قهوة WoW .. :P

[Yoshi]

اهلا اخي يوشي كيف حالك بخير ,أخيرا طلع لمنتدى WarCraft مراقب , هل اخبرك اخي الكرزان عن مدى تميزي في منتدى WarCraft والردود التحفة مني التي اقدمها للعبة وروادها .. بهذه المناسبة هل معاك حوالي كيلو ونص من نقاط الترشيح لي كجائزة لتميزي في منتدى WarCraft


اشكرك على ترحيبك الجميل وشكراُ لك

نعم حدثني ولد بطونها انك جداً مجتهد في المنتدى ونشط جدا بما يخص تايلند والسيجار الكوبي الخ مارأيك بنقاط سلبيه حمراء ؟ لن تنسى طعمها ما حييت :biggthump XD


حياكـ دوديت الحمد لله بخير شكراً بالعكس اشوف اسهل شي الهيلر اكثر من ال Dps حالياً العب كذا لعبه منها MMO غير واو وكلها هيلر ههههههه


ولد جذورها بالله اشتقت لي ؟ برهن لي وورني الدليل ماصدق انا الا لما اشوف بعيوني برهن ياحبيبي برهن

[قزم مصرطح]

نعم حدثني ولد بطونها انك جداً مجتهد في المنتدى ونشط جدا بما يخص تايلند والسيجار الكوبي الخ


هي فكرة السجار الكوبي هي فكرة اقترحتها للتجارة لأن الأخ الكرزان يعاني من فقر وانفصام شخصية حاد , فقلت نعمل انا والكرزان في بيع السيجار الكوبي لنحسن من الوضعية المادية لأخي الكرزان فهو لديه حاليا في كشف حسابه البنكي 30 دينار على الأكثر , فقلت اتضامن معه ونعمل سويا في تهريب السيجار عبر الحدود واذا امسكوا بي وبالكرزان , نستدعي الأخت دوديت تخرجنا وتدفع لنا كفالة.
يعني كل ما سأقدمه هو مبادرة لمساعدة عشرت عمري الكرزان . يعني قزم صغير لكن بقلب كبير

[Dudette]

صباح الخير

البارحه حولت الدرود هيلر المشكله اني اهيل الي معاي وانسى نفسي شكلي بدور على ادون يساعدني في هالشي

وهالايام قاعده ادور على كلية مناسبه لاني ان شاء الله ناوية اكمل باكولوريوس وابي اخذ شهاده الايتلس

وان شاء الله بو شنب وقزووم بعد يكملون بدل قعدتهم البطالية هاي ويلتهون شوي عن السقاير

هي شو يعني سجاره كوبية؟ غير عن الي عندنا مارلبورووو

[Karazhan]

مو كوبيه مو سياره هذي

كوبي , من جمهوريه كوبا , السيجار هناك من اجود انواع السيجار بالعالم وغالي بس حق التجار والشيوخ والملوك , صدام حسين كان يطلب سيجار خاص يصنعونه له ويكتبون اسمه عليه من اجود انواع التبغ

احنا فقاره نشرب جكاير عادي ابو نص دينار

انا انصحج ماتكملين دراستج لأن الشهاده مالها معنى , خلج مثلي جذي لا دراسه ولا بطيخ و ماكو شي يعطلني , مو كل شوي رايح كليه و مو كاتب الواجب ويمسكني المدرس ويفركني على الصبح 10 طقات بكل يد

انتي بدل تدرسين روحي تعلمي شي يفيدج , تعلمي شلون تسوين مجبوس لحم , شلون تسوين محشي , شلون تسوين زنود الست , شلون تسوين كنافه , شلون تسوين حمام محشي

شي يفيدج لمستقبلج , مثلا قالج زوجج نفسي اكل مطبق زبيدي شنو تردين عليه ؟ دق على امك تسويلك ؟ او دق على مطعم ؟

انتي لازم تسوين , اهو متزوجج او متزوج امه او المطعم ؟ دافع مهر ومسوي عرس و ذبايح عشان عوار راس بس ؟ لازم في شي ثاني مثل تنظيف , طبخ , و اللي خبرج

اما زوجه تعور الراس وكل يوم حنه و رنه و طلبات ماتخلص وبالاخير ماتعرف تنظف ولا تطبخ ؟ بعد ليش متزوج ؟

والله انا ماادري ليش متزوج

انتوا شنو ؟ ماكو قلب ؟ بس طلبات و سفرات و خرابيط و الامور المهمه بالزواج ماتعرفونها ؟ شنو هذا

لا يا دوديت مو جذي تقوم البيوت , الدراسه عشان 100 درهم يزيد الراتب بعد الشهاده وانتي ماتعرفين بأمور الدنيا او الزوجيه شي , روحي دوره تدبير منزلي تعلمي شلون تخيطين و تنظيف وتطبخين

ترى الرجال يحب المرأه اللي تعرف كل شي و ذكيه , يعني انا زوجي مثلا مرتاح مني لأني اطبخ واغسل واخيط وفوق هذي اسويله عطوراته الخاصه

انا شقاعد اقول ؟

انتي لازم تعرفين هالامور , الدراسه وخلصتي منها و توظفتي والحين باقي تتعلمين كل شي يخص البيت , يعني النعامه اللي عندج هذي روحي اذبحيها وسويها مجبوس نعام

الحريم الاصليين قبل كانوا هم نفسهم يذبحون الدجاج و ينتفون الريش وينظفون بطنها وبعدين يطبخون

الحين البنت تشوف دجاجه تنذبح جدامها وتشوف الدم تسوي روحها يعني فقدت الوعي , مو كأن لي عمرها 20 تصجم وتاكله , بس يعني شوفوني ترى رقيقه ومااحب هالسوالف

لا مو صحيح اللي قاعد يصير , الجيل هذا مامنه فايده كلش , انا لو حاكم دوله كان قطيتكم بالسجن كلهم او خليت حكومتي تعطي مهر 10 الاف دينار حق كل مواطن يتزوج خدامته

لأن الخدامه قامت بدور الزوجه , اهي تنظف وتطبخ وتجابل العيال و تكوي الملابس وتغسلهم وتسوي كل شي , بس ناقص تنجب الاطفال بعد , لذلك راح اعطي مهر 10 الاف دينار للي يتزوج الخادمه وانتوا تطيحون بجبد اهلكم

وكل ما يدق الباب كنتاكي او برجر كنج تركضون ركض عشان تشوفون اذا عريس او لأ

يلا انا بروح اشوف هذا

باي


يوشي الظاهر صار مسردب , يطلع من السرداب يقول خطاب ويرجع يختفي داخله

اخاف اهو الملك و مو قايلي

[Dudette]

ههههههههههههه

ضحكتني والله

وعن الطبخ وخرابيطه ترا الحمدلله اعرف اطبخ بس على قدي يعني زوجي ما بيموت من الجوع والشي الثاني راح اسكن عند امه بالبيت

وعن الخياطه الحمدلله اعرف اخيط واسوي كروشيه ويوم برد البيت بصور كم شي سويتهم :)

[قزم مصرطح]

الأخت دي دي تعريف الاخ الكرزان للسيجار الكوبي خطأ , اليك الصح

السيجار الكوبي له فوائد وسلبيات ,

الفوائد : شكل جميل ـ يزيد من نسبة المعجبات بك من 50 في المئة الى 80 في المئة ـ يخليك تعيش في عالم ثاني غير اللي انت فيه ـ يطلق دخان كثير جدا لدرجة يسبب ضباب واضرار بالمنطقة المحيطة .

السلبيات : لا توجد

[azshara]

^
الشخص هذا ظريف جداً وتحفه !
لو أنا مراقبه عالقسم حشرته نقاااط تميز بس أشوف له رد كل يوم .. :psgt::biggthump



...




دوديت ...
الله الله وش هالحركات مغيره صورتك وصايره كشخه :p
ضحكتيني ع سالفة انك تصارخين لما تهيلين ... نفس حركاااتي :biggthump
صار لي الحين 3 سنوات العب واو بس ماااش ... للحن انخرش وارتاع واصارخ ..
المهم اذا تبين ادون للهيلينق انصحك ب HealBot ... سهلللل ومرييح ..
يمكن غيري ينصحك ب Grid < بس هذا اشوفه صعب مره وحوسه ..

[Dudette]

تسلمين والله عالنصيحه

واحرجتيني الصراحه والصوره عجبتني في النت وخذيتها

وها متى تسوينلي بوست بالالاينس مالي :biggthump

[azshara]

الحين اذا تبين ...
وب أي وقت ترى عادي .. انا فاضية وزهقاانة
وإذا تبين وصلتك 90 بهالاسبوع :biggthump

[Karazhan]

​شخصيتج الاينس شنو و اي لفل ؟

[Dudette]

اوكي يوم ارجع من الدوام بشوف الوالده ما عندها مشاووير جمعية خياط الخ راح اكلمك ونروح

وعمي بو شنب قاعده الفل ميج اللاينس مع اني حبيت الشامان اكثر بس الميج عشره عمر فقلت بلفله حق الاشيفمنت والحين انا لفل 19

[Karazhan]

اها

بس ممل الميج خصوصا النشبه كل شوي واحد يوسبر ممكن بورتال يالطيب , طردت و طردت وطردت وبعدين قمت اخذ جولد عالبورتال واخذ جولد واخذ جولد و زهقت وقمت اطرد واطرد واطرد

الى ان استسلمت للأمر الواقع و صرت لا اطرد ولا اخذ جولد , افتح وامشي

الى ان صارت فيني عقده وقمت اكتب بالشات اللي يبي بورتال يوسبرني وانا اجيه لو بأخر الدنيا


المهم


بما انج هاي هاي

تعرفين بالكاميرات ؟ الديجيتال

او احد فيكم ياشباب يعرف بالكاميرات الديجيتال ؟

[قزم مصرطح]

^
الشخص هذا ظريف جداً وتحفه !
لو أنا مراقبه عالقسم حشرته نقاااط تميز بس أشوف له رد كل يوم .. :psgt::biggthump



يا سلام على ذوقك اختي شكرا لكي , اتمنى تعيين الأخت مراقبة للمنتدى ومنحها كافة الصلاحيات وكمية حوالي خمسين كيلو من نقاط الترشيح لتوزعها على كل عضو مميز وكل قزم مميز , فالأخت ماشاء الله عليها لديها رؤية ممتازة لكشف المواهب في المنتدى .


او احد فيكم ياشباب يعرف بالكاميرات الديجيتال ؟
هو انت تتكلم الآن مع قزم الديجيتال , اي سؤال راح اجاوب عليه , عن ماذا تبحث بالضبط ناوي تشتري كاميرا مثلا او ماذا , هذه المرة سأفيدك بمعلومات اكثر من المرة السابقة في العطورات ..

[Dudette]

هههههه انا ما اسوس سالفه حق الي يطلبون برتال

المهم شو من كيمره تبي عشان نعرف

الصراحه كيمره سامسونج الجديده الي تحط فيها بطاقه وتكون مشبوكه بالانترنت

[Karazhan]

ابي كاميرا ديجيتال مضبوطه

ابي كاميرا كل من يسألني ويقول وشهي من لحيه اقوله لحيتن غانمه يمينك ما تشناك لو انهي ذبيجه ماعشتك

ابي كاميرا احطها على يمناي , لا يمناي رفيجي , ابي كاميرا احطها ايدي اليسار

مثل نعال كروكس اللي شريتهم وسافرت و قزرت السفره فيهم من كثر جودتهم

ابي كاميرا جذي , يعني

359371 + 359372 + 359373 = احطهم على يمناي و يسراي ويكونون لحيتن غانمه شقن من السما

ووين ما اروح يكونون معاي واعتمد عليهم


ابي كاميرا حق تصوير "بذمتك حق شنو يعني غير تصوير ؟" قصدي لما اصور الصوره واشوفها اقعد ابجي من حلاوتها ووضوحها و كل شي

انا حسب بحثي شفت ان الشركات واصلين 16 ميجا بكسل , وبعرف هل كيف في اكثر من ال16 ميجا بسكل ؟

وشنو الكاميرا اللي تصويرها قوي حده و واضح وصافي

اتمنى بما منكم و القزم طلع تخصصه الكترونيات والرجل تكنلوجي ان تفيدوني

انا انسان مسكين , انتوا عارفين هالشي طبعا , فأبي كاميرا بسعر معقول و تصويرها قوي

ابي ديجيتال اركب لها فلاش ميموري مو اللي يحطولهم افلام نفس العلبه و داخلها شريط اسود , ابي كاميرا نفس السوني هذي بس مو شرط سوني يعني لكن نفسها جذي ديجيتال و صغيره و ماادري اذا السوني هذي يركب لها فيلم او فلاش , بس انا ابي امهات فلاش عشان عندي فلاش 64 جيجا مال تلفوني الجلسكي

هل يركب او لهم فلاش خاص ؟


المهم ضبطوني لأن بسافر فيها و ابي تصوير قوي عشان احط لكم الصور بعدين لما اجي

[قزم مصرطح]

صباح الخير والفرح
كيف الحال , راح اذهب اعمل قهوة مع الشيء اللي على بالكم , ثم اعود لنكمل حكايات الف ليلة وليلة انتاعنا..

[Karazhan]

مطول على ماتشرب القهوه ؟ صارلك يوم وانت تشربها

يلا انطق تحجى قول

[قزم مصرطح]

مطول على ماتشرب القهوه ؟ صارلك يوم وانت تشربها

يلا انطق تحجى قول


بعدما ماشربت القهوة عدت للنوم مجددا لأني انام في بعض الأحيان لمدة طويلة كالدب الأشهب .

عموما بخصوص استفسارك , عندما تذهب للبائع للشراء اختار الحجم الكبير للمنتوج وامسكها وطب طب عليها حوالي ثلاث مرات حتى تسمع صوت الطق طق يعني الطقطقة , وبس بهذه الطريقة ستكون اشتريت احسن واطيب واحلى بطيخة في السوق .

[Karazhan]

مره وانا بتايلند ومعاي بعض الشباب في سوبر ماركت كبير اسمه big c دوديت تعرفه اكيد

في داخل يبيعون خضروات وفواكه و طبعا في اقسام غيره مثل قسم الكترونيات و ملابس

المهم وعشان اكبر بعين اللي معاي ويشوفون اني فاهم و ابخص واني اللي مسكت . في عندهم نوع من البطيخ يكون اللي داخله اصفر مو احمر

المهم اني قلت للشباب راح اختار لكم بطيخه بمعرفتي و الشباب مايعرفون شلون يطبطبون عليها , انا مسكت بطيخه بطيخه وقعدت اطبطب عليها لين وصلت لوحده حسيت انها الافضل

يعني مجهود شخصي من احساسي قال هذي احسن وحده فيهم وقلتلهم اشتروها ترى هذي 100%


الشاهد

طلعت اسوأ بطيخه بالسوق و اكتشفوا الشباب اتشيحط وانا مااعرف شي



-


لكن



انا اتكلم عن كاميرا مو بطيخه

البطيخه الصوره اللي بتوقيعك لكن لها ايدين و رجول

[قزم مصرطح]

اوكي هناك كاميرا Sigma SD1 بدقة 45 ميجابيكسل يعني وضوح تصوير ابو شنب اللي في صورتك الرمزية راح يظهر كما لو انه جالس امامك , لكن سعرها ازيد من 2000 دولار

اما بسعر متوسط هناك Nikon D3200 بـ 24 ميجابيكسل تدعم وضوح وجودة 1080P حوالي 650 دولار , تسجل حتى الفيديو HD ,
اما اذا اردت كاميرا التقاط صورة جيدة بسعر 150 الى 200 دولار فهي موجودة في الأسواق العامة ومعروفة مثل سوني وكانون

[Karazhan]

انا من شفتك تكتب اسم الشركه واسم الموديل وانا قلت هذا يبخص بالكاميرات

الكاميرا اللي تقول عنها نيكون دي 3200 غاليه شوي , ولو اني من هواة التصوير كان اخذتها بدون تردد , لكن انا حدي حدي استعمال او اثنين واحطها بالدرج لين يروح موديلها ويجي 100 ميجا بيكسل و اللي عندي ماتجيب لو ابيعها ربع باكيت مالبورو

انا من خلال البحث في موقع الغانم عن الكاميرا هذي شفت كاميرا اسمها نيكون s3500

من مواصفاتها اللي عجبتني انها 20 ميجا بيكسل

https://www.xcite.com/ar/photography/cameras/compact/nikon-coolpix-s3500-digital-compact-camera-silver.html


هذا رابطها


انا ابي جذي رخيص و كويس

بس هذي هل يركب لها ميموري نفس مال التلفون او الميموري مالها نوع خاص

[Karazhan]

احب البر والمزيون
واحب البدو والاوطان
واحبك قبل مايدرون
اهلي واهلك ولا الجيران

[Dudette]

صباح الخير

توني قاعده من النوم

المهم بو شنب انت كم الميزانية الي حاطها حق الكيمرا

http://www.samsung.com/ae_ar/consumer/mobile-phones/mobile-phones/galaxy-camera/EK-GC100ZWAXSG

هذا رابط الجالاكسي الي قلتلك عنه

[Karazhan]

صباح نور

توج قاعده والدوام ؟ الف الف الف مبروك طلعتي من الدوام و صرتي بطاليه ؟ الف مبروك و عسى مو استقاله ؟ عسى فصل بسبب هوشه فيها دم

انتي بدأتي تصيرين ابو شنب الثاني , انا بعطيج لقب جديد بهذه المناسبه الحلوه

شنو اعطيج لقب شنو اعطيج لقب ,,, الراقصه مع الذئاب ؟ لا مايصلح

اميره الاوت لاند . بعد ما ذبحنا ملك الاوتلاند ايليدن صار اللقب شاغر , نخليج انتي الاميره الحين


الكاميرا هذي شفتها من قلتيلي عنها , بس شنو المشكله انها 16 ميجا بكسل و غاليه , انا فقير لا يغركم على بالكم كويتي معاشه 3 الاف وفوق , يبا انا راتبي 200 دينار

يعني خفوا علي , نفس ابو الشباب يقولي كاميرا بأكثر من 2000 دولار

لو عندي 2000 دولار كان رحت تايلند فيهم و بردت حرتي , 1000 تذكره و 1000 مصرف لأسبوع , اقزرها كبت كاي ب60 بات بدل الاكل العربي ابو 300 بات

خف علينا شوي ترى الحاله كسيفه

انا شفت كاميرا اسمها نيكون s3500 ورخيصه و 20 ميجا بسكل , بس لما شفت افلامها طلع لما يسوي زوم تروح الجوده مره وحده تقولين 1000 بكسل

وشفت كاميرا ثانيه وانا ابحث اسمها كانون 500 is في حروف اول شي نسيتهم اظن xs و هالكاميرا 16 ميجا بكسل بس فيها زوم قوي , يحط الزوم 30 ضعف والصوره مازالت بنفس الجوده

دزيت حق رفيجي ولد بطنها قلتله تعرف بالكاميرات ؟ قال انا ملك الكاميرات و من كثر ما افتريت عليهم وبحثت و درست اقتنعت ان افضل كاميرا اهي كاميره التلفون , و طنشني مارد علي , عاد انا لزقه وقعدت ادزله وينك الو وينك رد كوتش ياكبتن يا استاذ رد الوووو

وما رد علي

انا ودي بكاميرا ب10 دنانير شي جذي يعني و البكسل قوي يعني 100 ميجا بكسل

يعني شنو الفقاره مايشترون ؟ ما ياخذون شي طيب و قوي ؟

يااخي انا فقير وماعندي اشتري كاميرا ب700 دينار و ابي شي طيب , طيب سوو شي طيب و جوده قويه بس استعمال واحد و ترميها بالزباله "يكرم المشاهد"

يعني ام 700 دينار هذي يسوون منها وبنفس مواصفاتها كاميرا حدك تستعملها مره وحده وسعرها 10 دنانير والكل رابح

انا فقير شسوي ؟ انتحر يعني و كل الفقاره ينتحرون ويخلون الدنيا للأغنياء ؟ حتى ان انتحرت دخلت النار رواسي , يعني لا استفدت من الدنيا ولا الاخره

مايصير جذي ارحمونا كل شوي زايدين الاسعار علينا , كاميرا قبل ب100 دينار ماتحصل ولا يخطر ببال احد ان في كاميرا ب100 دينار الا مالت التلفزيون

الحين كاميرا 700 دينار , عن 3 معاشات , لا والله 3 معاشات ونص بعد





عرفتي يا اميره الاوتلاند

ابي شي رخيص وكويس

[Karazhan]

http://www.youtube.com/watch?v=wL5vR-gBVfY

[Karazhan]

الحين يجي فاينل ويصكني توقيف

[Karazhan]

انا مسكين

فكر قبل تقوم بأي عمل يمكن تندم عليه بعدين وتتحسف وتقول حرام وقفت هاليتيم

ترى انا يتيم الاب و معيل اسره من 10 اشخاص , انا فوق ليش قلت معاشي 200 دينار ؟ لأن معاشي ادفعه للأقساط والباقي مصرف لأهلي و يبقالي 200 كل شهر

يعني فكر بواحد مثلي مسكين و حالته كسيفه و ماعنده فلوس يسافر او يروح مكان يسلي نفسه , قاعد بالبيت ومجابل الكمبيوتر من الزهقه و لأن ماكو شغل اسويه ولا اروح مكان لأن كل مكان يحتاج قط فلوس

يعني لو انا غني كان قلتلك وقفني و وقفني اسبوع بعد , بالاسبوع هذا بما اني غني ادق سلف المطار واقوله ابي اقرب طياره رايحه بانكوك , يقولي في كذا وكذا اقوله احجزلي درجه اولى مده اسبوع وعلى طول اروح اركب الطياره

واقعد اسبوع في ربوع بانكوك وارجع اشوف التوقيف راح واكمل مشواري

اما انك تصكني وانا فقير والله مااستفيد شي , بقعد وين بروح ؟ بطالع بدون اشارك وبعدين بروح اليوتيوب و افتر بالنت لين ازهق وارجع اشوف الناس تطالب برفع التوقيف و اطالعهم لين ينتهي الاسبوع وارجع

تقولي شنو سويت بالاسبوع ؟ اقولك مجابل الكمبيوتر , لو غني راح اقولك والله مدري شنو صار لأن من توقفت اخذت جنطتي ورحت المطار وتوني اوصل

فكر قبل تصكني

ترى كلها اغنيه لا راحت ولا جت , التلفزيون متروس اغاني وين ماتفتح محطه الا اغنيه , وقفت علي انا يعني , عشان مسكين ويتيم وفقير

انا ما ورثت من ابوي دينار واحد , كونت نفسي بنفسي واخذت قروض و بنيت شقه لي و تزوجت وشريت سياره و اقوم برعايه امي المسنه و اخواني وخواتي و اطفالي و زوجتي و اطفالي من طليقتي وكل هذا ما تشكيت لأن اللي مافيه خير لأهله مافي خير للناس

انا يوميا اسوي الريوق لأمي و اروح اشتري من الجمعيه كل مايحتاجه البيت و اعطي اخواني وخواتي مصروفهم وفوق هذا تصكني توقيف

انا ماودي اقول بعد عشان ماتفكرون اني قاعد اتشكى , انا اقول عشان تعرف اني على قد حالي والتوقيف راح يضيق خلقي

[قزم مصرطح]

الأخ الكرزان هو انت كتبت الردود فوق وانت في مكان خارج التغطية مثلا في الصحراء او ماشابه , كلامك يوحي بأنك تأثرت وتعرضت لأشعة شمس فوق البنفسجية .

[Dudette]

يا سلام على ميحد يباله البر وسيارة كبسوله وتقطع على العراقيب يا سلام

ان شاء الله في الشتا

المهم بو شنب شوف هالموقع يمكن تستفيد

http://kuwait.souq.com/kw-en/camera/s/

[kagoor]

للحين ما شاء الله عليك يا أبو شنب متواجد بالمنتدى
المفروض يعطونك وسام ( ثابت والبقيه متغيرون )

بالنسبه للكاميرات انصحك بالكميره الشبه احترافيه
بمعنى انها ذات زووم كبير لكن عدسة غير قابلة للإستبدال
عكس الكميرات الإحترافيه وهي أفضل للمبتدئين وللأصحاب الميزانيات المحدودة ( الطفارى )
أنصحك ب p520 من نيكون زووم 42 ودقة 18 ميقا بكسل
أفضل سعر جديدة
http://www.ebay.com/itm/BRAND-NEW-Nikon-COOLPIX-P520-18-1-MP-Digital-Camera-Black-/251332331745?pt=Digital_Cameras&hash=item3a849308e1
أفضل سعر لمعادة التصنيع (لخلل مصنعي تم اصلاحه )
http://www.ebay.com/itm/Nikon-Coolix-P520-Black-Nikon-Factory-Refurbished-/390649876226?pt=Digital_Cameras&hash=item5af48c0f02

هناك فئة أقدم منها
هي p510 بزووم 42 ودقة 16 ميقا بيكسل
أفضل سعر للجديدة
http://www.amazon.com/Nikon-COOLPIX-Digital-Camera-Location/dp/B0073HSH8U/ref=aag_m_pw_dp?ie=UTF8&m=A107FDQ81G9WM3
أفضل سعر للمجددة
http://www.ebay.com/itm/Nikon-Coolpix-P510-GPS-Digital-Camera-16-1-MP-Black-USA-/360731273944?pt=Digital_Cameras&hash=item53fd426ad8

[Karazhan]

جاكم اللي يبخص بالكاميرات

هلا كاجور يا اهلا وسهلا نور القسم بطلتك علينا

انا عندي سؤال سألت واحد من الربع وماقدر يعطيني جواب مقنع

الحين الكاميرا هذي اللي اسمها nikon s3500

359451

هذي الله يسلمك 20.1 ميجا بكسل حلو

والكاميرا هذي sx 500 is

359452

هذي 16 ميجا بكسل


اللي عقدني فيهم ان لما يستخدم الزوم بالاولى ومن اول ما يزيد الزوم تخترب جوده الصوره وتصير بايخه

اما الثانيه كانون يستخدم الزوم 30 ضعب والصوره مازالت بجودتها

الحين مو المفروض ام 20 ميجا بكسل تكون احسن وله البكسل ماله شغل بالسالفه


-


دوديت انا اعرف الكاميرات ووين احصلهم لكن المشكله اني ماادري شنو الافضل

انا جديد في هذا العالم , عطيني اسبوع واصير ملك الكاميرا , ويسموني فهد فلاش من كثر معرفتي

[Dudette]

الحمد لله دخل كاجور وبيفيدك

الصراحه عني احب الشكل وخصوصا اذا كان متصل بالانترنت عشان كل صوره اصورها احطها بالانستقرام

[Karazhan]

انا عندي امستردام بعد

خليني اضيفج و اشوف كرزان مالج

[kagoor]

جاكم اللي يبخص بالكاميرات

هلا كاجور يا اهلا وسهلا نور القسم بطلتك علينا

انا عندي سؤال سألت واحد من الربع وماقدر يعطيني جواب مقنع

الحين الكاميرا هذي اللي اسمها nikon s3500

359451

هذي الله يسلمك 20.1 ميجا بكسل حلو

والكاميرا هذي sx 500 is

359452

هذي 16 ميجا بكسل


اللي عقدني فيهم ان لما يستخدم الزوم بالاولى ومن اول ما يزيد الزوم تخترب جوده الصوره وتصير بايخه

اما الثانيه كانون يستخدم الزوم 30 ضعب والصوره مازالت بجودتها

الحين مو المفروض ام 20 ميجا بكسل تكون احسن وله البكسل ماله شغل بالسالفه


-


دوديت انا اعرف الكاميرات ووين احصلهم لكن المشكله اني ماادري شنو الافضل

انا جديد في هذا العالم , عطيني اسبوع واصير ملك الكاميرا , ويسموني فهد فلاش من كثر معرفتي



القسم منور بوجودك

nikon s3500 تعتبر كاميرا متطوره ( advanced)

ممتازه للصور المحيطه والقريبه
دقة ال20.1 ميقا بكسل للصوره بدون زووم لأن أساس الكميرا معده للتصوير القريب لكن بقدر ما تستخدم الزووم بقدر ما يقل الميقا بكسل بالكاميرا يعني عند عدم استخدام الكاميرا بدون زووم دقة الصوره 20.1 ميقابكسل عند إستخدام الزووم درجتين تصبح الدقه 18ميقا بكسل (تزيد أو تنقص )
طبعا أنا من الناس إلي ما تنصح بالهنوعيه من الكاميرات بالوقت الحالي لأن الجوالات تقوم بالدور هذا وكفايه

أما sx 500 is تعتبر كاميرا شبه احترافيه SLR
الكاميرا الشبه الإحترافيه للصور ذات المدى البعيد ودائما ما تكون بدقة أقل من المتطوره لكن تظل محتفظه بنفس الدقة أو قريب منها مع استخدام الزووم

[Karazhan]

والله يااخي انت تفهم

انا مني ورايح بسميك ملك الكاميرات

ولما اروح موقع يتكلمون عن كاميرات بشارك معاهم وان سألوني شعرفك اقولهم من رفيجي ملك البكسل اللي اهو انت يعني

نفس سالفه ووركرافت كل من سألني اقوله من رفيجي ملك اللعبه اللي عروقه بالماي

اهو لعبه وانت كاميرات وعندي رفيجي ثالث مال سوني بس لما الحين ما جا دوره

طيب كخبره شنو افضل ماركه تشوفها انت زينه و جودتها عاليه من ناحيه الصور , يعني مثلا كانون و نيكون و مدري شنو بعد عندهم كاميرا 16 ميجا , لكن لما تصور فيهم تشوف او تحس ان كاميرا افضل من الثانيه

انت فاهمني ؟

يعني تحط الكاميرتين عندك و تصور نفس الباكيت بنفس الغرفه ونفس الاضاءه ونفس كل شي بس تشوف ان كاميرا افضل من الثانيه مع انهم نفس البكسل ونفس الشي

انت شنو تنصح فيه من الشركات



تحملني ها

ترى رفيجي ملك اللعبه تحملني لين قال بس

انت ملك البكسل تحملني بعد

[kagoor]

والله يااخي انت تفهم

انا مني ورايح بسميك ملك الكاميرات

ولما اروح موقع يتكلمون عن كاميرات بشارك معاهم وان سألوني شعرفك اقولهم من رفيجي ملك البكسل اللي اهو انت يعني

نفس سالفه ووركرافت كل من سألني اقوله من رفيجي ملك اللعبه اللي عروقه بالماي

اهو لعبه وانت كاميرات وعندي رفيجي ثالث مال سوني بس لما الحين ما جا دوره

طيب كخبره شنو افضل ماركه تشوفها انت زينه و جودتها عاليه من ناحيه الصور , يعني مثلا كانون و نيكون و مدري شنو بعد عندهم كاميرا 16 ميجا , لكن لما تصور فيهم تشوف او تحس ان كاميرا افضل من الثانيه

انت فاهمني ؟

يعني تحط الكاميرتين عندك و تصور نفس الباكيت بنفس الغرفه ونفس الاضاءه ونفس كل شي بس تشوف ان كاميرا افضل من الثانيه مع انهم نفس البكسل ونفس الشي

انت شنو تنصح فيه من الشركات



تحملني ها

ترى رفيجي ملك اللعبه تحملني لين قال بس

انت ملك البكسل تحملني بعد



أفضل الشركات nikon and canon
هذا الموقع ان شاء الله يعطيك المختصر المفيد

فقط ادخل الموديلين التي تريد المقارنه بينها وهو يقوم بالباقي
http://snapsort.com/compare

ويرشح لك الكاميرا الأفضل

[قزم مصرطح]

الكرزان كيف تخونني هكدا ألا استحق منك لقب وان تناديني برفيجي القزم الفاهم بالعطورات والنسوان والسجائر لقد حطمت قلبي

[Karazhan]

ياقزم انا من اشتركت بعضويتي هذي قبل 5 سنوات و9 شهور , مابي اقول وعضويتي السابقه خلني اكتفي بالعضويه هذي بس من 5 سنوات و 9 شهور وانا يوميا اقول اني فقير ومسكين و منتف و معاشي مايكفي وو و وو ووو


