توب و اكتبي اسمه صور , يعني شنو تكتب انت وراسك , لا قصدي اكتبي اسم يدل على انج تبيهم بالمنتدى او بالنت يعني

يبا اكتبي اي اسم

بعدين روحي هني اكتبي مشاركه بس لاتكتبين شفتي علامه امازون اللي قلتلج عنها ؟ بشريط الخيارات . شوفي يسارها 10 ايقونه او اذا تحسبين امازون تصير 11 يمين

اللي لما تحطين الفاره عليه يقولج اضافه صور

اضغني عليها يطلع مربع يقول من جهاز حاسوب او رابط

بما ان الصوره بجهازج حطي جهاز حاسوب , تحت بالمربع في كلمه اختر ملفات , اضغطي عليها

راح يفتح ماي كمبيوتر , شوفي اول كلمه يسار دسك توب اللي اهي واجهه الكمبيوتر اضغطي عليها تشوفين فتحت معاج ملفات و كل شي بالدسك توب , شوفي الملف اللي حاطه فيه الصور , اضغطي عالصور و تحت open وبس

ترجعين للمربع , اذا تبين تحملين بعد صور اضغطي نفسها اختر ملف واذا ماتبين اضغطي اللي بالنص رفع الملف و تخلصين

اذا صارت الصوره بالمشاركه تشوفينها صغيره , اضغطي عالصوره دبل كلك يفتح مربع اختيارات , شوفي الحجم راح تشوفين صغير وسط كبير اختاري اللي تبين واذا اخترتي وماعجبج الحجم اضغطي دبل كلك مره ثانيه و غيري الحجم





السلام عليكم

سلمي

صافحي ليش خايفه


357245

[Karazhan]

بخصوص استرجاع الملفات , والله مااعرف برامج , انا مشترك بالايميل عندهم واذا ضاعوا ارقامي اللي مخزنهم ارجعهم عن طريقهم

نفس الايفون و اي كلاود

[Dudette]

حرام عليك ما تعرف السوشي يمي يمي

انزين جرب السوشي بالافوكادو او الهمبه (كلفورنيا سوشي) هذا للمبتدئين

انزين نزلت سؤالي عن الجوال في قسم الجوالات وبشوف متى بيردون علي

[Karazhan]

اعرفه بس مو مال اكل

اكل اليابانيين المفروض يكون تحليه بس , مايشبع خصوصا انه اغلبه بحري والبحري مايشبع

احسن لهم يموتون ولا العيشه المنيله بستين نيله , روول عيش وداخله قطعه سردين ويقول اكل , هذي عندنا مثل لما تطلبين بيتزا و تطلبين اصابع الجبن . اكلهم مثل اصابع الجبن او مطعم صيني تطلبين منه روول خضره او لحم , في احد اكله يعتبر مقبلات ؟

الحمدلله والشكر , شعب مجنون

غير المجابيس مافي

[darkitp]

عيل انا اشتريت وكتبلي بيوصلني بعد شهر :) وهذا كله على كفر تلفون

المهم بو شنب تذكر يوم اكلمك عن المنطقة الجديده ويوم تذبح الراير الي هناك يطيحلك مفتاح وازجارا قالت عنه بعد وفي هالمغاره فيها صناديق والصناديق فيها فلوس ، عاد الفلوس هاي حق اللوت هذا

ان شاء الله الحين فهمت


شو شريتي ؟ او من وين ؟

ترى يعتمد على السوق

لو شراء من Amazon نفسه , فعندهم التوصيل يومين مجاني لو مشتركة في Prime (http://www.amazon.com/gp/prime?ie=UTF8&camp=213733&creative=393193&linkCode=shr&tag=montada09-20) أشتراك سنوي بـ 80 دولار
و الفري شيبينج ما ياخذ 5-7 أيام و بالعادة يوصل خلال يومين بدون الـ Prime لو كانت البضاعة في نيويورك ..


اما لو السوق ثانوي ( ما له علاقة بامازون ) , و ما عندهم نظام الشحن عن طريق خدمة Amazon فهنا يعتمد على نوع الشحن اللي يقدمونه ..
بالعادة انا ما اشتري من محلات غير امازون , و اروح لمواقع المحلات الثانية و اشيك لو عندهم شحن دولي او فروع بالدولة ..

[Dudette]

Shipping Estimate Tuesday May 7, 2013 - Wednesday May 8, 2013 Delivery Estimate: Monday June 3, 2013 - Friday June 14, 2013 by 8:00pm والله هالمسج وصلني ، :33: والله ما اعرف اذا من امزون او لا انا اشوف الغرض ويعجبني واشتريه ،

[Karazhan]

اي كفر من الصين 100%

اغلب اغراض التلفونات والاكسسوارات من الصين

قايلكم شوفوا قبل تطلبون من اي بلد الارسال واذا من الصين شهر

بس انتوا ناس تحبون العناد

[Karazhan]

تصدقين

ابي بس 1 ايتم لفل عشان اصير 480 و اكمل باقي الرايدات اللي تحتاج ايتم لفل 480

واقفه على 1

الحين انا 479 والله قهر

لو عندي جولد كان شريت اي قطعه او سلاح بس مفلس , الله يرحم اكاونتي اللي انصك توقيف , كان فيه مليون جولد

[Dudette]

اشترلك ايتم بي في بي وسو كيو ورده بسيطه يا بو شنب

[Karazhan]

حاولت بس اللي اسوي عنده هالشي مايعطيني وجه

وين مكانه بالضبط ؟

انا اذكره عند اللي تغيرين شكل الجير عنده , رحت لهم وشفت واحد واقف معاهم , كلمته بس مايسوي شي بس واقف

مادري غيروا مكانه او اهو بس لازم اسوي شي قبل

[Karazhan]

الساعه 4 ونص بلللللللللللل

بروح انام

[Dudette]

في الكهف في المنطقه الجديده عند الي تعطيه المفتاح

[Karazhan]

السلام عليكم ورحمه الله وبركاته

انا اسف من جد اسف

طولت عليكم ؟ اعذروني انا صج صج اسف


توني اقعد والحين بدش بشوف الكهف هذا

[Karazhan]

