المساعد الشخصي الرقمي

مشاهدة النسخة كاملة : مبتدئ رياضيا تنشيف عندي زياده وزن واتمنى تفيدوني بعض الاستفسارات


ابو مهاا
09-03-2010, 12:28 PM
السلام عليكم ياخوان طبعا اللسان يعجز عن وصف متعتي وانا داش هل منتدى واقرى مشاركات الاخوان حتى اني سويت لي يوزر عشان اتشرف واتواصل معاكم واستفيد من خبراتكم والله يجعله في ميزان اعمالكم بدش بالموضوع شباب
انا عمري 23 طولي 186 ووزني حاليا 116 قبل اسبوع كان 120 ماشاء الله الحمد لله ماشي رجيم صح ولعب بالنادي المعدل 3-4 ساعات سويدي سباحه مشي + استخدم ليبو 6 بلاك وصراحه عجيب هل منتج وهذا اول منتج استخدمه
الحين سؤال انا عندي ترهلات بالصدر زياده بالدهون واضحه والبطن كذلك بس تحت بالجسم عادي
يعني الرجول والفخوذ عاديه زياده بسيطه فالحين انا عندي جم استفسار
1- هل لما اتمرن سويدي بشكل يومي يشد الجلد يعني مايترهل او يصير شكله خايس يطلع الجلد يبين زايد
2- شنو تنصحوني فيه بناحيه اني مبتدئ بالرياضه وواللعب بالنادي
3- انا استخدم بس ليبو 6 بلاك في شي ثاني احتاجه يفيدني بعد
4- هل اللعب حديد او اكمل سويدي تنشيف
5- انا اتمنى اني اوصل للجسم الفرنسي وشنو اسوي عشان اوصل لهل شي
انا حطيت اسأله وارقام يا اخوان بس في استفسارات فوق ماكتبتها اعذروني لطريقه الكتابه ماتعودت اكتب مواضيع وجزاكم الله خير اتمنى انه تفيدوني وان شاء لله اجركم على الله ودعوه بظهر الغيب
آبو رآشـد
09-03-2010, 12:45 PM
- هل لما اتمرن سويدي بشكل يومي يشد الجلد يعني مايترهل او يصير شكله خايس يطلع الجلد يبين زايد

انت عندك زيادة 20 كيلو تقريبا وعادي وضعك مع التمارين راح تشد جسمك

2- شنو تنصحوني فيه بناحيه اني مبتدئ بالرياضه وواللعب بالنادي

تبعد عن الدهون وتاكل اكل صحي وممتاز تستمر على الليبو 6 انتبة من الرجيم القاسي عشلان ما تجيك دوخة في التمارين اذا وصلت وزنك اذا طلعت من السويدي خش في الحديد تقسيم لان كل ما كسبت عضل حرقت اكثر

3- انا استخدم بس ليبو 6 بلاك في شي ثاني احتاجه يفيدني بعد

لا داعي ابدا لشي ثاني حاليا استمر على الليبو 6

4- هل اللعب حديد او اكمل سويدي تنشيف

ذكرت لك سابقا لازم تخش في الحديد والسويدي لان في الحديد معدل الحرق اكثر من باقي الالعاب لكن مشكلتها انك وزنك ينقص شوي شوي في البجاية لانك تكسب عضل وتنقص دهون بنفس الوقت


5- انا اتمنى اني اوصل للجسم الفرنسي وشنو اسوي عشان اوصل لهل شي

ارجع واقول ذكرت لك سابقا واهم شي الاكل ابعد عن الدهون انت قدامك تقريبا 20 كيلو ولا شي بشهر تقدر تنقصها وتطيرها لكن بالاكل والتمرين وبالنسبة للجلد يا ليت تخش ساونا ايضا بعد السباحة

بالتوفيق
منادة الليل
09-03-2010, 03:15 PM
بطل صراحة يا بوراشد ماشاءالله عليك

بالتوفيق
AmiTy Ville
09-03-2010, 03:59 PM
1- هل لما اتمرن سويدي بشكل يومي يشد الجلد يعني مايترهل او يصير شكله خايس يطلع الجلد يبين زايد