تجي انت بعد هذا كله وتقولي كاميرا ب2000 دووووولار ياظالم

5 سنوات و9 شهور ما حركت فيك شعره


انا ابيها عشان اسافر و اصور , تروح تقولي كاميرا سعرها عن فلوس سفرتي كلها من تذاكر و سكن واكل , انت لما الحين على بالك ان العالم كله غني نفسك

لا يبا بالعالم في الغني والفقير , في ناس عندها ملايين وناس الحين الحين برصيدها 3 دنانير فقط , توني داش البنك بشوف جم عندي و طلع برصيدي 3 دنانير حتى لو 5 كان عالاقل اقدر اسحبها من مركز سلطان هناك المكينه تطلع خمسات

لازم تراعونا , احنا في منتدى والمنتدى فيه الغني والفقير , احنا مو في نادي اللوردات او المليونيريه عشان كل ماتشوف واحد تعرف ان هالشخص اقل شي يملك مليون

نفس السعوديين والاماراتيين والقطريين , اقل مواطن يملك مليون ويقولك انا فقير عشان العين بس

[Dudette]

صباح الخير

طع هذا يقولي مليون

ابا اسالك بذمتك في زمنا هذا المليون شنو يسوي ؟؟

تشتري سياره وسفره وحده وخلص هالمليون اقول قول الله كريم والحمدلله على النعمه

ترا ما عندي مليون بس اتكلم عن تصكوني بعين وانا ما عندي

[Karazhan]

انتي متينه او صعيفه ؟

اذا متينه و من راعيه الماك جكن والدبل تشيز بجرر و التشيز ستيك

مثل هذي

359461


وهذي

الله اكبر عليها اكلك منين يابطه

359462


وتبين تسوين ريجيم قوليلي

انا الحين داش بريجيم وسط و قلت اخلي الناس تستفيد من تجربتي خصوصا خصوصا اني لما بحثت في النت عن افضل وجبات ريجيم او طرق الريجيم ماحصلت احد يفيدني كلهم كلامهم عادي


ثاني شي

وانا ابحث في جوجل عن الريجيم شفت ان 90% من اللي يسئلون عن الريجيم بنات

فما ادري انتي منهم اللي تبون ريجيم او لأ

انا كانت تجربتي وهذا سر مااقوله الا لأصحابي وانتوا اصحابي ومنها نكسب السحب المقدس للناس اللي يبحثون في جوجل عن الريجيم واسهل و اأمن طريقه واقصرهم في الريجيم بأذن الله و يشوفون كلامي ويطبقونه بأظافيره وراح يضعفون بأذن الله و انا تجربتي شخصيه

انا مو دكتور او شخص مهتم بالاكل والسعرات الحراريه اللي فيه واعطي نصايح وبس نفس الدكاتره اللي مايخافون ربهم

الواحد يروح حق دكتور تغذيه ذابحنا كل يوم يطلع بالتلفزيون و يفتح ملف عنده ب50 دينار وبعدين يدخل عليه ويعطيه نصايح ويدفع 50 دينار ثانيه ويقوله مرني كل اسبوع عشان اشوف حالتك وكل اسبوع يدفع 20 لمده 6 اسابيع

بالنهايه يقوله اكل خضروات
فلا
الحبيب من كثر ما اكل خضروات ولأن الخضروات ما تسد الجوع فياكل باليوم 10 كيلو ولمده 6 اسابيع بالنهايه ما يضعف بل ينقلب خروف فلا حول ولا قوه الا بالله

كلهم نصابين و 99% منهم شارين شهايدهم من بره , لأن التغذيه مايبيلها عمليات و جراحه فموضوع الشهاده سهل , بس احفظ طريقه الريجيم وخلاص لأن كل الناس راح تسأل عن هالشي

يعني واحد يروح دكتور تغذيه عشان يسأله عن السمع او النظر ؟ راح يقوله مو تخصصي روح حق اذن وانف وحنجره او العيون

واغلبهم مكرشين واجسامهم تسد النفس ويقول انا دكتور تغذيه

المهم ماعلينا , ما ودي اقطع ارزاقهم

بس من خلال بحث وتحري بالنت وخارج النت شفت الناس تقول ان الدكاتره اللي متخصصين بالريجيم ما افادونا بشي

الخلاصه

انا شفت طريقه و تمارين ووقتها وطبقتها و النتايج 100%

انا على فكره مو متين , انا طولي 180 ووزني بين ال82 و 85 بس قليل جدا يوصل 85

يعني جسمي عادي لكن عندي كرش بسيط , يعني لما البس الدشداشه اللي اسمها عندكم بلدوزر او بندوره او كندر او كندوزه او كندوره شوفي وينها

الثوب اللي ينلبس مال الرجال اهو احنا نسميه دشداشه

المهم لما البسها ما تبين الكرش وماتقولين مكرش , ولما اسافر البس بلوزه لارج وبيني وبينج اشفط البطن لما امشي عشان ماتبين بس عاديه يعني ان شفطت تقولين هذا الرياضي , وان اطلقتها للعنان تقولين عادي

لكن

بعد الكروس قضيت عالكرش مع تمارين خفيفه وصرتي لو تشوفيني من بعيد تقولين براد بيت ولما اقرب تشوفين وجهي تقولين حسبتك براد بيت ممكن اصور مع جسمك

صار جسمي يدافع البلا اللي هوه , اللي يسمونه جسم الشاطئ

حاضرين

انا انسان اجرب وقبل التجارب ابحث وابحث وابحث لما اعرف ان الشي 100% مافيه اضرار ولا اي شي يأثر مستقبلا

والنتيجه اني حرق الشحوم بالجسم كله وابحث عن الشحم الحين عشان اصطره

فوق هذا الكورس مالي ينضف القولون و يقوي النظر , ترى انا البس نظارات طبيه بس لما اصور نفسي ما البسهم عشان ما يتطنزون علي يقولون ابو اربع عيون

ويطرد السموم من الجسم و يمنع الاكسده بالجسم ويزيد القوه للجسم

يعني كورس صحي 100%

والنتيجه ان واضبتي عليها خلال شهر تصيرين كرزان الثاني و من البنطلون مقاس 36 الخصر تلبسين 32

اهي قويه شوي لكن هذا الواقع

في ناس ما نفع معاهم لأن اجسامهم تركيبتها خاصه , مثل يجي واحد متين ويقول انا مسوي ريجيم بعد ولو آكل اصبع واحد من الكتكات يصير وزني الضعف

هذا في مرض السمنه المفرطه ماينفع معاي , انا اتكلم عن الناس الطبيعيين اللي زاد الشحم فيهم بسبب الاكل و اجسامهم عادي , لكن يبون يحرقون الشحم واللي يطلق عليه العلماء والمفكرين وعيال بطنها اسم فات

اللي يبي يحرق الفات المتكدس بجسمه يصلحله مع تمرينات خفيفه يبرز فيهم العضلات قبل يصير ضعيفه ويستفيد من الفات قبل يتبخر فهذا الكروس ممتاز له






اخر شي

من خلال بحثي وانتوا تقدرون تبحثون بعد عشان تتأكدون وتشوفون ان ماكو احد في جوجل يعطيكم الزبده , كلهم كلامهم عام , و ناس تجرب وتقول مانفع و ناس تقول نفع

اما طريقتي تنفع وصحيه ومثل ماقلت مفيده للجسم من ناحيه الاكسده و الطاقه و القولون

الدكتور جم ياخذ عالكورس ؟ 250 دينار

انا ابي 50 دينار بس

والسلام عليكم ورحمه الله وبركاته

[قزم مصرطح]

ياقزم انا من اشتركت بعضويتي هذي قبل 5 سنوات و9 شهور , مابي اقول وعضويتي السابقه خلني اكتفي بالعضويه هذي بس من 5 سنوات و 9 شهور وانا يوميا اقول اني فقير ومسكين و منتف و معاشي مايكفي وو و وو ووو


تجي انت بعد هذا كله وتقولي كاميرا ب2000 دووووولار ياظالم

5 سنوات و9 شهور ما حركت فيك شعره




اخي الكززان انا قصدت بكاميرا بسعر فوق 2000 دولار تشتريها لما تتزوج امراة غنية يعني تشتريها على حسابها هو انت حتدفع من جيبك لا طبعا
معقولة ما تفهمني الى هده الدرجة دنا القزم عشرت العمر الحب الاول والتالي

[Karazhan]

زين قزم قولي بكل جديه





انت شنو تفهم فيه اكثر ، يعني تخصصك والشي اللي تحس انك متمكن منه وتعرف كل تفاصيله





عشان يمكن احتاج معلومات عنه او يجي اليوم اللي احتاج معلومات وعلى طول اجيك انت بالاسم

[قزم مصرطح]

زين قزم قولي بكل جديه





انت شنو تفهم فيه اكثر ، يعني تخصصك والشي اللي تحس انك متمكن منه وتعرف كل تفاصيله





عشان يمكن احتاج معلومات عنه او يجي اليوم اللي احتاج معلومات وعلى طول اجيك انت بالاسم


اوكي بجدية ولا احد يكرهني او يحمل لي ضغينة ,
الأشياء الفاهم فيها هي السيارات الأوربية , السجائر , السهرات وملحقاتها , اللباس هاي هاي يعني كيف تلبس وتكون انيق جدا , النسوان , وبس هذا كل شيء .

[Karazhan]

بس ؟؟؟ ماتعرف مثلا اذا انا مركب وندوز تقليد على جهاز ماك و ابي احول الوندوز 7 الى وندوز 8 هل ينفع التطوير فقط او لازم وندوز 7 اصلي عشان اطوره الى 8 ,,,,,,, انا تعبثت بجهازي و صار مافي enter مااقدر اضغط انتر واخلي الكلام تحت بعض ,, المهم ,,, طيب انا عندي مشكله بالملابس بما انك تقول تعرف ,, بس مو بالاخير تطلع ماتعرف ,,, الحين شلون اركب الالوان , يعني الجوتي يكرم المشاهد و البنطلون والبلوزه , انا فيني عقده من تركيب الالوان على بعض , عندي جوتي اسود و بنطلون بيج شنو البلوزه اللي المفروض البسها عليهم ؟ مثلا بعد جوتي ابيض و جينز ازرق فاتح شنو الالوان اللي يركب عليهم , انا لو جهازي مو طاق فيوزه كان حطيت صور , بشوف شسالفته برب

[Karazhan]

اشوه ضبطت

نزلت فاير فوسك موزريلا و كل شي تمام مو السكه اكسبررور

[قزم مصرطح]

الحين شلون اركب الالوان , يعني الجوتي يكرم المشاهد و البنطلون والبلوزه , انا فيني عقده من تركيب الالوان على بعض , عندي جوتي اسود و بنطلون بيج شنو البلوزه اللي المفروض البسها عليهم ؟ مثلا بعد جوتي ابيض و جينز ازرق فاتح شنو الالوان اللي يركب عليهم , انا لو جهازي مو طاق فيوزه كان حطيت صور , بشوف شسالفته برب
راح اخبرك بذوقي ورايي وليس موضة او خرابيط يعني الاناقة والجمال وبس !

جوتي ابيض وجينز ازرق فاتح = جاكيت ابيض او جاكيت اخضر فاتح لون كأخضر الفستق او جاكيت ازرق سماوي
جوتي اسود مع بنطلون بيخ = بلوزه بيضاء او بيضاء مع اسود او احمر غامق

[Karazhan]

عشان اكون على بينه


شوف هذا

http://www.amazon.com/gp/product/B0078WMTXY/ref=oh_details_o05_s00_i09?ie=UTF8&psc=1

نفس الصوره بالضبط

شنو يفضل جوتي يلبس معاها

عندك هذا النص جوتي من كروكس

http://www.amazon.com/gp/product/B008M3HH9Y/ref=oh_details_o05_s03_i00?ie=UTF8&psc=1


او هذا من تومز

http://www.amazon.com/gp/product/B000X3098W/ref=oh_details_o05_s01_i00?ie=UTF8&psc=1

انت شنو تختار للهاف هذا من الجوتيين هذوله ؟

طبعا في جواتي غيرهم بحطهم لك وهالجواتي عندي بس مو قادر اركب عليهم شي

احس انهم يضبطون للبنطلون الطويل بس ومايصلحون للهاف او البنطلون النص او البرمودا او اقصر منهم بعد

http://www.ebay.com/itm/181120786960?var=480228954298&ssPageName=STRK:MEWNX:IT&_trksid=p3984.m1497.l2649

اللي فوق الاسود و هذا الابيض

طبعا اثنينهم عندي

http://www.ebay.com/itm/181120786960?var=480228954310&ssPageName=STRK:MEWNX:IT&_trksid=p3984.m1497.l2649

عندي هذا بعد

http://www.ebay.com/itm/400471151691?var=670086765763&ssPageName=STRK:MEWNX:IT&_trksid=p3984.m1497.l2649



الاخير احس يضبط مع الهافات نفس البنطلون اللي فوق بس يكون فاتح لونه اكثر



قلبنا القسم ازياء

[Karazhan]

انا اقصد الملابس اللي يكونون عباره عن بنطلون و بلوزه و حذاء رياضي او مثل كروكس و تومز واللي مثل نوعهم اللي يكون خفيف و مصنوع من الخام

مثل هالنوع

359467


حسب كلام اللي موصيني عليهم لما جرب كروكس و تومز يقول خفيفيين و فيهم طبقه عازل تحت القدم تحمي من الحراره و ممتازين للمشي وما تعرق رجولك لأنهم خام والتهويه تدخل على رجولك

وانا ابيهم حق تايلند , جو حار و رطوبه و مشي مسافات كبيره

انا جربت انواع غيرهم قبل و المشكله كل ماامشي وبعدين اروح الفندق اشوف تحت رجولي يطلع تفاخيات ماي من المشي

فأنا ابحث عن جواتي للمشي , يكونون اصليين مو تقليد و يسببون عوار , عرفت شلون

لكن هالنوع من الجواتي وهقوني بأختيار البنطلون المناسب لهم

لأن ان لبست معاهم بنطلون جينز مايصلح لأن المتعارف عليهم ان الجينز لازم جوتي شوي كبير

او رياضي مثل اديداس دراجون

359468

او غزال

359469

359470


احس انه راكبين على بعض وكل الناس اشوفهم جذي

لكن جوتي تومز و جينز

359471

مع نظاراته تقول بوبشير

مو راكب ماتلاحظ هالشي يا فرساجي

[قزم مصرطح]

http://www.amazon.com/gp/product/B0078WMTXY/ref=oh_details_o05_s00_i09?ie=UTF8&psc=1

http://www.ebay.com/itm/181120786960?var=480228954310&ssPageName=STRK:MEWNX:IT&_trksid=p3984.m1497.l2649&afsrc=1


لكن هالنوع من الجواتي وهقوني بأختيار البنطلون المناسب لهم
http://www.montada.com/attachment.php?attachmentid=359467&d=1378826637

هالنوع باختصار يمشي مع شورت تحت الركبة بقليل

[Karazhan]

طيب انا بحطك بأختبار

حطي روابط من جوجل تختار فيهم البلوزه و البنطلون باللون اللي يركب عليهم

الجوتي الازرق اللي بالنص

شنو تلبس عليه بنطلون وبلوزه ؟

[Karazhan]

انا بصراحه مااعرف شنو البس عليه

[Karazhan]

الوو

كأنه نحش ؟

الوو وينك ؟؟؟

[Karazhan]

خلاص يبا انا اسحب اسألتي بس ارجع لا تترك المنتدى

لاحول ولا قوه الا بالله

وانا كله جذي اطفش الناس بس

كل ما جا واحد طفشته و نحش

ملك البكسل زهق مني و راح

دوديت زهقت مني وراحت

والحين القزم زهق وراح , من باقي

نص اعضاء المنتدى انحاشوا والسبه انا

انا خلاص بسكت ماراح اتكلم عشان ما اقضي على البقيه , هذا وانا بقسم واحد , لو اروح للأقسام الثانيه شنو يصير , كان الحين اكلم روحي بالمنتدى كله

خلاص ارجعوا انا بسكت

[قزم مصرطح]

يا اخي الكززان لما انت متشائم هكذا لم اكن متواجد خرجت دخنت سجائر
بخصوص الالوان وتناسقها اخبرتك بدلك سابقا

جوتي ابيض وجينز ازرق فاتح = جاكيت ابيض او جاكيت اخضر فاتح لون كأخضر الفستق او جاكيت ازرق سماوي
جوتي اسود مع بنطلون بيخ = بلوزه بيضاء او بيضاء مع اسود او احمر غامق



الجوتي الازرق اللي بالنص

شنو تلبس عليه بنطلون وبلوزه ؟
بنطلون لكن ليس بنطلون واسع جدا من ناحية الاقدام ضيق قليلا من جهة الاقدام , او شورت وفوق قميص صيفي بلون فاتح

[Karazhan]

يعني عادي يا استاذ قزم يكون كل قطعه لونه مختلف

عن نفسي شخصيا لازم اخلي مثلا الجوتي نفس لون التي شيرت والبنطلون لون مختلف عنهم

او الجوتي نفس لون البنطلون والتي شيرت لون مختلف

ما اخلي لون التي شيرت و الجوتي والبنطلون كل واحد مختلف , انا اشوف ناس جذي لكن احس راكب عليهم

لكن انا لما اسويها احس شكلي غلط تقول جكليت

359490

بس انت مبين انك ذويق

خصوصا لما قلت عن الجوتي الازرق لما فكرت بالالوان عليهم طلعوا راكبين

انت تقصد البنطلون اللي ضيق من الاقدام اللي يسمونه skinny

جذي يعني

359491


طيب انت متى تروح تايلند ؟ عشان اروح معاك وتضبطني تعطيني كورسات كورسات كورسات لما اصير البس بروحي

[Dudette]

صباح الخير بو شنب

خلاص عزمت تروح تايلند

متى ؟؟؟؟

وعن الازياء والاناقة

انت البس البنطلون والجوتي وطلع قميص قميص حطه عليك وشوف في الجامة الي يناسبه البسه

والحين الناس يلبسون كله كت ويطلعون عضلاتهم واذا انت من نوع ماك شيكن سووو مثلهم واذا انت جسمك ما يساعد فبليز لا تحرج نفسك ويضحكون عليك البنات والشباب هناك

وعقبها لاتدخل المنتدى عشان ما تفشلنا معاك :silly:

اسولف

[Karazhan]

انا ابي المختصر المفيد

يعني جوتي غامج مع بنطلون غامج مع تي شيرت فاتح

جوتي فاتح مع بنطلون غامج مع تي شيرت غامج

يعني ابي قانون اللبس شنو

تحت غامج وفوق فاتح والعكس او لازم الجوتي نفس البلوزه او نفس البنطلون او كوكتيل بس يكون فاتح وفوق غامج او شنو

تراكم عقدتوني



انا جسمي نفس هذا

359492

ومازلت قاعد انشف و ابرز العضله

ان شاء الله مو السنه الجاي 2014

بروح سنه 2015 لأن سنه 2014 كنت مخطط اروح تايلند لكن رفيجي ولد بطنها اللي عروقه بالماي قالي بنروح اوربا و تعال معانا

كعوائل يعني

وبعدين بروح تايلند , ان كفت فلوسي رحت بنفس السنه وان ما كفت 2015

انا انسان عندي طموح و ان بدأت الشي ما اخلصه الا لما اتقنه

زي رفيجي ابو شنب الاصلي ولد بطنها اللي عروقه بالماي , اللي جسمه الحين صار جذي

359493


وانا لما شفته احتريت حدي و قعدت ابجي

ولكن ما يأست , عدل جذي تنكتب يأست ؟

المهم ما وقفت وقلت لازم اصير نفسه و بدأت بمشروعي و بدأ مفعولها من اول اسبوع , مع اني بس اسوي معده و اسبح يوم واركض يوم

ان شاء الله مني لي الصيف الجاي الا انا بورسلي

طبعا انا مابي الضخامه اللي حتى مشي مو قادرين يمشون , انا ابي بيتش جسم او بالعربي جسم الشاطئ عشان يمكن يناديني فالنتينو يقولي نبيك تصير عارض ازياء

[Dudette]

هههههههههههههههه

خف علينا عن ايطيح السقف علينا

اقول بو شنب شو مشاريعك واليوم اول يوم بالباتش الجديد

انا امس فليل لفلت الدروووود 90 والبقية في الطريق

[Karazhan]

مدري عن اللعبه

من زمان مادخلت كنت مشغول باللياقه البدنيه

انتي مو مصدقه لكن راح يجي اليوم اللي في بالي وراح اخليج تفتحين عيونج و حلقج عالاخر من الانبهار والصدمه

نفس ما صار مع موظف الصيدليه

راح يجي اليوم اللي ما ينفع فيه الندم


عموما

انتي شلونج بالموضه

موضه الشباب يعني مو البنات

لو اقولج اختاري تي شيرت و بنطلون ان كان طويل او هاف و جوتي

حق واحد يبي يتمشى في بانكوك ويروح مجمعات

شنو تقترحين عليه باللبس

يفضل لو تحطين صور من جوجل او روابط عشان اشوف تركيبج للملابس

تي شيرت

بنطلون طويل او قصير

جوتي


والسؤال موصول للأستاذ ملك الموضه القزم

وكل الشرفاء والاشرار اللي يحبون يدلون بدلوهم

الموضوع موضوع نقاش عشان نطلع بفايده لأن سياسه المنتديات اهي فيد و استفيد

انتوا مايصير بس تستفيدون لازم تقدمون شي تفيدون فيه الناس اللي مايعرفون يركبون مثلي

[Dudette]

انزين بحط كم صوره ويمكن تعرف كيف تضبط عمرك

بس بقول مثل

الشين شين حتى لو غسل ويهه **** والحلو حلو حتى لو صحى من النوم

لكم الفهم

359494
359495
359496
359497
359498
359499
359500
359501
359502
359503
359504
359505
359506
359507
359508

[Karazhan]

مو ملاحظه ان كلهم جكليت

خصوصا الصوره قبل الاخيره اللي حتى الجوتي جكليت

[قزم مصرطح]

انا ابي المختصر المفيد

يعني جوتي غامج مع بنطلون غامج مع تي شيرت فاتح

جوتي فاتح مع بنطلون غامج مع تي شيرت غامج

يعني ابي قانون اللبس شنو

تحت غامج وفوق فاتح والعكس او لازم الجوتي نفس البلوزه او نفس البنطلون او كوكتيل بس يكون فاتح وفوق غامج او شنو

تراكم عقدتوني



المختصر المفيد هو ان كل شخص يناسبه نوع معين من اللباس والالوان , ممكن تلبس شيء سيناسبك لكن لن يناسبني اوالعكس الخ , هناك عوامل تتدخل مثلا انت لون بشرتك اسمر او ابيض او اسود او اصفر او ارجواني او قرمزي ... او ماذا لأعرف اي الالوان تصلح لتلبسها .

لكن يفضل بشكل عام تلبس جوتي غامج مع بنطلون غامج مع تي شيرت فاتح وليس العكس


طيب انت متى تروح تايلند ؟ عشان اروح معاك وتضبطني تعطيني كورسات كورسات كورسات لما اصير البس بروحي
انا لااسافر تايلاند اسافر لبلدنا حيث الطبيعة والجبال وحليب الابقار وزيت الزيتون البلدية وبنات البلد الفله يعني انا ابن بلد

[Karazhan]

خلاص اجيك في بلدك

وينها بلد الطبيعه والجبال وحليب الابقار ؟ هولندا يعني ؟

الزيتون ؟ فلسطين او بلاد الشام عامه ؟

وبنات البلد شنو يعني بنات البلد ؟ قولي خاص احسن يمكن اللي في بالي

و ابن بلد ؟ يعني مصر ؟

فله ؟ سعودي ؟

يعني معنى كلامك اختار بنطلون غامج او اقرب للألوان الغامجه مثل البيج و الكحلي و اختار التي شيرت فاتح

والجوتي عادي اي لون مو مهم ؟

انا لون بشرتي حنطاوي فاتح , ما شفت صوري انت ؟ لما اشوي النقرور و اسوي مبطق زبيدي و مرق شعوم

انت مو متابع جيد كلش

[قزم مصرطح]

خلاص اجيك في بلدك

او كي ستجدني بجبال الريف


وينها بلد الطبيعه والجبال وحليب الابقار ؟ هولندا يعني ؟

الزيتون ؟ فلسطين او بلاد الشام عامه ؟

وبنات البلد شنو يعني بنات البلد ؟ قولي خاص احسن يمكن اللي في بالي

و ابن بلد ؟ يعني مصر ؟

فله ؟ سعودي ؟

المملكة المغربية
ادا زرت المغرب اخبرني لندهب لصيد الحجل والارانب في الغابات


يعني معنى كلامك اختار بنطلون غامج او اقرب للألوان الغامجه مثل البيج و الكحلي و اختار التي شيرت فاتح
نعم


والجوتي عادي اي لون مو مهم ؟

بلون قريب للون السروال


انا لون بشرتي حنطاوي فاتح , ما شفت صوري انت ؟ لما اشوي النقرور و اسوي مبطق زبيدي و مرق شعوم

انت مو متابع جيد كلش


نعم شاهدت صورك لكن قلت يمكن كل شوي تتحول او تتطور مثل البوكيمون ويتحول لون بشرتك المهم لازلت كما انت

[Karazhan]

اي لا ابشرك انا هذا انا ماتغير شكلي ولا لوني

الرجل الضفدع

انت سعودي

اصلا العرب بالانترنت 90% سعوديين

وين يروحون يعني ؟ يروحون تايلند ؟ ممنوع السعودي يسافر لازم ولي امره يروح يسجل اسمه بالداخليه قسم المنافذ الجويه والبريه والبحريه عشان لما يحاول يسافر ويدش المطار مثلا و عند الكونتر عشان يحط رقم جوازه ويشوف اذا مطلوب او لأ راح يشوف عدم ممانعه من ولي الامر انه يسافر

فأنت و غيرك من اخوانا السعوديين مايقدرون يسافرون صعبه , شكبره شعرضه لازم ولي امره , مادري الخدامه اللي من صغره تاخذه البقاله و تحافظ و تحميه من الاشرار عادي تعطيه عدم ممانعه او بس الاب

عشان جذي طايحين بالنت افضل وسيله

حتى تشوف السعودي عمره 50 سنه ويملك جهاز كمبيوتر و بلي ستيشن و اكس بوكس ويعرف كل الالعاب مع الكلمات السريه عشان ارواح ماتخلص وفلوس ماتخلص

مساكين وين يروحون , يسافرون داخل حدود السعوديه

اللي في عرعر يروح ابها سياحه واللي في جازان يروح الخبر او راس تنوره او الدمام وهكذا

مساكين يكسرون الخاطر

حتى ان السعوديه زعلت على تايلند و اسحبت السفير من هناك واقطعت علاقتها فيهم , حتى شفت سعودي بالفندق شكله تقول اماراتي نفس الملاحم و اللحيه ولما سألته قال شنو تتوقع ؟ قلت اماراتي , قال لا سعودي

هذا جاي عن طريق الامارات يقول ماعندنا طيران حق تايلند "هذا الكلام سنه 2000 الحين ماادري اذا تغير الوضع او لأ"

السبب ان سعودي بال على تمثال بوذا , كل فندق او محل هناك يحطون عند الباب تمثال بوذا صغير ويحطون عنده اكل و فانتا احمر واصفر و كوكاكولا , سألت واحد من الربع تايلندي ليش تحطون اكل وانتوا تدرون ان بوذا ما ياكل ؟

قال بوذا ماياكل لكن اهو بالواقع يشم الاكل وياخذ كل الفيتامينات والبروتينات من الاكل ويترك الاكل على مااهو عليه للطيور والحيوانات , هذا من طيب و رفق بوذا بالحيوانات والطيور

المهم ان التمثال هذا مال الفندق اللي انا ساكن فيه بالتصوير هذا

التصوير مو مالي مال واحد مااعرفه لكن من نفس فندقي و موظف الفندق و الجرسون يقدمون الافطار والبخور لبوذا


http://www.youtube.com/watch?v=SY5Lbs6RY0A

المهم ان السعودي هذا الله يسلمه اخذته الفزعه , عرفت اللي يبي يوري التايلنديين ان بوذا ما يضر ولا ينفع ولا يدافع عن نفسه وانه مجرد تمثال هم صانعينه وان البوذيه دين باطل و ان الاسلام اهو الصح

راح الولد و بال عليه , بيني وبينك كان لاكه

المهم امسكوه و طقوه طق وبالنهايه اذبحوه و راحت السفاره تعترض و صارت مشاكل و اسحبوا السفير و اطردوا السفير التايلندي واقطعوا العلاقه مره وحده من ذاك اليوم الى اليوم على مااظن

اذا ارجعوا مره ثانيه مدري لكن حسب علمي ان انهوا علاقتهم ببعض و امنعت السعوديه اي مواطن يسافر هناك

عاد السعوديين شنو يسوون . يطيرون من البحرين او الامارات او الكويت

التايلندي اللي شايل الصينيه اللي فيها القربان هذا يعرفني عدل و دايم يضبطني ههههههه , مخليه مندوب و مطراش

عاد كل فندق جدامه بوذا او مجسم لمعبد صغير , انت لا تقرب صوبه او تتحرش فيه

هم شعب طيب و ما يضرك طالما انت تمشي صح , اما تتحرش او تتطنز على بوذا ما يرحمونك , دير بالك

[Karazhan]

انا ما قمت اشوف الدارك تب

شنو حتى اهو رايح تايلند ؟

[قزم مصرطح]

اي لا ابشرك انا هذا انا ماتغير شكلي ولا لوني
اوك اذا كنت لم تتحول , فالألوان التي اخبرتك بها ستناسبك , هو لون عيونك ازرق اخضر اسود او ماذا !