ليش جذي دوديت

ليش تحبين تتلذذين بتعذيبي ؟

يعني الحين افتح لعبه جديده فوق ما انا فاتح 2 و لاق مو طبيعي وادق درب الى الكهف واخر شي ما احصل عندهم التطوير

ليش يعني عشان مسكين و من الكويت قلتي اضحك عليه و اتعبه و انا بالامارات ما يقدر يصيدني

حرام عليج

[Dudette]

لا والله انا شارية من عنده :bigeyes: قبل وكنت مثلك على قطعه وحده وعقبها شريت قطعه وسويت كيو ورديته ؟ كيف ما طلعلك دور في الكهف في حد تشتري من عهنده اغراض مب لازم بي في بي بس الايتم لفل عالي عشان تسوي الكيو

[Karazhan]

رحت للكهف حصلت وحده تبيع اغراض بالبدل مع قطع تطيح بالرايد او valor وانا التوكن هذا ماعندي منه واجد ولا اقدر اشتري اي قطعه منها

انا عندي قطع بي في بي و كم قطعه من LFR بس ابي اطورهم ولا محصل اللي اطور عنده , رحت اورقريمار عند اللي يغيرون شكل الجير وانا اذكر كان معاهم واقف , اما الحين اشوف واقفين اثنين لكن مايسوون شي

هم قبل كنت اشوف تحت بالقطعه اللي اخذها من الرايد او البي في بي يكون تحت الاسم 0\1 يعني اقدر اطورها , الحين مااشوف هالشي بالجير مالي , اخاف شالوا التطوير من اللعبه

[Dudette]

انا شني سمعت انه شالوه مه الباتش الجديد بس مب متاكده

الحين ذابح عمرك بالبوت وما عندك قولد

نحن يوم استعملنا البوت كل واحد شايله فوق ال 500 الف ومن الجولد مب قادرين نمشي وانت تروح الدوام مشغل البوت وراقد مشغل البوت وكل هذا ما عندك قولك يالبخيل

طلع القولد خاشنهم حق منو يا عمي استانس فيهم وعيش حياتك مب تزاطط على عمرك يا الزطي

والله من القولد الي كنا نسويه والله اقول بس خلاص سكرو البت ما ابي قولد كل البتات شريتهم وكل الوصفات مال الطبخ والخياطه شريتهم ما خليت شي

بس في ماونت شعرع 959000 جولد خاطري فيه بس مستخسره القولد عليه حرام ولد الحمرا ياخذ القولد ويستانس عليه

شني طولت المهم اخلي المايك لك بو شنب

[Dudette]

بو شنب انت تحب الاوسمة شوف اول وسام في هالرابط

http://www.montada.com/member.php?u=2769&tab=myawards#aw_issue2693

يبالك هالوسام :wink2:

[Karazhan]

يعني شنو الزطي ؟

انا مفلس , الاكاونت جديد وقاعد الفل , وصلت بالادن 90 ولبس فل pvp وحطيته يستريح و لفلت ديث نايت ووصل 90 ولبسته pvp

لفلتهم بدون اجمع جولد , يعني البوت كان شغال تلفيل

حاليا قاعد الفل هنتر بأكاونت ثاني وهالهنتر ملفله عشان بس يفرم mining عشان يوصل 90 ان شاء الله و اشغله 24 ساعه يفرم هالماينق ويرسل اوتوماتيك لأكاونتي الرسمي اللي فيه الديث نايت , واسوي شخصيه لفل 1 واحطها في المدينه الرئيسيه والبوت او الهنتر يرسل للشخصيه هذي و هالشخصيه وظيفتها

تحط الماينق بالاكشن هاوس وتستقبل الفلوس

عرفتي شلون , عشان اذا لا سمح الله صادوني بليزرد اني استعمل بوت و صكوني باند يكون الهنتر بوجه المدفع واكاونتي الرسمي بره الموضوع و ايضا الهنتر مايكون عنده اي شي اتحسف عليه مثل جولد و مونتات وهالسوالف , المونتات الحين تتشارك بالباتل نت يعني ماعليهم خوف

لكن يكون ماعنده شي اللهم الا بعض الماينق اللي جمعه قبل يروح ملح

ومن هذا المنطلق اقول اني حاليا مفلس , كنت مشغل البوت تلفيل شخصيات بس

و ناطر الحبيب يوصل 90 , الحين 60 وقاطه في كالمدور يرفع السكل مال الماينق عشان يروح يلفل في اوتلاند ويجمع ماينق ويرفع السكل و اواكب العصر , عشان لما اروح نورثرند يكون جاهز و موصل 375 بالماينق


حاليا فتحت اكاونت جديد اوربي و كلمت احد الاصدقاء القدامى يقولي موجود انا والشباب في سيرفر فورست وسبر هورد قلت حلو بجيكم قال حياك

توني دزيتله واستاب , السر عندج بالامان , دزيتله وسبر قلتله كم جولد عندك ؟ قال 90 الف

قلت حلو , ممكن سلف ؟

سكت

قلت ممكن تضيفني بالباتل نت ؟

سكت

قلت هذا ايميلي remmas@....................

سكت

قلت خلاص يبا ماله داعي

جان يرد علي يقول فهد ترى انا بفراشي والله وباجر ان شاء الله اعطيك اللي تبي

هالمره انا سكت ومارديت عليه

يامه جاني يبي قولد و افتحله اكاونتاتي اقوله اخذ اللي تبي

الحين شوف قام يماطل


المهم ناطره يرجع من الدوام ويعطيني جولد , ابي بس اشتري شنط , الوورير بالاوربي الحين لفل 21 و عندي شنطتين بس . وحده الرئيسيه والثانيه ام 8 خانات , وكل شوي البوت معلق عند البياع متروسين الشنط ومو قادر يبيع شي لأن الاغراض كلهم cloth اللي تسوين first aid فيهم

