منهو مستعد يتعب معاي ويفهمني كل شغله وبكون له شاكر [الأرشيف]

utahss

02-10-2009, 10:48 AM

سلام عليكم ورحمة الله

انا اسمي احمد .. وجديد ع المنتدى المهم بدخل بالموضوع مباشره

انا طبعا ادرس في امريكا لي تقريبا 5 اشهر وستغربت من جد الشعب عامة عليهم اجسام حلوه وعضليه

وقررت اروح الجم واتدرب وكذا .. بس حسيت انه ما ينفع معاي ويبغالي تعب
المهم انا وزني 50 و طولي 65

واريد جدول من الاخوان الي عندهم خبره واريد افضل الابروتينات وهالشغلات هاي وطريقة الوجبات وايش اكل بالضبط

اريد ترتيب جدول كامل ... وبما اني في امريكا اكيد في البروتينات و هلشغلات متوفره كثير

انا ضعيف مو حيل حيل عوود .. لا يعني جسمي لا باس به مو عوود

ولكن بعد مو عاجبني وابغا اجتهد بتطبيق لجدول و البروتينات وهاي الشغلات وابغا اغير من جسمي لو بنسبة 30% خلال 10 اشهر

والي راح يساعدني ياليت تكتب لي اسماء البروتينات المتوفره بامريكا بالانجلش عشان اعرف اطلبها

وشكرا لكم يا اخوان وان شا ءالله ما راح تقصرون :)

عشــق البطــوله

02-10-2009, 02:49 PM

وعليكم السلام ورحمة الله وبركاته

ياهلابك اخوي احمد منورنا يالغالي واتشرف بمعرفتك ومساعدتك ..

في البدايه اخوي احيي فيك هالحماس وان شاء الله توصل لهدفك ومرادك

بس في البدايه اخوي انت الآن لاعب جديد على الحديد فـ ماانصحك بتناول المكملات في هذي الفتره

لازم على الاقل تتمرن من شهر ونص الى شهرين بإستمرار وبعدين تدخل لعالم المكملات ( اذا كان عمرك 18 فما فوق )

والسبب لأن عضلاتك مو متعوده على الحديد فلازم في البدايه تعودها وتتمرن لين تنفتح عضلاتك وتبدأ تستجيب للتمارين ..

عموماً اخوي الغالي احمد بالنسبه لجدول تمارينك راح يكون 3 ايام بالأسبوع تلعب فيهم ( شامل ) .. وهذا الجدول راح تستمر فيه لمدة شهر وبعدين راح يتغير ان شاء الله ..

في البدايه راح تحس بتعب وألم في العضلات مثلا ماتقدر ترفع يدك او رجلك فهذا الامر طبيعي لاتخاف

لأن عضلاتك ماتعودت على التمرين فبعد ماتمرنت بدت تنفتح عضلاتك وتستقبل التمرين وتشتغل صح..

اهم شي انت في هذي الفتره حاول تهتم بتغذيتك وتقسيم وجباتك اليوميه الى 6 وجبات 3 وجبات منهم رئيسيه والباقي تكون فرعيه بين الوجبات الرئيسيه

مع مراعاة تناولك للطعام الصحي والابتعاد عن الوجبات السريعه والمقليات وغيرها حاول تهتم بالمسلوق او المشوي او الطعام بالفرن

وحاول تتنوع في طعامك من بروتينات وكاربوهيدرات ودهون صحيه وفيتامينات ..

وبعد شهر ان شاء الله ترجع وتخبرنا بتجربتك + نعطيك جدول آخر غير جدولك السابق ..

وبالتوفيق لك احمد شد حيلك وحاول تنظم بين النادي وبين دراستك او دوامك وبين راحتك لأن في تنظيمك بين هالأمور راح تحصل على جسم ممتاز

واي استفسار ثاني انا حاظر ..