[Karazhan]

عيوني لونهم اسود

بس ولد اختي عيونه عسليه


اللي عنده ايفون ويبي يغير شكل الشاشه الى io 7 اللي الحين نازله على ايفون فايف اس يدخل الرابط هذا ويختار نوع جهازه وبعدين يحمل الملف ولما ينتهي يفتح الايتونز ويشبك جهازه ويضفط shift مع ابديت يفتح ملف , يشوف الملف اللي نزله وينه ويختاره

وبعدين يصير جهازك بالكامل ايفون فايف اس

http://q8app.net/?p=18374

[قزم مصرطح]

الاخ الكرزان اليك النتيجة بعد جمع المعلومات اليك لباس العمر لرحلتك الى تايلاند

359524
359525

359526

[Dudette]

صباح الخير قزوووم وبو شنب

شخباركم

والله يا خوفي بعد كل هالازياء تخبص الدنيا وتعنكش باللبس

المهم ما علينا مثل ما قلتلك لو انت حلو وماك تشيكن ، كل شي بيطلع عليك حلو بس لو انت &*%$# والله لو تلبس ارماني وكفالي وديزل وديور ما بيطلع حلو عليك

المهم شفت بو شنب المنطقة الجديده وشفت الريرات الي عندهم والايبيك الي يطيحونه لك

وشفت الصناديق يا كثرهم

وناسه ، امس دخلت بالدروووووووووور ولفل مهنه (السلخ - Skinning) وleather working واكثر شي تحصل فيه الcoin الي يطيح هو السلخ في اقل من ساعتين لقيت 5000 واروح ابدلهم بمفاتيح عشان افتح الصناديق

بس في صندوق في السفينه الغرقانه هذا مفتاحه مالقيته لي الحين ان شاء الله اليوم بروح استفسر عنه ولو عندك خلفية عنه فياريت تفيدنا

[Karazhan]

الاخ الكرزان اليك النتيجة بعد جمع المعلومات اليك لباس العمر لرحلتك الى تايلاند

359524
359525

359526



انا عندي نفس الجير هذا بالضبط

وعندي تشكليه كبيره من التيشيرتات بعد

[Dudette]

انزين شو رايك تصور كل قمصانك وبناطلينك والشورتات وتكرمون الجواتي

ونحن بنركبهم لك ونرتاح

[Karazhan]

لا شدعوه دوديت

انا حلو حتى عيال المنطقه ما ينادوني الا "الكيكه" من حلاتي

اهو لا يغرج منو اماشي , انا صج اماشي سحوت وجياكر لكن انا ابتليت فيهم وصاروا ربعي , وله انا المفروض ربعي عيال بطنها , عيال تجار وعيال وزراء وشيوخ

بس شقول , هذا بلاء انا طحت فيه

حتى اسألي قزم اهو شاف صوري بالالوان ومن كاميرا مضبوطه و وقتها ما كنت محلق ولا مسوي اي شي , فوق هذا عذبت و حطمت قلوب العذارى , الرسائل الخاصه قعدت 6 اسابيع تشتكي من كثر الناس اللي يراسلوني حتى اسألي الاداره

مو الاداره عندهم صلاحيه يقدرون يدشون بأخلاق الاعضاء

وحتى لو تروحين الملف الشحصي راح تقرين هالجمله , الى هذه اللحظه

هذه الصفحة تمت زيارتها 17,658 مرة

وين في واحد بالمنتدى جاب هالرقم , معجبين اذبحوني مو قادر اتنفس كلش

كل هذا بسبب جمالي

انا المفروض نفس ماقلت يسوولي تمثال مثل تمثال الحريه هني او ابو الهول او بوذا المنسدح في بانكوك الذهبي . المفروض يسوولي تمثال هني وانا منسدح و واقف شايل كتاب و مجندس مثل ابو الهول واحل الواجب

بما اني شنو

بما اني حاله لن تتكرر ابداً يستثمرون هالشي

لكن راح يجي اليوم اللي يبجون بدل الدمع دم ويقولون وينك يا مندوب ولد بطنها الاصلي ابو شنب اللي عروقه بالماي

بحلم وانا صاحي يرجع حبيب عيني

يشاركني افراحي يمسح دموع عيني

ياقلبي وين خلي يرحم عذاب ذلي

ياصرختي علْي مشتاق لنور عيني

[Karazhan]

انا زهقت

مدري شسوي و اقعد الصبح بعد اكملت

لو اقعد الساعه 12 بالليل كان هالاقل رحت البر انطر الحمام

قعده الصبح مالها اي معنى

[Dudette]

يقولك المثل

نم بكير واصحى بكير وشوف الصحه كيف بتصير

انزين ما تكلمت عن القيم

كلامك كله عن جمالك الاخاذ

وين القيم

[Karazhan]

اللعبه او مثل مايقولون عيال بطنها التجار القيم مالعبتها

دخلت حملت الباتش و دشيت فتحت lfr لقيته مسكر مال الرايدات الجديده , مدري ما افتحوه او لازم اسوي سلسله كويستات عشان افتحهم

طلعت من المدينه الرئيسيه بالبانداريا وشفت المنطقه بره لقيتها متدمره و التمثالين مكسرين , شفت كويست وصلني ورحت اشوف سالفته عند البنت في المبنى مال المكتشفين وبعدين دقيت سلف رحت للجزيره الجديده , شفت امه لا اله الا الله هناك و اللاق مو طبيعي

شفت ساحه كبيره فيها الثور و النمر والتنين والنعامه والناس داخل يتهاوشون معاهم , قطيت وجهي معاهم وقعدت اهيل الشباب وبعدين اخذت كويتسن خلصتهم اللي واحد يقول اكتشف 5 اماكن بالجزيره

خلصتهم و زهقت جان اسوي هيرث ستون وارجع المدينه الرئيسيه , قلت خلني اشوف الرئيس الجديد مال الهورد منو الحين , رحت اخذت البورتال و رحت اورقريمار ودخلت جان اشوف هلزكريم موجود

قلت يعني ماتغير شي الى الان


لكن احتمال ان راح يصير مقطع سينمائي بعدين , يعني بالباتش الجديد قبل يفتحون الرايدات الجديده , هالمقطع يخلي الناس تشوف شلون طلع جاروش و راح تحت الارض ويعني دخل الرايد و شنو عمل وليش راح و منو مسك مكانه

وبعدين عاد يفتحون الرايدات للناس

لكن حاليا كل شي على وضعه بس انهم اضافوا اللي يحتاجونه للعبه و ناطرين ساعه الصفر

هذا يعني اللي اتوقعه راح يكون , لأن الرايدات مقفوله و جاروش موجود وكل شي نزلته من تحديثات



المهم بعد هذا طلعت من اللعبه





بيني وبينج زهقت مالي خلق العب كلش




مع السلامه

المسكين

[قزم مصرطح]

صباح الخير قزوووم وبو شنب

شخباركم



اهلا اختي دي دي كيف الحال بخير , هل وجدت جامعة للتسجيل بها فلا تسمعي كلام الكرزان لما يقول لكي ان الدراسة ليست مهمة بل المهم هو ان تعرفي تطبخي وكيف تقومين باعمال منزلية هدا كله كلام فاضي وغير منطقي وهو كلام البسطويسي اللي في صورة الكرزان الرمزية ابو الشنب من العهد الحجري هو من يقول له مثل هالكلام .

اخي الكيكه الكرزان تشكيلة اللباس اللي اعطيتها لك هي تشكيلة الفوز والاطاحة بالنسوان .

[Dudette]

هلا قزووووووم

سجلت في الكلية وللاسف قالولي مافي مكان حق الفصل الاول فقالووا سجلي على الفصل الثاني وان شاء الله بسجل

وماعليك من كلامه ترا ما اخذ بكلامة غير باللعبه ساعات يقول اشيا منطقية في القيم وساعات كلامه بس حشوووو وكانك تقرا قصه ممله بدون صور :silly:

[Karazhan]

انا قررت اعتزل المنتدى خلاص

[قزم مصرطح]

انا قررت اعتزل المنتدى خلاص


اتوقع ان انفصام الشخصية مفعل الآن لدى الاخ الكرزان وجانبه الشرير يتحدث , ننتظر ونرى

[Karazhan]

لا خلاص انا لازم اغتزل

وصلت لمرحله الحشو وماعندي شي اقوله بعد

ماتشوف كلامها , انا مااقدر احكم على نفسي لازم الناس تحطم , تقولك وصلت لمرحله للحشو وان كلامي مثل قصه ممله , كاهو كلامها جدامك شوفه

كأن سيف حاطينه بالنار لما صار احمر و يبردونه بالسم بدل الماء ويسوون الطريقه هذي 10 مرات لين طبع السم بالسيف و جت حطته بصدري صوب قلبي وقعدت تدخله شوي شوي على قلبي

بعد العمر هذا كله , يعني حتى المسلسلات المسكيكيه ام 5 و 10 الاف حلقه , يجي المخرج ويسوي حلقات حشو وتكون الحلقات داخل شقه او بيت عشان المصاريف تكون اقل من انهم يختارون موقع خارجي , و الاكشن مو كل حلقه بس حلقات متفاوته عشان الميزانيه

انا قعدت 6 سنوات احرق بنفسي لهذا الجيل التعبان اللي مايقدر شي , لو ان مولود توه ولد كان الحين باولى ابتدائي , لو طالب جامعي تون داش كان الحين دكتور , لو اغرار توه داش العسكريه كان الحين ضابط

وانا حرقت نفسي هني وبالاخير حشو

حشووو وممله مثل القصص


انا اللي ماخليت موضوع ماتكلمت فيه و كانت سياستي السحب المقدس واللي اطرح عده مواضيع حصريه عشان اسحب الناس من جوجل , ماتتعلق باللعبه ولكن تتعلق بأمور ثانيه محد تكلم فيها غيري

كنت اتكلم بكل شي عشان اكون مع ميولاتكم , اللي يحب الطبخ يحصلني معاه واللي يحب السفر يحصلني معاه واللي يحب القنص معاه والبحر معاه و اللعبه معاه والازياء اخر شي تكلمنا فيه والكاميرات وقعد اتكلم بكل شي , مااقول لا ممنوع تتكلم بكذا

كنت فاتحها مع الناس عالاخر , بكل شي اتكلم واسولف و 24 ساعه بدون تطنيش الا ان اهو صاحب الموضوع يقولي خلاص اخذت كفايتي , عكس الناس الثانيه اللي يشارك مشاركه وحده و يوقف ماله خلق يكتب اكثر

انا اكتب لو اضطريت الى 100 صفحه المهم اني اعطي كل اللي اعرفه بهذا الخصوص

والايام العاديه لابد يصير كلام ماله معنى , يعني مو معقوله 6 سنوات بكتب حصريات بالمنتدى مايصير , لازم في هوامش

جايه الاخت دوديت وتحرق هذا كله وتقول حشو و كأنك تقرأ قصه ممله حتى بدون صور

ماتزعل انت لو احد يقولك جذي خصوصا وانك من القله المتبقيه بالقسم وانت تدري انك لو تسكت القسم يموت , يجونك يقولون حشو و ممل

حشوووووووو

لاحول ولا قوه الا بالله

[قزم مصرطح]

اخي الكرزان اليك ما اعتقده , اعتقد ان الأخت دي دي لم تكن تقصد بطريقة سيئة بل كل ما في الأمر انها مزحة قاسية قليلا فقط .

ثم كيف ستترك المنتدى وتهجرني دنا القزم العشق الحب الاول عشرت العمر يعني العين فالعين تلاقينا الاثنين يعني مافيش اكثر من كذا ...

[قزم مصرطح]

لقد كتبت قصيدة في خاطر اخي الكرزان لأنه صرح بانه سيعتزل المنتدى دوليا

القصيدة الشعرية :

راح الكرزان وراح الصيف وراحت الكيكه .. وجاء الشتاء والبرد والوحدة
راح الكرزان وراح العطر .. وبقية نسيم الصمت يهلل جدران المنتدى
راح الكرزان وراح القزم في مهب الريح .. وبقية دخان السجائر هو الذكرى

[قزم مصرطح]

لاحظوا يا ناس الأخ الكرزان تطور مثل بوكيمون واصبح لونه برتقالي مع نجمة كبيرة , هدا يسمى كرزان مطور ومحسن يعني كرزان +1

[قزم مصرطح]

قصيدة مني شخصيا في خاطر اخي الكرززان الذي قرر اعتزال المنتدى

القصيدة :

ألا يا ليت الكرزان يعود يوما .. فأخبره بما فعلته السجائر بي
الليل والخيل والسجارة تعرفني .. والكرزان والقرطاس هجرني

[Karazhan]

صح لسانك

بسبب هالبيت مات صاحبه اللي اهو المتنبي

لما قاله اتهرب وانت القائل الليل والبيداء والقلم تعرفني والسيف والقرطاس والقلم

صح لسانك يابن قزمان

[قزم مصرطح]

عشرت عمري الكرزان كيف الحال دنا كنت رايح انتحر بعد ان علمت انك ستترك المنتدى يعني مفيش عيشة ولا حياة من بعد ولا حب ثاني .

[Dudette]

صباح الخير

افا عمي بو شنب تزعل مني وانا تلميذه من تلاميذك

ترا الحشو الي اتكلم عنه وايد

حتى انت يوم تتكلم عن موضوع ونكون منسجمين منه ، فجاه تدخل في موضوع ثاني وثالث وعقب ترد على الموضوع الاساسي

بالعكس هذه ميزه حلوه ووايد ناس يحبون يقراون كلام

بس لالاسف :02: انا ما احب اقرا بدون صور لانها تصير ممله بالنسبه

وانا ما يخصني في غيري ولا تجمع

ولو الكل مثلي ما بتلقى مشاحدين يدخلون بس عشان يقراوون ويطلعون

[Dudette]

ومبروك بو شنب عالترقية

متى عزيمة الترقية

[Karazhan]

ترقيه شنو

هذا من زمان بس انا مو مفعله اكون ذهبي لكن قلت بحلله قبل يشيلونه منه لأن حسب الروايات انه 3 شهور

يمكن انا واصل هني ومعارفي واجد يخلونه على طول , لكن القانون 3 شهور

بس لما ادش من الايباد او الايفون اشوف على اسمي واوسمتي نجمه ذهبيه كبيره مغطيتهم

لكن لما ادش من كمبيوتر مثل الحين مااشوفها

عموما

ترى اتغشمر

[قزم مصرطح]

الاخت دي دي الكززان من زمان وهو عضو مميز في المنتدى لكنه لم يكن يحب التباهي بالأوسمة والنجمة واللون البرتقالي , لكن بعد ان زعزعت ثقته في نفسه بكلامك حشووو وممل , قرر ان يثبت انه كرزان مميز ومطور ومحسن كرزان +1 , لذا تطور للمرحلة الثانية مثل بوكيمون .

[قزم مصرطح]

كلمة السر لعضويتي هده نسيتها ونسيت كلمة السر الخاصة بالايميل ونسيت اسم الايميل نفسه فهل هناك حل ؟ انا مشارك الآن بفضل خاصية تذكرني في المنتدى لو راحت روحت وتكون آخر مرة تشاهدون فيها قزم مصرطح

روحت للدارك تيب دقيت في باب منزله بعد ان تجاوزت كلاب الدوبر مان ابتاعه في الحديقة , خرج الدارك تيب قلت له نسيت كلمة كلمة السر لعضويتي في المنتدى ونسيت كلمة السر الخاصة بالايميل قال لي اسمك ايه قلت قزم مصرطح نظر لي نظرة شخص طويل لقزم وقال لايوجد حل واغلق باب منزله في وجهي , قررت انام على عتبة بابه كان الوقت متأخر حينها في الصبح دقيت على بابه فخرج قلت له نسيت كلمة كلمة السر لعضويتي ونسيت كلمة السر الخاصة بالايميل فأطلقة صافرة على كلاب الدوبر مان ابتاعه ليطردني هربت اختبأت في بيت كلاب الدوبر مان ابتاعه دخنت سيجارة هناك بسرعة وخرجت لما هدأت الاوضاع روحت ودقيت مرة ثالثة على بابه فقلت له نسيت كلمة كلمة السر لعضويتي ونسيت كلمة السر الخاصة بالايميل فهل هناك حل قال لي سجل بقزم جديد , ثم ذهبت وانا مغادر رميت حجرة على كلاب الدوبر مان وهربت .

[Karazhan]

حسب معرفتي بالدارك تب انه ما يسكر الباب بوجه احد

الايميل لازم تكلم الدعم الفني لأن المنتدى هني مالهم شغل بالايميل

بس الباسوورد للعضويه هني يعرفونه الاداره , الاداره نفس الحكومه في البلد , يعرفون كل كبيره وصغيره عنك , يعرفون اللي تحت الارض ويعرفون ايميلك المسجل فيه والباسوورد وكل شي سري

حكومه يابه يعرفون كل شي

فأفتح موضوع بالقسم مال الاداره وقولهم نسيت باسوورد القزم , لاتقولهم باسورد الايميل لأن مايعرفونه , وان شاء الله يغيرون الباسورد

وانا بعطيك اسبوع تغير اسمك و تدخل بأسم شخص عاقل مو خبل

ان ماغيرت اسمك بقطع علاقتي فيك للأبد

لأن اسم القزم مو عاجبني

[قزم مصرطح]

لو فتحت موضوع في القسم الاداري ستكون آخر مرة ترون فيها قزم مصرطح




وانا بعطيك اسبوع تغير اسمك و تدخل بأسم شخص عاقل مو خبل

ان ماغيرت اسمك بقطع علاقتي فيك للأبد

لأن اسم القزم مو عاجبني


ولو تعطيني قرن من الزمن في اشياء لا اتنازل عنها ابدا , ثم ليس هناك علاقة اصلا لتقطع انا قاعد هنا كالهوا سوا , ثم هو انت مين اصلا مامعنى الكرزان لم اسمع به من قبل .

[Karazhan]

كرزان مدينه في كازاخستان

لكن ايضا في اللعبه قصر اسمه كرزان مال ميدف اللي يعطي ستاف اسطوري ايام لفل ٦٠

لكن انت غير اسمك


قول حق الدارك تب يغير اسمك ويعطيك الباسورد


اذا ماكو فايده روح سو اسم جديد وقولهم يزيدون عدد ماركاتك على العدد اللي عندك بالاسم هذا


انا قبل كان رفيجي مستشار في منتدى وعنده صلاحيات كثيره من ضمن الصلاحيات زياده عدد المشاركات

انا لما سجلت عطاني ٥ الاف مشاركه وعطاني نك ذهبي

انت روح الاداره قولهم عطوني عدد مشاركاتي بالعضويه القديمه



او يغيرون اسمك هذا واذا قالولك لازم ٥٠٠ مشاركه قولهم انا دازني عليكم كرزان


راح تنسف القوانين لما تقول اسمي


هذا اذا ماعرفت ايميلك

لكن انا انصحك بعضويه جديده وتعرف الايميل والباسورد


انت نسيته لانك داش عبط وكنت متوقع تاخذ توقيف عالاسم لكن انا سحبتك وخليتك تحبني

وحاليا ماتبي تستعبط و تبي تستمر مع حبك الوحيد وتبدأ صفحه جديده

[Dudette]

قزوووم

كرزان هذا اسم رايد في اللعبه

يعني في مكان وفيه قائد ويكون قوي وايد ويوم تذبحه يطيح منه ملابس وهالملابس يوم تلبسه يعطيك قوه ....الخ

المهم

شخباركم

[قزم مصرطح]

كيف اغير الاسم وكيف اجمع مشاركات العضويات السابقة كعضوية القزم الارهابي والقزم المبهدل والقزم المفرطح وقزم الحب , يا اخي كيف سأطلب من الدارك تيب كل هذا وهو لديه كلاب دوبر مان واضاف الآن كلب حراسة جديد chiwawa . انا لو غيرت اسمي راح اغيره الى الكرزان وبس ,



لكن انا سحبتك وخليتك تحبني

انت حبي الاول انت حبي التالي انا غرامي معك ميتغير يا الكرزان انت حبي انت حبي ودنا دنا يا ليل يا ليل يا ليلي ..

الاخت دي دي كيف حالك وانت اسمك هل هو من اللعبة ايضا علموني كيف تأتون بالاسماء ومن اين ؟

[Dudette]

صباح الخير

معنى اسمي همممممممممم :33: dudette يعني بنت

مثلا

hay what's up dude? للولد
hay what's up dudette? للبنت

هذا معنى اسمي

[Dudette]

بس ما يستعملوووونه وايد وما تلقى وايد ناس يعرفونه

والي يعرفه على طول ويسبر are you a girl?

وذا الحاصل ساعات اطفر منهم واقول لا ولد ويسكتون

[Karazhan]

لا ليش تطفرين منهم

قولي ابي كرت رصيد بو 100 درهم , يعطيج واهو يضحك . خبرج الشباب يعطون قبل يتأكدون حتى اذا اللي جدامهم واحد او وحده , لما يصير رصيدك مليون روح لشركه الاتصال قولي مابي الرصيد ابي الفلوس اللي عبيتهم فيه

يا قزم انت مالك شغل , انت روح حق الدارك تب وقوله جايك من طرف كرزان

يسلم عليك كرزان ويقولك انا مجموع مشاركاتي بالعضويات اللي عملتهم بالمنتدى 200 مشاركه "طبعا انت تحسب كل عضويه وكم عدد مشاركاتها , مو تخليه اهو يحسب عنك بعد"

قوله انا عدد مشاركاتي بحساباتي كلهم 200 , ابيك ولو تكرمت انك تغير اسم عضويتي هذا الى "الراقص من النياق" وتضيف ال200 مشاركه

شوف شنو يقولك , اذا قالك ممنوع قوله انا دازني عليك كرزان شلون ممنوع , الكرزان تفتح امامه الابواب المغلقه

طبعا مو تقوله الراقص مع النياق ترى اتغشمر , قوله اسم حلو و محترم يدل على ذكائك لأن انا اشوف انك ذكي و مثقف

بالمناسبه

كم عمرك , طولك و زنك

الحقيقيين طبعا

[قزم مصرطح]

طيب اقترحوا علي اسماء لعضويتي اسماء فله انا عجبني اسم طويل مصرطح مارايكم




بالمناسبه

كم عمرك , طولك و زنك

الحقيقيين طبعا


العمر 24 سنة
الطول 182
الوزن 72

الاخت دي دي لدي سؤال are you a girl?

[Dudette]

:jap028: قزم مفلطح :AR15firing::motz:

[قزم مصرطح]

اوكي انا رايح القسم الاداري ادا لم اعد خلال 24 ساعة ابلغوا الشرطة عن قزم مصرطح مختفي ومفقود , واستدعوا القوات المساعدة وفرقة الاقتحام واخبروهم ان الدارك تيب امسك بي وحالف مايتركني ويحتجزني كرهينة ...

[Karazhan]

انت شكلك رياضي

ممكن تعطيني كورسات لياقه بدنيه

ابي عضلات بطني تطلع بدون مجهود , لما اسوي معده اسوي 3 وبعدين بطني يعورني و اوقف

ابي شنو ابي لما اروح بانكوك وانا لابس هذا

359591

مع الجوتي هذا

359592

والتي شيرت هذا

359595

لما يشوفوني وانا في اللوبي مال الفندق امشي الكل يطقها بجيه , الكل يبجي واللي تلطم واللي تترجاني اتزوجها وتقولي انا مليونيره و تزوجتي اعطيك مهر سياره فراري موديل السنه و مليون دينار مهر

يعني بالعربي اكون مايكل جاكسون ايام الثمانينات شلون الكل يتخاطفونه ويبون توقيعه بس او لمسه حتى

وبعدين اقولهم انتوا ما شفتوا شي

شوفوا


359600

لما يشوفون هالمنظر العموم يلطم

و نصهم يغمى عليهم والنص الثاني يروحون يركضون لسطح الفندق و يحذفون نفسهم من فوق وينتحرون عشاني

ابي جذي بس مابي مجهود , يعني ابي اسرار بدقيقه اسويهم و اصير جذي مده شهر الا انا جاهز و بس علي اني اسافر

[Dudette]

هههههههههههههه

عشم ابليس بالجنه

المهم بو شنب انت لو تحلق شنب نص وزنك يروح

حلوه عاي بنص دقيقه ولشهر وشي يكون جسمي

[قزم مصرطح]

دخلت للمنتدى الاداري بعد ان تجاوزت اجهزة المراقبة والليزر , وجدت فاينل فانتسي 9 هناك الدي طردني سابقا بعضوية القزم المبهدل والقزم الارهابي والقزم الشاعر والقزم المــبهدل الآخر , ولعت سيجارة هناك وقعدت افكر مع نفسي قليلا, فقررت ان اطبق المثل الدي يقول السلامة ولا الندامة هربت من المنتدى الاداري بسرعة وجئت لأختبئ معكم هنا فأنا مطلوب دوليا ومطلوب في المنتدى واسمي على القائمة السوداء مع آل كابوني .

اخي الكززان بخصوص تمارين المعدة ليس هناك وصفة سحرية او ماشابه يجب ان تأكل وجبات صحية وغير دهنية وممارسة رياضة المعدة بانتظام فكما قلت ليس هناك وصفة سحرية .

[Karazhan]

روح حق الفاينل فانتسي

وقوله الكرزان والدارك تب يسلمون عليك ويقولولك انهم متوفين وعاجزين عن العمل

ولو سمحت غير اسمي و زيد مشاركاتي

[قزم مصرطح]

كتبت الموضوع بالقسم الاداري وانا مغادر دقيت على باب منزل فاينل فانتسي 9 وهربت واختبأت عندما خرج لم يجد احد واعدت الأمر حوالي خمس مرات ودقيت حوالي خمس مرات وفي كل مرة يخرج لايجد احد

[Karazhan]

اخر الفيلم وانت رايح تدق الجرس يصدمك من فوق السطح مع شوزن


ويعطيك ٥ رميات من فشق ٤ تحت الصفر يسويك مشخال

[Dudette]

هههههههههههه

حلوه هاي شوزن

اقول العالم ارتقووو الحين

فاينل فانتسي بيعطيك بال 9 ملم وبيخليك اشلاء واشلاء وعقبها بيصب عليك بنزين ويحرقك لانك مزعج وكل مره ادق الباب وتشرد

او تعرف شو انا بعطيه فكره

يكهرب الجرس واي واحد يدق الجرس يتكهرب ويموت ويفتك من شره

ترا هاي مب انا هذا دارك تيب وفاينل فانتسي

[Karazhan]

حسبت اني الدموي الوحيد بالقسم

طلعت ما آكل خبزه عندها

[Karazhan]

وينه ما بيْن

شكله صاده

مسكين
كان خوش ولد

[Dudette]

يحليه

اقروو عليه الفاتحه

مسكين كان مونسنا هني :jap005::jap005::jap005:

[قزم مصرطح]

صباح الخير والفرح والدخان

كيف الحال عدت بالأمس في الليل في ساعة متأخرة ولم اتواجد بالمنتدى

ثم انتم تتحدون الى قزم محترف في دق الجرس والهروب , بمعنى انه قبل ما ادق على باب احد واهرب يكون لدي مسبقا تصميم المبنى الهدف ,والهيكل وهل هناك زواية مغلقة حتى لا اجد درب مغلق عندما اهرب ,وهل هناك ألغام مغروس في الارض ,وهل صاحب المنزل اللي رح ادق على بابه واهرب هل صاحبه من الشرطة ,يعني كل هدا يدخل في استراتجية الدق والهرب , ثم ان منزل فاينل له مدخل ومخرج واحد كبيت الارانب لا سطح ولا نوافد فكيف سيمسك بي .

[Dudette]

هلا والله قزووووووووووووم قلنا يمكن رحت من كيس اهلك

المهم ان شاء الله حطيت الطلب

[قزم مصرطح]

كما توقعت الدارك بيب تجاهل طلبي مع اني اتوقع انه يحبني بطريقة ما يعني حب غامض , عموما ادا راحت عضويتي هده راح أجر واختار اي قزم واسجل به , يعني حكاياتنا الف ليلة وليلة مازالت مستمرة وسهراتنا والهوى الزهواني انتاعنا مازات في بدايته ,
فانا احبكم الاخ الكززان هو حبي الاول والاخت دي دي هي حبي التالي .

[Karazhan]

احسن مافيك حاط حب و حب احتياط

يعني اذا حبنا انتهى لأي سبب الا انت عندك حب بالانتظار


انا حالياً في الدوانيه واكتب من الايفون

معاي ٢ من ربعي طالبين من مطعم وناطرينه ، دش علينا واحد الحين و المسكين حاشه فري قبل وصار مو صاحي

وظيفته يخز اي واحد و يندمج فيه بعد ، و اكثر شخص يشرب ماي ، اشك فيه خرير بس وين مدري

ناطرين نتعشى و بندر هذي حزته يجي . يعني من الساعه ١١ وفوق يجي و هذي حالته كل يوم

مع انه عزوبي و دوامه فلاتي بس ماندري وين يروح طول النهار ، يوميا يجي الدوانيه الساعه ١١ او ١٢

شنو السر محد يدري

ابو فري توه مشى ، باليوم الواحد يمر ١٠٠ دوانيه وكل دوانيه يدشها يسلم عليهم كلهم

مو مهم اذا مسلم عليهم من قبل ، لدرجه انه يدخل العصر يسلم عليهم ويطلع يجي الساعه ١١ ويسلم

الفري خلاه يفصل عالماي والسلام

قاعدين الشباب يتابعون مباراة انجلترا و المانيا وانا مالي بالكره

لا مو منتخبات ، كأن افرقه ، فريق انجلتري و فريق الماني

يلا يالربع انا اخليكم الحين عشان ما اثقل عليكم

ثقلت عليكم ؟ قولوا لا تستحون ياجماعه اذا دمي ثقيل و مليق و طايح بجبدكم

الظاهر اني مو مثقل والدليل انكم ساكتين والسكوت علامه الرضا

توني سمعت من رفيجي يقول الامارات وقطر فاتحين التوظيف للكويتيين

ياليت تفيدوني يمكن اتوظف عندكم

يلا انا اخليكم و برجع بعد شوي


سلملم

[Karazhan]

انا رجعت لكم

طلعت كلمات جديده

-

انا كلي طاقه وحيويه

ونشاطي يبدى الليليه

اسهر مع ربعي وخلاني

والعيشه تمام .. ياسلام

-

وينك يامطعم

جعت

او بلغه السعوديه

جيعان

جيعان شنو ؟ اسمها جوعان

-

تصدقون الكتابه من الايفون احسن

يعني تقدر تحط حركات الشده والظمه والسكون بدون مجهود نفس الكيبورد اللي لازم تضغط shift وبعدين تضغط زر زر لين تطيح

عالحركه اللي تبيها

اما الايفون سهل مثل جذي

فَهُدّ

فْهٍدٌ

سهل ها

طحت بجبودكم ادري بس ياجماعه انا مسكين

وبخصوص القزم

دز رساله خاصه حق الدارك تب لأن يمكن ما ينتبهون او دز حق اي مشرف لونه احمر وفوق

احمر او بني او اخضر

بأذن الله انا بصير بني مع ان طموحي اخضر بس ماراح استعجل واخليها لما اتدرج بالمناصب

[Dudette]

صباح الخير

اليوم طرشولي مسج ان الكلام الي تقوله عن فتح باب التوظيف لدول مجلس التعاون إشاعه

يالله خيرها في غيرها

بس ليش تبي تتشحط وتطلع من ديرتك يعني

خلك عند اهلك ابركلك

[Karazhan]

قعدت عند اهلي وربعي وجماعتي 35 سنه

ماشفت منهم سوى الامراض , خل اطلع اشوف الدنيا وابدأ من جديد

الواحد يعيش في المكان الغلط والتوقيت الغلط , يقعد يبحث ويبحث ويبحث الى ان يصل للمكان اللي يحس انه ينتمي له , فاهمه ؟

يعني مثلا انتي تدرسين هندسه , خلصتي الثانويه وبعدين الجامعه و بعدين توظفتي وصرتي مهندسه لكن تحسين انج مو قاعده تستمتعين بالوظيفه , وتعيشين على هالوظيفه 30 سنه وانتي فيها

فجأه تقولين ليش ما اجرب اصير دكتوره وادرس الدكتوراه واشوف , ولما تدرسين الدكتوراه ومن اول سنه تحسين ان الوظيفه راكب عليج 100% وان اهي الوظيفه اللي المفروض تكونين فيها من زمان , وتتحسفين على ال30 سنه بالهندسه

انا جذي , ابي ابحث الى ان اصل للدوله اللي المفروض اكون منهم و ان حصلتها بستقر فيها واتزوج واعيش باقي عمري , بس اتمنى ماتطلع من دول افريقيا السمراء

انا سمعت ان المواطن القطري له امتيازات ما حصل عليها ولا مواطن في اي دوله بالعالم

ماادري صج او جذب

من اللي سمعته ان الامير اول ما مسك زاد الرواتب 100%

تذاكر سفر سنويه لكل مواطن مجانا , اسقاط القروض والديون عن المواطنين

ماادري هل سمعت ان الحكومه وزعت اراضي وفلوس للمواطنين عشان يبنون بيوتهم او ان الحكومه تكفلت بأيجار المواطنين كامله , المهم اني سمعت ان الحكومه قضت على الايجارات

حتى اني سمعت ان الحكومه تتكفل بملابس الطلبه من الروضه الى الجامعه

واحسن تعليم , اقوى رواتب بالعالم



يعني سمعت اشياء تخلي مواطنين الدول القريبه والبعيده تبجي

وسمعت ان قالوا للكويتيين اذا تبون تتوظفون وتعيشون تعالوا الابواب مفتوحه , وسمعت من الامارات بعد لكن انتي تقولين اشاعه

بس المواصفات الفل اوبشن بقطر , يعني لو اروح قطر واعيش واصير مواطن شريف فيها

راح احصل تذاكر كل سنه مجانا , يعني افر العالم كله حتى اروح الارجنتين ارمي حمام بر هناك

[Karazhan]

http://www.youtube.com/watch?v=I6UC24kT3EU



خل اروح اكل حبوب ضغط بدأ يرتفع

يدافع البلا , شنو الحكومه اللي مخليه 98% من الشعب مطلوب

وين صارت

[Karazhan]

انا صرت مو صاحي

لو الله يفكنا من الحراميه كان صرنا بأفضل حال

تجارنا حراميه و حكومتنا تخاف منهم , ولا اكو تطور عندنا

طابوقه ما بنوا من السبعينات الى اليوم , بس بوق بالنفط و توزيع الفلوس بينهم واحنا عايشين على التعشيم

راح نزيد رواتبكم , راح نعطيكم بيوت , راح نسوي مستشفيات , راح نسوي جامعات , راح وراح وراح

شعب عايش على التعشيم بس

والحقيقه ان 98% مطلوب والحياه من سيئ الى اسوأ

وتقولين خلك بالكويت

لا يبا اروح قطر ابرك

عالاقل عيالي يتعلمون صح ويتعالجون صح

مو كل يوم نسمع ونشوف مواطن مسوي عمليه وبعد فتره يعوره بطنه ولما يروح يفحص يشوف ناسين مقص او قطن في بطنه

صج ترى مو غشمره , يوميا كنا نسمع بالشي هذا لين وزير الصحه والحكومه معاه قالوا لا تفضحونا امام الناس

الى اليوم ينسون بس محد يفضحهم اما خوف او مرتشين

عايشين عالبركه 100%

حمير وحشيه

عمركم سمعتوا شورما لحم حمار وحشي , و احد التجار مسوي صفقه من تاجر بالمغرب يورد له لحم حمير اهليه , يذبحهم هناك ويسلخهم ويدزهم لنا

اطنان من اللحوم الفاسده يصيدون الجمارك كل اسبوع

اطنان من الاسماك الفاسده والخضروات

هذا اللي صادوه فما بالك باللي دخل ومحد صاده , طبعا التسممات نسمع فيها كل يوم

هذي لكويت صل على النبي

لا تسحبوني بالكلام خلوني ساكت احسن

[قزم مصرطح]

صباح الخير والفرح والدخان والليل والسهرات والنجوم وضوء القمر
كنت هالأيام مشغول بعملية تهريب عبر البحر كانت هناك عمليات ليلية وكنت اتعرض لمناورات ومضايقات من المنافسين , لأنه ادا نجحت احدى العمليات راح تشوفوني من هنا ورايح بسيارة

http://www.examiner.com/images/blog/replicate/EXID572/images/EX-Mercedes-Benz_E350_Coupe_2010-rfq3-590.jpg

او سيارة اودي S3

http://www.tunedautos.com/wp-content/uploads/2009/05/audi-s3-tuning.jpg


اريد رايكم من هي الافضل الاولى او الثانية لشخص زهواني ليلي مثلي وعايش حياته كلها سهرات وليلي يا ليلي , مع العلم ان السيارتان لهما 2 باب فقط وليس اربعة ليس من النوع العائلي يعني افهموها وهي طايرة

[قزم مصرطح]

الاخ الكرزان انت روح قطر واستقر هناك وانا راح ادهب للكويت واستقر هناك واعيش عيشة فلة لّّّّّأني مازلت اقول ان الكويت هي ارض الفرص مثل امريكا

[Karazhan]

الكويت ارض الفرص لغير الكويتي صح

اذا انت خليجي احتمال تحصل فرص لكن اذا كنت عربي الاحتمال يرتفع يصير 80%

بالنسب المئويه

كويتي من 5% وتحت

خليجي 25% وتحت

عربي 80% وتحت

بنقالي 100%

اذا انت تشتغل بالتهريب اخذني معاك , انا مسكين وابي اي وظيفه لو سمسار ......