والبوت مايبيع هالخام

عاد انا بس ابي جولد بشتري شنط و حق المونت بلفل 60

مو طماع انا والله , ترى والله ماعمري طمعت , ابي بس اللي يكفيني

وانا مو بخيل , قبل كان عندي جولد واشتري كل اللي ابيه , وبعدين صار عندي كل شي وماادري شسوي بالجولد , صرت امشي و اوزع على لفلات شويه اعطي كل واحد 100 جولد , غير ربعي اللي اعطيهم على 20 الف و اكثر

كان الجولد متروس عندي , 15 شخصيه وكلهم وظائف وكلهم لابسين كل شي وكلهم الشنط عندهم اعلى شي , لما كان اعلى شنطه 26 خانه كانوا كلهم جذي , الحين اشوف شنط ب28 خانه , ان شاء الله ان جمعت بشتريهم , بالسيرفر اللي انا فيه على 4500 جولد



انا مطرب نفسي باللعبه , اكاونت مخصوص فيه شخصيه تفرم جولد و ترسلي , والاكاونت الرسمي موقف البوت عليه عشان ما انصك باند , والايتمات تجيني كل يوم من البوت بالاكاونت الثاني و ابيعهم


هذا كل شي

بس شنو الزنطي

هذي كلمه جديده غير الخدامه اللي نسيت اسمها الحين , كندوره يمكن ؟ لا هذي دشداشه , الخدامه شنو ؟


ترى دارك اماراتي بس اظن من رأس الخيمه , بس مااشوفه يقول ميهود او ماروم , اخاف هذي بس عندكم في دبي لغه خاصه

بس كلكم تقولون شو يعني تسوون روحكم لبنانيين

اسمها شنو مو شو

[Dudette]

زطي = بخيل

زطاطه يعني تتبيخل

بشكاره يعني خدامة

يالله الحين بطلع من الدوام وبروح العياده ميهوده شوي :09: وعقب عالمطار

[Karazhan]

هذا وسام مال المتزوجين يدافع البلا

لا مابيه عشان البنات بعدين مايعطوني وجهه يقولون هذا متزوج شو نسوي فيه

خبرج البنات يبون العزوبي والمطلق او الارمل , المتزوج ما ينفع

انا يمكن مشترك ب15 موقع زواج , ماكو وحده رضت فيني بسبب اني متزوج


وانا الحين مابي اوسمه وكلمت دارك انه يشيل الاوسمه مني لكن قالي مايقدر لأنه الاوسمه مرتبطه بالسيستم مال المنتدى و توماتيك يعطي

قلت مو مشكله , بس قالي انه راح يحط بالخيارات ان الواحد يقدر يخفي الاوسمه اللي عنده , نفسي الحين ادش مخفي عشان المعجبين , راح يكون في خيار , مو خيار الخضرا مال الاكل , لا يعني اختيار يخلي الواحد يخفي الاوسمه ويدخل ماتشوفين عنده ولا وسام

انا الحين كبر راسي بعد و ماابي اوسمه , غير لون اخضر مابي صراحه , سوالف اوسمه او لون ذهبي ازرق احمر بني ما يمشي

اخضر وبس مع كامل الصلاحيات بعد , يعني مو بس لون و امش

ياني بشيل ناس واجد , ياني بحذف مشاركات , ياني بنتقم من ناس , ياني بصفي المنتدى

خليني ساكت لا افضح نفسي , ترى انا خفيف وبسرعه ينقص علي و اقول اللي بقلبي

خليني ساكت

[Karazhan]

عسى ماشر شفيج

والمطار ليش ؟ قررتي تعيشين في تايلند خلاص ؟ كل هذا عشان ذكرتج بالاخطبوط , اقعدي ماتسوى ترى , وصدقيني كلها شهر و تزهقين وترجعين الامارات مو عشان شي الا عشان تدخلين المنتدى وتكلميني

انا سحرتج و خليتج ماتقدرين تفارقيني , انا عارف و مقدر الوضع , ادري ان الحياه من دوني مالها اي طعم ولون , وكل اللي اهجروني اما انتحروا او دشوا السجن

فأنتي طولي بالج ولا تتهورين , صدقيني ماكو نفس الامارات مهما تجور عليج تحمليها , لكن لا تهاجرين

اذا مصممه و ما بذنج ماي انا ماعندي مانع اخاويج صراحه


اذا يعني تتحملين مصاريفي لأن راح انفصل من دوامي وراح ترفع علي قضيه نفقه وتطلب الطلاق لأني هربت مع فتاه الى جهه غير معلومه لكن المباحث راح يعرفون اني خرجت من المطار الساعه 12 ليلا متجها الى دبي عشان امرج وبعدين يخاطبون مطار دبي ويقولولهم ان المدعو فهد فعلا كان عندنا وبعدين ركب الطياره

المتجهه الى بانكوك

وعاد الناس هني بتخلي فضيحتي بجلاجل واللي مايشتري يتفرج

بس كل هذا يهون في سبيل الهجره لتايلند

[Karazhan]

اسمع دايم عن المبنى المنهار في بنغلادش قلت بشوف باليوتيوب شنو هالمبنى اللي ماتوا فيه فوق ال700 شخص

شلون شكله و حجمه اللي بس الميتين فيه 700 شكبره هذا

المهم دخل اليوتيوب بشوف عنه جان ادش هالمقطع

357255

الجميل اني اول مشاهد للمقطع من فتره مرفوع الفيلم بس محد تجرأ و دخل الا لما انا ادخل الاول

هذي اخلاق التلاميذ في اليوتيوب


قبل امس نتكلم عن الزبيدي و شهيتيني صراحه وقعدت من النوم امس يوم المطر مدري امس او قبله المهم قلت لازم اتريق زبيدي

وكان ما ارده فعلا



357256

357257

357258


شالبني ادم اللي يتريق سمج لا و 2 مو وحده

[darkitp]

واركرافت تفقد 1.3 مليون مشترك خلال الثلاث شهور الماضية
http://www.polygon.com/2013/5/8/4313268/world-of-warcraft-down-1-3-million-subscribers-over-three-months


بوشنب , إذا ناوي تكتب الخبر ممكن ؟ و تعطينا انطباعك الاقتصادي و الفني حول هذا التأثير
و بسوي له ريتويت ..