وبالتوفيق لك

ESKOBAR

02-10-2009, 04:41 PM

مازيد على كلام اخوي جديد بقراطيسي

وفية نقطة ودي اقولها لك انتبه من الي يسوق لك الاوهام ويعطيك ابر هرمونات ومنشطة

زي السترويد والديكا ترا هي صح تنفخك بشهرين الي ثلاث شهور وجسم ولا في الاحلام

بس اثارها مدمره وعلى المدى البعيد والقريب وتسبب ضعف مؤقت او دائم للانجاب + الموت المفاجئ

الله يكفينا شرها واستمر بالتمارين والتغدية والراحة والمكملات الغذائية فقط وعلى قولة خبيرنا البرشا

الي يجي بسرعة يروح بسرعة والله الموفق

JiuJitsu

02-10-2009, 05:50 PM

مثل ماقالو الشباب

واستغرب يوم قلت اجسام عامة الشعب حلوه اذكر انا وولد خالي رحنا قبل سنتين تقريبا من الان وكنا نعتقد انهم مثل الاوربيين شفنا بدانه والله اقل مايقال عنها فضيعه

وبالتوفيق لك ان شاءالله

utahss

02-10-2009, 06:42 PM

اولا شكرا على الردود والمساعده

انا والحمد الله لي في الجم الان 3 شهور بس في الاونه الاخير قمت ما اروح الا قليل بسبب ماحس بالتغير نهائيا
بالنسبة لعمري 20 سنه
فحبيت استعين البروتينات و خبراتكم في هاي الاشياء في شركة مشهوره حق هالشغلاات قريبه مني بس ما اعرف ايش يصلح لي وو نسيت اسمها بس اعتقد cgm , gom

زي كذا هي 3 حروف .. دخلت وشفت بعض الاشياء الي فيها بس ماحبيت استعجل

واخذ مشورتكم وخبرتكم وشكرا

JiuJitsu

02-10-2009, 08:10 PM

تقصد GNC يمكن

وان شاءالله الخبراء يفيدونك بالاشياء الي بتنفعك لكن عليك بالانتظام بالاكل المفيد والنوم الجيد بالليل

utahss

02-10-2009, 10:51 PM

بالضبط الشركة GNC موجود جنب سكني بالضبط

بس ياخووووووووان اريد المساعده انا تدربت 3 شهور ومستعد للتدرب اكثر واكثر واكثر

ولكن اريد مساعدات .. وبرنامج من تدريب ومن بروتينات وغيرها ..

من مستعد يساعدني ؟؟؟

AmiTy Ville

02-10-2009, 10:56 PM

gnc لديها مكملات لرفع الوزن مثل Pro Complex Gainer لكن نبسة التوتال فات ليست ذاك الزود 8 جرام والبروتين فيه ممتاز جدا 60 جرام

انت تحتاج تطلع 13 كيلو تقريبا فا هذي يبالها توتاال فات اكثر شوي

عندك مثلا الـTrue-Mass فيه 16 توتال فات و46 بروتين

ايظا هناك العملاق لرفع الوزن سوبر جاينرز فيول برو فهو يحتوي على 33 توتال فات

وغيرها من المكملات المضافه الى البروتين مثلا تحتاج الى الاحماض الامينيه ( امينو )

وايظا تحتاج الى ملتي فيتامين مثال الانيمال باك او غيره

ومن توصل لوزن لاباس به بعدها نغير نوعية المكملات ونطلع فوق شوي

..

اهم شي التغذيه ياعزيزي وبالنسبة لوزنك كل اي شي فيه بروتين وكارب ودهون وسعراتك الحراريه تبدأها بـ2000 سعره وكل اسبوع تزيد 500 سعره لجل نوصل خلال شهر لرفع اكبر قدر ممكن لوزنك

التمارين بأنتظام وعدم انقطاع حتى لو مالاحظت تغيير

الراحه وعدم السهر والنوم ليلاً

ودام انك بأمريكا فا احم احم ابتعد عن الاغراءات فاهم قصدي طبعا وهذا شرط لايتجزأ في ممارسة الحديد

..

بالنسبة للجدول ياعزيزي دام انك مكمل 3 اشهر فا راح نعطيك جدوللين واختار اللي يناسبك - بس قبل بدايتك للجدول ارجع تمرن شامل يومين لانك وقفت

صدر - باي

راحه

ظهر - تراي - سواعد

اكتاف - ترابيس

ارجل - بطن

وجمعه راحه

او

صدر - باي - بطن

راحه

ظهر - تراي - سواعد

راحه

اكتاف - ترابيس

ارجل

utahss

02-10-2009, 11:04 PM

اوكي حلو وتمام جدا جدا

المطلوب الان ... من البروتينات و التوتال .. اي نوع .. يعني انا بروح المحل عشان اشتريهم .. بس ما ابغا اصير غبي هنااك لو سألني عن الي تحتاجه ... يعني عطني الاشياء الي تفيدني كثير .. مع اسمائها .. وان شاء الله اليوم انا شاريها