ابي اسدد قرضي بس , يعني كم عمليه تهريب و موضوعي خالص واعيش عيشه حلوه واشتري


359627


359628



359629






تكفى اخذني معاك

انا مو طماع , بس كم عمليه وبعدين اطردوني كيفكم اذا شفتوا ما مني فايده او بوسط البحر بالطراد قعدت ابجي من الخوف لا يطلع حوت ياكلنا او شفت دوريات خفر السواحل و من الخوف طقيتها بجي

هني اطردوني ولا تاخذوني مره ثانيه , بس عطوني فرصه


للعلم انا انسان مجرم و ما اخاف من الرصاص و المواجهات و عندي استعداد للموت مقابل توصيل رساله للعالم ان ليش انتوا ضد المهربين و الصعاليك وقطاع الطرق

شوف انا من ناحيه احصل جنطه بالبر فيها مليون او اتزوج وحده مليونيره او يجيني ورث او بيل غيتس يحبني ويعطيني فلوس او اربح بسحب الجوهره 250 الف

كل الاحلام هذي انا غسلت ايدي منها

الحين عرفت ان ما اقدر اسدد قرضي واشتري جيب لكزس و اعيش مبسوط كل 3 شهور اروح بانكوك اقعد شهر اسوي ريستارت لعقلي وفورمات و اضبط نفسي وارجع الا لما اسلك طريق التهريب

ما راح احقق شي الا لما امشي في الطريق الممنوع , اما احلام اليقظه اللي احلم فيها كل يوم انا الحين غسلت ايدي منها


اخذني معاك , بما انكم اصحاب رساله توجهونها للعالم ان المهربين هم بشر مثلكم وانهم مظلومين من الحكومات والتجار اللي اخذوا الفلوس والتجاره كلها وصاروا يعطون الشعب بالقطاره , احنا نبي نكسر احتكارهم ونشوف طريق خاص فينا

اتمنى توافقون علي و تستبدلون حياتي من الشقاء الى السعاده

انا بأنتظارك يا ملك التهريب يا قايد يا شيخ المهربين يا الكنغ

[قزم مصرطح]

بالتأكيد مقبول مادمت مجرم أسد في البحر ولا تخاف المواجهات اليس كدلك يعني طلقات الرصاص عادي عندك مثل بالونة تتفرقع , نحتاج الى ضمانات مثلا الاخت دي دي في حال امسكوا بنا تأتي لتدفع لنا كفالة وتخرجنا .
وقد تبدأ مشاريع كبيرة وناجحة في تايلاند وتحصل على الجنسية التيلاندية وتتزوج تايلاندية وتخلف منها تايلندي وتعيش حياة فله بدل وظيفة الفلاتي ابتاعك

[Karazhan]

المرسيدس اقوى وتتحمل اجوائنا

اما الاودي من تطيح الكفاله تبدأ تفتح حلقها

كأن الشركه تدري و مسوين السياره ماتخترب لكن من تطلع من الكفاله تبدأ المعاناة

اخوي عنده اودي وباعها ، سيرفس منتظم و ما يطلع فيها كثير لكن من طبعت من الكفاله بدأت تطلع خراباتها خصوصا

الشغلات اللي بالطبلون مثل العدادات و الاجهزه الالكترونيه


حبيبي تبي موتر شوف ياباني غيره لاتدور ، الاوربي حلو لكن عيبه الشرعي ان له عمر قصير و ان فتح حلقه ما يسكر

الامريكي عيبه الالكترونيات ، الامريكان فاشلين بالامور هذي

الياباني وشهو من لحيه ؟ لحيتن غانمه تحطه على يمناك ، ومثل ماقال فنان المصبنه

الله على وارد النيسان
سوبر و زد ومكسيما
جرب وفي التجربه برهان
لاجيت تفحط خذ التيما

وقال عن المرسيدس لما سعد مرزوق راح عليها خط الموت و من ثباتها يقول بالشعر انها ثابته بسرعات عاليه

يقول فنان المصبنه والعربجيه

تبغى المفحط سعد مرزوق
رح شارع الموت واتفرج
وقت التحدي تراه يسوق
احذر تحدى ترى تحرق

في البنز ياسعد تمشي كم
عليك سرعه جنونيه
تعمل سلاسل تجيب الهم
الله يخلي العزيزيه


البنز اهي المرسيدس مثلك عارف ولا يهونون البنات

فأنا اقول ابعد عن الاودي ، للعلم ان اخوي قبل يشتريها نصحته وقلتله لا تطير فلوسك على السياره ترى محد يمدحها

والكل يقول خراباتها واجد لكن ما طاعني و اخذها

باعها يقول ان بدأت تفتح حلقها ، قلتله قلتلك من قبل بس ما تطيع

انا رجل لي نظره بعيده وابخص واعرف و كل شخص يشاورني بشي اعطيه الزبده ان كان امور عائليه او تجاريه او اي شي بالدنيا

والكل ياخذ رأيي الا انت ماادري ليش ، مع ان تدري اني ابخص و مليون مره تشاورني وماتسمع كلامي وبالنهايه تشوف كلامي صح

لكن ما تفهم


المهم انا وبندر قاعدين بالدوانيه بروحنا

بصور وادز من الايفون بشوف يصير او لا

[Karazhan]

الو

طلعت الصوره ؟

[Karazhan]

ساعتي



359633


ساعتي وقلمي ، بأمكانهم يطيروني تايلند

[Karazhan]

اقعد من النوم ان شاء الله و اشوف 300 اتصال من رقم 1801801 اللي اهو رقم البنك الوطني

استغرب واقول شفيهم داقين 300 مره ؟ شنو يعني معقوله ربحت الجوهره والجائزه الكبرى ؟ يعني لو ربحت الجائزه الاسبوعيه اللي 5 الاف دينار مو معقوله يدقون 300 مره , يمكن ربحت الجائزه الشهريه اللي 125 الف او الجائزه الربع سنويه 250 الف

جذي يمكن يدقون علي ويشكلون لين يحصلوني ويبشروني

المهم وانا اشوف تلفوني واشوف ال300 اتصال واقعد اتخيل ال250 الف وياليت تكون ال250 الف صج

وانا مندمج يدق التلفون , اطالع وله 1801801

ارد بسرعه

الو

الو الاخ فهد ؟

اي نعم فهد يتكلم من معاي عفوا ؟ <----- يعني اسلوب

معاك سعاد من البنك الوطني

اهلا وسهلا اخت سعاد , آمريني خير داقه علي 301 مره ؟ <---- ايضا يعني اسلوب

اخ فهد انا بقولك شي و ابيك تتمالك اعصابك و تستقبل الخبر اللي راح اقوله لك بكل هدوء

شنو الخبر اختي الكريمه ؟ عسى بس ما في شي يكدر الخاطر ؟ انتي البنك او مستشفى ؟ <-------- هالمره يعني نكته

لا اخوي لا مستشفى ولا شي . كل ما في الامر انك ربحت مع الوطني الجائزه الكبرى في سحب الجوهره

اختي انتي من صجج ؟ <----- انا طبعي بارد جذي ولا اناقز واصارخ نفس الصقعات اللي ان جاله ولد او بنت قعد يبجي من الفرح

اي نعم اخوي فهد انت ربحت الجائزه الكبرى اللي 250 الف دينار كويتي

اختي اخاف مضيعين ؟ انا اعرف نفسي حظي ودر . ماعمري ربحت جائزه بحياتي . حتى لو اروح كنكاتي اشتري وجبه عائليه ويعطوني كوبونات امسح ولازم تربح . كلهم حظ اوفر , حتى بيبسي مجانا مافي

لا اخوي فهد . مو انت اسمك فهد ن ص م ورقمك المدني 278xxxxxxxxx ؟

اي هذا انا , بس مايصير اكيد في شي غلط

لا اخوي فهد ماكو شي غلط لكن يمكن انت مصدوم الحين و ماتدري صج او جذب , لكن ان شاء الله باجر مرنا البنك الرئيسي في الديره و تستلم الشيك بقيمه 250 الف دينار

ان شاء الله باجر اجيكم , متى تفتحون انتوا ؟

احنا نفتح الساعه 8 ان شاء الله و نسكر الساعه 3

ان شاء الله اختي , باجر الساعه 6 انا عندكم , تدرين شلون , جم الساعه الحين ؟

الحين الساعه 10 بالليل

خلاص انا الحين باخذ خيمتي و فراشي ملات البر واجي انام بالبراحه اللي يم البنك و باجر من النجمه انا عند الباب انطركم تفتحون

على راحت اخوي , لكن لاتستعجل لأن ماراح تروح عليك الجائزه , اهي خلاص لك , بس ممكن تقولنا شنو اول شي راح تسويه بالجائزه ؟

الله يسلمج من احط المبلغ برصيدي بقولكم اخصموا 42 الف القرض و بسكره مره وحده , ويبقى 208 الاف صح ؟

صح

بسحب 2000 بعطي امي 28 دينار تطالبني , بعطي اخوي 40 دينار يطالبني و بروح اقرب سفريات احجز كويت بانكوك كويت و بطير

بس


بس بعد شتبين ؟ شرايج تروحين معاي


هاهاهاها دمك شرباط

اصبلج قلاص






اييييييييييييييييييييييه متى تدقون علي بس



لقد هرمناا

[Karazhan]

نرجع لموضوع الجواتي والنعال


انا اذا تذكرون قلتلكم عن كروكس

359635

وقلتلكم ان هالجواتي ينحطون على اليمين مع رفيجي ابو شنب الاصلي

هالجواتي انا جربتهم من سافرت الى اليوم و هم عندي , مخليهم للحمام يكرم المشاهد

الجواتي الى الان مافيهم اي ضرر , مثل ماقلت لكم استعملهم للحمام اسبح فيهم واروح فيهم البر و البحر وكل شي , والجواتي عند وجهك تشد الظهر فيهم

لكن عيبهم الشرعي ان اذا تبي تلبسهم مسافات طويله لازم دلاغات , اما مسافات قريبه مايحتاج

المهم يا اخواني واخواتي ladis and gather man

انا بما اني مبتدأ < مبتدأ او خبر

بالجواتي وهذي , قلت حق رفيجي ولد بطنها اللي عروقه بالماي , ان ابي جوتي من شركه مشهوره مثل كروكس ويكونون طيبين للمشي مسافات

قال شوف في جواتي يلبسونهم بدون دلاغات لكن انا "اللي اهو رفيجي ولد بطنها يعني" مااحب البسهم بدون دلاغات , لازم البس دلاغات . بس انت كيفك

عندك جواتي تومز خفيفين و حلوين , على قوله عيال التجار كيوت و مريحين

عندك جواتي من شركه كروكس نفسه و دزلي صور اكثر من جوتي قال انهم ملاته , واحد منهم هذا

359636

قالي هذوله اسمهم كروكس سانتا كلوز santa cruz

قالي مريحين و القاعه مالتهم مثل الاسفنجيه طريه و مريحه جدا و اللي فوق خام , ومعزول القاعه مالته عشان ان مشيت في ارض حاره ما تنتقل الحراره لأسفل قدمك

شوفوا هالصوره , لاحظوا المداس شلون منتفخه

359637+

شوفوا القطعه اللي تلامس الارض و شكثر سماكتها وبعدين شوفوا القطعه الرماديه اللي تكون مداس للقدم شلون مرتفعه

هذا القطعه مثل الاسفنجيه , طريه لما تحط رجلك تغوص فيها و ترتاح

انا اخذت نفس الجوتي هذا , بالضبط اخذت هذا

359638
شريت مثلهم و استعملتهم , ياجماعه بدون مبالغه , جواتي تستاهل اللي يشتريها

انا جربت انواع كثيره و كلهم مامنهم فايده , خصوصا بالمشي مسافات طويله والجو حار , اوصل الدوانيه او الفندق من بعد المشوار اشوف رجولي جذي من تحت

359639

ويقعدون يعوروني اضطر بسببهم اني اروح اقرب حنفيه و افتح الماي على رجولي عشان يخف العوار

تأذيت من هالمشكله و الجواتي او النعال اللي مايصلحون للمشي كلش و ما وراهم الا العوار

المهم جربت كروكس و طلعوا نعال و جواتي يعتمد عليهم , مريحين و يستاهلون سعرهم والله , يعني لو كان الواحد فيهم ب50 دينار اشتريه بدون تردد لأني عارف راح اشتري نعل او جوتي ما تقدر تفرق بينه و بين رفيجي ولد بطنها من ناحيه الاعتماد والجوده



جواتي تومز اللي هم هذول

359640

لو تلاحظون سماكه القطعه التحتيه من القدم الى الارض تشوفون ان السماكه تقريبا 1 سم او اقل

انا اللي متخوف منه ان السماكه هذي يمكن تقدر حراره الارض تنتقل منها الى قدم الانسان ويحترق . لكن رفيجي ولد بطنها وصاني عليهم وقالي 100%

شريتهم لكن ماجربتهم الى الان

رفيجي راح اهو واهله تايلند و انا بيني وبينكم ابيهم حق هناك , المهم راح مع اهله و قالي ان اهو و بناته وزوجته يستعملون الجواتي هذي تومز

قلتله وشهي من لحيه ؟ قال لحيتن غانمه ولو هي ذبيحه ماعشتك

قلت شلونها بالحراره و الراحه والمشي الكثير ؟

قال عندك وجهك , شكثر انت تعتمد على رفيجك ولد بطنها ؟

قلت واجد

قال اعتمد عليها كثره و اكثر , اعتبر النعل اهي ولد بطنها حق رجولك , يعني النعل هذي اهي ولد بطنها و ولد بطنها اهو النعل , يعني اعتمد عليها


قلت جربت كروكس نفس اللي حطيت لكم صوره لها فوق

قال اي جربتها و 100%

قلت تنصحني فيهم ؟

قال وانت مغمض اخذهم


انا ادري يااخواني واخواتي ان كلكم يعرفونهم , لكن انا كتبت الموضوع هذا لسببين فقط

السبب الاول للناس اللي مايعرفونهم و يبحثون عن شي جيد للمشي والراحه

الشي الثاني انا ما استعملتهم فتره طويله و في جو حار , اللي عنده تجربه يقولي عنها وهل فيهم عيوب بالحر والاجواء الحاره والمشي الطويل

علما اني امشي بالمتوسط 10 كيلو باليوم

والسلام عليكم

[قزم مصرطح]

اخي الكرزان +1 هو نوع السيجارة اللي في يديك نوع رقيق ام يديك كبيرة لأن سيجارة مارلبورو سيجارة اسد في اليد القلم جميل الساعة بوصلة مليئة بالألغاز كخريطة منجم دهب

بخصوص الشيء الدي سترتديه في رحلتك المرتقبة الى المريخ اقصد تايلاند هل لديهم في تايلاند حصان مثلا حمار تركب عليه لمسافات طويلة دون مجهود افضل ودون شراء جوتي سحري ,

[Karazhan]

لا انا مو كوربتد كرزان نفس ارثس مثلا اللي كان انسان عادي وبعدين دخل فيه السحر وصار عملاق

الجيكاره هذا نوعها نحيف , يعني جيكارتين منها يعادلون جيكاره وحده مالبورو

اسم الجكاير فرجينيا سليم , يجي لونين ابيض و اسود و اثنينهم نفس الشي لكن اللون فقط يختلف , مو نفس مالبورو اذا اختلف اللون يعني اختلاف بالنيكوتين والقطران وغيره

و الجكاير هذا من موروس نفسه اللي يسوي مالبورو

القلم الله يسلمك اهو لويس كارتير و الساعه من سيتيزن اسمها برو ماستر , في انواع وارقام لكل منتج , اهي نسيت رقمها لكن هذي اهي عشان التفاصيل

ادري انك مصبنجي ماتشتري وساعتك كاسيو لكن للمهتمين

http://www.ebay.com/itm/CITIZEN-PROMASTER-PMV65-2271-Eco-Drive-Radio-controlled-Chronograph-Japan-Import-/251335045529?pt=Wristwatches&hash=item3a84bc7199

ترى رخيص الظاهر العمله طايحه عندهم , سعرها الحين 780 دولار

هذا كل اللي بالصور


اما شنو استعمل او اركب في تايلند

شوف

اغلب الوقت رجولي

لكن اذا تعبان اركب تكسي الوانيت

خل اشوف اذا جوجل في صور تكاسي تايلند

لقيت هذي

359641

لاحظ البدي او الحوض تشوف الناس قاعده , اهم اهل التكاسي يضبطون البدي عند محلات متخصصه بتجهيز التكاسي الوانيتات هذي يسوون قعده بالحوض و اضاءه , انت ماعليك الا توقف بالشارع بس

يمرونك التكاسي هذي , تشوف مثلا اللي فاضي مو زحمه فيه تأشر له يوقف تركب , بدون تكلمه و يمشي لين المكان اللي تبيه تدق جرس يكون عندك زر تضغط عليه وراعي التكسي يوقف , تنزل وتعطيه 20 بات او تخلي رفيجك التايلندي يحاسب ههههههههههه

اذا انت سايح تدفع 20 بات واذا تايلندي يدفع 5 او 10 حسب المسافه

العموم يخلون ربعهم التايلنديين يحاسبون

طبعا انت تقول شلون ما اكلمه , شلون يعرف وين ابي اروح

هم نظام تايلند "بتايا بالخصوص" التكاسي لهم خط سير , الخط هذا يمر على كل المجمعات و المطاعم و البولنغ و الجمعيات , وبعدين يوصل دوار اخر شي وياخذ الدوار يسار و يطلع عالبحر , يصير الشارع هذا بالواجهه البحريه , يعني البحر يمينك والمجمعات والاسواق يسارك

انت شوف وين بتروح , مجمع او جمعيه او مطعم تكون عارف مكانه , من توصل وقبله ب20 متر تضغط زر الجرس ويوقف , تحاسبه وتمشي

شوف انا عندي لابتوب حاطه فوق السطح و عندي برنامج جوجل و اقدر انزلك على الشارع مال فندقي و نمشي بالشارع اوريك كل شي

الخدمه مالت الطرق حق تايلند متفعله في جوجل , تعال و تشوف كل شي و ايضا عندي خوش طبات حمام زاجل و لاحم , تشوفه بس تتخليه واهو محشي

المهم هذا التاكسي الوانيت المشهور ان كنتوا مجموعه تبون تروحون مع بعض في تكسي واحد

تبي الاسرع بس اغلى هذا

359642


359643

شوفعهم لابسين مثل الصديري او الجاكيت عليه رقم صوب قلبه , هذا يعني تكسي وتشوفه على سيكل او قاعدين عن السياكل مثل هذوله

359644


هذوله تحصلهم عند كل فندق و مجمع و اي مكان يصير في تجمعات ناس , عشان اي شخص يطلع ويبي تكسي يشوفهم , يحطون مثل الدوانيه عند السور ويحطون خشب مثل الكراسي يقعدون عليهم وينطرون الناس

هذا التكسي اسرع و تفتك من الازدحامات وتوصل بسرعه

يعني مثلا انت في مجمع السنترال و صكك عوار بطن تبي تروح الفندق او تسويها بسروالك , تطلع تشوفهم وتشوف الوانيتات , الوانيت ان ركبت معاه تروح فيها ليش , لأن يمشي وكل ما يشوف زبون يوقفله و الازدحام يصيده

السيكل لا

السيكل يركبك انت بس و يدخل بين السيارات ان كان الشارع واقف ويصير اول شي , ان كان ازدحام او اشاره , انت قوله لييييو ليييييييو يعني بسرعه بالتايلندي واهو يدوس

سعره تقريبا 30 الى 40 بات , قوله اعطيك 100 بات بس دوس , يدوس يخلي السيكل صاروخ وتوصل الفندق و تشوف سالفه بطنك

طبعا انا اتكلم قبل , الحين زادوا الاسعار مدري

في تاكسي بعد لكن هذا اشوفه في بانكوك واللي اهو التك تك

359645

هذا في بانكوك متوفر , بتايا ما في منه , الظاهر عمده بتايا منعهم او شي , لكن هذا انا ما اركبه الا مره وحده فقط

يعني لما اروح بانكوك ومثلا و اروح مجمع واخلص منه واطلع بروح الفندق اركب التك تك عن الخاطر بس او اذا رفيجي يبي يركبه , غالي بحدود 100 بات

يعني هذا اول عيب انه غالي

ثاني شي مكشوف و بانكوك مزدحه حدها , الشوارع مسكره , و الزحمه تصيده , يعتبر سياره مو سيكل عشان يدخل بتاوين بين السيارات , لا هذا اي زحمه تصيده , وانت واقف بالزحمه تقعد تستنشق من الغازات لين تقول بس

ترجع الفندق صدرك مسكر تبي كمام

ومثل ماقلت الزحمه تصيدك و الغازات زيد عليهم الجو حار ورطوبه

يعني تروح فيها بالعربي

عشان جذي انا لما اروح بانكوك اركبه مره وحده بس عن الخاطر وبعدين اشوف تكسي اللي يكون سياره عاديه

هذا

359646

او اي تكسي المهم يكون مكيف و مغلق عن الغازات

لكن ان كنت رايح مع شباب , العايله اخذ التكسي فوق اما ان كنت رايح مع شباب ما ناخذ الا السيكل

يفكك من ازدحام بانكوك وتوصل بسرعه , صج حر ورطوبه لكن السيكل دايم يمشي و لما يمشي يهفك الهوى و يصير براد ماتعرق , و اليوم يكون ليل يعني ماكو شمس ترتاح بالسيكل

التك تك واقف , اي زحمه يوقف وهني المصيبه انك تحتر و تعرق وتبتلش بالرطوبه , لو انه يمشي على طول كان صار زين لكن بأي زحمه حاله من حال السياره

هذوله وسائل المواصلات هناك


طبعا في قطار معلق لكن ما جربته لأني مو من شباب بانكوك

اما في بتايا , اغلب الايام اروح بتكسي الوانيت والوقت يكون العصر و اطلع من المجمعات بالليل الساعه 8 او 9 و هني الجو يصير احسن و اطقها مشي من المجمع الى الفندق و بالطريق طبعا نتمشى بين المطاعم و الاسواق الشعبيه والبسطات على الطريق لين نوصل الفندق

شرايك فيني كتب تقرير

[قزم مصرطح]

يا أخي طيب بما ان تايلاند مزدحمة والمواصلات غريبة وناس غير بشوشة كاليابانيين مثلا ناس حلوة ليش انت مربوط بتايلاند وبانكوك انا آخر مكان افكر ازوره هو بانكوك ولا اقولك لااريده اجلس في البيت احسن ادا كان مافي غير تايلاند , ليس هناك ماهو افضل من لاس فيغاس مدينة الخطيئة ما يحدث في فيغاس يبقى في فيغاس

[Karazhan]

انت لو تروح تايلاند مع ناس زقرت راح تتحسف على كل دقيقه من عمرك ضيعتها في السفر لدول غير تايلاند

كل شي فيها

وفوق هذا شعب طيب و بشوش وبسرعه يضحك

يعني المليق العربي يروح هناك يصير نكته

يعني لو تترجم النكته اللي تقول "خشمك كنه منقار بو حقب" الى اللهجه التايلنديه وتروح هناك تشوف رفيجك واقف

مع تايلنديين وتقوله ليش صايق خلقك يافلان ؟ انت مع خشمك تقول منقار بوحقب شلون بتستانس ؟

اول ما يسمعونها راح يموتون من الضحك مع انها نكته قديمه و صارت مليقه بس لما تدخل النكت الشرق اوسطيه وتترجمها وتخليها

اسيويه راح يضحكون عليها

يمكن ياخذونك تصير ممثل كوميدي عندهم ، ما تفلح بالكويت لكن ينفتح لك الرزق بره وتصير ممثل عالمي

تصير انت و محمود فريد هناك الفنانين العرب ، اهو مغني وانت ممثل


جرب و في التجربه برهان
لاجيت تفحط خذ التيما

[قزم مصرطح]

كم من المسافة والوقت والايام والليالي ستأخذ رحلتي من القارة السمراء الى تايلاند ؟

[قزم مصرطح]

وصلت لفل 69 في اللعبة اللي اخبرتكم عنها سابقا ,وقاعد اقتل كل من يعدي من امامي قتلت حتى الان اربعة مشاركين في اللعبة الى جانب عدد كبير من الوحوش , واحد من المشاركين باللعبة جيت اقتله قال لي انه سيعطيني مليون ذهب في المقابل لا اقتله , قلت له اوكي اعطيني المليون ذهب التفت لوهلة هرب من انيابي في النهاية , الآن قاعد في جسر يربط بين مدينة ومدينة اللي يعدي اقف عليه يعطيني مليون ذهب يعدي اتركه لحاله واتركه يعدي الى المدينة من ليس معه ذهب اقتله يعني قاطع طريق على المشاركين في اللعبة .

[Karazhan]

المسافه من الكويت الى بانكوك من 6 ساعات ونص الى 7 ساعات

اذا وزير او امير او ملك او شيخ او او او يخلونك تفتر فوق مطار بانكوك لين يطب اهو اول

انت باللعبه نفس رفيجي ملك اللعبه , ياخذ ضرايب من الشباب

مثل كلاش مغني الراب السعودي اللي مخوف 99% من السعوديين , هم ياخذ ضرايب على اللي يدخل جده

[قزم مصرطح]

البنات في اللعبة يمرون من الجسر مجانا وفي بعض الاحيان اعطيهم مليون ذهب واقول عدي بسرعة , اما الشباب اقل واحد يدفع لي مليون ذهب امسكت واحد من الشباب متنكر بزي بنت لكن طلع ولد بلادي قلت له معليش عدي المرة الجاية احظر لي علبة سجائر معك يعني مثل قوانين السجون لما يكون واحد ذكر قوي مسيطر ,

[Karazhan]

السلام عليكم

معاكم خالد الجديد

شلونكم شخباركم ؟ الله حيه الله حيه البقا

كيف حالكم بعد عساكم طيبين

طيبين ان شاء الله

[Dudette]

صباح الخير

اسمحوولنا عالتاخير

ويك اند ورحلات

اولا كرزان لوعت جبدي مع صوره الريوول ويييييع

ونصيحه البسلك زنوبه اريح بوايد و يوم ترد من هياتك فليل اقرب مساج ريول ادخل عندهم

وعن السجاره هذا مب شنه نوووع بناااتي واااي عليك دام انك مب قد السجاره ليش ادخن

وقزوووووووووووم عن السياره اكيد المرسيدس احلى وضمان وقطع غياره متوفر لكن الاودي مب هاك الزوود يمدحونه وقطع غياره غير متوفر وغالي

وشي ثاني قزووووم مثلا لو ابي اروووح زياره لامريكا وين تنصحني انا ابي اروووح لمده 10 ايام بس اخوي يقول ما يكفوون وهو بيروووح شهر او اكثر والصراحه انا ابي ارووح لكثر من مكان عشان شي ما ابي اجازتي كلها تكون في مكان واحد

يعني 10 ايام اروح امريكا و 10 ايام اروح اوروبا و 10 ارووح العمره او تايلند وكلهم في فترات غير


فالسؤال لو بروووح امريكا شو تنصحني؟

وكرزااااان واي فديته من هالمزيوووون الصيغيروووون ؟

[Karazhan]

طاع هذي

تسأل القزم عن امريكا

يبا احنا اللي ننسأل مو اهو , اهو يمكن منطقته ماطلع منها , فريجهم ماطلع منه

يبا هذا تونسي و مثل ماانتي عارفه زين العابدين حاكرهم حكره , بو عزيزي هذا ليش انتحر وصار شهيد المنتحرين والكل يترحم عليه ؟ مو لأنه جامعي و ماحصل وظيفه واشتغل بيع خضره لين اكسروا سحاحير الطماط على راسه جان يحرق نفسه

من بيع الخضره صار صيخ كباب , كان زين العابدين مجوع الشعب و العاطلين ترس الديره

شنو تبين القزم يشتغل عشان يروح امريكا وتايلند واوربا ويقولج وين تروحين ؟

هذا اذا مايبيع خضره نفس بوعزيزي تلقينه يبيع بيض

تروحين وتسألينه عن امريكا واوربا وتايلند ؟ ياكبرهاااا

انا اللي انسأل مو اهو

انا اخوي راح امريكا مرتين وقعد بكل مره شهرين

اول مره راح مع نسيبي يسوي عيونه كان مايشوف عدل و رجع النسيب اعمى مره وحده

والثانيه راح مع ابوي علاج بالخارج عشان يركب دعامات للشرايين ورجع الوالد متوفي

جازتله امريكا و يمدحها و قبل كم شهر قالي شرايك نروح ؟ قلت مستحيل , الاول رجع اعمى والثاني جنازه انا شنو ترجعني

اهو كان في مينيسوتا ويعرف كل شي هناك

اوربا اخوي الثاني يروح كل سنه و الصيف الجاي يمكن يروح واذا راح بروح معاه , و اي شي تبينه اسأله لج

اما تاليند مايحتاج , انتي مقطعه السمكه و ديلها

تبين لزوم الكشخه والموضه حاضر , اعرف اركب ملابس

تبين عطورات هم حاضر اعرف اركب عطورات


زقارتي مالكم شغل فيها , انا اخترتها صغيره عشان تكون عباره عن نص زقاره و خفيفه وله الشكل مايهمني لو يقولي رفيجي ولد بطنها ان حجم الزقاره تعبر عن درجه المصبنجي جان صنعت زقايري بنفسي و خليت الزقاره كبر الخياره




هذا الصوره

359663


هذي بنتي ريماس ملبسها دشداشه "كندوره بلغتكم"

اخذيها و وريها اي ارمله او مطلقه غنيه , قوليلها ابوها يبحث عن زوجه و هذي طبته

يمكن تقتنع




وبعد شنو


صوره الرجل مو مالتي , بس مثل جذي يطلعون فقاعات لما الواحد يمشي بنعال سكه



بعد شنو



لحظه خل اصعد اشوف شكاتبه


اي بس

وانتي بتروحين امريكا واوربا وتايلند ؟ شنو يعني قاعده تحريني انتي

الله يزيد ويبارك , بس يعني الواحد تحز بخاطره شوي لما يكون رفيجه يتحلطم 5 سنوات يبي يسافر مره و يجي رفيجه يقوله بروح 3 دول

ماراح يصير شي لو تتنازلين عن فلوس سفره وحده و تروحين دولتين بس و فلوس السفره تعطينها رفيجج المسكين يروح يشوف الدنيا فيها , ترى ملينا من الرطوبه والغبار والحر

عموما انتي وضميرج

ان شاء الله تتزوجني مليونيره و بدل ال3 دول اروح 30 دوله

امريكا و اوربا افتر فيها والصين وتايلند واليابان وكوريا واستراليا و اشتري كاميرا اغلى نوع بالسوق واصور بكل دوله , اروح برج ايفل واصور تحته و اروح برج بيزا واصور تحته وانا رافع لوحه كاتب اسمي فيها عشان يصدقون ان انا مو تركيب على المنظر

اروح بريطانيا اصور عند الجسر و البرج مال الساعه بيج بونج و اروح استراليا واصور مع الكنجر واروح امريكا واصور عند برج الحريه واروح شركه بليزرد اصور عندهم واكلمهم يعطوني مليون جولد

واروح كل بلاد الدنيا حتى منغوليا اروح و اقنص هناك , بعد وين اروح

اروح اليابان و اصور عند شركات الالعاب واحركم , مااخلي مكان يطري علي الا و اروحله

واستانس بحياتي واعيش عمري بالطول والعرض وابكي على سنيني اللي مضت يوم كنت فقير وجودي زي عدمي صاير حشو دوله بس

واصدمها بعدين اتزوج عليها 2 , زوجتي الحاليه واهي المليونيره وفوقهم 2 اخليها تغسل ايدها مره وحده

واكل حمام محشي و مفاطيح و مجابيس و مطبق و ستيكات



متى بس يتحقق حلمي

ليمتى وانا فقير جذي , امس نازل المعاش اليوم ماعندي الا 100 دينار , بقزرها فيهم لي اول الشهر ينزل بدل ايجار واقزرها فيهم لي المعاش الجاي

يعني لي متى وانا على هالحال

سالفه الجنطه اللي بالبر غسلت ايدي منها , الجوهره و هم غسلت ايدي , كل ما اشوف الرابحين اعرف انها لعبه , يحطون اسماء رابحين ماادري من وين يطلعونهم , تحسين يركبون الاسماء من كيفهم

يعني اخر واحد رابح اسمه

نمرين نشات نجيب ابو شمة

بذمتكم هذا اسم واحد رابح ؟ ابو شمه , مايجي يشم اباطي احسن , هذا اذا ذبح نفسه دافع 100 دينار , يعني عنده فرصتين للربح لأن كل 50 له فرصه

انا حاط اكثر منه وصارلي فتره طويله حتى 50 فلس ما ربحت

يحطون اسماء تأليف من مخهم عشان يسكتون الناس

ماكو الا زوجه غنيه بس , اي انا طماع و جشع المهم اتزوج


قلبتوا المواجع

يلا انا بروح قبل اطقها بجيه عندكم

باي

[ام ابـراهيم]

يبا هذا تونسي و مثل ماانتي عارفه زين العابدين حاكرهم حكره , بو عزيزي هذا ليش انتحر وصار شهيد المنتحرين والكل يترحم عليه ؟ مو لأنه جامعي و ماحصل وظيفه واشتغل بيع خضره لين اكسروا سحاحير الطماط على راسه جان يحرق نفسه

من بيع الخضره صار صيخ كباب , كان زين العابدين مجوع الشعب و العاطلين ترس الديره

شنو تبين القزم يشتغل عشان يروح امريكا وتايلند واوربا ويقولج وين تروحين ؟

هذا اذا مايبيع خضره نفس بوعزيزي تلقينه يبيع بيض

تروحين وتسألينه عن امريكا واوربا وتايلند ؟ ياكبرهاااا



و الله إحنا لم نجد شغل لا بتونس و لا خارج تونس
حتى لما وجدت شغل زوجة صاحب الشركة أربعة و عشرين ساعة فوق رؤوسنا .
شافت زوجها يوم يلعب مع اببنتي غارت . اليوم الموالي أرسلت لي و قالت لي اخر يوم في الدوام .