[Karazhan]

اشوه

على بالي جاي تصكني توقيف عشان قلت ابي لون اخضر

جت سليمه الحمدلله


اي الخبر سمعته و من زمان ترى كل فتره يطلعون بأخبار نفس الشي , لكن شنو يبون الناس بعد ؟ 10 سنوات متربعه على عرش افضل الالعاب

خلاص لازم الناس تشوف غيرها والاثول رفيجي ملك اللعبه لو انه قايل انا ملك الالعاب جان من زمان شفنا غير هاللعبه لكن الغبي قال ملك اللعبه اللي اهي ووركرافت , و حصر نفسه فيها و ابتلشنا فيه , وله كان شفنا رزقنا بألعاب ثانيه من زمان

[Karazhan]

بس حلوه انطباعي الاقتصادي , انا خلني اضبط نفسي بالاقتصاد اللي كل نص شهر مفلس بسبب امازون و ايباي


انا مااعرف للأمور هذي , التحليل و الفني والاقتصادي , لكن من يجي واحد يفتح الموضوع وقتها اعرف شنو المطلوب اقوله , ماتشوف عدد مشاركاتي فوق 3500 و مواضيعي 22 بس

لأني مااعرف افتح مواضيع , لكن اناقش فيها

[Karazhan]

شوف دارك انت سو الموضوع تويتر وقول يسلمك عليكم المندوب ويرسل لكم تحياته و تحيات الملك وقبلاتهم الحاره

ويقول ان هذا بسبب

اللعبه تمشي بالمقلوب . اللي يفهم يفهم واللي مايفهم يراجع اللعبه لكن بالعكس , يعني يمشي من لفل 85 نزولا الى لفل 60 راح يعرف القصه 100%

اللعبه قامت على شخصيات مو عشان لعبه وخلاص كل واحد يذبح الثاني

الشخصيات الرئيسيه باللعبه ثرال و ارثس و الدن و السيده فاشج و كيل جايدن ومساعدينه اللي هم برنس اللي بكرزان و ارتشموند اللي في هايجل و ملك ستورم وند و ديث ونق وعياله

ثرال و ملك ستورم وند وجودهم فخري فقط الا ثرال كان يحب الخير ويساعد البشريه

كل الشخصيات الرئيسيه هذي طلعت لنا باللعبه بالترتيب . يمكن نسيت شخصيات لكن الكل يعرفونهم اللي لعبوا اللعبه . المهم ان هالشخصيات اطلعوا و اللي مات واللي مازال موجود والناس خلاص شافوا كل شي الحين

الباندا يتكلم عن رؤساء جدد في مكان جديد مالهم اي علاقه بأزيروث والغزو اللي صار عليها . انا ادري ان لهم ذكر بالقصه من قبل لكن القصه هذي مكتوبه قبل يسوون اللعبه و دورهم ماله شغل بالاحداث اللي صارت ولا لهم علاقه بأي شخصيه رئيسيه باللعبه

ارثس اشهر واحد ومات

ديث ونق و مات

على فكره كلهم ميتين من سنين طويله قبل لاتنزل اللعبه , انا ليش اقول شوفوا اللعبه بالمقلوب ؟ لأن لما تقلب اللعبه تعرف الاحداث اللي صارت , يعني باللعبه لما اطلعوا بترتيب الباتشات كانوا قبل يموتون يعني . حتى ديث ونق لما تبي تذبحه لازم تدخل بورتال يرجع للزمان ورى

و اهو موجود في برج دراجون لايت ميت على رأس البرج ونزل ارثس و ديث ونق ميت من زمان , بعدين تتفاجأ بعد ارثس يطلع ديث ونق . هذا لأنهم عاكسين الاحداث

المهم ان الناس خلصت من اللعبه لأن كل الشخصيات المهم ظهرت و ماتت وشفنا الاحداث اللي ماتوا فيها وكنا احد الجنود اللي قتلناهم و الحين حاطين باندا عشان يقزرون الوقت للكم مليون عندهم يحللون فلوسهم شوي

بما ان هناك ملايين تلعب وتدفع فلوس راح تكون بليزرد شغاله بقصص جديده

لكن اللي تأسست اللعبه عليهم الاشخاص المهمين باللعبه انتهوا وماتوا جميعا

يارجل دث ونق ميت من 20 الف سنه

هذا والسلام عليكم ورحمه الله وبركاته

[Dudette]

بو شنب شو رايك تكمل قصه واركرافت ال هيتمان ما كملها وكل جزء تحطه نسوي رتويت عليها عشان الكل يعرف قصتهم

[Karazhan]

كأن جازتلكم ابو شنب تنادوني بالاسم هذا


القصه كبيره لكن الاساس هذا , وله القصه لكل شخص قصه بروح وفوق هذا اكثر من كاتب كاتب قصه باللعبه

في ابطال باللعبه لكن مختفين ولا اشوفهم . ناكسار اللي مهيب الاينس كلهم واللي كان بروحه يهجم عليهم ويصطرهم , كان يتمشى باللعبه ايام لفل 60 صوب اول مكان حق الاورك والترول مال البدايه , كان يتمشى هناك مع البت ماله

وفي لفل 70 اخذوه بليزرد حطوه في الاوتلاند , ماادري اذا مازال موجود او لأ , هذا ابوه اورك و امه اوجر وصار ضخم و في ملامحه بين الاورك والاوقر واهو هنتر دايم معاه البت ماله

هذا بطل الهورد واظن لقبه champion of the horde او شي جذي

ماله ذكر الحين


---


اخو ايليدن اللي الحين طلع من ايميرال دريم واللي تشوفينه المجنح في هايجال يعطي كويستات , هذا كان ايام لفل 60 و 70 كان يطلع بالحظ في فيرالاس ويطلع الساعه 12 بالضبط كأن كان يعطي كويست و حظه اللي يصادفه وياخذ الكويست

اختفى بعدين بلفل 70 و توه يطلع , كنا نعرف انه اخو ايليدن وكنا نعتقد ان راح ينزل بعد الBC يكون اكسبانشن ايميرال دريم , لكن طلع اكسبانشن عن ارثس وبعدين الكاتا وبعدهم الباندا

