مبتدئ كمال اجسام يستفسر عن كيفية بدايتي بالمجال

[قطرة الماء]

السلام عليكم ورحمة الله وبركاته


كيف حالكم أخواني الكرام ؟

إن شاء الله الكل يكون بخير


أخواني أنا راح ادخل في الموضع على طول

حقيقه أنا ناوي ابدأ تمارين لبناء الجسم

أنا في الأول والاخير هدفي انه جسمي يكون مشدود والعضلات تكون بارزه

يعني ما ابغى جسمي يكون كتل عضلات .. بالعربي أبغى جسمي ستايل



طيب انا ببدأ في إستفساراتي

أولا انا طولي 183 ووزني حاليا 74 .. تقريبا نزلت 10 كيلو في الثلاث أشهر الاخيره

وحسبت نسبة الدهون في الجسم وطلعت 16.33 %

أنا حاليا ملاحظ أنه بطني وخصري عليهم شويه ترهلات بالإضافة إلى أفخاذي والساق



وحاب أعرف هل أبدا في التمارين الثقيله أو أنه في البدايه ازيل الشحوم هذي

ومع العلم أني ماني ناوي ادخل نادي أو غيره

حاليا عندي اثقال للتمارين 15 كيلو

http://www.exerciseequipment.co.uk/modules/showimagecached.aspx?imageurl=/images/db/47-487-ProductImage1.jpg

بالإضافة إلى اوربتراك مثل الي في الصوره التاليه

http://1.bp.blogspot.com/_d3Kqt3oUnbI/SllPVSvAA0I/AAAAAAAAACQ/lowHCl-fvVk/s320/z.jpg

واشتريت كتاب تمارين في البيت


يعني هل أبدا في التمارين الي في الكتاب ومع التمارين راح تذاب الترهلات

أم أنه لازم ازيلها وبعدين ابدأ بناء الجسم

وياليت تعطوني تمارين إزاله الشحوم إذا لزم الأمر

وياليت تكون بتوضيح إذا أمكن لأني فعلا ما افهم التمارين ايش هي وايش معانيها :28:

وآسف على الإطالة

[AmiTy Ville]

اهلا وسهلا فيك عزيزي ان شاءالله تستفيد مع الجميع وتفيد قدر المستطاع وحياك الله بيم اخوانك

بصراحه دام ناوي جسم فرنسي ولا بتروح النادي وماعندك غير هالاجهزه فا صعبه ياخوي وايظا بدون مكملا غذائيه هم صعبه

ركز على تغذيتك اهم شي وعن موضوع ازالة الشحوم اذا هي شي خفيف فا مايحتاي تقسم جدولك تخسيس وبعدين بناء عادي ابني وبنفس الوقت ركز ع تمارين البطن والخواصر وامورك طيبه

بس يشترط وجود بعض الادوات عندك فالبيت دام انك ماراح تسجل بنادي ولاتنسى التمارين السويديه ممتازه خصوصا مع التعود وزيادة التكرار وتقويه العضله

ان شاءالله يفيدونك باقي الاعضاء

ملاحظه: تم تعديل العنوان يرجى الاطلاع على قوانين القسم تجنبا للمخالفات

[speed 4 ever]

وانا بستفسر عن الحجامه دامك فاتح موضوع استفسار
ودي اسويها بس وش راي الشباب فيها بالنسبه للياقه البدنيه والقوة العضليه

[قطرة الماء]

كل الشكر لك أخوي AmiTy Ville على التوضيح

لكن ممكن توضح لي ايش ممكن أخذ مكملات غذائيه

وكمان ايش هي الادوات الي ممكن اضيفها

مع العلم أنه الكتاب يكفيه الاثقال نفس الموضحه في الصوره

وكل الشكر لك أخوي مره ثانيه

وأعذرني لأنه ما عندي خبره ابدا ابدا في مثل هذي المواضيع




وانا بستفسر عن الحجامه دامك فاتح موضوع استفسار
ودي اسويها بس وش راي الشباب فيها بالنسبه للياقه البدنيه والقوة العضليه


إن شاء الله الأخوان يفيدوك :)

[اللورد الأحمر]

عزيزي بالنسبة للأدوات اللي ممكن تضيفها عندك بار حديدي كامل مع أوزان راح يفيدك كثير ...

وكرسي للتمارين متعدد الأغراض ....


وشكرا ..