يعني 10 ايام اروح امريكا و 10 ايام اروح اوروبا و 10 ارووح العمره او تايلند وكلهم في فترات غير






يدوب رحنا عمرة انا زوجي و نفسي أرجع مرة ثانية بس مستحية أقوله من كثر المصاريف .

فإحمد الله انتم حالكم أحسن من حال كثير ناس .
الشهر الفارط عندي صديقة عندها 3 اطفال ما وجدت فلوس لكي تشتري لهم لباس العيد الفطر .
و ضاقت عليهم الدنيا فرجعت لتونس زوجها في مكان و هي في مكان ثاني .
و لا تملك بيت و لا تملك حتى غرفة نوم . رجعت لكي تعيش في بيت أبيها .

لو احكي لكم ظروف الوافدين هنا لتبكون عليهم بدل الدموع دم .

[Dudette]

ما يحتاك انا اخواني دارسين في امريكا ويقولونلي 10 ايام ما يكفووون بس انا ابي 10 ايام

الصراحه مفكره في اليابان شو رايك اغير من امريما لليابان

الصراحه يباله بس سمعت انها وايد غالية :33:

الصراحه ما ابي اجازف واتوهق

ففي حد رايحلها عشان نساله

وعن قزوووووم لو سمحت لا تغلط عليه ترا ما ارضى

وعن بنوتك امسح صورتها والله عن الحسد يا ريال

[Dudette]

السلام عليكم أم ابراهيم

نحن هني لا نتفاخر، فقط نتناقش عن السفر

وعن حال الناس والله معاج حق والله يعينهم


بو شنب ترا ما اعرف اعبر انا حدي سؤال وجواب

ترا ما نقصد امبيه حسيت باللوم والله

[Karazhan]

انتي الله يهداج تقعدين تحرين الفقاره اللي مثلي وتقولين 3 دول

شنو 3 دول والناس مو لاقيه غرفه تنام فيها , انتوا شنو ؟ ماكو قلب

انتزعت الرحمه من قلوبكم , لو تجمعين فلوس ال 3 سفرات , التذاكر والسكن والفراره و تعطينهم فقير مثلي مو تمسحين دمعته , مو ترسمين البسمه على شفاته

احنا بيتنا كلهم فقاره لكن لو تحسبين الايتام اللي كافلينهم تطقين على راسج

انتي كم يتيم كفلتي ؟ كم فقير اطعمتي ؟ يدافع البلا

عشان جذي تشوفون العمر قصير

يلا روحي البنك واسحبي الفلوس و دزيهم

تبين ويسترن يونيون او رقم حسابي ؟

[Karazhan]

اهلا استغفار = ام ابراهيم

زارتنا البركه يااهلا وسهلا نورتي القسم

اتمنى تمسحينا بوجهي هالمره , انا ادري ان دوديت صايره مجرمه هاليومين لكن يمكن اهي تمر بحاله نفسيه سيئه جدا و ماتدري شقاعده تقول

لكن عطيها يومين ولا تزعلين منها ترى اهي خوش بنت لكن ماادري شفيها من توفى كرزان واهي صايره عود جبريت

المهم كل واحد يصلح لنفسه و خلاص




359664

[Karazhan]

^^^

توني سارقها

[Dudette]

انا شريره واقهر الناس بو شنب

ما عليه مشكووور وما تقصر :12:

على العمووم انا اسفه أم ابراهيم

[Karazhan]

يبا خلاص انا اسف وحقج علي

ومستعد اتحمل العواقب كلها عشانج

[قزم مصرطح]

الاخت دي دي انا كما قال الكرزان لم اغادر منطقتنا من قبل لسبب وهو انني احب بنت الدرب بنت الحارة اللي ساكنا قدامنا يعني ما استحمل اروح لبعيد واتركها خلفي فما بلك اروح بلد آخر واتركها في الهوم تاون انتاعنا ما أقدر , وهي حبي الأول الأصلي وهي عشرت عمري الأصلية ونور حياتي هي Capital

[Karazhan]

يعني شنو كابيتال

هذي شركه اسهم ؟ نفس اللي عندنا





مطلوب اكاونت ووركرافت صاحبه ماله خلق يلعب

[قزم مصرطح]

يعني شنو كابيتال

هذي شركه اسهم ؟ نفس اللي عندنا




يعني هي البنت هي الكابيتال ابتاعي يعني هي عاصمة قلبي , انت لست رومانسي ما تفهم مثل هالأمور

[Karazhan]

لا والله مااعرف

كابيتال لتر هذا اللي اعرفه يعني حرف كبير بالانجليزي , لأن جاني سؤال يقول اكتب الجمله بالكابيتال لتر

و عندنا شركه بعد هني اسمها كابيتال مالت اسهم وهالسوالف

بس كابيتال من اسماء الرومنسيه هذي اول مره , اجل بغير اسمي بحطه كابيتال دام محد اخذه عشان اخدع البنات يعني رومنسي

عموما الحب ماينفعك , الحب للمليونيريه بس لأن الحين البنات بدون قلب , الهدف الوحيد انهم ينصبون الشباك للرجال المساكين و بعدين يقعدون يصفونهم لغايه ما يطلعون التجار وعيال بطنها من الشباك و يحذفون المساكين اللي مثل حالتي

و اهي تعشمه بالحب وتسوي روحها تحبه واهو المسكين يصدق , وتبدأ الطلبات

سياره بورش بانيميرا

359669


ايفون 5 اس الجديد لون ذهبي

359670

و من بعد المعمول والجاوني صارت عطورات فرنسيه ماكانت تحلم فيهم

359671

للعلم ان هالعطر من كليف كرستيان اغلى عطر بالعالم وكان اهو المعتمد واللي يسوي عطورات الملكه فكترويا , فكترويا هذي امرأه واهي ملكه بريطانيا قبل 300 سنه مو اقصد فورد فكترويا

المهم و الشنطه من لويس فيتون , اصليه طبعا مو من تايلند

359672

وقلم كارتير التايجر

359673

قيمته بحدود ال60 الف دورار , لو اني ترلليونير يعورني قلبي اشتريه


والنظاره مثل اللي طايحين فيها هاليومين تقول ام الذبان

359674

انا احتمال اتوقف هالاسبوع بسبب اني حطيت صوره بنت

تعرف منتدى اسلامي جهادي ممنوع وضع صور مثل هذي تغري المجاهدين بالكهوف اللي اخر مره شاف بنت من سنين طويله

اللي اي شي اشقر يشوفه ليلى علوي ان كان بنت او رجل المهم اشقر

عموما , هذا تفكير البنات , ماكو حب في مصالح , تدفعلي اقبل فيك , حب ما حب هذا مايمشي

خلك مليونير ومثل الشباب بالتواصل الاجتماعي دفيع جاد

خلك دفيع جاد , اما تجي انت مع القذله هذي تبي حب , تبي حب روح السجن وارسم عالطوفه صوره من خيالك و حبها

يبا الدنيا تغيرت , الدنيا مو مثل قبل ايام الحب مايعرف فلوس و وظيفه وسياره

اصحى يا نايم

انا اقدر اعشمك بالحب وادخل بأسم بنت هني و اسولف معاك لين اطيحك بشباكي وبعدين اقولك عطني الماسنجر

و شوي شوي تقولي افتحي الكاميرا و افتحها لك و اطلع ايدي كاتب عليها اسمك وانتي تسعبل , طبعا البس دلاغ طويل عشان ما تكتشفني من الشعر

واقولك تبي ... فون ارسلي كرت سوا 50 ريال , تبي ... كام ادفعلي كرت سوا 100 ريال

تبي يوم الخميس حولي 500 ريال

من تحولي اسحب عليك

صايرلي دفيع جاد مع راسك وانت ماتدري اللي يكلمك واحد او وحده

ماكو حب

اذا تبي تحب حب الملك ولد بطنها اللي عروقه بالماي , اهو المخلص واهو القايد الكبير , اهو اللي يحميك ويعلمك امور الدنيا

كون المخلص له والوفي والمطيع ترتاح بحياتك , اما انك تضيع تحويشه عمرك عشان وحده وبالاخير تاخذ كل شي و ترميك بالشارع

تخلي الناس و ربعك واهلك يضحكون عليك ويذكرونك بأيام اول يوم انصحوك تبتعد عنها

واولهم انا راح اضحك عليك واقولك ما تذكر يوم قلتلك بالمنتدى ماكو حب ؟ الحين اكلها

عموما انا قلت اللي عندي و انت وكيفك

[قزم مصرطح]

الأخ الكرزان انت فعلا حالتك ما هي حالة يعني حالتك تكون في كل امور الدنيا مزرية ونسبة النجاح تحت الصفر دائما عندك , يا أخي الشيء اللي غايب عليك هو أني وسيم جدا و فلاتي النسوان واي واحدة ماتقدر تتركني بتلك البساطة اللي تقولها يا اخي دنا قزم الحب يعني العين فالعين اتلاقينا لاثنين يعني حب في مهب الريح يعني حب الألف ليلة وليلة يعني حبني وانا احبك يعني أنا بسأل النجوم كل ليلة عليك يعني بوس الواوا

عموما انا قدمت تقرير بمشاركة سيئة لأنك وضعت صورة بنت واللي يكلمك الآن هو "القزم الواشي" يعني راحت عليك حتى لو اضطررت لأبلغ عنك البيت الأبيض

[Karazhan]

شوف كل اللي يحبون يقولون نفس كلامك

انت على بالك لما تسمع ان فلان كان يحب وحده واخذت فلوسه وانحاشت على بالك ماكان يقول نفس كلامكم هذا اللي الف ليله وليله و حب العين بالعين ومادري شنو بعد

يبا هذا المسكين اللي سمعت عنه كان نفسك يقول نفس الكلام و الف ليله وليله , وكان يسمع منها كلام معسول جعله يرمي كلام الناصحين خلفه و يسمع كلامها , كان يسمع كل يوم كلمه حبيبي , عمري , مااقدر اعيش من دونك , مااقدر على زعلك

اهي تقول جذي من التلفون و تحرك ايدها تعيب عليه , قاعده تلعب واهي تأشر بأيدها من خلف السماعه و المجنون اللي يكلمها مصدق

انت نفس الشي سمعت كلام منها وصدقت ليش ؟ لأنك محروم , لأنك فقير الحب , تبي حب تبي حنان تبي عاطفه , ناقصك الحب , فتبحث عنه لو اضطريت تحفر الارض وتطلع الجهه المقابله عشان تحصله

وفجأه حصلت هذي الشريره اللي اخدعتك واخدعت غيرك بالكلام المعسول

ترى المجروحين بالعالم من الحب نفسك حالتك , شلون انجرحوا ؟ مو اسمعوا كلام معسول وبعدين انضربوا بالطوفه ؟ ماكو الا جذي اجل شلون ينجرح من الحب

انا ابيك تستوعب , انت مغمض الحين ماتشوف شي , ابيك تفتح عيونك وتشوف حولك

انت ماسمعت الست لما قالت

طول عمري بخاف من الحب

وسيره الحب وظلم الحب لكل اصحابه

واعرف حكايات مليانه اهات ودموع مادري شنو نسيت

كلهم يتغنون بالحب و اهاته و جروحه , تجي انت وتقول حب , لا و في هالزمن زمن المصالح

انا عشان اكون على بينه معاك و انت تجرب وتشوف بعينك بعد

دق سلف الحين روح محل تأجير سيارات , اخذ بورش بانوراما او فراري او اي سياره فاخره , وروح حق واحد من ربعك كشيخ قوله عندك عطر قوي , انصحك بعطر الجزيره اي واحد بس يكون قوي شوي

و قوله عندك قلم ماركه اصليه مثل كارتير , المهم جمع اغراض الكشخه و دق سلف السياره اللي مستأجرها وروح السوق , شوف بنت وقولها الآتي

مرحبا اختي

اهلا مرحبتين كبار كبار

اختي انا بدش بالموضوع على طول , انا انسان عزوبي و مقتدر , شوفي سيارتي فراري , قلمي كارتير , عطري فرساتشي , ملابسي كوول , وانا ماعندي سوالف المغازل والخرابيط , انا رجال دغري

وابي اتزوجج , على فكره عندي سكن مناسب و واسع و بنص الصاله نافوره ترش ماي , يعني ترش بيبسي

قولها جذي تدري شنو راح تسوي البنت ؟

راح تشهق وتحط ايدينها على صدرها وتقول

واااي صدمتني انته , شنو تبي فيني ليش انا من بد البنات ؟

اهي قالت جذي عشان تشفي غرورها , تبي تسمع منك كلمه "انتي الاجمل بالمكان كله"

بس انت استغل غرورها , مو بعض الساعات لما تدش شات تعارف تشوف وحده اسمها مغروره و دلوعه و رومنسيه و الخرابيط هذي

البنات مجانين , تعطيك المفتاح للتعارف عليها

فأنت اذا شفتها قالت ليش انا من بد الناس

اعرف ان البنت حتى لو ماكانت مغروره راح تصير مغروره باللحظه هذي , لأن شخص راعي فراري وقلمه كارتير و ريحته حلوه وملابسه نظيفه و تقربلي وطلب مني الزواج , هذا 100% مايشوف وحده جمليه غيري

فوق هذا لو يشوف جميله مايطلب منها الزواج , يطلب التعارف فقط حاله من حال شباب ماكو فايده , لكن هذا مليونير وطلبني للزواج سيده اكيد انا فوق ما اني جميله , اكيد فيني شي مااشوفه , مثل الكاريزما او هاله براقه تمشي معاي وتلفت نظر المليونيره اللي لهم نظره غير عن نظره الفقاره

راح تقولك بس شلون تتزوجني ؟ قولها عادي اسوي روحي دعمتج و اخذت عنوان بيتكم او رقم ابوج عشان اصلح سيارتج ومنها اطلبج للزواج

راح تقولك اوكي وتعطيك على طول

لكن نفس البنت تعالها على جيب ربع

359676

ولابس شماغ و دشداشه

359677


و قولها الآتي

انت : سلام عليكم

اهي : ........

انت : شدعوه يبا ؟ عطينا وجهه ترى ما اعض

اهي : يعني نكته انت ووجهك ؟

انت : لا والله بس شفتج ماتعطين وجهه قلت يمكن خايفه مني

اهي : لا يبا شخاف منك , انت من شكلك تخاف من الزهيوي انت ولبسك كأنه باكيت ملبورو احمر 359678

انت : طيب خلينا من الطنازه , انا رجال شاري

اهي : شنو ؟ انت قاري ؟

انت : لا شاري , يعني رجال ابي القرب , بتزوجج يعني

اهي : هزلت والله , انا اخذ ضب ؟ هذا اللي ناقص

انت : ليش يبا , عشان لابس اللبس الوطني يعني ماتبيني ؟

اهي : لا والله بس مو انت اللي متخيلته يكون زوجي

انت : مو مشكله عدليني , لما نتزوج ضبطيني و غيري شكلي للي يعجبك , تبي اقص شعري عرف الديج , تبين البس بدلات , اللي تبينه اسويه

اهي : بس انت شكلك مايحصل , راسك الطوالي هذا ماتركب عليه قصه الديج , فوق هذا انت لونك غريب

انت : اي انا جذي من كثر روحاتي للبر صرت اسمر محروق , لكن الرجال عيبه مخباته

اهي : وشنو بمخباتك انت ؟

انت : طرق المعاش و سيارتي اقساط و مكالمات و مصرافين الغنم , يعني الباقي بحدود 500 دينار

اهي : اللي معندوش مايلزموش , انا بالطلعه الوحده اقط 200 دينار بس , تبي اخذ واحد معاشه يكفي طلعتين ونص ؟ فشر

طبعا اهي تجذب لما قالت الطلعه الوحده 200 دينار , بس هم جذي يحبون الفخفخه , وله الصج بالسنه تقط 100 دينار ان كان من جيبها , وتنطر مليونير مغفل ياخذها ويخليها تقط 2000 بالطلعه بعد

انت : الراتب راح يكفي مع وظيفتج وراتبج راح نعيش احلى عيشه

اهي : لا يا الضب , لك عين بعد تقول راتبي ؟ صج ماتستحي , اصلا راتب الزوجه لها وفوق هذا يعطيها مصرف و يسفرها ويشتريلها سياره , انت تدري انا كل سنه اسافر مرتين , وتدري ان بالسفره الوحده اقط 5 الاف دينار اقل تقدير

طبعا هم تجذب , ماعمرها سافرت الا مره وحده بعمرها , ايام الغزو لما انحاشت السعوديه , غير الطلعه هذي ما راحت مكان

انت : يعني شنو الحين ؟

اهي : مرفوض طبعا يالضب

انت : لاتقولين ضب

اهي : يالضب

وتمشي وتخليك

وانت تمشي وراها و من محل لي محل , وطبعا اهي تدخل محلات تشوف وتمشي ماتشتري

وتمشي وراها وتمشي وراها

اهي : شتبي لاحقني يالضب ؟

انت : بسألج اذا غيرتي رأيج

اهي : لا يبا ماغيرت رأيي , انا وحده الف من يتمناني وكل واحد عنده الشي الفلاني , تبي اقبل فيك انت

يالضب

انت : يعني اروح ؟

اهي : روح راحت روحك


طبعا الف من يتمناها كذبه صدقوها البنات , كل وحده تسوي عمليه تفخ تشوف نفسها احلى وحده وتتخيل ان 1000 يتمناها وتصدق نفسها

مايعرف عنوان بيتهم الا مطاعم الوجبات السريعه , كنتاكي , هارديز , ماكدونالدز , شرمبي , والمطعم الهندي اللي بالفرع

شفت الفرق يا اخي , عندك فراري تتزوج بسرعه , عندك ربع تطلع مع علوقه عليك , ضب او بزون او بكس احمر او اي علوقه يركبونها عليك

هذا الحاصل

واذا مو مصدق جرب بنفسك

برب

[قزم مصرطح]

اخي الكرزان اوكي انا مستعد للمجازفة وأتحمل العواقب كشخص راشد فأنا حياتي كلها مجازفات تهريب عبر الحدود وهروب وحب وتدخين وسهرات يعني زهواني ووغد ذكي لا آخذ الأمور بالدراما اللي تتحدث عنها .

[Karazhan]

كيفك

انا نصحتك امام الناس كلهم عشان يكونون شاهدين لما تجي بعدين تبجي وتقول "مفلس مخدوع"

ونسألك شنو صار ؟ تقول هجرتني مع مليونير وطلعت انا مجرد تكمله عدد بس

راح تخسر الوقت و السهر و الاموال , بدل ماتقزر وقت بالسهر والشيشه في القهاوي و السفرات تروح تضيعهم على وحده ماتسوى

انا اللي علي سويته , انت كأحد تلاميذ رفيجي ولد بطنها اللي عروقه بالماي قدمت لك النصيحه , مع اني مااقدم النصايح لكن قدمتلك , و بالنهايه انت حر نفسك

بس لاتجي بعدين تبجي و تقعد تتشكى و تعور روسنا

[Karazhan]

انا بروح انام الحين

حان موعد نومي

القاكم ان شاء الله في تمام الساعه 1 او 2 بالليل يا شباب

انتظروني

البنات ممكن اذا تبوني بأمر مستعجل اني اعطيكم رقمي ونتواصل بالواستب , مافي مشاكل البته

بس بعد 12 لما زوجتي تنام

اي اخاف منها بعد شنو , في واحد بالدنيا مايخاف من زوجته

[قزم مصرطح]

اخي الكرزان شكرا على النصائح بالفعل , لكني صاحب سياسة خاصة ليس كأي قزم قابلته , وغد ذكي مثلي ليس من السهل ان تخدعه واذا حاولت خداعي يجب ان تستحق ذلك وأن تخدعني عن جدارة , اذا نجحت في خداعي ماشي فسأهنئك بروح رياضية لأنك ستكون قد كسبت ذلك عن جدارة وتستحقه وليس سهلا .

[قزم مصرطح]

الأخ الكرزان تعلم من ابو شنب القريشي اللي كان عندك بالرمزية تزوج أمس وحدة شراء فله وهذه صورته يوم الزفاف وبما انه غيور لم يحب ان اضعه جنب صورة زوجته وتقول لي انه مافي حب في هالزمان تعلم الحب من ابو شنب الأصلي

359679

لا حظوا اطراف شعرها الأشقر جنب الصورة على اليمين ,

[Karazhan]

ليش الملك ماعنده رقبه ؟

هذا تفليق مثل ما عملوا اليهود مع بيل كلينتون لما ارسلوله جاسيكا وبعدين افضحوه و خلو اللي مايشتري يتفرج

الملك لايمكن يتزوج والدليل اني اليوم سألته اهو و بندر اذا في مجال يتزوجون فقالوا مستحيل

هم رمز العزوبيه لكافه المصبنه بالعالم والعرابجه وكل الاحرار

الملك ولد بطنها اللي عروقه بالماي قالها قبل 10 سنين

قال انا متزوج من المصبنه , المصبنه اهي امي وابوي واي واي ابي زوجي , لا صج قال المصبنه اهي الام و الاب والزوجه والاخت والاخو وكل شي

كفو يالملك عز الله انك تبيض الوجه , و اي شخص يسألني وشهو من لحيه اقوله لحيتن غانمه , مخلص لمصبنجيته و تلاميذه و رسالته الخالده

اروح الدوام

مااروح الدوام

اروح الدوام

مااروح الدوام


يبا طاااااااااااااااااف مالي خلق


المهم نرجع لمحور حديثنا

الملك لا تطلعون عليه اشاعات , اي شي تسمعونه تعالوا قولولي وانا اقولكم الكلام الصحيح

ومثل ما قال رفيجي ولد بطنها اللي عروقه بالماي

ياقلبي حبيبك حققلك مناك

قد وفى بوعده وسوف يلقاك

يا محلى الوفا

من بعد الجفا


سأل الملك ولدبطنها اللي عروقه بالماي عن هذا البيت هل تتغزل بحبيبتك فأجاب NO OFKORS

انما اتغزل بالمصبنه

ياروحي يالملك دائما تتحفنا بردودك و تخلينا نلطم بسببها

مر على بالي وورشيف

يحليله الله يذكره بالخير , ماادري وين دنيته الحين

نرجع للملك

ليش نرجع ؟ خلاص انتهى


شنو تحبون تتكلمون عنه هذا اليوم ؟ اتركوا عنكم الزواج والنساء وماادري شنو

مع اني مشارك في 4 مواقع زواج من سنين وماحصلت نصيبي لما الحين لكن ماادري ليش اصير عدو المرأه

المهم

قولوا موضوع جاد ساخن نسولف فيه

احنا تكلمنا عن الكشخه واسبابها وعيوبها و فصلنا فيها و فندنا الامور كافه

تكلمنا عن العطورات و طريقه صناعتها و النسب المؤيه للزيوت والكحول

تكلمنا عن السيارات والتواير و خلافه

تكلمنا عن المطاعم

تكلمنا عن اللعبه ووركرافت

تكلمنا عن السفر و تايلند


الحين شوفوا موضوع نتكلم فيه

احسن مافيني اني مع كل الموجات , اي موضوع ادش فيه عادي . يعني لاتقولون يمكن نفتح موضوع يطلع مايحبه , بالعكس انا احب كل المواضيع بما فيهم المواضيع المفيده للشعوب المغلوبه على امرها

يعني مثلا مطعم 5 نجوم يسوي صدر بط محمر ويقطعه شرايح مع صلصه و خضروات مسلوقه

الطبق ب20 دينار , لو انا او اي واحد مثل وضعي لو ياكل فيه راح يقعد باقي الشهر جوعان

كيف تسوي نفس الطبق ب3 دنانير , هني مربط الشنب

كيف تصنع نفس الطبق بأقل سعر و ياكلونه كل الشعب

جذي يعني المواضيع الحلوه

اهم شي كسر راس التجار و خسارتهم لغايه مايخلون الطبق بدينار مع قبله يختار الزبون وين تكون بعد

المهم انتوا كيفكم

اي موضوع تكلموا فيه واذا عندي تجربه او معلومه راح اقولها واذا شفتوني ساكت مو معناته اني مو مهتم او كارهه الموضوع بالعكس مستمع جيد لكن ماعندي خبره او معلومات افيدكم فيها

يلا لكم المايك

[Karazhan]

http://www.youtube.com/watch?v=DjvTV17R2Zo


انا ان صرت مليونير بشيل ضروسي و بركب بدالهم ستانلس ستيل او تيتانيوم , عشان امشي و اعض الناس و ماكو شريحه ستيك توقف بطريقي حتى لو كانت مصنوعه من صخر و مسوينا نفس الستيك ومعطينها لون اللحم

اركب لمبات فيهم من داخل بعد عشان لما اضحك يشبون ليتات واصير شخص مميز وانشهر باليوتيوب , والكل يعرفني , ابو ضروس ليتات , احفرهم من النص واركب لمبات صغيره مثل فلاش التلفون ولأنهم ستيل او تيتانيوم ماراح يضرهم شي لو صارت فيهم حفره , راح يبقون قويين

يمكن اتطور واصير دراكولا ثاني , ابدأ ب"عض الناس ويمكن يعجبني طعم الدم و ادمن عليه , اروح للي ركبلي واقولها طول الانياب نفس دراكولا عشان اغرزهم برقبه النساء واشرب من دمهم

[قزم مصرطح]

قولوا موضوع جاد ساخن نسولف فيه



المواضيع الساخنة هي ايام زمان مع الأخ ابو صبحي والاخ نبض المخ والخيالي فانتسي العايش بالخيال , ايام فله وذكريات جميلة جدا , سمعت ان اخونا المحترم ابو وصحي هاجر الى امريكا ومقيم حاليا بمدينة الملائكة الامريكية لوس انجلوس كاليفورنيا طلب الجنسية الامريكية وحصل عليها وعايش حياة فله هناك يركب سيارة فيراري وساكن في فيلا ... وقد أحب المكان هناك لهذا ليس متواجد في المنتدى حاليا ولاينوي العودة للمنتدى عموما نتمنى له التوفيق .