انا كنت ادخن بس قطعته ... و السهر ما اسهر الا قليل اذا كان عليا اختبار ولا شغله صعبه
وبالنسبة للاكل عندي مصيبه المدينة الي انا فيها مافي اكل حلال .. فــ اللحوم و الدجاج وغيرها .. ماناكلها كل يوم .. يعني نضطر لقطع ما يقارب 300 كيلو لشراء لحوم ووو ... فــ ابغا شيء يعوض عن هالشغلات ويفيدني كثير مع اسماء عشان اعرف اطلبها

وشكرا جدا لتعاونك اخوي

AmiTy Ville

02-10-2009, 11:57 PM

300 كيلو *-* عموما حاول تاكل كل شي موجود وتقدر عليه لايضر لانك تحتاج وزن بس ابتعد عن الغازات

التروماس ممتاز واذا تبا قوة اكثر فا السوبر جاينرز فيول - برو - ممتاز

الميجا امينو 10000

ملتي فيتامين نفس انيمال باك او غيره لايضر

هنا يكفي ك بدايه ومن تخلص شهر راح يكون خلصو المكملات اللي عندك تقريبا بعدين نعطيك كورس غيره

على حسب كم طلعت وكم باقيلك من وزن بس شد حيلك وحاول تزيد رفع اوزان قد ماتقدر بشكل معقول

ابدأ بوزن خفيف وتدريجيا زيد الوزن ولاتلعب تكرار عالي

وزن ثقيل وتكرار خفيف

بالتوفيق عزيزي وانتبه لعمرك

utahss

03-10-2009, 12:05 AM

ابشر اخوي شكرا على النصائح وطبعا راح اجيك بعد شهر من بداء العمل

ولو حبيتو اصدر لكم شيء تحتاجونه او ايش انا حاضر لكم .. وبعدها راح نكمل البرنامج وشكرا لك كثيرا

AmiTy Ville

03-10-2009, 12:18 AM

العفو وماتقصر عزيزي عموما شد حيلك

utahss

03-10-2009, 01:29 AM

السلام عليكم

اخي الكريم ذهبت الى GNC
ولكن لم اجد الا Amino 1000
طبعا في امينو ووواجد انواع وارقام مدري شسالفتها
وهاي صورته http://gnc.imageg.net/graphics/product_images/pGNC1-2332092nm.jpg

والان هناك منتجات كثيره غير المنتجات الي عطيتني .. بعطيك الموقع وشوف المنتجات كلها موجوده بالموقع وشوف الي يناسبني لاني ما ابغا اشتري بدون استشارة خبراء وكذا

http://www.gnc.com

AmiTy Ville

03-10-2009, 04:09 AM

والله ياخوي دورت بالموقع ومالقيته بس عندهم امينو فيول ممتاز ايظا خصوصا الشراب
حبوب
http://t1.gstatic.com/images?q=tbn:LQcF9Kcsv0QxmM:http://www.yourbesthealthfitness.com/image_manager/attributes/image/image_5/41351007_9235501_thumbnail.jpg

شراب
http://t1.gstatic.com/images?q=tbn:-za5SEEGhk2ENM:http://fitnessprodirect.com/imgs/small/aminoliq.jpg

الميجا امينو هذي صورته

http://resultsvshop.com/images/products/1%20amino.jpg

وعندك غيره امينو 10000 ايه بي ان هذي صورته وموقعه
http://www.k-maxx.com/images/animo10K.jpg

http://www.k-maxx.com/apndirect/aminoacids.htm

راح تلقاهم ف المحلات مايحتاج تاخذ من النت وانت ف البلد رقم 1 بالمنتجات

وعندك ايظا انابوليك 20000 جيدا

http://www5.0zz0.com/2009/09/20/01/189270389.jpg

وايظا امينو 2222 كابس وليس سوفت جيل

http://t3.gstatic.com/images?q=tbn:ni6TNHmnvWnI1M:http://www.getprice.com.au/images/uploadimg/1059/350__1_1957361-1.jpg

وايظا عندك سوبر امينو 4800

http://www.all-nutritions.com/images/SuperAmino300cps.gif

كل هالنوعيات ممتازه عزيزي فقط عليك بالاختيار

واعذرني ياخوي فا انا ما اشتري من النت فا عشان جذي ماقدرت اشوفلك 100%

utahss

03-10-2009, 04:48 AM

لا حبيبي ما فهمتني انا ما اشتري من الانترنت .. انا فقط اشيك على منتوجات شركة GNC قبل الذهاب لفرع والشراء