بوابات ايميرال دريم كانت تحرسهم مجموعه من التنانين , ماادري اذا تذكرينهم ايام لفل 70 كانوا موجودين , كم بوابه في ازيروث , في dustwood بالنص بالضبط وسط الجبال بوابه و في ashenvale و feralas و hinterland

كان من بين التنانين واحد اسمه Taerar وكانوا يلقبون ب nightmare كانوا مثل ماتقولين world boss وقتها , الحين تايرار يطلع في كويست ماادري اي كويست او شنو اسمه لأني خلصته مره وشفته , وكانت معاي اظن البنت اخت ايليدن او زوجه اخوه

اختفوا هذوله الحين

---

وين راحوا محد يدري

وغيرهم بعد مالهم ذكر مع انهم اساس اللعبه . مثل صاحب كرزان Midevh هذا من اصل اللعبه و ابوه يكون رئيس في كرزان اللي اهو shade of aran واسمه نيلز او نيلاز و امه لها تاريخ بعد مو شوي , زوجته من الاورك واهي اللي ذبحت ملك ستورم وند , ابو الملك الحالي

---

يعني كل هالشخصيات واكثر وينهم عن اللعبه , حاطين باندا الله يهداهم

يعني لو بليزرد تمشي على السياق هذا بالقصه و بدل الباندا تحط ايميرال دريم و تتكلم عنها وعن بدايتها والناس تدخل عن طريق البورتلات اللي في ازيروث , يكونون شخصيات مثل النايت الف و غيرهم من اللي اجسامهم حيوانات و النص فوق كأنهم بشر

وليش ما ارجعوا بالزمن للخلف بدل مانروح نذبح ديث ونق او نساعد ثرال بالهرب لما كان عبد مملوك و نشوف قصص الملوك وبداياتهم

بليزرد اتركوا كل هذوله الناس اللي احنا حبينا اللعبه بسبب قصصهم و راحوا حطوا لنا باندا مالهم اي معنى باللعبه

لهم ذكر الباندا في القصه , لكن مو مثل اللي ذكرتهم فوق , الباندا مالهم اي علاقه بالقصه او الاحداث اللي صارت في ازيروث والاوتلاند , الاوتلاند كانت مرعى للتيتان ومنهم افتحوا بورتال الموجود الحين على ازيروث وقعدوا يدزون الجيوش , طبعا اهي مسكره لكن عشان اللعبه فاتحينها عشان الناس تروح الاوتلاند


---


كل شخصيه باللعبه لها قصه ترى , كلهم الا البياعين

يعني حتى hogger له قصه و المورلك اللي تشوفيهم عالبحر دايم لهم قصه , كل مجموعه لهم قصه

ان شاء الله لما اصير مليونير بجيب كاتب و يكتبلي قصه كامله عن كل الشخصيات باللعبه و تكون بالعربي و ارسلها للشباب

[Karazhan]

ياجماعه لحد ينطر دوديت

اليوم عطله ترى , ان شاء الله ترجع لكم يوم الاحد الساعه 7 الصبح الى 2 ظهراً

وتعاد الحلقه يوم الاثنين والثلاثاء والاربعاء والخميس من كل اسبوع وبنفس التوقيت

يعني لا تقعدون كملوا نومتكم اعزائي

[Karazhan]

السلام عليكم

توني كنت اكلم منو ؟

اكلم رفيجي ولد بطنها الاصلي اللي عروقه بالماي

شكيتله الحال وعرضت على حضرته مشكلتي مع الجير , الايتم لفل 379 و ابي 1 بس عشان افتح باقي الرايدات

قلتله المشكله وقالي دقيقه وادق عليك

سديته منه وانتظرت اتصاله

انا ماادري بس اتوقع انه اتصل على جيم ماستر من ربعه لأن اهو يعرف 15 جيم ماستر باللعبه

دق علي وقالي الشخص اللي تطور الجير عنده شالوه من اللعبه خلاص , من باتش 5.2 ماكو تطوير جير

سديته مني وناطر الاسبوع يخلص عشان ادخل رايد مره ثانيه وان شاء الله تطيح قطعه تزيد اللفل


هذي الزبده لحد يدور الشخص اللي يطور الجير


انتهى

[Dudette]

خخخخخخخخخخخخ ليش يعني انزين انا اقرا بس ما اكتب لان لابتوبي ما اقدر اغير الخطوط والالوان فيه ما اعرف ليش احتمال من ويندوز 8 وحتى انتر ما اقدر ف الكلام كله في صفحه وحده ، بس اتريا اخوي يرد من السفر وبخليه يغيرلي الويندوز :) الصراحه ضحكتني يوم تقول لا حد ينطر دوديت ههههههههه شكو الي يقول الرسائل الخاصه متروسه من المعجبين

[Dudette]

شوف المشاركتي يوم الخميس وقلتلك انهم شالوه يعني لازم تتعب الملك وتخليه يسال

[Karazhan]

لا بس عشان الجمهور الكريم تعود على طلتج بأوقات الدوام الرسمي

غريبه موجوده الحين , ليش مداومه بروحج مو عطله ؟

شكلج بالدوام وتقولين وين الناس , ترى اليوم السبت مو عطله عندكم ؟

دقي عالبيت او دزي واستاب للمشكاته خليها تضبط الريوق و ارجعي اكلي و اقعدي العبي

ضيفيني بالباتل نت

يلا ضيفيني ابي بوست هههههه



-

عدلت المشاركه وشلت الايميل

عل وعسى حفظتيه لأني بصراحه خفت يدخل هكرز ماعنده شغل ومايدري شنو يسوي ويشوف ايميلي يقول يلا خل اقزرها عليه واضرب ايميله

وبعدين سمعت ان ممنوع وضع ايميلات واللي يحط ايميله يتوقف
مدري صدق جذب

[Karazhan]

قالي ملك اللعبه ان بالبانش هذا 5.2 شالوه , رفيجي اللي قلتلج يلعب ووركرافت لما الحين كلمته وقالي اي شالوه كان قبل يشيلونه بس يطور الhead فقط والحين راح