[Karazhan]

اللي يروح امريكا يركب فراري

لو صج كان شفت الامه العربيه كلها بأمريكا

ابو وضحى عرفته , فانتسي عرفته , بس منو نبض المخ ؟ مااذكر احد معانا كان بأسمه نبض

بس تذكرني شلون كنت مطلع سيفي من غمده و اقاتل في سبيل الحريه ضد الارهابيين و الخونه اعداء الامه العربيه المجيده

يحليلي كنت بطل قومي وقتها

بس تصدق نسيت كل اللي صار , اذكر بعض النقاط لكن الموضوع كله كنت ماادري عن شنو , خصوصا لما شالوا قسم الاخبار من المنتدى صار ماكو مرجع نشوف فيه سوالفنا

و المواضيع الساخنه كانت في قسم الاخبار , ومن راح راحت معاه المواجهات

المنتدى العام الحين مو نفس الاخبار من حيث الجوده والسعر والتطبيق

بس تدري شنو اللي يكرهني بالمواضيع هذي ؟

ان الجهه المقابله اما يكون مشرف او عضو عنده صلاحيات او انسان واصل ويعرف الاداره , يعني عروقه بالماي

لو تتكلم عن القاعده تشوف المراقب قاعدي , تتكلم عن الاخوان تشوف المراقب اخونجي , تتكلم عن امريكا تشوف الكل معاك

انتوا غيروا ما بأنفسكم بعدين انتقدوا امريكا , امريكا اهي بلد الفرص والحريات والقانون

انا الحين مااقدر اتكلم عن الحكومه , لو اتكلم اروح فيها , بس بأمريكا تلبس قناع باراك اوباما وتروح تسرق بنك , سطو مسلح يعني

وبالاخير يصيدونك ويحاكمونك على السطو مسلح بس , هني تلبس قناع رئيس الوزراء وتروح تسطو على بنك

تطلع براءه من السطو مسلح و تاخذ اعدام لأنك لبست قناع الرئيس او شوهت صورته او سببتله حاله نفسيه سيئه ولازم تروح اعدام

ماعلينا

المشكله فينا مو فيهم

المهم ان كل مره يصير موضوع تشوف اللي على الضفه الاخرى مراقب , مو نفس ايام قبل لما كنت في موقع اخر , كانوا المشرفين مجهولين بالنسبه لنا , ماندري مع منو ضد منو , ماندري مع القاعده او امريكا او الحكومات او العلمانيين او او او

هم فقط مراقبين يشوفون الكلام السيئ او خارج الموضوع و يقومون بعملهم , مايتدخلون بالمناقشات اطلاقا , تكون المناقشات بين الاعضاء فقط , هم صايرين مثل فيصل القاسم

ساعات يكتبون لكن مو مثل حبايبنا هني , يعني يكتب يستفسر عن شي او يذكر بنقطه معينه

اهني لا , يناقشك ويتهاوش معاك ويسبك ويشتمك وبالاخير يصكك توقيف

ويقولون حكامنا ظالمين , انت في منتدى ظلمت الناس , لو تمسك دوله شنو تسوي

فوق شينهم يشوفون انفسهم الملائكه والباقي شياطين

واذا تكلم واحد فيهم لازم يقلل من مستوى اللي جدامه , لازم

ويشوف نفسه اهو الفاهم واهو الكل بالكل , ويدخل يكلم شخص اخر ويعطيك كم كلمه بأستهزاء بدون يذكر اسم وانت واهو والكل يدري انها عنك

بالنهايه شنو

هربوا جميعا من امامي بل انهم اعتزلوا المنتدى

وشوفه عينك , ولا واحد فيهم موجود لأنهم افلسوا معاي وصاروا عالحديده , ولما انكشف امرهم امام الملأ واتضح تفكيرهم وحقدهم للناس والاعضاء بشكل خاص قالوا ننسحب نشوف مكان ثاني

وبقى مندوب الملك ولد بطنها اللي عروقه بالماي ارواحنا له الفداء

للعلم ان كل شي كنت اقوله بالحقيقه كنت اخذه من رفيجي , اهو يقولي قول جذي ولاتقول جذي , قدس سره ودام ظله

عشان تعرفون ان اللي يكون مع الملك ماراح يخيب رجاءه وامله , اللي مع الملك هم المنتصرون

والقلوب مفتوحه قبل الابواب للي حاب ينظم معانا في مسيره العطاء والوفاء والاخلاص

اي شخص يحب ينظم مع قافله الملك و يكون احد تلاميذه واتباعه يقول ولا يستحي

للعلم عندنا انشطه كثيره , رحلات لمشاهده محاكر الحمام فوق السطوح , رحلات بريه وانا بعد شوي على الساعه 3 بروح البر اللي يحب يخاويني

مو تروحون مع تنظيم القاعده وتعيشون بالكهوف , انتوا تعيشون بالكهوف و القاده في القصور

بتقولون لا

بن لادن وينه ؟ انا اشك انه مات , اعتزل السياسه و راح امريكا مع افراد عائلته . اللي تجارتهم مع عائله بوش بالنفط والاسلحه وغيره

مات بن لادن , ليش ماكو دليل , انتوا على بالك امريكا اذا تبي تسوي فيلم تسويه على الطريقه الهنديه , زوجه بن لادن قالت مات , طيب , اهي وينه الحين اكيد قالولها قولي مات واهي الحين معاه وبن لادن حي يرزق وترك الامور للظواهري القابع في ايران

وله الجيش الحر يوم يحارب بشار الاسد وكانوا اقوياء الجيش الحر وماسكين سوريا كلها , بدل ما ينضم الشباب الى الجيش الحر راحوا اسسوا جيش جديد وقالوا جبهه النصره

لا تفرقوا فتذهب ريحكم , وانتوا اول شي تفرقتوا , وصار كلام هني وهناك وان جبهه النصره قامت تقتل من قاده الجيش الحر والكلام هذا لين اتضحت الصوره جليه

لما طلع الظواهري وقالوا بايعوا , فبايعوا , وتهاوشوا اللي بالعراق وسوريا كل واحد يبي السياده , عشان تعرفون ان الهدف مو جهاد في سبيل الله , الهدف دنيا و منصب

لكن بالنهايه شنو اعطى الظواهري لأيران وروسيا و بشار ؟

اعطاهم مبرر قوي ان بشار وروسيا وايران والعراق "مو كل العراق اقصد المالكي واتباعه" اعطاهم الضوء الاخضر لقتال السنه في سوريا امام العالم , ليش عشان يقولون احنا نحارب الارهاب

مو انتي يا امريكا قلتي وتغنيتي بالارهاب وانج راح تنظفين العالم من الارهاب واحتليتي دول بحجه الارهاب وان تنظيم القاعده اهو تنظيم ارهابي دولي ؟

كاهو تنظيم القاعده اعلنوها جبهه النصره امام العالم انهم يتبعون الظواهري و الظواهري مايختلفون عليه 2 انه من القاعده و رأس التنظيم الارهابي عندكم , فلا توقفينا او تنتقدينا لما نروح سوريا ونحاربه مع بشار

الظواهري عطاهم قتال السنه في سوريا على طبق من ذهب , ليش ؟

على بالكم مايدري او راحت من باله

لا يا اعزائي , ماقالها وابتلش فيها , قالها لأن اهو في ايران وقالها بتعليمات من الولي الفقيه مرشد ايران

و لما تكلمت مع افراد تنظيم القاعده في المنتديات هنا وهناك و هربوا جميعا من الكلام هذا وماعندهم رد عليه , لما قلت تعرفون فلان الفلاني و فلان الفلاني و قعدت اعدد اسماء قاده من تنظيم القاعده بما فيهم مفتي التنظيم و سليمان بو غيث

كلهم كانوا بأيران عايشين معززين مكرمين مع عائله بن لادن نفسه , وبعدين كلهم خرجوا , بنت بن لادن عملت فيلم على هروبها تشبه افلام جيمس بوند و مشى للأسف الفيلم على العالم , لكن بعدين طينوها الناس وصاروا يطلعون علني من البلد

حتى سليمان بو غيث لما طلع من ايران وراح تركيا , تركيا نفسها ماتدري عنه , ايران بلغت امريكا "هني تعرف ان بينهم علاقه استخباراتيه جيده" ان بوغيث خرج منها وراح تركيا , امريكا بلغت تركيا بالامر و القوا القبض عليه ومن ثم اطلاق سراحه وخرج الى الاردن وهناك قامت الاستخبارات الاردينه بتسليمه لأمريكا

قصه تصلح تكون فيلم مثل البحث عن الجندي راين

يعني كل هذا وتقولون وين الظواهري ؟

مفتي التنظيم و مجلس شورى التنظيم و العائله وكبار قاده التنظيم كلهم في ايران وتقولون وين الظواهري

الظواهري الحين يخدم مصالح ايران , و سوريا مثال على ذلك , مااعطى بشار وحلفائه مبرر القتل والقصف العشوائي الا الظواهري

يمكن انتوا ماتدرون عن شي او ما تتوقعون لكن هذا الصحيح , خصوصا لما تجي روسيا الام بالنسبه لحلفائها وتدافع عنهم امام امريكا واوربا وتذكرهم بالحرب على الارهاب اللي قام فيها المجرم الكبير بوش

وحده بوحده يا امريكا , انتي احتليتي العالم بسالفه الارهاب واحنا ندافع عن اصدقائنا بسالفه الارهاب , طالما ان الهدف واحد وهو تنظيم القاعده الذي صنع ليكون سكين في خاصره المسلمين


اقول قولي هذا واستغفر الله لي ولكم فأستغفروه انه هو الغفور الرحيم



خرجت عن سياسه القسم

ولكن ابيكم تجلسون مع نفسكم وتفكرون بالكلام , انا ماقلت شي لكن كلامي هذا لو بتحثوا خلفه راح توصلون لكلام اكبر

انا نسيت الاسماء صراحه وله كان عطيتكم الاسماء وشوفتوا بنفسكم انهم قاده من التنظيم وكلهم كانوا في ايران بعد الحرب الامريكيه على افغانستان و كثير منهم رجعوا لبلدانهم ومن هناك صاروا يتكلمون عن التنظيم وليش تركوا التنظيم

قالوها بنفسهم ان التنظيم انحرف , وانا قلتها سابقا ان التنظيم من تدخل فيه الظواهري تغير , بن لادن انسان مسكين وقلبه ابيض لكن من دخل معاه الظواهري لعب في مخه وخلاه يصير تكفيري وارهابي

الظواهري يمشي خلف المصالح , رجل يبحث عن السياده و المشيخه

المهم ان منهم من تكلم وقال ان التنظيم وافراده بالعراق و حسب وكاله الاستخبارات الامريكيه ان ابو مصعب الزرقاوي كان في افغانستان ثم ذهب الى ايران وجلس مع الباقيين وبعد غزو العراق ذهب الى العراق و قاد تنظيم القاعده

غيره من التنظيم جلسوا بما فيهم ابو حفص الموريتاني وله مقابله في اليوتيوب , جلس ابو حفص يمكن 10 سنين في ايران ولما زهق قال ارجع موريتانيا واللي فيها فيها لأن الظاهر اشتاق لبلده واهله , وكان خايف من المحاكمه

ابو حفص هذا الله يسلمكم مفتي تنظيم القاعده

عاش في ايران وعلى كلامه يقول عايشين بكرامه والاوضاع ميه ميه , وايران تقدم لنا كل ما نحتاجه , لكن علينا مراقبه , مو مراقبه 24 ساعه ولكن عشان يعرفون ان مازلنا في ايران ما خرجنا , ولكن الاوضاع جميله وفله واللي يحب يرجع لبلده يرجع بكيفه

هذا الحاصل في ايران مع التنظيم يا اخواني واخواتي

يطلع التنظيم يسب الشيعه و يطلعون الشيعه يسبون التنظيم

طلعت السالفه كلها لعبه , سبني و اسبك عشان الناس يشوفون اننا اعداء ومايتوقعون انك تمشي على كلامنا وتحت تصرفنا

مثل اليهود يسوون 10 قنوات فضائيه بتمويل كامل من اسرائيل , 9 يسبونهم و 1 معاهم

و في قاده من التنظيم بعد في اليمن يقولون ان الدعم يأتي من دوله مجاوره , يقصد ايران , تدعم القاعده في اليمن و تدعم الحوثيين

بذمتكم هذوله جهاديين ؟ اللي يوقفون مع الحوثيين ومصدر دعمهم واحد ويقاتلون الدوله

اكيد سمعتوا ان في حرب بين المجاهدين و الحوثيين في اليمن غير الجيش اليمني , لا تعتقدون ان المجاهدين هم تنظيم القاعده

المجاهدين هذوله من القبائل اليمينه ولا معاهم اي قاعدي , وانا شخصيا اجلس مع شخص اهو بنفسه يروح يقدم الدعم لهم و اخوه قائد كبير هناك معروف على مستوى اليمن

فلا يعتقد احد ان التنظيم اهو اللي يقاتل الحوثيين , التنظيم في اليمن وظيفته هي قتل الناس بالاسواق فقط , لما تسمعون تفجير في سوق باليمن وراح ضحيته 50 رجل وامرأه وطفل حطوا في بالكم ان هذا التنظيم

حتى الحوثيين ماوصلوا لهذه الدرجه من الدناءه بقتل الاطفال والنساء في الاسواق

موضوع اليمن مايقدرون يتكلمون فيه لأن سجلهم اسود هناك

وسوريا افتحوا لأيران وغيرها الابواب لضرب الناس كافه , طفل , امرأه , رجل , صغير كبير ماكو فرق , جعلوا سوريا الارض المحروقه


فأنا من تركت موضوع القاعده نسيت اسمائهم وله كان عطيتكم , لكن عندكم مفتي التنظيم ابو حفص الموريتاني ويمكن من خلاله تتوصلون لباقي القاده و رجال التنظيم و كشفهم للأسرار والسياسه الجديده

وعندكم امير التنظيم او قائد ماادري بالضبط اسمه محمد العوفي كان باليمن وكان مطلوب للحكومه و سلم نفسه وبعد فتره شهرين اطلقوا سراحه و صار حاله من حال اي مواطن لكن ما سكت وقام يفضح التنظيم وانه ما سلم نفسه الا لما اكتشف انها لعبه كبيره واهو كان يحسب ان جهاد حقيقي في سبيل الله



ولك ان تتخيل عزيزي المشاهد


للعلم اني تكلمت مع اكبرها واسمنها في المنتديات من تنظيم القاعده او الموالين له , لم احصل على اي اجابه منهم على ما قدمته من اسماء ومقابلات لأفراد و زعماء تنظيم القاعده . بل اكثرهم هرب مثل صاحبنا

لأن مايقدر ينكر او يرقع , لما يشوف امامه اسم قائد واهو وانا يعلم انه الاسم صحيح وان القائد فعلا تبرأ من التنظيم بعد ماكان الشخص اللي وضعت له المقطع كان يدافع عنه في السابق , الان وضعت له الاسم وانصدم كأن ماوده اعرف ان القائد تبرأ منهم , ولما احط مقابلات و تسجيلات للقائد يقول ويعترف

ان التنظيم منحرف وانه تبرأ منه الى يوم الدين , شنو راح يرد علي ؟ ماكو رد , انا بصراحه لو واحد يصدمني بنفس جذي انحاش

لكن انا ما احط نفسي بموقف مثل جذي . امشي مثل الاعمى خلف كل من ينادي بالجهاد وبالاخير يطلع شخص يبي يصفينا بالدرزن , كل قذيفه 12 رجل و يوفر على امريكا اسلحه و جهد

هم حطوا انفسهم بالمكان هذا و لما استوعبوا الناس هناك واعترفوا انهم على خطأ , اللي قاعدين خلف الشاشات بالمكيف استنزفوا للدفاع عنهم الى ان افلسوا , وبالاخير انصدموا بالمقاطع والتسجيلات وهربوا , طيب ليش حطيت نفسك بالموقف هذا

وعينه قويه يهرب من منتدى ويروح منتدى ثاني يدافع عن التنظيم و قاده اخرين , ما يفكر ويقول خلني ابحث عن الحقيقه , خلني اشوف ليش اعضاء التنظيم الرئيسيين يتبرأون من التنظيم ويتركونه ويقولون منحرف , انا قاعد خلف الكمبيوتر بالمكيف وادافع عنهم ليش ؟ مثل حمار الجت

مايفكرون اطلاقا , ترد عليه بكلام مقنع موثق يهرب ويروح مكان ثاني يبدأ من جديد , مثل الشيعه بالضبط تكلمه وتخليه بموقف مايقدر يرد عليك فيه و مايصير امامه الا التبرأ من المذهب والدجالين من المعممين , تشوف يسبك وينحاش يروح مكان ثاني ويتكلم من جديد , وكأنك يابو زيد ماخزيت

والحين عرفتوا ان التنظيم وايران وجهان لعمله واحده , ايران تأمر و تمول وترسل وتحتضن التنظيم , هم محسوبين على السنه , وهذا الاجمل عند ايران

عشان لما ترسل التنظيم يفك نزعات الشيعه في العراق ويفجرون فيهم بسوق او مرقد او زياره , الشيعه العراقيين ينتظرون التحقيق عشان يعرفون منو , يطلع واحد من التنظيم يقول احنا تنظيم القاعده فجرنا , الشيعه يقولون التنظيم سني والسنه كلهم معاه ويبدأون بالتحرش فينا و سبنا وشتمنا وشتم رموزنا

او ترسلهم ايران لأهل السنه يكونون عاله عليهم او شق الصف السني بين مؤيد ومعارض او زعزعه الاستقرار

وانا اقول التنظيم لا سني ولا شيعي , التنظيم خارجي ينتمي للخوارج وموالي لأيران الحاضنه و المموله الرئيسيه لهم , طبعا في ناس تمول التنظيم على جهل منها واعرفهم ولا اعتقد الا انهم خوارج مثلهم

طولت بالكلام ادري , لكن انا جذي لما يجي موضوع حش اكون عند وجهك


والسلام عليكم ورحمه الله وبركاته

[قزم مصرطح]

اخي الكززان انا متفق معاك فيما تقول من زمان , انت حقا رفيجي ملك السياسة الأصلي
قرأت نص الكلام اللي في ردك لأنه طويل رايح اجيب فشار لأكمل قراءة ردك كامل لأنه مثل فيلم اثارة واكشن امريكي

[Karazhan]

زين شرايك تجيب الفشار والكولا و امرك الحين اخذك ونروح الصبيه الاثل هناك نشوف يمكن يعبر حمام او صفر , انا اليوم حلمت بالصفر "شده فوق الفاء"

و انا اعطيك الايباد ميني مع اشتراك زين 4 جي 80 جيجا و تشبك بالمنتدى وتقرأ وانا كل شوي التفت عليك واشوفك تقرأ واطبطب على راسك مع ابتسامه رومنسي واشوف طريقي

جيب نفيش واجد لأن الطريق ساعتين , نفيش يعني فشار

في بالجميعه يبيعون نفيش يكون في علبه وداخلها 4 او 5 اكياس مصفطين فيهم الذره و الزبده , حسب الزبده شكثر تبي تشتري , في انواع يعني زبده خفيفه او وسط او كثيره و تحط الكيس بالمايكروفيف دقيقتين ويطلع النفيش جاهز

انت اشتر علبتين وروح حط كيس كيس بالمايكروفيف وبعدين حطهم بكيس جمعيه و انطرني امرك , نمر ماكدونالدز نشتري 2 بيبسي بيج سايز الكبير بدون فلج لأن الجو بالبر بارد و نروح

للعلم عندي بالسياره كرز كامل , كرز مو كرز الفواكه , كرز "كسره تحت الكاف , شده فوق الراء" اللي يكون كرز فيه 10 باكيتات زقاير

نشرب بالطريق على كيف كيفنا و ناكل فشار ونشرب بيبسي

وانت تقرى



http://www.youtube.com/watch?v=E-Rox812zfQ

[قزم مصرطح]

كلامك كله فوق لم افهمه تحدث لغة عربية او اعطيني المضمون او الخلاصة

[قزم مصرطح]

لدي بعد ساعة الا ربع اي بعد منتصف الليل عملية تهريب عبر البحر اذا لم ارجع واكتب رد هنا بعد ثلاث ساعات بالتحديد من الآن اعلموا ان هناك شيء غلط وانهم امسكوا بي واستدعوا الاخت دي دي لتخرجني بكفالة

[Karazhan]

http://www.youtube.com/watch?v=HJnH--fDCq4


نشتري هالجهاز

نوقف بالجمعيه ونبيع نفيش مره وحده

[قزم مصرطح]

ادا لم ارجع بعد ثلاث ساعات لن يكون هناك نفيش ولا سيجار ولا حتى قزم مصرطح تمنوا لي التوفيق

[Karazhan]

http://www.youtube.com/watch?v=aL8VT3UQ4vQ

او نروح نادي رياضي مثل برشلونه ونقعد بنص الملعب بالاستراحه نسوي ونبيع للناس مثل هالشباب

[Karazhan]

ليش وين بتروح ؟

اذا انت متزوج عرفنا السبب لكن لو عزوبي ليش في احتمال ماترجع

[قزم مصرطح]

ليش وين بتروح ؟

اذا انت متزوج عرفنا السبب لكن لو عزوبي ليش في احتمال ماترجع



اليك السبب :
لدي بعد ساعة الا ربع اي بعد منتصف الليل عملية تهريب عبر البحر اذا لم ارجع واكتب رد هنا بعد ثلاث ساعات بالتحديد من الآن اعلموا ان هناك شيء غلط وانهم امسكوا بي واستدعوا الاخت دي دي لتخرجني بكفالة

[قزم مصرطح]

عدت تم الغاء العملية البحر كان هائج ورياح قوية يصعب اجراء مناورات في حال تم كشفنا , اين انت اخي الكززان هل لازلت موجود نمط المخفي لديك في العضوية غريب لما تستخدمه هل انت ايضا مثل الأخ ابو حناوي تستعمل النمط المخفي في عضويتك

[Karazhan]

انا رحت و توني ارجع

كنت امشي بالفريج , خلف بيتنا صوب الجمعيه في ساحه كبيره شوي كان فيها ملعب قديم كنا نستعمله قبل الغزو وبعدين اهملوا وصار ساحه اللي يزرع فيها واللي مسوي مظله للسيارات

وامامها مصافط سيارات المسجد والجمعيه , يعني بيتنا موقعه دولي خصوصا اذا واحد يبي موقع قريب من الخدمات , بيتنا المطلوب , بيننا وبين المسجد شارع داخلي و بيننا وبين فرع الجمعيه 100 متر , تصير خلف المسجد والمسافه بيننا وبين الجمعيه كلها مواقف سيارات

يعني لو تسوي بيتنا عماره وتؤجرها ماراح تتضايق من المواقف , غير ان الجمعيه لها مواقف بعد , والجمعيه فيها مخبز , حلاق , مطعم

بين الجمعيه والمسجد في مجمع تجاري ايضا , تابع لبنك , فيه البنك اذا تبي تسحب فلوس , في مكتبه راقيه , في صالون نسائي , في معطم هارديز و في بقاله , الجمعيه موجوده لكن البقاله اذا تبي زقاير لأن الجمعيه ماتبيع يقولون حرام , المصيبه ان كل مجلس اداره جديد يتضح ان حراميه يبوقون الارباح مالت المساهمين

ماعلينا

يعني موقع بيتنا دولي و قريب جدا من الخدمات , فوق هذا بيتنا بطن وظهر و سكه ومساحته 750 متر مربع

يطل على الشمال واللي اهو الخدمات ويطل على الجنوب و عندنا السكه اللي اهي عباره عن ممر بين الجهه الشماليه والجنوبيه

يعني بيتنا 100% حق التجار اللي يهتمون بالعقار و اللي يبحثون عن عقارات يستثمرونها , للعلم ان بيتنا هدام و جايب لنا نص مليون دينار كويتي . يعني قيمه الارض فقط نص مليون وقابله للزياده , هالكلام قبل فتره طويله الحين ماادري كم يوصل

المهم شفت المقدمه فوق ؟ كلها عشان اقولك اني رحت امارس رياضه المشي وطلعت من بيتنا جهه الجنوب ومشيت بالفريج الى اللفه اخر الفريج وبعدين لفيت وطلعت على الملعب اللي قلتلك عنه وقعد امشي حول الملعب 3 مرات وبعدين رجعت البيت و كاني عندك

بعد شوي بروح الصبيه بشوف في صيد او لأ , اذا في اهلا وسهلا واذا مافي استعمل الحمام اللي شريته من الجمعيه قبل يومين واللي موجود بالفريزر الحين اسويه باجر محشي

[Karazhan]

يلا شباب انا اخليكم الحين بروح اشوف شغلي

ادعولي احصل شي

تقبلوا تحياتي و تحيات الملك وقبلاته

اخوكم

المسكين

[Karazhan]

359698

ليش الصوره معكوسه كني مصورها بالمقلوب

[Karazhan]

359699


العده زاهبه بس ناطر الشمس تشرق

[Karazhan]

359700

الحين عرفت لازم تخلي الجهاز الصوب اليسار بأتجاه الارض

بدأت الشمس تشرق

[Karazhan]

359701

كأني استانست عالتصوير

شكلي بخلي الصيد وبقزرها صور

[Warchif]

انا جبت النفيش وخلصته وشربت ترمس شاي وبعدني ماخلص من القراءة
هذا كتاب البؤساء أبو خمس مجلدات مو رد بالمنتدى

كارزان انت ما تتوب من سواليف الف ليله وليله
انت شكلك كنت شهرزاد وقاص على شهريار مسوي روحك مره

نشفت ريقي وانا اقرا وش قاعد تكتب
انت بعدك تحجي مع روحك
وتبي تورط غيرك في نصايحك


اقول لسه مسوي روحك مسكين وفقير وانت شاطف فلوس وخير الناس و عندك عشرين حساب بالبنك وكل حساب في كم مئات الوف من الفلس الحمر


الا وش اخبارك يالطيب
ما شفناك منذ مبطي
عساك ناوي تزونا بالسعوديه بالفراري حقتك

:biggthump:biggthump

[Karazhan]

ياهلا والله وورشيف

تصدق امس طريتك مريت على بالي وانا اكتب مشاركه خفيفه هني وذكرتك

وينك قطعت قطعه قهر انت مع باقي الشباب بعد ما احتلينا القسم كله وصار للملك واتباعه

انت القزم او لأ

انا بديت اشك فيكم

ماعلينا دام داش بحسابك هذا , وانتوا الحين اذا السعودي حب يعتزل هل يعتزل بضمير او بس انت جذي

لا والله مو بس انت حتى جيرمي و لوعه و بوحا و الكثير من السعوديين اللي كانوا هني عندهم الاعتزال بضمير , ان اعتزل خلاص ما يشرف عليك الا لما يدخل مواقع النت كلها ويخلص مواقع العالم ويجي بعد 5 سنين يقول خلني اشوف شنو صار بالمنتدى


دق على الشباب بما انكم سعوديين وتعرفون بعض خلهم يدشون

وانا على حطه ايدك , مازلت مسكين وفقير ومظلوم

انا اللي قبل تعرفه , ماتغير شي الا اللهم اني حطيت قفل الحين , او اللي يسمونه التجار نيو لوك

[Warchif]

والله مادري عن الشباب
هم اصلا هجوا من ذا المنتدى والبوابة الرقميه بعد
ماعاد اشوفهم
حتى جيرمي ارسله واتس أب مايرد
في المنتدى ماله حس
يمكن تزوج وبطل صحبة المصبنجية

انت تعرفه عدو الزواج والأفراح والمسرات يمكن طاح في شر أفعاله وتزوج غندوره بنت الجيران

لوعه الفرقا أتوقع انه يتعالج نفسيا عند دكتور في المركز السعودي الصيني للعلاج بالأبر الصينية بالدمام
يقولون السبب نظرة من بنت إبليس جان شبت النار بروحه
الله يستر عليه وعلينا

أخونا ديفل ماي كراي قصدي كراي مي ريفر يقولون ضاع وهو يلعب واو وفي رواية اخرى انه أصبح مقرب من سايلفاناس زعيمة الفورساكن ومو راضي يرجع لأهله

يوشي اتوقع صار مساعد طباخ في فتافيت ويقولون على عهدة الراوي أنه مرفوع ضده قضيه تفجير كبسة لحم في قدر ضغط :02:

ولنا لقاء آخر

[قزم مصرطح]

اهلا اخي الأرشيف هل انت من رواد اللعبة ايضا ومن الباحثين عن الجوهرة الثمينة في اللعبة مثل الكرزان لايهمه اللعبة بل يهمه الجوهرة ففط
اعرفك بنفسي اخي الأرشيف

الاسم : قزم مصرطح
العمر : 24 سنة ضوئية
البلد : مهاجر مثل الطيور المهاجرة وغير مستقر
المهنة : مهرب وأقوم بعمليات تهريب عبر البحر
ايجابياتي : وسيم جدا ,ومدخن جيد لكل الأنواع ,غيور جدا على مراتي لدرجة اقتلها
سلبياتي : لاتوجد

[Karazhan]

هذا وورشيف مو ارشيف

يعني قائد حرب

قائد كتيبه الشبيحه واليد اليمنى للملك

قضى على جميع اعداء الملك في المنتدى و من القاده اللي في كتيبته المشهورين البسطويسي و نخيلان

انت ما لحقت على ايام القسم الحقيقيه والحروب اللي صارت عشان جذي تجهله

لو تعرفه و ملحق على ايام الحروب اللي خاضها مع الملك والمندوب والتلاميذ كان قمت و عطيته تعظيم سلام

[قزم مصرطح]

انت ما لحقت على ايام القسم الحقيقيه والحروب اللي صارت عشان جذي تجهله

لو تعرفه و ملحق على ايام الحروب اللي خاضها مع الملك والمندوب والتلاميذ كان قمت و عطيته تعظيم سلام

يعني لو ينضم للجيش الحر في سوريا في امل يفوز بالحرب على بشار واتباعه ثم يحارب امريكا وروسيا ممكن يعني , ولا انت تقصد وتتكلم على حروب عيال وبس

[Karazhan]

الحرب النفسيه والكلاميه والكتابيه اشر و امر من الحرب بالاسلحه التقليديه

انت لو مثلا انا اقولك يا غبي شنو يصير فيك ؟

راح تتحبط و راح تمتنع عن الاكل والشرب و تحوشك حاله نفسيه سيئه يمكن توصل الى الانهيار العصبي

اهلك راح يبتلشون فيك وراح ياخذونك من طبيب الى طبيب و من عياده الى عياده و من مستشفى الى مستشفى وبالاخير اهلك يتعبون ويعورهم قلبهم بسبتك وانت حالتك تسوء يوم بعد يوم

اخر شي يجي دكتور يشتغل بضمير يقولكم ترى مشكله ولدكم مو صحيه تتعالج بمستشفى عادي , مشكلته نفسيه ولازم دكتور نفسي , وتبدأ المعاناه من جديد

ومن دكتور الى دكتور و من عياده الى عياده ومن مستشفى الى مستشفى

انت بالحاله هذي تعبت اهلك معاك وكل يوم يشوفون حالتك تسوء زياده و جسمك يضعف ومايقدرون يسوون شي

يعني مرض ما اصابك انت بس و عذبك , عذب اهلك معاك

لكن الحرب العاديه شنو ؟

تاخذ سلاح وتروح تقاتل و تقتل , يجي الخبر لأهلك ترى القزم استشهد , يسألون اهلك اللي جاب لهم الخبر شلون استشهد ؟

يقول كان يقاتل معانا تحت قياده الشيخ المعمم فلان , و الشيخ المعمم فلان ممنوع عنده التدخين و حرام

القزم قحط يبي يشرب زقاره مو قادر , قال ماكو الا انحاش من الشيخ واروح ورى محول او بيت مهجور اشربها بدون يشوفني , واهو يمشي بين البساتين داس على لغم و اختفى

اللغم اذا داس عليه رجل عادي يقطعه نصين , هالمره داس عليه قزم جان يختفي بعد شلون ينقطع نصين , اذا اهو نص

المهم جذي استشهد

اهل يسوون عزاء 3 ايام , والجيران كل يوم يجيبولك غدا و عشا , حسب وضع الفريج , يعني احنا اذا توفى واحد عندنا الجيران يتهاوشون منو يجيب الغدا والعشا و تتقسم على 6 اشخاص بالنهايه , كل يوم اثنين يجيبون ذبيحه للغدا وللعشا

انتوا حسب ميزانيتكم , اللي يجيب دجاج واللي يجيب خروف واللي يقدر يجيب قعود واللي يجيب بط . انتوا وعاداتكم

المهم بعد ال3 ايام عزى اهلك كل واحد زايد 5 كيلو من الخرفان والدسم

بالحاله هذي انت ما عذبتك اهلك و لا جرجرتهم معاك من دكتور الى دكتور , بالعكس يدعولك ان عالاقل طلع شي من وراك اللي اهو ال6 ذبايح ويوم القيامه تشفع لهم و 70 , يعني نقص اهلك من ال70 والباقي تشفع لهم , اتمنى ما تنساني

عرفت شلون ان الحرب الكلاميه اقوى مليون مره من الحرب التقليديه

ماتشوف كل يوم طالعه محطه فضائيه جديده تتكلم بالسياسه والدين و الثورات , مثلا الجزيره , خلك الليبيين يتحاربون والمصريين والسوريين واليمنيين

لكن الجزائريين ما عملوا شي لما طلعوا لأن ماكو تغطيه كلاميه و حرب نفسيه

عرفت الحين ان الكلام اقوى من السلاح , سقطوا الحكام بالكلام , حاكم دهر طاح بكلمه , والاسلحه ما سقط ولا حاكم و سوريا مثلا لما الحين بشار موجود لأن الحرب بالسلاح , لو بالكلام جان طاح بس اهو ذكي استعمل السلاح بسرعه عشان مايطيح بسرعه











يلا خلي اروح اسوي الريوق لأمي واجي

[Dudette]

السلام وعليكم

شخباركم

خلاص بكون رسمية الحين وما بتكلم غير كلمتين وبسكت بعد مافينا نقط كلمة ونتلوم عقبها

[قزم مصرطح]

الأخ الكرزان انت تشوف الأخت دي دي زعلانة وماتخبرني وانت تدري اني ما استحمل اشوفها زعلانة , الأخت دي دي من هو الشخص الذي زعلك وعصبك اعطيني اسمه وراح امسح به الأرض و راح اقتله و راح آكله وراح ألفه سيجارة وأدخنه .. من هو بس اعطيني اسمه , دنا ولع واحرق المنطقة باللي فيها عشانك وعشان خاطرك .