( والان انا ضايع ... اخوي بتعبك معاي .. انت وصيتني على 3 اشياء .. سوبر امينو سمعت عنه يمدحونه .. وباقي الاشياء ايش اخذ ... لان انا في مدينة صغيره مو كبيره فــ المحلات معدوده مافيها .. وفي هالشركة فقط الي حصلتها .. فـــ ابغاك تشيك على الموقع .. تشوف ايش يناسبني بالضبط )

اوكي راح اشتري 1- سوبر امينو
2- ماني عارف
3- ماني عارف
لديك الموقع الشركة يقدم كل المنتجات التي تباع لديهم في موقع www.gnc.com (http://www.gnc.com) ليس شراء من الموقع بل فقط اطلاع للمنتجات قبل شرائها
وهناك المنتجات بالاسماء و الصور
فياليت تعطيني الشيئين الثانين الي راح يساعدوني
او اني استخدم فقط سوبر امينو ؟ لاني مو عارف هل اشتري شيء واحد او شيئين او ثلاثه الردود الي فووق ضيعتني مو عارف لي والي عليا من انواع العلاجات الي بشتريها

AmiTy Ville

03-10-2009, 05:05 AM

مو قلتلك عزيزي امينو + واي بروتين + ملتي فيتامين

utahss

03-10-2009, 05:13 AM

اوكي عزيزي .. امينو و حصلانه و اي بروتين .. حصلت كثير وانواع كثيره بسأله عن نوع كويس للمبتدئين .. وباقي ملتي فيتامين
وحصلت هذا هل هو المطلوب :

وحصلت هذا

http://gnc.imageg.net/graphics/product_images/pGNC1-2331277t130.jpg

GNC Vitamin C 1000
http://gnc.imageg.net/graphics/product_images/pGNC1-6416015t130.jpgGNC Mega Men® Sport (http://www.gnc.com/product/index.jsp?productId=3359069)

http://gnc.imageg.net/graphics/product_images/pGNC1-4140370t130.jpgBiotab Nutraceuticals Extenze™ (http://www.gnc.com/product/index.jsp?productId=2890683)
http://gnc.imageg.net/graphics/product_images/pGNC1-4623589t130.jpgGNC Preventive Nutrition® CoQ-10 100mg (http://www.gnc.com/product/index.jsp?productId=3065208)
http://gnc.imageg.net/graphics/product_images/pGNC1-5385496t130.jpgGNC Mega Men® (http://www.gnc.com/product/index.jsp?productId=3629956)
http://gnc.imageg.net/graphics/product_images/pGNC1-5038994t130.jpgGNC Women's Ultra Mega® Multivitamin (http://www.gnc.com/product/index.jsp?productId=3202335)
http://gnc.imageg.net/graphics/product_images/pGNC1-3377309t130.jpgGNC Mega Men® Sport Vitapak® (http://www.gnc.com/product/index.jsp?productId=3293809)
http://gnc.imageg.net/graphics/product_images/pGNC1-2331683t130.jpgGNC Mega Men® Performance & Vitality Program (http://www.gnc.com/product/index.jsp?productId=3620047)
http://gnc.imageg.net/graphics/product_images/pGNC1-6555105t130.jpgGNC Mega Men® (http://www.gnc.com/product/index.jsp?productId=3747419)
http://gnc.imageg.net/graphics/product_images/pGNC1-4306700t130.jpgGNC Triple Strength Fish Oil (http://www.gnc.com/product/index.jsp?productId=3685052)
http://gnc.imageg.net/graphics/product_images/pGNC1-2331277t130.jpgGNC Vitamin C 1000 (http://www.gnc.com/product/index.jsp?productId=2133416)
http://gnc.imageg.net/graphics/product_images/pGNC1-6416015t130.jpgGNC Mega Men® Sport (http://www.gnc.com/product/index.jsp?productId=3359069)

وكيف تنظيم استخدامهم ..؟

اسف ع ازعاجك كثيرا

mashkaljey

03-10-2009, 05:26 AM

اخوي بالنسبه للواي بروتين اسال عن واي بروتين نسبه الفات فيه اقل من 2 جرام <=---- دقق على هالامر

وبعد ما تحصل البروتين ابحث عن كمية البروتين في السكوب الواحد وليس اكثر من سكوب مثل الواي بروتين من شركة الاوبتيم يعطيك 25 جرام ونسبه الفات فيه 1 ونص يعني ممتاز