الله كريم

ماكو الا ننطر الاسبوع القادم او الهنتر يوصل 90 هالاسبوع واجمع قولد

الحين لفل 71 الحبيب

[Dudette]

غريبه معنك انت تلفل بسرعه ليش ما قاعد تلفل الحين ؟

[Karazhan]

انا وصلت مرحله الاجتهاد

وقريب اصير في مرتبه المرجع وايه عظمى وعاد الناس مايقولون اسمي الا وبعده دام ظله

زي رفيجي ولد بطنها يعني

انا لفلت كل الشخصيات يدوي + شخصيات من اصدقاء لفلتهم

حفظت كل الكويستات لدرجه اني لما احط خط سير بالكويستات ما ارجع للخط بعد الا اذا ماكو الا اهو

يعني الفل من بارنز بعدين اروح اشينفيل بعدين دوست ولو مارش بعدين ايست بليق , الشخصيه اللي الفلها بعدها ماامشي نفس الخط هذا , اروح اماكن غير وكويستات غير من كثر ما حفظت الكويستات وابي اشوف شي جديد

لذلك بليزرد المفروض تعفيني من سالفه الكويستات و تخلي اكاونتي مفتوح , اي شخصيه اختارها بأي سيرفر الفلها بضغطه زر واحده

عشان جذي انا مو فاضي الفل بعد , مالي خلق صراحه

البوت وفر علي هذا الشي


للأمانه , ماعمري شغلت البوت بأكاونتات ناس ثانيين , يعني في ناس هني عطوني اكاونتاتهم للمتعه فقط وانا لفلت شخصيات لقيتها بأكاونتهم صغيره , يعني احصل شامان لفل 30 او اكاونت ثاني احصل بالادن لفل 50 او اكاونت احصل هنتر لفل 1 ههههههههههه

الفلهم الى اخر شي , بدون بوت , جهد شخصي

حتى اني في ستار وورز اخذت اكاونت لوعه الفرقا و لفلتله تروبر و وورير الى لفل 50 , اهو اقصى لفل 50

يعني استعمل اكاونتات الناس بدون البوت , اما اكاونتاتي احلبها بالبوت واطلع طيبه فيهم

[Dudette]

يحليلك شو رايك نفتح مشروع انا علي الدعاية وانت تلفل وتسوي اشيفمنت ولو يبون ماونت او تلفل بروفيشن

شو قلت والربح النص بالنص :wink2:

[Karazhan]

راح نخسر

انا مصنف ك سيئه سمعه فما راح تشوفين زباين عندنا

مع ان شكلي برئ و انا خوش ولد بس ساعات لساني يخوني واقول كلام يخلي الناس تحس اني شرير

[Dudette]

افا يعني ما في امل نستفيد منك :33::33:

[Karazhan]

لا

في اشياء كثيره تستفاد مني افا عليج بس

وقفت على اللعبه اهي

انا مواهبي متعدده و متنوعه

[Karazhan]

كأنج مخفيه بالمنتدى

ليش تقلدين ؟ يعني صرت مرجع خلاص تقلديني بكل شي

[Karazhan]

تذكرين قبل سنتين كلمتج عن الايباد ميني ؟

لما الحين قاعد افكر اشتري او مااشتري

شرايج فيه للتصفح والامور هذي ؟

زين او مو زين

[Dudette]

الصراحه عني انا حبيت الجالاكسي تاب اكثر من الميني ايباد

الميموري انت تقدر تتحكم فيه انت تشتريه 16 جي بي وتقدر تزيده بميموري ثاني وانت وكيفك كم السعه

وباقي الاستعمالات مافي فرق عن الايباد وحتى في برامج في الايباد بفلوس وفي السامسونج ببلاش

والسعر الجالاكسي تاب ارخص من الميني ايباد (وهذا عوقك انت الفلوس)

[Dudette]

وبالمناسبه انا ما احط مخفي لان بالاساس ما اعرف كيف يغيرونه وزين مني اعرف كيف اغير الخط

لاني ما ادخل منتديات الا هذا وواحد ثاني بس اقرا منه حتى اني مب مشتركه فيه

[Karazhan]

انا عندي جلسكي نوت و ايفون 5

بس قبل لما نزل الايباد العادي قلت هذا ممتاز لو انه اصغر شوي , وبعدين نزلوا الميني , بالقياس اللي كنت ابيه

الحين انا متوهق . النوت هذا اللي عندي شاشته صغيره وانا ابي اكبر عشان اتصفح النت و اليوتيوب وغيرهم

انا ماتهمني البرامج ان كانت بفلوس او لأ , البرنامج اللي يعجبني اشتريه ماعندي مشكله

لكن كأستعمال شلونه من جهاز

يسوى او مايسوى

مثل ماقلت تصفح و يوتيوب

انا دخلت من الايباد العادي الى المنتدى قبل فتره , شفت انه من ناحيه المنتديات حلو , لأن يطلع شريط الادوات بحجم معقول و اقدر اغير الخط و اللون و احط صور

عكس الجلكسي النوت , اصبعي مو مال اجهزه باللمس مال فك براغي تاير او منجره , وكل ما اضغط بغير اللون او اسوي شي ماتضبط الا لما اكبر الشاشه واقرب الشريط

بعدين لما اكتب الكتابه تصير مكان اخر كلمه كتبتها و باقي الكلام مااشوفه واضطر اني اصغر الشاشه عشان اشوف شنو كاتب او وين وصلت

بالايباد شفت ان الشاشه كلها تبين واشوف من البدايه الى النهايه بالكلام

الحين ماادري شسوي ؟ الطم

[Karazhan]

بخصوص البرامج , انا اشوف ان برامج ابل اكثر من سامسونج واحسن

في برنامج اسمه igo my way برنامج ملاحه للخليج والشرق الاوسط , شريته من ابل ستور ب60 دولار . رحت بشتريه حق الجلكسي و ماحصلته مع ان البرنامج تابع لشركه عالميه و كان النفجيتر هذا للسيارات اللي فيهم شاشه