[Karazhan]

مدري والله

خصوصا انها تقول ونتلوم

مدري قصدها ماروم او كلمه جديده

[Karazhan]

انت عارف ان البنات يحبون يسوون نفسهم زعلانين عشان نصير خرفان و نراضيهم

اثقل شوي خل شخصيتك قويه , ترى الخروف عمره ما عمر مع البنت , بعد ثاني او ثالث كرت يشوتونه

[Karazhan]

لو مغني بصوته الطبيعي كان يمكن اجازوه , لكن حب يغير صوته مثل الفنانين يعني لكن شقول

وعينه قويه اخر شي كمل يغني

let my people go

يااخي الناس هذي عندها ثقه بنفسها مو طبيعيه


http://www.youtube.com/watch?v=zntSfcFIBF0

[Karazhan]

مايكل جاكسون ماليزيا هذا


http://www.youtube.com/watch?v=5-DpWmvn2Mw


من كثر ما ضحكت على الاهبلين هذا واللي فوقه مو قادر امشي من كثر ما شدوا عضلات بطني

دمعت عيوني لين قالت بس


مو طبيعيين , هذا مايكل جاكسون له مقابله قبل مشاركته مع جدته بعد , يتكلم عن ان يعني الكل يناديه مايكل جاكسون بالفريج وانهم يشوفون فيه الخليفه لمايكل جاكسون

وجدته بعد زادت عليه وخلته يصدق انه مايكل , تقول كل مااشوفه اشوف مايكل جدامي

من كثر ما طيروه ربعه والظاهر انهم يبون يضحكون عليه صدق نفسه وراح يشارك

النهايه شنو

خله بطني يشد ودموعي تصب من الضحك

انا بعد ليش اسوي تمارين معده ؟ اشوفهم كل يوم و اسوي تمارين معده وانا بمكاني

[قزم مصرطح]

انت عارف ان البنات يحبون يسوون نفسهم زعلانين عشان نصير خرفان و نراضيهم

اثقل شوي خل شخصيتك قويه , ترى الخروف عمره ما عمر مع البنت , بعد ثاني او ثالث كرت يشوتونه


يا أخي دنا هز الدنيا أولع المنتدى والمنطقة باللي فيها أقطع نفسي , راح أولع يا ناس , وانت تقول لي خلي شخصيتك قوية , الأخت دي دي لا يكون الكرزان هو اللي زعلك دنا اروح حتى عنده الكويت وزعزع منطقته باللي فيها .

يا اخي الكرززان الفيديوهات قديمة شاهدتهم منذ مدة خصوصا البقالي الأول

[Karazhan]

ادري قديمه لكن كل ما اشوفها اضحك لين بطني يعورني


و دوديت مو زعلانه

هذا يسمونه دلع بنات

شعرفك انت بالامور هذي , خلك على زقاير لف و تهريب زبيدي من ايران

[Karazhan]

عطني ثقتهم بنفسهم وباجر تشوفني خليفه المسلمين

[قزم مصرطح]

ادري قديمه لكن كل ما اشوفها اضحك لين بطني يعورني


و دوديت مو زعلانه

هذا يسمونه دلع بنات

شعرفك انت بالامور هذي , خلك على زقاير لف و تهريب زبيدي من ايران


هو انت تتكلم مع كينج الإحساس فأنا لدي أجمل احساس في الدنيا وتقول لي شعرفك , طيب ان اقول لك انها هذه المره زعلانه بجد وليس دلع يا ذكي لأن لدي أجمل احساس في الدنيا , نراهن بـ 50 دولار لكل واحد او علبة سجائر كمراهنة او ماشابه

[قزم مصرطح]

انا رايح انام لأنه ينتظرني يوم حافل للتدخين , سمعت اشاعة تقول ان التدخين مضر بالصحة فهل هذا صحيح ؟ انا اتوقع انها مجرد اشاعة لإلحاق ضرر باقتصاد البلد والمهربين .

[Karazhan]

مالقوا على المشمش عيب قالوا يا كشمش

التدخين كما قال الملك سر المرجله , احرق زقاير واحرق كنت واحرق مع الكنت ملبورو , كل من تزوج وخلف بنت وانا مع ال.... سهراني

واحد بعز شبابه , بريعان عمره يموت بسبب انه ابوه اشتراله كورفت او موستنق شيلبي 600 حصان و اهو على الخط السريع وشاف الطريق فاضي قال خلني ادوس واجيب الطبلون

داس وله بعير يطلع بوجه , ما يمدي يلزم بريك الا اهو داخل بالبعير وانعبط ماتدري وين الجثه , صار لحم مفروم واختلط مع الحديد

هذا لو ابوه شاريله 100 كرتون اللي كل كرتون في 50 كرز و كل كرز فيه 10 باكيتات ومخلي ولده يدخن ليل نهار مو ابرك

يقول التدخين مضر , ماتدري ان السياره مضره بعد , شاري حق ولدك سياره سبورت طبلونها 300 وتقول مو مضره , والمشكله ان كل ما تدعس عالبنزين وتسمع الصوت تنطرب وتقول ابي ادوس وكل مره تدوس لين تشوف الطبلون 300

هذا مضر او مو مضر ؟

مات وهو في ريعان شبابه , عمره 21 سنه بس

مع انه لو مدخن شرس كان عاش اكثر , الاعمار بيد الله طبعا لكن لاتقول الزقاره مضره وتسبب القتل

السكين في مطبخكم تسبب القتل , سلاحك مال الصيد يسبب القتل , السياره تسبب القتل , المحكر فوق السطح يسبب القتل , نفس ابو رفيجي , حمامه ناشبه ورى المحكر صوب الساس مال السطح , المهم قال بمشي على الساس او السور مال السطح وبطلع الحمامه

بيتهم 3 ادوار , واهو يمشي نشب صرواله بمسمار طالع من الخشب و اختل توازنه و طاح رواسي من السطح

الناس بالعاده يشوفون الحمام يطير من المحكر , هالمره شافوا ابو طارق طالع من المحكر , بس للأسف طلع دشي ماعرف يطير و جاك على راسه

الحين مو صاحي , ضرب عقله وصار مايدري شالدنيا

كل شي يسبب القتل , لكن لما تستعمله صح تستفيد منه

يعني الزقار تسبب القتل لكن استعملها بضمير , استعمال مرجله , يعني كل دقيقه زقاره , مو كل ماتخلص زقاره تولع وراها زقاره

تقعد بمحطه باص و يطلبك اللي قاعد يمك بالانتظار ممكن زقاره يالطيب ؟

شنو تقوله ؟

ماادخن

قويه تقوله ماادخن , اقل شي اقل شي لو انت مو مدخن حط معاك باكيت زقاير حق اللي يطلبون زقاره , عار تقوله ماعندي زقاير

يقول رفيجي ولد بطنها :

الرجل المدخن دائما يكون ناجح في عمله , في بيته , في دوانيته

الرجل زقاره والزقاره رجل

الزقاره علامه من علامات الكمال

وقال ايضا :

اذا الله رزقك بمولود جديد , بعد ما تأذن بأذنه

قول في اذنه اليمين :

ملبورو ملبورو ملبرور

وقول في اذنه اليسار :

ولاعه ولاعه ولاعه

وامسكه بعدين مقابل وجهك , يعني تحط ايدينك تحت ابطه وتخلي وجه مقابل وجهك وتقول :

سيقرت سيقرت سيقرت

ونفس الحركه بس خله معطيك ظهره وقول :

بليز لايتر بليز لايتر بليز لايتر

وبعدين تحطه عالارض وتوقف فوقه وتقول :

يالطيب باجي يالطيب باجي يالطيب باجي

وتقوم تمشي خلاص , طبعا الكل بالغرفه ناقد وفاتح حلقه بس عادي مايعرفون سر المصبنه

و باجي معناها الباقي من الزقاره , هالجمله راح تفيد ولدك لما يدخل المتوسط ويروح مع الشباب لدوره المياه وهناك يسحكون زقاير , كل 5 على زقاره , وتسمعهم يقولون للي معاه الزقاره عطي باجي لاتخلصها

من كثر السحك تشوف الجمره اطول من الزقاره نفسها


هني تكون جهزت ولدك احلى تجهيز لبدايه عمره السعيد


يلا انا بروح الحين عندي شغل وان شاء الله ارجع لكم

بصراحه بصراحه معزوم عند الملك مسوي زبيدي وداق علي ابن الحلال , حارص علي

توه يأذن , المؤذن غلط قال الصلاه خير من النوم جان يسكت , حس ان في شي غلط جان يعدلها

الظاهر معلق مخه على الفجر واهو مايدري , خل يسوي ريستارت


يلا شباب

باااااااااااااااااااااااااااااااااااااااااااااااااااااااااااااااااااااااااااااااااااااااا للأمانه وصاني الملك ان ارسل لكم تحياته وقبلاته الحاره اااااااااااااااااااااااااااااااااااااااااااااااااااااااااااااااااااااااي

[قزم مصرطح]

يا سلام اخي الكرزان كلام ونصائح من ذهب تقدمها وانا متفق معاك فيما تقوله , كما ان سجائر مارلبورو من أفضل الاختراعات التي وصلت لها البشرية هو ومسحوق الغسيل تيد Tide كلامي هذا كلام موثوق وبأدلة .

فكما يقول الشاعر ابو زبدة على السجائر في البيت الشعري :

يا ليتني كنت سيجارة ادخن نفسي بنفسي .. بدل ما أكون عمارة ساكن فيها لوحدي

[Karazhan]

صح لسان الشاعر ابو زبدة ولا يهونون الجماعه

عز الله انه شاعر(ن) سنايدي

كم تمنيت بما ان الانسان عنده العيون 2

الاذون 2 , فتحات الخشم 2 , الايادي 2 , الارجل 4 قصدي 2 , الخدود 2 , الق..... 2 , الش..... 2 , ان يكون عند الحلق 2 عشان ادخل زقارتين

او اشرب شيشه بحلق و الحلق الثاني زقاره , او اكل بحلق واشرب زقاره بحلق عشان مااتعطل و يضيع وقتي بالاكل من غير تدخين

يعني نستغل الحلق الثاني بشي يفيدنا


انا بروح انام الحين

مطلوب زوجه

يلا اشوفكم ياجر اذا الله احيانا

عممت مساءا

يعني ذرب مع راسي تقول مصطلح علمي

يعني نكته


يلا باي

[Karazhan]

الدنيا لسه بخير يجماعه الدنيا لسه بخير

توني عملت شخصيه هيومن , لأن كل شخصياتي هورد قلت اسوي الاينس واخترت هيومن و عملت كويستات البدايه الى ان رحت جولد شير

هناك عطاني واحد كويست اني اوصل شغله لشخص في ستورم وند و فعلا قلت اخلصها اول واتعلم مايننق و ارجع جولد شير اخلص الكويستات فيها

وانا في ستورم وند قلت خلني استغل الوضع بما ان ماعندي ولا شخصيه الاينس ومااقدر ارسل جولد له اشتري شنط , تعرفون البدايه شوي صعبه . خصوصا ان كل فتره تحصل على شنطه ام 6 خانات و مرات يعطونك ام 8 خانات

المهم انا عندي الشنطه الرئيسيه وشنطه معاها ام 6 خانات

وهذا مايكفي اني اخصل كويستات و مايننق لأن كل شوي راح ارجع ابيع من الاغراض واكمل و كل شوي راجع لين يبقى خانتين بس فاضيين والباقي اغراض احتاجها

المهم قلت خلني استغل الناس

كتبت بالtrade كأي شخص مبتدأ و يبي يكسر خاطر الناس

كتبت هذي الجمله

hi , im new and i dont know where i can buy bags 6 slots , not more than 3 silver cuz this is all i have

مادري اذا الجمله صحيحه او لأ , المهم القصد اني قلت "انا جديد هني و ماادري وين اشتري الشنط ام 6 خانات , مو اكثر من 3 سلفر لأن هذا كل اللي املكه"

الناس طنشوا , لكن واحد على طول دزلي انفايت و قبلت

ماادري وين كان لكن بعيد لأن قعد 5 دقايق على ما جاني , يوم جاني عملت trade معاي وعطاني شنط 16 خانه عدد 4 و 500 جولد

اهو يحسبني جديد من صج

ماقصر والله

حفظت اسمه باللسته وان شاء الله ان وصلت لفل 90 برجعله المبلغ 10 اضعاف

[قزم مصرطح]

صباخ الخير لقد نمت ليومين متتاليين بعد ان دخنت علبة سجائر كاملة أخذت هذه الطريقة والميزة من الدب الأشهب

كيف الحال اخي الكرزان اشتقت لك حتى اني كنت احلم بك وانا نائم وبالاخت دي دي , حلمي كان وانا نايم هو اني اقوم بعملية تهريب عبر البر وانا ليس لدي خبرة في التهريب عبر البر في الغابة لذا امسكوا بي لكن فجأة ظهرت انت على شكل طرزان في الغابة وليس كرزان وانقذتني من الجمارك والشرطة

[Karazhan]

هلا والله قزم مصرقع شلونك

معاك اخوي كزران , حبيت ابلغ ان حلمك وصلته رفيجي اللي عروقه بالماي وقالي قوله ابشر احنا لها , احنا عايشين بالدنيا لخدمه التهريب ومالهربين

ان كان زقاير او اسماك من ايران , لأن الزبيدي وصل 120 دينار , فلازم يقومون الشباب بتهريبه من ايران عشان كل الشعب ياكل زبيدي

ليش يمنعون الزبيدي الايراني ويخلون الكويتي ب120 دينار و محد يشتري الا عيال بطنها ؟ شنو الشعب مو من حقه ياكل سمج ؟

مع ان انتوا تدرون ان زبيدي ايران نفس الكويت و ارخص و ايران تبعد 120 كيلو , لكن مانروح الا 40 كيلو بس , ندق على اللنج الايراني ونتواعد معاه على بعد 40 كيلو و تربط عليه و نحمل الزبيدي ونعطيهم الفلوس ونرجع

ماجبنا مخدرات , جبنا مخدرات ؟ ماجبنا الا زبيدي عشان الشعب ياكل

لذلك سخر الملك نفسه و تلاميذه لخدمه المهربين واللي هدفهم من التهريب ورسالتهم الى العالم هي الشعب المسكين لابد ان يفرح

انا ادري لو يقطعون الزقاير عن الشعب راح يشربونه عيال بطنها بس , الجمارك في جيوبهم و الواسطات بكل مكان والكل وده يخدمهم لأنهم عيال تجار

لكن يجي واحد فقير يبي باكيت استعمال شخصي يقولوله ممنوع

مع ان ابن التاجر يجيب كنتينر زقاير ومحد يكلمه

ليش الطبقيه ؟

ليش ناس فوق وناس تحت ؟

ليش تقولون الدستور يقول لابد من العدل والمساواه بين الشعب , وبالصج حاطين طبقتين , طبقه فوق وطبقه تحت ؟

بذمتكم يا شعب شريف محب للسلام

بذمتكم يا بشر

بذمتكم يا ناس

تلومون المهربين اللي يهربون البضائع بأقل الاسعار يشترونهم ويبيعونهم بسعر معقول لبسطاء الناس عشان ياكلون ويشربون ويتنفسون حالهم حال كل الشعوب المحبه للسلام ؟

بسألكم بالله

يجي موسم الزبيدي و تطلع المراكب لصيده , المراكب محسوبه على فلان وعلان

يصيدون ويقرضون الزبيدي اللي عند شواطئنا , ولما يجي واحد عنده طراد يبي يصيد يقولوله وين ترخيصك يقول ماعندي يقولوله روح بيتكم لا نسجنك

يقول بطلع ترخيص حالي حال الناس , يقولون ممنوع , ليش ممنوع ؟ ماكو تراخيص واخر ترخيص خرج كان في سنه 81

يعني احتكار صيد السمك لأناس معينين , ومعروفين طبعا

ولما يصيدون يخلون الكود ب120 دينار , انا وغيري مواطنين شرفاء معاشنا اللي يبقى منه 200 دينار , يعني هل تتوقعون اني اشتري زبيدي حالي حال الدول اللي بره واللي يشترون كل شي بأرخص الاثمان لأنه انتاج محلي

اشتري 6 سمجات زبيدي ب120 دينار ويبقالي 80 مصرف للشهر


مو بس انا ترى , كثير من الكويتيين نفسي واقل مني بعد

عرفتوا ليش احنا مع المهربين الحين , لأن المهرب يعرض حياته للخطر ويروح يجيب زبيدي عشان كل الشعب ياكل و سعره ب50 دينار

هالاقل اشتري ب50 ويبقالي 150 اقزر فيهم الشهر

طبعا اللحم نفس الحاله , صار الخروف فوق ال100


صرنا مانعرف اللحم الا بعيد اللحمه

قصدي عيد الاضحى

اغنى بلد وافقر شعب و ابخل حكومه واكذب حكومه عرفتها البشريه جمعاء

ويقولون ممنوع لا تهربون حرام

حرام عشان شنو ؟ عشان نخالف القانون الوضعي ؟ القانون اللي انتوا حاطينه عشان فايدتكم واكثر ناس مستفيدين من القانون هذا

احنا مختنقين من القانون , ما استفدنا منه شي خصوصا قانون الاحتكار , ممنوع تجيب اي شي من بره لأن في وكيل هني

طيب الشغله هذي من بره بدينار وعند الوكيل ب100 انا المستفيد لو اجيبها من بره

لا ممنوع لازم تقط 100 وتاخذها من الوكيل

هذا القانون اللي تبونا نحترمه , هذا القانون اللي حرام و مايجوز احد يخالفه ؟ عشان من مصلحتكم مو من مصلحتنا , دخلتوا الدين عشان تخدعونا ونصدق ونشتري منكم وانت حراميه من اكبركم الى اصغركم

وكلكم اصحاب بنوك ومجالس اداراتها وكلها تتعامل بالربا , جان قلتوا و حرمتوا على نفسكم الربا , الشرع يقول الربا حرام , ليش ماتكتبون بالقانون اللي حاطينه لنا ان الربا حرام وتحرمونها على نفسكم

الدين تطبقونه علينا لكن ماتطبقونه على نفسكم



لذلك اقول

انا معاك قلبا وقالبا بالتهريب و مو بس انا , الملك و كل التلاميذ مع كل مهرب شريف حاط هموم الشعب امامه و يحاول يرفع عنهم بعض المعاناه والاحتكار من التجار الظلمه المجرمين اعداء الشعب والدين ويستغلون الدين لمصالحهم فقط

مو كل التجار اعداء الدين , اقصد اصحاب البنوك و اللي على شاكلتهم واللي قال الله سبحانه عنهم و تمعنوا اخواني واخواتي بالايه

الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا فَمَنْ جَاءَهُ مَوْعِظَةٌ مِنْ رَبِّهِ فَانْتَهَى فَلَهُ مَا سَلَفَ وَأَمْرُهُ إِلَى اللَّهِ وَمَنْ عَادَ فَأُولَئِكَ أَصْحَابُ النَّارِ هُمْ فِيهَا خَالِدُونَ , يَمْحَقُ اللّهُ الْرِّبَا وَيُرْبِي الصَّدَقَاتِ وَاللّهُ لاَ يُحِبُّ كُلَّ كَفَّارٍ أَثِيمٍ , فَإِن لَّمْ تَفْعَلُواْ

فَأْذَنُواْ بِحَرْبٍ مِّنَ اللّهِ وَرَسُولِهِ وَإِن تُبْتُمْ فَلَكُمْ رُؤُوسُ أَمْوَالِكُمْ لاَ تَظْلِمُونَ وَلاَ تُظْلَمُونَ , وَإِن كَانَ ذُو عُسْرَةٍ فَنَظِرَةٌ إِلَى مَيْسَرَةٍ وَأَن تَصَدَّقُواْ خَيْرٌ لَّكُمْ إِن كُنتُمْ تَعْلَمُونَ

لذلك

اما انهم يحطون قوانين تخدم الشعب و في صالحه مو صالح التجار او يتركون المهربين لحالهم

اتكلم عن التهريب الشريف , مو مخدرات و خمور وغيرهم , اتكلم عن الامور اللي يحتاجها الانسان

لذلك انا اعلن تأيدي للمهربين جمعيا

[Karazhan]

السلام عليكم ورحمه الله وبركاته

اخواني واخواتي

انا عندي مشكله او مرض ان صح التعبير و عانيت منه كثيرا و ضايقني كثيرا و زهقني بعيشتي كثيرا و اعاني ليل نهار منه

مو قادر اطلع اماكن بعيده

ياجماعه مو قاعد اتغشمر , انا ودي اقولكم عشان انتوا تبحثون وتسألون بالعربي والانجليزي , انا مشكلتي مااعرف انجليزي وله كان بحثت عنه و اذا حصلت علاج فعال يباع بأمريكا مثلا كان طلبته

لكن مااعرف شي خصوصا بالطب و المسميات العلاجيه والتشخيصات

ابيكم تبحثون بالانجليزي وتشوفولي حل

ماراح اقول شنو فيني الا لما يرد علي عالاقل 10 اشخاص و يوعدوني انهم يساعدوني بالبحث عن علاج , بالنت او في الصيدليات او اي مكان المهم يعطوني اسم علاج فعال

واذا مالكم خلق عادي طاف

والسلام عليكم

[قزم مصرطح]

السلام عليكم ورحمه الله وبركاته

اخواني واخواتي

انا عندي مشكله او مرض ان صح التعبير و عانيت منه كثيرا و ضايقني كثيرا و زهقني بعيشتي كثيرا و اعاني ليل نهار منه

مو قادر اطلع اماكن بعيده



هدا ما يسمى مرض فأنا ايضا اعاني منه و لا اقدر اطلع اماكن بعيدة بسبب انني احب بنت الجيران وبنت الحارة هل لديكم بنت جيران قربكم او ماشبه , اذا ماكان حب يكون سحر او تعويذة نكبه , الحل روح اي مكان بعيد واللي ليها ليها يعني واللي حاب يصير يصير يعني حبيتك حتى نسيت النوم يعني دنا وراك والزمن الطويل يعني يا أنا يا أنت .

اعطيني المزيد من التفاصيل لأرى الحل الجدي للمرض فردي فوق يساوي الف شخص وليس عشرة فقط اخبرني راح اتعامل معاك بالطب النفسي الكهرومغناطيسي

[Karazhan]

غير 10 ماراح اقول

[قزم مصرطح]

اوكي راح اجيب عشرة شهود وراح نكتب الكتاب مافي مشكلة عشرة اقزام ؟ راح اجيبلك 12 قزم اثنين هدية مني وعشرة اللي طلبتهم

[قزم مصرطح]

العشرة اللي طلبتهم احضرتهم

1 قزم الحب
2 القزم الواشي
3 القزمة المتسلطة
4 قزم الرنة
5 القزم المنتشي
6 القزم النكرة
7 قزم النكبه
8 القزم الشمام
9 القزم المدمن
10قزم الشتاء

الاثنين هدية مني
قزم الملعقة
الارهابي القزم

الآن قول لنا مادا بك

[Karazhan]

راح اقولك بس بالخاص

انطر علي شوي

[Karazhan]

لاتقول لأحد ان قلتلك ولا تجيب طاري , خلك كتوم و ثقه وحافظ للأسرار

لا تشهر فيني

[قزم مصرطح]

لا لن اخبر احد فأنا جالس لوحدي الآن اخي الصغير كان قدامي قبل قليل طردته لكي لا يرى رسالتك على الخاص

[Karazhan]

دزيت

روح اقرأ

[قزم مصرطح]

هل وصلك ردي

[Karazhan]

اي وصلني 3 رسايل بس ماقريتهم , قاعد اكتب في موقع ثاني , لما اخلص اقراهم ان شاء الله

[Dudette]

صباح الخير

شخباركم وشكرا اخي قزووووم وتيلم على المشاعر الاخوه

انزين بو شنب اتلووم يعني همممم :33: كيف اقوولها يعني مثل ندمانه على الشي

يعني شي من هالقبيل

[Karazhan]

يعني انلام

مُلام , أَلام . لا تلوم , ما الومك , لا تلومني , لا تلوميني , ملامه , احمد لام سعد لأنه لم يكتب الواجب

اي عرفتها

[Dudette]

شو اخر طبخاتك من زمان ما طبخت شي

شو رايك تطبخلنا مجبوس ضب

والله في خاطري

بسم الله عن يطلعلنا حد وويسويلنا سالفه

المهم ترا الضب في البر وان لقيته في مكان غير المحمية صيده ترا اببلاش من خشاش الارض

صح كلامي صح بو شنب

[Karazhan]

انا يمكن وجهي تشوفينه على بالج مجرم

لكن الحقيقه انا بداخلي طفل وديع

انا يسموني بالفريج فهد الرومنسي

و انا وقفت طبخ حاليا لأن ربعي بالمزرعه اطردوني من ربعهم

يمكن تقولين بدا الفيلم بس هذا الصج

انا مو فيني انفصام بالشخصيه , شرير وطيب

الشرير خربت علاقاتي كلها مع الناس , امشي واخرب ماكو احد سلم مني

مو متحمليني الا اهلي وانتوا بس , الباقي طاف يبون فرقاي , لدرجه اني الحين صارلي شهر ما طلعت من البيت و محد دق علي يسأل شفيني او ويني مختفي

احس مستانسين اني مااجيهم

لكن شقول , والله لو عندي مليون كان مثل الكلاب عندي , لو اطقهم و اهزأهم واضحك الناس عليهم راح يحترموني ويستانسون بعد

لكن لأني فقير و مسكين و هم عند اهلهم خير فما يدرون عني

لكن انا عندي احساس ان راح يجي اليوم اللي اذلهم فيه و احط كرسي بالدوانيه و وهم يقعدون عالارض و اي واحد يحط كرسي اكسره على راسه واخلي الشباب هم يكسرونه على راسه

واخليهم تحت وانا فوقهم الكلاب

[Karazhan]

والضب تقدرين تقولين انه انقرض عندنا

[Dudette]

افا

ما بغا ينقرض الي يوم بغيت اكل منه :bigeyes:

[Warchif]

دوديت

وش اللي تشتهين ضب
اهوه كرزان ضب بكبره يمشي على الأرض
فقير مسكين يشكي حاله
مثل الضب تماما
مضطهد والكل يلحقه

اهوه يلحق ورا السمك الزبيدي والكل يلحق وراه


كرزان يا أخا العرب ثكلتك أمك
قد حان وقت الثورة على الظلم وإسقاط الحكومات الملكية

نبي نشوف واحد يبيع سلاح نبي بازوكا وإلا آر بي جي

بس لا تبيع حق دوديت بتصيد فيه الضب بعدين

احد جرب بروستد ضب وعععععععع

[Karazhan]

الحاله كسيفه يالربع

والله العظيم الحاله كسيفه


ضب و ما ضب

انا واصل هني



http://www.youtube.com/watch?v=tJtW62Zdwd8

اللحم بضمييييييير

هذا ثاني واحد اشوفه يسوي لحم و يكرم الزبون

الظاهر ان امريكا الجنوبيه عندهم اللحم رخيص

[Karazhan]

طيب بما انكم مجموعه هني ليش ما تساعدوني مع الكويست

من نزل الباندا وانا ادور قروب و مو محصل

الكويست هذا


http://www.youtube.com/watch?v=C9pUveomedk

رحت بسويله سولو

داس في بطني

الكويست اسمه

[A Change of Command]

http://www.wowhead.com/quest=32430

[Karazhan]

يعجبك لو اني بنت

كان حتى قسم ميتل جير شروا اللعبه وساعدوني

[Warchif]

بسيطه
غير اسمك كرزانه وبتشوف العجب

اخوي المناضل كرازان
متى يجتمع شملنا عشان نروح نقط حصايه على الحكومات العربية المستبده
ونطالب بحريتنا و حقوقونا المسلوبه
متى تعود كرامة الانسان العربي المغترب في وطنه
متى نرتاح من أصحاب الأهواء والضلاله اللي لعبوا على وتر الدين وأعموا الشعب
خلاص انا مليت بروح خيمة وسط الصحراء اتزوج بدويه واصطاد ضب
واشرب حليب نياق واتسلى بقنص الجرابيع

انا خلاص أعلن من هذا المنبر الحر بتمردي على الظلم والطغيان

تجي معي كرازان اخو ولد بطنها صاحب الزمان و مبيد الحشرات

ياونتي منك مبحوحه اختلفت واختلف صدري -- مادري وش موقع هذا البيت من الحوار السابق
الله يشافينا بس

[Karazhan]

طرحك جميل اخوي اهنيك على الطرح الرايع

من خلال قرائتي لكلامك وبالاخير قلت الله يشفيك

انا عرفت الحين , انت وصلت مرحله الهذيان و كتابه كلام ماتدري ليش كاتبه او يعني ماله خانه بالموضوع

انا مريت بالحاله هذي من زمان , اكتب واكتب واكتب وانا بنفسي ماادري شنو اكتب

هذا الشعور اهو بسبب ان مايطلق عليه الدكاتره والعلماء اسم سيكوليجي

يعني

انت تشعر انك تعيش في بلد غني وانت فقير

بنفسك اشياء كثيره ودك تسويها بس ماتقدر , لكن تشوف غيرك يسويها , ليش ؟ لأن ولد فلان بن فلان التاجر المعروف او الامير او الوزير

وانت فلان بن فلان , مايعرفونك الا عيال فريجكم و عرابجه استراحه الوحداني

تشعر انك مو ماخذ حقك وغيرك يستفيد بالطول والعرض

يعني تروح البر معاك نباطه , هذا حد امكانيتك

لكن تشوف ولد فلان الابيضاني المربرب على جيب لكزس او رنج معاك طير ب10 مليون و معاه خوياه واحد يصبله قهوه و واحد ينقل الطير والثاني يرقصله ان ضاق خلقه , واهو مايتجاوز عمره ال15 سنه

وانت طقيت الاربعين ولما الحين تقاسط تكاليف زواجك

هذي السوالف واكثر منها تشوفها وتسمعها كل يوم تخلي الشخص مو صاحي ويقعد يهذري ويكتب بدون شعور

مثل ما قال فنان المصبنه

اربع سدارك بخط الموت خلوني اعزف بدون شعور
الخط الاحمر كأنه توت قضيت ليله وانا مسرور

انت لازم تمسك اعصابك و ماتتهور , لأنك ان ما مسكت اعصابك اما انك تصير مجنون او تقتل نفسك , لأن الواحد فيهم ان تحرشت فيه يطلع الفرد من بطنه او الكلاش ويرشك رش يخليك مشخال , بيبسي مال وجبه امس يخر من بطنك تصير نافوره

بالنهايه شنو ؟ يطلع براءه وانت حتى وانت ميت يلفقون التهمه عليك وتصير مجرم بنظر القانون وبنظر الناس , يقولون هذا عربجي مشهور وكان يتحرش بولد فلان و دافع عن نفسه الرجل و ذبحك يالمجرم

والناس تبدأ تطلع اشاعات عليك و تنتشر توصل اهلك و اهلك يصدقون انك عربجي متحرش بالولد وذبحك ويتبرون منك عشان يحفظون نفسهم و عشان الحكومه ما تضرهم و ربعك وجيرانك ينصدمون فيك

حتى تفلس من الدعوات وانت ميت , يعني افلست من الفلوس بالدنيا وافلست من الدعاء بالاخره

ليش ؟ لأنك تحرشت بولد الامير او التاجر

فأنا اقول خلك على وضعك هذا ولا تتهور و كل يوم ادع ربك ان يطلع القائم من السرداب

ماكو حل غير جذي , اما انك تصير سوبرمان وتروح يعني بتغير بيدك , الناس هذي ماترحم , اما يقولون ارهابي او عربجي



اسأل ربك ان يعجل بفرج ولد بطنها الشريف و اهو راح يحررنا من العبوديه وحياة الفقر والمعاناه نعيش عيشه النفط والبترول ومشتقاته ونحس اننا اوادم لنا معنى , مايصير بس عيال الامراء والتجار يعيشون واحنا لا