وبالنسبة للملتي فيتامين لا تاخذ من محلات ال gnc وفر على نفسك واسأل اقرب صيدليه بتحصل عندهم ملتي فيتامين وارخص ان شاء الله والملتي فيتامين استخدامه حبه واحده فقط باليوم

موفق يا بطل

utahss

03-10-2009, 05:55 AM

والبروتين .. كيغ استخدمه + و امينو كيف استخدمه يعني اكل وبس ولا كيف ابغا برنامج

مثلا البروتين 3 مرات .. مثلا اول ما اصحى اخذ لي كااس و قبل ماروح الجم بساعتين اخذ كاس و بعد ما اطلع اخذ كاس و ملتي فيتامين اخذ حبه باليوم .... وبالنسبة امينو كيف استخدمه ؟؟

utahss

03-10-2009, 06:11 AM

ههههههههههههه لا انا على حساب الدوله .. واخوي كل شيء له وقته .. ومستحيل الانسان يعيش على الكتب فقط .. كثير من الامريكان و اصدقاء اعرفهم يروح الجامعه وياخذ ملابسه معاه في الحقيبة يخلص يروح المكتبه يحل واجباته يذاكر يخلص يتدرب ويرجع وهاي ياخي هوية اشغل نفسي ليه.. نبغى الصحه الزينه ونفس الوقت نشغل وقتنا الي بعد الدراسه بدال ما العب يمين يسار اسوي اكتفتي يفيدني

mashkaljey

03-10-2009, 06:22 AM

اهلا اخوي اذا السوبر امينو الجرعة الواحده 4 حبات تاخذ 4 الصبح وتاخذ 4 بعد التمرين ويفضل على معده فارغه ولا باس تاخذه قبل لا تنام

البروتين اذا كان الواي بروتين من شركة الاوبتيم تاخذ سكوبين مع كوب ماء 3 مرات باليوم اول واحد اولى ما تصحى من النوم والثاني بعد التمرين وليس قبله والثالث قبل ما تنام

وياليت اخوي الجديه في الحديث ترى ماني ملزوم ارد على احد اسلوبه مثلك كلمني عدل ارد عليك عدل والاخ اللي داخل يقول روح ادرس اخوي اذا اللعبه مو حابها لا تتدخل بامور غيرك هذا قسم لياقه بدنية وقت الضحك خلوه في الشاتات

سلام

مستر حديدوز

03-10-2009, 07:33 AM

أخي مشكلجي لاتتدخل ان أدري انك تقصدني انا عطيته نصيحة لا أقل ولا أكثر لكي يهتم بالجامعة ودراسته لكن الأخ بين لي السبب ان عنده وقت فراغ...
كلمة أخيرة لك يا مشكلجي لا تتدخل في شىء ما يخصك وانا عموما س}لت سؤال للجميع وما خصصت لك انت...
فلا تفكرني متعطل عليك...
وشكرا لاك أخوي utahss على ردك السريع واسف اذا أزعجتك بكلامي....وشكرا لك

mashkaljey

03-10-2009, 07:44 AM

اخوي لمن تشوف احد يرد على موضوع واحد يستفسر وتدخل حضرتك او اي واحد ويرد يقوله ليش تلعب فهذا استخفاف بالشخص اللي رد وتعب نفسه

وانا ما حطيت علامة استفهام بكلامي انا اقصدك انت بردك ( هلا اخوي بدل ما تتمرن وتشغل نفسك في هذه الشغلات اهتم بدراستك وراك مستقبل تهتم فيه والحديد لاحق عليه ) واقصد صاحب الموضوع بكلامي لانه هو بعد رد باستخفاف مثلك ويقول ( والبروتين .. كيغ استخدمه + و امينو كيف استخدمه يعني اكل وبس ولا كيف ابغا برنامج )

نحن هنا ما دخلنا لاجل نرضيك يوم تزعل من الحق اذا زعلان من الحق ازعل يا اخي واذا تبي تستخف دمك معاي ترى انا اكبر خفيف دم على وجه الارض حياك بعطيك ايميلي ونضحك للصبح لكن لا تدخل على الناس بمواضيعها مثل ما دخلت على اخوي عزة النفس وكتبت

ويش دراك ان هذا نظام الجون سينا ...
شكلك ساكن معا في البيت و انا ما أدري...هههههههههههههههه
طيب قول لينا كم ساعة ينام ومتى يصارع وكم راتبه...