حصلت برامج بالسامسونج لكن مو نفسه من ناحيه الجوده و الدقه والسهوله . وغيره برامج كثيره ماحصلتها , طبعا مااظلم السامسونج حتى ابل ماعندهم برامج متوفره للسامسونج لكن السوق اشوف ان ابل افضل

[Dudette]

والله انا مب مثلك انا شو يخصني بالملاحه وخرابيطها ، انا بس يعجبني الالعاب وفي هذا عجبني :) وعندي جالاكسي تاب واستعمله تلفون بعد :)

[Karazhan]

انتوا جيل ماكو فايده

شنو العاب , مو كافي كمبيوتر و سوني و اكس بوسك و ويي مادري شسمها

يعني بالبيت وبره البيت تبون تلعبون ؟

شو هذا يا ريال

اعطوا نفسكم فتره نقاهه شوي , عيونك لا تروح عليكم , انا طحت بالسوني سنه 94 يمكن و عمري ما ادمنت عليها الا بالبدايه . يعني اول سنه او سنتين بعدين تركتها و صرت العب بالمعقول

انتوا 24 ساعه لعب , تروحون الدوام وتقزرون الوقت لعب والمراجعين مساكين ناطرينكم بالحر , احنا بلادنا مو كندا او المانيا , حسو بالناس اللي ميتين حر

انتوا شنو ماكو قلب

اتمنى الحكومات تطبق قانون اتلاف كل الاجهزه هذي مالت الالعاب و تخلي بس نوكيا ابو ليت عشان الاتصال فقط , ماكو تويتر و واستاب وغيره

و اي شخص تكتشف الحكومه ان عنده جهاز سوني او اكس بوكس يحاكم محاكمه عادله و يكون جزاءه الاعدام شنقا حتى الموت

عشان غيره يخافون ويسلمون اجهزتهم

بشوف اليوتيوب

galaxy tab vs ipad mini

[Dudette]

اقول يبونك في قسم الاستفسارات يا بو شنب

[Karazhan]

هلا والله دوديت

شلونج وشلون الدوام

امس رحت الغانم و رحت يوريكا و رحت اليوسفي حق الايبادي ميني

بالغانم 170 دينار

اليوسفي 179 دينار

يوريكا 179 دينار

طبعا ال32 جيجا فور جي

الغانم ارخصهم لكن اللي بحولي قالي مو عندنا , راح يشوف بالكمبيوتر و قالي متوفر بالسالميه و مادري وين ومادري وين

قلت السالميه توني راد منها عاد , كنت هناك عشان يوريكا


قال لو انك مار الغانم جان حصلته

على فكره

منو كان معاي بالسياره و فرفرنا عالشركات

نعم نعم هو بعينه

رفيجي ولد بطنها اللي عروقه بالماي

ملك اللعبه و ملك اشياء اخرى كثيره , ويعرف بالجلكسي

حسب كلامه يقولي امس واحنا نتمشى بالسياره نفرفر عالمحلات

يقولي شوف انا "الملك يعني يتكلم عن نفسه" شريت 4 ايبادات , كلهم العاديين مو الميني , وشريت جلكسي تاب و نكسس

شوف حبيبي "الملك يوجه كلامه لي" غير الايباد و اجهزه ابل لا تتعب عمرك وتبحث ولا نخسر فلوسك

كل الشركات يحاولون يوصلون للايباد بس مايقدرون

والدليل , ان الايباد مواصفاته عاديه لكن جبار بالاستخدام والسهوله

يعني المعالج a5 و ابل عندهم 6 لكن حاطين الجب 5 و الرام 500 والسرعه 1600 والذاكره داخليه فقط

^^^^^

الارقام اللي فوق مادري اذا صحيحه او لأ , اذا فيها غلط فهو مني انا , لأن الملك مايغلط بس يمكن انا اللي غلطت وماحفظت عدل

المهم يقولي شفت المواصفات هذي ؟ قلت اي مولانا

قال هذي مواصفات عاديه و في اجهزه مثل نكسس و جلكسي اقوى من هالمواصفات

لكن ليش الايباد ماسك سعره واغلى واحد فيهم ؟

قلت ليش مولانا ؟

قال لأن الشركه ما تخيب عملائها , تقدم البسيط لكن جبار , وسهوله الاستخدام و التحديثات على طول

و اذا تبي نصيحه واحد مجربهم كلهم اخذ ايباد




عاد انتي عارفه بعد نصيحه الملك و ثناءه على جهاز مانقدر نخالفه وناخذ غيره

اليوم بروح اخذه من السالميه ان شاء الله

[Dudette]

روح وخل الملك ينفعك

خخخخخخ لا اسولف بعد مافينا يزعل علينا مللك ترام كلكك انت مب انا كل واحد ملك على عمره

المهم سلم عليه وتبريكاته

[Karazhan]

للأسف انتي ماتعرفين قيمه الملك الحقيقيه

لازم تروحين نادي وتشتركين باليوجا و تتأملين الملك دام ظله

اهو الظل اللي يقينا من اشعه الشمس , كلنا تحت ظله الوافر يحمينا من شرور الدنيا و يثقفنا و ينورنا

انتي على بالج بس باللعبه اهو ملك ؟ اهو بكل شي ملك

معلومات غزيره يملكها رفيجي ولد بطنها ادام الله عزه اللي مغطينا ومغطي كل الدنيا

للأسف

ما انصفتي الملك ولا اعطيتيه حقه

على يوم راح تندمين على كل كلمه قلتيها مجحفه بحق الملك

شوفي هالصوره واهو قاعد عالكرسي مال الدوانيه امس

فوق ما ان اصبعه مكسور هم راح معاي نفتر عالشركات ويكلمهم ويتفاهم معاهم وبالانجليزي بعد

لأن الموظفين كانوا فلبن ويتكلمون انجليزي وانا بس اهز راسي . لو مو الملك كان مافهمت شي


357355




هذي الصوره صورها اخوي الزغير , اهو واقف عند باب البيت و شاف المنظر قال بصوره , من الايفون طبعا و المناره مالت المسجد خلفها الغيوم واشعه الشمس متغلغله بينهم


357356

[Dudette]

من صجك هذا الملك مالك :33:

يا معود امس الصوره عن يحسدونه :09:

ويموت علينا هذا ريله والقبر وا عليه :ponder:

قول الصج من هذا :boggled:

[Karazhan]

لا يغرج الطير بصفه الريش

اهو صج جيكر لكن عقله مليان علم و معرفه

بس شسوي هذا اهو , لو يصير احط هاني شاكر بداله احسن لكن اهو شكله جذي

يسلم عليج ويقولج

ظلما اقول جنى الهوى ,, لم تجني الا مقلتاه

ولبثت بين جوانحي ,, والقلب من دمه سقاه

[Dudette]

ههههههههههههههه

الله يسلمة بس والله توقعته جذي
357357

او شذي

357358

بس ما توقعت جذاك

[Karazhan]

لا شدعوه

هذوله اشكالهم نثيه

لو نفس اللي بالصوره فوق جان انا بنفسي خطفته


لو ادخل بسببه السجن المؤبد

[Karazhan]

وترى لاعبين بالصور , مو حقيقيه اشكالهم جذي

لأن على اشكالهم هذي استحي اتمشى معاهم , الواحد صاير كأنه ترف , مااحس اني امشي مع زلم

[Dudette]

وليش عاد تستحي خلقت ربك هاي والله معطيهم جمال

ليش حاسدهم يعني

[Karazhan]

لا مو هذا القصد

الواحد وده لما يمشي يكون معاه رجال , ملامحه رجوليه

زي ابو شنب بالضبط

لكن هذا اتمشى معاه الناس يمكن تشك فينا

اخواني لو يشوفونه معاي يشكون فيني يقولون اخونا صار شاذ

في ناس تجيب الشبهه وناس لأ

هذا يجيب الشبهه و رفيجي الملك ولد بطنها المشي معاه يسوى هذا و مليون نفس شكله اللي مبيض عيونه ومخليهم ازرق و معدل البشره و مفتحها و صابغ وجهه كله

في فرق بين الرجوله والنعومه

[Dudette]

الي ما يطول العنب حامضٍ عنه يقول

[Karazhan]

لا تخليني اروح باجر بال170 دينار اللي عندي بدل اشتري ايباد ميني اروح مصور ويضبط صورتي ويخليني بعيون خضر وبشره فاتحه

لكن اللي مايخليني اسويها اهو ان مابي احلق اللحيه والشنب واخليهم ديرتي مثله

ياااااااااااي مستحيل

لا اجرأ اني اسوي الشنب بالمكينه نص او ربع او حتى اخفف منه

وعشان جذي ماراح اسوي . وله لو اسوي يمكن ما اطلع من البيت بسبب البنات اللي يلحقوني و المصبنه اللي يمرون يم بيتنا و يدوسون بنزين عشان اسمع صوت الهدرز

خليني جذي جيكر و رفيجي الملك جيكر احسن

يكفي اننا نملك قلوب الناس بأسلوبنا و جوهرنا مو بشكلنا و حلاوتنا



ولو اني واثق ان الملك لو كان احلى من شكله جذي جان ما عطاني وجهه

[Karazhan]

شرايج نقول للأداره يسوون اوسمه جديده

اوسمه على عدد السنين , يعني انتي صارلج بالمنتدى 5 سنين يعطونك وسام وداخله رقم 5 , واذا صارلج 7 سنين يشيلون الوسام او يبدلونه ويخلونه ايقونه داخلها رقم 7 وهذا

مو وسام من السيسم , وسام وضعي نفس نجوم الكمال الاجسام يعطونهم نجوم مادري شلون , يسوون وسام ويكتبون تحت "العام" يعني السنه وبالايقونه رقم السنه اللي قعد فيها بالمنتدى

و مو المنتدي يحتلف بأعياد ميلاد الاعضاء ؟ اللي اعرفه كل منتدى تدخلين وتكتبين السنه اللي ولدتي فيها والشهر واليوم يتضبط وكل سنه يذكرج ان اليوم يوم ميلادج . يضبطون الوسام ويخلونه من نفسه يتغير الى السنه اللي استمر فيها العضو من سنه تسجيله الى السنه الحاليه





















ماكو شغل صح

[Dudette]

شكلك شي تحاول تغير الموضوع

مب مشكله ترا مب ذنبك

المهم ما علينا

شو اخر اخبار طبخاتك وهي ما قلتلك نزلو عندنا في شرطه ابوظبي دورية يديده تعرف اي موتر


بوجاتي بس كانو مطرشينلي اياه بالتلفون يوم بحصل الصوره بطرشها

وشي ثاني شوف الرابط امس حاطينه بالجريده

http://www.emaratalyoum.com/local-section/accidents/2013-05-12-1.574077 (http://www.emaratalyoum.com/local-section/accidents/2013-05-12-1.574077)

اليوم نفوه بس يقولون لازم تاخذ تصريح لو بتستعمله

والله لو بيطبقونه شان الديره كلها بيتغرمون ههههههه

هالبلبله كلها من يوم ما نشروو خبر انه في احتمال دبي وابوظبي يكون فيها الواي فاي ببلاش يعني تمشي في الشارع ويكون فيه انترنت والخبر حطوه في جريده البيان يا سلام بنكون نفس اليابان

http://www.albayan.ae/technology/2013-04-23-1.1868420

[Karazhan]

اخر طبخه النقارير "جمع نقرور" المشويه , حطيت الموضوع في قسم الطبخ

انا مشترك مع كيمز بالبيت و كيمز نفسهم زاجل و زاجل لها نقاط او شبكات بكل مكان عام مثل المطار و الكافيهات والمجمعات و حتى برجر كنج مال منطقتنا فيه

واشبك عليهم لو ابي انترنت وماعندي بتلفوني انترنت , نفس الحساب اللي احطه بالراوتر مال البيت اهو نفسه استعمله لشبكه زاجل

بس ان الوزاره مالت المواصلات تسوي انترنت مجانا للكويت كلها , راح يزعلون التجار جذي , والحكومه ماتحب التجار يزعلون

انا الحين قاعد ابحر باليوتيوب اشوف اعدامات الجيش السوري "جيش بشار" و الجيش الحر


حياج تعالي تابعي معاي