مع ان النفط ملك الشعب والمفروض يعطونا معاشات بضمير

انا كويتي عندي 4 عيال معاشي ما طق ال1100 لما الحين , المفروض 5 الاف

انا بنام

ولما اقعد مابي اسمع انك قمت بعمل مجنون

باي

[Warchif]

انا لا يمكن أتنازل عن حقوقي
لا يمكن أصير في انسان ذليل يرضى بالعبوديه وأقصي طموحه يكون خوي أمير

انا مستعد اتبرأ من هالدنيا ومافيها إذا وقفت معي وحسستني بأني مو لوحدي بهالدنيا
أنا كنت كذا من زمان ياكرزان لكن كنت أسوي نفسي مبسوط وفرحان
عشان ماخرب الجو على الشباب في الديوانية وعشان ما يقولون فلان بن فلان خارجي أو إخونجي

لكن بعد ثورات الربيع العربي ومازالت شعوب الخليج خرفان تخاف من شئ اسمه حكومة
تعلموا الإنقياد والطاعة العمياء لولي الأمر حتى ولو أعتدى على عرضك
شفت شلون غسلوا امخوخهم وخلوهم قطيع جرابيع يقدسون الشيخ الفلاني والشيخ العلاني
وانه الخروج على ولي الأمر رده

إنتظار سيد الزمان ذبحني
عديت الأيام وسهرت الليالي وبالي مشغول فيه كأنه صيته بنت الجيران

المهم
عندك سلف 50 ألف دينار

[Karazhan]

انت لازم تعرف ان احنا مو قد الحكومات

الحكومه بيدها كل شي , مثل ماتعطيك عقد الزواج والبطاقه الشخصيه و الشهاده الدراسيه , بتلفون واحد تعطيك شهاده سيئ السيره والسلوك و بزرنجي و مهرب هروين

ويمسكونك وسط دهشه اهلك وربعك ويقولون مستحيل وورشيف كل هذا فيه

ويحطونك بالمحكمه والكل ينتظر قرار المحكمه النزيه

وبتلفون واحد تتم ادانتك و اعدامك و اهلك طبعا عشان مايبون الكلام عليهم يتبرون منك بضغط من الحكومه , ليش ؟

عشان تثبت التهمه عليك 100% , حتى المشككين بالموضوع راح يقتنعون لما اهلك يقولون صحيح كان مجرم قطاع طرق , ليش لأن اهلك يدرون ان الحكومه مثل ما سحبتك و كل شي مسخر لها من الامن الى المحكمه مايبون يكونون عبره

محد يحط راسه براس الحكومه الا ان حصلت على 100 الف شخص مستعدين للموت لأجلك , وهذا الرقم صعبه تحصله , لو تعد معرفتك و معرفه معرفتك ماتجون 100 يمكن

الامير والشيخ والتجار ان طاحوا عليك عوروك وان طحت عليهم عوروك , عشان جذي الناس تمشي جنب الحيط

دام اكل واشرب وانام هذا يكفي

انا معاك ان قاموا يقدسونهم , و هم بعد عطوا نفسهم المعصوميه , يقولك الامير او الملك مكانته مصانه وبالقانون بعد يتم محاكمه و سجن اي شخص ينتقد الامير او الملك او يفتح حلقه بكلمه مو زينه , 10 سنين وانت صاعد يسجنونك ان تجرأت وانتقدت امير او ملك

عطوا نفسهم قدسيه و منع الناس من انتقادهم على عملهم او شنو يسوون

لكن و خلني اقولها بصراحه ان زعلوا ازعلوا الشيعه ان كان بيننا شيعه بالقسم

هؤلاء يسبونا ويسبون الصحابه وينتقدون الله سبحانه و ينتقدون النبي و لعن ليل نهار بالصحابه و زوجات النبي , في احد يكلمهم من اللي يمنعون الناس من انتقادهم ؟

ما تحصل اللي يكلمهم تدري ليش ؟ يقولك انا ان تعرضت لهم راح ازعزع عرشي بنفسي , يمكن تصير فوضى ان مثل ماصار بالبحرين مثلا على اقل تقدير , مو مصر و ليبيا بعد

و لما تصير فوضى راح افقد مكانتي بين الناس , اللي معاي السنه راح ينقدون علي ويقولون ليش انت جبان ماتسوي لهم شي

ويقول تتوسع ويمكن يجيهم دعم من بره لأن ايران تبي الزله علينا , لازم نراضيهم لو يسبون اللي يسبونه مالي شغل المهم ما يجون صوبي وتصير بيني وبينهم السالفه , خل السالفه بينهم وبين الصحابه او بينهم وبين السنه وانا بصير يعني الحليم و اللي ابي مصلحه الكل وبحاول اهدئ الموضوع

بالعربي

ماعندهم الا الطقاع , لاحظهم مسوي نفسه فارس وشاعر وشجاع وكل المرجله فيه

خل ينتر عليه الايراني او الامريكي او البريطاني , قسمن بالله تشوف راسه بين رجوله

الله حيا كيف حالك , يارجال ذبيحتك عند الباب

واهو اطق الناس

يبا والله ابخصهم هذوله , مطلعين مرجلتهم على شعوبهم , حاطلي 1000 خوي يمسطهم بالعصا ولا واحد فيهم يتكلم , ذالين نفسهم ذل و اهو مستانس لأن ماكو قانون يمشي عليه , كلهم فوق القانون وانت يالفقير تاكل هوى

بلدان تطفح من النفط مثل السفينه بوسط المحيط دولنا , لكن من تخلف الى تخلف , مازال المواطن ينطر 15 سنه عشان بيت , مازال المواطن يخطرون دوره بالوظيفه اللي معاهم واسطات , مازالوا الامراء والشيوخ يشوفون الناس غنم وانهم عبيد عندهم , مازال دولنا متخلفه مافيها تطور مثل دول افقر مننا

حكومات من اكذب الحكومات بالعالم , مازالت اموال البلد تروح لجهات غير معلومه , مازال الراتب حده حده يكفي لأخر الشهر , تقول شنو حوشت لعيالك او بيتك بعدين تقول زين المعاش ملحق علي الشهر . هذا اذا ما طلعلك خراب بسيارتك و كسر ميزانيتك

قسمن بالله اننا عايشين عالبركه , والايراني طمعان فيك

لو يقول الايراني ياشباب خلوني اخذ دولكم و اسدد قروضك كلها , صدقني راح يحصل ناس واجد تقول حياك تعال

عايشن شيوخنا على الفخفخه ويجمع الشعار عنده ويعطيهم عشان يمدحونه , يا فارس يا ولد الفارس الشجاع

واهو اطقع ماخلق ربي , لو تصير حرب تشوفه نحش دوله اوربيه بقصر عنده هناك وقعد يبجي يطلب من الشعب المقاومه وقتال الغزاه , ماتشوف فيهم واحد بالحرب , صايرين ضباط عشان مذله الافراد عندهم والمناصب , وقت الرخا بس

لكن بالحرب فصخ البدله واول طياره متجهه لأوربا او اي دوله المهم ينحش من الديره

منو يدافع هني ؟

انا وانت والناس البسيطه , عشان رواتب ما تتجاوز ال1000 دينار نقاتل ونحمي بلدنا , و هم مليارات ماخذين منها و اول المنحاشين و ان ارجعوا وزعوا 500 ريال لكل مواطن عشان رجعت البلد و رجع حكمهم معاه , وتبدأ المعاناه بعد ال500 ريال





هذا اهو الواقع

[قزم مصرطح]

الأخ الكززان والاخ الأرشيف كل هذه الشكاوي منكم بسبب سمك الزبيدي , الحل هو أنني سأقوم بتهريب عبر الحدود كيلو لكل واحد منكم كيلو من سمك الزبيدي . و2 كيلو من السمك الزبيدي للأخت دي دي , وربع كيلو سردين لكل من الأخ ابو شناوي والاأخ الخيالي والأخ نبض المخ

[Dudette]

صباح الخير

شخباركم

هلا والله وارشيف او على قوله قزوووم ارشيف سبحان الله مغير الاحوال من قائد الي مخزن اوراق

المهم ما علينا اقول وارشيف ليشش ما يبيعونلي اسلحه عادي نستعملها ومثل ما تعلمنا على واركرافت راح نتعلم على الاسلحه

اي شو فيها ابي ضب يم يم وبسويه روستد واحط معاه مايونيز وكاتشب وشوي هلوبينووو يا سلام

وشكرا قزووووم على الزبيدي دام انك فكرت فيني اعتبره وصل

[Karazhan]

صباح الخير بالليل

مايصير

[Karazhan]

وينك وورشيف ؟

الظاهر انه كتب الكلام بدون مايشغل البروكسي

لاحول ولا قوه الا بالله

كان خوش ولد

الظاهر انهم لفقوا له تهمه ارهاب و تهريب و خطف اطفال والمطالبه بفديه

المفروض انه ينزل برنامج هوت سبوت شيلد عشان يصير الايبي امريكي , وقتها يخافون يسوون شي ان كان الشخص بأمريكا لأن امريكا مايقدرون يتجاوزونها ويطالبونها بناس عايشين فيها

نفس سعد الفقيه عايش ببريطانيا ويتكلم ليل نهار ومحد يقدر يوصله او يقدرون يوصلوله لكن محد يجرأ يتعرض له

هذي العم بريطانيا يابوي وهل يجرأ القمر

نصيحه يااخوان اي واحد يبي يتكلم بالسياسه ينزل برنامج يخفي الايبي عشان مايروح من كيس اهله

وعندك وورشيف اقرب مثال

[Warchif]

دودي يابنت الناس اعقلي وبطلي اكل الضب والا يطلع لك ذيل
اما الأسلحه حاضرين نجيب لك عجانه مع 2 سكاكين ستانستيل

اخوي المناضل والمنافح عن الحريه حبيب الروح والقلب خوي السجون وجلسات الصنف اللي على كيف كيفك

لا تخاف علي وأنا ابو زبيدي اللي قهر جميع أقمار التجسس الصناعية وعيوا الامريكان يجيبونه

انا سأظل بإذن الله موجود بينكم حتى يقضى الله أمرا كان مفعولا

أنت خليك على مبادئك الشريفة وحاول توصل لصوتك لأكبر عدد ممكن من الجحاليظ اللي عايشين الحلم الوردي وطيحوا جبودنا بأشكالهم في عرب مصخرة قصدي عرب تالنت

أنا سأظل شامخا صلدا كجلمود صخر حطه السيل من كوبري

أنا ماعندي البطارية النوويه اللي عندك وتخليك تكتب عشرين الف سطر وتروح تعبي بنزين وترجع تكتب خمسين الف سطر غيرهم
الصنف اللي تستخدمه عالي الجودة على عكسي انا المسكين الصنف اللي استخدمه من أيام جمال عبدالناصر اللي رمى اسرائيل بالبحر

أتمنى يجي اليوم اللي انا وانت نحكم العرب وننشر بينهم المحبه والعدل والتسامح ونغني معاهم ( عبده حابب غندوره) بنفوس صافيه وزكيه
في يوم ما يطلع لنا شيخ يقول لك اطع ولي أمرك حتى لو اعتدى على عرضك
يلعن ابو عمرك ياشيخ عسى الكل يطيح في عرضك يانجس

أخيرا في آخر كلماتي الحزينه المليئة بالعواطف الجياشة والكبت النفسي المحروم
أوصيكم بإعادة أمجادنا ياعرب
حيوا مرسي حيوا


دوديت ياهذه ألا ترغبين مشاركتنا في كفاحنا مايصير الجنس الناعم يتركون المهمة الصعبة للرجال عاد كلمة ولو جبر خاطر وإلا سلام من بعيد
هههههه سحقا للمغازلجيه خربوا لغتنا في الكلام

[قزم مصرطح]

يا اخواني الا تلاحظون ان الأخ فرفش اليد اليمنى للكينج يتجاهلني في ردوده هذا ما يسمى حب غامض فهو يحبني لكن بطريقة غامضة لدرجة يتجاهلني حتى لا يقع في غرامي , هذا أقرب تحليل منطقي يوجد مافي سبب غيره

[Karazhan]

مايتجاهل لكن قاعد يعبر عن شعوره

خله يفضفض ويقول اللي في قلبه يمكن يرتاح بعدها ويستوعب ان في ناس تكلمه

انا اخذت الفحص اليوم و طلعت سليم من اي بكتيريا

قالت الدكتوره احتمال سكر

قالت فحوصاتك بالمزرعه والعادي سليمه , ما بقى الا تسوي تحليل دم ونشوف اذا سكر

قلت طيب انا الحين سليم من تحليل الزراعه و اذا طلعت سليم من السكر شنو الحل ؟ قالت والله بيني وبينك صعبه تكون سليم من السكر

لأن ماكو الا بكتيريا او سكر وحده منهم , انت مافيك بكتيريا فأحتمال سكر

مع اني مااعاني من شي ولا احس بشي والسكري معروفين اهله انهم يعانون من عوارض ان ارتفع او انخفض



الحين ياجماعه انا صرت صج مسكين

يعني كل سنه يطلع فيني مرض , كل ما افتك من مرض يطلعلي مرض , الحين احتمال اصابتي بالسكري اللي ماله علاج حسب مااشوف

يعني مسكين . فقير . يتيم . مريض

كل هالصفات فيني


مع اني ياقزم مدمن شاي وقهوه , شاي اكثر شي , كل ما اخلص قلاص جبن شاي اسوي جديد , و اكرم نفسي بالسكر

يوميا غير العصاير وهالسوالف

الحين من الصبح بعد ما شفت النتيجه وقفت شرب الشاي , قلة روحاتي لدوره المياه , قبل كنت كل 5 دقايق الحين كل نص ساعه

وهذا كبدايه يعني , لو امنع نفسي طول اليوم يمكن تزيد المده من نص ساعه الى 5 ساعات و لما يقل السكر فيني ويصير بالمستوى الطبيعي اروح كل يوم مره

و امنع نفسي سنه كامله اروح دوره المياه كل 3 شهور , يعني اخزن السوائل في جسمي نفس البعير وامشي 3 شهور بدون الحاجه لشرب الماء

[Karazhan]

تخيل انك ماسك خط ابو حدريه رايح الرياض تستلم جائزتك 10 مليون ريال

ماسك الخط والجو غيوم صك , و المطر توه واقف والحين الشارع مبلل كله والبر يمينك و يسارك عرفج و رمث و الجو بديع حده ما ودك تشوف غيره

الجو بارد و منسم على الجام عشان يجيك البراد و يطلع دخان الزقاره , معاك الكوب اللي يحفظ الحراره في شاهي منعنع ومشغل


http://www.youtube.com/watch?v=7cyyn56XpUw

و انت ماشي تشوف واحد مبنشره سيارته و يأشرلك , توقفله , عسى ماشر يالطيب ؟ يقولك والله بنشرت وما معي استبنه , وانا رايح الرياض

تقوله اركب انا رايح الرياض

وبالطريق يسولفلك وانت تسمع ويدش بسالفه الانترنت ويقولك انا كنت ادش منتدى المنتدى , قسم ووركرافت

تستغرب وتقوله شنو نكك ؟

يقولك نكي بوحا

تصفط عاليمين و تروح تطلع الجنبيه من تحت الكشن وتقوله .........

يقعد يبجي ويقولك انا رفيجي كلاش

تقوله ما ينفعك , يلا .........

يقولك انت تدش المنتدى ؟

تقوله اي , بس يلا ....... خلصني ماني فاضي بسرعه

يقولك وراس الملك ومندوب الملك تعفي عني

تقوله خلاص عشانهم راح اسامحك , وله كنت ناويلك يالابيضاني يالمربرب ياللي مسكر غولتك ولابس طاقيه بيضه مزركشه بذهبي على شعار المملكه يعني كاشخ , بس خلني اشوفك تتمرد مره ثانيه بالمنتدى

راح اعرف بيتكم وراح اجيك اخطفك ومايردك الا الربع الخالي

بس اهو مو بالرياض بجده

خلاص تخيل انك ربحت الجائزه ورايح جده تستلمها مو الرياض

[قزم مصرطح]

الأخ الكرزان لقد كتبت موضوع في القسم الاداري بخصوص تغيير الاسم وقلت لهم ان الكرزان والكينج ولد بطنها اللي عصفوره بالماي هو من ارسلني وهو يسلم عليكم جميعا لدا اتوقع ان يتغير اسمي في اي لحظة , كما انني اطمح لأن اصبح عضو مميز في القسم الاداري حتى الآن لدي موضوعين هناك

[Karazhan]

بشار الاسد يوم مات ابوه , غصب عدلوا الدستور عشان عمره يسمح يصير رئيس , مادري كم كان عمره 32 او 35 واللي ينزل انتخابات لازم 40 سنه

المهم انهم عدلوا الدستور ونزل الرجل ونجح جاب الاول

احنا هني نعدل القوانين , ان كان لازم 500 مشاركه نعدلها عشان تصير 100 مشاركه بس او نسوي تزوير بفرز الاصوات مثل ما عملوا و نزيدك 319 مشاركه عشان تصير 500 وتغير اسمك

وانت المفروض تقول دازني عليكم كرزان , مو ولد بطنها اللي عصوره بالماي , جذي تخليهم يقولون هذا يتطنز ويطشون نفس اي وزير او عضو

قولهم كرزان دازني عليكم "كواسطه" و ابي اغير اسمي من قزم الى الولد المجتهد او الرمنسي او العاطفي

شي جذي يعني يخلي اللي يشوف اسمك يقول هذا من عيال بطنها التجار او امير او شيخ , لأن مثلك عارف بس هؤلاء اللي يعرفون الرومنسيه والعاطفه الحقيقيه مو احنا نصير رومنسيين اذا نبي شي من الزوجه , سلف او تسوي عشا

هم على كثر فلوسهم مايتزوجون الا 1 طول عمرهم , احنا من قبل نتزوج ونفكر ناخذ عليها لو تجينا فلوس

المهم قولهم دازني عليكم كرزان , اذا محد رد عليك مده اسبوع قولهم كرزان يقول انه راح يعلن الزحف المقدس , الزحف اللي يكون عندك و نهايته ماتشوفونها

نفس لما صار زحف مقدس مصغر ايام بوحا و دخلوا بس 5 او اقل بقياده البسطويسي وقدروا يزعزعون المنتدى كله و تم تنفيذ طلبهم خلال يومين بس

ذكرهم بالسالفه هذي يمكن يتعظون منها واذا مايبون المشاكل ينفذون طلبك , اذا ما نفذوا فأنا مجبر اني اعلن الزحف المقدس

[Warchif]

كرزان
لا تنسى انه الزحف المقدس ما نجح إلا بسببي
يوم كنت بروحك في جهادك المقدس وكل اللي تحصل عليه توقيفات ابو اسبوع واسبوعين
ويوم كان مافيه أحد يوقف جنبك وكنت أنت وحداني ماغير تشتكي بروحك

لما أنا جيت دعمتك بكل قوتي وناصرتك بكل جوارحي ودافعت عنك ورفعت السلاح علشانك
وواجهت بوحه وشلته وبعد كرات وفرات وبعد مواجهات مستعره وحروب مستمره

قدرنا بفضل الله نعطي بوحه أول توقيف وبسببه تفرق عنه أتباعه وزاد مناصريك
وصار المشرفين يوقفون بصفك
وبسببها أعلن بوحه تقاعده وكتبت رسالته المشهورة في نقد وتجريح الأعضاء والمنتدى واللي رديت عليها أنت بكل قوة وبكلام جميل

نسيت ذاك اليوم والا ما نسيته

والحين تبي تعلن الزحف المقدس مع مين وضد مين
بوحه واندحر وطلع من المنتدى وتلقاه يدش بمعرف مجهول من فترة لفترة عشان يشوف وضع القسم
وعشان ينبسط ويقول في نفسه يستاهلون الحين يعرفون قيمتي واني المحرك للقسم وانه المنتدى بدوني و لاشي

و هذا الكلام طبعا عار من الصحة
والأكيد انه بعد هزيمة بوحه ودحره وبسبب أنه لعبة واو نفسها تغيرت وخربت وصارت ممله وتركها أغلب المناضلين من الزحف المقدس
وبسبب هالشئ القسم قرب يموت وما صار أحد يهتم يجي القسم أو يشارك فيه وتلقاهم في أقسام أخرى يبدعون زي اخونا يوشي في قسم المطبخ

مافيه غير القهوة واللي عاشت بوجودك لأنه مافيه احد عنده البطارية النووية الروسية اللي تمتلكها

وممكن النشبة الجديد قزمان يكون المحرك الثاني للقسم واللي ناشب يبيني أرد عليه وأعطيه كلمة ولو جبر خاطر وإلا سلام من بعيد
ثكلتك أمك يا هذا خلك ثقيل و ابعد عن الواسطات واعتمد على نفسك

اقول كرازان وش اخبار لعبة واو وش اللي تغير فيها يقولون جاروش مات بعد ما انقلب على الكل حتى عشيرته
وانه فولجرن زعيم الترول صار الوارشيف
اما عاد طيب وثرول وش صار عليه وليش مارجع القائد

ياخي والله بليزارد خربت اللوري بقوه وخربت شكل ثرول من جا الكاتا
صاير دلاي لاما مو قائد حرب لأعظم عشيرة في ازيروث عشيرة الأورك ذولي الجلود الخضراء

اكسبانش الباندا كان سقطه كبيره للشركة

لكن لغاية الحين مافيه لعبه نزلت تنافسها
ممكن جيلد وار سحبت بعض لعيبتها لكن مو بالشكل المطلوب

في إنتظار لعبتهم الجديده تيتان
عساها تنزل والديزل تحول على كبينة الكترونيه بدل الكبينة المصديه واللي تقطيع ليل نهار بشكل مستحيل تلعب معه اونلاين

[Karazhan]

نعم اذكر بوحا كان الباتش 3

والباتش 4 اللي كان اسمه "الملك يحتل القسم ويعلن اجتثاث المتمردين" ويومها دخلوا بوسات جديده مثل نخيلان و عجيلان و قدر الملك بمساعده القاده والتلاميذ وكل المخلصين من اجتثاث حزب بوحا وصار مالهم وجود

الحين باتش 5 واللي اسمه "الحياه السعيده مابعد حزب بوحا" وصار ماكو مشاكل عندنا و نتكلم بأي شي نبيه

تذكر قبل لما كانت جيلد وور مانزلت بعد وتكلم واحد كتبت موضوع ينتقد فيه ووركرافت و مع السوالف تكلمنا عن جيلد وور جان يدش بوحا و حزبه ويعلنون الحرب لأننا بس تكلمنا بعلبه غير ووركرافت

الحين نتكلم بكل شي , من صناعه العطور الى طلبات امازون و ايباي مرورا بالطب والطب البديل

معمرين القسم بالتنويع واكيد الناس قاعده تستفيد بدون تشارك خصوصا سياسه الملك "السحب المقدس" واللي يدخلون علينا ناس مو جوجل لأن بالبحث يطلعلهم مواضيعنا هني ونتكلم بكل شي بشكل حصري و عميق

لو بوحا هني ؟

كان نص الاعضاء توقيف

بس خوفك من باتش 6 لا يرجع علينا , تحت اسم "عوده الاشرار"


بخصوص اللعبه , انا ماتعمقت فيها كثير , مجرد ادش وادخل الرايدات واطلع , بيني وبينك بالبوت

لكن البوت بعد نزول الباتش هذا ماقام يشتغل مضبوط بالرايد و فضيحه صاير , قلت العب بنفسي عشان الهدف اني اخلص كويستات الاسطوريه وبالنهايه تاخذ back اسطوري , خبرك قبل تاخذ سلاح يكون حق كلاسات بعينها

الحين باك و للكل, ميزته يطلع نفس الاجنحه

المهم اني حاليا بكويست يقول جمع 20 شغله اسطوريه تطيح من بوسات ثرون اوف ثندر و من الرايد الجديد مال جاروش , وصلت الحين 8 او 9 و ماقدرت اجمع اكثر لأن الكلام هذا امس قبل الباتش ونمت مبجر وراحت علي

الحاصل ان بعد ماسمعت ان فولجين صار الوورشيف قلت مستحيل ترول يصير علينا , اقل شي رجعوا ثرال , المهم رحت اورقمار وشفت جاروش مازال موجود والوضع طبيعي

ماادري بنهايه الباتش هذا يتغير الوضع يعني او لأ , لأن الى الان مافتح الرايد الخاص بجاروش , حاليا بس نلعب بأول 2 و باقي 2 يمكن او 3 مافتحوا بعد , يمكن اليوم بعد الابديت هذا

اللعبه الحين صارت وانت قاعد في مكانك , تقعد في اورقمار و تضغط ازرار تدخل دنجن و باتل جراند و رايد , اظن انت لحقت عالميزه هذي

يعني ماكو شي جديد الا اشكال الجير و رايدات جديده و دنجن بعد بين فتره وفتره , غير دنجن تروح بروحك فيك تخلص مهمات

مركزين على الكويستات الحين بليزرد , لكن الحلو ويمكن الناس مو ملاحظته ان الكويستات الحين تخلصهم بروحك او مع مجموعه او رايد لكن مو بصعوبه

يعني قبل اذا تذكر مثلا مفتاح كرزان او the eye او بلاك تمبل لازم تخلص سلسله كويستات ولازم قروبات معاك و القروب بالغصب تحصله

غير الالقاب مثل hand of adal و champion of the naruu كنت تتعب فيهم

الحين تدخل lfr وتخلص حتى الكويستات الاسطوريه , يعني صارت اللعبه اسهل بواجد من قبل , والجير تحصله ان كان جير pve بسرعه عكس قبل لما نبي رايد او دنجن هيروك نكتب بالشات full epic يعني اغراء عشان ياخذونا

الحين بيني وبينك صارت ممتعه اذا كنت تسوي كويستات , لأنهم مركزين عليها و مسهلينها و يحطولك قصص وتعرف ليش صار جذي

قبل كنا نقول تاخذ فلوس علينا و مانستفيد شي . كل شي لازم اشيفمنت وماتروح مكان لا رايد ولا دنجن ولا ارينا و فوق هذا ندفع و نتحسف

الحين عالاقل صاروا يحللون فلوسنا ويحطون لنا شي نروحله بدون معاناه

[Karazhan]

وانت ليش ماتعطي القزم وجه

هذا تلميذ من تلاميذ الملك و سياسه الملك تقول اي تلميذ لازم توقفون معاه وتساندونه و تكلمون الناس اللي متسببين في حرمانه و عذابه انهم يتركونه واذا مانفع الكلام نتجه الى الزحف المقدس

احنا بنسوي زحف على الاداره لأن التلميذ قاعد يكلمهم ومايعطونه وجهه

[قزم مصرطح]

وانت ليش ماتعطي القزم وجه

هذا تلميذ من تلاميذ الملك و سياسه الملك تقول اي تلميذ لازم توقفون معاه وتساندونه و تكلمون الناس اللي متسببين في حرمانه و عذابه انهم يتركونه واذا مانفع الكلام نتجه الى الزحف المقدس

احنا بنسوي زحف على الاداره لأن التلميذ قاعد يكلمهم ومايعطونه وجهه


يا أخي الكرزان هذا يسمى حب غامض خايف يحبني ويقع في غرامي أو انه غيران مني بسبب اني جديد ولدي حبتين من نقاط الترشيح وهو من سنة 2009 لديه مثلي حبتين من نقاط الترشيح بمعنى , قزم مصرطح له جاذبية مميزة و الأرشيف له جاذبية مميزة , الأول اللي هو القزم حصل عليها في اقل من شهر والثاني حصل عليها من ايام القذافي ما كان يطلب سيجار كوبي من كوبا بألف دولار للواحد

[Karazhan]

اليوم طلع الفحص وتأكد الخبر اني مصاب بالسكري

الحمدلله على كل حال

انا انسان مميز , كل امراض الدنيا فيني والحين سكر , باقي ايدز وتكمل الفرحه

الحين مااكل شي , اروح مثل الصقعات اشترك بمطعم صحي يجيبلي وجبات

شلون شكلي وانا آكل اكل صحي ؟ من بعد الكبسات والمشاوي والسمج اصير صحي

برجر خضروات من بعد الستيكات

انا غبي انا الغلطان

ادمان شاي وقهوه بس الشاي اكثر , و بيبسي و سفن وهالسوالف

مدمن بشكل رهيب , واخر ايام حياتي الشاي مايوقف , اخلص من قلاص اسوي غيره

والنتيجه شنو , انقلب انسان نباتي

انا خلاص تدمرت حياتي , من قالولي فيك سكر حسيت الاعراض قاعده تطلع , قبل اعرف النتيجه كنت طبيعي لكن من قالولي حاشني صداع و دوخه و تكرمون ابول واجد

نسبه السكر وانا صايم 8.2 و نسبه السكر بعد ساعتين من الاكل 17.6

المفروض من 3.9 الى 6.1 وانا صايم وهذا الطبيعي و 7.8 بعد الاكل

يدافع البلا

خلاص انا لازم انتحر بعد ليش اقعد ؟ ما اترقع خلاص

فقير , مسكين , مريض , ماكو حظ كلش

يلا باي

[قزم مصرطح]

اخي الكرزان لا تنتحر ارجوك لا تتركني دنا حبايتك حتى نسيت النوم , يا إخوان حد يروح الى الكرزان الكويت ويرفع معناوياته لكي لاينتحر ,وينكم يا ناس يا أخ أرشيف ويا اختي دي دي ويا ابو حناوي اترك عنك القاعدة الآن وتعال نشوف مشكلة اخونا الكرزان يا اخ دارك بيب يا أخ كمال الشناوي يا ناس ...

[Dudette]

مساء الخير

شخباركم

بو شنب الحين خلصت السوالف يعني عشان تييب طاري بوحا مسطكين خله في حاله تراك انت الي تتحرش في الناس وعقب تقول اعداء وكانوا ضدي وووووالخ

المهم اذكرو محاسن موتاكم اقصد المعتزلين

شخبارك وارشيف وشو القيم معاك شو بعدك واو او بي اس بي او ...... اي شي تلعبه او تفحيط

وقزوووم وينك وشو اخر عملية تهريب سويتها

اقول صج مافي سوالف صح

هي باجر بحطلكم كم شغله شريتها وبحركم فيها

[قزم مصرطح]

وقزوووم وينك وشو اخر عملية تهريب سويتها


الأخت دي دي تنتظرني عملية تهريب لإكسسوارات للنساء ادا نجحت العملية راح اجيب لكي هدية مميزة , هل تفضلين شيء محدد عشان أعرف كيفية اختيار الهدية

يا إخواني هل سمع احد خبر من الكرزان سمعت انه يفكر بالإنتحار بتدخينه خمس علب سجائر على التوالي في غرفة مغلقة , يعني ناوي ينتحر خنقا حد يكلمه ليتراجع

[Dudette]

امبيه صج صج بو شنب اليوم فليل ما دخل لايكون صج انتحر

حتى وارشيف بعد محد شو سالفتهم او يمكن مواعدين هالاثنين وسايرين الحداق ؟

[Warchif]

أفا كرازان طلع فيك سكر
هذا من زود حلاوتك
خلاص اذا جينا نشرب الشاي نحط صبعك في البياله ونحركها واهو صاير فيه سكر

دوديت شكلج تحبين الحاجات اللي تحت مسمى تهريب وشغلات من تحت لتحت
وقزوم عنده استعداد يبلط البحر ويهرب لج اللي تبينه زبيدي ، ضب ، اكسسوارات ومو غريب بعد لو جاب لج تمساح يسوي منه شنط و جزم لعيونج
هذا خريج مدرسة ولد بطنها المقدسة ماكو شئ مستحيل عنده

بالنسبه لواو والله بطلتها والحمدالله اللي نجاني منها
الحين متفرغ للجميع وأي خدمة يكلم الشرطة
مو الشرطة في خدمة الشعب ؟؟!

المهم

نبي احد يتوصى ويحجز لنا استراحة على الحدود بين الكويت والسعودية نشوف فيها فلم دريد لحام الحدود
ادري اني قديم لأني اصلا شايب واخوي كرازان بعد شايب بس بما اننا خريجين مدرسة المصبنجية المحدودة هو فرع الكويت وأنا فرع الشرقية فاللي يشوفنا يقول هذولي شياب ما يشيبون
وأحلى تعسيله فخفخينه تحس بجو التفجيرات و انك عايش في النجف