يعني اشوف زعلت لمن انا كتبت لك وين دليلك على ان الامينو مضر وما تبي احد يزعل من استخفافك بتعب الغير وانه حاب يفيد غيره

ولا تدري شلون انا ضيعت وقتي حيل معاك قاعد افهم واعيد وارتب ليش ؟ بكيفك زعلت ولا ما زعلت

سلام

utahss

03-10-2009, 12:40 PM

سلام عليكم ورحمة الله ...
اخي الكريم .. اولا : الضحك مو ممنوع سواء في منتدى لياقة بدنية او غيرها .. و الحياة مو كلها جديه وكل الكلام جد في جد .. انا طول الموضوع كله ما ستهزءة باحد ولكن عملت (ههههههههه) يعني استهزاء ( كبر عقلك)

وثانيا : انا يوم طلبت طريقة الاستخدام ليس استخفاف كما قلت حضرتك .. بل انا مبتدء ولا عمري استخدمتها .. هل استخدمها من علقي ومن مخي واضر نفسي وانا ما اعرف كيف ؟

الان اتضح لي المعلومه متى اخذ هاي الاشياء وطريقة استخدامها ولا هي اخذها واكلها ونتهينا ...و انا اقصد بكلمة اكلها وبس ولا كيف .. يعني النوع الفلاني هل هو بودره او حبوب .. الحبوب كم حبه ؟ البودره كم ملعقة وشكبر الغلاس وشغلات زي هيك .. لاني انا طالع اشتريها وكذا فــ اريد خلفيات وعن استخدامها .. اذا انت عندك خبره في هالشغلات فــ غيرك يجلها لو يراها من قبل ولا يستخدمها من قبل

( خليك روحك رياضيه يا رياضي ) وخليك نفسك عاليه واضحك لو اشوية ولا تعيش حياتك اليومية كلها جديه في جديه لا تضحك ولا تقول حاجه تفتح الصدر ... الله يكون بعونك يارب

اللورد الأحمر

03-10-2009, 07:00 PM

عطاكم الله العافية أخواني....
صلوا على محمد وال محمد وهدوا ولا تعصبوا شباب ترى الرجال مو قصده يمزح...
أخي مشكلجي : خلي روحك رياضية ولا تعصب بسرعة...
أخي مستر حديدو : لا تستظرف واجد وكل شىء له حدود يعني لا تمزح واجد ولا تاخذ الامور بجدية كبيرة خلك وسط...
أخي utahss:أشكرك على ردك المميز والهادىء بالتوفيق ان شاء الله...
تحياتي لكم اللورد الأحمر....

اللورد الأحمر

03-10-2009, 07:02 PM

عطاكم الله العافية أخواني....
صلوا على محمد وال محمد وهدوا ولا تعصبوا شباب ترى الرجال مو قصده يمزح...
أخي مشكلجي : خلي روحك رياضية ولا تعصب بسرعة:12:....بالتوفيق يا بطل
أخي مستر حديدو : لا تستظرف واجد وكل شىء له حدود يعني لا تمزح واجد ولا تاخذ الامور بجدية كبيرة خلك وسط...:D
أخي utahss:أشكرك على ردك المميز والهادىء بالتوفيق ان شاء الله...:biggthump
تحياتي لكم اللورد الأحمر....:)

AmiTy Ville

03-10-2009, 08:30 PM

ياجماعة الخير القصد اللي ماله شغل بالموضوع وماعنده رد يتضمن اسئلة الموضوع فا ماله داعي يرد ويكتب شي

عموما عزيزي

انت تحتاج 13 كيلو زياده يعني تحتاج حاليا فات لو بس تطلع 10 كيلو وبعدين يتغير البروتين وتاخذ فات 1 ونص او 2 وتبدا عضل صافي

عموما الترو ماس ممتاز وجرعته الوحده 3 سكوبات وتاخذه ثلاث مرات باليوم الصبح مع حليب قليل الدسم او منزوع الدسم | بعد التمرين بنص ساعه مع ماي بارد | قبل النوم مع حليب منزوع او قليل الدسم

اما اذا مابتاخذ غير من فرع جي ان سي وماعندهم تروماس فا شوفلك شبيه له لأنك تحتاج فات مقارنة بوزنك ولو فات بسيط مو مشكله والبروتين انتبه يكون بسيط لازم تكون نسبته ممتازه

الامينو مثل ماقالك عزيزي مشكلجي
الملتي فيتامين تقدر تاخذه من الصيدليه اذا تبا توفر

ماقصرت يامشكلجي اول انا والحين انت :)