[قطرة الماء]

كل الشكر لك أخوي اللورد الاحمر


وبالفعل انا ناوي اجيب الكرسي

لكن بخصوص البار راح اخليه قدام شويه

والله يعطيك ألف عافيه

[ولد ابوظبي]

السـلام عليكمـ .. بما إنك نااوي يالطيب تتمرن فالبيت ..
يتطلب هالشي عدة اشياء .. البار - الدمبلز - الكرسي (ويفضل الكرسي بكون فيه تمرين حق الأرجل)
الغـالي أنا نفسك .. خذتلي كل شي وحطيته فالبيت.. بما ان الصـاله بعيده وكنت أكمل شهر وأقطع واكمل شهرين وأقطع
أتمنى لو إنك قبل مااتتسرع وتشتري هالأشياء تسجل بنادي وتتمرن فيه ع الاقل شهر ..
تاخذ جدول وتاخذ خبره وكيف عمل التمارين بشكل صحيح.. لأنه اذا مافي أحد عنده خبره يشرف عليك, ممكن راح تقع في أخطاء و ماتعطيك نتايج بالشكـل المطلوب.. أو لا سمح الله تصيب نفسك أو انك تتملل شرات البعض اسبوع ويتركون لأنك مب مجرب..
هذي هيه وجهة نظري الشخصيه وبما إنك ناوي تشتري .. قبلها جرب وعيش الجو فالنادي وتعلم وقرر :) احسن ماتخسر و هذه اذا كان لك المقدرة
وبالنسبة للترهلات في البطن والخواصروغيرها.. فيه تمارين للبطن والخواصر وفيه مواضيع لأعضاء يعانون من نفس المشكله تقدر تشوفها فالقسم والمشرفين مب مقصرين معاهم فالردود

أتمنى انك تاخذ لفه على القسم وراح تقدر تستفيد من أسألة الأعضاء ومواضيع كيفية التمارين بشتى أنواعها
وماراح يقصرون معاك أهل الخبرهـ فالرد

تحياتي .. أخوك ولد بوظبي

[قطرة الماء]

السـلام عليكمـ .. بما إنك نااوي يالطيب تتمرن فالبيت ..
يتطلب هالشي عدة اشياء .. البار - الدمبلز - الكرسي (ويفضل الكرسي بكون فيه تمرين حق الأرجل)
الغـالي أنا نفسك .. خذتلي كل شي وحطيته فالبيت.. بما ان الصـاله بعيده وكنت أكمل شهر وأقطع واكمل شهرين وأقطع
أتمنى لو إنك قبل مااتتسرع وتشتري هالأشياء تسجل بنادي وتتمرن فيه ع الاقل شهر ..
تاخذ جدول وتاخذ خبره وكيف عمل التمارين بشكل صحيح.. لأنه اذا مافي أحد عنده خبره يشرف عليك, ممكن راح تقع في أخطاء و ماتعطيك نتايج بالشكـل المطلوب.. أو لا سمح الله تصيب نفسك أو انك تتملل شرات البعض اسبوع ويتركون لأنك مب مجرب..
هذي هيه وجهة نظري الشخصيه وبما إنك ناوي تشتري .. قبلها جرب وعيش الجو فالنادي وتعلم وقرر :) احسن ماتخسر و هذه اذا كان لك المقدرة
وبالنسبة للترهلات في البطن والخواصروغيرها.. فيه تمارين للبطن والخواصر وفيه مواضيع لأعضاء يعانون من نفس المشكله تقدر تشوفها فالقسم والمشرفين مب مقصرين معاهم فالردود

أتمنى انك تاخذ لفه على القسم وراح تقدر تستفيد من أسألة الأعضاء ومواضيع كيفية التمارين بشتى أنواعها
وماراح يقصرون معاك أهل الخبرهـ فالرد

تحياتي .. أخوك ولد بوظبي



كل الشكل لك أخوي Weld AD


بالنسبه للأشياء أنا باقيلي الكرسي والبار

وبخصوص الدخول للنادي مده شهر على الأقل .. ما يهمك أنا راح أخذ فكره من صديق لي هو عنه خبره في هذي الامور ومتمرس

والله يعطيك ألف عافيه على النصائح والدفع المعنوي :)

[safitop]

الحقيقة الشباب جاوبوك بطريقة سهلة ويمكن ان تستفيد من مواضيع الاخوين مشكلجي و سبورتي

[قطرة الماء]

^^

بالفعل الأخوان ما قصروا معايا ابدا


والله يقدم الي فيه الخير

[قطرة الماء]

أخواني لدي استفسار

ما هي اسباب الرجفه أثناء التمارين خصوصا اذا شديت جسمي ؟

[ولد ابوظبي]

اخويه قطرة .. ماعندي أي فكره عن الرجفة لأنها ابد ماصارت معاي الحمدلله ..
افتح موضوع يديد والأعضاء يفيدونك