شي طبيعي مع التمارين راح تشد لكن الصبر مفتاح الفرج وعندك 30 كيلو عزيزي

2- شنو تنصحوني فيه بناحيه اني مبتدئ بالرياضه وواللعب بالنادي

المبتدئ بيتعلم ويصير محترف - اهتم براحتك ليلا وابتعد عن الدهون المشبعه والنشويات والمعجنات والمشروبات الغازيه وقلل الكاربوهايدرات ليلا + تمارينك ومجهودك القوي وان شاءالله توصل للمطلوب

عدم السباحه بماء فاتر + ياريت تدرجلنا جدول تغذيتك ( الرجيم )

3- انا استخدم بس ليبو 6 بلاك في شي ثاني احتاجه يفيدني بعد

عند استخدام منتج حارق دهون فا يجب عدم استخدام منتج حارق اخر وعدم شرب القهوة او منتج يحتوي علي كافين

4- هل اللعب حديد او اكمل سويدي تنشيف

كمل سويدي وكارديو وخسس صح بالاضافه الى تمارين حديد بوزن معتدل وتكرار عالي وحرق للدهون ولاتهمل المشي السريع والهروله فهم ممتازين

5- انا اتمنى اني اوصل للجسم الفرنسي وشنو اسوي عشان اوصل لهل شي

هذا بعد ماتخسس وتنزل وزنك و مع الحديد ورفع وزنك قليلا ولعب تمارين تقسيم ان شاءالله راح توصل للهدف
ابو مهاا
09-03-2010, 09:28 PM
الله يجزاكم خير ولله انكم رجال ماقصرتوا كفيتوا ووفيتوا وان شاء الله راح استمر بالنسبه للرجيم الي مسويه اهو رجيم يعتمد على نوعيه الاكل ووفيه تنويع وبكتب نظامي فيه
على الريق ماء دافي مع نص ليمونه اعصرها ويا قفشه عسل طبيعي واخلطهم اشربهم بعدها بساعه تقريبا توست 1 اسمر + لبنه او جبنه بيضا او بيضه مسلوقه مع عصير برتقال او حليب خالي الدسم
الغدى غالبا يكون دجاج مشوي او سمك او لحم او رز خفيف مرات او بيضتين مسلوقتين + سلطه خضرا وتوست اسمر انا هني اللغيها اعتقد وحده كافيه باليوم
العشا يكون عاده شوربه او بيضه او سلطه تونه + نوعين من الفاكهه وغالبا اكل وحده وتفاحه خضرا
هذا نظام بالنسبه للرجيم طبعا نهائيا ماقرب صوب المشروبات الغازيه او الدهون وهل سووالف والحمد لله وانا صديق لي يقولي لو تبلش حديد الحين مع السويدي او اكمل سويدي وسباحه بس
انا حسب ماقريت ومعلوماتي المحدوده افكرت اني اكمل يعني شهر سويدي بعدين ادش حديد
طبعا انا يا اخوان مايهمني نزول وزني حيل بكثر مايهمني انه يكون شكل الجسم اوكي فمادري الحين انتم شنو أرائكم والله يجزاكم خير ماعليه كثرت بالأسأله وانتم طيبين وان شاء الله بنكون نستاهل ونوريكم النتايج بعد شهر من الحين
ابو مهاا
09-03-2010, 09:47 PM
هههههههه يا جماعه المنتدى شكل علي وانا اكتب الموضوع فمادري المهم اختاروا اي رد وحاولوا تحلون اللغز هههههههههه وتردوون علي اسف على الاطاله وجزاكم الله خير
AmiTy Ville
09-03-2010, 10:26 PM
حاولت احذف الرد المتكرر بس معلق عندي :)

امورك طيبه عزيزي وشد حيلك وركز على السلطات والفواكه بين الوجبات
ابتعد عن المانجا والموز من بعد التمرين

بالنسبة للبيض عدم تناول صفار البيض
بالنسبة للماء عالريق صباحا يفضل ماء متوسط + خل التفاح

بالتوفيق اخوي
ابو مهاا
09-03-2010, 10:36 PM
مشكور اخوي على الرد والله كريم ان شاء الله جزاك الله خير